رواية ما بين الصباح والمساء الفصل الرابع عشر 14 بقلم مشاعر مبعثره
ﻓﻬﻤﺘﻨﻲ ﻭﻣﻼﻣﺤﺎ ﺍﺗﻐﻴﺮﺕ ﺣﺴﻴﺘﺎ ﻛﺒﺮﺕ ١٠٠ﺳﻨﻪ ﻣﺎ ﻗﺪﺭﺕ ﺗﺨﺒﻲ ﺩﻣﻮﻋﺎ
ﺍﻟﺒﻘﺖ ﻓﻲ ﺍﻃﺮﺍﻑ ﻋﻴﻮﻧﺎ ﻗﺎﻟﺖ ﻟﻲ ﺗﻌﺎﻟﻲ ﺍﺭﻗﺪﻱ ﻳﺎ ﺳﻤﺮ ﻭﻣﺎ ﺗﺘﺤﺮﻛﻲ ﻛﺘﻴﺮ
ﺍﻟﻔﺘﺮﻩ ﺩﻱ ﺍﻧﺎ ﺑﺠﻴﺐ ﻟﻚ ﺍﻱ ﺣﺎﺟﻪ ﻋﺎﻭﺯﺍﻫﺎ ﻣﺴﻜﺖ ﻳﺪﻫﺎ ﻏﺼﺒﺎ ﻋﻨﻲ ﻳﺎ
ﻣﺎﻣﺎ ﺗﻐﺮﻳﺪ ﻭﺍﻟﻠﻪ ﺍﻟﻌﻈﻴﻢ ﻣﺎ ﻛﻨﺖ ﻋﺎﺭﻓﻪ ﻭﻻ ﺣﺎﺳﺒﻪ ﺣﺴﺎﺏ ﺍﻟﻴﻮﻡ ﺩﺍ : ﺳﻤﺮ
ﺩﺍ ﺭﺍﺟﻠﻚ ﻋﻠﻰ ﻓﻜﺮﻩ ﺗﻌﺘﺰﺭﻱ ﻟﻴﻪ ﻭﺍﺻﻼ ﺩﺍ ﺍﻟﻤﻔﺮﻭﺽ ﻳﺤﺼﻞ ﻣﺴﺘﺤﻴﻞ
ﺭﺍﺟﻞ ﻭﻣﺮﺍ ﻳﻘﻌﺪﻭ ﻣﻊ ﺑﻌﺾ ﻭﻣﺎ ﻳﺤﺼﻞ ﺷﻲ ﺑﻴﻨﻬﻢ ﻗﻠﺖ ﻟﻬﺎ ﺑﺲ ﻣﺎ ﺍﻣﺲ
ﺗﺤﺪﻳﺪﺍ ﺍﻟﻴﻮﻡ ﺩﺍ ﻣﺎ ﻛﺎﻥ ﺍﻟﻤﻔﺮﻭﺽ ﻳﺤﺼﻞ ﻫﻮ ﻛﺎﻥ ﺍﻟﻤﻔﺮﻭﺽ ﻳﻜﻮﻥ ﻣﻌﺎﻙ
ﺍﻧﺘﻲ ﺩﺍ ﺍﻟﺨﻄﻄﺖ ﻟﻪ ﺍﻧﺎ ﻭﻗﻌﺪﺕ ﺍﺑﻜﻲ ﻣﺴﺤﺖ ﻟﻲ ﺩﻣﻮﻋﻲ ﺩﻛﺘﻮﺭ ﺍﻟﻬﺎﺩﻱ
ﺟﺎﺀ ﺩﺍﺧﻞ ﻫﻲ ﻃﻮﺍﻟﻲ ﻗﺎﻣﺖ ﻋﺎﻭﺯﻩ ﺗﻄﻠﻊ ﻗﻠﺖ ﻟﻬﺎ ﻣﺎﻣﺎ ﺗﻐﺮﻳﺪ ﻣﺎ ﺗﻤﺸﻲ :
ﻋﻨﺪﻱ ﺣﻠﻪ ﻓﻲ ﺍﻟﻨﺎﺭ ﻣﺎﺷﻪ ﻋﻠﻴﻬﺎ ﻣﺎ ﺗﺤﺮﻕ : ﺑﺲ ................. ﺩﻛﺘﻮﺭ
ﺍﻟﻬﺎﺩﻱ ﻗﺎﻝ ﻟﻬﺎ ﺧﻼﺹ ﺗﻤﺎﻡ ﺷﻮﻓﻴﻬﺎ : ﻣﺎﻣﺎ ﺗﻐﺮﻳﺪ : ﺳﻤﺮ ﺧﻠﻴﻬﺎ ﺗﻤﺸﻲ ﻳﺎ ﺑﺎﺑﺎ
ﻣﺸﺖ ﻗﺎﻝ ﻟﻲ ﺳﻤﺮ ﺧﻠﻴﻬﺎ ﻋﻠﻰ ﺭﺍﺣﺘﺎ ﻭﻣﺎ ﺗﺤﺎﻭﻟﻲ ﺗﻮﺍﺳﻴﻬﺎ ﻻﻧﻮ ﺍﺣﺘﻤﺎﻝ
ﺗﻨﺠﺮﺡ ﻣﻦ ﺍﻟﺸﻲ ﺩﺍ ﺟﺎﺀ ﻗﻌﺪ ﺟﻨﺒﻲ ﺧﺠﻠﺖ ﺷﺪﻳﺪ ﻣﻨﻮ ﻗﺎﻝ ﻟﻲ ﺳﺎﻛﺘﻪ ﻣﺎﻟﻚ
ﻳﺎ ﺑﺎﺑﺎ ﻗﻠﺖ ﻓﻲ ﻧﻔﺴﻲ ﻫﻮ ﺍﻧﺖ ﺧﻠﻴﺖ ﻓﻴﻬﺎ ﺑﺎﺑﺎ ﻧﺴﻴﺖ ﺍﻟﻌﻤﻠﺘﻮ ﻓﻴﻨﻲ ؟
