رواية ما بين الصباح والمساء الفصل الحادي عشر 11 بقلم مشاعر مبعثره
ﺍﻣﺸﻲ ﻣﺸﻴﻚ ﺳﺎﻱ ﺍﻧﺎ ﺑﻨﺘﻈﺮ ﻓﺮﺡ ﻭﻫﺎﻟﻪ ﻫﻮ ﻣﺸﻰ ﻭﺍﻧﺎ ﺭﺟﻌﺖ ﻣﻊ ﻣﻊ ﻓﺮﺡ
ﻣﻦ ﻭﺻﻠﻨﺎ ﺍﻣﻮ ﻗﺎﻣﺖ ﺗﺠﻮﻁ ﻭﺗﻨﺒﺬ ﻓﻴﻨﻲ ﻋﺸﺎﻥ ﺟﻴﺖ ﻣﻊ ﻭﻟﺪﺍ ﻭﺭﺍﺟﻠﻲ
ﻗﺎﻋﺪ ﻣﺸﻴﺖ ﺍﻟﻐﺮﻓﻪ ﺍﺑﻜﻲ ﺟﺎﺀ ﻫﻮ ﻃﺎﻟﻊ ﻣﻦ ﺍﻟﺤﻤﺎﻡ ﻣﺴﺤﺖ ﺩﻣﻮﻋﻲ ﻃﺒﻌﺎ
ﺍﻱ ﺣﺎﺟﻪ ﻣﺴﺨﺖ ﻟﻲ ﻗﺎﻝ ﻟﻲ ﺑﺘﺒﻜﻲ ﻟﻴﻪ : ﻣﺎﻓﻲ ﺷﻲ : ﺷﺎﻳﻒ ﺩﻣﻮﻋﻚ
ﺍﻟﻤﺴﺤﺘﻴﻬﺎ ﺩﻱ ﻭﺭﻳﻨﻲ ﻓﻲ ﺣﺎﺟﻪ ﻭﻻﺯﻭﻝ ﺯﻋﻠﻚ ﻓﻲ ﺍﻟﺠﺎﻣﻌﻪ : ﻻ : ﻃﻴﺐ ﻓﻲ
ﺷﻨﻮ ﻣﺎﻟﻚ ﺑﺘﺒﻜﻲ : ﻣﺎ ﻗﺎﻋﺪﻩ ﺍﺑﻜﻲ ﻓﺮﺡ ﺍﺗﺼﻞ ﺑﻲ ﻓﻲ ﺍﻟﻠﺤﻈﻪ ﺩﻳﻚ ﺍﺑﻴﺖ ﺍﺭﺩ
ﺩﻛﺘﻮﺭ ﺍﻟﻬﺎﺩﻱ ﻓﺘﺢ ﻗﺎﻝ ﻟﻪ ﺗﻌﺎﻝ ﻟﻲ ﻓﻮﻕ ﻭﻃﻠﻊ ﻟﻪ ﺍﻧﺎ ﻭﻗﻔﺖ ﻭﺭﺍ ﺍﻟﺒﺎﺏ
ﺍﺗﺼﻨﺖ ﻃﺒﻌﺎ ﺣﻜﻰ ﻟﻪ ﺑﺎﻟﺤﺼﻞ ﻛﻠﻮ ﻭﻛﺎﻥ ﺟﺎﻱ ﻳﻌﺘﺰﺭ ﻟﻲ ﺑﻌﺪ ﻓﺎﺕ ﺩﻛﺘﻮﺭ
ﺍﻟﻬﺎﺩﻱ ﺟﺎﻧﻲ ﺯﻋﻼﻥ ﺳﻤﺮ ﺍﻧﺘﻲ ﻣﺎ ﻋﻨﺪﻙ ﺧﺸﻢ ﺗﺮﺩﻱ ﺑﻪ ؟ : ﻧﻌﻢ؟ : ﻟﻮ ﺯﻭﻝ
ﺳﺄﻟﻚ ﺗﺮﺩﻱ ﻟﻪ ﻭﺗﻨﺎﻗﺸﻴﻪ ﺑﻮﺟﻬﺔ ﻧﻈﺮﻙ ﻣﺎﻓﻲ ﺯﻭﻝ ﺍﺣﺴﻦ ﻣﻨﻚ ﻓﻲ ﺍﻟﺒﻴﺖ ﺩﺍ
ﻓﺎﻫﻤﻪ؟؟ ﺯﻳﻚ ﺯﻳﻬﻢ ﺗﺠﻲ ﻣﻊ ﻓﺮﺡ ﻣﻊ ﻫﺎﻟﻪ ﻣﻌﺎﻱ ﺍﻧﺎ ﺑﺮﺍﻙ ﺩﻱ ﻣﺎ ﺣﺎﺟﻪ
ﺑﺘﺨﺺ ﺯﻭﻝ ﻭﻟﺒﻜﺮﺍ ﻟﻤﻦ ﺯﻣﻨﻚ ﻳﺘﻀﺎﺭﺏ ﻣﻊ ﺯﻣﻦ ﻓﺮﺡ ﺗﻌﺎﻟﻲ ﻣﻌﺎﻩ ﻭﺧﻠﻲ ﺯﻭﻝ
ﻳﺴﺄﻟﻚ ﻭﺍﺳﻲ ﻫﺪﺍﻙ ﻣﺎﺷﻲ ﺍﻟﺴﻮﺑﺮﻣﺎﺭﻛﺖ ﻫﺎﻙ ﺍﻣﺸﻲ ﻣﻌﺎﻩ ﺟﻴﺒﻲ ﻟﻴﻨﺎ ﺯﺑﺎﺩﻱ
ﻭﺟﺒﻨﻪ ﻭﺍﺷﺘﺮﻱ ﻟﻨﻔﺴﻚ ﺷﻜﻮﻻﺗﻪ ﻭﻻﺍﻱ ﺣﺎﺟﻪ ﻋﺎﻭﺯﺍﻫﺎ ﻃﺒﻌﺎ ﻫﻮ ﻋﺎﺩﻱ ﻗﺎﻋﺪ
ﻳﺮﺳﻠﻨﻲ ﺯﻱ ﻣﺎ ﺍﻻﺏ ﺑﺮﺳﻞ ﺑﻨﺘﻮ ﻭﺑﺪﻳﻨﻲ ﻣﺼﺮﻓﻲ ﻃﻠﻌﺖ ﻣﻊ ﻓﺮﺡ ﻓﻲ ﻗﺪﺍﻡ
