رواية من قلب العتيك الفصل الثاني عشر 12 بقلم جمانه السعيدي
@الجميع
علي....وكفت نجيه وفتحت الكنتور طلعت علاكه فتحتها
وطلعت ثياب نوم ومكياج وعطور
نجيه...شوف اني رحت اليوم اشتريت ثياب نوم
شوف شكد حلوات
علي...صرت عصبي فقدت السيطره على نفسي
وكمت اصيح عليها بصوت عالي
افتهمي افتهمي المشكله مو بلملابس المشكله اني نفسي مااريدج
مااكدر أقرب عليج مااكدر انام وياج
افهمي هذا الحجي زين اني مستحيل أقرب عليج
لو انام وياج لوشما صار
واني احجي بعصبيه فتحت الباب جان اشوف ايمان
واكفه قريب الباب وتسمعني
بس شافتني لطمت على وجها
ايمان...يااا تنام ويا اختك يااا علي صدك جذب
تنام ويا اختك شلون
نجيه حست هاي فرصه واجتها للحلك
تكشف حقيقة زواجنا اني وياها
صارت نجيه وراي وكلتلها اني مو اخته اني زوجته
كامت ترجف ايمان كلها ووجها صار احمر راسا وكعت بلكاع
علي...دنكت حضنتها ايمان ايمان
ضربتها على وجها فقدت الوعي
ايمان ايمان شبيج
شلتهابحضني وكلت النجيه جيبي عباتج
جابت نجيه العبايه لفيتها وطلعت بلشارع
اريد سياره ماكو
هاي المنطقه توزيع جديد وما تدخل بيها السيارات هواي
شايلها واركض اريد اوصل للشارع العام
كل شويه اخلي راسي على صدرها
ااكو نبض بس ما تتحرك ابد
وصلت للشارع وكفت بنص الشارع ماكو سيارات
شويه اجت سياره تكسي
وكفتها صعدت ايمان بلسياره ورا
واني صعدت كدام كمت اصيح على السايق بسرعه بسرعه
و صلنا للمستشفى
دخلنا لكيت سديه فارغه باب لطوارئ خليت ايمان عليها
لزمت الممرض من ايده سحبته
علي...تعال شوفها تعال شوف نبضها
الممرض...خل اشوف الدكتور
رحت ورا الممرض الغرفة الدكتور
علي...دكتور فدوه تعال شوفها دكتور تعال وياي
اجا الدكتور ويانا اول شي فحص النبض
وهيه بعدها بلمرر
الدكتور...نبضها سليم فتح عيونها
اني واكف فوك راسها اغطي بيها شعرها مفتوح
ومكيجه ولابسه نص ردن
اغطي بجسمها وشعرها
شلون بيه ماكدرت احافظ عليها خسرتها
بغبائي خسرت حبيبي
الدكتور...دخلوها جوه صاح على الممرض خلي كانونه
دفعتها اني ودخلتها جوه
الممرض خلا الكانونه وخل بيها محلول
علي....ليش مارجعلها وعيها
الممرض....لاتخاف هسه تصير احسن مابيها شي
نبضها زين
ليش صار وياها هيج تعرضت الصدمه
علي....اي صدمه مو اي صدمه
خلص المغذي وهيه ماكعدت
رحت للدكتور
علي...دكتور خلص المحلول وماكعدت
الدكتور....هسه اجي اشوفها
اجا الدكتور وياي قاس النبض طبيعي
كرصها من خشمها وكرص شحمة اذنها اتحركت
حركت راسها بعدين فتحت عيونها
ورجعت سدتهن
علي...ايمان امونه حبيبيتي تسمعيني
فتحت عيونها بقت تباوع عليه ما حجت اي شي
جمانه السعيدي
علي...امونه حبيبتي تسمعيني
غمضت عيونها ونزلن دموعها ااكيد اذكرت
شصار اخير شي قبل لا تفقد الوعي
ايمان....امي اريد امي
علي...مسحت دموعها اي اني اجيب امج هسه اروح اجيبها بس طمنيني انتي زينه
دارت وجها عني وكالت اريد امي
علي.....انتي زينه يوجعج شي
ماردت عليه بس تبجي
رجع الدكتور علينا شافها تبجي
الدكتور...هااا اي الحمد لله رجع وعيها
هااا صرتي احسن
ماردت علي بس تبجي