ﻣﺴﻚ ﻳﺪﻱ ﻧﻔﻀﺘﻮ ﻭﻗﻤﺖ ﻗﺎﻝ ﻟﻲ ﻣﺎﺷﻪ ﻭﻳﻦ ؟؟ : ﻟﻤﺎﻣﺎ ﺗﻐﺮﻳﺪ : ﺧﻠﻴﻬﺎ ﻗﺎﻟﺖ
ﻟﻚ ﺷﻐﺎﻟﻪ : ﺟﺎﺀ ﻭﻗﻒ ﻗﺪﺍﻣﻲ ﻣﺎ ﺣﺎﺗﻘﺪﺭﻱ ﺗﺴﺎﻋﺪﻳﻬﺎ ﻭﺍﺳﻤﻌﻲ ﺍﻟﻜﻼﻡ ﻳﺎ ﺳﻤﺮ
ﻣﺎ ﺗﻘﻮﻱ ﺭﺍﺳﻚ ﻳﻼ ﺍﺭﻗﺪﻱ ﺭﺟﻌﺖ ﺭﻗﺪﺕ ﺗﺎﻧﻲ ﺟﺎﺀ ﺭﻗﺪ ﺟﻨﺒﻲ ﻭﻋﺎﻭﺯ
ﻳﺤﻀﻨﻲ ﺍﺗﻨﻔﻀﺖ ﻣﻨﻮ ﻃﻮﺍﻟﻲ ﻗﺎﻡ ﺗﺎﻧﻲ ﺑﺎﻟﻐﻠﻂ ﻣﺎ ﻗﺮﺏ ﻣﻨﻲ ﺍﻧﺎ ﻧﻔﻮﺭﻱ ﻣﻨﻮ
ﺩﺍ ﺧﺠﻞ ﺍﻛﺘﺮ ﻣﻦ ﺍﻧﻮ ﺧﻮﻑ ﺑﺲ ﻫﻮ ﻓﺴﺮﻭ ﻛﺪﺍ ﻻﻧﻮ ﺍﻟﻌﻼﻗﻪ ﺩﻱ ﺍﻧﺎ
ﻣﺴﺘﺤﻴﻞ ﺍﺗﻘﺒﻼ ﺑﺒﺴﺎﻃﻪ ﻛﺪﺍ ﻣﺎ ﻣﺼﺪﻗﺎﻫﺎ ﻭﻻ ﺑﺘﺨﻴﻞ ﺯﺍﺗﻮ ﺍﻧﻬﺎ ﺗﺤﺼﻞ ﺗﺎﻧﻲ
ﻭﺗﺘﻜﺮﺭ ﺯﻱ ﻣﺎ ﺑﺤﺼﻞ ﺑﻴﻦ ﺍﻟﻤﺘﺰﻭﺟﻴﻦ ﻻﻧﻲ ﻟﺴﻪ ﺷﺎﻳﻔﺎﻩ ﺩﻛﺘﻮﺭ ﺍﻟﻬﺎﺩﻱ ﻭﻫﻮ
ﻓﺎﺟﺄﻧﻲ ﻭﺑﻌﺎﻣﻠﻨﻲ ﻣﻌﺎﻣﻠﺔ ﺍﻻﺏ ﻣﺎ ﺣﺼﻞ ﺣﺴﺴﻨﻲ ﺍﻧﻮ ﻋﻨﺪﻭ ﺭﻏﺒﻪ ﻓﻴﻨﻲ ﻭﻻ
ﺷﺎﻳﻔﻨﻲ ﻛﻤﺮﺗﻮ ﺍﻧﺎ ﻋﺸﺎﻥ ﻣﺘﻌﻮﺩﻩ ﺍﻧﺰﻝ ﺗﺤﺖ ﻛﻞ ﻳﻮﻡ ﻭﺍﻟﻠﻴﻠﻪ ﻣﺎ ﻧﺰﻟﺖ
ﺍﺳﺘﻐﺮﺑﻮ ﻭﻗﻠﻘﻮ ﻋﻠﻲ ﺳﺒﺤﺎﻥ ﺍﻟﻠﻪ ﺣﺘﻰ ﺟﻮﺍﻫﺮ ﻭﺻﺪﻳﻘﻪ ﺟﻮ ﻣﻊ ﻫﺎﻟﻪ
ﻳﺘﻄﻤﻨﻮ ﻋﻠﻲ ﻟﻤﻦ ﻫﺎﻟﻪ ﺳﺄﻟﺘﻨﻲ ﻗﻠﺖ ﻟﻬﺎ ﻋﻨﺪﻱ ﻣﻐﺺ ﻣﺘﻌﺒﻨﻲ ﺍﻣﻲ ﻭﻧﺒﺮﺍﺱ
ﻭﻣﺜﺎﻧﻲ ﺟﻮﻧﻲ ﺑﺮﺿﻮ ﻓﻲ ﻧﻔﺲ ﺍﻟﻴﻮﻡ ﻭﻃﻠﻌﻮ ﻟﻲ ﻓﻮﻕ ﻟﻤﻦ ﻣﺎ ﻗﻤﺖ ﻣﻦ
ﺍﻟﺴﺮﻳﺮ ﺑﻘﻮ ﻳﺴﺄﻟﻮ ﻓﻴﻨﻲ ﻭﻗﻠﺖ ﻟﻬﻢ ﻧﻔﺲ ﺍﻟﻌﺰﺭ ﺍﻣﻲ ﻏﻀﺒﺖ ﻏﻀﺐ ﻗﺎﻟﺖ
ﻟﻨﺒﺮﺍﺱ ﻭﻣﺜﺎﻧﻲ ﺍﻃﻠﻌﻮ ﺑﺮﺍ ﺑﻌﺪ ﻃﻠﻌﻮ ﺷﺎﻛﻠﺘﻨﻲ
ﻳﻌﻨﻲ ﻟﺤﺪﻱ ﺍﺳﻲ ﻣﺎ ﺣﻤﻠﺘﻲ ؟؟ : ﺍﻱ : ﺍﻧﺘﻲ ﻳﺎ ﺑﻨﺖ ﻗﺎﻋﺪﻩ ﻛﻴﻒ ﻣﻊ ﺭﺍﺟﻠﻚ
ﺩﺍ ﺍﻟﻤﻔﺮﻭﺽ ﺗﻜﻮﻧﻲ ﺣﻤﻠﺘﻲ ﺟﺎﻫﻠﻪ ﻭﺻﻐﻴﺮﻩ ﻭﻻ ﻳﻜﻮﻥ ﻓﻴﻪ ﻋﻴﺐ ﺍﻟﺮﺍﺟﻞ
