رواية ماخفي كان اكبر الفصل العاشر 10 بقلم جمانه السعيدي
ميار....طلعت من المستشفى البيت اهلي
حتى تهتم بيه امي فرحانه امي رضت عليه ااكثر من فرحتي بلولاده
همزين رجعت العلاقه تحسنت ببني وبين اهلي
ماتركني صبحي ابد
الصبح من يطلع للشغل يجيبلي ريوك ومن يرجع بليل
يجيبلي وياا حلويات وكرزات ومرات بتزا
ويتصل عليه يطمن على حالة الطفل
خلص سبع ايام بعد ولادتي واني بيت اهلي
اتصل عليه صبحي
صبحي...شلون صرتي اليوم
ميار...الحمد لله زينه
صبحي....لازم نوثق هذا الزواج بلمحكمه حتى الطفل يسجل باسمي
لازم نطلعله بيان وجنسيه
ميار...اي براحتك يمتى ما تكمل الأوراق اروح وياك للمحكمه
صبحي ...يومين هيج
ميار...تمام
صبحي....انت ناويه ترجعين للبيت لو خلص
انتهت المشكله راح تبقين بيت اهلج
ميار....مااعرف ممكن اخذ وقت افكر
صبحي ...على راحتج
سئلت امي ارجع الصبحي لو ابقى هنا يمكم
لان المشكله انتهت والناس عرفت اني ازوجت
امي...طبعا ترجعين الصبحي هذا الطفل يسجل باسمه
صبحي انسان محترم ويستاهل كل خير
ارجعي وعيشي ويااا
انتي طفل عندج وعيشه محترمه ويا صبحي
شسوين راجعه هنا
اذا رجعتي لازم ادورين شغل حتى تعيشين انتي وابنج
بس اذا بقا هذا الطفل يم صبحي
راح يوفرله حياة مريحه يصرف علي ويدلله
ميار...الصراحه ..حتى اني مدلله يم صبحي
امي...ارجعي وعيشي وخل الايام تمشي بعدين خطيه عليج الرجال تعود على وجودج بلبيت
وما قصر وياج يركض منا ويرجع منا
مايصير تكوليله مع السلامه دورك خلص
لازم يحصل جزاء عمله خير لازم تكونين بت اصل
وترديله الجميل
جمانه السعيدي
ميار...اقتنعت بكلام امي حضرت نفسي واتصلت علي
ميار...تجي تاخذنا
صبحي....هااا قررتي ترجعين
ميار...اي
صبحي...ماتدرين البيت شكد وحش عليج
عبالك هل كم شهر جنت عايش ويا عشره مو وحده
البيت اذا مابي ناس يخنك
اني جنت متعود على العيشه وحدي
بس هلكم شهر ذني فرقن وياي هواي
ميار...منتظرينك اني وعلاوي
صبحي...اجيتكم
اجانا صبحي ورجعنا ويا بلبيت
من بعدها بدا يمشي بااجراات عقد المحكمه
لان ضروري حتى يسجل علاوي باسمه
طبعا اخوانه ماكانو يعرفون بقضية زواجنا
بس من بدا يمشي بااجراات العقد وصلهم خبر
اجو حتى يحجون ويااا من عرفو اني توني والاده
تخبلو لان مستحيل رجال بعمره يصير عنده اطفال
وخاصه هو طالع من زواجته الأولى بدون طفل
لان عنده عقم
شلون ازوج وشلون صار عنده طفل
بدت المشاكل بينه وبين اخوانه كل يوم جايين علي
يطالبونه يطلكني بس هو يرفض
خاف صبحي من الحاح اخوانه علي
طلع من الشغل واجاني للبيت
صبحي....اريد عقد سيد وعقد محكمه
حتى اضمن حقوقج انتي وعلي
اخاف يصير عليه شي واخواني يهجمون عليج
اريد اضمن حق علي بكلشي أملكه
