رواية ما بين الصباح والمساء الفصل السادس 6 بقلم مشاعر مبعثره
ﻣﻜﺎﻟﻤﺘﻮ ﺩﻱ ﺭﻳﺤﺘﻨﻲ ﺭﺍﺣﻪ ﻭﻃﻠﻌﺘﻨﻲ ﻣﻦ ﺍﻟﻘﺎﻉ ﻟﺴﺎﺑﻊ ﺳﻤﺎﺀ ﻳﺎﺥ ﺍﺻﻠﻮ ﻣﺎ
ﻣﻤﻜﻦ ﻛﺪﺍ ﺩﺍ ﻣﻼﻙ ﻭﻻ ﺷﻨﻮ ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻣﺮﺍﺕ ﺑﺘﻤﻨﻰ ﻟﻮ ﻛﺎﻥ ﻫﻮ ﺍﺑﻮﻱ
ﻻﻧﻮ ﺑﻌﺎﻣﻠﻨﻲ ﺯﻱ ﻃﻔﻠﺘﻮ ﻭﺧﺎﺗﻴﻨﻲ ﻓﻲ ﺍﻟﻌﺎﻟﻲ ﻳﻮﻡ ﻛﻨﺖ ﺑﺘﻜﻠﻢ ﻣﻌﺎﻩ ﻭﺑﻬﺎﻇﺮﻧﻲ
ﺑﺎﻟﺤﺼﻞ ﻗﻠﺖ ﻟﻪ ﺍﺳﻲ ﻟﻮ ﻛﺎﻥ ﺍﺧﻮﺍﻧﻚ ﺍﺻﺮﻭ ﻋﻠﻰ ﺍﻟﻘﺮﺍﺭ ﺩﺍﻙ ﺣﺎﺗﻌﻤﻞ ﺷﻨﻮ
ﻗﻌﺪ ﻳﻀﺤﻚ ﻭﻗﺎﻝ ﻟﻲ ﻣﺴﺘﺤﻴﻞ ﻃﺒﻌﺎ ﻭﺍﻧﺎ ﻣﺴﺎﻓﺮ ﻣﻊ ﺯﻭﺟﺘﻲ ﺳﻜﺘﺖ ﻣﺴﺎﻓﻪ
ﻻﻧﻲ ﻣﺎ ﻗﺪﺭﺕ ﺍﺳﺘﻮﻋﺐ ﻛﻠﻤﺔ ﺯﻭﺟﺘﻲ ﺩﻱ ﻭﻣﺎ ﻛﻨﺖ ﻋﺎﺭﻓﻪ ﺍﺻﻼ ﺍﻧﻬﺎ ﻣﻌﺎﻩ
ﻗﻠﺖ ﻟﻪ ﺯﻭﺟﺘﻚ : ﺍﻳﻮﺍ ﻋﻤﺮﻧﺎ ﻣﻊ ﺑﻌﺾ ﺍﻧﺎ ﺣﺴﻴﺖ ﺑﻐﻴﺮﻩ ﻭﺩﺧﻠﺖ ﻓﻲ ﺍﻟﻨﺎﺭ
ﻋﺪﻳﻞ ﺧﺎﺻﺔ ﻟﻤﻦ ﺍﺗﺬﻛﺮﺕ ﻛﻼﻡ ﻓﺮﺡ ﻋﻦ ﺍﻧﻮ ﺧﺎﻟﻮ ﻣﺎ ﺍﺗﺰﻭﺝ ﻻﻧﻮ ﺑﺤﺐ
ﺯﻭﺟﺘﻮ ﺷﺪﻳﺪ ﻃﻴﺐ ﺍﻧﺎ ﺷﻨﻮ ﺣﺎﺍﻋﻴﺶ ﻛﻴﻒ ﻣﻊ ﻭﺍﺣﺪ ﻣﺘﺰﻭﺝ ﻭﺑﺤﺐ ﺯﻭﺟﺘﻮ
ﻛﻤﺎﻥ ﻭﺍﻧﺎ ﻣﺘﺰﻭﺟﻨﻲ ﺑﺲ ﻋﺸﺎﻥ ﺍﺟﻴﺐ ﻟﻪ ﺑﻴﺒﻲ ﻭﺍﺣﺘﻤﺎﻝ ﻣﺘﻔﻘﻴﻦ ﻫﻢ ﺍﻻﺗﻨﻴﻦ
ﺍﻧﻮ ﺑﻌﺪ ﺍﻟﺪﻱ ﻳﻄﻠﻘﻨﻲ ﻭﻳﺸﻴﻞ ﻣﻨﻲ ﻭﻟﺪﻱ ﻳﺪﻳﻪ ﻟﻤﺮﺗﻮ ﺗﺮﺑﻴﻪ ﻗﻔﻠﺖ ﻣﻨﻮ ﻗﻔﻠﻪ
ﺷﺪﻳﺪﻩ ﻭﺑﻘﻴﺖ ﻣﺎ ﺑﻄﻴﻘﻮ ﻭﻣﺎ ﺑﺤﺐ ﺍﺳﻤﻊ ﺳﻴﺮﺓ ﻣﺮﺗﻮ ﺩﻱ ﻟﻠﻌﻴﺪ ﺭﺳﻞ ﻟﻲ
ﻗﺮﻭﺵ ﻭﺣﺎﺟﺎﺕ ﻛﺘﻴﺮﻩ ﻭ ﺭﺳﻮﻡ ﺍﻟﺠﺎﻣﻌﻪ ﻻﻧﻬﺎ ﻓﺘﺤﺖ ﻭﺗﻠﻔﻮﻥ ﺟﺪﻳﺪ ﻭﺍﻧﺎ ﻭﻻ
ﻓﺮﺣﺖ ﺑﻬﻢ ﺑﺲ ﺍﻟﺒﻔﻜﺮ ﻓﻴﻪ ﻫﻮ ﻟﻴﻪ ﻗﺎﻋﺪ ﻟﺤﺪﻱ ﺍﺳﻲ ﻫﻮ ﻭﻣﺮﺗﻮ ﻓﻲ
