رواية من قلب العتيك الفصل الثالث عشر 13 بقلم جمانه السعيدي
علي...وصلت للبيت دخلت بس شافتني نجيه اجت تركض
نجيه...الله يساعدك
علي...مارديت عليها صعدت فوك سبحت وقفلت الباب ونمت
مانزلت ابد الثاني يوم نزلت الصبح
لكيتها محضره الريوك وتنتظرني
نجيه...صباح الخير تعال تريك
علي...عفتها وطلعت من البيت حتى صوتها مااطيق اسمعه
عندي كوم حديد رحت بعته وجبت حداد للبيت
طلبت منه يسوي درج خارجي اريد اعزل البيت الفوك من الجوه درج حديد خارجي مغلف
اتفقنا على السعر وطلب مني يومين ويشتغل الدرج
طلعت الحصان شديت علي العربانه وطلعت للشغل
رحت من شارع اهل ايمان
شكد صحت أريدها تسمع صوتي وتطلع
بس ما طلعت ولا واحد من اهلها طلع
مبين زعلهم عليه قوي هلمره
الله كريم انتظر امي تجي بلكت تكدر تصلح الموقف
يومين وطلع الحداد اخذ القياسات وكال اكمله بلورشه
واجي انصبه هنا
علي...تمام ماكو مشكله بس استعجل شويه الله يخليك
علي.....لا اكل ولا اشرب بلييت ولا احجي ويا نجيه
ادخل اصعد الغرفتي اقفلها وانام
وانزل اطلع للشغل اكل برا
شكد تحاول تحجي وياي بس اني حتى بوجها مااباوع
يومين افوت من بابهم وكلشي ماكووو
صوتي يروح من الصياح ومحد يطلع عليه
اجا الحداد ينصب الدرج يومين شغل واني مااطالع
واكف فوك راسه اريده يكمل بسرعه
بلكت الله يهدي ايمان ترجع
بيتها وحدها فوك لا راح تشوف نجيه ولا نجيه تشوفها
جمانه السعيدي
اخر يوم يشتغل الحداد اجت امي وجابت وياها خواتي الكبار ثنيينهن هنا وجهالهن وازغر وحده بلبيت
من شفتهن شكد فرحت بيهن
ياربي الاهل ماكو منهم راحه نفسيه
دخلتهن للبيت ورجعت طلعت برا
شويه وسمعت امي تصيح رجعت دخلت لكيتها تحجي
على نجيه
امي...ما تستحين مره جبيره انتي وهاي السوالف شني
احترمي عمرج
اني مو بعمرج هذوله احفادي انتي شنو ترجعين وره
ياريت حلوه واكول حقها
الولد خادمج هو و مرته شتردين انتي عيب عليج
الي مثلج هسه عدها عشر أحفاد راجعه تراهقين من جديد
لو واحد غيره جان عافج من زمان
ولله عليمن متحملج شكل خلقه اخلاق
سكتت نجيه ولا حجت حجايه وحده دخلت غرفتها وقفلت الباب
علي...انطيت الحداد حسابه ورحت جبت اكل جاهز
تغدينا والبنات نظفن البيت وغسلن ملابسي
العصر اخذتهن وصلتهن بيت ايمان
دكن الباب واني بقيت واكف بعيد اباوع عليهن منا لمن دخلن طبعا كل وحده جايبه وياها هديه الايمان
بقيت اروح وارجع بلشارع وادعي يلطعن هنا وياها
ونرجع البيتنا
صار عشر ايام ماشايفها طك كلبي عليها
ساعه وأكثر يله طلعن بس ايمان مو وياهن
علي...هااا يمه ايمان ماكوووو ليش ما جبتيها وياج
امي...البنيه مريضه نايمه بلفراش
وامها تعتب تكول ليش علي ضم علينا
عنده اهل ليش يكول ماعندي اهل
والمصيبه الحبيره نجيه شلون مزوج وما يحجي
بعد ماعدنا ثقه بي شلون نصدكه
اخذ ايمان جنها ورده تخبل وهسه من يوم رجعت للبيت لليوم نايمه وحتى اكل ما تقبل تاكل