ﺍﻣﻮ ﺗﺤﻤﺮ ﻟﻲ ﺳﺎﺍﺍﺍﺍﻱ ﻋﺎﻭﺯﻩ ﺗﺘﻜﻠﻢ ﺷﺎﻓﺖ ﺩﻛﺘﻮﺭ ﺍﻟﻬﺎﺩﻱ ﺳﻜﺘﺖ ﻃﺒﻌﺎ ﻛﺎﺳﺮ
ﻋﻴﻨﻬﻢ ﻭﺑﻬﺎﺑﻮﻩ ﻣﺎﺑﺎﻟﻬﺮﺵ ﻭﺍﻟﺘﺨﻮﻳﻒ ﻻ ﺑﺎﺳﻠﻮﺑﻮ ﺍﻟﺤﻠﻮ ﻓﺎﺭﺽ ﺍﺣﺘﺮﺍﻣﻮ ﻋﻠﻴﻬﻢ
ﻛﻠﻬﻢ ﻣﺸﻴﻨﺎ ﺍﺷﺘﺮﻳﻨﺎ ﺣﺎﺟﺎﺗﻨﺎ ﻭﺭﺟﻌﻨﺎ ﻟﻘﻴﺖ ﻣﺎﻣﺎ ﺗﻐﺮﻳﺪ ﺑﺘﻄﺒﺦ ﺳﺎﻋﺪﺗﻬﺎ
ﺧﺘﻴﻨﺎ ﺍﻟﻐﺪﺍﺀ ﻭﻗﻌﺪﻧﺎ
ﺍﻧﺎ ﺑﻘﻴﺖ ﺑﻜﺮﻩ ﺍﻟﺠﺎﻣﻌﻪ ﻭﺑﻤﺸﻲ ﻟﻬﺎ ﻏﺼﺐ ﺑﺴﺒﺐ ﺍﻟﻤﻀﺎﻳﻘﺎﺕ ﻭﺍﻟﺘﻨﻤﺮ ﻭﺩﻛﺘﻮﺭ
ﺍﻟﻬﺎﺩﻱ ﺑﺘﺠﻨﺒﻮ ﺗﻤﺎﻣﺎ ﻟﻤﻦ ﻫﻮ ﻻﺣﻆ ﻟﻲ
ﻣﻨﺘﻈﺮﻙ ﺑﺮﺍ ﻓﻲ ﺍﻟﻌﺮﺑﻴﻪ : ﻣﺎﻣﺎﺷﻪ ﺍﺳﻲ : ﻣﺎ ﻋﻨﺪﻙ ﻣﺤﺎﺿﺮﻩ ﺗﺎﻧﻲ ﻭﻣﺎﻓﻲ
ﻗﻌﺪﻩ ﻭﻻ ﺗﺨﺮﻳﺞ ﻗﺎﻋﺪﻩ ﺗﻌﻤﻠﻲ ﺷﻨﻮ : ﻣﺎ ﻋﺎﻭﺯﻩ ﺍﻣﺸﻲ ﻳﺎ ﺩﻛﺘﻮﺭ ﺳﻜﺖ
ﻣﺴﺎﻓﻪ ﻭﻗﺎﻝ ﻟﻲ ﻗﺎﻋﺪﻩ ﻭﻳﻦ : ﺟﻨﺐ ﺍﻟﻤﻜﺘﺒﻪ : ﺧﻠﻴﻚ ﻣﻜﺎﻧﻚ : ﺍﻛﻴﺪ ﻣﺎ
ﺣﺎﺗﺠﻴﺒﻲ ﺻﺎﺡ ﺍﻧﺎ ﻗﺎﻋﺪﻩ ﻣﻊ ﺍﻟﺸﻠﻪ :: ﺧﻠﻴﻚ ﻣﻜﺎﻧﻚ ﺻﺮﻳﺖ ﻭﺷﻲ ﻭﻗﻤﺖ
ﺭﺟﻌﺖ ﺍﻟﺒﻴﺖ ﺑﺎﻟﻤﻮﺍﺻﻼﺕ ﻫﻮ ﻳﺘﺼﻞ ﺳﺎﺍﺍﻱ ﺍﺑﻴﺖ ﺍﺗﺼﻞ ﺑﻤﺎﻣﺎ ﺗﻐﺮﻳﺪ ﻗﺎﻟﺖ
ﻟﻪ ﺟﺎﺕ ﺍﻧﺎ ﺍﻛﻠﺖ ﻭﺍﺳﺘﺤﻤﻴﺖ ﺑﻌﺪﺍﻙ ﻣﺸﻴﺖ ﻏﺮﻓﺘﻲ ﻭﻧﻤﺖ ﺻﺤﻴﺖ ﺍﻟﻌﺼﺮ
ﺟﺎﺀ ﺩﺍﺧﻞ ﻟﻘﺎﻧﻲ ﻗﺎﻳﻤﻪ ﻣﻦ ﺍﻟﻤﺼﻼﻳﻪ
ﺗﻌﺎﻟﻲ ﻳﺎ ﺳﻤﺮ : ﻧﻌﻢ : ﺍﻗﻌﺪﻱ ﻗﻌﺪﺕ ﻓﻲ ﺍﻟﻜﺮﺳﻲ ﻗﺼﺎﺩﻭ ﻗﺎﻝ ﻟﻲ ﺍﻧﺘﻲ ﻟﻤﻦ
ﺍﺗﺰﻭﺟﺘﻴﻨﻲ ﻣﺶ ﻋﺎﺭﻓﻪ ﺍﻧﻲ ﺩﻛﺘﻮﺭﻙ ﻭﺑﺪﺭﺳﻚ ﻓﻲ ﺍﻟﺠﺎﻣﻌﻪ ؟ : ﻋﺎﺭﻓﻪ :
ﻃﻴﺐ ﺍﻧﻮ ﺍﻟﻨﺎﺱ ﺗﺸﻮﻓﻚ ﻣﻌﺎﻱ ﻭﺍﺟﻴﺒﻚ ﻭﺍﺭﺟﻌﻚ ﻛﻞ ﻳﻮﻡ ﺣﺎﺟﻪ ﻣﺘﻮﻗﻌﻪ
ﻭﻻﻻ ﺳﻜﺘﺖ ﻗﺎﻝ ﻟﻲ ﺍﻧﺎ ﻣﺎ ﺧﺠﻼﻥ ﺍﻧﻲ ﺍﺗﺰﻭﺟﺖ ﺑﻨﺖ ﺍﺻﻐﺮ ﻣﻨﻲ ﻭﻃﺎﻟﺒﺘﻲ
