رواية من قلب العتيك الفصل الرابع 4 بقلم جمانه السعيدي
@الجميع
علي...بعد فتره من روحتي الاهلي
اجا واحد من اقاربنا على بيت عمي سلمان
جاي يشتري سياره ومر عليهم يشوفهم
دخل وشافني كاعد بيته تفاجئ وجودي بيتهم والصبح شافني طلعت للشغل ويااا
لان كل اقاربنا يعرفون اني منهزم من بيت اهلي
وابوي يدور عليه
وصل خبر الابوي علي بيت سلمان
ويشتغل وياااا بلعتيك
علي....عمي ابوي راح يعرف مكاني
سلمان....واذا عرف محد يكدر يوصلك اموت ومااخلي واحد يقرب عليك
علي...ليش مااروح اشتغل بغداد
سلمان...ابد ما تطلع من هذا البيت
اكعد وسكت محد راح يقرب عليك
هذا الحجي بعد سبع اشهر من الحادث اليوم الي ضربت ابوي بي ونهزمت
طبعا ابوي يكدر يجي يبلغ بشرطة القضاء الي بي بيت عمي سلمان
لو حتى يدز البلاغ بالبريد لان هذا القضاء تابع النفس المحافظه
بس مااعرف ليش ابوي ما بلغ عني بس دزلي تحذير
اذا فكرت ارجع بيوم من الايام للبيت راح يكون آخر يوم بحياتي والدعوه عليه راح تبقى بلمركز
اي يوم ارجع بي للبيت راح يتم القبض عليه
هذا اذا ما قتلني ابوي وخلص مني
من وصلني هذا الكلام اني حيل ضجت يعني شنو راح ابقى
متغرب طول عمري
راح ابقى بعيد عن امي وماشوفها
ماكو غير رب العالمين الي يخلصني منه وياخذ عمره
سلمان...انت ليش ضايج انت ناقصك شي محتاج شي
اني وبيتي وشغلي كلنا تحت امرك
عناد بابوك اله ازوجك شنو هو مان علينا بيش
علي...متقصر عمي بس ليش اعيش عمري كله بعيد عن اهلي هذا هو طلع كلشي مابي
بعدين هو الي استفزني حتى اضربه شلون اشوفه يضرب امي واسكت
سلمان...لا اضوج هاي هيه الحياة قدمتلك تجربه جديده
عيش واسكت اعتبر نفسك مسافر
علي...الحمد لله على كل حال
جمانه السعيدي
علي...فات اتلث سنوات واني عايش بيت عمي سلمان
معزز مكرم جمعتلي خوش مبلغ بدت خالة نجيه تدورلي بت حلال بعد ما وصلت للعشرين
بلسنه اروح اشوف امي مرتين بدون علم ابوي طبعا
كل ست اشهر اروح اشوفها واطمن عليها وارجع
كرار اخوي الجبير ازوج واختي الثانيه ازوجت
حتى هاي الازغر مني نخطبت الدنيا ماشيه
واني بعيد مااكدر أشارك اهلي افراحهم
الله ياخذ الي كان السبب
بهاي الفتره بدا عمي سلمان يتعب
اول مره اشتكي من كلبه واحنا نفتر بلعربانه
رجعنا للبيت دخلته تمدد وغيرت ملابسه
جنت اتوقع تعب مجرد تعب من الشغل رغم هو بس كاعد على العربانه واني الي اشيل واحمل
بس كانت هاي اخر مره طلع بيها عمي وياي للشغل
حالته بلنازل اخذته أكثر من دكتور بس ماعنده اي تحسن
حتى الدكاتره كلهم كالو حيل تعبان
شلت الشغل كله وحدي اطلع واجمع العتيك وابيعه
واجيب الفلوس العمي طالت مدت مرضه
قبل لا يموت بيومين طلع مبلغ الفلوس الي جمعهن من شغله وتعبه
سلمان...بويه علي هاي الفلوس تسوي منهن فاتحه
والباقي تطيهن الخالتك نجيه مصرف
اريد اوصيك عليها نجيه مالها احد بهاي الدنيا
دير بالك عليها
علي...لا لاتكول هيج هسه تصير احسن وتكوم