ﺍﻟﺴﻌﻮﺩﻳﻪ ﻟﻤﻦ ﺟﺎﺀ ﻋﻤﻠﻮ ﻟﻪ ﻛﺮﺍﻣﻪ ﻭﻋﺰﻣﻮﻧﺎ ﺍﻧﺎ ﺣﻠﻔﺖ ﻣﺎ ﺍﻣﺸﻲ ﻟﻤﻦ ﻫﻮ
ﺑﻌﺪﻫﺎ ﺟﺎﻧﺎ ﺍﻟﺒﻴﺖ ﻭﺟﺎﺏ ﻟﻴﻨﺎ ﺍﻟﻬﺪﺍﻳﺎ ﺑﻨﻔﺴﻮ ﻭﺍﻧﺎ ﺣﻠﻔﺖ ﻣﺎ ﺍﻃﻠﻊ ﺍﺳﻠﻢ ﻋﻠﻴﻪ
ﻭﻋﺎﻣﻠﻪ ﺭﻭﺣﻲ ﻧﺎﻳﻤﻪ ﻗﺪﺭ ﻣﺎ ﺻﺤﻮﻧﻲ ﺍﺑﻴﺖ ﺍﻗﻮﻡ ﺍﻣﻲ ﺭﺷﺖ ﻓﻴﻨﻲ ﻣﻮﻳﻪ
ﺑﺎﺭﺩﻩ ﺳﻔﻬﺘﻬﺎ ﻭﺍﺑﻮﻱ ﻳﺸﺎﻛﻞ ﻭﻳﻨﻬﺮ ﻗﻠﺖ ﺍﻟﻠﻴﻠﻪ ﺑﺠﻲ ﺑﻀﺮﺑﻨﻲ ﺩﻛﺘﻮﺭ ﺍﻟﻬﺎﺩﻱ
ﻗﺎﻝ ﻟﻬﻢ ﺧﻠﻮﻫﺎ ﻋﻠﻰ ﺭﺍﺣﺘﺎ ﻭﻣﺎ ﺧﻼﻫﻢ ﻳﺠﺒﺮﻭﻧﻲ ﺍﺟﻲ ﺍﺳﻠﻢ ﻋﻠﻴﻪ ﺍﺗﻮﻧﺲ
ﻣﻌﺎﻫﻢ ﻭﻣﺸﻰ ﺍﻧﺎ ﺍﺑﻮﻱ ﺟﺎﻧﻲ ﻓﺎﻳﺮ ﻭﻗﺮﺏ ﻳﻀﺮﺑﻨﻲ ﺷﺎﺕ ﺍﻟﺘﺮﺑﻴﺰﻩ ﺍﻟﻘﺪﺍﻣﻲ
ﺑﻜﺒﺎﻳﺘﺎ ﻟﻤﻦ ﻃﺎﺭﺕ ﻓﻴﻨﻲ ﻗﺎﻝ ﻟﻲ ﺗﺎﻧﻲ ﺟﺎﻣﻌﻪ ﻣﺎﻓﻲ ﺑﺲ ﺗﻌﺮﺳﻪ ﻭﺑﻄﺮﻳﻘﺘﻮ
ﻣﻌﺎﻙ ﻋﺎﻭﺯ ﻳﺨﻠﻴﻚ ﺗﻘﺮﻱ ﻣﺎ ﻋﺎﻭﺯ ﺗﺘﺮﺯﻋﻲ ﻓﻲ ﺍﻟﺒﻴﺖ ﻋﺸﺎﻥ ﺑﻨﺪﻟﻊ ﻓﻴﻚ
ﻋﺎﻭﺯﻩ ﺗﻄﻠﻌﻲ ﻟﻴﻨﺎ ﻓﻲ ﺭﺍﺳﻨﺎ ﻭﺍﻟﻠﻪ ﻫﻮ ﺯﺍﺗﻮ ﻟﻮ ﻣﺸﻰ ﻛﻼﻣﻚ ﻋﻠﻴﻨﺎ ﺍﻓﺴﺦ
ﺍﻟﺨﻄﻮﺑﻪ ﺩﻱ ﻭﺍﻗﻌﺪﻙ ﻓﻲ ﺍﻟﺒﻴﺖ ﺩﺍ ﺣﺒﺸﻴﻪ ﺍﻟﺠﺎﻣﻌﻪ ﺩﻱ ﺯﺍﺗﺎ ﺗﺎﻧﻲ ﻣﺎ
ﺑﺘﻤﺸﻴﻬﺎ ﻗﻌﺪﺕ ﺍﺑﻜﻲ ﺑﻜﺎﺀ ﻭﻓﻌﻼ ﺣﻤﺎﻧﻲ ﻣﻦ ﺍﻟﺠﺎﻣﻌﻪ ﺩﻛﺘﻮﺭ ﺍﻟﻬﺎﺩﻱ ﺍﺗﺼﻞ
ﺑﻲ ﻭﻗﺎﻝ ﻟﻲ ﻣﺎﻟﻚ ﻣﺎ ﺟﻴﺘﻲ ﺍﻟﺠﺎﻣﻌﻪ ﻛﻨﺖ ﻋﺎﻭﺯﻩ ﺍﻛﺬﺏ ﻋﻠﻴﻪ ﺑﺲ ﻫﻮ ﺣﺲ
ﺑﻲ ﻭﺧﻼﻧﻲ ﺍﺣﻜﻲ ﻟﻪ ﺑﺎﻟﺤﺼﻞ ﻃﻮﺍﻟﻲ ﻗﻔﻞ ﻣﻨﻲ ﻭﺍﺗﺼﻞ ﺑﻪ ﻭﺍﺑﻮﻱ ﺭﻛﺐ
ﺭﺍﺳﻮ ﻭﻗﺎﻝ ﻟﻪ ﺗﻌﺮﺳﺎ ﺑﺲ ﻭﻻ ﺗﺨﻠﻴﻬﺎ ﻋﺪﻳﻞ ﻗﺎﻝ ﻟﻪ ﺧﻼﺹ ﺍﻧﺎ ﺑﺘﻔﻖ ﻣﻌﺎﻫﺎ
ﻫﻲ ﻋﻠﻰ ﺍﻟﺘﻔﺎﺻﻴﻞ ﺩﻱ ﻭﺍﺻﻼ ﻟﻮ ﻣﺎ ﺧﻠﺼﺖ ﺍﻟﺴﻤﺴﺘﺮ ﺩﺍ ﻣﺎﻓﻲ ﺍﻱ ﻋﺮﺱ
ﺣﺎﻳﺘﻢ ﺍﺑﻮﻱ ﻏﻀﺐ ﺷﺪﻳﺪ ﺑﺲ ﻣﺎ ﻗﺪﺭ ﻳﺘﻤﺴﻚ ﻋﺸﺎﻥ ﺍﻟﻌﺮﺱ ﻣﺎ ﻳﺘﻠﻐﻲ