ﻭﻟﻮ ﺍﻱ ﺯﻭﻝ ﺳﺄﻟﻨﻲ ﺑﻘﺪﺭ ﺍﻧﺎﻗﺸﻮ ﻭﺍﻗﻨﻌﻮ ﺑﻮﺟﻬﺔ ﻧﻈﺮﻱ ﺍﻣﺎ ﺑﻘﻴﺔ ﺍﻟﻨﺎﺱ
ﺍﻟﺒﺘﺘﻜﻠﻢ ﻓﻲ ﺍﻟﺨﻔﺎﺀ ﻛﻼﻣﺎ ﻣﺎ ﺑﺴﻮﻯ ﻋﻨﺪﻱ ﻗﺮﺵ ﻭﺍﻱ ﺣﺎﺟﻪ ﺍﺗﻘﺎﻟﺖ ﻓﻲ
ﺣﻘﻚ ﻣﻬﻤﺎ ﻛﺎﻧﺖ ﺣﺪﻭﺩﺍ ﺍﻟﺠﺎﻣﻌﻪ ﻭﻣﺎﺑﺘﺘﺨﻄﻰ ﺍﻟﺴﻤﺴﺘﺮ ﻻﻧﻮ ﺑﻜﺮﺍ ﺣﺎﻳﻠﻘﻮ
ﻣﻮﺿﻮﻉ ﻓﺎﺭﻍ ﺗﺎﻧﻲ ﻳﻤﺴﻜﻮ ﻓﻴﻪ ﻭﺩﻱ ﻋﻮﺍﻳﺪ ﺍﻟﻨﺎﺱ ﻭﻟﻮ ﻗﻠﺘﻲ ﺗﺸﺘﻐﻠﻲ ﺑﺎﻱ
ﺣﺎﺟﻪ ﺗﺘﻘﺎﻝ ﺍﻻ ﺗﻌﻴﺸﻲ ﻣﻊ ﺍﻟﻬﻢ ﺍﻟﺤﺎﻳﻠﻘﻮﻩ ﻋﻠﻴﻚ ﻭﻳﻨﺴﻮﻩ ﻭﻳﻨﺴﻮﻙ ﻣﻌﺎﻩ ﺍﻧﺎ
ﻏﻠﺒﻨﻲ ﺍﻟﺮﺩ ﻣﺎ ﻋﺮﻓﺖ ﺍﻗﻮﻝ ﻟﻪ ﺷﻨﻮ ﻭﻫﻮ ﺻﺎﺏ ﺍﻟﻬﺪﻑ ﻗﺎﻝ ﻟﻲ ﺍﻧﺎ ﻣﺎ ﺑﻘﺪﺭ
ﺍﺟﺒﺮﻙ ﻋﻠﻰ ﺣﺎﺟﻪ ﻓﻮﻕ ﺗﺤﻤﻠﻚ ﻟﻮ ﻣﺎ ﻋﺎﻭﺯﻩ ﺗﻜﻤﻠﻲ ﻓﻲ ﺍﻟﺠﺎﻣﻌﻪ ﺩﻱ ﺍﻧﺎ ﻣﻦ
ﺑﻜﺮﺍ ﺣﺎﺃﺑﺪﺍ ﻓﻲ ﺍﺟﺮﺍﺀﺕ ﺗﺤﻮﻳﻠﻚ ﺭﺍﻳﻚ ﺷﻨﻮ : ﻣﺎ ﻋﺎﻭﺯﻩ : ﻣﻌﻨﺎﻫﺎ ﺗﺒﻘﻲ ﻗﺪﺭ
ﻛﻠﻤﺘﻚ ﺍﻟﺒﺪﻳﺘﻴﻪ ﺗﺒﻘﻲ ﻗﻮﻳﻪ ﻭﺗﻜﻤﻠﻴﻪ : ﺍﻧﺸﺎﺀﺍﻟﻠﻪ ﺭﻗﺪ ﻓﻲ ﺍﻟﺴﺮﻳﺮ ﻭﺍﻇﻨﻮ ﻧﺎﻡ
ﺍﻧﺎ ﻭﺍﻗﻔﻪ ﺳﺎﻋﻪ ﺑﺤﺎﺳﺐ ﻓﻲ ﻧﻔﺴﻲ ﻭﻋﺎﻭﺯﻩ ﻭﺍﻋﺘﺰﺭ ﺑﺲ ﻫﻮ ﻣﺎ ﻗﺎﻝ ﻟﻲ ﺍﻧﺘﻲ
ﻏﻠﻄﺘﻲ ﻭﻋﻤﻠﺘﻲ ﻛﺪﺍ ﻭﻛﺪﺍ ﻣﺎ ﺍﺩﺍﻧﻲ ﻓﺮﺻﻪ ﺍﻋﺘﺰﺭ ﻣﺸﻴﺖ ﻟﻤﺎﻣﺎ ﺗﻐﺮﻳﺪ ﻭﻇﺎﻫﺮ
ﻋﻠﻲ ﺍﻟﺰﻋﻞ ﺍﻟﺤﻠﻮﻩ ﻣﺎﻻ ﻣﻜﺸﺮﻩ ﺍﻧﺎ ﺯﻋﻠﺖ ﺩﻛﺘﻮﺭ ﺍﻟﻬﺎﺩﻱ : ﻋﻤﻠﺘﻲ ﺷﻨﻮ : ﻫﻮ ﻣﺎ
ﻛﻠﻤﻚ ﻳﻌﻨﻲ : ﺍﻣﻤﻤﻢ ﻫﻮ ﺍﺗﺼﻞ ﺑﻲ ﻗﺒﻞ ﻳﺠﻲ ﻭﺳﺄﻟﻨﻲ ﻣﻨﻚ ﻗﻠﺖ ﻟﻪ ﺟﺎﺕ
ﻗﻔﻞ ﺟﺎﺀ ﻟﻘﺎﻙ ﻧﺎﻳﻤﻪ ﺧﻼﻙ ﻭﻗﻌﺪ ﻣﻦ ﻏﻴﺮ ﻣﺎ ﻳﺘﻜﻠﻢ ﺑﺎﻳﻦ ﺍﻧﻮ ﻣﺘﻀﺎﻳﻖ
ﻃﻮﺍﻟﻲ ﺩﻣﻮﻋﻲ ﺟﺮﺕ ﻣﺘﻀﺎﻳﻖ ﻣﻨﻲ ﺍﻧﺎ ﺍﻧﺎ ﻋﻤﻠﺖ ﺣﺮﻛﻪ ﺛﻘﻴﻠﻪ ﻣﻊ ﺩﻛﺘﻮﺭ