النا بلسلامه
سلمان...اني اعرف نفسي اعرف ايامي خلصت من هاي الدنيا
علي.....من بعدها فقد الوعي وكطع الاكل والكلام
يومين وسلم نفسه للباري
حزنت علي حزن ماصدكت مات وعافني الرجال الطيب الي دخلني بيته وحماني وعيشني عيشه احسن من اهلي
يموت ويعوفني وحدي شلون بيه منو الي من بعده
حضنته وبقيت ابجي تكابلنا اني ونجيه
نبجي علي ماكو هيج انسان طيب ونقي ابد مايزعل احد ولا يخشن خاطر اي بشر
اخذته دفنته ورجعت نصبت الفاتحه
كل الاهل والأقارب اجمعو ولكل يكول ماعنده ولد
ماعنده ولد يوكف بفاتحته
صح ماعنده ولد الفاتحه ٣ ايام وتخلص
بس عنده الأهم من الولد عنده العمل الصالح
والكلب الطيب الكل تكول الف رحمه على روحه
انسان نظيف يكفي كلام الناس عن طيبته وحنيته
لزمت الفاتحه وماقصرت باي شي
حتى ابوي واخواني اجو للفاتحه ابوي واكف بعيد بس يخزر بيه لاقرب عليه ولا حجا وياي اي كلمه
بش شفت امي بلفاتحه حضنتها وكمت ابجي
الناس كلها تشوفني جبير بس اني زغير بعد ما شبعت من حضن امي ليش اهلي عايشين واني محروم منهن
جمانه السعيدي
من بعدها ابوي دز اخوي الزغير عليه
....ابوي يكول ممنوع يرجع للبيت مات سلمان
اريد اشوف وين راح يعيش وشلون
اذا رجع كبل اجيب الشرطه يلزمونه ممنوع اشوف وجها
بالقضاء كله مو بلبيت
علي....كله علي يكول الله لا يعوزني اله
الله موجود ومراح ينساني ابد
خلصت الفاتحه وكلمن رجع البيته بس اني ماعندي ببت ارجعله
لازم ادور مكان اسكن بي مهما يكون نجيه غريبه
ومراح اكدر اعيش وياها بنفس البيت
بقيت اسبوع استقبل الناس المعزيه بيت سلمان
بس بدون مااشوف نجيه ولا احجي وياها
بليل مااكدر انام افكر وين اروح وشراح اشتغل
بعد السبعه
اجت نجيه لابسه عبايتها كعدت يمي
علي...خاله هذا المبلغ الي بقى من الفاتحه
واني باجر اخذ ملابسي واطلع
نجيه...ووين تروح
علي...مااعرف رب العالمين يتكفل بيه
نجيه....اذا رحت اني شلون راح اعيش اني ماعندي احد
تعرف اني لاعندي خوات ولا اخوان
ومااعرف اشتغل اي شغله اعيش منها
اريدك تبقى تشتغل بلعربانه والحصان ونعيش اني وياك منهن
علي...بس اني شلون راح ابقى عايش بهذا البيت
ومابي رجال
نجيه....انت رجال البيت سلمان وصاك عليه
اذا عفتني راح يكتلني الجوع
ابقى اشتغل على هاي شغلتك لا تعوفني وحدي
اني مااكدر اعيش بهذا البيت وحدي
علي...انشاء الله خير هاي باقي الفلوس الي اامني عليهن سلمان
نجيه...خليهن عندك مصرف للبيت
علي. اخذيهن واني اتسوك
نجيه...خلهم عندك مااخذهن اني هسه عندي فلوس
والواجب الي اجاني مامحتاجه فلوس
علي...عبالك كبرت ١٠٠ سنه ليل ونهار افكر بوضعي
شلون شلون راح اكمل
رجعت للشغل اطلع من الصبح وماارحع اله بليل
اتغدى لفه برا بلشارع حتى لا ارجع للبيت الضهر
اعلف الحصان وادخل انام والصبح اطلع
مااشوف نجيه والااحجي وياها اله شغله ضروريه
لو تحتاج مسواك
فات شهر على وفاة عمي سلمان واني بعدني ما متخطي