ﺍﻟﻤﻬﻢ ﺩﻛﺘﻮﺭ ﺍﻟﻬﺎﺩﻱ ﺍﻗﻨﻌﻮ ﻳﺨﻠﻴﻨﻲ ﺍﻣﺸﻲ ﺍﻟﺠﺎﻣﻌﻪ ﺗﺎﻧﻲ ﻛﺎﻥ ﻋﻨﺪﻧﺎ ﻣﺤﺎﺿﺮﻩ
ﻣﻌﺎﻩ ﻭﺍﻧﺎ ﻣﺎﺷﻔﺘﻮ ﻣﻦ ﻭﺩﻋﺘﻮ ﻓﻲ ﺍﻟﻤﻄﺎﺭ ﻫﻮ ﺍﺗﻌﺎﻣﻞ ﻣﻌﺎﻱ ﻋﺎﺩﻱ ﻛﺄﻱ ﻃﺎﻟﺒﻪ
ﺍﻣﺎ ﺍﻧﺎ ﻓﻀﻠﺖ ﻣﺮﻛﺰﻩ ﻣﻌﺎﻩ ﺍﻟﻤﺤﺎﺿﺮﻩ ﻛﻠﻬﺎ ﻭﺑﺪﻳﺖ ﺍﺩﻗﻖ ﻓﻲ ﺗﻔﺎﺻﻴﻠﻮ ﻫﻮ
ﻋﻨﺪﻭ ﻋﻴﻮﻥ ﺣﻠﻮﻩ ﻭﻏﻤﺎﺯﺍﺕ ﺍﺣﻠﻰ ﻣﻦ ﺣﻘﺎﺗﻲ ﻟﻮﻧﻮ ﻓﺎﺗﺢ ﻭﺷﻌﺮﻭ ﻧﺎﻋﻢ
ﻭﺍﻟﻠﺤﻴﻪ ﺩﻱ ﺣﺘﻰ ﺍﻟﺸﻴﺐ ﻻﻳﻖ ﻋﻠﻴﻪ ﺍﻧﺎ ﻟﻴﻪ ﻣﺎ ﻛﻨﺖ ﺑﺸﻮﻑ ﺍﻟﺤﺎﺟﺎﺕ ﺩﻱ
ﺍﻣﻜﻦ ﻻﻧﻲ ﻣﺎ ﻛﻨﺖ ﻣﺪﻳﻪ ﻧﻔﺴﻲ ﻓﺮﺻﻪ ﻣﻌﺎﻩ ﻭﺷﺎﻳﻔﺎﻩ ﻣﺠﺮﺩ ﻋﺠﻮﺯ ﻫﻮ ﺍﻧﺘﺒﻪ
ﻟﻲ ﻟﻤﻦ ﺍﺑﺘﺴﻢ ﻃﻮﺍﻟﻲ ﻛﺴﺮﺕ ﻋﻴﻨﻲ ﺑﻌﺪ ﺍﻟﻤﺤﺎﺿﺮﻩ ﻣﺸﻴﺖ ﻟﻪ ﺍﻟﻤﻜﺘﺐ
ﺩﻗﻴﺖ ﺍﻟﺒﺎﺏ ﻗﺎﻝ ﺍﺗﻔﻀﻞ ﺩﺧﻠﺖ ﻣﻦ ﺷﺎﻓﻨﻲ ﻗﺎﻝ ﻟﻲ
ﺳﻤﺮ ﺍﻟﺒﻜﺎﻳﻪ ﻗﻌﺪﺕ ﺍﺗﻠﻔﺖ ﺿﺤﻚ ﻓﻴﻨﻲ ﻭﻗﺎﻝ ﻟﻲ ﺗﻌﺎﻟﻲ ﺍﻗﻌﺪﻱ : ﺣﻤﺪﺍﻟﻠﻪ
ﻋﻠﻰ ﺍﻟﺴﻼﻣﻪ ﻳﺎ ﺩﻛﺘﻮﺭ ﻭﻣﺒﺮﻭﻙ ﺍﻟﻌﻤﺮﻩ : ﺍﻟﻠﻪ ﻳﺒﺎﺭﻙ ﻓﻴﻚ ﻛﻴﻒ ﺣﺎﻟﻚ : ﺗﻤﺎﻡ
ﺍﻟﺤﻤﺪ ﻟﻠﻪ : ﻭﺍﻟﺪﺭﺍﺳﻪ ﻛﻴﻒ ﺣﺎﻧﺠﻴﺐ ﺍﻣﺘﻴﺎﺯ ﺍﻟﺴﻨﻪ ﺩﻱ؟ : ﺍﻣﺘﻴﺎﺯ ﻭﻳﻦ ﺃﻗﺼﻰ
ﻃﻤﻮﺣﻲ ﺟﻴﺪ : ﺩﺍ ﻛﻼﻡ ﺷﻨﻮ ﺍﻟﺨﺎﻳﺐ ﺩﺍ ﻋﺎﻭﺯﻳﻦ ﺍﻗﺎ ﺣﺎﺟﻪ ﺟﻴﺪ ﺟﺪﺍ ﺷﺪﻱ
ﺣﻴﻠﻚ ﺑﺲ : ﺍﻧﺸﺎﺀﺍﻟﻠﻪ ﻃﺒﻌﺎ ﻛﺎﻥ ﺯﻣﻦ ﺍﻟﻔﻄﻮﺭ ﻗﺎﻝ ﻟﻲ ﻓﻄﺮﺗﻲ؟؟ : ﺍﻳﻮﺍ
ﺍﻟﺤﻤﺪﻟﻠﻪ ﺣﺎﺍﻣﺸﻲ : ﻻﻻ ﺍﺳﺘﻨﻲ ﻫﻨﺎ ﻓﻄﺮﺗﻲ ﻣﺘﻴﻦ ﻭﻧﺤﻦ ﻳﺪﺍﺏ ﻃﺎﻟﻌﻴﻦ ﻣﻦ
ﺍﻟﻤﺤﺎﺿﺮﻩ ﺍﻻﻭﻟﻰ ﺑﺘﻜﺬﺑﻲ ﻟﻴﻪ : ﺑﺲ ﺍﻧﺎ ﻓﻄﺮﺕ : ﻇﺎﻫﺮ ﻣﻦ ﺧﺸﻤﻚ ﺍﻟﻨﺎﺷﻒ
ﺩﺍ ﺍﻧﻚ ﻻﻓﺎﻃﺮﻩ ﻻ ﻣﺘﻌﺸﻴﻪ ﺍﻣﺲ ﻋﺎﻭﺯﻩ ﺍﺗﻜﻠﻢ ﻗﺎﻃﻌﻨﻲ ﻣﺎ ﺗﺘﻮﺗﺮﻱ ﺣﺎﻧﻄﻠﻊ
