رواية ما بين الصباح والمساء الفصل الرابع 4 بقلم مشاعر مبعثره
ﻗﻮﻣﻲ ﻳﺎ ﺑﻨﺖ ﺍﻟﺒﺴﻲ ﻟﻚ ﺣﺎﺟﻪ ﺣﻠﻮﻩ ﻭﺗﻌﺎﻟﻲ ﺳﻠﻤﻲ ﻋﻠﻰ ﺍﻟﺠﻤﺎﻋﻪ ﻋﺎﺩ ﻟﻜﻦ
ﻃﻠﻌﺘﻲ ﻓﺎﻟﺤﻪ ﻭﺟﺒﺘﻴﻪ ﺑﺲ ﻛﺎﻥ ﺗﻮﺭﻳﻨﺎ ﻋﺸﺎﻥ ﻧﻌﻤﻞ ﺣﺴﺎﺑﻨﺎ ﻳﺎ ﺣﻴﻮﺍﻧﻪ ﺍﺳﻲ
ﺷﻮﻓﻲ ﻓﺎﺟﺄﻭﻧﺎ ﻛﻴﻒ ﻭﺍﻧﺘﻲ ﺣﺎﻟﺘﻚ ﺑﺎﻟﺒﻼﺀ : ﺍﻣﻲ ﺍﻭﻝ ﺷﻲ ﺍﻧﺎ ﻣﺎ ﺣﺎﺍﻃﻠﻊ
ﺍﺳﻠﻢ ﻋﻠﻰ ﺍﻱ ﺯﻭﻝ ﻭﻣﺎ ﻣﻮﺍﻓﻘﻪ : ﻣﺎ ﻣﻮﺍﻓﻘﻪ ﻣﺎﻟﻚ ﻳﺎﻟﺴﺎﻳﺒﻪ ﻗﺎﻳﻠﻪ ﺭﻭﺣﻚ
ﺑﺘﻠﻘﻲ ﺍﺣﺴﻦ ﻣﻨﻮ ؟؟ : ﺍﻣﻲ ﻳﺎﺥ ﻣﺎ ﻣﻤﻜﻦ ﺑﺲ ﺍﻱ ﺯﻭﻝ ﻳﺠﻴﻜﻢ ﺗﻠﺼﻘﻮ ﻓﻴﻨﻲ
ﻣﺎ ﺷﺎﻳﻔﻪ ﻓﺮﻕ ﺍﻟﻌﻤﺮ ﺑﻴﻨﺎﺗﻨﺎ : ﺍﻟﻌﻤﺮ ﺭﻗﻢ ﻳﺎ ﺍﺧﺘﻲ ﻭﺍﻟﻨﺎﺱ ﺑﻘﻮ ﻣﺎ ﺑﺮﻛﺰﻭ ﻓﻴﻪ
ﻛﺘﻴﺮ ﺯﺍﺗﻮ ﻣﺎﻓﻲ ﻓﺮﻕ ﻛﺒﻴﺮ ﻛﺪﺍ ﺑﻴﻨﺎﺗﻜﻢ : ﺍﻣﻲ ﺍﻟﻤﻮﺿﻮﻉ ﻣﺶ ﺍﻧﺘﻬﻰ ﻣﺎﻓﻲ
ﻣﻮﺿﻮﻉ ﻣﻦ ﺍﺳﺎﺳﻮ ﺍﻧﺎ ﻣﺎ ﻣﻮﺍﻓﻘﻪ : ﻫﻮ ﺍﻟﺸﻐﺎﻝ ﺑﺮﺍﻳﻚ ﻣﻨﻮ ﺍﺑﻮﻙ ﻣﻮﺍﻓﻖ
ﻭﺍﺩﻯ ﺍﻟﻨﺎﺱ ﻛﻠﻤﺘﻮ ﺑﺲ ﺍﻟﻌﺮﻳﺲ ﻗﺎﻝ ﻋﺎﻭﺯ ﻳﺴﻤﻌﺎ ﻣﻨﻚ ﻭﺍﺩﺍﻙ ﻣﻬﻠﻪ ﻳﻮﻣﻴﻦ
ﺗﻔﻜﺮﻱ ﻭﺗﺪﻳﻪ ﺭﺍﻳﻚ : ﺳﻤﺢ ﺍﻧﺎ ﺑﻌﺮﻑ ﺍﺃﺩﺑﻪ ﻛﻴﻒ ﻗﻠﺘﺎ ﻓﻲ ﺳﺮﻱ ﻃﺒﻌﺎ ﺍﻟﻤﻬﻢ
ﻗﻌﺪﺕ ﻣﺘﻮﺗﺮﻩ ﻟﻤﻦ ﻫﻢ ﻣﺸﻮ ﻭﺗﻠﻔﻮﻧﻲ ﻣﺎ ﻋﺎﻭﺯ ﻳﻮﻗﻒ ﺭﻥ ﺍﺑﻮﻱ ﻧﺎﺩﺍﻧﻲ
ﻣﺸﻴﺖ ﻓﻲ ﺧﻄﻮﺍﺕ ﺧﺎﻳﻔﻪ
ﻃﺒﻌﺎ ﺍﻧﺘﻲ ﺑﺘﻌﺮﻓﻲ ﺍﻟﻨﺎﺱ ﺩﻳﻞ ﻛﻮﻳﺲ ﻭﻋﺎﺭﻓﺎﻫﻢ ﺟﻮ ﻋﺸﺎﻥ ﺷﻨﻮ : ﻋﺸﺎﻥ
ﺷﻨﻮ ﺟﻮ : ﺟﻮ ﻳﻄﻠﺒﻮ ﻳﺪﻙ ﻻﺧﻮﻫﻢ ﺍﻟﻬﺎﺩﻱ ﻋﺒﺪﺍﻟﻠﻪ ﺩﻛﺘﻮﺭﻙ ﻓﻲ ﺍﻟﺠﺎﻣﻌﻪ :
ﻟﻤﻨﻮ؟؟؟
ﺍﺗﺨﻴﻠﺖ ﺍﻧﻲ ﺳﻤﻌﺖ ﻏﻠﻂ ﺑﺲ ﻟﻤﺎ ﺍﺑﻮﻱ ﻛﺮﺭﺍ ﺗﺎﻧﻲ ﺩﻛﺘﻮﺭ ﺍﻟﻬﺎﺩﻱ ﺟﺎﺀ ﻃﻠﺒﻚ
ﻣﻨﻲ ﺑﻘﻴﺖ ﺍﺷﻮﻑ ﻃﺸﺎﺵ ﻭﻗﺮﺑﺖ ﺍﻏﻤﺮ ﻭﺩﻣﻮﻋﻲ ﺟﺎﺕ ﺟﺎﺭﻳﻪ ﺑﺪﻭﻥ ﺣﺴﺎﺏ
ﺍﺑﻮﻱ ﺍﻧﺖ ﻋﺎﺭﻑ ﺩﻛﺘﻮﺭ ﺍﻟﻬﺎﺩﻱ ﺩﺍ ﻋﻤﺮﻭ ﻛﻢ؟؟ ٣٨ ﺳﻨﻪ ﻣﺎ ﻛﺒﻴﺮ ﻋﻠﻴﻚ ﻭﺍﺻﻼ
ﻣﺎ ﺑﺎﻳﻦ ﻋﻠﻴﻪ ﺳﻦ ﻣﺎ ﺗﺸﻮﻓﻲ ﺣﺘﺔ ﺍﻟﺸﻴﺐ ﺍﻟﻔﻲ ﺭﺍﺳﻮ ﺩﻱ : ﻫﻮ ﺍﻛﺒﺮ ﻭﺍﺣﺪ
ﻓﻲ ﺍﺧﻮﺍﻧﻮ ﻫﻮ ﺍﻛﺒﺮ ﻣﻦ ﺍﻡ ﻓﺮﺡ ﻭﺍﻡ ﻭﻫﺎﻟﻪ ﺯﻣﺎﻳﻠﻲ : ﺍﺧﻮﺍﺗﻮ ﺩﻳﻞ ﻋﺮﺳﻦ
ﻋﻤﺮ ١٥ ﻭ١٦ ﺳﻨﻪ ﺍﻟﻨﺎﺱ ﺩﻳﻞ ﺑﻌﺮﺳﻮ ﺻﻐﺎﺭ ﺷﺪﻳﺪ ﺑﺎﻟﻤﻨﺎﺳﺒﻪ ﻻﻧﻮ ﺍﻫﻠﻬﻢ ﻫﻢ