وفاته وافكر بحل حتى اطلع من هذا البيت
بس مااعرف وين اروح
بديت اسمع كلام من الناس
شلون كاعد وياها بيت واحد شلون يبات يمها
شيصير منها حيله زوجت عمه
اكو ناس تسئلني منو عايش وياكم بلبيت يلمحون الوجودي وحدي وياها
ليش مايطلع من البيت يريد يكوش على البيت والشغل
ايجوز يزوج هاي العجوز
يريد ياخذ كلشي
كلامهم كله صحيح اني المفروض اعوف البيت
بس شلون اعوف نجيه وهيه مالها اي احد بهاي الدنيا
هاي وصية عمي
شلون اخون وصيته وهو الي اامني على بيته
وعلى زوجته
جمانه السعيدي
قررت اطلع اشوف مكان ابات بي وابقى على نفس هذا الشغل اشتغل واصرف على نجيه ومااخليها ناقصها شي
بديت اسئل وادور لحد مالكيت مشتمل زغير وتعبان حيل
بس ميخالف اني اريد بس انام بي بليل
علي...خاله اريد احجي وياج
نجيه...اي احجي
علي...اني لكيت مكان ابات بي اني مااريد احد يحجي عليج
ومااريد اي احد يجيب طاري بيت عمي بكلام موحلو
اني لكيت مشتمل راح ابات بي بليل
وراح ابقى على شغلي هذا ومااقصر وياج بشي
نجيه... تريد تعوفني
علي...لا مااعوفج ومراح ابتعد واي شي تحتاجه اني حاضر
بس كلام الناس مايرحم
واني مااقبل اي احد يمسج بكلمه
نجيه...اني هم اسمع كلام من النسوان الي تجيني بس
الي يبقى ورا كلام الناس ما يخلص
علي....اني اريد اطلع حتى احميج من الناس
علي ااجرت المشتمل ايجاره كان بسيط
ونجيه انطتني فراش انام علي وجبت عين طباخ
اني اكل لفه برا وارجع بس على كد النوم
بقيت على نفس الوضع من جان عمي موجود
من اروح الصبح حتى اطلع للشغل اسئلها اذا محتاجه شي
واجيبها مسواك اخر النهار من ارجع
وانطيها مصرف
استمرينا على هذا الحال لمدت ست اشهر بعد وفاة عمي
بيوم واني راجع البيت عمي جاي اربط الحصان
طلعت نجيه كالت اريدك بشغله
علي...اي كولي اسمعج
نجيه...تعال ادخل اريد احجي وياك
علي...دخلت للبيت
نجيه....اني مو زغيره واعرف هذا الشي كلش زين
عمري ٥٠ سنه بس ماانام خايفه يوميه اكول يمكن انام وبعد مااكعد يمكن يصير عليه شي
واني مستحيل اكدر اعيش وامشي اموري من دونك
لا اكدر اشتغل ولا اكدر اروح اعيش ويا احد
ضاله بهذا البيت افتر وحدي
راح اكول شي بس لاتكول نجيه تخبلت
ولله اني مجبوره على هذا الشي صدك كوه احجي
بس ماعندي غير حل
علي....اسمعج
نجيه...اني اكول نعقد عقد شيخ وتبقى بهذا البيت
حتى إذا رب العالمين اخذ امنته
يبقى البيت والشغل وكلشي الك
ولله مو قصدي زواج ابد بس قصدي انسان
يدير باله عليه ويلم كبرتي
علي....فتحت عيوني من كد ما متعجب من كلامها
ابد ابد ابد ما متوقع هذا الشي منها
نزوج قصدج نزوج اني وياج
نجيه...اي حتى ترجع تستقر وتكعد بهذا البيت
زواج عن الحلال والحرام بس
مو زواج حقيقي اني اعرف اني اكبر منك بهواي
اني بعمر امك
بس الضروف حكمت عليه
مااريد اموت بليل ومحد يدري بيه
ولمن راح يبقى هذ ا البيت من بعدي
انت الي تعبت واشتغلت وانت الي تستاهل كلشي
انتظرونا ....... الأحداث الجايه مفاجئ.