رواية من قلب العتيك الفصل الثامن 8 بقلم جمانه السعيدي
@الجميع
علي...اخذت الرساله وياي اول ما طلعت رحت على شارعهم كبل
صرت كبال بابهم وصحت بصوت عالي عتيك للبيع
شويه وطلعت
بيدها حديده زغيره على اساس تبيعها
قربت عليها
علي...صباح الخير
ايمان...صباح الخير
علي...يامحلى هلصباح
ابتسمت
علي....يبو عليه شنو هلابتسانه الحلوه
ايمان....انت صدك تريد تزوجني لوجاي تلعب
علي...العب شنو اللعب اليوم اجي احجي ويا ابوج اذا تقبلين
ايمان....تحجي صدك
علي...ابوج هنا احجي ويا هسه
ايمان....لا بلدوام
صاحت امها ايمان وينج
ايمان. اي اجيت اجيت
علي...هاج هاي الرساله كتبتها اللج
اخذت الرساله ودخلت للبيت
اني فعلا احبها واريد ازوجها لازم اخطبها بأقرب وقت ممكن
من رجعت للبيت الضهر
كعدنا نتغدا اني ونجيه
علي.....اريد احجي وياج بموضوع مهم
نجيه....كول اسمعك
علي...اني لكيت بت حلال واريد اخطبها
راسا وكعت الخاشوكه من ايدها
نجيه...شنو
علي...مثل ما سمعتي خوش بنيه وبت حلال سئلت عنها وعن اهلها خوش ناس
بقت ساكته وبطلت تاكل
نجيه...جيب امك تخطبلك اني مااروح وياك
علي.....شلون ماترحين وياي باجر من تجي ايمان وتعيش هنا وتشوفج شراح اكللها
انتي اختي الجبيره كدام الناس وانتي الي ترحين وياي
نجيه...مااروح مااكدر جيب امك تخطبلك
علي...شلون اجيب امي شلون اكول هاي امي
ونجيه اختي وانتن نفس العمر
بعدين مااتوقع امي تكدر تجي اذا يعرف ابوي مراح يخليها تجي تخطبلي
خل يكون بعلمج اني مراح اكول هاي زوجتي كدام اهل العروس
نجيه...ليش شبيه تخاف افشلك شناقصني
علي.... اذا عرفو احنا مزوجين مراح يقبلون ينطوني بتهم
مادام احنا اني وياج زواجنا فقط على الورق
يعني اني مامزوج
نجيه...بس اني ما موافقه
علي...على شنو ما موافقه
نجيه...تزوج شنو تزوج وجيبها هنا تعيش وياي
علي....اني مامحتاج موافقتج هاي اولا
ثانيا اني متفق وياج قبل لا نعقد اني ازوج واكون عائله
ترديني ابقى هيج طول عمري
ليش انحرم تكون عندي عائله حالي حال الشباب الي بعمري
اذا وافقت او رفضتي اني راح اخطب وازوج
واني ما ضحكت عليج هذا الاتفاق من البدايه
جمانه السعيدي
نجيه....مااخطلبك ولا اجيبها هنا
علي...خلاص نبيع البيت وكلمن ياخذ حصته
اني اخذ حصتي ازوج بيها حتلو اعيش ايجار
وبعد مالي شغل بيج اني الحد الان ما قصرت وياج بشي
وهذا اتفاق الزواج من البدايه
اني اتفقت وياج
زعلت نجيه دخلت غرفتها وبعد ما طلعت
اني دخلت نمت ساعه وطلعت للشغل
فتت من شارعهم بس سمعت صوتي طلعت راسها
وضحكت
شمرت رساله بابهم ودخلت
قربت العربانه حيل على بابهم وأخذت الورقه
مشيت شويه عن بابهم خاف يشوفني احد
فتحت الورقه كاتبه بيها
اذا تحبني صدك تعال خطبني من ابوي
لاتخاف ابوي ماعنده طلبات هواي يكيف وحده من عدنا تزوج وتنستر
علي...فرحت من قريت الرساله
قررت اروح الاهلي هم اشوف امي وخواتي
وهم احجي الامي واشوف رائيها شنو
ثاني يوم طلعت من الصبح وصلت الساعه ثمانيه اله ربع
بقيت واكف بلركن منا لمن طلع ابوي للدوام
دخلت للمطبخ صباح الخير
امي.. هله ولله كلبي اليوم يكول راح اشوفك
شكد مشتاقتلك ياحبيبي
علي...مو بكدي حضنتها وبستها
دخلت جوه شفت خواتي وسلمت عليهن
انطيتهن مصرف ورجعت الامي بلمطبخ
علي.....عندي موضوع اريد احجي وياج بي
امي....يالله انشاء الله خير