ﺍﻟﻬﺎﺩﻱ ﻭﺍﺣﺮﺟﺘﻮ ﻋﺸﺎﻥ ﻣﺎﻳﺠﻴﻨﻲ ﻗﺪﺍﻡ ﺍﺻﺤﺎﺑﻲ ﺟﻴﺖ ﻗﺪﺍﻣﻮ ﻭﻣﻦ ﻏﻴﺮ ﻣﺎ
ﺍﻗﻮﻝ ﻟﻪ ﻭﻫﻮ ﻛﺎﻥ ﻣﻨﺘﻈﺮ ﺍﺗﺼﻞ ﺑﻲ ﻭﻛﻨﺴﻠﺖ : ﻟﻴﻪ ﻋﻤﻠﺘﻲ ﻛﺪﺍ ﻳﺎ ﺳﻤﺮ : ﻣﺎ
ﻋﺎﺭﻓﻪ ﺑﺲ ﺣﺴﻴﺖ : ﺣﺴﻴﺘﻲ ﺍﻧﻮ ﺣﺎﻳﺤﺮﺟﻚ ﻗﺪﺍﻡ ﺍﺻﺤﺎﺑﻚ ﺳﻜﺘﺖ ﻃﻴﺐ ﻳﺎ
ﺳﻤﺮ ﺍﻟﺒﻨﺎﺕ ﺍﻻﺳﻲ ﺑﻀﺤﻜﻮ ﻋﻠﻴﻚ ﺩﻳﻞ ﻣﺶ ﻳﺎﻫﻢ ﺍﻟﻤﻦ ﺯﻣﺎﻥ ﻣﻨﺒﺮﺷﺎﺕ ﻓﻲ
ﺍﻟﻬﺎﺩﻱ ﻭﻳﺮﺳﻠﻦ ﻟﻪ ﻓﻲ ﺭﺳﺎﻳﻞ ﺍﻟﺤﺐ ﻭﺍﻟﻐﺮﺍﻡ ؟؟ ﺍﻟﺒﺪﺭ ﻣﻨﻬﻢ ﺩﺍ ﺍﺳﻤﻮ ﻏﻴﺮﻩ
ﻭﻟﻮ ﻓﺴﺮﺗﻴﻪ ﻏﻴﺮ ﻛﺪﺍ ﺗﻜﻮﻧﻲ ﻫﺒﻠﻪ : ﺍﻧﺎ ﺍﺻﻼ ﻫﺒﻠﻪ : ﺍﻧﺘﻲ ﺯﻱ ﺑﻨﺘﻲ ﻭﺍﻟﻠﻪ ﻳﺎ
ﺳﻤﺮ ﺍﺳﻤﻌﻲ ﻛﻼﻣﻲ ﺩﺍ ﻣﺎ ﺗﺘﻬﻮﺭﻱ ﻭﺍﻟﻠﻪ ﺍﻟﻬﺎﺩﻱ ﺩﺍ ﺗﻔﻜﻴﻪ ﻣﺎ ﺗﻠﻘﻲ ﺯﻳﻮ ﺗﺎﻧﻲ
ﻗﻌﺪﺕ ﺍﻋﺎﻳﻦ ﻟﻪ ﻗﺎﻟﺖ ﻟﻲ ﻗﻮﻣﻲ ﻛﺪﻱ ﺳﻮﻱ ﻟﻴﻨﺎ ﺍﻟﻘﻬﻮﻩ ﻭﺍﻣﺸﻲ ﺻﺤﻴﻪ ﺍﻧﺎ
ﻣﺎﺷﻪ ﺍﺳﺘﺤﻤﻰ : ﺣﺎﺿﺮ : ﺍﻟﻠﻪ ﻳﺮﺿﻰ ﻋﻠﻴﻚ
ﻣﺸﻴﺖ ﺑﺮﺍﺣﻪ ﺑﺮﺍﺣﻪ ﺭﻗﺪﺕ ﺟﻨﺒﻮ ﻭﺻﺤﻴﺘﻮ ﺑﺒﻮﺳﻪ ﻓﻲ ﺧﺪﻭ ﺍﺑﺘﺴﻢ
ﺧﻴﺮ ﻋﺎﻭﺯﻩ ﺷﻨﻮ ﻃﺒﻌﺎ ﻫﻮ ﺣﺎﻓﻆ ﺣﺮﻛﺎﺗﻲ ﻟﻤﻦ ﺍﻛﻮﻥ ﻋﺎﻭﺯﻩ ﺣﺎﺟﻪ ﻣﻨﻮ
ﺑﺘﻤﺴﻜﻦ ﻭﺑﺘﻈﺎﺭﻑ ﻭﻻ ﺍﻗﻮﻝ ﻟﻪ ﻳﺎ ﺑﺎﺑﺎ ﻗﻠﺖ ﻟﻪ ﻣﺎ ﻋﺎﻭﺯﻩ ﺷﻲ : ﻻﻻ ﺍﻟﺤﺐ ﺩﺍ
ﻛﻠﻮ ﻣﺎ ﺳﺎﻱ : ﻟﻴﻪ ﻳﻌﻨﻲ : ﺍﺧﺘﺼﺮﻱ ﺍﻟﻐﺮﻳﺒﻪ ﺍﺻﻠﻮ ﻣﺎ ﺯﻋﻞ ﻣﻨﻲ ﻭﻻﻛﺄﻧﻲ
ﻋﺎﻣﻠﻪ ﺣﺎﺟﻪ ﻣﻌﺎﻩ ﺑﺘﺼﺮﻑ ﻣﻌﺎﻱ ﻋﺎﺩﻱ ﻭﻻ٣ﻇﺎﻫﺮ ﺣﺘﻰ ﺍﻧﻮ ﻣﺘﻀﺎﻳﻖ ﻗﻠﺖ
ﻟﻪ ﻭﺍﻟﻠﻪ ﺍﺳﻲ ﺍﺯﻋﻞ ﻳﻌﻨﻲ ﻣﻤﻨﻮﻉ ﺍﻟﻮﺍﺣﺪ ﻳﺒﻘﻰ ﺣﻨﻮﻥ ﻓﻲ ﺍﻟﺒﻴﺖ ﺩﺍ : ﻻﻻ
ﻣﺴﻤﻮﺡ : ﻃﻴﺐ ﻗﻮﻡ ﺍﺳﺘﺤﻤﻰ ﻭﺗﻌﺎﻝ ﺍﺷﺮﺏ ﻣﻌﺎﻧﺎ ﺍﻟﻘﻬﻮﻩ : ﺍﺳﺮﺡ ﺷﻌﺮﻱ