ﻧﻔﻄﺮ ﺑﺮﺍ ﻭﻣﻌﺎﻧﺎ ﻓﺮﺡ ﻭﻫﺎﻟﻪ ﻭﻣﺎ ﺣﺎﺍﻗﺒﻞ ﺍﻱ ﺍﻋﺰﺍﺭ ﺳﻜﺘﺖ ﻭﻫﻮ ﺍﺗﺼﻞ ﺑﻔﺮﺡ
ﺟﺎﺀ ﻣﻊ ﻫﺎﻟﻪ ﻭﻃﻠﻌﻨﺎ ﻃﺒﻌﺎ ﻓﺮﺡ ﻭﻫﺎﻟﻪ ﻛﻤﻠﻮ ﺍﻝ١٨ ﻃﻠﻊ ﺭﺧﺺ ﻭﺍﻱ ﻭﺍﺣﺪ
ﺟﺎﺑﻮ ﻟﻪ ﻋﺮﺑﻴﻪ ﻭﺍﻧﺎ ﺭﻛﺒﺖ ﻣﻊ ﺩﻛﺘﻮﺭ ﺍﻟﻬﺎﺩﻱ ﻣﺘﻮﺗﺮﻩ ﺷﺪﻳﺪ ﺍﻛﻞ ﺯﻱ ﺍﻟﻨﺎﺱ ﻣﺎ
ﺍﻛﻠﺖ
ﻳﻼ ﻓﻲ ﻓﺘﺮﺓ ﺍﻻﻣﺘﺤﺎﻧﺎﺕ ﺩﻱ ﺩﻛﺘﻮﺭ ﺍﻟﻬﺎﺩﻱ ﺑﻘﻰ ﻳﺸﺮﺡ ﻟﻲ ﻃﻮﺍﻟﻲ ﺧﺎﺻﺔ
ﻣﺎﺩﺗﻮ ﺑﺨﻠﻴﻨﻲ ﺍﻋﺪﻱ ﺍﻟﻴﻮﻡ ﺍﻟﺪﺭﺍﺳﻲ ﻛﻠﻮ ﻗﺮﺍﻳﻪ ﻓﻲ ﺍﻟﻤﻜﺘﺒﻪ ﻭﺍﺭﺟﻊ ﺍﻟﺒﻴﺖ
ﻳﺴﺄﻟﻨﻲ ﻗﺮﻳﺖ ﺷﻨﻮ ﻭﻳﺘﺼﻞ ﺑﻲ ﺍﺫﺍﻥ ﺍﻟﺼﺒﺢ ﻳﺼﺤﻴﻨﻲ ﻋﺸﺎﻥ ﺍﻗﺮﺍ ﻳﻌﻨﻲ
ﺍﻫﺘﻤﺎﻡ ﺷﺪﻳﺪ ﺑﻌﺪ ﺿﻐﻂ ﻭﺗﻌﺐ ﺷﺪﻳﺪ ﺧﻠﺼﺖ ﺍﻻﻣﺘﺤﺎﻧﺎﺕ ﻭﺗﺎﻧﻲ ﻣﺎ ﺷﻔﺖ
ﺩﻛﺘﻮﺭ ﺍﻟﻬﺎﺩﻱ ﺑﺲ ﺑﺘﺼﻞ ﺑﻲ ﻋﺪﺍ ﻓﺘﺮﺓ ﺍﺳﺒﻮﻉ ﻣﺎ ﺳﺄﻝ ﻣﻨﻲ ﺧﺎﻟﺺ ﻟﻤﻦ
ﻓﻘﺪﺗﻮ ﻳﻮﻡ ﺍﺑﻮﻱ ﺟﺎﺀ ﻗﺎﻝ ﻟﻴﻨﺎ ﺍﻟﻠﻴﻠﻪ ﻋﺎﺯﻣﻴﻦ ﺩﻛﺘﻮﺭ ﺍﻟﻬﺎﺩﻱ ﻋﺸﺎﺀ ﻭﻣﺎ ﻛﻨﺎ
ﻣﺠﻬﺰﻳﻦ ﺷﻲ ﻭﻫﻢ ﻭﻻ ﻫﻤﺎﻫﻢ ﺍﻻ ﺍﻧﺎ ﺍﺧﺶ ﻭﺍﻣﺮﻕ ﻧﻀﻔﺖ ﻭﻏﺴﻠﺖ ﻭﻃﺒﺨﺖ
ﻋﺎﻭﺯﻩ ﺍﻋﻤﻞ ﺷﺎﻱ ﻟﺒﻦ ﻣﺎ ﻟﻘﻴﺖ ﺷﺎﻱ ﻭﻻ ﻟﺒﻦ ﻭﺍﺧﻮﺍﻧﻲ ﺍﺑﻮ ﻳﻤﺸﻮ ﺍﻟﺪﻛﺎﻥ
ﻛﻠﻤﺖ ﺍﺑﻮﻱ ﻗﺎﻝ ﻟﻲ ﺑﻼ ﺷﺎﻱ ﻣﻌﺎﻙ ﻣﺎ ﺿﺮﻭﺭﻱ ﻭﺍﻣﻲ ﺗﻘﻮﻝ ﻟﻲ ﻳﺎﺥ ﻣﺎ
ﻇﺮﻳﻔﻪ ﻭﻫﻢ ﻗﺪﺭ ﻣﺎ ﺣﻨﺴﺘﻬﻢ ﺍﺑﻮ ﻗﻠﺖ ﻟﻬﻢ ﻃﻴﺐ ﺍﻗﻌﺪﻭ ﻧﻮﻣﻮ ﺑﻤﺸﻲ ﺑﺮﺍﻱ
ﻭﻻ ﻋﺒﺮﻭﻧﻲ ﻃﻮﺍﻟﻲ ﻟﺒﺴﺖ ﺗﻮﺑﻲ ﻭﻃﻠﻌﺖ ﺍﻟﺪﻛﺎﻥ ﺑﻌﻴﺪ ﻭﺑﺨﺎﻑ ﻣﻦ ﺍﻟﻜﻼﺏ
ﻣﺸﻴﺖ ﺳﺮﻋﻪ ﺍﺷﺘﺮﻳﺖ ﺷﺎﻱ ﻭﻟﺒﻦ ﺑﺪﺭﻩ ﻭﺍﻟﺸﺎﺭﻉ ﻓﺎﺍﺍﺍﺿﻲ ﻓﺠﺎﺀﺓ ﺍﺳﻤﻊ ﻟﻚ
