رواية من قلب العتيك الفصل السادس 6 بقلم جمانه السعيدي
@الجميع
علي....كعدت الصبح طلعت غسلت اجت نجيه
نجيه...صباح الخير الريوك جاهز
علي....اجيت
نفس ملابسها دشداشه طويله سوده وشيله سوده
بعدها مانزعت الاسود على عمي سلمان مثل شكلها كل يوم
تريكت وطلعت صاحت وراي ماعدنا مسواك
علي...اي اني اجيب وياي
مر الوقت واحنا على نفس الوضع ناكل ونشرب سوه
ونام كل واحد بغرفه
ماشين على الاتفاق الي بينا
ازوجنا حتى نخلص من كلام الناس
بس كلام الناس زاد علينا ما نقص
وين مااروح الناس تشمر حجي عليه
واحد.يكول مبينه عدها فلوس لو عدها ذهب
واحد يكول هااا اخذت حبوبتك ( ببيتك )
واحد يكول اي الطمع كلشي يسوي
واحد يكول صدك مزوج هاي تنام وياها ولك هاي بكد امك
اكو وحده اشتريت منها غراض دفعتلها فلوسها جان تكول
صدك نجيه مرتك اني عبالي امك
حتى نجيه ما خلصت من الكلام الجوارين بس تطلع يشمرن عليها حجي
وحده من جارتنا تسئلها
جنتي تحبين علي وسلمان عايش
جنتي تنامين ويااا من يطلع سلمان رغم اني وسلمان نطلع ونرجع بنفس الوقت
لو وحده من جيرانه انسد المجره وراح الماي علي بيتهم
تصيحلها هااا ام الرجوله بمكان ما يوميه معرسه اطلعي نضفي المجره
منا مات الزلمه الخير ومنا ركضتي ازوجتي ااي اصبري شويه ليش مستعجله
جان استحيتي على شيباتج نسوان مستخفه
صدك مابقى مستحه
علي...الناس محاربتنا على شنو مااعرف واحنا ماعدنا اي اذيه عليهم جمانه السعيدي
اني اطلع كل النهار للشغل
ونجيه ساده بابها وكاعده ناس فضوليه
مدخلين نفسهم بكل سالفه
كلما ارجع نجيه تشكي من كلام الجيران
واني هم بزعت روحي ليش الناس محاربتني
زواج على سنة الله ورسوله
لا حرام ولا عيب كلمن وضروفه ضروفنا حكمت علينا
نزوج الناس شنو دخلها
ست اشهر فاتن على هذا الزواج
وحنا مثل مااحنا ماتغير شي صح ساكنيين سوه
بس كل واحد.بمكان
ما يجمعنا غير وقت الاكل
اصلا اني ناسي احنا مزوجين
لان ماتغير اي شي بحياتي نفس قبل اي جديد ماكوو
إلى أن رجعت يوم ولكيت نجيه شاده راسها وتبجي
علي...خير شكووو
نجيه الجهال يلعبون بلشارع وضربو الباب بلطوبه
مرتين طلعت كتلهم ليش هيج الباب تكسر
دخلت رجعو ضربو الباب مره ثانيه
ضربه كلش قويه طلعت كمت احجي عليهم
طلعو بيت قاسم
امهم تكول ليش اصيحين منو يمج ليش تحجين على الجهال لو كتلتج الغيره لان ماعندج ولد يلعب وياهم
لا تخافين هسه تحبلين من عليوي
نسوان زاحت المستحه فد نوب
نجيه..ماكدرت اسكت كمت اغلط عليها بلشارع
جان تطلع عليه هيه وبتها ضربتني وخلتني فرجه للناس
لازم اتشوف جاره ويا هاي العالم
ليش هيج يكرهونا احنا شمسوين
علي...كعدت بلكاع كلش ضجت مو بس على نجيه
لا على الضروف الي جبرتني اعيش هيج حياة
لوما ابوي جان اني هسه بيت اهلي وما شفت اي شي
ولا تحملت كل هاي الضروف الصعبه
جمانه السعيدي