ميار...براحتك الي تأمر بي
ميار...فعلا رجعنا عقدنا عقد شيخ صحيح لأن زواجنه
الأول مو صحيح بسبب الحمل
وعقدنا عقد محكمه
بقو اخوانه يدزون علي ناس ويحرضونه عليه
شلون اصدك بيها منيين جابت هذا الطفل ونسبته الك
انت رجال جبير ليش تعوف وحده زعطوطه تضحك عليك
طلكها لا تنسب ابنها الك
طبعا هذا كله مو حبا بصبحي لا لان خالين عينهم على فلوسه بما ان ماعنده وريث بس يموت يحصلون
املاكه كلها
يعتبرون اني عقبه بطريقهم
جمانه السعيدي
بقو اشهر يرحون ويرجعون علي ويحاولون يقنعونه
يعوفني بس هو مصمم يستمر بهاي الزواجه
ااكثر شي متعلق بي صبحي الطفل
هذا الطفل الي انحرم منه بسنيين شبابه
اليوم صار بيته وصار على اسمه
عقله وفكره كله يم علاوي من يدخل للبيت يبقى يلعب وياا
من يطلع يتصل يطمن علي
ماكو لعبه ولا مرجوحه ولا بايسكل ولا سياره اطفال
ماجابها اله
علاوي هم حيل متعلق بي
من يطلع يبقى يبجي ورا
من يرجع للبيت يلزك بي
اول كلمه نطقها بابا صبحي سمعه يكول بابا وتخبل علي
يابعد ابوك ياحبيبي ياعيوني انت العوض الي جنت انتظره طول عمري
صبحي الي جان عايش وحيد وحياته مابيها بس الشغل
اليوم صار عنده طفل على اسمه
اما اني ويااا ماكو شي بينا نهائيا
يعاملني مثل بنته كل واحد ينام بغرفه وحده
ابد ماحاول بيوم يقرب عليه
يعاملني بمنتهى الاحترام التقدير
حتى الراتب الي جنت اخذه قبل واني اشتغل وياا
كل شهر يدزه الاهلي لان يعرف حالتهم الماديه ما تساعد
ومحتاجين الفلوس
وخاصه اخواني مدارس واني تعبانه
امي كلما تشوفني تكول شكد متندمه لان جنت احجي على صبحي
صدك رجال ومحترم شكد تدعيله بلخير
قرر صبحي ياامن حياة علاوي لان يخاف من غدر اخوته
خاف يموت ويطعنون بنسب علاوي
اذا كدرو يثبتون مو ابنه يرفعون قضيه ويحرمونه من الورث
فتح وديعه بلمصرف باسم علاوي
وخلاها تحت وصايتي في حال صار علي شي
اني اكون مسؤله عن هاي الفلوس واليه الحق اتصرف بيها
جمانه السعيدي
فات سنتين على هذا الزواج
صح اني كاعده معززه مكرمه واي شي اطلبه يجيني
بس بديت احس بلملل
طول النهار كاعده وحدي بلبيت
صبحي يطلع من الصبح مايرجع اله بليل
اخلص النهار كله بلبيت وحدي
اتصل على امي لو انام بس تمللت ضوجه
حياتي روتينيه مكرره مابيها طعم
قررت افتح موضوع الشغل يا صبحي بلكت الله يهدي ويقبل اطلع للشغل ويااا
ميار....شنو رائيك ارجع للشغل على الاقل نكون سويه
بمكان ما كاعده بلبيت وحدي طول النهار
صبحي. وعلاوي شلون
ميار.. اخذه وياي قابل شعلي اخذله اكل
وفراش اذا تعب ينام
صبحي....مااريد تتعبين
ميار.. بس اذا بقيت هيج راح اتخبل من الوحده
الله يخليك خل اجرب اذا شفت نفسي ماكدر
ارجع اكعد بلبيت
