رواية ما بين الصباح والمساء الفصل الخامس 5 بقلم مشاعر مبعثره
ﻛﺮﻫﺖ ﺭﻭﺣﻲ ﻋﺪﻳﻞ ﻭﻫﻮ ﻛﻼﻣﻮ ﻣﻌﺎﻱ ﺑﺲ ﻛﻴﻔﻚ ﻭﺻﺤﺘﻚ ﻭﺩﺭﺍﺳﺘﻚ ﺯﻱ
ﺍﻟﻜﻼﻡ ﺍﻟﻜﺘﻴﺮ ﻭﺍﻟﻔﺎﺭﻍ ﺍﻟﺒﻘﻮﻟﻮﻩ ﺍﻟﺸﺒﺎﺏ ﺩﺍ ﻭﺳﻬﺮ ﺍﻟﻠﻴﺎﻟﻲ ﺑﺎﻟﺘﻠﻔﻮﻥ ﻣﺎ ﺣﺼﻞ
ﻭﻓﻲ ﺍﻟﺠﺎﻣﻌﻪ ﺑﻌﺎﻣﻠﻨﻲ ﻋﺎﺩﻱ ﻭﻟﻤﻦ ﺍﺗﺄﺧﺮ ﺑﻮﺻﻠﻨﻲ ﺍﻟﺒﻴﺖ ﺑﺲ ﺍﻣﻲ ﻗﺎﻟﺖ ﻟﻲ
ﺍﻭﻋﺎ ﺗﺎﻧﻲ ﺗﺮﻛﺒﻲ ﻣﻌﺎﻩ ﻭﻟﻮ ﻧﺎﺩﺍﻙ ﻣﻜﺘﺒﻮ ﻣﺎ ﺗﻤﺸﻲ ﻟﻪ ﻣﺎ ﻣﻌﺮﻭﻑ ﻧﻴﺘﻮ
ﺗﺠﺎﻫﻚ ﺍﻣﻜﻦ ﺩﻱ ﺍﻣﻮﺭ ﻣﻨﻮ ﺑﺲ ﻭﻋﺎﻭﺯ ﻳﻀﺮﻙ ﻋﺸﺎﻥ ﻛﺪﺍ ﺑﺄﺟﻞ ﻓﻲ ﺍﻟﻌﺮﺱ
ﻭﺍﻧﺎ ﺑﺼﺮﺍﺣﻪ ﺧﻔﺖ ﻭﺑﺪﻳﺖ ﺍﺷﻚ ﻓﻴﻪ ﺑﺲ ﻫﻮ ﺩﺍﻳﻤﺎ ﺑﺜﺒﺖ ﻟﻲ ﺍﻟﻌﻜﺲ ﻳﻌﻨﻲ
ﻋﻤﺮﻭ ﻣﺎ ﻗﺎﻝ ﻭﻻ ﻋﻤﻞ ﻟﻲ ﺣﺎﺟﻪ ﻣﺎ ﺗﻤﺎﻡ ﺣﺘﻰ ﻧﻈﺮﺍﺗﻮ ﻟﻲ ﻣﺎﻓﻴﻬﺎ ﺧﺒﺚ ﻛﻠﻬﺎ
ﻋﻄﻒ ﻭﺣﻨﺎﻥ ﻭﺑﺤﺴﻮ ﺍﺑﻮﻱ ﺍﻛﺘﺮ ﻣﻦ ﺍﻧﻮ ﺧﻄﻴﺒﻲ ﺣﺘﻰ ﺑﺪﻳﺖ ﺍﺷﻚ ﻓﻲ
ﻧﻮﺍﻳﺎﻩ ﻫﻮ ﺍﻟﺮﺍﺟﻞ ﺩﺍ ﺑﺎﻟﺠﺪ ﻋﺎﻭﺯ ﻳﺘﺰﻭﺟﻨﻲ ﻭﺍﺟﻴﺐ ﻟﻪ ﻭﻟﺪ ﻛﻤﺎﻥ؟؟ ﻣﺮﻩ
ﻋﺰﻣﻨﺎ ﺭﺣﻠﻪ ﺍﻧﺎ ﻭﺍﺧﻮﺍﺗﻲ ﻣﻊ ﺍﺧﻮﺍﻧﻮ ﻭﺍﻭﻻﺩﻫﻢ ﺟﻮ ﺳﺎﻗﻮﻧﺎ ﻣﻦ ﺍﻟﺒﻴﺖ
ﺑﻌﺮﺑﺎﺗﻢ ﻣﺸﻴﻨﺎ ﺍﻟﺤﺪﻳﻘﻪ ﻭﺍﻟﺠﻮ ﻛﺎﻥ ﻇﺎﺑﻂ ﻃﺒﻌﺎ ﺟﺎﺏ ﻟﻲ ﺃﻳﻔﻮﻥ ﻭﻻﺑﺘﻮﺏ
ﻭﺍﻟﻤﺼﺎﺭﻳﻒ ﺩﻱ ﻋﺎﺩ ﻛﻞ ﻳﻮﻡ ﺍﻛﺘﺮ ﻣﻦ ﻛﻔﺎﻳﺘﻲ ﺑﻜﺘﻴﺮ ﻭﺟﺎﺏ ﻟﻲ ﻗﻮﻟﺔ ﺧﻴﺮ
٥٠٠ ﺃﻟﻒ ﻭﻗﺎﻝ ﺍﻟﺒﻴﺖ ﺟﺎﻫﺰ ﻣﻦ ﻛﻠﻮ ﻭﻻ ﻋﺪﻩ ﺯﺍﺗﻮ ﻣﺎ ﻣﺤﺘﺎﺟﻪ ﻭﺑﻜﺴﻴﻨﻲ
ﻃﻮﺍﻟﻲ ﻭﺍﻟﺸﻴﺘﺎﺕ ﻭﺭﺳﻮﻡ ﺍﻟﺠﺎﻣﻌﻪ ﻭﻣﺼﺎﺭﻳﻔﺎ ﻫﻮ ﻣﺘﻜﻔﻞ ﺑﺎﻱ ﺣﺎﺟﻪ
ﺑﺘﺨﺼﻨﻲ ﺍﺑﻮﻱ ﺭﻓﻊ ﻳﺪﻭ ﻣﻨﻲ ﺗﻤﺎﻣﺎ ﻟﻤﻦ ﺑﺸﻴﻞ ﻣﻨﻲ ﻭﺑﻘﻮﻝ ﻟﻲ ﺍﺩﻱ ﺍﺧﻮﺍﺗﻚ
ﻭﻣﻦ ﺍﻟﻘﺮﻭﺵ ﺍﻟﺒﺘﺸﻴﻠﻬﻢ ﻣﻨﻲ ﺍﻣﻲ ﺍﺷﺘﺮﺕ ﻟﻬﺎ ﻏﺴﺎﻟﻪ ﺟﺪﻳﺪﻩ ﻭﻣﺮﻭﺣﻪ
ﻭﻣﻜﻴﻒ ﻭﻣﻜﻮﻩ ﻭﻋﺎﻭﺯﻩ ﺗﺠﻴﺐ ﺳﺮﺍﻣﻴﻚ ﻣﺮﺍﺕ ﻗﺮﻭﺷﻲ ﻛﻠﻬﺎ ﺑﺘﺸﻴﻼ ﻭﻫﻮ