ﺍﻟﺒﻌﺮﺳﻮ ﻟﻬﻢ : ٣٨ ﺳﻨﻪ ﻳﺎ ﺍﺑﻮﻱ ﻭﺍﻧﺎ ١٩ ﻳﻌﻨﻲ ﺿﻌﻒ ﻋﻤﺮﻱ ﻟﻮ ﺭﺑﻨﺎ ﻗﺴﻢ ﻟﻪ
ﺍﻭﻻﺩ ﻛﺎﻥ ﺍﺳﻲ ﺑﻨﺘﻮ ﺯﻣﻴﻠﺘﻲ ﺭﺍﺟﻞ ﻣﺮﺍ ﻳﺎ ﺍﺑﻮﻱ ﻟﻴﻪ ﺍﻧﺎ ﻣﺎﻟﻲ ﺗﻌﻤﻞ ﻓﻴﻨﻲ
ﻛﺪﺍ : ﺍﻧﺘﻲ ﺣﻴﻮﺍﻧﻪ ﺑﺲ ﻣﺎﻝ ﻭﻣﺎﻝ ﻣﺮﺗﻮ ﻭﻋﻤﺮﻱ ﻳﺎ ﺑﻨﺘﻲ ﺍﻟﻨﺎﺱ ﺩﻳﻞ ﻋﻨﺪﻫﻢ
ﻗﺮﻭﺵ ﺑﺤﺮ ﻭﺣﺎﻳﻐﺮﻙ ﻓﻴﻪ ﺣﺎﻳﻌﺰﻙ ﻳﺎ ﺑﻨﺘﻲ ﺑﻴﺘﻚ ﺣﺎﻳﻜﻮﻥ ﻓﻲ ﺍﻟﻄﺎﺑﻖ ﺍﻟﻔﻮﻕ
ﺑﻴﺖ ﻋﻤﺮﻙ ﻣﺎ ﺷﻔﺘﻲ ﺯﻳﻮ ﻓﻲ ﺍﺣﻼﻣﻚ ﺍﻟﻮﺭﺩﻳﻪ ﻏﻴﺮ ﻛﺪﺍ ﻣﺎ ﻋﻨﺪﻭ ﺍﻭﻻﺩ
ﻳﻌﻤﻠﻮ ﻣﻌﺎﻙ ﻣﺸﺎﻛﻞ ﻭﺍﻧﺘﻲ ﺣﺎﺗﺠﻴﺒﻲ ﻟﻪ ﺍﻟﺠﻨﻰ ﺍﺗﺨﻴﻠﻲ ﺑﺲ ﺣﺎﻳﻔﺮﺡ ﻣﻨﻚ
ﻛﻴﻒ ﻭﺍﻟﻘﺮﻭﺵ ﺍﻟﺤﺎﺗﺤﺼﻠﻴﻬﺎ ﺍﻧﺘﻲ ﻭﻭﻟﺪﻙ ﺑﻌﺪﻳﻦ : ﺑﺲ ﻣﺎ ﻋﺎﻭﺯﻩ ﻗﺮﻭﺵ ﻳﺎ
ﺍﺑﻮﻱ ﻣﺎ ﻣﻮﺍﻓﻘﻪ ﺍﻋﺮﺱ ﺭﺍﺟﻞ ﻣﺮﺍ ﻭﻛﺒﻴﺮ ﻋﻠﻲ ﺑﻨﺖ ﺍﺧﺘﻮ ﺍﻻﺻﻐﺮ ﻣﻨﻮ
ﺯﻣﻴﻠﺘﻲ ﻓﻲ ﺍﻟﺠﺎﻣﻌﻪ ﻭﺻﺎﺣﺒﺘﻲ : ﻳﺎ ﺑﻨﺖ ﻫﻮﻱ ﺍﻧﺎ ﻣﺎ ﻋﺎﻭﺯ ﻗﻠﺔ ﺍﺩﺏ ﻣﻌﺎﻙ
ﺍﻧﺎ ﺍﺩﻳﺘﻚ ﻟﻪ ﻭﺧﻼﺹ ﺍﻟﻤﻮﺿﻮﻉ ﺍﻧﺘﻰ : ﻗﺒﻞ ﻣﺎ ﺗﺴﺄﻟﻨﻲ ﺗﻮﺍﻓﻖ؟ : ﻭﺍﺳﺄﻟﻚ
ﻟﻴﻪ ؟ ﺍﻧﺘﻲ ﻣﺼﻠﺤﺘﻚ ﻣﺎ ﺑﺘﻌﺮﻓﻴﻬﺎ ﻋﺎﻭﺯﺍﻧﻲ ﺍﻓﻮﺕ ﻋﺮﻳﺲ ﺯﻱ ﺩﺍ ﻋﺸﺎﻥ ﻏﺒﺎﺀ
ﻣﻨﻚ : ﻃﻴﺐ ﺍﻧﺎ ﻣﺎ ﻣﻮﺍﻓﻘﻪ ﻋﺮﺳﻮ ﻟﻨﺒﺮﺍﺱ ﻭﻻ ﻣﺜﺎﻧﻲ ﺯﻱ ﻣﺎ ﻋﻤﻠﺖ ﻣﻊ ﻋﺎﻣﺮ
ﻋﺸﺎﻥ ﻣﺎ ﺗﻔﻮﺗﻮ : ﺍﻧﺘﻲ ﻗﻠﻴﻠﺔ ﺍﺩﺏ ﻭﻻ ﺷﻨﻮ ﺩﺍﻙ ﺑﺘﻘﺎﺭﻧﻴﻪ ﺑﺪﻛﺘﻮﺭ ﺍﻟﻬﺎﺩﻱ؟؟؛ :
ﻓﻌﻼ ﺯﻱ ﻣﺎ ﺍﻧﺎ ﻣﺎ ﺑﺘﻘﺎﺭﻥ ﺑﺄﺧﻮﺍﺗﻲ ﺍﻟﺒﺤﻖ ﻟﻬﻢ ﻣﺎ ﺑﺤﻖ ﻟﻲ ﻃﻮﺍﻟﻲ ﺍﺩﺍﻧﻲ ﻛﻒ
ﻟﻤﻦ ﺍﻣﻲ ﺟﺎﺕ ﺟﺎﺭﻳﻪ ﺳﺎﻗﺘﻨﻲ ﻣﻨﻮ ﻭﺍﻧﺎ ﺍﺑﻜﻲ ﺳﺎﺍﺍﺍﻱ ﻧﺒﺮﺍﺱ ﻗﺎﻟﺖ ﻟﻲ ﺍﻧﺘﻲ
ﺑﺘﺮﻓﻌﻲ ﺻﻮﺗﻚ ﻋﻠﻴﻪ ﻟﻴﻪ؟؟ ﺍﺳﻲ ﻋﺸﺎﻥ ﻗﻠﺔ ﺍﺩﺑﻚ ﺩﻱ ﻏﺼﺒﺎ ﻋﻨﻚ ﺑﻌﺮﺳﻮ ﻟﻚ
ﻭﻣﺜﺎﻧﻲ ﺑﻘﺖ ﺗﺘﻨﺎﻗﺶ ﻣﻌﺎﻫﺎ ﻟﻴﻪ ﻳﻌﻨﻲ ﻏﺼﺐ ﻫﻮ ﺗﻌﺮﺳﻮ ﻟﻬﺎ ﺭﺍﺟﻞ ﻓﻲ ﻋﻤﺮ
ﺍﺑﻮﻫﺎ ﻫﻲ ﻓﺮﺡ ﻣﻌﺘﺮﺿﻪ ﻋﻠﻴﻪ ﺧﻠﻲ ﺍﻟﺸﺎﻳﺐ ﺩﺍ : ﻫﻲ ﻻﻗﻴﻪ؟؟ ﻭﺑﻌﺪﻳﻦ
ﺍﻟﺮﺍﺟﻞ ﻋﻤﺮﻭ ﻣﺎ ﻣﻬﻢ ﺍﺻﻼ ﻣﺎ ﻛﺒﻴﺮ ﻋﻠﻴﻬﺎ ﺷﺪﻳﺪ : ﻗﺒﻴﻞ ﻣﺎ ﻛﻨﺘﻲ
ﻣﻌﺘﺮﺿﻪ ؟؟ : ﻛﻨﺖ ﻗﺎﻳﻠﻪ ﻓﺮﺡ ﺍﻟﻌﺮﻳﺲ