علي...اي طبعا خير راح ازوج
امي.... مبروك يا وجه الخير كله
علي...لكيت بت الحلال وراح ازوج
امي....يالله خطبتها
علي...لا بعدني اجيت احجيلج عنها وشلون عرفتها
يمه مو بنيه تخبل
امي بلعافيه حبيبي
علي....شلون اخطبها
امي.....يعني شنو
علي....غير تجين وياي منو يخطبها اليه
نجيه ماتقبل
امي...شنو ما تقبل بكيفها هذا الاتفاق قبل الزواج
لايكون نجيه صدكت بهذا الزواج
علي....مااعرف بس اني اريد هاي البنيه
راح ازوج بالطابق الثاني ونجيه تبقى بلطابق الاول
امي....اي شنو المشكله
علي...تجين انتي تخطبيلي
امي...وابوك شراح اكله وين رايحه
علي....اي شي امي دبري اي حجه فدوه اروحلج
جمانه السعيدي
مااسمع غير باب المطبخ انفتح ابوي رجع ناسي اوراق
بلبيت وسمعني واني اكول الامي تجين تخطبيلي
امي واكفه بلمطبخ واني واكف بصفها واحجي وياها
دفع الباب ابوي وكبل مد ايده طلع المسدس من حزامه
سحب أقسام صار قريب عليه
مديت ايدي رفعت ايده الي بيها المسدس فوك
الطلقه طلعت بلسكف
هو يدفعني واني ادفعه وامي تعيط
اخواتي اجن يركضن امي تحاول تبعده عني
اصيح علي يارجال ما تخاف الله كافي
اخذت المسدس من ايده ودفعته حيل وكع على الكاع
فتحت باب المطبخ وركضت شمرت المسدس بلكاع
وطلعت اركض الراس الشارع
وهو يصيح وراي رجع المسدس حيوان
علما وكف على حيله وطلع من المطبخ وشاف المسدس
بلكاع ودنك شاله
وطلع وراي اني طلعت من الشارع كله
اركض مثل الطلقه سريع اسرع مما تتخيلون
منا لمن وصلت مسافه بعيده يله وكفت
اجت تكسي اشرتلها صعدت للكراج ورجعت
البيتي
بعد الله اعلم شراح يسوي باامي
مجرم ماكو بكلبه اي رحمه اليوم رجع للبيت على عيني
بس لو متأخر شويه جان قنعت امي تجي تخطبلي
جمانه السعيدي
رجعت للبيت كلش ضايج روحي طالعه
اجت نجيه
نجيه.. الله يساعدك
علي...هله
نجيه....احضرلك اكل
علي...لا مااريد
نجيه....انت زعلت مني
علي...باوعت عليها ومارديت
ماتدري اني اليوم على لحظه بسيطه جان متت
ابوي قاسي ماعنده مانع يكتلني والشرطه كلهم ربعه
يدبروله حجه ويطلعو
مارديت على نجيه
نجيه....اني مو امنعك من الزواج بس خاف اجيب وحده
تعذبك وتعذبني
علي.... ابيع البيت وااجر بيت وازوج
خوما ابقى هيج طول عمري اريد استقر اريد اطفال
نجيه...اذا بعت البيت اني وين اروح شلون اعيش
علي...مشكلتج انتي من البدايه كلتي موافقه
على شرط زواجي
ليش رجعتي بكلامج هسه مادام رجعتي بكلامج
اني هم ارجع عن وعدي العمي سلمان
بعد مااكدر اعيش وياج اكثر
نجيه.. انت تكرهني
علي...ليش اكرهج لا ما اكرهج ولا عندي اي مشاعر اتجاهح بس اني شاب اريد اعيش حياتي
وانتي ما تقبلين نبقى بيت واحد ونعيش سوه
نجيه...خاف تغيرك عليه خاف تطردني من البيت
علي...نص البيت باسمج شلون اطردج
بس انتي امشي على الاتفاق واعتبرها مثل بنتج
احتمال يصير عدنا اطفال
والبيت يصير بي حس بمكان ما مكابله الحياطين طول النهار اكو وحده تسولف عليج ااكو جهال
تلعبين عليهم عاحبج هذا الحال
اني وياج واحد مكابل الثاني عبالك بومه
نجيه ...موافقه ازوج
علي...باجر اروح احجي ويا ابوها وراح اكول
بس اني واختي عايشين بهذا البيت
اكول هاي اختي وأم البيت
لا تفشليني وياهم
ردت عليه بزعل وحزن ميخالف
ثاني يوم من طلعت اول ما وصلت شارعهم شفته واكفه
بلباب من الصبح
هلكد ما بيضه تلج من بعيد
بس شافتني رفعت ايدها
وصلت يمها