ﺍﻟﻜﺒﻴﺮ ﺩﺍ ﻧﺤﻦ ﻓﻲ ﺍﻫﻠﻨﺎ ﺩﻳﻞ ﻣﺎ ﻋﻨﺪﻧﺎ ﺑﻨﺖ ﺑﺘﺘﺄﺧﺮ ﻓﻲ ﺍﻟﻮﻻﺩﻩ ﻣﻦ ﺍﻭﻝ
ﺷﻬﺮ ﺑﺤﻤﻠﻦ : ﻳﺎ ﺍﻣﻲ ﻳﺎﺥ ﺩﻱ ﺣﺎﺟﻪ ﻓﻲ ﻳﺪ ﺭﺑﻨﺎ ﻣﺎﻟﻚ ﻣﺤﺴﺴﺎﻧﻲ ﺍﻧﻮ ﻟﻲ
ﺳﻨﻴﻦ : ﻣﺎ ﺍﺣﺴﻦ ﺍﻟﺰﻭﻝ ﻳﻌﺮﻑ ﻗﺒﻞ ﺍﻟﻔﺎﺱ ﺗﻘﻊ ﻓﻲ ﺍﻟﺮﺍﺱ ﺍﻧﺎ ﺑﻜﺮﻩ ﺑﺠﻲ
ﺍﺳﻮﻗﻚ ﻟﻠﺪﻛﺘﻮﺭ ﻳﺸﻮﻓﻚ ﻋﻨﺪﻙ ﺷﻨﻮ : ﻣﺎ ﻋﻨﺪﻱ ﺷﻲ ﻭﻣﺎ ﺑﻤﺸﻲ ﻻﻱ ﺩﻛﺘﻮﺭ
ﻭﺍﺻﻠﻬﺎ ﻣﺎ ﺭﻳﺤﺘﻨﻲ ﻟﻤﻦ ﺩﻛﺘﻮﺭ ﺍﻟﻬﺎﺩﻱ ﺟﺎﺀ ﺑﺮﺿﻮ ﻗﺎﻟﺖ ﻟﻪ ﺑﻜﻞ ﺟﺮﺍﺀﺓ
ﺍﺣﺘﻤﺎﻝ ﻳﻜﻮﻥ ﻋﻨﺪﻫﺎ ﺍﻟﺘﻬﺎﺑﺎﺕ ﺍﺣﺴﻦ ﻧﻌﺎﻟﺠﺎ ﺑﺪﺭﻱ ﺑﺪﺭﻱ : ﻣﺎ ﻣﺴﺘﻌﺠﻠﻴﻦ ﺑﺲ
ﻣﺎ ﻣﺸﻜﻠﻪ ﻭﺩﻳﻬﺎ ﻟﻜﻦ ﺍﻛﻴﺪ ﻣﺎ ﺍﻟﻴﻮﻡ : ﻻﻻ ﻣﺎ ﺍﻟﻴﻮﻡ ﺑﻜﺮﺍ ﺍﻧﺸﺎﺀﺍﻟﻠﻪ ﺑﺠﻲ
ﺍﺳﻮﻗﺎ ﻭﺍﻧﺎ ﺣﻠﻔﺖ ﻣﺎ ﺍﻣﺸﻲ ﻭﻟﻮ ﺍﺻﺮﺕ ﻣﺎ ﺑﻤﺸﻲ ﻣﻌﺎﻫﺎ ﻫﻲ ﺑﻤﺸﻲ ﻣﻊ ﻣﺎﻣﺎ
ﺗﻐﺮﻳﺪ ﻓﺎﺗﺘﻨﻲ ﺯﻋﻼﻧﻪ ﺑﻠﻴﻞ ﺩﻛﺘﻮﺭ ﺍﻟﻬﺎﺩﻱ ﻣﺎ ﺟﺎﺀ ﻭﺍﻟﻴﻮﻡ ﺍﻟﺒﻌﺪﻭ ﻣﻊ ﺍﻧﻮ ﻣﺎﻣﺎ
ﺗﻐﺮﻳﺪ ﺑﺘﺤﺎﻭﻝ ﺗﺨﻠﻴﻨﺎ ﻣﻊ ﺑﻌﺾ ﻭﺗﻘﻮﻡ ﻛﻞ ﻣﺎ ﻧﺠﺘﻤﻊ ﺑﺲ ﻫﻮ ﺑﻠﺤﻘﺎ ﻭﺍﻧﺎ
ﺍﻟﺸﻲ ﺩﺍ ﺑﻐﻴﻈﻨﻲ ﻭﺑﺨﻠﻴﻨﻲ ﺍﺧﺶ ﻓﻲ ﺍﻟﻨﺎﺭ ﺍﻧﺎ ﺑﻘﻴﺖ ﺍﺗﺤﺮﻙ ﻭﺍﺷﺘﻐﻞ ﻋﺎﺩﻱ
ﺑﺲ ﻫﻮ ﺗﺎﻧﻲ ﻣﺎ ﻗﺮﺏ ﻋﻠﻲ ﻧﻬﺎﺋﻲ
ﻳﻮﻡ ﺍﻟﺠﻤﻌﻪ ﺍﻟﺼﺒﺎﺡ ﺟﺎﻧﻲ ﻛﺎﻥ ﺑﺎﻳﺖ ﻣﻊ ﻣﺎﻣﺎ ﺗﻐﺮﻳﺪ ﺟﺎﺀ ﺻﺒﺢ ﻋﻠﻲ ﻭﻣﺪ
ﻟﻲ ﺟﻼﺑﻴﺘﻮ ﺣﻘﺖ ﺍﻟﺼﻼﺓ ﻗﺎﻝ ﻟﻲ ﺍﻛﻮﻳﻬﺎ ﻭﺭﺟﻊ ﻟﻬﺎ ﺗﺎﻧﻲ ﺍﻧﺎ ﺍﻟﻐﻴﺮﻩ ﺣﺮﻗﺖ
ﻗﻠﺒﻲ ﺟﺎﺀ ﻟﻘﺎﻧﻲ ﺑﻜﻮﻱ ﻓﻴﻬﺎ ﻗﺎﻝ ﻟﻲ ﻟﺴﻪ ﻣﺎ ﺧﻠﺼﺘﻲ ﻳﺎ ﺑﺎﺑﺎ ؟ : ﺧﻤﺴﻪ ﺩﻗﺎﺋﻖ
ﺑﺲ ﻭﺣﺎﺗﻜﻮﻥ ﺟﺎﻫﺰﻩ : ﺗﻤﺎﻡ ﺧﺶ ﺍﻟﺤﻤﺎﻡ ﻭﺍﻧﺎ ﻣﻦ ﺍﻟﻐﻴﻆ ﻗﺮﺑﺖ ﺍﺣﺮﻗﺎ ﻟﻪ