ﻳﺪﻓﻊ ﺳﺎﺍﺍﻱ ﻭﺍﻟﻠﻪ ﺍﻧﺎ ﻟﻤﻦ ﺑﺨﺠﻞ ﻋﺪﻳﻞ ﻟﻤﻦ ﺍﺟﻲ ﺍﺷﻴﻞ ﻣﻨﻮ ﻗﺮﻭﺵ ﻭﻟﻮ
ﺭﻓﻀﺖ ﺍﺑﻮﻱ ﺑﺸﺎﻛﻠﻨﻲ ﻣﺮﺍﺕ ﺑﻘﻮﻝ ﻟﻪ ﻋﻨﺪﻱ ﻭﺑﺤﻠﻒ ﻣﺎ ﺍﺷﻴﻞ ﺑﻘﻮﻡ ﻳﺪﻳﻬﻢ
ﻻﺑﻮﻱ ﻭﺗﺎﻧﻲ ﺑﻌﻴﻨﻲ ﻣﺎ ﺑﺸﻮﻓﻬﻢ ﻧﺮﺟﻊ ﻟﻴﻮﻡ ﺍﻟﺮﺣﻠﻪ ﻣﺸﻴﻨﺎ ﺍﻟﻨﻴﻞ ﻭﻗﺎﻋﺪﻳﻦ ﺍﻧﺎ
ﻭﻫﺎﻟﻪ ﻭﻓﺮﺡ ﻭﺩﻛﺘﻮﺭ ﺍﻟﻬﺎﺩﻱ ﻭﻣﺜﺎﻧﻲ ﻗﺎﻟﻮ ﻣﺎﺷﻴﻦ ﻳﻘﻄﻌﻮ ﻭﺍﻧﺎ ﺑﺨﺎﻑ ﺷﺪﻳﺪ
ﺍﺑﻴﺖ ﺍﻣﺸﻲ ﻣﻌﺎﻫﻢ ﺍﺗﻠﻔﺖ ﻟﻘﻴﺖ ﺩﻛﺘﻮﺭ ﺍﻟﻬﺎﺩﻱ ﺑﺮﺿﻮ ﻗﺎﻋﺪ ﻭﺍﻧﺎ ﻗﺎﻳﻼﻩ ﻣﺸﻰ
ﻣﻌﺎﻫﻢ ﻗﺎﻝ ﻟﻲ ﻣﺎﻟﻚ ﻣﺎ ﻋﺎﻭﺯﻩ ﺗﺮﻛﺒﻲ ﻣﻌﺎﻫﻢ : ﺭﺍﺳﻲ ﺑﻠﻒ ﻭﺑﺨﺎﻑ ﻭﺍﻟﻠﻪ ﻣﻦ
ﺍﻟﻤﻮﻳﻪ : ﺧﻮﻑ ﺷﻨﻮ ﻳﺎ ﺳﻤﺮ ﻭﺍﻟﻠﻪ ﺣﺎﺟﻪ ﺣﻠﻮﻩ ﺟﺮﺑﻲ : ﻻﻻ ﻣﺴﺘﺤﻴﻞ : ﻏﺎﻳﺘﻮ
ﻓﻲ ﺑﻴﺘﻨﺎ ﺑﺘﺘﻌﻮﺩﻱ ﻫﺎﻟﻪ ﺩﻱ ﺳﺒﺎﺣﻪ ﺑﺘﻌﻠﻤﻚ ﺳﻜﺘﺖ ﻗﺎﻝ ﻟﻲ ﺧﻼﺹ ﻗﻮﻣﻲ
ﻧﻤﺸﻲ ﺷﻮﻳﻪ ﻗﻤﺖ ﻣﻌﺎﻩ
ﺷﺎﻳﻒ ﺍﺧﻮﺍﻧﻚ ﺍﻟﺼﻐﺎﺭ ﻣﺘﻌﻠﻘﻴﻦ ﺑﻚ ﺷﺪﻳﺪ ﺍﻟﻤﺎﺑﻌﺮﻓﻜﻢ ﻳﻘﻮﻝ ﺍﻭﻻﺩﻙ : ﻣﺎ ﺍﻧﺎ
ﺍﻟﺮﺑﻴﺘﻢ ﻣﻦ ﺻﻐﺎﺭ ﻫﻲ ﻣﺜﺎﻧﻲ ﺍﻟﻨﺎﻓﺨﻪ ﺭﻳﺸﺎ ﺩﻱ ﺍﻧﺎ ﺷﻠﺘﺎ ﺍﺑﺘﺴﻢ ﻗﻠﺖ ﻟﻪ ﻣﺎ
ﺗﺸﻮﻓﻬﻢ ﻛﺪﺍ ﻗﻠﻴﻠﻴﻦ ﺍﺩﺏ ﺧﻼﺹ ﻓﻲ ﺍﻟﺒﻴﺖ ﻭﻣﻌﺬﺑﻨﻲ ﻭﺍﻟﻠﻪ ﺍﻧﺎ ﺭﺑﻴﺘﻢ ﻋﺪﻳﻞ
ﻭﺑﻌﺪ ﺩﺍ ﺑﺮﺩﻭ ﻟﻲ ﺍﻟﻜﻠﻤﻪ ﺑﺎﻟﻜﻠﻤﻪ : ﻛﻠﻤﻲ ﻟﻬﻢ ﺍﻣﻚ ﺑﺲ : ﺍﻣﻲ؟؟ ﻭﺍﻟﻠﻪ ﻭﻻ
ﺑﺘﺴﺄﻟﻬﻢ ﺍﺻﻼ ﻃﺒﻌﺎ ﻧﺴﻴﺖ ﻧﻔﺴﻲ ﻋﺪﻳﻞ ﻭﺑﺪﻳﺖ ﺍﺣﻜﻲ ﻟﻪ ﻋﻦ ﺣﻴﺎﺗﻲ
ﻭﻋﺎﻳﺸﻪ ﻛﻴﻒ ﻭﻣﻌﺎﻣﻠﺔ ﻧﺎﺱ ﺍﻟﺒﻴﺖ ﻟﻲ ﺣﻜﻴﺖ ﻟﻪ ﺑﻌﻔﻮﻳﻪ ﺷﺪﻳﺪﻩ ﻭﺑﻄﺮﻳﻘﻪ
ﻛﻮﻣﻴﺪﻳﻪ ﻻﻧﻲ ﺍﺻﻼ ﺑﻘﻴﺖ ﺍﺷﻮﻓﺎ ﻛﺪﺍ ﻣﻦ ﻛﺘﺮﺓ ﺍﻟﺘﻌﻮﺩ ﻭﻫﻮ ﻭﻗﻒ ﻓﺠﺎﺀﺓ
ﻭﺑﻘﻰ ﻳﻌﺎﻳﻦ ﻟﻲ ﺑﻜﺴﺮﻩ ﻭﺍﻟﻠﻪ
ﺳﻤﻴﺮ ﺩﺍ ﻣﺮﻳﺾ ﺧﻼﺹ ﺍﻳﺎﻡ ﻛﻨﺖ ﻣﻤﺘﺤﻨﻪ ﺍﻟﺸﻬﺎﺩﻩ ﺟﺎﻩ ﺍﻟﺘﻬﺎﺏ ﺩﻡ ﻭﺍﻧﺎ
ﺭﻗﺪﺕ ﻣﻌﺎﻩ ﺛﻼﺛﻪ ﺍﻳﺎﻡ ﻓﻲ ﺍﻟﻤﺴﺘﺸﻔﻰ ﺍﻣﻲ ﺳﺎﻓﺮﺕ ﻟﻌﺮﺱ ﺧﺎﻟﺘﻲ ﻛﻨﺖ ﺑﻘﺮﺍ
ﺑﻠﻴﻞ ﺑﺮﺍ ﻓﻲ ﺷﺠﺮﺓ ﺍﻟﻤﺴﺘﺸﻔﻰ ﺍﻗﺮﺍ ﺳﺎﻋﻪ ﻭﺍﻧﻮﻡ ﺳﺎﻋﺘﻴﻦ ﻗﺮﺍﻳﻪ ﺍﺧﻴﺮ ﻋﺪﻣﺎ