علي...شعندج بلباب
ايمان...انتظرك ما شفتك امس مااجيت بلشارع
علي...ممنوع اشوفج واكفه بلباب حتلو علمودي
ايمان...شلون اشوفك
علي....من اصير بابكم اصيح بصوت عالي
عتيك عتيك مرتين ساعته اطلعي
مو واكفه والناس تباوع عليج
ايمان...ووين الناس الشارع فارغ
علي...حتلو فارغ لا اطلعين ممنوع
ايمان...صار
علي...اليله اجي احجي ويا ابوج
ايمان...صدك تحجي صدك
علي....انتظري وشوفي شلون راح اجي بيتكم بعد العشى
ايمان....اوي فدوه حبيبي
علي...الله شكد حلوه هاي الكلمه طالعه من حلكج
ايمان...انتظرك مو تتاخر
علي....لا مااتاخر يله ادخلي
علي...رجعت بيومها من وكت رحت للحلاق
حلقت شعري واشتريت قميص وبنطلون وحذاء جدد
بعد العشى سبحت وبدلت وطلعت على بيت اهل ايمان
دكيت الباب سمعتها كالت منو
ضحكت هاي منتظرتني ورا الباب
علي...اني علي ابوج موجود
ايمان...اي موجود
جمانه السعيدي
طبعا هيه ما كلتلهم على الموعد لان تخاف يسئلوها منيين عرفتي بس باقيه تنتظرني
طلع ولد شاب بعمري تقريبا
علي....السلام عليكم
محمود....عليكم السلام
علي...ممكن اشوف الوالد
محمود...تفضل
دخلني بلاستقبال جوه وراح جابلي مي
شويه واجا ابوها
علي....شلونك عمي
ابو محمود...اهلا وسهلا
علي...انت ما تعرفني
ابو محمود...لا زغر بيك مااعرفك بس هله بيك
علي....اني شاب اشتغل خير من الله وعندي بيت
ملك ساكن بي اني واختي الجبيره
اليوم جاي اطلب ايد بتكم ايمان
سمعتكم الطيبه جابتني
ابو محمود....شمعنه ايمان انت تعرفها
علي....لا مااعرفها بس اختي جايتكم مره هنا وشايفتها
ونعجبت بيها وعلى مدح اختي اجيت اطلب ايدها
واتنمى تقبل هذا الطلب مني
ابو محمود.....وين اهلك عمامك خوالك ليش جاي وحدك
علي...اني ماعندي احد بس اني واختي
عمامي بغير محافظه صعب يجون
اني راح انطيك اسمي الكامل وعنوان بيتي
وأخذ وقتك اسئل عليه
اذا وافقت تصيرون اهلي
واذا ماوافقت احترم رائيك بلاخير كلشي قسمه ونصيب
ابو محمود... اي انطينا عنوانك اسبوع ونرجعلك خبر
انت شتشتغل
علي... اشتغل عتاك بس شغلي خير من الله
طلعت من بيتهم واني ادعي ابوها يوافق
بسلا يصمم على سالفه عمامي وخوالي
شلون بيه هيج راح تخرب الخطبه كلها
انشاء الله ما تخرب وتصير ايمان من نصيبي
رجعت للبيت بس دخلت
طلعت نجيه من غرفتها
نجيه... هااا رفضوك
علي.... شنو هلفال شنو رفضوني
نجيه...ليش وجهك عابس شصار
علي.. ماصار شي طلبو وقت يفكرون ويرجعولي خبر
نجيه...هاااا ايجوز يرفضون
علي....انتي بيش طالبتني البنيه احبها وتحبني
ليش تكولين هيج
نجيه...من يمتى تحبها وتحبك
علي...من زمان
نجيه....ولله ساقطه تحبك وتطلع وياك بدون ما يعرفون اهلها
علي...اني كتلج تطلع ويااا
نجيه...شلون حبيتها اذا ما تطلع وياااك
تر هيج بنات تتمعشك ويا الولد تخوف
شلون راح اتأمنه على بيتك
علي...شو روحي من وجهي ترا محترك دين اهلي
بهاي اللحظه بلذات نجيه جانت تعتقد اني اريد ازوج
علمود العلاقه بين الرجال والمره
لان ماتصير بيني وبينها علاقه اني اريد ازوج
ماتعرف اني مااشوفها اصلا ولا عندي اي احساس اتجاها
دخلت غرفتي لان استفزتني بكلامها
طفت الضوه وتمددت ما شاغلني غير اهل ايمان
خاف يرفضوني
شويه انفتحت باب الغرفه
دخلت عليه نجيه فاتحه شعرها ولابسه ثوب
طويل نص ردن اول مره بحياتي اشوف شعرها
واشوفها بهذا الشكل
انتظرونا.......