رواية ماخفي كان اكبر الفصل التاسع 9 بقلم جمانه السعيدي
ميار....امي حتى ما تقبل اروح للشغل
حتى لا اشوف صبحي وياثر عليه عبالها كاتل نفسه
عليه
ماتدري الرجال يريد يساعدني
اتصلت علي
ميار...امي مجاي تقبل شلون
صبحي...حقها بنيه زغيره مثلج ليش تزوج واحد بكدي
ميار...وهسه شنو الحل
صبحي...ارجعي حاولي وياها حتلو تحجيلها الحقيقه
خل تزعل ساعه ساعتين يوم يومين
بعدين راح تقدر الموقف
ميار...خايفه احجيلها
صبحي...لازم امج تعرف اذا مو اليوم باجر
بس نزوج ويصير الطفل بعد خمس اشهر راح تعرف
خليها تعرف اليوم احسن
ميار...مااكدر احجيلها
صبحي.....اشجعي واحجيلها ويمتى ما توافق
اني حاضر
ميار...ماتقبل اجي للشغل
صبحي اعتبري نفسج مجازه منا لمن تنحل هاي المشكله
حتلو امج تقبل اني مراح اخليج تشتغلين
تكعدين بلبيت منا للولاده
مااريد احد يشوفج بطنج منا وهيج تكبر
ميار...راح احاول احجي وياها
بليل بعد ما خلصنا عشى
ميار.....يمه اريد احجي وياج بموضوع مهم
امي...اذا نفس موضوع صبحي لا تحجين ولا تعبين نفسج
رجعه للشغل ويااا ماترجعين
وزواج ماكووو لا تحجين ولا تعبين نفسج
ميار...لا موضوع اهم من ذني
امي...احجي
ميار...تعالي نكعد وحدنا بلغرفه
جمانه السعيدي
اخذت امي ورحنا للغرفه
دخلنا وطبكت الباب كلبي يدك على السريع
ماادري شلون راح ابدي وامي شلون راح تتلقى الصدمه
امي...احجي اسمعج
ميار...اني غلطت غلطه ومااعرف راح تسامحيني عليها لو لا
امي...شنو هاي الغلطه احجي
ميار....اني كتلج سيف بقى يركض وراي وما قبلت اطلع ويا
بعدين اجا هنا للبيت وطلب ايدي منج
امي....اي وشنو الجديد بلموضوع سيف عافج وسافر
ميار.. من بعد مااجى هنا بيتنا وحجا وياج
اني انطيته الإمان كنت اعتبر سيف فرصه ما تتعوض
وكلت انطي فرصه نتعرف واحد على الثاني
ومادام طلب ايدي من امي ليش اخاف منه
امي...وبعدين
ميار....طلب مني نطلع سوه حتى نتعرف
طلعنا كم مره اكلنا بمطعم وكم مره وصلني للبيت بسيارته
بوقتها ما يحجي بس عن زواجنا
وعن الخطبه الحد مااتصل عليه وكال ابوي انطاني شقه
نزوج بيها وكدرت اقنعه يوافق مبدئيا على زواجنا
بوقتها اني ماصدكت نفسي راح اصير جنتهم
ناس واصلين وحسب ونسب
طلب نروح للشقه اشوفها واذا اريد اغير شي بيها
امي....يااا رحتي وياااا وحدج
ميار...نزلن دموعي وكتلها بخوف اي
امي...يااا تحجين صدك ليش ما حجيتي ليش
ماكلتي جان رحت وياكم لو حتى اخوج اخذتي وياكم
شلون ترحين وحدج
لا انتي مو بتي الي مربيتها صدك تحجين
ميار...خل اكمل لا تخوفيني مسحت دموعي
هناك انطاني عصير وبقا يلح اشربي اشربي
الحد ما فقدت الوعي
امي.. يااا عزا العزاج ولج ميار شويتي بروحج
ميار...غبيه اني غبيه وصدكته
كعدت لكيته غادرني كمت ابجي و اعيط
وهو بقا يهدي بيه ويكول راح نزوج لا تخافين
كامت امي تلطم على صدرها وتجرح بخدودها
وتصيح يااا عمت عينج فرطتي بشرفج