ﻫﻬﻬﻬﻬﻬﻬﻬﻬﻬﻪ ﺍﻧﺎ ﻃﺒﻌﺎ ﺷﺎﻳﻔﺎﻫﺎ ﻓﻼﺣﻪ ﺍﻧﺘﺒﻬﺖ ﻟﻪ ﻟﻘﻴﺘﻮ ﺑﻌﺎﻳﻦ ﻟﻲ ﺑﻜﺴﺮﻩ ﻗﺎﻝ
ﻣﺎ ﻗﺪﺭﺍ ﺍﻟﺤﺎﺟﺎﺕ ﺩﻱ ﺍﻧﺘﻲ ﻳﺎ ﺑﺎﺑﺎ ﻟﺴﻪ ﺻﻐﻴﺮﻩ ﻭﺍﻟﻠﻪ ﺍﻧﺎ ﻗﺮﺑﺖ ﺍﺑﻜﻲ ﻭﻧﺪﻣﺖ
ﻻﻧﻲ ﻓﺘﺤﺖ ﻟﻪ ﻗﻠﺒﻲ ﻻﻧﻮ ﺣﺴﺴﻨﻲ ﺑﺎﻟﺬﻧﺐ ﺗﺠﺎﻩ ﻧﻔﺴﻲ ﻭﺍﺷﻔﻘﺖ ﻋﻠﻴﻬﺎ
ﺑﺸﻔﻘﺘﻮ ﻫﻮ ﻋﻠﻲ ﻗﺎﻝ ﻟﻲ ﻣﺎ ﺗﺰﻋﻠﻲ ﻣﻦ ﻛﻼﻣﻲ ﺑﺲ ﻭﺍﻟﻠﻪ ﺍﻫﻠﻚ ﺷﻴﻠﻮﻙ
ﺍﻟﻤﺴﺆﻭﻟﻴﻪ ﺑﺪﺭﻱ ﻣﺴﻜﺘﻲ ﺑﻴﺖ ﻭﺭﺑﻴﺘﻲ ﺑﻘﻴﺘﻲ ﺍﻡ ﻓﻲ ﺍﻟﺰﻣﻦ ﺍﻟﻤﻔﺮﻭﺽ
ﺗﻨﺒﺴﻄﻲ ﻓﻲ ﻭﺗﻌﻴﺸﻲ ﻃﻔﻮﻟﺘﻚ ﻭﺷﺒﺎﺑﻚ ﺍﻟﻴﺪﺍﺏ ﺩﺍﺧﻠﻪ ﻋﻠﻴﻪ ﺩﺍ ﻛﻠﻮ ﻣﻠﺤﻮﻕ
ﺑﺲ ﻃﻔﻮﻟﺘﻚ ﺍﻟﻔﻮﺗﻴﻬﺎ ﻣﺎ ﺑﺘﺘﻌﻮﺽ ﻗﻠﺖ ﻟﻪ ﺍﻧﺖ ﺻﺪﻗﺖ ﻳﻌﻨﻲ؟؟ ﺍﺷﺘﻐﻠﺘﻚ
ﺳﺎﻱ : ﻭﺍﻟﻠﻪ ﻓﺮﺡ ﺯﺍﺗﻮ ﻗﺎﻝ ﻟﻲ : ﻗﺎﻝ ﻟﻚ ﺷﻨﻮ : ﺍﻧﻚ ﻛﻮﻣﻴﺪﻳﻪ ﺷﺪﻳﺪ ﻭﻣﺮﺍﺕ
ﺑﺘﺠﻴﺒﻴﻬﺎ ﻛﺒﻴﺮﻩ ﺷﺪﻳﺪ ﻭﺗﺴﻮﻗﻴﻬﻢ ﺑﺎﻟﺨﻼ : ﻓﻌﻼ : ﺧﻠﻴﻨﺎ ﻧﺮﺟﻊ ﺑﻌﺪ ﺩﺍ ﻣﺸﻴﻨﺎ
ﺑﻌﻴﺪ
ﻫﻮ ﻣﺸﺎﻧﻲ ﺑﺲ ﺍﻧﺎ ﻣﺘﺄﻛﺪ١٠٠% ﺍﻧﻮ ﻋﺎﺭﻑ ﻭﻓﺎﻫﻢ ﺍﻻﻧﺎ ﻋﺎﻳﺸﺎﻩ ﻓﻲ ﺑﻴﺘﻨﺎ
ﻭﺍﻟﻤﻌﺎﻧﺎﺓ ﺍﻻﻧﺎ ﻓﻴﻬﺎ ﺣﺘﻰ ﺍﻟﺰﻭﺍﺝ ﺩﺍ ﻋﺎﺭﻓﻨﻲ ﻣﻐﺼﻮﺑﻪ ﻋﻠﻴﻪ ﺑﺲ ﻣﺎ ﻋﺎﻭﺯ
ﻳﺪﻳﻨﻲ ﺣﺮﻳﺘﻲ ﻣﺎ ﻋﺎﺭﻓﻪ ﻟﻴﻪ
ﻋﺪﺕ ﺍﻻﻳﺎﻡ ﻭﺍﻟﺸﻬﻮﺭ ﻭﺍﻟﺤﺎﻝ ﻓﻲ ﺣﺎﻟﻮ ﺩﻛﺘﻮﺭ ﺍﻟﻬﺎﺩﻱ ﻧﻬﺎﺋﻲ ﻣﺎ ﻣﻀﺎﻳﻘﻨﻲ ﻓﻲ
ﻣﻮﺿﻮﻉ ﺍﻟﻌﺮﺱ ﻭﺍﺑﻮﻱ ﻣﺎ ﺑﺎﻗﻲ ﻟﻪ ﺍﻻ ﻳﻘﻮﻝ ﻟﻪ ﺗﻌﺎﻝ ﺍﻋﻘﺪ ﻟﻚ ﺭﻣﻀﺎﻥ ﻗﺮﺏ
ﻗﻠﺖ ﻷﻣﻲ ﺃﻋﻤﻠﻲ ﻟﻬﻢ ﻗﻄﺮ ﻫﻢ ﻣﺎ ﻗﺼﺮﻭ ﻣﻌﺎﻧﺎ ﻗﻌﺪﺕ ﺗﺸﺎﻛﻞ ﻗﻄﺮ ﺷﻨﻮ ﻫﻢ
ﻣﺎﻟﻬﻢ ﻣﺤﺘﺎﺟﻴﻦ ﻭﺍﺑﻮﻱ ﻧﻔﺲ ﺍﻟﻔﻬﻢ ﻃﻤﺎﻋﻴﻦ ﻣﺜﺎﻧﻲ ﻗﺎﻟﺖ ﻟﻬﺎ ﻭﺍﻟﻠﻪ ﻳﺎ ﺍﻣﻲ
ﺷﻴﻨﻪ ﻋﺪﻳﻞ ﺍﺳﻲ ﻳﻘﻮﻟﻮ ﻧﺤﻦ ﺑﺨﻴﻠﻴﻦ ﻭﺩﺍﺧﻠﻴﻦ ﻋﻠﻰ ﻃﻤﻊ : ﺧﻠﻴﻬﻢ ﻳﻘﻮﻟﻮ ﺍﻱ
ﺣﺎﺟﻪ ﻫﻢ ﻣﺤﺘﺎﺟﻴﻦ ؟؟ : ﻣﺎ ﻋﺸﺎﻥ ﻣﺤﺘﺎﺟﻴﻦ ﻳﺎ ﺍﻣﻲ ﻋﺸﺎﻧﺎ ﻧﺤﻦ ﺍﻧﺎ ﻗﻠﺖ