علي...يمه وانتي شكلتي
امي.... ماسكتت كتلها علي معدل وما يغلط
انتم مو سئلتو علي لو موخوش ولد جان الناس حجت علي انتم كلتو سئلنا علي والناس كلها تحمد بي
ابو ضالم وشرد منه اذا يبقى مكابله يكتله خلاص
الدنيا ابتلائات واحنا الله ابتلانا بابو مو ادمي
واذا على موضوع نجيه هذا ما يسمى زواج
ورقه يم الشيخ لا عقد محكمه ولا اكو بينهم معاشره
بلعكس المفروض انتم تتمسكون بي
لان حنيين ويخاف ربه اذا هو هاي المره الغريبه
ماعافها من مات رجلها بقى يصرف عليها
حتى يحميها من الناس
ونجيه بلاخير مره لو عمرها ١٠٠ سنه تغار
تشوفه فرحان بزوجته وطاير بيها شلون ماتغار علي
لا تكسرون بختكم
وضيعون البنيه رجعوها الزوجها
وهو قسم البيت بعد لا تشوف نجيه ولا نجيه تشوفها
سوالها درج خارجي
تعيش وحدها مالها شغل بااي احد
بعد لا تشوف نجيه لا نجيه تشوفها
خليها ترجع البيتها وزوجها واذا مريضه
علي ياخذها للطبيب ويراجع بيها مرته وهو مسؤل عنها
جمانه السعيدي
علي...يمه شلون خاف ماترجعلي
امي....لا ترجع لاتخاف
رجعنا للبيت
رغم ايمان مو وياي بس لان امي واخواتي موجودات
احس هذا اليوم حلووو
اهلي وياي
نجيه ما طلعت من غرفتها ابد تعرف نفسها غلطانه
وهيه سبب الخراب بهذا البيت
ثاني يوم من الصبح امي وخواتي رجعن لبيوتهن
واني رحت اشتريت طباخ وكاونتر زغير
وشتريت غساله رتبتها فوك
بلكت ترجع ايمان للبيت حلفت اذا رجعت بعد ماازعلها ابد
طلعت الشارعهم وبقيت واكف واصيح عتيك عتيك للبيع
محد.طلع مشيت شويه طلعت امها مطلعه الزباله
وكفت العربانه ونزلت
علي.. شلونج خاله
ام ايمان...هله خاله شلونك
علي...الحمد لله انتي شلونج
ام ايمان....شلوني امونه مريضه
علي...خاله فدوه خليني اشوفها واذا ضاجت مني
اطلع ولله مااغثها
ام ايمان...تعال ادخل
علي..نزعت الجفيه وعدلت شعري ودخلت
ام ايمان دخلتني الغرفتها كبل
مدده نايمه مثل الملاك
كعدت بصفها لزمت ايدها فتحت عيونها شافتني
مثل الفزت
علي...اسم الله حبيبتي
ايمان...شجابك هنا شلون دخلت
علي.... شلون صرتي
ايمان....مريضه من وراك
علي....الله ياخذني حتى ترتاحين مني
...سكتت
علي...شني كيفتي ماكو اسم الله عمرك طويل تردين تصيرين ارمله
حتى اطلعين راتب رعايه
....ضحكت
علي...اي اضحكي مو شلعتي كلبي
ولله اموت عليج وماعندي غيرج بهاي الدنيا
انتي الي عوضتني عن اهلي كلهم
سويتلج بيت وحدج فوك وطلعت درج للشارع
وقفلت الباب الي يربطنا بلبيت
واشتريت طباخ وكاونتر وغساله بس اريدج ترجعين البيتج وتنورينه
ايمان...ونجيه
علي....صدكي اني ماعندي شي وياها من يوم ازوجنا لليوم
لا مقرب عليها ولا طاخه
بس باقي وياها لان جبيره وماعدها احد
نجيه صاحبت فضل عليه وما ينكر الفضل بس ابن الحرام
ايجوز هيه هاي الفتره كامت تخبث لان تغار
بس بعد لاتقرب عليج ولا اشوفج
انت وحد وهيه وحد
واني حتى ماادخل بيتها بس على كد المسواك
اني ماكدر اكطع علاقتي بيها