ﻭﺍﻟﻤﺮﺍ ﻟﻤﻦ ﺗﻜﻮﻥ ﻏﻴﺮﺍﻧﻪ ﺑﺘﺘﺤﻮﻝ ﻟﻄﻔﻠﻪ ﻏﺒﻴﻪ ﺗﺘﺼﺮﻑ ﺑﺘﻬﻮﺭ ﻭﺑﺪﻭﻥ ﻭﻋﻴﻬﺎ
ﻭﺩﺍ ﺍﻟﺤﺼﻞ ﻣﻌﺎﻱ ﻫﻮ ﻣﺘﺠﺎﻫﻞ ﻭﺟﻮﺩﻱ ﺗﻤﺎﻣﺎ ﻭﺑﺠﻲ ﻣﺎﺭﻱ ﻓﻴﻨﻲ ﻛﺄﻧﻲ ﻏﺮﺽ
ﺑﻘﻴﺖ ﺑﺲ ﻋﺎﻭﺯﻩ ﺍﻟﻔﺖ ﺍﻧﺘﺒﺎﻫﻮ ﺑﺄﻱ ﻃﺮﻳﻘﻪ ﻃﻠﻌﺖ ﺍﻟﺮﻳﺤﻪ ﺑﺘﺎﻋﺘﻲ ﻭﻋﻤﻠﺖ
ﻣﻨﻬﺎ ﻋﻠﻰ ﺭﻗﺒﺘﻲ ﺑﺎﻟﺠﻨﺒﻪ ﻭﻭﺩﻳﺖ ﺷﻌﺮﻱ ﻛﻠﻮ ﺑﺎﻻﺗﺠﺎﻩ ﺍﻟﺘﺎﻧﻲ ﺍﻟﺠﻠﺒﺎﺏ ﻗﺼﻴﺮ
ﺍﺻﻼ ﺭﻓﻌﺖ ﺗﺎﻧﻲ ﻟﻔﻮﻕ ﻭﻓﺘﺤﺖ ﺍﻟﺰﺭﺍﻳﺮ ﺑﺘﺎﻋﺘﻮ ﺍﻟﻔﻮﻕ ﻭﻣﺪﻧﻘﺮﻩ ﻓﻲ ﺍﻟﺠﻼﺑﻴﻪ
ﺑﻜﻮﻱ ﻓﻴﻬﺎ ﺟﺎﺀ ﻃﺎﻟﻊ ﻭﻗﻒ ﻣﺴﺎﻓﻪ ﻭﻋﻴﻨﻮ ﻣﺎ ﺷﺎﻻ ﻣﻨﻲ ﺟﺎﺀ ﻭﻗﻒ ﻗﺪﺍﻡ
ﺍﻟﻤﺮﺍﻳﻪ ﻭﺑﻘﻰ ﻳﻌﺎﻳﻦ ﻟﻲ ﺑﺘﻔﺼﻴﻞ ﻭﺍﻧﺎ ﺷﺎﻳﻔﺎﻩ ﻗﺎﻝ ﻟﻲ ﺟﻴﺒﻴﻬﺎ ﺍﺗﺠﺮﺍﺀﺕ ﻭﻗﻠﺖ
ﻟﻪ ﺗﻌﺎﻝ ﺷﻴﻼ ﻗﻠﻊ ﻋﻴﻮﻧﻮ ﺟﺎﺩﻩ ﻃﺒﻌﺎ ﻭﻻ ﺍﺗﺤﺮﻛﺖ ﺑﺲ ﻣﺪﻧﻘﺮﻩ ﻓﻴﻬﺎ ﻃﻮﺍﻟﻲ
ﺟﺎﺀ ﺑﻘﻰ ﻗﺮﻳﺐ ﻣﻨﻲ ﺷﺪﻳﺪ ﻻﻧﻲ ﺍﻗﺮﺏ ﻟﻠﺠﻼﺑﻴﻪ ﻫﻮ ﺍﻭﻝ ﻣﺎ ﻗﺮﺏ ﺑﻘﻰ ﻳﻜﺢ
ﺑﺮﺍﺣﻪ ﻛﺪﺍ ﻭﺑﻘﻴﺖ ﺳﺎﻣﻌﻪ ﺻﻮﺕ ﺍﻧﻔﺎﺳﻮ ﻃﻮﺍﻟﻲ ﻗﻌﺪ ﻭﺑﻌﺎﻳﻦ ﻟﻲ ﺑﻄﺮﻳﻘﻪ
ﻏﺮﻳﺒﻪ ﻧﻔﺲ ﺍﻟﻨﻈﺮﻩ ﺩﻳﻚ ﻧﻈﺮﺓ ﻋﺎﺷﻖ ﻣﺎ ﻭﺍﻟﺪ ﻃﻮﺍﻟﻲ ﻗﻤﺖ ﻣﺴﻚ ﻟﻲ ﻳﺪﻱ
ﻋﺎﻭﺯﻩ ﺍﻓﻜﺎ ﺟﺮﺍﻧﻲ ﺧﺘﺎﻧﻲ ﻓﻲ ﺭﺟﻮﻟﻮ ﻭﺣﻀﻨﻲ ﺍﻭﻝ ﻣﺎ ﻋﻴﻮﻧﺎ ﺍﺗﻼﻗﺖ ﺑﺎﺳﻨﻲ
ﺗﺎﻧﻲ ﻣﺎ ﻗﺪﺭﺕ ﺍﺭﻓﻊ ﺭﺍﺳﻲ ﻭﻗﻠﺒﻲ ﺑﻘﻰ ﻳﺪﻕ ﻭﺍﻟﻨﻔﺲ ﺍﻻ ﺑﺨﺸﻤﻲ ﺧﻔﺖ ﺑﺲ
ﻣﺼﺮﻩ ﺍﻛﻤﻞ ﻗﺎﻝ ﻟﻲ ﺑﺼﻮﺕ ﺧﺎﻓﺖ ﺳﻤﺮ ﺳﻤﺮ ﺳﻤﺮ ﺍﻧﺘﻲ ﻛﻮﻳﺴﻪ ؟؟ ﺭﻓﻊ ﻟﻲ
ﺭﺍﺳﻲ
ﺍﻧﺘﻲ ﻣﺘﻀﺎﻳﻘﻪ ؟؟؟ ﻧﺰﻟﺖ ﻋﻴﻮﻧﻲ ﻭﺳﻜﺘﺖ ﺗﺎﻧﻲ ﻗﺎﻝ ﻟﻲ ﻣﺘﻀﺎﻳﻘﻪ ﻣﻦ