الدكتور...ليش تبجين مابيج شي لا تخافين
طلع الدكتور
علي...لزمت ايدها حبيبي احجي وياي
سحبت ايدها وكالت عوفني اريد امي اريد امي
كعدت نزلت رجليها وعدلت عبايتها
صاحت على الممرض تعال شيل هذا من ايدي
اجا الممرض
الممرض...خاف الدكتور يسجل بعد محلول
عاطت بي بعصبيه اكلك شيله من ايدي
كعدت على الجربايه واني صرت وراها من جهة الجربايه الثانيه فتح الممرض الكانونه
عدلت عبايتها ومشت تريد تطلع من الغرفه
علي...وين رايحه اوكفي
ايمان...مالك شغل بيه عوفني
علي..مشيت بصفها مااريد احجي واضايقها ااكثر
ااجرت تكسي فتحت الباب صعدت
واني صعدت كدام
ايمان....البيت اهلي
علي....ليش مانرجع البيتنا حتى افهمج الصار
ايمان...البيت اهلي ماارجع وياك
طلعنا البيت اهلها
الساعه ١١ بليل تقرببا
دكينا الباب فتحه اخوها الزغير
ماحجت اي شي حتى ما سلمت على اخوها كبل دخلت للبيت
علي...شلونك مهند
مهند....الحمد لله هاي شبيها
علي...ابوك موجود
مهند...ابوي وامي نايمين
علي....تكدر تكعد ابوك اريد احجي ويا
مهند....اي تفضل ادخل
علي...دخلت بلاستقبال واسمع ايمان تصرخ وتبجي بصوت عالي
ايمان...طلع يضحك علينا طلع مزوجها
ام ايمان...يمه اسم الله سبيج منو الي مزوجها
خوفتيني شجابك بهليل هبطتيني ليش تبجين
اكعدي خل نفتهم
علي...بقيت اكثر من عشر دقايق كاعد وحدي
واسمعها تبجي كلبي انمرد عليها ولله مايهون عليه
اشوفها تبجي الله لا يوفقج نجيه
لو محترمه نفسج مصار اي شي جان عشنا حياتنا
الله ياخذج نجيه البنيه راح يصير بيها شي من وراج
دخل ابوها عليه
خطيه كاعد من النوم مرعوب شعره مخربط
لابس دشداشته مكلوبي
علي....اعتذر منك قلقنا نومتك
ابو ايمان....شكو شبيها ايمان تبجي
علي...اذا مستعد تسمعني احجيلك قصتي كلها
من البدايه للنهايه واذا ما تكدر تسمعني هسه
اروح وارجع عليكم باجر
ابو ايمان...اسمعك اريد افتهم ايمان ليش تبجي هيج
شصار ليش هيج منهاره
علي....اني قصتي غريبه شويه وماكنت ناوي احجيها الاي احد لان اعتبر نفسي بديت من جديد
بس هسه لازم احجيها واتمنى تقدر موقفي
انت انسان عاقل
ومحد راح يفهمني مثلك
بديت احجيله قصتي من بدايتها النهايته
جمانه السعيدي
ابو ايمان..شنو هذا الحجي شنو تبدي من جديد ..ليش ماحجيت قبل الخطبه انت شنو تضحك علينا عندك أهل وكلت ماعندي
مزوج وتكول اختي شنو احنا كدامك مضحك اغبياء
هاي الاشياء الي حجيتها مهمه
مو مال تنظم وخاصه بهيج موضوع الزواج
ارتباط مو لعبه مهزوم من اهلك
وابوك متبري منك ومزوج وحده بكد امك
علي....اعتذر ولله اني ردت افتح صفحه جديد
اني احب ايمان شنو ذنبي اذا ابوي واحد ماكو بكلبه رحمه وطردني
المهم اني من طلعت من بيت اهلي ما نحرفت
ماسويت شي غلط بلعكس اشتغلت وكونت نفسي
اما بلنسبه النجيه
زواجنا مو زواج خقيقي اني ازوجتها بس حتى اساعدها
واحميها ابد ماقربت عليها
لاتنسى هيه وعمي فتحولي بيتهم وعاملوني احسن معامله
مايصير أدير وجهي وامشي عنها بعد ما مات عمي
حتى رب العالمين يكول بكتابه الكريم
هل جزاء الإحسان إلا الإحسان
بعد ماعشت بيتهم واكلت زادهم اعوفها واروح