ﻟﻬﻢ ﺧﻼﺹ ﺑﻌﻤﻠﻬﻢ ﺑﺮﺍﻱ ﻭﺍﺻﻼ ﻫﻮ ﻣﺎ ﻣﻘﺼﺮ ﻣﻌﺎﻱ ﻭﻋﻨﺪﻱ ﺍﻟﻘﺮﻭﺵ ﻗﻠﺖ
ﺑﺸﺘﺮﻱ ﺍﻻﺑﺮﻱ ﺟﺎﻫﺰ ﻭﺑﺎﻗﻲ ﺍﻟﺤﺎﺟﺎﺕ ﻫﻴﻨﻪ ﻭﺭﻳﺘﻮ ﻋﺸﺎﻥ ﻳﻜﻠﻢ ﻧﺎﺱ ﺍﻟﺒﻴﺖ
ﻭﻳﺸﻮﻓﻮ ﺍﻟﻴﻮﻡ ﺍﻟﻤﻨﺎﺳﺐ ﻗﺎﻝ ﻟﻲ ﻻﻻ ﻧﺤﻦ ﻣﺎ ﻋﻨﺪﻧﺎ ﺍﻟﻌﺎﺩﻩ ﺩﻱ ﻭﻋﺎﻓﻲ ﻟﻚ ﺍﻧﺎ
ﻗﺪﺭ ﻣﺎ ﺍﺻﺮﻳﺖ ﺣﻠﻒ ﺍﻧﻮ ﻻ ﻣﺎ ﻋﺎﻭﺯ ﻳﻜﻠﻔﻨﺎ
ﻳﺎ ﺑﻨﺖ ﺍﻧﺎ ﺍﺻﻼ ﻣﺎ ﺻﺎﻳﻢ ﻓﻲ ﺍﻟﺴﻮﺩﺍﻥ ﺗﺘﻌﺒﻲ ﻧﻔﺴﻚ ﻟﻴﻪ؟؟ : ﻣﺎﺷﻲ ﻭﻳﻦ؟؟
ﻃﺒﻌﺎ ﺩﻱ ﻛﺎﻧﺖ ﺍﻭﻝ ﻣﺮﻩ ﺍﺗﺪﺧﻞ ﻓﻴﻬﺎ ﻓﻲ ﺗﻔﺎﺻﻴﻞ ﺣﻴﺎﺗﻮ ﻣﺎ ﻛﻨﺖ ﺑﻬﺘﻢ
ﺧﺎﻟﺺ ﻭﻫﻮ ﺯﺍﺗﻮ ﺍﺳﺘﻐﺮﺏ ﺣﺘﻰ ﺟﺮﺃﺗﻲ ﻓﻲ ﺍﻟﺴﺆﺍﻝ ﺯﺍﺗﻮ ﻗﻠﺘﺎ ﻟﻪ ﺑﻄﺮﻳﻘﻪ ﻛﺪﺍ
ﺣﺎﺩﻩ ﺍﺑﺘﺴﻢ ﻭﻗﺎﻝ ﻟﻲ ﺻﺎﻳﻢ ﻓﻲ ﺍﻟﺴﻌﻮﺩﻳﻪ ﻭﻧﺎﻭﻱ ﺍﻋﻤﻞ ﻋﻤﺮﻩ ﺍﻧﺸﺎﺀﺍﻟﻠﻪ :
ﺍﻳﻮﺍﺍﺍﺍ : ﻭﺍﻧﺘﻲ ﻣﺎ ﻧﻔﺴﻚ ﺗﻌﻤﺮﻱ؟؟ : ﻋﻤﺮﻩ ﻋﺪﻳﻞ ﻛﺪﺍ ﻣﺎ ﺣﺼﻞ ﻓﻜﺮﺕ ﻓﻴﻬﺎ :
ﺧﻼﺹ ﻓﻜﺮﻱ ﺍﻧﺎ ﺣﺎﺍﻭﺩﻳﻚ ﺍﻧﺸﺎﺀﺍﻟﻠﻪ ﻭﻧﺤﺞ ﻣﻊ ﺑﻌﺾ : ﺍﻧﺸﺎﺀﺍﻟﻠﻪ : ﻃﻴﺐ
ﻭﺭﻱ ﺍﻫﻠﻚ ﻣﺎ ﻳﺘﻌﺒﻮ ﻧﻔﺴﻬﻢ ﺳﺎﻱ ﺑﻌﺪ ﻛﻢ ﻳﻮﻡ ﺟﺎﺗﻨﻲ ﻓﻜﺮﻩ ﺍﻧﻮ ﺍﻋﻤﻞ ﻟﻪ
ﺣﺎﺟﺎﺕ ﻳﺴﺎﻓﺮ ﺑﻬﺎ ﻭﻫﻨﺎﻙ ﺻﻌﺐ ﻳﻠﻘﻰ ﺍﻻﺑﺮﻱ ﻭﺍﻟﺮﻗﺎﻕ ﻗﻠﺖ ﻷﻣﻲ ﻋﺎﻭﺯﻩ
ﺍﺷﺘﺮﻱ ﺍﺑﺮﻱ ﻭﻛﺮﻛﺪﻱ ﻭﺭﻗﺎﻕ ﻟﺪﻛﺘﻮﺭ ﺍﻟﻬﺎﺩﻱ ﻋﺸﺎﻥ ﺣﺎﻳﻌﺪﻱ ﺭﻣﻀﺎﻥ ﻓﻲ
ﺍﻟﺴﻌﻮﺩﻳﻪ ﻃﻮﺍﻟﻲ ﻗﺎﻣﺖ ﺗﺠﻮﻁ ﻭﺗﺸﺎﻛﻞ ﻗﻠﺖ ﻟﻬﺎ ﻋﻠﻰ ﻓﻜﺮﻩ ﺍﻧﺘﻲ ﻣﺎ
ﻣﻄﻠﻮﺏ ﻣﻨﻚ ﺣﺎﺟﻪ ﺍﻧﺎ ﺣﺎﺍﺷﺘﺮﻱ ﺣﺎﺟﺎﺗﻲ ﺑﺮﺍﻱ ﺍﻻﺑﺮﻱ ﺑﺄﺟﺮ ﻣﺮﺍ ﺗﻌﻮﺳﻮ
ﻭﺑﻌﻮﺱ ﺍﻟﺮﻗﺎﻕ ﺑﺮﺍﻱ ﻟﻤﻦ ﺷﺎﻓﺘﻨﻲ ﺟﺎﺩﻩ ﻭﺍﻻﺑﺮﻱ ﺑﻜﻠﻒ ﻛﺘﻴﺮ ﻗﺎﻟﺖ ﺑﺘﻌﻤﻠﻮ
ﻫﻲ ﻭﻟﻤﻦ ﺑﺎﻗﻲ ﺍﻟﻘﺮﻭﺵ ﺷﺎﻟﺘﻬﻢ ﻭﺍﻧﺎ ﻋﺴﺖ ﺍﻟﺮﻗﺎﻕ ﻭﺍﺷﺘﺮﻳﺖ ﺍﻟﻜﺮﻛﺪﻱ
ﻭﺍﻟﻌﺮﺩﻳﺐ ﻭﺍﻟﺘﺒﻠﺪﻱ
ﺍﻟﺴﻼﻡ ﻋﻠﻴﻜﻢ : ﻭﻋﻠﻴﻜﻢ ﺍﻟﺴﻼﻡ ﻳﺎ ﺩﻛﺘﻮﺭ ﻃﻴﺎﺭﺗﻚ ﻣﺘﻴﻦ ﺑﺘﻘﻮﻡ : ﻣﺎﺷﻲ ﻋﻠﻰ