علي....صحت بصوت عالي نجيه تعاي
اجت نجيه لازمه راسها
علي...نبيع البيت ونطلع من هاي المنطقه نشتري بغير منطقه
نجيه...يااا نبيع ببتنا
علي...ماكو غير حل الناس كلها محاربتنا
نجيه...ووين نروح
علي...نشتري بغير مكان كون محد يعرفنا هناك
اني هم جاي اسمع حجي من الناس
عبالك مسوين جريمه مو زواج على سنة الله ورسوله
طلعت رحت للخطاط طلبت منه يكتب الدار للبيع
واجيت علكتها باب بيتنا
نجيه...حرامات نبيع بيتنا
علي...اي انبيعه الجار قبل الدار مادام ما مرتاحين
نشيل منا ونشوف غير مكان نسكن بي
نجيه....شلون متعوده على بيتي
علي...نشتري واحد احسن منه
بدت الناس تجينا تسئل عن سعر البيت
لمن حصلنا سعر زين بديت اشتغل على تحويل الملكيه النجيه لان البيت باسم عمي سلمان الله يرحمه
لمن كملت المعامله وصار البيت باسم نجبه
بعته وبديت ادور بيت بغير مكان
كنت مصمم اشيل حتلو اكعد ايجار لازم اشيل من هاي المنطقه
مااريد بيت بنفس هاي المنطقه اريد بعيد مااريد اي احد يعرفنا ويكعد يعيرنا بوضعنا
وصيت جماعتي بكل مكان
وواحد من اصدقائي كال عمي عدهم بيت جديد ١٢٥متر
مبني طابقين بناء حديث
بغير قضاء بس بنفس المحافظه
علي...هو هذا الشي الي اني اريده
بيت زغير ميخالف كافي علينا اهم شي بعيد
راح ويأي صديقي نشوف البيت
تقريبا ساعه وعشرين دقيقه الطريق ووصلنا شفت البيت
حلو وبناء حديث ومرتب بمنطقه توزيع جديد
نص البيوت مبنيه ونص لا بعد
منطقه حلوه ومفتوح البيوت بيها كلها بناء جديد
بس سعر البيت شويه غالي يعني يراد نكمل على فلوس
بيتنا يله نكدر نشتري
طلبت منهم مهله اسبوع وارجعلهم الخبر
رجعت للبيت
نجيه...هااا عجبك البيت
علي..كلش عجبني بناء حديث وحلو ومنطقه جديده
مابيها ناس هواي
نجيه...اي اشتريته
علي...فلوسي ما يكفن
نجيه...ابيع ذهبي
علي...اني هم مجمع كم فلس شغلي من يوم اجيت هنا لليوم خل انشوف الذهب شكد يوصل
ونقرر ساعتها
علي...رحنا اني ونجيه قيمنا الذهب وصل خوش سعر
يعني نكدر نشتري البيت
علي...البيت راح اسجله نص باسمي ونص باسمج
لان اني دفعت كل الفلوس الي مجمعهن
نجيه....حتلو تسجله باسمك ميخالف اني واثقه منك
علي...لا هذا حق رب العالمين نسجل نص باسمج ونص باسمي محد ضامن الضروف شني
نجيه...بكيفك
اشترينا البيت رحنا تسجيل عقاري سجلنا البيت
نص باسمي نص باسم نجيه
لمينا غراضنا وشلنا م هاي المنطقه
حتى الحصان ااجرتله كيه حمل هو ولعربانه واخذتهن ويانا
من وصلنا وشافت البيت نجيه فرحت بي
بناء حديث ومقبط ومرتب
فرق هواي عن بيتهم القديم
بيتهم القديم غرفتين ومطبخ زغير وصحيات
مكشوفات المطر والحر والتراب كله عليهم
بعد مارتبنا الغراض وكعدنا
علي...قبل كلشي خل نتفق اتفاق ونمشي علي
نجيه....شنو الاتفاق
علي....ممنوع تكولين احنا مزوجين كولي اخوي
واني هم راح اكول اختي الجبيره مامزوجه
وكاعدين اني ويا سوه