ﺻﻮﺕ ﻛﻠﺐ ﻭﺭﺍﻱ ﻭﺍﻭﻻﺩ ﺷﻜﻠﻬﻢ ﺳﻜﺮﺍﻧﻴﻦ ﻭﻗﻔﻪ ﻣﺎ ﻗﺎﺩﺭﻳﻦ ﻳﻘﻴﻔﻮ
ﺟﺮﻳﺖ . ﺟﺮﻱ ﺍﻟﺘﻮﺏ ﺩﺍ ﺷﺎﻳﻼﻩ ﻓﻲ ﻳﺪﻱ ﻭﺷﺎﻳﻔﻪ ﺿﻮ ﻗﻮﻱ ﺟﺮﻳﺖ ﻟﻤﻦ
ﻭﻗﻌﺖ ﺑﺲ ﺍﺷﻮﻑ ﻟﻚ ﺿﻞ ﻗﺪﺍﻣﻲ
ﻗﻮﻣﻲ ﻳﺎ ﺑﻨﺖ ﺭﻓﻌﺖ ﺭﺍﺳﻲ ﻟﻘﻴﺘﻮ ﺩﻛﺘﻮﺭ ﺍﻟﻬﺎﺩﻱ ﻭﺍﻟﻠﻪ ﻗﺮﺑﺖ ﺍﺯﻏﺮﺩ ﺭﻓﻊ ﻟﻲ
ﺍﻟﻜﻴﺲ ﻭﺍﻟﻘﺮﻭﺵ ﻭﻗﺎﻝ ﻟﻲ ﻣﻦ ﻗﺒﻴﻞ ﺑﻨﺎﺩﻱ ﻓﻴﻚ ﻣﺎ ﺳﺎﻣﻌﺎﻧﻲ ﺍﻻ ﻭﻗﻔﺖ
ﺍﻟﻌﺮﺑﻴﻪ ﻭﻧﺰﻟﺖ ﺟﻴﺖ ﻭﺭﺍﻙ ﻋﺎﻳﻨﺖ ﻟﻪ ﻗﺎﻝ ﻟﻲ ﺍﻟﺒﺴﻲ ﺗﻮﺑﻚ ﺩﺍ ﻋﺪﻳﻞ ﺑﻨﻬﺮﻩ
ﻟﻤﻦ ﺧﻔﺖ ﻗﺎﻝ ﻟﻲ ﺍﻟﻤﻄﻠﻌﻚ ﻣﻦ ﺍﻟﺒﻴﺖ ﺯﻱ ﺍﻟﺰﻣﻦ ﺩﺍ ﺷﻨﻮ : ﻣﺸﻴﺖ ﺍﻟﺪﻛﺎﻥ :
ﺍﻭﻋﺎ ﺗﺎﻧﻲ ﻭﻻ ﺩﻛﺎﻥ ﻭﻻﻏﻴﺮﻭ ﺍﻭﻋﻚ ﺗﻄﻠﻌﻲ ﻣﻦ ﺍﻟﺒﻴﺖ ﺑﺮﺍﻙ ﻓﻲ ﺯﻣﻦ ﺯﻱ ﺩﺍ
ﺍﻟﺤﺎﺟﻪ ﺍﻟﻌﺎﻭﺯﻩ ﺗﺸﺘﺮﻳﻬﺎ ﺩﻱ ﻣﺎ ﺍﻫﻢ ﻣﻨﻚ ﻓﺎﻫﻤﻪ ﻳﺎ ﺑﺎﺑﺎ؟؟ ﻫﺰﻳﺖ ﺭﺍﺳﻲ ﻗﺎﻝ
ﻟﻲ ﺍﻟﻠﻪ ﻳﺮﺿﻰ ﻋﻠﻴﻚ ﺗﻌﺎﻟﻲ ﺍﺭﻛﺒﻲ ﺳﺮﻳﻊ ﻣﺸﻴﺖ ﻣﻌﺎﻩ ﻭﺻﻠﻨﻲ ﺍﻟﺒﻴﺖ ﻭﺍﺩﻯ
ﺍﺑﻮﻱ ﻭﺍﻣﻲ ﻣﺤﺎﺿﺮﻩ ﻋﺪﻳﻞ ﻭﻫﻮ ﻋﻨﺪﻭ ﺍﺳﻠﻮﺏ ﻛﺪﺍ ﻓﻲ ﺍﻟﻜﻼﻡ ﺑﺤﺴﺴﻚ
ﺑﺎﻟﺠﻬﻞ ﻣﻊ ﺍﻧﻮ ﻣﺎ ﺑﻨﻬﺮ ﻭﻻ ﺑﻘﻮﻝ ﻛﻠﻤﻪ ﺷﻴﻨﻪ ﺑﺲ ﻓﻲ ﻧﻔﺲ ﺍﻟﺰﻣﻦ ﺍﻟﻜﻼﻡ ﺣﺎﺩ
ﻭﺍﺑﻮﻱ ﺩﺍ ﺑﻘﻰ ﻗﺪﺭ ﺍﻟﺴﻤﺴﻤﻪ ﻗﺎﻝ ﻟﻪ ﺍﻧﺎ ﻗﻠﺖ ﻟﻬﺎ ﻣﺎ ﺗﻤﺸﻲ ﺑﺲ ﻫﻲ ﻣﺎ
ﺑﺘﺴﻤﻊ ﺍﻟﻜﻼﻡ ﻭﺷﺎﻛﻠﻨﻲ ﺩﺧﻠﺖ ﺍﻟﻐﺮﻓﻪ ﺯﻋﻼﻧﻪ ﻭﺣﺮﺩﺕ ﺍﻟﻌﺸﺎﺀ ﻋﻤﻠﺖ ﺍﻟﺸﺎﻱ
ﺍﺑﻮﻱ ﻗﺎﻝ ﻟﻲ ﺧﻄﻴﺒﻚ ﻗﺎﻝ ﻋﺎﻭﺯ ﻳﺘﻜﻠﻢ ﻣﻌﺎﻙ ﻋﻠﻰ ﺍﻧﻔﺮﺍﺩ : ﻟﻴﻪ ؟؟ : ﻣﺎ ﺗﻜﺘﺮﻱ
ﻛﻼﻣﻚ ﺷﻴﻠﻲ ﺍﻟﺸﺎﻱ ﺩﺍ ﻭﻃﻴﺮﻱ ﻭﺩﻳﻪ ﻧﺰﻝ ﺍﻟﻜﺒﺎﺑﻲ ﻣﻦ ﺍﻟﺼﻴﻨﻴﻪ ﻭﺧﻠﻰ ﺍﺗﻨﻴﻦ