ﺍﻟﻤﻄﺎﺭ : ﻻ ﺣﻮﻻ : ﻣﺎﻟﻚ
ﺍﻧﺎ ﻛﻨﺖ ﻓﻲ ﺍﻟﺠﺎﻣﻌﻪ ﻋﺎﺩ ﻣﺎ ﻛﻨﺖ ﻋﺎﺭﻓﺎﻩ ﺣﺎﻳﻄﻠﻊ ﺑﺪﺭﻱ ﻛﺪﺍ ﺟﺮﻳﺖ ﺍﻟﺒﻴﺖ
ﺍﺟﺮﺕ ﻟﻲ ﺍﻣﺠﺎﺩ ﺭﻓﻌﺖ ﺍﻟﻜﺮﺍﺗﻴﻦ ﻭﺍﺗﺼﻠﺖ ﺑﻪ ﺍﻭﻝ ﻣﺎ ﻃﻠﻌﺖ ﻗﻠﺖ ﻟﻪ ﺍﻧﺖ
ﻭﻳﻦ ﻗﺎﻝ ﻟﻲ ﻓﻲ ﺻﺎﻟﺔ ﺍﻟﻤﻐﺎﺩﺭﻩ ﻗﺮﺑﺖ ﺍﺟﻦ ﻗﻠﺖ ﻟﻪ ﻋﻠﻴﻚ ﺍﺳﺘﻨﻰ ﺷﻮﻳﻪ ﺍﻧﺎ
ﺟﺎﻳﻪ ﻋﻠﻴﻚ : ﻣﺎ ﻛﺎﻥ ﺗﺘﻜﻠﻤﻲ ﻣﻦ ﺑﺪﺭﻱ ﻣﺪﺍﻡ ﻋﺎﻭﺯﻩ ﺗﻮﺩﻋﻴﻨﻲ : ﺍﺳﺘﻨﻰ ﻋﻠﻴﻚ
ﺍﻟﻠﻪ ﻣﺎ ﺗﺮﻛﺐ ﺍﻻ ﺑﻌﺪ ﺍﺟﻴﻚ ﺍﺳﺘﻐﺮﺏ ﺷﺪﻳﺪ ﻃﺒﻌﺎ ﺍﻭﻝ ﻣﺎ ﻭﺻﻠﺖ ﺍﺗﺼﻠﺖ ﺑﻪ
ﺟﺎﺀ ﻃﺎﻟﻊ ﻟﻲ ﻭﺳﻠﻢ ﻋﻠﻲ ﺍﻧﺎ ﻧﻔﺴﻲ ﻛﺎﻥ ﻗﺎﻳﻢ ﻋﺪﻳﻞ ﻭﻟﻤﻦ ﺷﺎﻑ ﺍﻟﺤﺎﺟﺎﺕ
ﺯﻋﻞ ﻭﻗﺎﻝ ﻟﻲ ﻟﻴﻪ ﺗﻜﻠﻔﻲ ﻧﻔﺴﻚ ﻛﺪﺍ ﻭﺍﻟﺰﻣﻦ ﻓﺎﺕ ﺯﺍﺗﻮ ﺍﻃﻠﻌﻬﻢ ﻛﻴﻒ ﺍﻧﺎ
ﻗﺮﺑﺖ ﺍﺑﻜﻲ ﺧﺴﺎﺭﻩ ﻳﺎﺥ ﺗﻌﺒﻲ ﺩﺍ ﻛﻠﻮ ﻭﺍﻟﺠﺮﻱ ﺍﻟﺠﺮﻳﺘﻮ ﻗﺎﻝ ﻟﻲ ﺧﻼﺹ ﻳﺎ
ﺑﺎﺑﺎ ﻣﺎ ﺗﺰﻋﻠﻲ ﻣﻨﻲ ﺑﺲ ﻣﺎ ﻛﻨﺖ ﻋﺎﻭﺯﻙ ﺗﻜﻠﻔﻲ ﻧﻔﺴﻚ ﻛﺪﺍ : ﻣﺎﻓﻲ ﺍﻱ ﺗﻜﻠﻔﻪ
ﺍﻻﺑﺮﻱ ﺩﺍ ﻫﻨﺎﻙ ﻣﺎ ﺑﺘﻠﻘﺎﻩ ﻭﺍﻟﺮﻗﺎﻕ ﻋﺴﺘﻮ ﺍﻣﺲ ﻗﻌﺪ ﻳﻀﺤﻚ ﻳﺴﻠﻤﻮ ﻟﻲ
ﻳﺪﻳﻚ ﺍﻧﺸﺎﺀﺍﻟﻠﻪ ﻭﺍﻟﻠﻪ ﺍﻭﻝ ﻣﺮﻩ ﺯﻭﻝ ﻳﺸﻴﻠﻨﻲ ﺯﻱ ﺣﻤﻮﻟﺘﻚ ﺩﻱ : ﺍﺳﻔﻪ ﻭﺍﻟﻠﻪ
ﺍﺧﺮ ﻣﺮﻩ : ﻻﻻ ﻋﺠﺒﺘﻨﻲ ﺍﻟﺤﺮﻛﻪ ﺩﻱ ﺍﺻﻼ ﺑﺤﺐ ﺍﻻﺑﺮﻱ ﺍﻟﻠﻪ ﻳﺮﺿﻰ ﻋﻠﻴﻚ
ﻭﺧﺖ ﻳﺪﻩ ﻓﻲ ﺭﺍﺳﻲ
ﻳﺎﺥ ﻫﻮ ﻣﺎ ﻋﺎﺭﻑ ﻧﻔﺴﻮ ﺑﻌﻤﻞ ﻓﻴﻨﻲ ﺷﻨﻮ ﻟﻤﺎ ﻳﻘﻮﻝ ﻟﻲ ﻳﺎﺑﺎﺑﺎ ﻭﺍﻟﻠﻪ ﻳﺮﺿﻰ
ﻋﻠﻴﻚ ﻭﺍﺳﻲ ﺑﻤﺴﺢ ﺭﺍﺳﻲ ﻋﺎﻃﻔﻪ ﻋﻨﺪ ﺍﺑﻮﻱ ﻣﺎ ﺣﺴﻴﺘﻬﺎ ﺑﺲ ﻫﻮ ﺣﺎﻳﺨﺮﺏ
ﺍﻱ ﺣﺎﺟﻪ ﺑﺎﻟﻌﺮﺱ ﺩﺍ ﻭﻳﺤﻮﻝ ﺍﻟﻤﺸﺎﻋﺮ ﺍﻟﺤﻠﻮﺓ ﺩﻱ ﻛﻠﻬﺎ ﻟﻠﻀﺪ
ﻣﺪﺍ ﻟﻲ ﻳﺪﻭ ﻳﻼ ﻳﺎ ﺳﻤﺮ ﻻﺯﻡ ﺍﺗﺤﺮﻙ ﺑﻌﺪ ﺩﺍ ﺧﻠﻲ ﺑﺎﻟﻚ ﻣﻦ ﻧﻔﺴﻚ : ﻭﺍﻧﺖ
ﻛﻤﺎﻥ ﻳﺎ ﺩﻛﺘﻮﺭ : ﺗﺎﻧﻲ ﻳﺎ ﺩﻛﺘﻮﺭ ؟؟ ﻋﺎﻳﻨﺖ ﻟﻪ ﺑﺎﺳﺘﻐﺮﺍﺏ ﻗﺎﻝ ﻟﻲ ﻣﺎﺷﻲ ﻳﺎ
ﺳﻤﺮ ﻧﺎﺩﻳﻨﻲ ﺑﺎﻷﺳﻢ ﺍﻟﺒﺮﻳﺤﻚ ﺍﻟﻤﻬﻢ ﻣﺎ ﺗﺨﺘﻲ ﺣﻮﺍﺟﺰ ﺑﻴﻨﻨﺎ ﻧﺰﻟﺖ ﻋﻴﻮﻧﻲ ﻗﺎﻝ