ﻭﺟﻮﺩﻱ ﻫﺰﻳﺖ ﺭﺍﺳﻲ ﺑﺎﻟﺮﻓﺾ ﻃﻮﺍﻟﻲ ﺷﺎﻟﻨﻲ ﻭﺩﺍﻧﻲ ﺍﻟﺴﺮﻳﺮ ﻭﺣﺼﻞ ﺯﻱ ﺍﻟﻤﺮﻩ
ﺍﻟﻔﺎﺗﺖ
ﻗﻤﺖ ﻣﺴﻚ ﻟﻲ ﻳﺪﻱ ﻭﺭﺟﻌﻨﻲ ﻟﺤﻀﻨﻮ ﻗﺎﻝ ﻟﻲ ﻣﺎﻟﻚ ﺑﺘﻌﻤﻠﻲ ﻛﺪﺍ ﻳﺎ ﺳﻤﺮ
ﻫﺎﺭﺑﻪ ﻣﻦ ﺣﻀﻨﻲ ﺍﻟﻜﻨﺘﻲ ﺑﺎﻟﺠﺌﻲ ﻟﻪ ﻟﻤﻦ ﺗﺨﺎﻓﻲ ﻭﺍ
ﺗﻨﻮﻣﻲ ﻓﻴﻪ ﻣﻄﻤﺌﻨﻪ ﺧﺖ ﻳﺪﻭ ﻓﻲ ﺧﺪﻱ ﻭﻗﺎﻝ ﻟﻲ ﻟﻴﻪ ﺑﻘﻴﺘﻲ ﺗﺘﺠﻨﺒﻴﻨﻲ
ﻭﺗﺨﺎﻓﻲ ﻣﻨﻲ ﺑﻌﺪ ﻛﺴﺮﺗﻲ ﺍﻟﺤﻮﺍﺟﺰ ﻭﻗﺮﺑﺘﻲ ﻣﻨﻲ ﺧﺎﻳﻔﻪ ﻣﻦ ﺷﻨﻮ ﺍﻧﺘﻲ ؟؟ ﺍﻧﺎ
ﻣﺎ ﻗﺎﺩﺭﻩ ﺍﻗﻮﻝ ﻟﻪ ﺍﻧﻮ ﺩﺍ ﺧﺠﻞ ﻣﺎ ﺧﻮﻑ ﻗﺎﻝ ﻟﻲ ﺭﺩﻱ ﻋﺸﺎﻥ ﺗﺮﺗﺎﺣﻲ
ﻭﺗﺮﻳﺤﻴﻨﻲ ﺣﺘﻰ ﻟﻮ ﻋﺎﻭﺯﺍﻧﻲ ﺍﺑﻌﺪ ﻗﻮﻟﻲ ﺍﻧﺎ ﻣﺴﺘﺤﻴﻞ ﺍﻋﻤﻞ ﺣﺎﺟﻪ ﺍﻧﺘﻲ ﻣﺎ
ﻣﺮﺗﺎﺣﻪ ﻟﻬﺎ ﻭﻟﻮ ﻭﺟﻮﺩﻱ ﺍﻟﻬﻮ ﺍﻟﻤﻀﺎﻳﻘﻚ ﺗﺎﻧﻲ ﻏﺮﻓﺘﻚ ﻣﺎ ﺑﺠﻴﻬﺎ ﻋﺎﻭﺯ ﻳﻘﻮﻡ
ﻣﺴﻜﺖ ﻳﺪﻭ
ﻋﺎﻭﺯﻩ ﺗﻘﻮﻟﻲ ﺣﺎﺟﻪ ﻳﺎ ﺑﺎﺑﺎ : ﻣﺎ ﺗﻘﻮﻝ ﻳﺎ ﺑﺎﺑﺎ : ﻣﻦ ﻣﺘﻴﻦ ﺑﻘﻴﺘﻲ ﺗﻀﺎﻳﻘﻲ ﻣﻦ
ﺍﻟﻜﻠﻤﻪ ﺩﻱ : ﻣﺎ ﻣﻤﻜﻦ ﺗﻘﻮﻝ ﻟﻲ ﻳﺎ ﺑﺎﺑﺎ ﻭﺗﺘﻌﺎﻣﻞ ﻣﻌﺎﻱ ﻛﺪﺍ : ﻋﻤﻠﺖ ﺷﻨﻮ ﻧﺰﻟﺖ
ﻋﻴﻮﻧﻲ ﻗﺎﻝ ﻟﻲ ﻃﻴﺐ ﻳﺎ ﺳﻤﺮ ﻟﻮ ﺧﺠﻼﻧﻪ ﻏﻤﻀﻲ ﻋﻴﻮﻧﻚ ﻭﻗﻮﻟﻲ ﻛﻞ ﺍﻟﺤﺎﺳﺎﻩ
ﺍﻟﻌﺎﻭﺯﺍﻩ ﻭﺍﻟﻤﺎﻋﺎﻭﺯﺍﻩ ﻛﻠﻮ ﻗﻮﻟﻴﻪ ﺳﻜﺘﺖ ﻣﺴﺎﻓﻪ ﻃﻮﻳﻠﻪ ﻭﻫﻮ ﺍﺻﻠﻮ ﻣﺎ ﻗﺎﻝ
ﺷﻲ ﺑﺲ ﺣﻀﻨﻲ
ﺍﻧﺖ ﻗﻠﺖ ﻟﻲ ﻣﺤﺘﺎﺟﻚ ﺑﻨﺖ ﺍﻛﺘﺮ ﻣﻦ ﺯﻭﺟﻪ ﻭﻋﻤﻠﺖ ﺷﻲ ﺑﻨﺎﻓﻲ ﻛﻼﻣﻚ ﺩﺍ
ﺣﺘﻰ ﻣﻌﺎﻣﻠﺘﻚ ﻟﻲ ﻏﻴﺮﺗﺎ ﻣﺎ ﺑﻨﻜﺮ ﺍﻧﻲ ﺍﺗﻤﺎﺩﻳﺖ ﻓﻲ ﻣﻮﺿﻮﻉ ﺍﻟﺤﻨﻪ ﻭﺍﻟﺪﺧﺎﻥ
ﻭﺍﻟﺤﺎﺟﺎﺕ ﺩﻱ ﺍﻣﻜﻦ ﺗﻜﻮﻥ ﺍﻟﺴﺒﺐ ﻭﺍﻧﺖ ﺍﺗﺄﺛﺮﺕ ﺑﻬﺎ ﻭﻣﺎ ﻛﻨﺖ ﻣﺨﻄﻂ ﻟﻠﺸﻲ