ﺍﻧﺎ ﻛﻨﺖ ﺑﺒﻜﻲ ﺑﺲ ﻭﺣﺎﺳﻪ ﺑﺤﺴﺮﻩ ﺷﺪﻳﺪﻩ ﻋﻠﻰ ﻧﻔﺴﻲ ﻭﺍﻣﻲ ﺟﺎﻳﻄﻪ ﻣﻊ
ﺍﺑﻮﻱ
ﻣﺎ ﻛﺪﺍ ﻳﺎﻟﻔﺎﺗﺢ ﻳﺎﺥ ﻋﺎﻭﺯ ﺗﻐﺼﺒﺎ ﻳﻌﻨﻲ؟ : ﺍﻱ ﺑﻐﺼﺒﺎ ﺩﻱ ﺷﺎﻓﻌﻪ ﺳﺎﻱ ﻣﺎ
ﻋﺎﺭﻓﻪ ﻣﺼﻠﺤﺘﺎ ﻭﻳﻦ ﺑﻜﺮﺍ ﺗﻨﺪﻡ ﻭﺗﻘﻮﻝ ﻳﺎﺭﻳﺖ ﺑﻨﺘﻚ ﺩﻱ ﻣﺎﻓﻲ ﺯﻭﻝ ﻧﺎﻓﻊ
ﺍﺗﻘﺪﻡ ﻟﻬﺎ ﻭﻣﺼﻴﺮﺍ ﺗﻌﺮﺱ ﻭﺍﺣﺪ ﻃﺎﻳﺶ ﻭﻣﺎ ﻧﺎﻓﻊ ﻭﺗﻌﻴﺶ ﻓﻘﻴﺮﻩ ﻭﺗﻌﺬﺑﻨﺎ
ﻣﻌﺎﻫﺎ ﻫﻲ ﻣﺎ ﺷﺪﻳﺪﻩ ﺯﻱ ﺍﺧﻮﺍﺗﺎ ﻋﺸﺎﻥ ﻛﺪﺍ ﻻﺯﻡ ﻧﺘﻄﻤﻦ ﻋﻠﻴﻬﺎ ﺍﺍﻭﻝ : ﺗﻄﻤﻦ
ﻭﻻ ﻋﺸﺎﻥ ﺍﻟﻘﺮﻭﺵ : ﻭﺍﻧﺘﻲ ﺯﺍﺗﻚ ﻣﻮﺍﻓﻘﻪ ﻋﺸﺎﻥ ﺍﻟﻘﺮﻭﺵ
ﻃﺒﻌﺎ ﺍﻧﺎ ﻋﺎﺭﻓﻪ ﻓﻬﻤﻬﻢ ﺷﻨﻮ ﻧﺴﻴﺐ ﻏﻨﻲ ﻋﻨﺪﻭ ﻗﺮﻭﺵ ﻭﻣﻌﺎﺭﻑ ﺗﺤﺸﻴﺶ ﺩﺍ
ﺍﻟﺒﻬﻤﻬﻢ ﻟﻜﻦ ﺍﻧﺎ ﺍﻟﻌﺮﻳﺲ ﺑﻨﺎﺳﺒﻨﻲ ﻭﻻﻻ ﻣﺮﺗﺎﺣﻪ ﻣﻌﺎﻩ ﺑﻌﺎﻣﻠﻨﻲ ﻛﻮﻳﺲ ﻣﺎ ﻣﻬﻢ
ﺍﺑﺪﺍ ﺍﻟﺼﺒﺎﺡ ﺍﺑﻴﺖ ﺍﻣﺸﻲ ﺍﻟﺠﺎﻣﻌﻪ ﺍﻛﻞ ﻣﺎ ﺍﻛﻠﺖ ﻭﻗﻴﻠﺖ ﻛﺪﺍ ﺯﻭﻝ ﺍﺷﺘﻐﻞ ﺑﻲ
ﻣﺎﻓﻲ ﺍﻟﻴﻮﻡ ﺍﻟﺒﻌﺪﻭ ﻛﺎﻥ ﻋﻨﺪﻱ ﻣﺤﺎﺿﺮﻩ ﻣﻬﻤﻪ ﻭﺍﺻﻼ ﺍﺧﺮ ﺍﺧﺮ ﻣﺤﺎﺿﺮﺍﺕ
ﻻﻧﻮ ﺟﺪﻭﻝ ﺍﻻﻣﺘﺤﺎﻧﺎﺕ ﻃﻠﻊ ﻣﺸﻴﺖ ﻣﻊ ﻧﺒﺮﺍﺱ ﻫﻲ ﺑﺘﻨﺰﻝ ﻗﺒﺎﻟﻲ ﻃﺒﻌﺎ
ﺟﺎﻣﻌﺘﺎ ﻗﺮﻳﺒﻪ ﻭﻫﻲ ﺍﻟﺸﺎﻳﻠﻪ ﺍﻟﻤﺼﺎﺭﻳﻒ ﺑﺘﺎﻋﺘﻨﺎ
ﻋﻨﺪﻙ ﻓﻜﻪ ﻳﺎ ﺳﻤﺮ ؟؟ : ﻻﻻ : ﻭﻻ ﺍﻧﺎ ﺍﻻ ﺍﻓﻚ ﻣﻦ ﺯﻭﻝ : ﺧﻠﻴﻬﻢ ﻣﻌﺎﻙ ﻣﺎ
ﻋﺎﻭﺯﻩ ﺷﻲ : ﻳﺎ ﺑﻨﺖ ﻣﺠﻨﻮﻧﻪ ﺍﻧﺘﻲ ؟ ﻭﺍﻟﻔﻄﻮﺭ ؟ ﻭﻻ ﺑﺘﻔﻄﺮﻱ ﻣﻊ ﺩﻛﺘﻮﺭﻙ
ﻃﻮﺍﻟﻲ ﻣﺸﻴﺖ ﻣﻨﻬﺎ ﻗﺎﻟﺖ ﻟﻲ ﺧﻼﺹ ﻳﺎ ﺳﻤﺮ ﺑﺠﻲ ﻏﺎﺷﻴﺎﻙ ﻧﺮﺟﻊ ﺳﻮﺍ ﺧﻠﻲ
ﺍﻟﺘﻠﻔﻮﻥ ﻗﺮﻳﺐ
ﻣﺸﻴﺖ ﺯﻱ ﺍﻟﻬﺒﻠﻪ ﻭﻻ ﻗﺮﺵ ﻓﻲ ﻳﺪﻱ ﻣﺎ ﺷﺎﻳﻼﻩ ﺻﻮﺭﺕ ﺍﻟﺠﺪﻭﻝ ﻭﺩﺧﻠﺖ
ﺍﻟﻤﺤﺎﺿﺮﻩ ﺭﺍﺳﻲ ﻻﻓﻲ ﻭﻣﺎﻓﺎﻫﻤﻪ ﺷﻲ ﺑﺲ ﻋﺎﻭﺯﻩ ﺍﻋﻤﻞ ﺣﻀﻮﺭ ﺑﻌﺪ ﺧﻠﺼﺖ
ﺍﺑﻴﺖ ﺍﻣﺸﻲ ﺍﻓﻄﺮ ﻣﻊ ﺍﻟﺸﻠﻪ ﻓﺮﺡ ﺟﺎﻧﻲ ﻳﻀﺤﻚ ﺳﺎﺍﺍﻱ ﺭﺍﻳﻚ ﺷﻨﻮ ﻓﻲ
ﺍﻟﻤﻔﺎﺟﺌﻪ ﺍﻷﻭﻝ ﺍﻣﺲ : ﻓﻌﻼ ﻣﻔﺎﺟﺌﻪ ﺷﻜﺮﺍ ﻻﻧﻚ ﻣﺎ ﻛﻠﻤﺘﻨﻲ ﻋﺸﺎﻥ ﺍﺗﺼﺮﻑ :
ﺍﻧﺘﻲ ﺯﻋﻼﻧﻪ ﻭﻻ ﺷﻨﻮ ؟ ﻳﺎ ﺑﻨﺖ ﺍﻟﻨﺎﺱ ﺍﻗﻴﻔﻲ ﺳﻤﺮ ﺳﻤﺮ ﻣﺸﻴﺖ ﻭﻻ ﺍﺷﺘﻐﻠﺖ
ﺑﻪ ﻗﺎﻋﺪﻩ ﻓﻲ ﺍﻟﻤﻜﺘﺒﻪ ﻛﺪﻩ ﺗﻠﻔﻮﻧﻲ ﺩﻗﺎ