ﻟﻲ ﺳﻠﻤﻲ ﻋﻠﻲ ﻧﺎﺱ ﺍﻟﺒﻴﺖ : ﺍﻟﻠﻪ ﻳﺴﻠﻤﻚ
ﻣﺸﻰ ﻭﺍﻧﺎ ﺑﺮﺍﻗﺐ ﻓﻴﻪ ﻣﻦ ﺑﻌﻴﺪ ﻟﻤﻦ ﺍﻟﻄﻴﺎﺭﻩ ﺍﻗﻠﻌﺖ ﺑﻌﺪﺍﻙ ﺭﺟﻌﺖ ﺍﻟﺒﻴﺖ ﻟﻤﺎ
ﺳﺎﻓﺮ ﺍﺷﺘﻘﺖ ﻟﻪ ﺷﺪﻳﺪ ﻭﻓﻘﺪﺗﻮ ﺍﺑﻮﻱ ﻛﻤﺎﻥ ﻃﻠﻊ ﻟﻪ ﺑﻤﻮﺿﻮﻉ ﺟﺪﻳﺪ ﻗﺎﻝ
ﻋﺎﻭﺯ ﻳﻌﻤﻞ ﺍﻟﻌﻘﺪ ﻭﺍﻧﺎ ﻫﺮﺟﺖ ﻓﻴﻪ ﺷﺎﻛﻠﻨﻲ ﻭﻗﺎﻝ ﻟﻲ ﺍﻭﻋﺎ ﺗﺘﺪﺧﻠﻲ ﻗﻠﺖ
ﻷﻣﻲ ﻋﻠﻴﻚ ﺍﻟﻠﻪ ﻋﻘﺪ ﺷﻨﻮ ﺍﻟﺮﺍﺟﻞ ﺯﺍﺗﻮ ﻣﺴﺎﻓﺮ : ﻳﺎ ﺯﻭﻟﻪ ﻫﻮﻱ ﻣﺎ ﻣﻀﻤﻮﻥ ﻣﺎ
ﺷﻔﺘﻲ ﺑﻨﺎﺕ ﺍﻫﻠﻬﻢ ﺩﻳﻞ ﺑﻌﺎﻳﻨﻮ ﻟﻚ ﻛﻴﻒ ﻭﻣﺎ ﻃﺎﻳﻘﻨﻚ ﻃﺒﻌﺎ ﻣﺮﻩ ﻋﺰﻣﻮﻧﺎ
ﻋﺮﺱ ﻓﻲ ﺻﺎﻟﻪ ﻣﺸﻴﻨﺎ ﺍﻟﺤﻔﻠﻪ ﻭﺑﻨﺎﺗﻢ ﺑﻌﺎﻳﻨﻮ ﻟﻲ ﻛﻴﻒ ﻛﻴﻒ ﺧﺎﺻﺔ ﺑﻨﺎﺕ
ﻋﻤﺎﺗﻮ ﻓﻴﻬﻢ ﻭﺍﺣﺪﺍﺕ ﻣﺎ ﻣﺘﺰﻭﺟﺎﺕ ﻭﺍﻟﻌﺰﺑﺎﺕ ﺷﻜﻠﻬﻢ ﺧﺎﺗﻴﻦ ﻋﻴﻨﻬﻢ ﻋﻠﻴﻪ
ﺍﺑﻮﻱ ﻗﺎﻝ ﻟﻪ ﺗﻌﻤﻞ ﺍﻟﻌﺮﺱ ﻓﻲ ﻋﻴﺪ ﺭﻣﻀﺎﻥ ﺍﺗﻜﻠﻢ ﻣﻊ ﺍﺧﻮﺍﻧﻮ ﻗﺎﻟﻮ ﻣﺎ
ﻋﻨﺪﻫﻢ ﻣﺸﻜﻠﻪ ﻭﺍﻧﺎ ﻋﺎﺩ ﺍﺻﻠﻲ ﻣﺎ ﺟﺎﻫﺰﻩ ﻟﻌﺮﺱ ﺧﻔﺖ ﻋﺪﻳﻞ ﺑﻠﻴﻞ ﺍﺗﺼﻠﺖ
ﺍﺷﻮﻓﻮ ﻟﻮ ﻋﺎﺭﻑ ﻗﺎﻝ ﻟﻲ ﺍﺑﻮﻙ ﻗﺎﻝ ﻛﺪﺍ ﻛﺪﺍ ﻭﺍﻧﺎ ﻣﺎ ﺟﺎﻱ ﺑﻌﺪ ﺍﻟﻌﻴﺪ ﻃﻮﺍﻟﻲ
ﻗﺮﺑﺖ ﺍﺯﻏﺮﺩ ﺣﺘﻰ ﻫﻮ ﻻﺣﻆ ﺍﻧﻲ ﻓﺮﺣﺖ ﻗﺎﻝ ﻟﻲ ﻟﻠﺪﺭﺟﻪ ﻣﺎ ﻋﺎﻭﺯﻩ ﺍﻟﻌﺮﺱ
ﻳﺘﻢ ﻗﻠﺖ ﻻﻻ ﺑﺲ ﻭﺍﻟﻠﻪ ﻋﺸﺎﻥ ﻣﺎ ﺟﺎﻫﺰﻩ : ﺧﻼﺹ ﻳﺎ ﺑﺎﺑﺎ ﻭﻻ ﻳﻬﻤﻚ ﺍﻟﻌﺎﻭﺯﺍﻩ
ﻳﺤﺼﻞ ﻭﺟﺎﺀ ﺭﻣﻀﺎﻥ ﻭﺍﺑﻮﻱ ﻋﺰﻣﻬﻢ ﺍﻭﻝ ﺟﻤﻌﻪ ﻓﻲ ﺭﻣﻀﺎﻥ ﻭﻣﺎ ﻋﻨﺪﻭ ﺳﻴﺮﻩ
ﻏﻴﺮ ﺍﻟﻌﺮﺱ ﻳﺎﺥ ﺯﻫﺠﻬﻢ ﺯﺍﺗﻮ ﻗﺎﻟﻮ ﻟﻪ ﻭﺍﻟﻠﻪ ﺣﺘﻰ ﻧﺤﻦ ﻋﺎﻭﺯﻳﻦ ﺍﻟﻌﺮﺱ ﻳﺘﻢ
ﻓﻲ ﺍﻟﻌﻴﺪ ﺩﺍ ﺑﺲ ﺍﻟﻬﺎﺩﻱ ﻗﺎﻝ ﺣﺎﻳﻘﻌﺪ ﺷﻮﻳﻪ ﻗﺎﻝ ﻟﻬﻢ ﻃﻴﺐ ﻧﻌﻘﺪ ﻟﻬﻢ ﻋﻤﺘﻬﻢ
ﻗﺎﻟﺖ ﻟﻪ ﻭﺍﻟﻠﻪ ﺍﻻ ﻟﻮ ﺗﻌﻤﻠﻮ ﻋﺰﻭﻣﺘﻜﻢ ﻭﺗﺴﻔﺮﻭﻫﺎ ﻟﻪ ﺍﻧﺎ ﺍﻻﻛﻞ ﻏﻠﺒﻨﻲ ﻓﻲ
ﺍﻟﻠﺤﻈﻪ ﺩﻳﻚ ﻭﻛﻨﺖ ﺑﻘﻮﻝ ﻓﻲ ﻧﻔﺴﻲ ﺍﺑﻮﻱ ﻻ ﺍﻳﺎﻙ ﺗﻌﻤﻞ ﻛﺪﺍ ﺍﺑﻮﻱ ﻗﺎﻝ ﻟﻬﻢ