ﺩﺍ ﺑﺎﺳﻨﻲ ﻭﻗﺎﻝ ﻟﻲ ﻭﻣﻨﻮ ﺍﻟﻘﺎﻝ ﻟﻚ ﻣﺎ ﻛﻨﺖ ﻣﺨﻄﻂ ﺍﻧﺎ ﻣﻦ ﺍﺗﺰﻭﺟﺘﻚ ﻭﺭﻳﺘﻚ
ﺍﻟﺤﺎﺻﻞ ﻭﺍﻧﺘﻲ ﻭﺍﻓﻘﺘﻲ ﺑﺎﻋﺘﺒﺎﺭﻙ ﺍﻧﺴﺎﻧﻪ ﻛﺒﻴﺮﻩ ﻭﻭﺍﻋﻴﻪ ﺍﻛﻴﺪ ﻋﺎﺭﻓﻪ ﺍﻟﺰﻭﺍﺝ
ﺩﺍ ﻛﻴﻒ ﻭﺍﻟﺒﺤﺼﻞ ﻓﻴﻪ ﺷﻨﻮ ﻟﻴﻪ ﻳﻌﻨﻲ ﻣﺴﺘﻐﺮﺑﻪ ﺍﻟﺤﺼﻞ : ﻋﺎﺭﻓﻪ ﺑﺲ ﺍﻧﺖ
ﻋﺎﻣﻠﺘﻨﻲ ﻛﺒﻨﺖ : ﻭﻟﻴﻪ ﻣﺎ ﺗﻘﻮﻟﻲ ﻛﻨﺖ ﺑﻤﻬﺪ ﻟﻚ ﻭﺑﻄﻤﻨﻚ ﻣﻦ ﻧﺎﺣﻴﺘﻲ ﻭﺩﺍ
ﺍﺳﻠﻮﺑﻲ ﻣﻌﺎﻙ ﻳﺎ ﺑﻨﺖ ﺍﻟﻨﺎﺱ ﺣﺎﻳﻜﻮﻥ ﻛﺪﺍ ﻣﻬﻤﺎ ﺣﺼﻞ ﻣﺎ ﺑﺘﻐﻴﺮ ﺍﻧﺎ
ﺣﺎﺍﻋﺎﻣﻠﻚ ﺯﻱ ﺍﻻﻭﻝ ﻣﺎﻓﻲ ﺷﻲ ﺑﺘﻐﻴﺮ ﻭﺑﺮﺿﻮ ﺍﻧﺘﻲ ﺣﺎﺗﻔﻀﻠﻲ ﺯﻭﺟﺘﻲ ﻭﻋﻨﺪﻱ
ﺣﻘﻮﻕ ﻭﻋﻠﻲ ﻭﺍﺟﺒﺎﺕ ﻭﺍﻟﻌﻤﻠﺘﻮ ﺩﺍ ﻭﺍﺣﺪ ﻣﻦ ﺣﻘﻮﻗﻲ ﻭﺣﻘﻮﻗﻚ ﻛﻤﺎﻥ ﻣﺎ ﻛﺎﻥ
ﺻﺪﻓﻪ ﺯﻱ ﻣﺎ ﺍﻧﺘﻲ ﻓﺎﻛﺮﻩ ﺍﻧﺎ ﺣﺎﺍﻋﺎﻣﻠﻚ ﺑﺎﻱ ﻃﺮﻳﻘﻪ ﻣﻤﻜﻦ ﺗﺘﺨﻴﻠﻴﻬﺎ ﻣﻤﻜﻦ
ﺍﻛﻮﻥ ﺯﻭﺟﻚ ﺍﻭ ﺣﺒﻴﺒﻚ ﻭﻻ ﺻﺪﻳﻘﻚ ﻭﻻ ﺍﺑﻮﻙ ﻭﺍﺑﻨﻚ ﻟﻮ ﺩﻋﺖ ﺍﻟﻈﺮﻭﻑ ﻻﻧﻮ
ﻫﻲ ﺍﻟﺒﺘﺤﻜﻢ ﻓﺘﺤﺖ ﻋﻴﻮﻧﻲ ﺗﺎﻧﻲ ﺑﺎﺳﻨﻲ ﻛﺮﻋﻠﻲ ﻗﺎﻝ ﻟﻲ ﻋﺎﺭﻓﻚ ﻣﺴﺘﻐﺮﺑﻪ
ﺍﻟﻮﺿﻊ ﺩﺍ ﻭﺻﻌﺐ ﺗﺘﺄﻗﻠﻤﻲ ﻋﻠﻴﻪ ﺑﺲ ﻻﺯﻡ ﺗﺘﻌﻮﺩﻱ ﻋﻠﻴﻪ ﻣﻦ ﺣﻘﻚ ﺗﺨﺎﻓﻲ
ﻭﻣﻦ ﺣﻘﻚ ﺗﺨﺠﻠﻲ : ﺧﻼﺹ ﻳﺎ ﺩﻛﺘﻮﺭ ﻋﻠﻴﻚ ﺍﻟﻠﻪ ﺧﻠﻴﻨﺎ ﻧﻌﺘﺒﺮﺍ ﺣﺎﺟﻪ ﻭﻋﺪﺕ :
ﻋﺪﺕ ﻓﻌﻼ ﺑﺲ ﻣﺎ ﺣﺎﺗﻜﻮﻥ ﺍﺧﺮ ﻣﺮﻩ ﻳﺎ ﺳﻤﺮ ﺍﻧﺘﻲ ﺯﻭﺟﺘﻲ ﺍﻓﻬﻤﻲ ﺍﻟﺸﻲ ﺩﺍ
ﻭﺍﺗﻘﺒﻠﻴﻪ ﻭﻃﻮﻝ ﻣﺎ ﺍﻧﺘﻲ ﻋﻠﻰ ﺯﻣﺘﻲ ﺩﺍ ﺍﻟﺤﺎﻳﺤﺼﻞ ﺑﺎﺳﺘﻤﺮﺍﺭ ﻻﻧﻮ ﺣﻼﻟﻨﺎ ﺍﻻ
ﻟﻮ ﺍﻧﺘﻲ ﻣﺎ ﻋﺎﻭﺯﺍﻧﻲ ﻭﻋﺎﻭﺯﻩ ﺗﻨﻔﺼﻠﻲ : ﺍﻧﻔﺼﻞ؟؟ : ﺍﻳﻮﺍ ﺩﺍ ﺑﺮﺿﻮ ﺣﻖ ﻣﻦ