ﺍﻟﻮ : ﻋﻠﻴﻜﻢ ﺍﻟﺴﻼﻡ : ﻣﻌﺎﻱ ﻣﻨﻮ : ﺩﻛﺘﻮﺭ ﺍﻟﻬﺎﺩﻱ ﻋﺒﺪﺍﻟﻠﻪ ﺍﻧﺎ ﻗﺮﺑﺖ ﺍﻏﻤﺮ ﻭﻗﻠﺒﻲ
ﺩﺍ ﺭﺟﻒ ﻋﺪﻳﻞ ﻗﻠﺖ ﻟﻪ ﺧﻴﺮ ﻳﺎ ﺩﻛﺘﻮﺭ : ﺍﻧﺘﻲ ﻓﻲ ﺍﻟﺠﺎﻣﻌﻪ ؟؟ : ﺍﻳﻮﺍ : ﻃﻴﺐ
ﺍﻃﻠﻌﻲ ﺍﻧﺎ ﻣﻨﺘﻈﺮﻙ ﺑﺮﺍ : ﻓﻲ ﺣﺎﺟﻪ؟؟ : ﺍﻳﻮﺍ ﺗﻌﺎﻟﻲ ﻃﻠﻌﺖ ﻟﻘﻴﺖ ﻋﺮﺑﻴﺘﻮ
ﻭﺍﻗﻘﻪ ﺑﺮﺍ ﺭﻓﻊ ﺍﻟﻘﺰﺍﺯ ﻭﺍﺷﺮ ﻟﻲ
ﺗﻌﺎﻟﻲ ﺍﺭﻛﺒﻲ : ﻣﺎﻣﺎﺷﻪ ﺍﻟﺒﻴﺖ ﺍﻧﺎ : ﻋﺎﺭﻑ ﺑﺲ ﺍﻧﺎ ﻋﺎﻭﺯ ﺍﺗﻜﻠﻢ ﻣﻌﺎﻙ ﻓﻲ ﻣﻜﺎﻥ
ﻫﺎﺩﻱ ﺍﻭﻝ ﺍﻣﺲ ﻓﻲ ﺍﻟﻤﻜﺘﺐ ﻣﺎ ﺳﻤﻌﺘﻴﻨﻲ : ﺳﻤﻌﺖ ﺍﻟﺒﻜﻔﻴﻨﻲ ﻭﺍﻟﻌﺎﻭﺯ ﺗﻘﻮﻟﻮ
ﻋﺮﻓﺘﻮ ﺧﻼﺹ : ﺩﺍ ﻣﺎ ﻣﻜﺎﻥ ﻧﺘﻜﻠﻢ ﻓﻴﻪ ﺍﺭﻛﺒﻲ ﻟﻮ ﺳﻤﺤﺘﻲ ﻭﻗﻔﺘﻨﺎ ﻛﺪﺍ ﻣﺎ
ﺣﻠﻮﺓ ﻭﻻ ﻋﺸﺎﻧﻚ ﻭﻻ ﻋﺸﺎﻧﻲ ﺍﺿﻄﺮﻳﺖ ﺍﺭﻛﺐ ﻗﻠﺖ ﻟﻪ ﻳﺎ ﺩﻛﺘﻮﺭ ﻟﻮ ﺳﻤﺤﺖ
ﺍﻧﺎ ﻣﺎ ﻋﺎﻭﺯﻩ ﺍﻣﺸﻲ ﺍﻱ ﻣﻜﺎﻥ ﺍﻧﺖ ﺯﻭﻝ ﻛﺒﻴﺮ ﻭﻭﺍﻋﻲ ﻭﻋﺎﺭﻑ ﺍﻧﻮ ﻣﺎ ﺻﺎﺡ
ﺍﺻﻼ : ﻋﺎﺭﻑ ﻭﻋﺎﻭﺯ ﻛﻤﺎﻥ ﺍﻧﻮ ﺍﻟﻜﻼﻡ ﺩﺍ ﻳﺘﻢ ﻓﻲ ﺑﻴﺘﻜﻢ ﻗﺪﺍﻡ ﻋﻴﻦ ﺍﻫﻠﻚ
ﻻﻧﻲ ﺯﻱ ﻣﺎ ﻗﻠﺘﻲ ﻛﺒﻴﺮ ﻭﻭﺍﻋﻲ ﻭﺩﻏﺮﻱ ﺑﺲ ﻛﻤﺎﻥ ﻋﺸﺎﻥ ﺍﻧﺘﻲ ﺗﻜﻮﻧﻲ ﻣﺮﺗﺎﺣﻪ
ﻧﺎﺩﻳﺘﻚ ﺍﻟﻤﻜﺘﺐ ﺑﺮﺍﺣﻪ ﻭﻗﻠﺖ ﺍﺷﺎﻭﺭﻙ ﺍﻧﺘﻲ ﺍﻭﻝ ﺑﺲ ﻣﺎ ﺳﻤﻌﺘﻲ ﻣﻨﻲ ﻭﻗﻠﺘﻲ
ﻟﻲ ﺍﻋﻤﻞ ﺯﻱ ﻣﺎ ﺑﻌﻤﻠﻮ ﺍﻟﻨﺎﺱ ﻭﺍﺳﻲ ﻋﺎﻭﺯﻙ ﺗﺴﻤﻌﻴﻨﻲ ﺳﻜﺘﺖ ﻣﻨﻮ ﻗﺎﻝ ﻟﻲ
ﻣﻤﻜﻦ ؟؟ ﺍﺧﺪﺕ ﺗﻨﻬﻴﺪﻩ ﻭﻗﻠﺖ ﻟﻪ ﺍﺗﻔﻀﻞ ﻳﺎ ﺩﻛﺘﻮﺭ ﻃﺒﻌﺎ ﺩﻱ ﻓﺮﺻﻪ ﻋﺸﺎﻥ
ﺍﺗﻔﺎﻫﻢ ﻣﻌﺎﻩ ﻣﺪﺍﻡ ﺍﻫﻠﻲ ﻣﺎ ﻋﺎﻭﺯﻳﻦ ﻳﻔﻬﻤﻮ ﻗﺎﻝ ﻟﻲ ﺑﺎﻟﻤﻨﺎﺳﺒﻪ ﺍﻧﺘﻲ ﻓﻄﺮﺗﻲ ﻳﺎ
ﺳﻤﺮ ؟؟ : ﺍﻳﻮﺍ : ﻃﻴﺐ ﺣﺎﻧﺸﺮﺏ ﻋﺼﻴﺮ ﻣﻊ ﺑﻌﺾ ﺗﻬﺪﻱ ﺍﻋﺼﺎﺑﻚ ﺷﻮﻳﻪ
ﻭﻧﺘﻜﻠﻢ ﻣﺎﺷﻲ ؟؟ : ﻣﺎﺷﻲ :: ﺍﻟﻠﻪ ﻳﺮﺿﻰ ﻋﻠﻴﻚ ﺍﻟﺠﻤﻠﻪ ﺩﻱ ﺣﺴﺴﺘﻨﻲ ﺑﻜﻤﻴﺔ
ﺭﺿﺎ ﻭﺍﻣﺎﻥ ﻭﻋﻄﻒ ﺷﺪﻳﺪ ﺣﺴﻴﺖ ﻛﺄﻧﻮ ﺍﺑﻮﻱ ﻫﻮ ﺍﻟﺒﻘﻮﻻ ﻟﻲ ﻣﺎ ﻭﺍﺣﺪ ﻣﺘﻘﺪﻡ
ﻟﻲ ﻫﻮ ﺍﺑﻮﻱ ﺍﺻﻼ ﻣﺎ ﺣﺼﻞ ﻗﺎﻻ ﻟﻲ ﺩﺍ ﻏﻴﺮ ﻃﺮﻳﻘﺔ ﻛﻼﻣﺤﻮ ﻭﻣﻼﻣﺢ ﻭﺷﻮ
ﻭﺍﺑﺘﺴﺎﻣﺘﻮ ﻣﺤﺴﺴﻨﻲ ﺑﺤﺎﻟﻪ ﻛﺪﺍ ﻏﺮﻳﺒﻪ ﻣﺎ ﻋﺎﻭﺯﻩ ﺍﺳﺘﺴﻠﻢ ﻟﻬﺎ ﻫﻮ ﻋﻨﺪﻭ
ﻗﺒﻮﻝ ﺭﺑﺎﻧﻲ ﺣﺘﻰ ﻟﻤﺎ ﻳﻜﻮﻥ ﺑﺪﺭﺳﻨﺎ ﺑﺤﺴﻮ ﺍﺏ ﻟﻜﻞ ﺍﻟﻨﺎﺱ ﻭﻗﻒ ﻓﻲ ﻣﺤﻞ