ليش هيج ليش مو اني واثقه بيج
ليش هيج ميار ليش
ميار....ولله ماكنت اعرف راح يصير هيج
اني هسه واكعه بمشكله اني حامل وتوسلت بسيف
يزوجني ما قبل ورحت الابو للشركه وطردني
رحت للدكتوره تكول مايصير اسقاط حياتج بخطر
جمانه السعيدي
امي...موتي موتي ميار موتي ولا جيبلنا العار
موتي وريحيني شلون ارفع عيني بعين الناس بعد
ليش يمه ما وكفت كدام عينج
ميار... اهيييي اهييي كافي يمه كافي
ولله اني جاي اموت قهر فدوه كافي ماخفت من اي
شي بس خفت عليج
امي...لو تخافين عليه جان حجيتلي جان كلتي يمه اروح لولا جان كلتي تعاي وياي
الله ينتقم منج انتي وسيف
ميار....يمه فدوه وافقي على صبحي اهيييي
اهيييي صبحي يعرف كلشي وجاي يحاول يساعدني
وافقي حتى لا انفضح الله يخليج وافقي هييي
هيييي
عافتني وطلعت من الغرفه كلشي ما حجت وياي
اني كمت اللطم ليش خليت امي بهيج موقف
كمت اضرب على بطني اعرف غلطت بس كلنا معرضين للغلط
سبحانه الي ما يغلط طفله وماعندي تجارب
وهو شيطان وكدر يضحك عليه
بقيت للصبح احرك بروحي لان مو هين عليه امي تنقهر بسببي
الصبح كعدت بس امي ماكعدت خفت عليها
اذا يصير عليها شي بسببي اكتل نفسي
رحت كعدت بصفها
ميار...يمه يمه
امي.....شكووو
ميار...خفت عليج ليش ماكعدتي
امي...هو اني نايمه اليل كله حسبه تجيبني وحسبه توديني
ضغطي صعد
ما مصدكه بنتي الي وثقت بيها تخون الثقه
وتخلينا نرضى بواحد مثل صبحي
واحنا الي نتوسل بي حتى يقبل
ميار.....اسفه كلشي صار بسببي
امي...خل يجي صبحي يعقد وياخذج
اذا طلعتي من هذا البيت بعد مااريد اشوف وجهج
لا انتي بنتي ولا اعرفح
البنيه الي تخون ثقتي مو بنتي
ميار...كمت ابجي استاهل كلشي صار وياي
طلعت من غرفة امي واتصلت على صبحي
اتفقنا يجي بليل ويجيب ويا ثنيين شهود
حتى نعقد
طبعا هذا الزواج كله مو جائز لان اني حامل
والحامل بلشرع والقانون مايصير تزوج الحد ما
اجيب يله يصير تزوج
راح يكون زواج بس على الورق
بقيت طول النهار بغرفتي مااريد امي تشوفني وتتوجع اكثر
لا اكلت ولاشربت خلصت النهار بجي
بليل اتصل صبحي كال اجينا
طلعت رحت رتبت الاستقبال
وانطيت خبر الامي
لبست عبايتها وكعدت تنتظرهم هيه ووليد
شويه واجوووو امي تحجي وياهم من ورا خشمها
عبالك كاعده بعزا
بعد العقد راد يترخص صبحي ويطلع
امي...دقيقه من رخصتك اخذ زوجتك وياك
صبحي. هسه خليها باجر عكبه
امي...لا هسه وبعد ماريد اشوف وجها هنا ممنوع
تجي الهذا البيت مره ثانيه
انتظر دقيقه
ميار...دخلت امي تعيط بصوت عالي
وينج ميار اخذي ملابسج وروحي ويا صبحي
وبعد مااريد اشوف وجهج مره ثانيه
ميار....يمه فدوه
امي.. اش ولا كلمه يله بسرعه الرجال منتظرج
ميار...طلعت جنطتي وخليت كم قطعة ملابس
التفتت عليها اتوسلها بعيوني تسامحني مااكدر على زعلها
شافتني ودارت وجها عني
لميت ملابسي وطلعت امشي وامسح بدموعي