ﻣﺎ ﻋﻨﺪﻛﻢ ﻣﺸﻜﻠﻪ ﻧﻌﻤﻞ ﺍﻟﻌﻘﺪ ﻃﻮﺍﻟﻲ ﻭﺍﻟﺒﻨﺖ ﺑﻨﺮﺳﻼ ﻟﻪ ﺍﺻﻼ ﻣﺎ ﻧﺎﻭﻳﻴﻦ
ﻧﻌﻤﻞ ﺟﻮﻃﻪ ﻭﺣﻔﻼﺕ ﻋﻘﺪ ﺑﺲ ﻭﺍﻟﺒﻨﺖ ﺑﻨﺘﻜﻢ : ﺧﻴﺮ ﻳﺎ ﺯﻭﻝ ﻣﺎ ﻋﻨﺪﻙ
ﻣﺸﻜﻠﻪ ﺍﻧﺎ ﻃﻮﺍﻟﻲ ﻣﺸﻴﺖ ﺍﻟﻐﺮﻓﻪ ﻭﺷﺒﻌﺖ ﺑﻜﺎﺀ ﺍﻛﻞ ﺯﻱ ﺍﻟﻨﺎﺱ ﻣﺎ ﺍﻛﻠﺖ
ﺧﺎﻳﻔﻪ ﻋﺪﻳﻞ ﻫﻮ ﺍﺑﻮﻱ ﺩﺍ ﻟﻴﻪ ﺑﻌﻤﻞ ﻓﻴﻨﻲ ﻛﺪﺍ ﻛﻞ ﻳﻮﻡ ﺑﺮﺧﺺ ﻓﻴﻨﻲ ﺍﻛﺘﺮ
ﻭﺍﺧﺮﺗﺎ ﻋﺎﻭﺯ ﻳﺴﻔﺮﻧﻲ ﺯﻱ ﺍﻟﻜﺄﻧﻲ ﻏﺮﺽ ﻋﺸﺎﻥ ﺍﻟﻜﻢ ﻳﻮﻡ ﺍﻟﺤﺎﻳﻘﻌﺪﻫﻢ ﺑﻌﺪ
ﺍﻟﻌﻴﺪ ﺩﻳﻞ ؟؟ ﻫﻮ ﺍﻧﺎ ﻓﻜﺮﺓ ﺍﻟﻌﺮﺱ ﺩﻱ ﻣﻦ ﺍﺳﺎﺳﻮ ﻣﺎ ﻣﺘﺤﻤﻼﻫﺎ ﺧﻠﻲ ﻳﻜﻮﻥ
ﺑﺎﻟﻄﺮﻳﻘﻪ ﺩﻱ ﺑﻴﻊ ﻭﺷﺮﺍﺀ ﺍﻧﺎ ﺧﻼﺹ ﺍﻧﺘﻬﻴﺖ ﺍﻫﻠﻲ ﺿﻴﻌﻮ ﻣﺴﺘﻘﺒﻠﻲ ﻭﺍﺭﺗﺎﺣﻮ
ﺑﻜﻴﺖ ﺑﻜﺎﺀ ﺍﻟﻴﻮﻡ ﺩﺍﻙ ﻭﻻ ﻧﻮﻡ ﻣﺎ ﻗﺪﺭﺕ ﺍﻧﻮﻡ ﻭﻛﻞ ﻣﺎ ﺃﻏﻤﺾ ﺍﺣﻠﻢ ﺑﻨﻔﺴﻲ
ﻓﻲ ﺍﻟﺴﻌﻮﺩﻳﻪ ﻣﻊ ﺩﻛﺘﻮﺭ ﺍﻟﻬﺎﺩﻱ ﺑﺮﺍﻧﺎ ﻗﺮﺑﺖ ﺍﻣﻮﺕ ﻗﺮﻳﺐ ﺍﻟﺼﺒﺢ ﻧﻔﺴﻲ ﻛﺘﻢ
ﻋﺪﻳﻞ ﻭﻗﻌﺪﺕ ﺍﻓﺮﻓﺮ ﻟﻤﻦ ﻭﻗﻌﺖ ﻣﻦ ﺍﻟﺴﺮﻳﺮ ﻣﺜﺎﻧﻲ ﻗﺎﻣﺖ ﺗﺼﺮﺥ ﺟﻮ ﺍﻣﻲ
ﻭﺍﺑﻮﻱ ﻭﺍﺧﻮﺍﻧﻲ ﺍﺑﻮﻱ ﻗﺎﻝ ﻟﻬﻢ ﻟﺒﺴﻮﻫﺎ ﺳﺮﻳﻊ ﻭﻃﻠﻊ ﻳﺸﻮﻑ ﻟﻪ ﻋﺮﺑﻴﻪ ﻭﺩﻭﻧﻲ
ﺍﻟﻤﺴﺘﺸﻔﻰ ﻛﺎﻥ ﻋﻨﺪﻱ ﻫﺒﻮﻁ ﺭﻛﺒﻮ ﻟﻲ ﺩﺭﺑﺎﺕ ﻓﺘﺤﺖ ﻟﻘﻴﺖ ﺍﻣﻲ ﻭﻣﺜﺎﻧﻲ
ﻗﺎﻋﺪﻳﻦ ﻣﻌﺎﻱ ﺟﺎﺀ ﺍﻟﺪﻛﺘﻮﺭ ﻗﺎﻝ ﻟﻬﻢ ﺑﺲ ﺗﺨﻠﺺ ﺍﻟﺪﺭﺏ ﺩﺍ ﻭﺳﻮﻗﻮﻫﺎ ﻋﺎﺩﻱ
ﺟﺎﺀ ﺍﺑﻮﻱ ﻣﺨﻠﻮﻉ ﺍﻧﺘﻲ ﻛﻮﻳﺴﻪ ﻳﺎ ﺳﻤﺮ؟ : ﻛﻮﻳﺴﻪ ﻭﻗﺒﻠﺖ ﻋﻠﻰ ﺍﻟﺤﻴﻄﻪ
ﺍﺑﻜﻲ ﺍﻣﻲ ﺟﺎﺑﺖ ﻟﻲ ﻋﺼﻴﺮ ﻗﻠﺖ ﻟﻬﺎ ﺻﺎﻳﻤﻪ ﺍﻧﺎ : ﻣﺎﻓﻲ ﺍﻱ ﺻﻴﺎﻡ ﺍﺻﻼ
ﺍﻟﺪﺭﺑﺎﺕ ﺩﻱ ﻓﻄﺮﺗﻚ ﺍﻛﻠﻲ ﺳﺎﺍﻱ ﻣﺎ ﺗﻌﺬﺑﻴﻨﺎ ﺷﻮﻳﻪ ﻛﺪﺍ ﺍﺑﻮﻱ ﺟﺎﺀ ﻳﺠﻮﻁ
ﻭﺷﺎﻛﻠﻨﻲ ﻋﺎﺟﺒﻚ ﺭﻗﺎﺩ ﺍﻟﻤﺴﺘﺸﻔﻰ ﺩﺍ ﻭﺍﻟﺒﻬﺪﻟﻪ ﺍﻧﺘﻲ ﻋﺎﺭﻓﻪ ﻧﺤﻦ ﻣﻦ ﻣﺘﻴﻦ
ﻫﻨﺎ ﻭﻻ ﺍﻟﻘﺮﻭﺵ ﺍﻟﺨﺴﺮﻧﺎﻫﺎ ﻃﻮﺍﻟﻲ ﺷﻠﺖ ﺍﻟﻌﺼﻴﺮ ﺷﺮﺑﺘﻮ ﻭﺩﻣﻌﺘﻲ ﻓﻲ ﺧﺪﻱ
ﺑﻌﺪﺍﻙ ﺭﺟﻌﺖ ﺭﻗﺪﺕ ﻭﻣﻘﺒﻠﻪ ﻋﻠﻰ ﺍﻟﺤﻴﻄﻪ