ﻭﻻﻻ : ﻳﺎ ﺩﻛﺘﻮﻭﻭﻭﻭﻭﻭﻭﻭﻭﺭ ﻗﻌﺪ ﻳﻀﺤﻚ ﻗﺎﻝ ﻟﻲ ﻭﺍﻟﻠﻪ ﻛﺒﺮﻧﺎ ﻭﺑﻘﻴﻨﺎ ﻧﻬﺘﻢ ﺏ
ﺑﺎﺑﺎ : ﻋﻨﺪﻱ ﺯﻳﻮ ﻛﻢ : ﺍﻟﻠﻪ ﻳﺮﺿﻰ ﻋﻠﻴﻚ ﺟﻬﺰﻱ ﻟﻲ ﺍﻟﻤﺼﻼﻳﻪ : ﺣﺎﺿﺮ ﻃﻠﻌﺖ
ﻟﻪ ﺑﺠﺎﻣﻪ ﻭﻓﺮﺷﺖ ﻟﻪ ﺍﻟﻤﺼﻼﻳﻪ ﺑﻌﺪﺍﻙ ﻃﻠﻌﺖ ﺍﻋﻤﻞ ﺍﻟﻘﻬﻮﻩ ﺟﺎﺕ ﻣﺎﻣﺎ ﺗﻐﺮﻳﺪ
ﺭﻗﺪﺕ ﻭﺍﻧﺎ ﺍﻭﻧﺲ ﻓﻴﻬﺎ ﻟﺤﺪﻱ ﻣﺎ ﺟﺎﺀ ﺩﻛﺘﻮﺭ ﺍﻟﻬﺎﺩﻱ ﺻﻔﻴﺖ ﻟﻬﻢ ﺍﻟﻘﻬﻮﻩ ﺑﻌﺪ
ﺷﺮﺑﻨﺎ ﻗﻌﺪﺕ ﻟﻤﺎﻣﺎ ﺗﻐﺮﻳﺪ ﺗﺤﺖ ﺭﺟﻠﻴﻬﺎ ﺯﻳﺘﺖ ﻟﻲ ﺷﻌﺮﻱ ﺩﻛﺘﻮﺭ ﺍﻟﻬﺎﺩﻱ ﻗﺎﻝ
ﻟﻲ ﻭﺍﻟﺒﻠﻢ ﺍﻟﻌﺪﻩ ﺩﻱ ﻣﻨﻮ ﻗﻠﺖ ﻟﻪ ﺍﻧﺎ ﺗﻌﺒﺎﻧﻪ : ﻣﺎﻟﻚ ﻋﻤﻠﺘﻲ ﺷﻨﻮ : ﻗﻠﻴﺖ ﺍﻟﺒﻦ
ﻭﺧﺘﻴﺖ ﺍﻟﻤﻮﻳﻪ ﻓﻲ ﺍﻟﻨﺎﺭ ﻭﻋﻤﻠﺖ ﺍﻟﺠﺒﻨﻪ ﻋﺎﺩ ﻟﻘﻴﺖ ﺍﻟﺮﺍﺣﻪ ﻭﻧﺴﻴﺖ ﺍﻳﺎﻡ
ﻛﻨﺖ ﺑﻌﻮﺱ ﻭﺑﻔﺮﻙ ﺩﻛﺘﻮﺭ ﺍﻟﻬﺎﺩﻱ ﺭﻓﻌﻬﻢ ﻭﺩﺍﻫﻢ ﺍﻟﻤﻄﺒﺦ ﻭﺟﺎﺀ ﻗﻌﺪ ﻓﻲ
ﺍﻟﺘﻠﻔﺰﻳﻮﻥ ﻣﺎﻣﺎ ﺗﻐﺮﻳﺪ ﻭﻟﻌﺖ ﻟﻲ ﺍﻟﺤﻔﺮﻩ ﻭﻧﺎﺩﺗﻨﻲ
ﺑﻜﺮﺍ ﻣﺎ ﻋﻨﺪﻙ ﺟﺎﻣﻌﻪ ﻋﺸﺎﻥ ﻣﺎ ﺗﺘﻬﺠﻤﻲ ﻟﻲ ﻳﻼ : ﺍﻧﺎ ﻫﻴﻨﻪ ﺍﻟﻜﻼﻡ ﻋﻠﻰ ﺍﻟﻨﺎﺱ
ﺍﻟﻘﺎﻋﺪﻳﻦ ﻏﺒﺶ ﺍﺳﺒﻮﻉ ﻗﺮﺻﺘﻨﻲ ﻓﻲ ﺍﺿﺎﻧﻲ ﻋﻠﻴﻚ ﺑﻨﻔﺴﻚ : ﺳﻤﺢ ﺍﻗﻌﺪﻱ ﻛﺪﺍ
ﻟﻤﻦ ﺩﻛﺘﻮﺭ ﺍﻟﻬﺎﺩﻱ ﻳﻌﺮﺱ ﻓﻴﻨﺎ ﻭﺍﻟﻠﻪ ﺍﺣﺮﺷﻮ ﻋﺪﻳﻞ ﻓﻴﻚ ﺑﻘﻴﺘﻲ ﻏﺒﺸﻪ
ﺗﺠﻴﻬﻲ ﻓﻴﻨﻲ ﺍﻧﺎ ﻭﻧﺎﺳﻴﻪ ﺭﻭﺣﻚ ﺍﺳﻲ ﺍﻟﺸﻮﺍﻝ ﺩﺍ ﺍﻧﺎ ﻛﻤﻠﺘﻮ ﺑﺮﺍﻱ : ﺍﻧﺘﻲ
ﻋﺮﻭﺱ ﺻﻐﻴﺮﻩ ﻟﻜﻦ ﻛﺒﺮﺕ ﻭﺍﻟﺪﺧﺎﻥ ﺩﺍ ﺯﺍﺗﻮ ﻛﺮﻫﺘﻮ ﻃﺒﻌﺎ ﻟﻬﺎ ﻓﺘﺮﻩ ﻻ ﺑﺘﺘﺤﻨﻦ
ﻻﺑﺘﺘﺠﻴﻪ ﺑﺲ ﻫﻤﻬﺎ ﺍﻧﺎ ﺍﻧﺎ ﻃﺒﻌﺎ ﺍﻻ ﺍﻟﺮﻳﺤﻪ ﻣﺎ ﺑﻌﻤﻼ ﻻﻧﻮ ﺑﺎﻟﺠﺪ ﺑﺘﺄﺛﺮ ﻋﻠﻰ