مره حبيره لا تعرف تشتغل وتعيش نفسها
ولا تعرف تحمي نفسها
اني بعت بيتها القديم وجبتها هنا حتى احميها من كلام الناس واني الي اقترحت عليها تكول اني اخوها
لان الناس ما ترحم
ولأن اني اصلا عايش وياها مثل اخوها فعلا
وعمري ما قربت عليها ماحبيت احجيلكم قصتي
مو قصدي اضحك عليكم
بس خفت اذا حجيت قصتي
ماتقبلون تنطوني ايمان اني متأكد لو حاجي
قصتي قبل لا اخطب
مستحيل تقبل ازوجني ايمان
ولله من كد حبي الها خفت اضيع مني
حقكم ازعلون عليه
وحقكم كلشي تسوون بس بلاخير اني بشر
والبشر خطاء
اني اعتذر منكم وواحد وواحد
ابو ايمان....ارجع البيتك هسه وخل تهدء الأمور ويصير خير
علي...شكرا عمي شكرا لان سمعتني
اريد اكلك شي اني مستحيل اتخلى عن ايمان
لان احبها واموت عليها
ومستعد الكل شروطكم بس ترجع ايمان اليه
جمانه السعيدي
علي...طلعت رجعت للبيت لكيت نجيه تنتظرني
نجيه...ووين ايمان
علي...خربتي حياتي الله ينتقم منج ايمان بيت اهلها
صعدت خليت تراكي بعلاقه ونزلت
نجيه...وين رايح بهليل باجر ترجع لا تخاف
مارديت عليها طلعت كبل للكراج وصعدت الكربلا
وصلت قبل أذان الصبح بنص ساعه
زرت وصليت صلاة الزياره
وكمت ابجي مقهور حيل مقهور ليش حياتي هيج مخربطه ليش مااكدر افرح
ليش مكتوب عليه التعب والاذيه
ليش اهلي موجودين واني محروم منهم
ليش شلت مسؤليه جبيره واني بهذا العمر
الي بعمري طالب جامعي وعايش حياته ومتونس
واني مكسور ضهري من العتيك
وعايش بعيد عن اهلي
وتالي مااعرف مصير زواجي شنووو
مااعرف ايمان ترجعلي لو لا
وأهلها راح يسامحوني لو يعتبروني جذاب
وانسان مو ثقه
احس حياتي تخربطت ومااعرف شلون ارجع ارتبها من جديد
لو بس عندي اب محترم وانسان حقاني
مصار وياي كل هذا الشي
على الاقل هسه اني بيت اهلي عايش ومرتاح
صليت صلاة الصبح ونمت بلصحن
كعدت ثاني يوم طلعت غسلت وتريكت ورجعت كعدت بلامام الحسين اصلي واستغفر الصلاة الضهر
بقيت ٣ ايام بكربلا من رجعت مريت على اهلي
بس فتحت الباب ودخلت وشفت امي
حضنتها وبجيت
احس نفسي طفل تايه عن اهله
امي...اسم الله ليش تبجي ياستار يمه علاوي شبيك
علي....يمه ايمان عافتني
امي...ليش ياستار
علي....عرفت نجيه زوجتي مو اختي
امي...ميخالف يومين اتلاثه وترجع يااا تبجي على ايمان
علي...احبها يمه ولله احبها
اذا عافتني اموت كل عمري ايامي سوده ومصخمه
من عرفت ايمان تغيرت حياتي
صارت حلوه
امي....لا تزعل اني اروح اصالحها
اخذ خواتك ونروح نتعرف عليها
بعد شتريد
علي...وابوي
امي...مالك شغل راح اكول سجلنا للزياره
وأخذ خواتك كلهن خمستهن حتى نتعرف عليها
علي...تحجين صدك
امي....اي بعد كم يوم اربع اوخمس ايام
لاتخاف اذا تحبك ترجعلك واذا اهلها ناس
محترمين يرجعوها
لان انت مالك ذنب بكلشي صار وياك
اصلا هنيالها جبيرت بخت لان صارت من نصيبك
علي...بعدني احجي ويا امي سمعنا الباب اتفتح ودخل ابوي
امي....روح اصعد بلبيتونه لمن ينام وانزل
علي...سويت الدرج خطوتين
ساعه ونص اني محبوس فوك علما تغدا ودخل نام يله نزلت
طلعت من بيت اهلي صعدت من الكراج راجع البيتي
انتظرونا....