ﺣﻘﻮﻗﻚ ﻟﻤﻦ ﻗﺎﻝ ﻛﻠﻤﺔ ﻧﻨﻔﺼﻞ ﺩﻱ ﻗﺮﺑﺖ ﺍﻣﻮﺕ ﺍﺑﻌﺪ ﻣﻨﻮ ﻛﻴﻒ ﻫﻮ ﺍﻧﺎ
ﺣﺎﺍﻗﺪﺭ ﺍﻋﻴﺶ ﺑﻼﻩ ؟؟ ﻣﻦ ﻏﻴﺮ ﻣﺎ ﻳﺸﺎﺭﻛﻨﻲ ﺍﻱ ﺣﺎﺟﻪ ؟؟ ﻣﻦ ﻏﻴﺮ ﻣﺎ ﻳﻤﺴﺢ
ﻋﻠﻰ ﺭﺍﺳﻲ ﻭﻳﻘﻮﻝ ﻟﻲ ﺍﻟﻠﻪ ﻳﺮﺿﻰ ﻋﻠﻴﻚ ﻳﺎ ﺑﺎﺑﺎ ﻣﺎ ﺣﺎﺍﻛﻮﻥ ﺣﺎﺳﻪ ﺑﺎﺍﻻﻣﺎﻥ
ﻣﻦ ﻏﻴﺮﻭ ﻃﻮﺍﻟﻲ ﺣﻀﻨﺘﻮ ﺷﺪﻳﺪ ﻫﻮ ﻃﻮﺍﻟﻲ ﻋﺮﻑ ﺟﻮﺍﺑﻲ ﻣﺴﺢ ﻋﻠﻰ ﺭﺍﺳﻲ
ﻭﻗﺎﻝ ﻟﻲ ﺍﻟﻠﻪ ﻳﺮﺿﻰ ﻋﻠﻴﻚ : ﺯﻣﻦ ﺍﻟﺼﻼﺓ ﻗﺮﺏ ﻋﺎﻳﻦ ﻟﻠﺴﺎﻋﻪ ﻗﺎﻝ ﻟﻲ ﻟﺴﻪ
ﺩﺧﻠﺖ ﺣﻮﺍﺣﺒﻲ ﻓﻲ ﺑﻌﺾ ﺟﺮﺍ ﺍﻟﻤﻔﺮﺵ ﻭﺑﻘﻰ ﻣﻐﻄﻴﻨﺎ ﻟﺤﺪ ﺍﻟﺮﺍﺱ ﻃﻮﺍﻟﻲ
ﺍﻟﺒﺎﺏ ﺩﻗﺎ ﻛﺎﻧﺖ ﻣﺎﻣﺎ ﺗﻐﺮﻳﺪ
ﻳﺎ ﺳﻤﺮ ﻳﺎ ﺳﻤﺮ ﻫﻮ ﺍﻧﺨﻠﻊ ﻭﻗﺎﻡ ﻃﻮﺍﻟﻲ ﻟﺒﺲ ﻭﻣﺸﻰ ﻓﺘﺢ ﻟﻬﺎ ﻫﻲ ﺯﺍﺗﺎ
ﺍﻧﺨﻠﻌﺖ ﻟﻤﻦ ﺷﺎﻓﺘﻮ ﻗﺎﻳﻼﻩ ﻃﻠﻊ ﻗﺎﻟﺖ ﻟﻪ ﺍﻧﺖ ﻫﻨﺎ؟؟ : ﺍﻳﻮﺍ ﺑﻘﺖ ﻣﺎ ﻗﺎﺩﺭﻩ
ﺗﺠﻤﻊ ﺍﻟﻜﻼﻡ
ﺍﺍﺍﻧﺎ ﻛﻨﺖ ﻛﻨﺖ ﺳﻤﺮ ﻛﻮﻳﺴﻪ ؟؟ : ﺍﻟﺤﻤﺪﻟﻠﻪ ﻃﺒﻌﺎ ﻓﺎﺗﺢ ﺍﻟﺒﺎﺏ ﺣﺪ ﻭﺷﻮ
ﻭﺍﻟﻤﻮﻗﻒ ﻣﺤﺮﺝ ﺷﺪﻳﺪ ﺑﺎﻟﻨﺴﺒﻪ ﻟﻬﺎ ﻭﺍﻛﻴﺪ ﻣﺆﻟﻢ ﻗﺎﻟﺖ ﻟﻪ ﺧﻼﺹ ﺗﻤﺎﻡ ﺟﻴﺖ
ﺍﻧﺎﺩﻳﻬﺎ ﻟﻠﺠﺒﻨﻪ ﻟﻤﻦ ﺟﺎﺀ ﺧﺎﺷﻲ ﻟﻘﺎﻧﻲ ﻗﻤﺖ ﻭﻣﺎﺷﻪ ﻋﻠﻰ ﺍﻟﺒﺎﺏ ﻗﻌﺪ ﻳﻀﺤﻚ
ﻗﺎﻝ ﻟﻲ ﺩﺍ ﺷﻨﻮ ﻛﻤﺎﻥ ﻗﺎﻳﻤﻪ ﻣﺎﺷﻪ ﻭﻳﻦ ﺍﻧﺘﻲ ؟؟ : ﻣﺎﺷﻪ ﻟﻤﺎﻣﺎ ﺗﻐﺮﻳﺪ ﺍﻛﻴﺪ
ﺣﺎﺗﻀﺎﻳﻖ : ﻻ ﻣﺎ ﺣﺎﺗﻀﺎﻳﻖ ﻫﻲ ﻋﺎﺭﻓﻪ ﻭﻓﺎﻫﻤﻪ ﺍﻱ ﺷﻲ : ﻳﺎﺥ ﻣﺎ ﻇﺮﻳﻔﻪ ﻧﻬﺎﺋﻲ
ﺣﺮﻛﺘﻨﺎ ﺑﺎﻳﺨﻪ ﻣﺎﺷﻪ ﻟﻬﺎ : ﻣﺎﻓﻲ ﻃﻠﻮﻉ ﻣﻦ ﺍﻟﻐﺮﻓﻪ ﺑﺎﻗﻲ ﺳﺎﻋﻪ ﻭﻧﺺ ﻋﻠﻰ
ﺍﻷﺫﺍﻥ ﺗﻌﺎﻟﻲ ﻫﻨﺎ
