رواية من قلب العتيك الفصل الخامس 5 بقلم جمانه السعيدي
علي...من كد الصدمه بقيت واكف واباوع عليها
ابد ما متوقع منها هذا العرض
الصدمه شلتني توقف عندي الزمن مااعرف شصار احس شعور الانبهار طغا على كل حواسي
انبهار وصدمه وتعجب كل هاي المشاعر هجمن عليه
بوقت واحد
اني ازوج خاله نجيه شلون وليش
لا مستحيل مستحيل هذا الشي ابد مراح يصير
بكد امي شلون ازوجها
بدون ماارد عليها بحرف واحد
فتحت الباب وطلعت من بيتها امشي بلشارع بدون وعي
ااكول يمكن اني سمعت غلط
شلون تفكر هيج تفكير لو يخطر على بالها هيج
موضوع شلون رهمت هاي السالفه
اكبر مني ٣٠ سنه مره عجوز
صح اني ماعندي مكان اكعد بي وضروفي صعبه
بس لا لا والف لا اني ماازوجها
من سابع المستحيلات هذا الشي يصير
رجعت للمشتمل شغلت الضوه
كعدت على الفراش بدون مااغير ملابسي ولا حتى انزع حذائي
كلما احاول ارتب أفكاري واتخيل الكلام الي كالته
احس يصيبني شلل
بس اريد اعرف شلون فكرة بهاي الفكره
تمددت بملابسي وحذائي على الفراش
مجاي اكدر اتخيل الشي الي صار وياي حقيقه
عبالك حلم لا شنو حلم كابوس
بقيت مدد واتكلب حتى ما تعشيت
جمانه السعيدي
فكره تجيبني وفكره توديني
ساعه ااكول حقها بقت وحدها وتخاف محتاجه احد.يبقى وياها على الاقل يشوف طلباتها
عمرها مو زغير وماتكدر وحدها
وارجع ااكول هيه جاي تستغل الضروف الي امر بيها
تريد تستغلني واشغلني عدها خادم الطلباتها
تظمن اكو واحد يشتغل ويجيبلها فلوس تعيش منهن
ارجع واكووول صح اني ضروفي صعبه بس مو الدرجة ازوجها
بس اني إلى متى راح ابقى اشتغل عدها اشتغل واتعب
وتجي هيه على الحاظر تاخذ الفلوس
ابقى اني عايش على الأجور اليوميه
اعوف الشغل عدها واعوف كلشي وابدي من جديد
ااكدر ابدي من جديد اني بلاخير رجال اكدر اسكن
وين ماكان حتلو انام بلشارع عادي
بس اذا عفتها وعفت الشغل شلون راح تعيش هيه
اذا جابت واحد يشتغل عدها راح يستغلها
ومراح تكدر اسيطر علي ايجوز ياخذ العربانه والحصان
وينهزم منها
عمي سلمان وصاني عليها
معقوله اعوفها وانهزم وهيه الي دارتني ودخلتني
بيتها كل هاي السنيين
جمانه السعيدي
وهسه من احتاجتني اعوفها وحدها
بس حتلو ماتوصل للزواج شلون ازوجها
بقيت كاعد للصبح افكر ومجاي اكدر انام
بعدين نمت ماادري بنفسي كعدت الضهر من النوم
الوكت رايح
طلعت اشتريت جبن وخبز ورجعت خدرت جاي
اكلت سبحت غيرت ملابسي
ثاني يوم ماطلعت للشغل بقيت كاعد بيتي
اذا ارجع للشغل يعني موافق على طلبها واني ما مقتنع
بهاي الفكره ابد
ثالث يوم صعدت ورحت الاهلي
انتظرت لمن طلع ابوي للدوام ودخلت للبيت
امي.. يمه هله ردت روحي من شفتك
علي... يمه اني محتاجج
فتحت اديها وحضنتني حيل
حضنتها وشميت ريحتها احس نفسي ارتاحيت
نص الهم راح مني من شفتها
دخلت للبيت حضرت امي الريوك وكعدنا بلمطبخ اني وياها اخواتي سلمن عليه وراحن يشتغلن بلبيت
علي...اني محتاج اخذ رائيج ااكو شغله صار ٣ ايام متعبتني ومااكدر اخذ قرار وحدي
محتاج اخذ رائيج محتاج احد يخليني على الطريق الصحيح
اتحسرت بصوت عالي
امي...خوفتني شكووو مبين شايل هم جبير
علي...نجيه
امي...شبيها طردتك
علي....لا عرضت عليه الزواج
امي.....يااا تحجي صدك
علي....اي نكول اني ماعندي احد بهاي الدنيا
ولا اكدر اشتغل واعيش نفسي ولا اكدر اسلم الشغل الاي احد غريب الدنيا ماتتامن
تعال نعقد حتى تعيش وياي عن الحلال والحرام
امي...فاجئتني ابد ما متوقعه نجيه تطلب هذا الطلب
علي...ولا اني صار ٣ ايام ماطالع للشغل
افكر بهاي الشغله حيل تعبني التفكير
اني اكدر اعوف كلشي واروح البغداد حتلو اشتغل حمال
وأسكن بفندق ااكو فنادق رخيصه كل اربعه بغرفه
بس عمي وصاني عليها وعمي سلمان صاحب فضل
عليه فتحلي بيته وشغلني وانطاني فلوس
وصاني عليها