جمانه السعيدي
طلع صبحي كدامي وفتح باب للسياره
بس طلعت من البيت امي طبكت الباب بكل قوتها
خليت جنطتي صعدت وكمت ابجي
صبحي...لا اضوجين لازم بيوم تتصالحن
ماكو ام تزعل على بتها طول العمر
ميار. مااكدر احجي بس ابجي راسي صدع من البجي
لا ماكله ولا شاربه صار يومين بس ابجي
دفعت الثمن غالي غالي حيل
وصلنا البيت صبحي بيته حلو ومرتب
مشى هو كدامي ونزل جنطتي بغرفه وكال هاي غرفتح
اذا تحتاجين شي اني بلغرفه الثانيه
على اليمين حمام وصحيات
والمطبخ كدامج البيت بيتج
اي شي يعجبج سوي
واذا تردين شي معين بس اطلبي مني
طلع صبحي دخل بلغرفه الثانيه وبعد ما شفته ابد
بدلت ملابس وطلعت شربت مي
دكيت الباب علي
طلع لابس بجامة نوم
ميار...اريد حب صداع اكووو
صبحي...خاف موزين على الطفل
ميار...ياريت يموت ويخلصني
صبحي.....ترا هذا الطفل روح حرام تكولين هيج
ميار.. اكو عندك شي للصداع لو لا
صبحي.. اي دقيقه هذا بندول
ميار.. اخذت حبايه ورجعت الغرفتي ورحت بسابع نومه
الصبح كعدت بلعشره مالكيت صبحي طالع
فتحت الثلاجه كلشي بيها طلعت جبن ومربى وخبز
اكلت
رجعت للغرفه طلعت ملابسي من الجنطه وعلكتهن
اجت امي على بالي اريد اتصل بيها
بس خايفه لا اضوج اكثر
بقيت كاعده افتر بلبيت لكيت ملابس صبحي غسلتهن
رتبت غرفته
ااكو صوره الزوجته جبيره معلكها بلركن
ولا عبالك عايش وحده بيته مرتب
ملابسه مرتبه
بلعشره بليل رجع
شكد.جايب ويا شغلات
معجنات صمون زلابية وبقلاوه فواكه كرزات
بيتزا لحم بعجين
صبحي...هااا شلون صرتي اليوم
ميار...الحمد لله شنو هذا كله
صبحي.. انتي حامل ولازم تاكلين زين
ميار.. بس هذا هواي
صبحي....لا مو هواي
ميار.. احضرلك عشى
صبحي....اني مااكل بليل شي ثكيل اكل زبادي
وصمونه وخيار حتى انام مرتاح
ميار.. هسه احضرلك الاكل واخدر جاي
دخلت للمطبخ سويت خيار على شكل أقلام وخليت ملح قليل وطلعت زبادي وصمون
وخليت القوري على النار
خليتهن كدامه شغل التلفزيون وكعد ياكل
كعدت ارتب بلمسواك بعدين اخذتله الجاي
صبحي.. شكرا تسلمين
كمل ااكل بقا تقريبا للساعه ١٢ كاعد على التلفزيون
بعدين دخل نام بغرفته
اني طلعت لحم بعجين وببسي وكعدت اكل
بقت للثنتين افتر بلبيت بعدين نمت
كل يوم يجيلي شغلات حلوه ويااا من برا
وابد ما يطلب مني شي حتى ملابسه مايقبل اغسلهن
احسه فرحان بوجودي ويا بلبيت عبالك سويتله حس بلبيت
يعاملني عبالك بنته يعاملني بااحترام
ماكو شي ناقصني بس اريد اشوف اهلي
وخايفه من ردت فعل امي
جمانه السعيدي
ميار....شلونها رحمه بلشغل
صبحي....انخطبت وبطلت من الشغل
ميار...وهسه شلون وحدك اذا تريد انزل وياك للشغل
صبحي...لا ما يحتاج كتبت اعلان
واليوم اجا ولد قدم للشغل
يبين خوش ولد ويعرف بلشغل قبل جان يشتغل بمحل حلويات وصايره ويا مشكله وعايف الشغل
ميار.. لا تعوف فلوس البيع وياا
صبحي....لا مايستلم فلوس ابد ينظف ويبيع