ﺍﻟﺮﺟﺎﻝ ﺍﺗﺪﺧﻨﺖ ﻭﻣﺸﻴﺖ ﺑﺮﺍ ﻃﺒﻌﺎ ﺑﺤﺐ ﺍﻟﻤﺮﺟﻴﺤﻪ ﺍﻟﻔﻲ ﺍﻟﺤﺪﻳﻘﻪ ﻭﺑﺬﺍﻛﺮ
ﻓﻴﻬﺎ ﻃﻮﺍﻟﻲ ﺟﺎﺀ ﺩﻛﺘﻮﺭ ﺍﻟﻬﺎﺩﻱ ﻭﻗﻌﺪ ﻳﻠﺰ ﻓﻴﻨﻲ ﻳﻄﻴﺮﻧﻲ ﻓﻮﻭﻭﻭﻭﻭﻕ ﻟﻤﻦ
ﺍﺧﺎﻑ ﻗﺎﻝ ﻟﻲ ﺗﻐﺮﻳﺪ ﻭﻳﻦ : ﻗﺎﻟﺖ ﻋﺎﻭﺯﻩ ﺗﺸﺮﺏ ﺣﻠﻴﺐ ﻭﺗﻨﻮﻡ : ﻭﺍﻧﺘﻲ ﻣﺎ
ﻧﻌﺴﺎﻧﻪ ؟؟ ﻫﺰﻳﺖ ﺭﺍﺳﻲ ﻗﻌﺪ ﻳﻠﺰﻧﻲ ﺑﺮﺍﺣﻪ ﻭﺟﺎﺀ ﻗﻌﺪ ﺟﻨﺒﻲ ﻃﺒﻌﺎ ﺯﻱ ﺳﺮﻳﺮ
ﺍﻟﺒﻴﺒﻲ ﻧﻌﺴﺘﻨﻲ ﻗﺎﻝ ﻟﻲ ﻗﻮﻣﻲ ﻧﻮﻣﻲ ﺟﻮﺍ ﻫﺰﻳﺖ ﺭﺍﺳﻲ ﻗﺎﻝ ﻟﻲ ﻳﺎ ﺑﻨﺖ :
ﺷﻴﻠﻨﻲ : ﺑﻄﻠﻲ ﺩﻟﻊ ﺍﺷﻴﻠﻚ ﻛﻴﻒ : ﻋﺪﻳﻞ ﻭﻓﻌﻼ ﺍﺑﻴﺖ ﺍﻗﻮﻡ ﺍﻻ ﺷﺎﻟﻨﻲ ﻭﺩﺍﻧﻲ
ﻏﺮﻓﺘﻲ ﻭﺍﻧﺎ ﻣﺘﻌﻠﻘﻪ ﻓﻴﻪ ﺧﻼﻧﻲ ﺑﻌﺪ ﻧﻤﺖ ﻃﻠﻊ
ﺩﻛﺘﻮﺭ ﺍﻟﻬﺎﺩﻱ ﺑﺤﺎﻭﻝ ﺑﺘﺠﻨﺒﻨﻲ ﺩﺍﻳﻤﺎ ﻟﻤﻦ ﺍﻛﻮﻥ ﻣﺘﺪﺧﻨﻪ ﻭﻣﺎ ﺑﻨﻮﻡ ﻓﻲ
ﻏﺮﻓﺘﻲ ﻭﺍﻧﺎ ﺯﺍﺗﻲ ﺑﻘﻴﺖ ﺍﺣﺎﻭﻝ ﺍﺑﻌﺪ ﻣﻨﻮ ﻭﻣﺎ ﺑﻠﺒﺲ ﻗﺼﻴﺮ ﻭﻻ ﺿﻴﻖ ﻗﺪﺍﻣﻮ
ﻳﻮﻡ ﺟﻴﺖ ﺭﺍﺟﻌﻪ ﻣﻦ ﺍﻟﺠﺎﻣﻌﻪ ﻣﻊ ﻓﺮﺡ ﻭﻫﺎﻟﻪ ﻗﻌﺪﻧﺎ ﻓﻲ ﺍﻟﺤﺪﻳﻘﻪ ﻟﻌﺒﻨﺎ
ﻏﻮﻟﻒ ﻭﺍﻟﺸﻤﺲ ﺣﺎﺭﻩ ﻭﺍﺻﻼ ﻛﻨﺖ ﻣﺼﺪﻋﻪ ﺑﺲ ﻭﻗﻌﺖ ﻭﺿﺮﺑﺖ ﺭﺍﺳﻲ ﺿﺮﺑﻪ
ﻟﻤﻦ ﻗﺮﺑﺖ ﺍﺑﻜﻲ ﻭﻫﻢ ﻳﻀﺤﻜﻮ ﺳﺎﺍﺍﻱ ﻣﺸﻴﺖ ﻏﺮﻓﺘﻲ ﻭﺭﻗﺪﺕ ﻃﻮﺍﻟﻲ
ﺍﻟﺼﺪﺍﻉ ﺯﺍﺩ ﺻﺪﺍﻉ ﻣﺒﺎﻟﻎ ﻓﻴﻪ ﺍﺑﻴﺖ ﺍﻗﻮﻡ ﺍﺗﻌﺸﻰ ﻣﺎﻣﺎ ﺗﻐﺮﻳﺪ ﺣﻨﺴﺘﻨﻲ ﺑﺲ
ﺍﺑﻴﺖ ﺍﻗﻮﻡ ﺭﺍﻗﺪﻩ ﻣﻘﺒﻠﻪ ﻋﻠﻰ ﺍﻟﺤﻴﻄﻪ ﻭﺍﺑﻜﻲ ﺩﻛﺘﻮﺭ ﺍﻟﻬﺎﺩﻱ ﻛﺎﻥ ﺑﺮﺍ ﺟﺎﺀ
ﻟﻘﺎﻫﺎ ﻣﻌﺎﻱ ﻗﺎﻝ ﻟﻬﺎ ﺍﻣﺸﻲ ﻧﻮﻣﻲ ﺑﻌﺪ ﺗﻌﺐ ﻣﺸﺖ ﺟﺎﺀ ﺭﻓﻊ ﻟﻲ ﺭﺍﺳﻲ ﻓﻲ
ﺭﺟﻮﻟﻮ ﻭﺍﻧﺎ ﺍﺻﻼ ﻓﻲ ﺍﻟﻤﺮﺽ ﻛﺪﺍ ﻃﺒﻌﻲ ﻛﻌﺐ ﺑﺲ ﺑﺮﻗﺪ ﻭﺑﺒﻜﻲ ﻗﺎﻝ ﻟﻲ
ﻣﺎﻟﻚ ﺳﻜﺘﺖ ﺑﻘﻰ ﻳﻤﺸﻲ ﻳﺪﻭ ﻓﻲ ﺟﺒﻬﺘﻲ ﻗﺎﻝ ﻟﻲ ﺣﺮﺍﺭﺗﻚ ﻋﺎﻟﻴﻪ ﻋﻨﺪﻙ