شلون اعوفها وامشي هيج
واذا بقيت على شغلي الناس مجاي ترحمنا هم اني وهم هيه
شعنده باقي وياها شلون يدخل عليها
محد جاي يكول مره جبيره وحدها
ماعدها احد. يعينها ويساعدها بهاي الدنيا الصعبه
امي.... ازوجها
علي....يمه شلون ازوجها نفسي ما تتقبلها نجيه جبيره
بعمرج
امي.... ازوجها زواج هيج كدام الناس وبقى عايش وياها
انت تعودت على هذا الشغل
وعلى هاي العيشه وهم تكعد بيتها من ترجع للبيت
تلكاها تنتظرك تطبخ وتغسل ملابسك
منا لمن رب العالمين يفرجها
علي...تحجين صدك اني اريد ازوج بنيه شابه
اريد ااكون اسره اريد اطفال
اريد اعيش حالي حال الشباب الي بعمري
شلون ازوج وحده بكد امي
امي....اشرط عليها اذا تقبل بهذا الزواج راح تتزوج
بلمستقبل بنيه شابه زغيره وتكون اسره
اذا وافقت تمم هذا الزواج واذا رفضت عوفها
لان ماصايره انت زغير وهيه جبيره
جمانه السعيدي
علي...انتي تشوفين هيج
امي...ماكو غير حل ليش تعوف تعبك يجي واحد على الحاضر ياخذه
بس تعوفها تشوفلها واحد يشتغل على العربانه
وتخسر تعبك مال هاي السنيين كلها
علي....هيه تكول اذا متت هذا البيت الك
امي...بعد شنو اعتبر نفسك جاي تساعدها في سبيل الله
اتوكل على الله واقبل
واذا شفتها ماعجبتك تغيرت عليك طلكها
واطلع من البيت
علي....افكر مااريد استعجل ابد
علي...طلعت قبل لا يرجع ابوي للبيت صعد سياره ورجعت
وصلت بليل تعشيت ونمت
الصبح كعدت على صوت الباب تندك
ماكمت كلت يتهئلي لان منو يدك الباب عليه
اصلا اني منو يعرفني
فتحت الباب نجيه
نجيه...صباح الخير
علي...صباح الخير تفضلي
دخلت وطبكت الباب وراها
نجيه....ليش بطلت تجي للشغل
علي....ماخذ اجازه اريد ارتاح
نجيه....تريد تبطل من الشغل
علي....ايجوز مااعرف
نجيه...هيج تعوفني بهاي السهوله وين وصية سلمان
نسيت تعبه وياك
علي...لا مانسيت بس الشي الي طلبتي مني صعب
نجيه...ليش صعب عقد يم الشيخ
وتصير صاحب البيت والشغل
زواج هيج كدام الناس حتى نسد حلوك الناس
وبعد محد.يحجي علينا
عن الحلال والحرام اني ما كتلك تعال نام وياي
اني اعرف انت زغير واني جبيره
بس الضروف جبرتنا انت ماعندك بيت ولا شغل
واني ماعندي سند بهاي الدنيا
اني اكدر ازوج واحد بعمري
بس شعرف من الناس ايجوز يطلع طمعان بيه
ايجوز سكير ايجوز استغلالي
انت لان ربيت بيتنا واعرف اخلاقك واعرف تربيتك
طلبت منك هذا الطلب
ماكو غير طريقه تدخل بيها بيتي
بدون ما نسمع كلام الناس
جمانه السعيدي
علي....اني موافق بس عندي شرط جدا مهم
نجيه...كول شنو شرطك
علي...هذا الزواج ماينحسب عليه زواج اني بعدني زغير
اريد بنيه زغيره واريد جهال
نجيه...واني موافقه ازوج براحتك
مراح امنعك من الزواج
اني بس اريد واحد يدير باله عليه خاف اتمرض
اتعب على الاقل ااكو واحد وياي
علي...اذا موافقه تمام
باجر اجيب الشيخ ونزوج بدون عقد محكمه
زواج بس يم الشيخ
نجيه... ميخالف ماكو مشكله قابل راح اخلف منك
حتلو بس عقد شيخ
علي...باجر يكون الرائي النهائي
نجيه.. اتفقنا
علي....صح اني اتفقت وياها بس بعدني متردد
هذا القرار غلط مو صح بلنسبه اليه
ابوي اذا سمع شراح يكووول
اخواني اقاربي اكيد راح يكولون طمع بيها واخذها
شسوي الضروف أقوى مني جاي تجبرني على هيج شغله
بقيت هذا اليوم بلبيت ما طلعت
ثاني يوم العصر اخذت الشيخ ورحت البيت نجيه اما الشهود اختاريتهم من جيرانها
دكيت الباب عليهم وكتلهم محتاجكم بشغله مهم
من دخلو للبيت وعرفو اني ونجيه راح نعقد
بقو يباوعون واحد بوجه الثاني
اني متقصد اسوي هيج
حتى الناس تعرف احنا ازوجنا وبعد محد يحجي علينا
طلعت نجيه نفس ملابسها السود
لابسه عبايتها كعدت يمنا عقدنا
المهر قراءان مقدم وخمس الاف مؤخر
طلع الشيخ والشهود
جابت العشى تعشينا وكلمن دخل غرفه ونام وحده
انتظرونا القصه مليانه مفاجئات..