ﺍﻧﺎ ﻭﺩﻛﺘﻮﺭ ﺍﻟﻬﺎﺩﻱ ﻋﻼﻗﺘﻨﺎ ﺑﻘﺖ ﺍﺣﻠﻰ ﻣﻦ ﺍﻻﻭﻝ ﺑﻌﺮﻓﻮ ﻣﺘﻴﻦ ﺑﻜﻮﻥ ﻋﺎﻭﺯﻧﻲ
ﺳﻤﺮ ﺑﻨﺘﻮ ﻭﻣﺘﻴﻦ ﺑﻜﻮﻥ ﻋﺎﻭﺯﻧﻲ ﻣﺮﺗﻮ ﺑﺲ ﻣﻦ ﻧﻈﺮﺍﺗﻮ ﻭ ﺣﺮﻛﺎﺗﻮ ﻭﻫﻮ ﻧﻬﺎﺋﻲ
ﻣﺎ ﺍﺗﻐﻴﺮ ﻣﻌﺎﻱ ﻳﻌﻨﻲ ﺍﻟﺰﻭﺝ ﻣﺎ ﺍﺛﺮ ﻋﻠﻰ ﺍﻻﺏ ﻭﻻ ﺣﺘﻰ ﺍﺗﻐﻴﺮ ﻣﻦ ﻣﺎﻣﺎ ﺗﻐﺮﻳﺪ
ﻧﻔﺲ ﺍﻻﺳﻠﻮﺏ ﺍﻧﺎ ﻛﻨﺖ ﺑﺤﺒﻮ ﻭﺣﺒﻴﺘﻮ ﺍﻛﺘﺮ ﻭﺣﺎﺳﻪ ﺍﻧﻮ ﺍﺣﺘﻤﺎﻝ ﻋﻤﻞ ﻛﺪﺍ
ﻋﺸﺎﻥ ﻣﺎ ﻳﻈﻠﻤﻨﻲ ﺑﺲ ﻻﻧﻮ ﺑﺎﻋﺘﺒﺎﺭﻱ ﺑﻨﺘﻮ ﺣﺎﺍﻋﻴﺶ ﻛﺪﺍ ﻭﻓﻲ ﺣﺎﺟﺎﺕ
ﻣﻤﻨﻮﻋﻪ ﻣﻨﻬﺎ ﻫﻮ ﻣﺘﺎﺣﻪ ﻟﻪ ﻭﺩﺍ ﺑﺨﻠﻖ ﻓﺠﻮﻩ ﻛﺒﻴﺮﻩ ﻭﻣﺸﺎﻛﻞ ﺍﻧﺎ ﻓﺴﺮﺗﺎ ﻛﺪﺍ
ﻫﻮ ﺍﺧﺘﺼﺮ ﻋﻠﻴﻨﺎ ﺍﻻﺗﻨﻴﻦ ﺣﺎﺟﺎﺕ ﻛﺘﻴﺮﻩ
ﻣﺎﺷﺎﺀﺍﻟﻠﻪ ﻓﺎﻟﺤﻪ ﻭﺍﻟﻠﻪ ﺑﻘﻴﺘﻲ ﻣﺮﺍ : ﻭﻛﻨﺖ ﺷﻨﻮ ﻳﻌﻨﻲ : ﻛﻨﺘﻲ ﺑﻨﻮﺗﻪ ﺭﻳﺤﺔ
ﺑﺨﻮﺭﻙ ﺣﻠﻮﻩ ﺷﺪﻳﺪ : ﺍﺩﺗﻨﻲ ﻟﻪ ﻣﺎﻣﺎ ﺗﻐﺮﻳﺪ ﻭﻫﻲ ﺍﻟﻮﺻﺘﻨﻲ : ﻻﻻ ﻣﺎ ﻗﺼﺮﺕ
ﻭﺍﻟﻠﻪ ﻛﻠﻮ ﺗﻤﺎﻡ ﻭﻋﺎﻭﺯ ﻳﻄﻠﻊ
ﻃﻴﺐ ﻣﺎﺷﻲ ﻭﻳﻦ ﺍﻧﺖ ﺍﺳﻲ ﺭﻓﻊ ﺣﻮﺍﺣﺒﻮ ﻗﻠﺖ ﻟﻪ ﺑﺪﻟﻊ ﺑﺎﺑﺎ : ﻣﺪﺍﻡ ﺑﺘﻘﻮﻟﻲ
ﺑﺎﺑﺎ ﺍﺣﺘﺮﻣﻲ ﺍﻟﻜﻠﻤﻪ : ﻻ ﺑﺎﻟﺠﺪ ﻣﺎﺷﻲ ﻭﻳﻦ ﻣﺎﺷﺎﻳﻔﻨﻲ ﻇﺒﻄﺖ ﺍﻟﻐﺮﻓﻪ ﻛﻴﻒ
ﻭﻋﻤﻠﺖ ﺷﺎﻱ ﻟﺒﻦ ﻭﻛﻴﻚ : ﻋﺎﺭﻑ ﻭﺍﻟﻠﻪ ﺑﺲ ﺍﻟﻠﻴﻠﻪ ﺍﻻﺣﺪ ﻳﺎ ﺑﺎﺑﺎ : ﻋﺎﺭﻓﻪ ﺍﻧﻮ
ﺍﻻﺣﺪ : ﻭﻋﺎﺭﻓﻪ ﺍﻧﻮ ﻳﻮﻡ ﺗﻐﺮﻳﺪ ﺻﺢ؟؟ : ﺍﻣﺸﻲ ﻟﻬﺎ ﺑﻜﺮﺍ ﻳﺎ ﺩﻛﺘﻮﺭ ﻋﻠﻴﻚ ﺍﻟﻠﻪ
ﻣﺎ ﺗﺤﺴﺒﺎ ﻛﺪﺍ ﺍﻧﺎ ﻋﺮﻭﺱ : ﺑﺲ ﻻﺯﻡ ﺍﻋﺪﻝ ﺍﻱ ﻭﺍﺣﺪﻩ ﻳﻮﻣﻴﻦ ﻣﺶ ﺍﺗﻔﻘﻨﺎ
ﻋﻠﻰ ﺍﻟﺸﻲ ﺩﺍ؟؟ ﺻﺮﻳﺖ ﻟﻪ ﻭﺷﻲ ﻭﻗﻠﺖ ﻟﻪ ﺑﻐﻀﺐ
يتبــــــــــــــــــــــــــــــــــــــــــــع.