ﺻﺪﺍﻉ ﺻﺎﺡ؟؟ ﻫﺰﻳﺖ ﺭﺍﺳﻲ ﻭﻫﻮ ﻣﻼﻣﺤﻮ ﺍﺗﻐﻴﺮﺕ ﻋﺪﻳﻞ ﻗﺎﻡ ﻃﻠﻊ ﻟﻲ ﻋﺒﺎﻳﻪ
ﻭﻋﺎﻭﺯ ﻳﻠﺒﺴﻨﻲ ﻟﻬﺎ ﻗﺎﻝ ﻟﻲ ﻗﻮﻣﻲ ﺍﻭﺩﻳﻚ ﺍﻟﻤﺴﺘﺸﻔﻰ ﻗﻠﺖ ﻟﻪ ﻣﺎﻣﺎﺷﻪ : ﻣﺎ
ﺗﻐﻠﺒﻴﻨﻲ : ﻣﺎﻣﺎﺷﻪ ﻣﺎﻣﺎﺷﻪ ﻭﺍﻧﻜﻤﺸﺖ ﻓﻲ ﻧﺺ ﺍﻟﺴﺮﻳﺮ ﻃﺒﻌﺎ ﻋﻨﻴﺪﻩ ﺷﺪﻳﺪ ﻗﺪﺭ
ﻣﺎ ﺣﺎﻭﻝ ﻣﻌﺎﻱ ﺍﺑﻴﺖ ﻗﺮﺏ ﻳﺒﻜﻲ ﻋﺪﻳﻞ ﻭﺳﺎﻫﺮ ﺍﻟﻠﻴﻞ ﺩﺍ ﻛﻠﻮ ﻓﻲ ﺭﺍﺳﻲ
ﻳﻌﻤﻞ ﻟﻲ ﻣﻜﻤﺪﺍﺕ ﻭﺍﺩﺍﻧﻲ ﺑﻨﺪﻭﻝ ﻭﺍﻧﺎ ﺍﻟﺼﺪﺍﻉ ﻗﺘﻠﻨﻲ ﻟﻤﻦ ﺑﻬﻀﺮﺏ ﻟﺤﺪﻱ
ﺍﻟﺼﺒﺎﺡ ﺟﺎﺕ ﻣﺎﻣﺎ ﺗﻐﺮﻳﺪ ﺍﺩﺗﻨﻲ ﺍﻟﺸﺎﻱ ﺍﺑﻴﺖ ﺍﺷﺮﺏ ﻭﻻ ﺍﻛﻞ ﻗﻤﺖ ﺍﺳﺘﻔﺮﻏﺖ
ﺩﻛﺘﻮﺭ ﺍﻟﻬﺎﺩﻱ ﻗﺎﻝ ﻟﻤﺎﻣﺎ ﺗﻐﺮﻳﺪ ﻟﺒﺴﻴﻬﺎ ﻟﻲ ﻏﺼﺒﺎ ﻋﻨﻲ : ﺍﻟﻬﺎﺩﻱ ﻣﺎ ﻛﺪﺍ ﻭﺍﻧﺎ
ﺑﺲ ﺯﻱ ﺍﻟﻄﻔﻠﻪ ﻓﻲ ﺍﻟﻤﺮﺽ ﻃﺒﻌﻲ ﻛﻌﺐ ﻋﻨﻴﺪﻩ ﻭﺑﺮﻗﺪ ﻓﻲ ﺍﻟﺴﺮﻳﺮ ﻭﺍﺑﻜﻲ ﺑﺲ
ﺩﻛﺘﻮﺭ ﺍﻟﻬﺎﺩﻱ ﺟﺎﺏ ﻟﻲ ﺗﻮﺏ ﻭﻗﺎﻝ ﻟﻲ ﺍﺭﺡ ﻧﻨﺰﻝ ﺗﺤﺖ : ﻟﻴﻪ : ﺍﻣﻚ ﻭﺍﺧﻮﺍﺗﻚ
ﺟﻮ ﻭﻋﺎﻭﺯﻳﻦ ﻳﺸﻮﻓﻮﻙ ﻟﺒﺴﻨﻲ ﺍﻟﺘﻮﺏ ﻭﻧﺰﻟﺖ ﻣﺎ ﻟﻘﻴﺘﻬﻢ ﻗﺎﻝ ﻟﻲ ﻗﺎﻋﺪﻳﻦ
ﺗﺤﺖ ﻓﻲ ﺍﻟﺤﺪﻳﻘﻪ ﻧﺰﻟﺖ ﺭﻛﺒﻨﻲ ﺍﻟﻌﺮﺑﻴﻪ ﻭﺍﻣﻨﺎ ﻃﻠﻊ ﻭﻭﺩﺍﻧﻲ ﺍﻟﻤﺴﺘﺸﻔﻰ ﻣﺎﻣﺎ
ﺗﻐﺮﻳﺪ ﺟﺎﺕ ﻻﺣﻘﺎﻧﺎ ﺩﺧﻠﺖ ﻣﻌﺎﻱ ﻟﻠﺪﻛﺘﻮﺭ ﻭﺩﻛﺘﻮﺭ ﺍﻟﻬﺎﺩﻱ ﺑﺎﻟﻘﻮﻩ ﺩﺧﻞ ﻣﻌﺎﻱ
ﺍﻟﻤﺮﺍ ﺍﻟﺒﺘﺴﺠﻞ ﻗﺎﻟﺖ ﺍﺻﻠﻮ ﺷﻨﻮ ﻫﻮ ﺑﻨﺖ ﻛﺒﻴﺮﻩ ﺯﻱ ﺩﻱ ﺍﻻ ﺗﺠﻲ ﺍﻟﻤﺴﺘﺸﻔﻰ
ﻣﻊ ﺍﻣﻬﺎ ﻭﺍﺑﻮﻫﺎ ﻭﻛﻤﺎﻥ ﺍﻻ ﻳﺪﺧﻠﻮ ﻛﻠﻬﻢ ﺍﻟﺪﻛﺘﻮﺭ ﻗﺎﻝ ﻋﺎﻭﺯ ﻳﻔﺤﺺ ﺻﺪﺭﻱ
ﻭﺍﻧﺎ ﻭﻻ ﻋﻨﺪﻱ ﻛﺤﻪ ﻭﻻﻧﺰﻟﻪ ﻭﻻ ﺣﺴﺎﺳﻴﻪ ﻭﻻ ﺍﻱ ﺣﺎﺟﻪ ﻟﻬﺎ ﻋﻼﻗﻪ ﺑﺎﻟﺼﺪﺭ