ثلثين فلوس البيت منها
والعربانه والحصان الها مايصير علمود مشكله
اعوفها وحدها وامشي
اللج مني ماادخل بيتها ولا أقرب منها
خلاص هيه بيتها جوه وانتي فوك
بس ارجعي ولله تعبت تعبت من يوم رحتي لليوم
مالي خلك ادخل للبيت
ولا اكل ولا اشرب بلبيت وحتى مااحجي ويا نجيه
ااكل برا اشتري لفه واكل
بطني خاست من اكل الشارع
وصرفت كل فلوسي علمود البيت الفوك يكمل
بعد ماعندي ولا فلس حتى الحديد الي جنت اجمع بي
هم بعته وسويت بي درج خارجي
هاا شكلتي ترجعين وياي لو ازوج
جمانه السعيدي
شالت ايدها وضربني على صدري
اخذت ايدها وبستها
علي...ولله اعرف تحبيني ومااهون عليج
بس مو بكدي اني احبج اكثر واكثر انتي عيوني الي اشوف بيهن
ايمان....خل يجي ابوي ونشوف شيكول
علي...يعني ابقى عدكم اليوم عاد تغدوني لا
كمت اصيح خاله تعاي شنو الغده
ام ايمان...ولك كوم خاف حصانك يروح ضل بلشارع
علي...مااكوم اريد اتغده عدكم
ام ايمان...رجع الحصان وتعال
علي...تكولين مريضه شبيها تخبل مريضه على شوفتي
بس شافتني رجعت كلشي مابيها
ايمان....هههه
علي...حضري نفسج راح ارجع الحصان للبيت
واسبح وابدل ومن يجي ابوج اجي اتفاهم وياا
ايمان....منتظرتك
علي...اوي فدوه الحبيبي الحلوه
علي...طلعت صعدت على العربانه ووصلت الحصان للبيت
دخلت اركض سويت الدرج خطوتين
سبحت وبدلت وتعطرت
قفلت الباب الي على الدرج ونزلت من الدرج الخارجي
ورجعت بيت عمي
دخلت لكيت ايمان سابحه ومبدله وتنتظرني
دخلنا اني وياها كعدنا بلغرفه
خالتي جابتلنا الغده
تغدينا وكملنا جاي تشرب جاي دخل عمي
بس شافني حسيته ضاج
علي...شلونك عمي
ابو ايمان...زين الحمد لله هااا اليوم هنا
علي...اريد ايمان ترجع وياي اذا وافقت
ابو ايمان...تعال اكعد اريد احجي وياك
علي...تفضل
ابو ايمان.....انت من اجيت تخطب وحددت ايمان بلذات
عرفت اكو معزه بكلبك الها
واحترمتك كلت هذا رجال مادام اجنا للبيت من الباب
وما ضل يلعب من كتلي ماعندي اهل
كلت ميخالف يتيم مايصير اكسر خاطره
قابل الي ماعنده اب ما يزوج من حقه يعيش حاله حال الناس
وما طلبت عليك ولا تشرطت لان سمعتك كدام الناس
ذهب وكلها تحمد بيك
بس ماقبلت لان ضميت علينا سالفة زواجك
ولله لو موضحلي ضروفك
جان وافقت لان انت شهم وعندك غيره
وما قبلت تعوف هاي المسكينه وحدها بهاي الدنيا الصعبه
علي...الله يحفظك ياعمي ولله ماضميت عليكم شغلت زواجي بس لان خفت ترفضني
ابو ايمان....يمكن الناس تكول هذا عنده هواي بنات وينطي اي واحد يخطب منه
صح اني عندي هواي بنات بس كلهن عزيزات عندي
واموت عليهن ومااقبل اي واحد يزعلهن
علي...اني فصلت البيت وخليت ايمان بيتها فوك
واثثته الها راح تعيش وحدها معززه مكرمه
محد يقرب عليها ووعدك وعد رجال مراح ترجع عليك بيوم زعلانه
ابو ايمان...انشاء الله
علي.. هااا اخذها ونرجع البيتنا
ابو ايمان....اي اخذها الله يسعدكم انشاء الله
انتظرونا......