ﻋﻨﻴﺪﻩ ﺧﻼﺹ ﻭﺭﺍﺳﺎ ﻳﺎﺑﺲ ﺑﺲ ﻋﺎﻭﺯﻩ ﺗﻘﻠﻘﻨﺎ : ﺍﺳﻜﺘﻲ ﺧﻼﺹ ﺍﻟﺒﻨﺖ ﺩﻱ
ﺍﻫﺘﻤﻲ ﺑﻬﺎ ﺷﻔﺘﻲ ﺍﻟﻌﺮﺱ ﺩﺍ ﻗﺮﺏ ﻣﺎ ﺗﻌﻄﻠﻨﺎ
ﺭﺟﻌﻨﺎ ﺍﻟﺒﻴﺖ ﻭﺍﻧﺎ ﻣﺎ ﺑﺘﻜﻠﻢ ﻣﻊ ﺍﻱ ﺯﻭﻝ ﺣﺘﻰ ﻣﺜﺎﻧﻲ ﺩﻛﺘﻮﺭ ﺍﻟﻬﺎﺩﻱ ﺍﺗﺼﻞ ﺑﻲ
ﺍﺗﻜﻠﻤﺖ ﻣﻌﺎﻩ ﺑﺒﺮﻭﺩ ﺷﺪﻳﺪ ﻗﺎﻝ ﻟﻲ ﺍﻣﺲ ﻗﺎﻟﻮ ﺗﻌﺒﺘﻲ ﻭﻭﺩﻭﻙ ﺍﻟﻤﺴﺘﺸﻔﻰ
ﺳﻼﻣﺘﻚ ﻳﺎ ﺑﺎﺑﺎ : ﺍﻟﻠﻪ ﻳﺴﻠﻤﻚ : ﺩﺍ ﻛﻠﻮ ﻣﻦ ﻋﺪﻡ ﺍﻻﻛﻞ ﻭﺍﻧﺎ ﻭﺭﻳﺘﻚ ﻛﻢ ﻣﺮﻩ
ﻭﺍﻧﺘﻲ ﺻﺎﻳﻤﻪ ﻣﺎ ﺗﺸﺮﺑﻲ ﻣﻮﻳﻪ ﻛﺘﻴﺮﻩ ﺣﺎﺗﺘﻌﺒﻚ ﻭﻣﺎ ﺣﺎﺗﺨﻠﻴﻚ ﺗﺎﻛﻠﻲ ﻛﻮﻳﺲ
ﻭﻣﺎ ﺗﻨﺴﻲ ﺍﻟﺴﺤﻮﺭ ﺳﻜﺘﺖ ﺳﺎﻱ ﻗﺎﻝ ﻟﻲ ﺍﻧﺘﺒﻬﻲ ﻋﻠﻰ ﻧﻔﺴﻚ ﺍﻟﻠﻪ ﻳﺮﺿﻰ
ﻋﻠﻴﻚ ﺷﻐﻠﺘﻲ ﺑﺎﻟﻲ ﺷﺪﻳﺪ ﻭﺣﺎﺍﻓﻀﻞ ﻗﻠﻘﺎﻥ ﻟﻤﻦ ﺍﺟﻲ : ﻭﺗﺠﻲ ﻟﻴﻪ ﻭﺗﺘﻌﺐ
ﻧﻔﺴﻚ ﺍﻟﻌﺮﻭﺱ ﻭﺟﺎﻳﺒﻨﻬﺎ ﻟﻚ ﻟﺤﺪﻱ ﻋﻨﺪﻙ : ﻳﺎﺗﻮ ﻋﺮﻭﺱ ﺳﻜﺘﺖ ﻗﺎﻝ ﻟﻲ
ﻣﺘﺄﻛﺪ ﻓﻲ ﺑﺎﻟﻚ ﻓﻬﻢ ﻏﻠﻂ ﻟﺤﺎﺟﻪ ﻣﻌﻴﻨﻪ ﻭﺿﺤﻲ ﻟﻲ ﻟﻮ ﺳﻤﺤﺘﻲ : ﺍﻧﺘﻮ ﻣﺶ
ﺍﺗﻔﻘﺘﻮ ﺗﻌﻤﻠﻮ ﺍﻟﻌﻘﺪ ﻭﻳﺴﻔﺮﻭﻧﻲ ﻟﻚ ﺯﻱ ﺍﻟﺸﻨﻄﻪ ﺿﺤﻚ ﻭﻗﺎﻝ ﻟﻲ ﺳﻤﺮ ﺍﻧﺘﻲ
ﻣﺘﻴﻦ ﻧﺎﻭﻳﻪ ﺗﺪﻱ ﺭﻭﺣﻚ ﺍﻻﻣﺎﻥ ﻣﻌﺎﻱ ﺍﻧﺎ ﻣﺴﺘﺤﻴﻞ ﺍﻋﻤﻞ ﺣﺎﺟﻪ ﺯﻱ ﺩﻱ
ﻭﺍﺗﺄﻛﺪﻱ ﺗﻤﺎﻣﺎ ﺣﺎﺟﻪ ﺍﻧﺎ ﻣﺎ ﻗﻠﺘﺎ ﻟﻚ ﺑﻠﺴﺎﻧﻲ ﻭﺍﺧﺪﺕ ﻣﻮﺍﻓﻘﺘﻚ ﻓﻴﻬﺎ ﻣﺎ
ﺑﺘﺤﺼﻞ ﺍﻧﺎ ﻣﺎ ﺷﺎﻓﻊ ﻋﺸﺎﻥ ﺍﺧﻮﺍﻧﻲ ﻳﻘﺮﺭﻭ ﻋﻨﻲ ﻋﺸﺎﻥ ﻛﺪﺍ ﻣﻬﻤﺎ ﺳﻤﻌﺘﻲ
ﻃﻨﺸﻲ ﻣﺎ ﺑﺤﺼﻞ ﺍﻻ ﺍﻟﻌﺎﻭﺯﺍﻩ ﺍﻧﺘﻲ : ﺑﺲ ﻫﻢ ﻗﺎﻟﻮ ............ : ﻗﺎﻃﻌﻨﻲ
ﺧﻠﻴﻬﻢ ﻳﻘﻮﻟﻮ ﺳﺎﻱ ﻛﻠﻮ ﺑﺮﺿﺎﻙ ﺣﺘﻰ ﻟﻮ ﻗﻠﺘﻲ ﺍﻟﻌﺮﺱ ﺑﻌﺪ ١٠ ﺳﻨﻴﻦ ﺍﻧﺎ ﻣﻌﺎﻙ
ﻣﺎ ﻋﺮﻓﺖ ﺍﻗﻮﻝ ﻟﻪ ﺷﻨﻮ ﻗﺎﻝ ﻟﻲ ﺧﺘﻲ ﺍﻟﺮﺣﻤﻦ ﻓﻲ ﻗﻠﺒﻚ ﻭﻣﺎ ﺗﺨﺎﻓﻲ ﻳﺎ ﺑﺎﺑﺎ
ﺗﻤﺎﻡ؟؟ : ﺗﻤﺎﻡ : ﺍﻟﻠﻪ ﻳﺮﺿﻰ ﻋﻠﻴﻚ.
يتبــــــــــــــــــــــــــــــــــــــــــــع..