حتى محد يحجي علينا فهمتي لو لا
نجيه...خوش حجي الناس هنا محد يعرفنا
انمشيها اخوان حتى نخلص من كلام الناس
علي...هاي هيه اتفقنا مااريد تحجين الاي احد ااي احد
وتكولين مزوجين لان مراح نخلص
واني ماكدر كل يوم اشيل من مكان
حتى فلوس ما بقت عندي فهمتي لو لا
نجيه..فهمت فهمت
جمانه السعيدي
علي....ثاني يوم طلعت للشغل همزين شغلتي تمشي بااي مكان ما محتاجه مكان معين
بلعكس مكانا الجديد احسن
هواي بي ناس مثقفين وراقين مالهم شغل باي احد
كلمن ساد بابه وكاعد
محد اله علاقه بلثاني
شكد الكه شغلات مشموره بلشارع
شغلات تنباع ااكو شغلات بيها عطل بسيط الكاها مشموره اخذها اصلحها وابيعها استفاد منها
يعني الوضع الجديد احسن بهواي من وضعي بلمكان القديم
مشى شغلي مثل مااريد واحسن
ونجيه كاعده بلبيت وساده بابها على نفسها
خلصنا من القال والقيل ومن المشاكل وتدخلات الناس
شهرين مر على شغلي بهاي المنطقه
كمت اتنقل بين المناطق منا ومنا حتى أوسع رزقي
بيوم امشي بشارع اول مره ادخل بهيج شارع
واصيح عتيك للبيع خبز يابس للبيع
جان تنفتح باب بيت من البيوت وتطلع بنيه
يماااي مو بنيه ضيم بيضه مثل الكطن
بيضه بياض ما معقول بيضه مثل الثلج
ضافره كصيبه تخبل شعرها طويل احمر يجنن
أمن كد مابيضه شكلها مبين من بعيد
تقريبا عمرها ١٧ سنه
صاحت عليه ابو العتيك تعال
صرت كبال بابهم ونزلت من العربانه
صارت ورا الباب بس راسها طالع
كصيبتها نازله لان لان بس راسها طالع
اكو نمش بوجها زايدها جمال على جمالها
ايمان....عدنا مروحه عاطله للبيع
قربت عليها اجنن ياناس ماشايف هيج بنيه بكل عمري
هلكد ما عجبتني تحجي وياي كلمه والثانيه مااسمعها
علي.....هاااا
ايمان...شبيك ما تسمع
علي...لا اسمع
ايمان....تشتري مروحه عاطله بس مو تكسر سعرها
علي...اشوفها
دخلت جابتها واجت
مروحه عاطله حتى ريشاتها عوج احنا نشتريها بلفين اكثر شي ٣ الاف
علي...٣ الاف
ايمان...يااا ولله شنو ٣ بخمسه ابيعها
علي...بوقتها مستعد ادفع كل الفلوس الي بجيبي
واشتريها
علي...اربعه اريد أطول الكلام والجدال وياها
ايمان....لا عيوني مابيعها اله خمس الاف
علي...هواي عليها خمسه
ايمان...بكيفك ماابيعها بهذا السعر
علي....وين اكو واحد يشتري مروحه مكسره بخمسه
ايمان... اربعه ونص
علي...اربعه
ايمان....يله بعتها
علي...عدكم بعد شغلات للبيع
ايمان...لا اني اريد ابيعها لان فلوسها اليه
علي...باوعت عليها وبتسمت شتشترين بيهن
ايمان...ونت شعليك انطيني الفلوس
علي...على كيفج اعصابج
ايمان....انت شنو تريد تصاحبني
علي...ياريت
ايمان....شنو ياريت تريد تصاحبتي
علي...اقصد هاج فلوسج اني راح افوت كل يوم منا
اذا عدكم شي للبيع
ايمان..جيب الفلوس الله وياك
اخذت الفلوس وطبكت الباب
علي...خرررب يومج على هلبياض شنو من بنيه
شكد حلوه
انتظرونا.......