اسلوبه حلو بلتعامل ويا الناس
مرت اشهر الحمل واني كاعده بلبيت ابد مااطلع الاي مكان
ااكل وانام
حتى شغل البيت مايقبل صبحي اشتغل
يجيب عامله بلاسبوع مره تنظف وتروح
ملابسنا اغسلهن بلغساله
ولاكل اغلبه جاهز قليل اطبخ
ماناقصني شي بس اشوف اهلي
الحد مادخلت بشهري
صبحي .هذا الشهر اجيبين
ميار.. انشاء الله
صبحي....ليش ما تروحين تشوفين وضع الطفل
ميار...شعلي
صبحي.. ميخالف اتاكدي من وضعه خاف تصير عندج ولاده
ميار....ولله مالي خلك
صبحي. اني اخذج
ثاني يوم اخذني للدكتوره بقا برا واني دخلت
فحصتني كالت كلشي تمام
ماكو شي يخوف بس منا وهيج امشي حتى تسهل عليج الولاده
طلعت لكيته منتظرني بس شافني كال هااا
ميار...تكول كلشي تمام بس امشي حتى تسهل عليج الولاده
صبحي.. سهله اني اخذج بليل من ارجع نمشي
سوا حتى اجيبين بسرعه
فعلا ٣ ايام كل مايرجع من الشغل بليل
ياخذني نتمشى
جاي نمشي وسئلته
ميار...شلون اجيب وحدي
صبحي....طبعا اجيبين وحدج قابل اكو واحد.يطلك بمكانج
ميار...اقصد منو يروح وياي اخاف اجيب وحدي
صبحي.. اني اروح وياح
ميار....اريد امي بس خايفه اروح اطلب منها تجي وياي
صبحي...تحبين نروح عليهم
ميار...هسه
صبحي...بكيفج هسه بعدين
ميار...لا خليها بيوم الولاده بلكت كلبها يحن عليه
صبحي...بكيفج تعبتي تكعدين
ميار... اي تعبت صايره ثكيله لان ااكل وانام
واي حركه ماكوو
صبحي. اكعدي ارتاحي خل اجيبللج
مي تشربين
ميار.. اكلت عشر ايام بشهر التاسع بليل الساعه
تسعه كمت اطلك اني مااعرف بلطلوك عبالي
بس اطلك اجيب
اتصلت على صبحي
ميار.. الحكلي كمت اطلك
خطيه قفل المحل ورجع للبيت
ميار...راح اموت ووجع ووجع قوي
صبحي اخذج للمستشفى
ميار...اريد امي مااعرف اي شي شلون اروح وحدي
صبحي...اروح اجيبها واجي
ميار.. خاف اجيب ومحد يمي
صبحي...تعالي اصعدي بلسياره نروح نجيب امج
ونطلع للمستشفى
ميار.. اوكف اجيب جنطة ملابس الطفل
صبحي...اني اجيبها
صعدنا بلسياره واني كل ربع ساعه اعيط من الوجع
وبعدين اهدء
وصلنا نزلت دكيت الباب فتحلي وليد
حضنته مشتاقتله
وليد .. اني هم مشتاقلج
ميار...وين امي
وليد ...كاعده جوه ادخلي
دخلت بس صرت كدامها اجاني الطلوك
عطت ااي ودنكت
بس شافتني طفرت من مكانها
امي.. عندج ولاده
ميار.. اي راح اموت تعبانه
امي.. امشي اخذج للمستشفى
ميار.. صبحي واكف برا منتظرني
امي....بس البس عباتي واجي
مبار...رحنا للمستشفى بقيت للساعه اربعه الصبح
يله جبت جبت ولد يخبل وشكبره
بس تعبت تعب ماصاير
لفن الطفل وجابنه اليه
امي... شراح تسمي
ميار....صبحي يسمي لان هو الي نقذه من الموت
ياسبحان الله بس شميت ريحته تحركت مشاعري اتجاها
حسيت نفسي احبه من زمان
اخذته امي الصبحي وكالتله سمي
صبحي.. اني اسمي لا خل امه تسمي
امي.. تكول محد يسمي غير صبحي
صبحي... خلاص اسمه علي
امي...يامحلى هذا الاسم
انتظرونا....