ﻃﻠﺐ ﻟﻴﻨﺎ ﻋﺼﻴﺮ ﻭﻛﺎﻥ ﺳﺎﻛﺖ ﻭﺑﻌﺎﻳﻦ ﻟﻲ ﻗﻠﺖ ﻟﻪ ﻣﻤﻜﻦ ﻧﺪﺧﻞ ﻓﻲ
ﺍﻟﻤﻮﺿﻮﻉ ﻳﺎ ﺩﻛﺘﻮﺭ ﻋﺸﺎﻥ ﺍﺗﺄﺧﺮ ؟ : ﺍﻳﻮﺍ ﻃﻴﺐ ﻳﺎ ﺳﻤﺮ ﻣﻦ ﻏﻴﺮ ﻟﻒ ﻭﺩﻭﺭﺍﻥ
ﺍﻧﺎ ﻃﺎﻟﺒﻚ ﻟﻠﺰﻭﺍﺝ ﺗﻘﺒﻠﻲ ﺗﺘﺰﻭﺟﻴﻨﻲ ؟؟ ﺍﻧﺎ ﻋﺎﺩ ﺍﻟﺪﻧﻴﺎ ﻛﻠﻬﺎ ﺿﻠﻤﺖ ﻓﻲ ﻋﻴﻨﻲ
ﻭﻛﻞ ﺍﻻﺣﺎﺳﻴﺲ ﺩﻳﻚ ﺍﺗﺒﺪﺩﺕ ﻓﺠﺎﺀﺓ ﺣﺴﻴﺖ ﺑﻤﺮﺍﺭ ﻓﻲ ﺣﻠﻘﻲ ﻭﺑﺮﻭﺩ ﻓﻲ
ﺍﻻﻃﺮﺍﻑ ﺍﻱ ﺣﺎﺟﻪ ﻣﺴﺨﺖ ﻟﻲ ﺍﻧﺎ ﻛﻨﺖ ﻣﺘﻮﻗﻌﻪ ﻳﻜﻮﻥ ﻓﻲ ﺳﺆ ﺗﻔﺎﻫﻢ ﻫﻮ
ﻳﻮﺿﺤﻮ ﻟﻲ ﺑﺲ ﻻ ﻫﻮ ﺟﺎﺩﻱ ﻋﺎﻭﺯ ﻳﺘﺰﻭﺟﻨﻲ ﻗﻠﺖ ﻟﻪ ﺍﻧﺖ ﻋﺎﻭﺯ ﺗﺘﺰﻭﺟﻨﻲ
ﻳﺎ ﺩﻛﺘﻮﺭ ؟؟ : ﺍﻳﻮﺍ : ﻣﺎ ﺷﺎﻳﻒ ﺍﻧﻨﺎ ﻣﺎ ﻣﻨﺎﺳﺒﻴﻦ ﻟﺒﻌﺾ ؟؟ : ﺷﺎﻳﻒ ﺍﻧﻚ
ﺻﻐﻴﺮﻩ ﻋﻠﻲ ﻓﻲ ﺍﻟﺴﻦ ﻭﺍﻟﺮﺳﻮﻝ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺍﺗﺰﻭﺝ ﺍﻟﺴﻴﺪﻩ ﻋﺎﺋﺸﻪ
ﻭﻫﻲ ﺻﻐﻴﺮﻩ ﺟﺪﺍ ﻣﻨﻮ ﻓﻲ ﺍﻟﺴﻦ ﻭﺍﻧﺘﻲ ﻣﻦ ﺣﻘﻚ ﻣﺎ ﺗﻘﺒﻠﻲ : ﻃﻴﺐ ﻋﺎﻭﺯ
ﺗﺘﺰﻭﺟﻨﻲ ﻟﻴﻪ؟ ﻓﺮﺡ ﻗﺎﻝ ﻟﻲ ﺍﻧﺖ ﻣﺘﺰﻭﺝ ﻭﺳﻌﻴﺪ ﻣﻊ ﺯﻭﺟﺘﻚ : ﺍﻟﺤﻤﺪﻟﻠﻪ :
ﻣﺪﺍﻡ ﻣﺘﺰﻭﺝ ﻭﻣﺒﺴﻮﻁ ﻓﻲ ﺣﻴﺎﺗﻚ ﻭﻋﺎﺭﻑ ﺍﻧﻮ ﻧﺤﻦ ﻣﺎ ﻣﻨﺎﺳﺒﻴﻦ ﻟﺒﻌﺾ
ﻋﺎﻭﺯ ﺗﺘﺰﻭﺟﻨﻲ ﻟﻴﻪ ؟؟ : ﺑﺼﺮﺍﺣﻪ ﻳﺎ ﺳﻤﺮ ﺍﻧﺎ ﺍﺗﺰﻭﺟﺖ ﻣﻦ ﻟﻤﺎ ﻛﻨﺖ ﻓﻲ
ﻋﻤﺮﻙ ﺗﻘﺮﻳﻴﺎ ﻭﻳﻤﻜﻦ ﻟﻮ ﺭﺑﻨﺎ ﻗﺴﻢ ﻟﻲ ﺍﻻﻭﻻﺩ ﻛﺎﻥ ﺍﻭﻻﺩﻱ ﻓﻲ ﻋﻤﺮﻙ ﺑﺲ ﺭﺑﻨﺎ
ﻣﺎ ﺍﺭﺍﺩ ﺯﻭﺟﺘﻲ ﻋﻨﺪﻫﺎ ﻣﺸﻜﻠﻪ ﻭﻣﺎ ﺑﺘﻘﺪﺭ ﺗﻨﺠﺐ ﻓﻲ ﺍﻟﺤﺎﻟﻪ ﺩﻱ ﺍﻧﺎ ﺍﻟﺸﺮﻉ
ﻣﺤﻠﻞ ﻟﻲ ﺍﺗﺰﻭﺝ ﻭﺍﻧﺠﺐ ﺻﺎﺡ ﻭﻻ ﻣﺎ ﺻﺎﺡ ؟؟ : ﻋﺎﻭﺯ ﺗﺘﺰﻭﺟﻨﻲ ﻋﺸﺎﻥ
ﺍﺟﻴﺐ ﻟﻚ ﺍﻟﻮﻟﺪ ؟ : ﺍﻳﻮﺍ ﻳﺎ ﺳﻤﺮ : ﻭﻟﻴﻪ ﺍﻧﺘﻈﺮﺕ ﺍﻟﺴﻨﻮﺍﺕ ﺩﻱ ﻛﻠﻬﺎ ﻣﺎ
ﺍﺗﺰﻭﺟﺖ :: ﻛﻠﻮ ﻣﺴﻄﺮ ﻭﻣﻜﺘﻮﺏ ﻭﺍﺣﺘﻤﺎﻝ ﻋﺸﺎﻥ ﻗﺴﻤﺘﻲ ﻣﻌﺎﻙ ﺍﻧﺘﻲ ﻃﻮﺍﻟﻲ
ﺍﻟﻌﺒﺮﻩ ﺧﻨﻘﺘﻨﻲ ﻭﻫﻮ ﺍﻇﻦ ﺣﺲ ﺑﻲ ﻣﺪ ﻟﻲ ﻣﻨﺪﻳﻞ ﻭﻗﺎﻝ ﻟﻲ ﻣﺎ ﺗﺰﻋﻠﻲ ﻧﻔﺴﻚ
ﻳﺎ ﺑﺎﺑﺎ ﻭﻻ ﺗﺒﻜﻲ ﻣﺎﻓﻲ ﺯﻭﻝ ﺟﺎﺑﺮﻙ ﻋﻠﻰ ﺷﻲ ﺍﻧﺘﻲ ﻋﻨﺪﻙ ﻛﺎﻣﻞ ﺍﻟﺤﺮﻳﻪ ﻭﻣﻦ
ﺣﻘﻚ ﺗﺮﻓﻀﻲ ﻟﻮ ﻣﺎ ﻋﺎﻭﺯﺍﻧﻲ ﻭﻻ ﺗﻔﻜﺮﻱ ﻛﺘﻴﺮ ﺯﺍﺗﻮ : ﺍﻋﺘﺒﺮﻳﻨﻲ ﺧﻴﺎﺭ ﻣﻦ