صبحي.. تمام اني هم اريد علاوي كدام عيني طول النهار
لان مااتحمل ابتعد عنه
هاي الخطوه كانت بداية الخراب الي صار بحياتي
ياريتني بقيت بلبيت كعدت وسكتت
ثاني يوم كعدت متحمسه كعدت علاوي سبحته وريكته
وطلعنا من البيت اتلاثتنا
وصلنا للمحل لكينا معتز الولد الي يشتغل بلمحل واصل قبلنا
منظف المكان ومعطره واستلم الطلبيه
ولد.شاب شخصيه طول بعرض شكله عبالك رياضي
عضلات شكله كلش حلو ومميز
اول ما شافنا ابتسم ورحب بينا ترحيب حلووو
صبحي...زوجتي ميار راح تشتغل ويانا قبل جانت تشتغل هنا بس بسبب الحمل تركت
معتز...اهلا وسهلا
دخلنا للمكتب بقا صبحي يلعب ويا علاوي
واني طلعت لان شفت زباين اجو للمحل
ناس عدهم عرس وحاجزين كيك
رحت حاسبتهم على الطلبيه ومعتز طلعها الهم وصلها للسياره ورجع
كلما التفت اشوفه يباوع عليه
كلت ايجوز مستغرب لان عمري زغير وصبحي جبير
بقيت النهار كله اشتغل وياا
وعلاوي بلمكتب ويا صبحي ساعه يوكله
وساعه ينومه
التفتت لكيته يباوع عليه
ميار....انت ليش تباوع عليه
معتز....لا ماكو شي اسف
ميار...شنو مشبه عليه
معتز....اسف كلما ارفع عيني تجي عليج بلصدفه
ميار...وين جنت تشتغل قبل
معتز..محل حلويات
جمانه السعيدي
ميار...ليش عفته
معتز...منافسه وغيره ومشاكل قررت اعوف الشغل واطلع
ميار...وين تاخذ راتب اكثر هنا لو هناك
معتز...الصراحه هنا بس هناك اكو ناس تساعدني بلشغل
اما هنا اشتغل وحدي
ميار...متعب الشغل
معتز... يعني ولو اني متعود على التعب
ميار.....انت خريج
معتز....معهد
ميار....مزوج
معتز...لا ما مزوج بعد وين واحد يتزوج ويا هاي الضروف الصعبه
ميار....يمكن ضجت مني عبالك تحقيق
معتز....لا ولله فرحت لان اجيتي وياي هنا
استاذ صبحي كلامه قليل
ميار.....اعتبرنا اصدقاء
معتز...اتشرف نكون اصدقاء
العصر طلع ورجع جايب ثنيين كبتشينو
معتز...تفضلي
ميار...هاي الي
معتز.... اصدقاء اكيد لازم واحديذكر الثاني
اني ماجبت الاستاذ صبحي لان مره جبتله وما قبل يشرب
يكول مااشرب غير الكهوه
ميار...التهيت بلكلام ويا وحتى ابني نسيته
عبالك ماصدكت لكيت واحد يحجي وياي بعد كل هاي الفتره والعزله بلبيت
حسيته لطيف وكلامه سلس
ثاني اجينا للشغل بس دخلنا وشافني ابتسم
ميار...صباح الخير
معتز...صباح الخيرات صباح الخير استاذ صبحي
صبحي. اهلا وسهلا
ميار...كلشي كان مرتب ونظيف
عاشت ايدك
معتز....شكرا جزيلا
اجت الطلبيه استلمها ورتبها كلمن بمكانه
بقينا طول النهار نسولف ونمشي الزباين ونتلاطف وياهم ونتعاون بلشغل
بيومها من رجعت للبيت بقيت افكر بي
وكان عقلي كام يقارن بين سكوت صبحي وتعامله
وبين كلام معتز واهتمامه بيه
وهاي كانت أول خطوه على سلم الهلاك
انتظرونا....