ﺷﻠﺘﻬﺎ ﻭﻣﺸﻴﺖ ﺍﻟﺼﺎﻟﻮﻥ ﻃﺒﻌﺎ ﻛﻠﻬﻢ ﻣﺸﻮ ﻏﺮﻓﻬﻢ ﻭﻣﺎﻓﻲ ﻏﻴﺮ ﺩﻛﺘﻮﺭ ﺍﻟﻬﺎﺩﻱ
ﺟﻴﺖ ﺑﺎﻟﺼﻴﻨﻴﻪ ﻗﺎﻡ ﻋﻠﻰ ﺣﻴﻠﻮ ﺷﺎﻻ ﻣﻨﻲ ﻭﺧﺘﺎﻫﺎ ﻓﻲ ﺍﻟﺘﺮﺑﻴﺰﻩ ﻭﺍﻧﺎ ﻭﺍﻗﻔﻪ
ﻗﺎﻝ ﻟﻲ ﺍﻗﻌﺪﻱ ﻳﺎ ﺳﻤﺮ ﻗﻌﺪﺕ ﻭﻣﻨﺘﻈﺮﺍﻩ ﻳﺤﻜﻲ ﻗﺎﻝ ﻟﻲ ﻛﻴﻒ ﺍﻻﺟﺎﺯﺓ ﻣﻌﺎﻙ :
ﻭﺍﻟﻠﻪ ﻣﻠﻞ ﻭﺯﻫﺞ ﻣﺎﻓﻲ ﺍﻱ ﻣﻮﺿﻮﻉ : ﻣﺎﺷﻲ ﻳﺎ ﺯﻭﻟﻪ ﻧﺨﻠﻖ ﻟﻚ ﺍﻟﻤﻮﺿﻮﻉ :
ﻳﺎﺭﻳﺖ : ﻓﻲ ﻓﺘﺮﺓ ﺍﻻﺟﺎﺯﻩ ﺩﻱ ﺟﻬﺰﻱ ﻧﻔﺴﻚ ﻻﻧﻮ ﺍﻟﺴﻤﺴﺘﺮ ﺍﻟﺠﺎﻱ ﺣﺎﺗﻌﺪﻳﻪ
ﻓﻲ ﺑﻴﺘﻚ ﻃﻮﺍﻟﻲ ﻭﻗﻔﺖ ﻋﻠﻰ ﺣﻴﻠﻲ ﻗﻠﺖ ﻟﻪ ﻳﺎﺗﻮ ﺑﻴﺖ : ﺍﻫﺪﻱ ﻳﺎ ﺳﻤﺮ
ﺍﻗﻌﺪﻱ ﻭﻫﺪﻱ ﻧﻔﺴﻚ ﻋﺸﺎﻥ ﺍﻋﺮﻑ ﺍﺗﻜﻠﻢ ﻣﻌﺎﻙ : ﺍﻧﺖ ﻋﺎﻭﺯ ﺗﻌﻤﻞ ﺷﻨﻮ ﻳﺎ
ﺩﻛﺘﻮﺭ : ﻣﺎ ﻣﻼﺣﻈﻪ ﺍﻧﻮ ﻛﻠﻤﺔ ﺩﻛﺘﻮﺭ ﺩﻱ ﺛﻘﻴﻠﻪ ﺷﻮﻳﻪ ﻭﻧﺤﻦ ﻣﺨﻄﻮﺑﻴﻦ ﻧﺰﻟﺖ
ﺭﺍﺳﻲ ﻗﺎﻝ ﻟﻲ ﺧﻼﺹ ﻳﺎ ﺳﻤﺮ ﻣﺎ ﺣﺎﺍﻃﻮﻝ ﻋﻠﻴﻚ ﻭﺍﻧﺎ ﺯﺍﺗﻲ ﻣﺎ ﻋﺎﻭﺯﻙ ﺗﻔﻜﺮﻱ
ﻛﺘﻴﺮ ﻭﺗﺸﻐﻠﻲ ﺑﺎﻟﻚ ﺍﻧﺎ ﻋﺎﻭﺯ ﺍﺗﻤﻢ ﺍﻟﻌﺮﺱ ﺧﻼﻝ ﺍﻟﺸﻬﺮﻳﻦ ﺍﻟﺠﺎﻳﺎﺕ ﺩﻳﻞ ﻭﻗﺖ
ﻣﻨﺎﺳﺐ ﻟﻲ ﻭﻟﻴﻚ ﻭﺣﺎﻳﻜﻮﻥ ﻋﻨﺪﻙ ﺯﻣﻦ ﺗﺠﻬﺰﻱ ﻧﻔﺴﻚ ﻭﻋﻨﺪﻙ ﺍﺟﺎﺯﻩ ﻛﻤﺎﻥ
ﺍﻧﺎ ﻟﻤﻦ ﺳﻤﻌﺖ ﺍﻟﻜﻼﻡ ﺩﺍ ﻗﺮﺑﺖ ﺍﺑﻜﻲ ﺑﻌﺪ ﺧﻼﺹ ﻧﺴﻴﺖ ﺍﻟﻤﻮﺿﻮﻉ ﺩﺍ ﻭﻫﻮ
ﻗﺎﻝ ﻟﻲ ﺍﺧﺪﻱ ﺭﺍﺣﺘﻚ ﻳﺠﻲ ﻓﺠﺎﺀﺓ ﻳﻘﻮﻝ ﻟﻲ ﺑﻌﺪ ﺷﻬﺮﻳﻦ ﻭﺟﻬﺰﻱ ﻧﻔﺴﻚ ﻻ
ﺍﻧﺎ ﻣﺎ ﻣﺴﺘﻌﺪﻩ ﺍﺑﺪﺍ ﻭﺍﺻﻼ ﻣﺎ ﻋﺎﻭﺯﺍﻩ ﺍﻟﺰﻭﺍﺝ ﺩﺍ ﻗﺎﻃﻊ ﺍﻓﻜﺎﺭﻱ ﻭﻗﺎﻝ ﻟﻲ ﻣﺎ
ﺗﻔﻜﺮﻱ ﻛﺘﻴﺮ ﻳﺎ ﺳﻤﺮ ﺍﻟﻤﻮﺿﻮﻉ ﺑﺴﻴﻂ ﺟﺪﺍ ﻭﻓﻲ ﻛﻞ ﺍﻷﺣﻮﺍﻝ ﻛﺎﻥ ﺣﺎﻳﺘﻢ ﻭﺩﺍ
ﺍﻧﺴﺐ ﻭﻗﺖ ﺍﻫﺎ ﻗﻠﺘﻲ ﺷﻨﻮ : ﻣﺎ ﻣﻤﻜﻦ ﻳﺘﺄﺟﻞ ﺷﻮﻳﻪ ؟ : ﺣﺎﺗﻜﻮﻥ ﺟﺎﻣﻌﺘﻚ