ﻣﺘﻌﺪﺩ ﻭﺍﺧﺘﺎﺭﻱ ﺍﻻﻓﻀﻞ ﻟﻚ
ﺧﻴﺎﺭﺍﺕ ؟؟ ﻫﻮ ﻣﺎ ﻋﺎﺭﻑ ﺍﻧﻮ ﻣﺎ ﻋﻨﺪﻱ ﺧﻴﺎﺭﺍﺕ ﻭﺍﻧﻮ ﺍﻟﻤﺴﺎﺣﻪ ﺍﻟﻬﻮ ﻣﺪﻳﻨﻲ
ﻟﻬﺎ ﺩﻱ ﺍﻫﻠﻲ ﻣﺎ ﻣﺪﻧﻲ ﻟﻬﺎ ﻭﻣﻀﻴﻘﻴﻨﻬﺎ ﻋﻠﻲ ﺷﺪﻳﺪ ﻭﺑﻜﻴﻔﻲ ﻭﻻ ﻏﺼﺒﺎ ﻋﻨﻲ
ﺣﺎﻳﺠﺒﺮﻭﻧﻲ ﺍﻋﺮﺳﻮ
ﺳﻤﺮ ﺍﻧﺎ ﺑﺎﻟﺠﺪ ﻣﺎ ﻋﺎﺭﻑ ﺳﺒﺐ ﺑﻜﺎﻙ ﺩﺍ ﺍﻧﺘﻲ ﻟﻮ ﻣﻦ ﺍﻻﻭﻝ ﺭﺍﻓﻀﻪ ﻭﻻ
ﺗﺠﺎﻣﻠﻲ ﺑﺤﻴﺎﺗﻚ ﺯﺍﺗﻮ : ﻣﻀﻄﺮﻩ ﺍﻣﺸﻲ : ﻣﺎ ﺣﺎﺗﺪﻳﻨﻲ ﺟﻮﺍﺏ ﻳﻌﻨﻲ ؟؟ :
ﺍﻟﺠﻮﺍﺏ ﺍﺑﻮﻱ ﺍﺩﺍﻙ ﻟﻪ : ﺳﻤﺮ ﻟﻮ ﻣﺠﺒﻮﺭﻩ ﺍﻧﺎ ﺯﺍﺗﻲ ﻣﺎ ﻣﻮﺍﻓﻖ ﻗﺮﺑﺖ ﺍﻗﻮﻝ ﻟﻪ
ﺍﻳﻮﺍ ﻣﺠﺒﻮﺭﻩ ﻣﺎ ﻋﺎﻭﺯﻩ ﺍﺗﺰﻭﺝ ﺭﺍﺟﻞ ﻗﺪﺭ ﺍﺑﻮﻱ ﻣﺎ ﻋﺎﻭﺯﻩ ﺭﺍﺟﻞ ﻣﺮﺍ ﺑﺲ
ﺧﻔﺖ ﻣﻦ ﺍﺑﻮﻱ ﻣﺸﻴﺖ ﻣﻦ ﺳﻜﺎﺕ ﺭﻛﺒﺖ ﺍﻟﻌﺮﺑﻴﻪ ﻭﺗﺎﻧﻲ ﺍﺻﻠﻲ ﻣﺎ ﺍﺗﻜﻠﻤﺖ
ﻣﻌﺎﻩ ﻭﺻﻠﻨﻲ ﻟﺤﺪﻱ ﺍﻟﺒﻴﺖ ﻭﺍﻣﻲ ﺷﺎﻓﺘﻮ ﻭﺟﺎﺕ ﺗﺮﻏﻲ ﻓﻲ ﺭﺍﺳﻲ ﻭﺍﻧﺎ ﻣﻘﺒﻠﻪ
ﻋﻠﻰ ﺍﻟﺤﻴﻄﻪ ﺑﺲ ﻭﺑﺒﻜﻲ ﻟﻤﻦ ﻧﻔﺴﻲ ﻛﺘﻢ ﻳﻌﻨﻲ ﺩﺍ ﻳﺮﺿﻲ ﻣﻨﻮ ﺍﻧﺎ ﻣﺎ ﻗﺎﺩﺭﻩ
ﺍﺗﺤﻤﻞ ﻓﻜﺮﺓ ﺍﻧﻮ ﺍﺗﺰﻭﺝ ﺩﻛﺘﻮﺭ ﺍﻟﻬﺎﺩﻱ ﻳﻌﻨﻲ ﺩﻱ ﺗﺠﻲ ﻛﻴﻒ ﻳﺎ ﺟﻤﺎﻋﻪ
ﺣﺎﺍﻛﻮﻥ ﻣﻀﻄﺮﻩ ﺍﻋﻴﺶ ﻣﻌﺎﻩ ﻣﺎ ﻣﺘﻘﺒﻠﻪ ﻭﻻ ﻣﺘﺤﻤﻠﻪ ﻓﻜﺮﺓ ﺍﻧﻮ ﺍﻧﺎ ﺍﻛﻮﻥ ﻣﺮﺕ
ﺩﻛﺘﻮﺭ ﺍﻟﻬﺎﺩﻱ ﺍﺳﻜﻦ ﻣﻌﺎﻩ ﺍﻧﻮﻡ ﻣﻌﺎﻩ ﻓﻲ ﺳﺮﻳﺮ ﻭﺍﺣﺪ ﻭﺍﺟﻴﺐ ﻟﻪ ﻭﻟﺪ ﻛﻤﺎﻥ
ﻻﻻ ﺩﺍ ﺍﺑﻌﺪ ﻣﺎ ﻳﻜﻮﻥ ﻋﻦ ﺍﻟﻤﻨﻄﻖ ﻣﻨﻄﻘﻲ ﺍﻧﺎ ﻃﺒﻌﺎ ﺑﺲ ﺍﻟﺤﺎﻳﻔﻬﻢ ﻣﺘﻮ ﻭﺣﺘﻰ
ﻟﻮ ﻗﻠﺖ ﺍﺷﺘﺮﻁ ﻋﻠﻴﻪ ﻧﻌﻴﺶ ﺣﻴﺎﺓ ﻣﻨﻔﺼﻠﻪ ﻫﻲ ﻗﺎﻻ ﻟﻲ ﺑﺎﻟﻮﺍﺿﺢ ﺍﺗﺰﻭﺟﺘﻚ
ﻋﺸﺎﻥ ﺗﺠﻴﺒﻲ ﻟﻲ ﻭﻟﺪ ﻳﻌﻨﻲ ﻫﻮ ﻋﺎﻭﺯ ﻳﻌﻴﺶ ﻣﻌﺎﻱ ﺣﻴﺎﺓ ﺯﻭﺟﻴﻪ ﻛﺎﻣﻠﻪ ﺑﻜﻞ
ﺗﻔﺎﺻﻴﻼ ﻭﻻﻓﻲ ﻣﺠﺎﻝ ﻟﻠﻨﻘﺎﺵ ﺯﺍﺗﻮ ﻻﻧﻮ ﺍﺻﻼ ﺩﺍ ﻫﺪﻓﻮ ﻣﻦ ﺍﻟﺰﻭﺍﺝ ﺍﻹﻧﺠﺎﺏ
ﺑﻠﻴﻞ ﺣﺎﻭﻟﺖ ﻣﻊ ﺍﺑﻮﻱ ﺑﺮﺍﺣﻪ ﻭﺍﻋﺘﺰﺭﺕ ﻟﻪ ﻣﻦ ﻛﻼﻣﻲ ﺩﺍﻙ ﺑﺲ ﺑﺮﺿﻮ ﻣﺎ ﻧﻔﻊ
ﻫﻮ ﻣﺼﺮ ﺑﺲ ﺍﻋﺮﺱ ﺩﻛﺘﻮﺭ ﺍﻟﻬﺎﺩﻱ ﻭﻻ ﻣﺎﻋﺎﻓﻲ ﻣﻨﻲ ﻭﻣﺎﻓﻲ ﻟﻲ ﻗﺮﺍﻳﻪ ﺑﻜﻴﺖ
ﻟﻪ ﻋﺪﻳﻞ ﻗﺎﻝ ﻟﻲ ﺩﺍ ﺑﻌﻴﺸﻚ ﺍﺣﺴﻦ ﻣﻦ ﺍﻟﻌﻴﺸﻪ ﺩﻱ ﻭﻻ ﺍﻧﺘﻲ ﻋﺎﺟﺒﻚ ﺍﻟﺘﻌﺐ
ﻭﺷﻐﻞ ﺍﻟﺒﻴﺖ ﺩﺍ ﻫﻨﺎﻙ ﻗﺸﻪ ﻣﺎ ﺑﺘﺮﻓﻌﻴﻬﺎ