ﺩﻛﺘﻮﺭ ﺍﻟﻬﺎﺩﻱ ﺗﻜﺸﻒ ﻋﻠﻴﻬﺎ ﻟﺸﻨﻮ ﻣﺎ ﻓﻬﻤﺖ : ﺩﻛﺘﻮﺭ ﺍﻧﺎ ﻭﻻ ﺍﻧﺖ ﻋﺎﻭﺯ ﺗﻌﻠﻤﻨﻲ
ﺷﻐﻠﻲ ﻳﻌﻨﻲ ﻣﺎﻣﺎ ﺗﻐﺮﻳﺪ ﺑﻘﺖ ﺗﻬﺪﻱ ﻓﻴﻬﻢ ﺍﻟﺪﻛﺘﻮﺭ ﺯﻋﻞ ﻭﻗﺎﻝ ﻭﺍﻟﻠﻪ ﻋﺪﻡ
ﺍﻟﻔﻬﻢ ﻣﺼﻴﺒﻪ ﻛﺒﻴﺮﻩ ﺍﻧﺘﻮ ﺣﺮﻳﻦ ﻓﻲ ﺑﻨﺘﻜﻢ ﻫﺪﺍ ﺍﻟﻔﺤﺺ ﺍﻋﻤﻠﻮﻩ ﻟﻬﺎ ﺑﺲ ﻟﻤﻦ
ﺗﺘﻌﺐ ﻟﻜﻢ ﺗﺎﻧﻲ ﻣﺎ ﺗﺠﻴﺒﻮﻫﺎ ﻟﻲ ﻭﺩﻭﻧﻲ ﺍﻟﻔﺤﺺ ﻭﺍﻧﺎ ﺭﻗﺪﺕ ﻓﻲ ﺭﺟﻠﻴﻦ ﻣﺎﻣﺎ
ﺗﻐﺮﻳﺪ ﺑﻌﺪ ﺍﻟﻔﺤﺺ ﺩﻛﺘﻮﺭ ﺍﻟﻬﺎﺩﻱ ﻣﺸﻰ ﺍﻧﺘﻈﺮ ﺍﻟﻨﺘﻴﺠﻪ ﺑﻌﺪ ﻃﻠﻌﺖ ﻣﺸﻴﻦ
ﻟﻠﺪﻛﺘﻮﺭ ﻗﺎﻝ ﺗﺪﺧﻞ ﺑﺮﺍﻫﺎ ﻣﺎﻟﻴﻦ ﻟﻴﻨﺎ ﺍﻟﻤﻜﺘﺐ ﻛﺪﺍ ﻣﺎﻻ ﺻﻐﻴﺮﻩ ﺍﻟﻘﺪﺭﺍ ﺟﺎﻳﺒﻴﻦ
ﺍﻭﻻﺩﻫﻢ ﻟﻠﺘﻄﻌﻴﻢ ﺩﻛﺘﻮﺭ ﺍﻟﻬﺎﺩﻱ ﺩﺍ ﻣﺴﻚ ﺍﻋﺼﺎﺑﻮ ﻛﻴﻒ ﻣﺎ ﻋﺎﺭﻓﻪ ﺑﺲ ﻗﺎﻝ
ﻟﻠﺒﻨﺖ ﺍﻛﺒﺮ ﻣﺼﻴﺒﻪ ﺍﻟﺠﻬﻞ ﻭﺳﻜﺖ ﺩﺧﻠﺖ ﺍﻧﺎ ﺑﻨﺘﻴﺠﺘﻲ ﻛﺎﻥ ﻓﻲ ﻣﺮﺍ ﻭﺍﺣﺪﻩ
ﻃﻠﻌﺖ ﻣﺪﻳﺖ ﻟﻪ ﻧﺘﻴﺠﺘﻲ ﻣﺎ ﺷﺎﻻ ﺷﺎﻝ ﻣﻦ ﺍﻟﻮﺭﺍﻱ ﻭﺍﻟﺒﻌﺪﺍ ﻭﺍﻟﺒﻌﺪﺍ ﻟﻤﻦ
ﺯﻫﺠﺖ ﻗﺎﻝ ﻟﻲ ﺍﻗﻌﺪﻱ ﻗﻌﺪﺕ ﻗﺎﻝ ﻟﻬﻢ ﻣﺎ ﺗﺪﺧﻠﻮ ﺯﻭﻝ ﻭﺍﻧﺎ ﻗﺎﻋﺪﻩ ﻣﻊ ﺍﻟﺘﻌﺐ
ﻣﺎ ﻗﺎﺩﺭﻩ ﺍﺭﺩﺡ ﻟﻪ ﻳﺴﺄﻝ ﻓﻴﻨﻲ ﺳﺎﻱ ﻟﻤﻦ ﺯﻫﺠﺖ ﻗﺎﻝ ﻟﻲ ﻣﻦ ﺍﻻﻭﻝ ﻗﻠﺖ ﻟﻜﻢ
ﻻﺯﻡ ﻧﻔﺤﺺ ﺍﻟﺼﺪﺭ ﺍﺑﻮﻙ ﻋﺎﺭﺽ ﻗﻠﺖ ﻟﻪ ﻣﺎ ﺑﺘﻔﺤﺺ ﺑﺲ ﺷﻮﻑ ﺍﻟﻨﺘﻴﺠﻪ
ﺍﻟﻘﺪﺍﻣﻚ ﺩﻱ ﺟﺎﺀ ﻗﺎﺱ ﻟﻲ ﺍﻟﻀﻐﻂ ﻗﺮﺑﺖ ﺍﺩﻳﻪ ﻛﻒ ﻭﻳﻠﻤﺲ ﻓﻲ ﻳﺪﻱ ﺑﻄﺮﻳﻘﻪ
ﻣﺎ ﻃﺒﻴﻌﻴﻪ ﻗﺎﻝ ﻟﻲ ﺍﻓﺘﺤﻲ ﺧﺸﻤﻚ ﻭﻃﻠﻌﻲ ﻟﺴﺎﻧﻚ ﻭﺟﺎﺀ ﻭﻗﻒ ﻗﺮﻳﺐ ﻟﻲ
ﻭﺑﻌﺎﻳﻦ ﻓﻲ ﺷﻔﺎﻳﻔﻲ ﻗﻤﺖ ﻋﻠﻰ ﺣﻴﻠﻲ ﻭﺟﺎﺀ ﺩﻛﺘﻮﺭ ﺍﻟﻬﺎﺩﻱ ﺩﺍﺧﻞ
يتبــــــــــــــــــــــــــــــــــــــــــــع.