ﻓﺘﺤﺖ ﺍﻧﺎ ﻣﺎ ﻗﺮﺭﺕ ﺍﻟﺸﻲ ﺩﺍ ﻭﺍﻻ ﻭﺍﺿﻌﻚ ﻓﻲ ﺍﻻﻭﻟﻮﻳﻪ ﻭﻣﺮﺍﻋﻲ ﻟﻤﺼﻠﺤﺘﻚ
ﻭﺭﻳﻨﻲ ﺭﺍﻳﻚ ﺷﻨﻮ ﻋﺸﺎﻥ ﻧﺘﻔﻖ ﻋﻠﻰ ﺍﻟﺘﻔﺎﺻﻴﻞ ﺍﺑﻮﻱ ﻃﻮﺍﻟﻲ ﺟﺎﺀ ﺩﺍﺧﻞ
ﺍﺗﺎﺭﻳﻪ ﻛﺎﻥ ﺑﺴﻤﻊ ﻓﻲ ﻛﻼﻣﻨﺎ
ﻻﻻ ﻣﺎ ﻋﻨﺪﻫﺎ ﺍﻱ ﺍﻋﺘﺮﺍﺽ ﺍﻧﺖ ﻓﺎﺟﺌﺘﻬﺎ ﺑﺲ ﻭﻫﻲ ﺧﺠﻮﻟﻪ ﺍﻧﺖ ﻋﺎﺭﻓﺎ ﺍﻛﻴﺪﻣﺎ
ﺣﺎﺗﻘﺪﺭ ﺗﻘﻮﻝ ﻟﻚ ﻣﻮﺍﻓﻘﻪ ﺍﻟﺴﻜﻮﺕ ﻋﻼﻣﺔ ﺍﻟﺮﺿﺎ ﺧﻼﺹ ﺍﻣﺸﻲ ﻳﺎ ﺳﻤﺮ ﺍﻧﺎ
ﻛﻨﺖ ﻋﺎﺭﻓﻪ ﺧﻼﺹ ﻣﺎﻓﻲ ﺍﻱ ﻗﻮﻩ ﻓﻲ ﺍﻟﻌﺎﻟﻢ ﺣﺎﺗﻐﻴﺮ ﺍﻟﺒﺤﺼﻞ ﺩﺍ ﻭﺍﺑﻮﻱ ﻟﻮ
ﻋﻠﻴﻪ ﺑﻜﺮﺍ ﺩﻱ ﻳﻌﻘﺪ ﻟﻲ ﻭﺍﻧﺎ ﺧﻔﺖ ﻣﻨﻮ ﻭﻓﻲ ﻧﻔﺲ ﺍﻟﻮﻗﺖ ﺧﺠﻠﺖ ﻣﻦ ﺩﻛﺘﻮﺭ
ﺍﻟﻬﺎﺩﻱ ﻣﺎ ﻋﺎﻭﺯﻩ ﻛﻞ ﻣﺮﻩ ﺍﻋﺎﺭﺿﻮ ﺑﻌﺪ ﺍﻟﺒﻌﻤﻠﻮ ﻋﺸﺎﻧﻲ ﺩﺍ ﻭﻓﻌﻼ ﺍﻟﺰﻣﻦ
ﻣﻨﺎﺳﺐ ﻻﻱ ﺑﻨﺖ ﺑﺲ ﻣﺎ ﺍﻧﺎ ﻣﺎ ﺍﻧﺎ ﻧﻬﺎﺋﻲ ﻭﻻﻓﻲ ﻇﺮﻭﻓﻲ ﺩﻱ ﻟﻠﻀﺤﻴﻪ ﺩﻛﺘﻮﺭ
ﺍﻟﻬﺎﺩﻱ ﺟﺎﺏ ﻟﻲ ﺧﺮﻭﻑ ﺍﺗﺨﻴﻠﻮ ﺿﺤﻰ ﻟﻲ ﻗﺒﻞ ﻣﺎ ﺍﺑﻘﻰ ﻣﺮﺗﻮ ﻭﺍﻧﺎ ﻋﺎﺭﻓﻪ ﺍﻧﻮ
ﺑﻌﻤﻞ ﻛﺪﺍ ﻋﺸﺎﻥ ﺍﻫﻠﻲ ﻋﺎﺭﻓﻬﻢ ﺑﺤﺒﻮ ﺍﻟﻘﺮﻭﺵ ﻭﻣﺎ ﻋﺎﻭﺯﻫﻢ ﻳﺤﺴﻮ ﺑﺘﻘﺼﻴﺮ
ﻭﻳﻄﻠﻌﻮ ﺍﻟﺸﻲ ﺩﺍ ﻓﻲ ﺷﻜﻞ ﻏﻀﺐ ﻋﻠﻲ ﺑﻌﺪ ﺍﻟﻌﻴﺪ ﺟﻮ ﺟﻮﺍﻫﺮ ﻭﺻﺪﻳﻘﻪ
ﺳﺎﻗﻮﻧﻲ ﻋﺸﺎﻥ ﻧﺸﺘﺮﻱ ﺍﻟﺸﻨﻄﻪ ﻭﻣﺸﺖ ﻣﻌﺎﻧﺎ ﻧﺒﺮﺍﺱ ﻭﻧﻬﻰ ﻭﺧﺎﻟﺔ ﺩﻛﺘﻮﺭ
ﺍﻟﻬﺎﺩﻱ ﻃﺒﻌﺎ ﻣﺎ ﻛﺎﻥ ﺑﺴﺄﻝ ﺧﺎﻟﺺ ﺑﺲ ﺍﻟﻌﺎﻭﺯﺍﻩ ﺑﺸﺘﺮﻳﻪ ﻟﻲ ﺍﻧﺸﺎﺀﺍﻟﻠﻪ ﺍﺷﺘﺮﻱ
ﺍﻟﺴﻮﻕ ﻛﻠﻮ ﻭﻧﺒﺮﺍﺱ ﻋﺎﺩ ﻣﺎ ﺻﺪﻗﺖ ﺑﺰﺍﺭ ﺷﺪﻳﺪ ﻟﻤﻦ ﺍﻧﺎ ﺑﻘﻮﻝ ﻟﻬﺎ ﻻﻻ ﺍﻟﺤﺎﺟﻪ
ﺩﻱ ﻛﺘﻴﺮﻩ ﻫﻮ ﻳﻘﻮﻝ ﻟﻲ ﻣﺎ ﻛﺘﻴﺮﻩ ﻋﻠﻴﻚ ﻭﺟﺎﺑﻮ ﻟﻲ ﺍﻟﻄﻠﺢ ﻭﺣﺎﺟﺎﺕ ﺍﻟﺤﺒﺴﻪ