ﺍﻧﺎ ﻓﻘﺪﺕ ﺍﻻﻣﻞ ﺧﻼﺹ ﻭﺩﻛﺘﻮﺭ ﺍﻟﻬﺎﺩﻱ ﺩﺍ ﺑﻘﻴﺖ ﺍﺷﻮﻓﻮ ﻛﻴﻒ ﻛﻴﻒ ﺑﻜﺮﻩ
ﻣﺤﺎﺿﺮﺍﺗﻮ ﻭﻣﺎ ﺑﺮﻓﻊ ﺭﺍﺳﻲ ﻧﻬﺎﺋﻲ ﻓﻴﻬﺎ ﺍﻣﺎ ﻫﻮ ﺑﻌﺎﻣﻠﻨﻲ ﻋﺎﺩﻱ ﻭﺯﻱ ﺍﻻﻭﻝ ﺯﻱ
ﺍﻱ ﻃﺎﻟﺒﻪ ﻭﺑﺴﺄﻟﻨﻲ ﺯﻱ ﻣﺎ ﺑﻠﺒﺲ ﺑﺎﻗﻲ ﺍﻟﻄﻠﺒﻪ ﻭﺍﻧﺎ ﻟﺴﺎﻧﻲ ﺑﺘﺮﺑﻂ ﻭﻫﻮ ﺑﺲ
ﺑﻌﺎﻳﻦ ﻟﻲ ﺟﻮﺍ ﻋﻴﻨﻲ ﻟﻤﻦ ﺍﺧﺎﻑ ﺟﺎﺀ ﺯﻣﻦ ﺍﻻﻣﺘﺤﺎﻧﺎﺕ ﻭﺍﻧﺎ ﺍﻓﻜﺎﺭﻱ ﻣﺸﺘﺘﻪ
ﻣﺎ ﻗﺎﺩﺭﻩ ﺍﺭﻛﺰ ﻋﻠﻰ ﺷﻲ ﻓﺮﺡ ﻗﺎﻝ ﻟﻲ ﺍﻧﺎ ﻟﻮ ﻣﻜﺎﻧﻚ ﻣﺎ ﺑﻘﺮﺍ ﺯﺍﺗﻮ ﺍﺗﻄﻤﻨﻲ
ﺑﻨﺠﺤﻚ ﺧﺎﻟﻮ ﺩﺍ : ﻣﺎ ﺗﺘﻜﻠﻢ ﻣﻌﺎﻱ ﻳﺎ ﺣﻴﻮﺍﻥ ﺍﺻﻼ ﺍﻧﺖ ﺍﺳﺎﺱ ﺍﻟﺒﻼﺀ ﺍﺳﻲ
ﺍﻋﺮﺳﻮ ﻛﻴﻒ ﺍﻧﺎ : ﻋﺎﺩﻱ ﺯﻱ ﻣﺎ ﺍﻟﻨﺎﺱ ﺑﻌﺮﺳﻮ ﻭﻗﻌﺪ ﻳﻐﻨﻲ ﻋﺮﻳﺴﻨﺎ ﺳﺎﺭ ﻗﻄﻊ
ﺍﻟﺮﺣﻂ ﻋﺪﻳﻠﻪ ﻫﻮﻱ ﻟﻒ ﻓﻲ ﺍﻟﺴﺎﺣﻪ ﻭﻋﺮﺽ : ﻏﻠﻄﺎﻧﻪ ﺍﻧﺎ ﺍﻟﺒﺘﻜﻠﻢ ﻣﻌﺎﻙ :
ﺍﻧﺘﻲ ﻳﺎ ﺑﻨﺖ ﺧﺎﻳﻔﻪ ﻛﺪﺍ ﻣﺎﻟﻚ ﻫﻮ ﻣﺎ ﺑﻴﺎﻛﻞ ﻋﻠﻰ ﻓﻜﺮﻩ ﻭﺍﻟﻠﻪ ﺣﻨﻮﻥ ﺧﻼﺹ
ﺍﺣﻦ ﻋﻠﻲ ﻣﻦ ﺑﺎﺑﺎ : ﻫﺪﺍ ﻗﻠﺘﺎ ﺑﻨﻔﺴﻚ ﺑﺎﺑﺎ ﻭﺍﻧﺎ ﺑﺮﺿﻮ ﺷﺎﻳﻔﺎﻩ ﺣﻨﻮﻥ ﺯﻱ ﺑﺎﺑﺎ
ﻭﻋﻤﺮﻭ ﺿﻌﻒ ﻋﻤﺮﻱ : ﻭﺍﻟﻠﻪ ﻳﺎ ﺳﻤﺮ ﻟﻮ ﻛﻨﺖ ﺑﻨﺖ ﻛﺎﻥ ﺷﻠﺒﺘﻚ ﺣﻤﺮﺕ ﻟﻪ ﻗﺎﻝ
ﻟﻲ ﻋﻠﻴﻚ ﺍﻟﻠﻪ ﺷﻮﻓﻴﻪ ﻛﺴﺎﺭ ﻓﻴﻪ ﻛﻴﻒ ﻫﺎﻟﻪ ﺟﺎﺕ ﻧﺎﻃﻪ ﻗﺎﻟﺖ ﻟﻪ ﺷﻮﻓﻲ
ﺍﻟﻠﻮﻥ ﺩﺍ ﻭﺍﻟﻌﻴﻮﻥ ﻭﺍﻟﻐﻤﺎﺯﺍﺕ ﻭﺍﻟﺴﻜﺴﻮﻛﻪ ﻭﺍﻟﻠﺤﻴﻪ ﻭﺍﻟﻠﻪ ﺍﻣﺰﺯ ﻭﺍﺣﺪ ﻓﻲ
ﺍﻟﺠﺎﻣﻌﻪ ﺣﺘﻰ ﺍﻟﺸﻴﺐ ﻳﺤﺮﺩﻭﻩ ﻟﻪ : ﻋﺸﺎﻥ ﺧﺎﻟﻜﻢ ﺑﺘﺸﻜﺮﻭﻩ : ﺍﺟﻲ ﻳﺎ ﺳﻤﺮ
ﻣﺎﻟﻚ ﻣﺎ ﺷﺎﻳﻔﻪ ﺍﻟﺒﻨﺎﺕ ﻣﺎ ﻋﻨﺪﻫﻦ ﺳﻴﺮﻩ ﻏﻴﺮ ﺩﻛﺘﻮﺭ ﺍﻟﻬﺎﺩﻱ ﻭﻣﻜﺴﺮﺍﺕ ﻓﻴﻪ
ﻭﺍﻟﻠﻪ ﺑﻨﺎﺕ ﺩﻓﻌﺘﻨﺎ ﺩﻳﻞ ﺍﻱ ﻭﺍﺣﺪﻩ ﻧﻔﺴﺎ ﺗﺤﻨﻜﻮ : ﺑﺲ ﻟﻮ ﺍﺗﻘﺪﻡ ﻟﻮﺍﺣﺪﻩ ﻓﻴﻬﻦ
ﺑﺮﻓﻀﻦ : ﻋﺸﺎﻥ ﻋﻤﺮﻭ؟ ﻭﻳﻨﻮ ﺍﻟﻜﺒﺮ ﻳﺎ ﺑﻨﺖ ﻓﻲ ﺭﺟﺎﻝ ﺍﻻ ٤٠ ﺳﻨﻪ ﺣﺘﻰ ﻳﻔﻜﺮﻭ
ﻳﺘﺰﻭﺟﻮ ﻭﺑﺘﺰﺟﻮ ﺑﻨﺎﺕ ﺻﻐﺎﺍﺍﺍﺭ ﺍﺻﻐﺮ ﻣﻨﻨﺎ ﻛﻤﺎﻥ ﻭﺍﻗﻴﻔﻲ ﺍﻭﺭﻳﻚ ﻭﺍﻟﻠﻪ ﺧﺎﻟﻮ
ﺩﺍ ﺑﻨﺎﺕ ﺍﻫﻠﻨﺎ ﻛﺘﺎﺍﺍﺭ ﻣﺸﺮﻛﺎﺕ ﻟﻪ ﺍﻱ ﻭﺍﺣﺪﻩ ﻋﺎﻭﺯﻩ ﺗﺒﻘﻰ ﺍﻡ ﺍﻭﻻﺩﻭ ﻭﺍﻟﻠﻪ
ﺗﺮﻓﻀﻴﻪ ﻳﻌﺮﺱ ﻳﺨﻠﻴﻚ : ﺣﻼﻝ ﻋﻠﻴﻪ
ﺯﻣﺎﻥ ﻟﻤﻦ ﻛﻨﺖ ﺑﺴﻤﻊ ﺑﺪﻛﺘﻮﺭ ﺍﻟﻬﺎﺩﻱ ﺍﻟﻤﻜﺴﺮ ﺍﻟﺒﻨﺎﺕ ﻓﻲ ﺍﻟﺠﺎﻣﻌﻪ ﺍﻓﺘﻜﺮﺗﻮ
ﺷﺎﺏ ﻻﻧﻮ ﻛﺎﺭﻳﺰﻣﺎ ﻭﺍﺳﺘﻐﺮﺑﺖ ﻟﻤﻦ ﺷﻔﺘﻮ ﺍﻟﻌﺎﺟﺒﻬﻢ ﻓﻴﻪ ﺷﻨﻮ ﺍﻟﺸﺎﻳﺐ ﺩﺍ ﺍﺑﻮﻱ
ﻛﺎﻥ ﻋﺎﻭﺯ ﻳﻌﻤﻞ ﺍﻟﺨﻄﻮﺑﻪ ﺧﻼﻝ ﺍﺳﺒﻮﻉ ﺑﺲ ﺩﻛﺘﻮﺭ ﺍﻟﻬﺎﺩﻱ ﻗﺎﻝ ﻟﻪ ﻻﻻ ﻫﻲ
ﻋﻨﺪﻫﺎ ﺍﻣﺘﺤﺎﻧﺎﺕ ﺍﻟﻮﻗﺖ ﻣﺎ ﻣﻨﺎﺳﺐ ﺧﻠﻴﻬﺎ ﺗﺮﻛﺰ ﻋﻠﻰ ﻗﺮﺍﻳﺘﺎ ﻭﺍﺑﻮﻱ ﻳﺴﺘﻌﺠﻞ
ﻓﻴﻪ ﺭﺧﺼﻨﻲ ﻟﻪ ﻭﺧﺠﻠﻨﻲ ﺷﺪﻳﺪ ﻣﻌﺎﻩ ﻫﻮ ﻭﺍﻫﻠﻮ ﺑﻌﺪ ﺍﻻﻣﺘﺤﺎﻧﺎﺕ ﺟﻮ
ﺍﺧﻮﺍﺗﻮ ﺟﻮﺍﻫﺮ ﻭﺻﺪﻳﻘﻪ ﺍﻡ ﻓﺮﺡ ﻭﺍﻡ ﻫﺎﻟﻪ ﻣﻊ ﺑﻨﺎﺗﻬﻢ ﻭﻫﺎﻟﻪ ﻃﺒﻌﺎ ﻭﻋﻤﺔ
ﺩﻛﺘﻮﺭ ﺍﻟﻬﺎﺩﻱ ﻣﺮﺍ ﻛﺒﻴﺮﻩ ﻛﺪﺍ ﺟﺎﺑﻮ ﻟﻴﻨﺎ ﻗﻮﻟﺔ ﺧﻴﺮ ﻭﻣﻌﺎﻫﺎ ﺍﻟﺪﺑﻠﻪ ﻭﺍﻟﻤﺤﺒﺲ
ﻭﺳﺎﻋﻪ ﻭﺣﻠﻖ ﻭﺳﻠﺴﻞ ﻭﺍﺳﺎﻭﺭ ﻛﺪﺍ ﻋﺮﺍﺽ ﻛﻠﻬﻢ ﺩﻫﺐ ﺍﻣﻲ ﻟﻤﻦ ﺍﻧﺨﻠﻌﺖ
ﻧﺎﺩﻭﻧﻲ ﺟﻴﺖ ﺳﻠﻤﺖ ﻭﻗﻌﺪﺕ ﻓﻲ ﻧﺼﻬﻦ ﻣﺘﻮﺗﺮﻩ ﻭﺧﺎﻳﻔﻪ ﺑﺲ ﻫﻦ ﻃﻴﺒﺎﺕ
ﻃﻴﺒﻪ ﺷﺪﻳﺪﻩ ﺧﻔﻔﻦ ﻣﻦ ﺍﻟﺘﻮﺗﺮ ﺍﻟﻜﺎﻥ ﺣﺎﺻﻞ ﻭﺧﻮﻓﻲ ﺍﻣﻲ ﻗﺎﻟﺖ ﻟﻬﻢ ﻫﻲ
ﻳﺪﺍﺏ ﻃﺎﻟﻌﻪ ﻣﻦ ﺍﻻﻣﺘﺤﺎﻧﺎﺕ ﻭﻣﺮﻫﻘﻪ ﻟﻜﻦ ﺑﺤﺒﺴﺎ ﻟﻜﻢ ﻣﻦ ﺑﻜﺮﺍ ﺟﻮﺍﻫﺮ ﻗﺎﻟﺖ
ﻟﻬﺎ ﻻﻻ ﻟﺴﻪ ﺑﺪﺭﻱ ﺍﻟﻬﺎﺩﻱ ﺯﺍﺗﻮ ﻗﺎﻝ ﻳﺨﻠﻮﻫﺎ ﻋﻠﻰ ﺭﺍﺣﺘﺎ ﻣﺘﻰ ﻣﺎ ﺣﺴﺖ ﺍﻧﻬﺎ
ﺟﺎﻫﺰﻩ ﻟﻠﻌﺮﺱ ﺩﺍ ﻫﻮ ﺑﻌﻤﻠﻮ ﻃﺒﻌﺎ ﺍﻣﻲ ﺍﺣﺮﺟﺘﻨﻲ ﺷﺪﻳﺪ ﻭﻫﻲ ﻣﺴﺘﻌﺠﻠﻪ ﻟﻮ
ﻋﻠﻴﻬﺎ ﻳﻌﻘﺪﻭ ﺍﺳﻲ ﺩﻱ ﻭﻳﺴﻮﻗﻮﻧﻲ ﻟﻤﻦ ﺍﺷﺘﺮﺕ ﻟﻲ ﺍﻟﻜﺮﻳﻤﺎﺕ ﻭﺍﻟﺰﻳﻮﺕ ﻗﺎﻟﺖ
ﻟﻲ ﺍﻫﺘﻤﻲ ﺑﻨﻔﺴﻚ ﺑﻌﺪ ﺩﺍ ﻭﺍﻧﺎ ﻭﻻ ﻋﻠﻰ ﺑﺎﻟﻲ ﺑﻌﺪ ﺍﻟﺨﻄﻮﺑﻪ ﺍﻟﻤﻮﺿﻮﻉ ﺑﻘﻰ
ﻋﻠﻨﻲ ﺧﻼﺹ ﻭﺍﻟﺠﺎﻣﻌﻪ ﻛﻠﻬﺎ ﻋﺮﻓﺖ ﻋﺎﺩ ﻭﺍﻱ ﺯﻭﻝ ﻋﺎﻭﺯ ﻳﻌﺮﻑ ﺧﻄﻴﺒﺔ
ﺍﻟﻌﻤﻴﺪ ﻣﻨﻮ ﻭﻳﺸﻮﻓﺎ ﻓﻲ ﻧﺎﺱ ﻣﺎ ﺑﻌﺮﻓﻬﻢ ﺑﺠﻮ ﻳﺴﻠﻤﻮ ﻋﻠﻲ ﺑﺲ ﻭﻳﻤﺸﻮ
ﻭﻧﺎﺱ ﻳﺄﺷﺮﻭ ﻋﻠﻲ ﻭﻧﺎﺱ ﻳﻀﺤﻜﻮ ﺑﺴﻤﻊ ﻛﻼﻡ ﺍﻟﻨﺎﺱ ﻓﻴﻨﻲ ﺑﺄﺿﺎﻧﻲ ﻣﻦ
ﺍﺩﺧﻞ ﺍﻟﺠﺎﻣﻌﻪ ﺍﻟﻨﺎﺱ ﻛﻠﻬﺎ ﺗﺮﻛﺰ ﻣﻌﺎﻱ ﻓﻲ ﺑﻨﺎﺕ ﺑﺼﺮﺻﺮﻥ ﻓﻴﻨﻲ ﺑﺪﻭﻥ ﺳﺒﺐ
ﻛﺮﻫﺖ ﺭﻭﺣﻲ ﻭﺣﻴﺎﺗﻲ ﻭﻫﻮ ﺑﺘﺼﻞ ﻋﻠﻲ ﻃﻮﺍﻟﻲ ﻭﻛﻼﻣﻮ ﻣﻌﺎﻱ ﺑﺲ ﻛﻴﻔﻚ
ﻭﺻﺤﺘﻚ ﻭﺩﺭﺍﺳﺘﻚ
يتبــــــــــــــــــــــــــــــــــــــــــــع.