ﺍﺳﺘﻌﻤﻠﺖ ﻛﺮﻳﻢ ﺗﻔﺘﻴﺢ ﻣﻊ ﺍﻟﺪﺧﺎﻥ ﺧﻠﻰ ﻟﻮﻧﻲ ﻓﻈﻴﻊ ﻋﺪﻳﻞ ﻭﺻﺤﺘﻲ
ﺍﺗﺼﻠﺤﺖ ﻭﺷﻌﺮﻱ ﻣﻊ ﻣﺠﻤﻮﻋﺎﺕ ﺍﻟﺸﻌﺮ ﺍﺗﺼﻠﺢ ﺍﺻﻼ ﺍﻭﻝ ﻣﺮﻩ ﺍﻫﺘﻢ ﺑﻨﻔﺴﻲ
ﻭﺍﻟﻠﻪ ﺍﻟﻨﺎﺱ ﻟﻤﻦ ﺍﺳﺘﻐﺮﺑﻮ ﻣﻦ ﺍﻟﺘﻐﻴﻴﺮ ﺍﻟﺤﺼﻞ ﺍﻣﻲ ﻗﺎﻟﺖ ﺗﺎﺭﻱ ﺍﻧﺘﻲ ﺳﻤﺤﻪ
ﻭﺍﻟﻠﻪ ﻏﺎﻳﺘﻮ ﺍﻟﻌﺮﻳﺲ ﺑﺘﻔﺎﺟﺊ ﻭﻣﺎ ﺑﻌﺮﻓﻚ ﻋﺪﻳﻞ ﻫﻮ ﻛﺎﻥ ﻋﺎﻭﺯﻧﻲ ﺍﻋﻤﻞ ﺍﻱ
ﺣﺎﺟﻪ ﻧﻔﺴﻲ ﻓﻴﻬﺎ ﻭﻣﺎ ﺍﺣﺴﻦ ﺍﻧﻲ ﻣﺎ ﺯﻱ ﻏﻴﺮﻱ ﻣﻊ ﺍﻧﻮ ﺭﺍﻓﺾ ﻓﻜﺮﺓ ﺍﻟﺰﻓﺎﻑ
ﺩﻱ ﻭﺷﺎﻳﻔﺎ ﺑﺘﻘﻠﻞ ﻣﻦ ﻗﻴﻤﺘﻮ ﺑﺲ ﻣﺎ ﻣﺎﻧﻊ ﺍﻧﻲ ﺍﻟﺒﺲ ﺯﻓﺎﻑ ﻭﺣﺠﺰ ﻟﻲ ﻓﻲ
ﺻﺎﻟﻪ ﻓﺨﻤﻪ ﻭﻫﻮ ﻣﺎ ﻋﻤﻞ ﺍﻱ ﺣﻔﻼﺕ ﺣﻨﻪ ﻓﻬﻤﺖ ﺍﻧﻮ ﻣﺎ ﺑﺤﺐ ﺍﻟﺤﻔﻼﺕ
ﻭﺍﻣﻜﻦ ﺑﺨﺠﻞ ﻗﻠﺔ ﻟﻪ ﻧﻠﻐﻲ ﺣﻔﻠﺔ ﺍﻟﺰﻓﺎﻑ ﺑﺲ ﻫﻮ ﺭﻓﺾ ﻗﺎﻝ ﻟﻲ ﺍﻱ ﺣﺎﺟﻪ
ﺑﻌﻤﻠﻮﻫﺎ ﺍﻟﺒﻨﺎﺕ ﺍﻟﻔﻲ ﺳﻨﻚ ﻣﺎ ﺑﺤﺮﻣﻚ ﻣﻨﻬﺎ ﺍﻟﻌﻘﺪ ﻛﺎﻥ ﻳﻮﻡ ﺍﻟﺠﻤﻌﻪ ﻭﺍﻟﺰﻓﺎﻑ
ﻳﻮﻡ ﺍﻟﺴﺒﺖ ﻭﺍﻧﺎ ﻋﻤﻠﻮ ﻟﻲ ﺣﻔﻠﺔ ﺣﻨﻪ ﻳﻮﻡ ﺍﻟﺨﻤﻴﺲ ﻓﻲ ﺻﺎﻟﻪ ﻋﺎﺩ ﺍﻟﻘﺮﻭﺵ
ﻣﺎ ﺭﺍﻗﺪﻩ ﺭﺯ ﺍﻧﺎ ﻛﻞ ﻣﺎ ﺍﻟﻌﺮﺱ ﻳﻘﺮﺏ ﺑﺨﺎﻑ ﺷﺪﻳﺪ ﻭﺍﻟﻠﻪ ﺧﺎﻳﻔﻪ ﻣﻦ ﺩﻛﺘﻮﺭ
ﺍﻟﻬﺎﺩﻱ ﻭﻣﺎ ﺣﺎﺳﻪ ﺍﻧﻲ ﺣﺎﺍﻗﺪﺭ ﺍﻋﻴﺶ ﻣﻌﺎﻩ ﺍﻧﺎ ﺩﻗﺎﺋﻖ ﻣﻌﺎﻩ ﻣﺎ ﺑﻘﺪﺭ ﺍﺗﺤﻤﻼ
ﻻﻧﻲ ﺑﻜﻮﻥ ﻓﻲ ﺣﺎﻟﺔ ﺗﻮﺗﺮ ﺛﻼﺛﻪ ﺣﺎﺟﺎﺕ ﻣﺎ ﻗﺪﺭﺕ ﺍﺗﺠﺎﻭﺯﻫﻢ ﻓﺮﻕ ﺍﻟﺴﻦ
ﻭﻣﺮﺗﻮ ﻭﺍﻧﻮ ﺩﻛﺘﻮﺭﻱ ﻓﻲ ﺍﻟﺠﺎﻣﻌﻪ ﻣﺎ ﺑﻘﺪﺭ ﺍﻋﺎﻣﻠﻮ ﺍﻻ ﻋﻠﻰ ﺍﻻﺳﺎﺱ ﺩﺍ ﺣﺘﻰ
ﺍﺳﻤﻮ ﺗﻘﻴﻞ ﻋﻠﻲ ﻳﻌﻨﻲ ﺣﺎﺍﻓﻀﻞ ﺍﻧﺎﺩﻳﻪ ﺩﻛﺘﻮﺭ ﺍﻟﻬﺎﺩﻱ ﺍﻟﻌﻤﺮ ﻛﻠﻮ ﻭﻫﻮ
ﺭﺍﺟﻠﻲ؟
يتبــــــــــــــــــــــــــــــــــــــــــــع.