رواية من قلب العتيك الفصل الحادي عشر 11 بقلم جمانه السعيدي
جمانه السعيدي
علي...كعدت ايمان من النوم اتريكنا كلنا سوه وبدت تحضر بلاكل ونجيه كاعده وتباوع عليها
وكل شويه وزمخت بيها هذا شنووو
موهيج فاهيه شورطنا ويا وحده ثوله مثلج
علي..ما تحملت كلام نجيه عليها .رحت اخذت ايمان من ايدها وصعدنا فوك
قفلنا الباب ونمنا اني وياها
بقت نجيه وحدها خليها تطبخ براحتها
كعدت العصر نزلنا اني وياها لكينا نجيه ماطابخه
نايمه بغرفتها
علي...ايمان لا اطبخين راح اجيب كباب واجي بسرعه
طلعت رحت جبت كباب ورجعت
كعدنا ناكل اني وايمان وعفنا حصة نجيه على الطباخ
كعدت العصر
نجيه...هااا تخاف على المحروسه رحت جبتلها كباب
ايمان...عمه ليش هيج تكرهيني اني شسويت
نجيه....بعد شسوين خليتي الولد يركض وراج
ايمان...غير عرسان جدد
نجيه.... من البداية وغيرتي عليه شلون بعدين
علي...شلون غيرتني عليج
اني رجال جنت اطلع من الصبح وارجع بليل
اكل لكمه وانام لا طالع وياج ولا كاعدين ومسولفين
بيش غيرتني عليج ليش ما تحترمين عمرج
وتخليني محترمج
هزت ايدها ودخلت بغرفتها الظاهر ما عجبها الحجي
اجن خوات ايمان وامها يشوفنها اني صممت يبقن عدنا للعشى
نجيه ماطلعت عليهن ابد بقت كاعده بغرفتها
ام ايمان....شبيها اختك ماتريد الخطار
علي...لا مريضه البارحه بقينا وياها للصبح
ام ايمان...سلامتها
علي...رحت جبت عشى جاهز وكعدنا تعشينا كلنا سوه
الساعه عشره بليل راحو اهل ايمان
صعدنا نمنا بغرفتنا فوك
اليوم الي بعده عفت ايمان نايمه وطلعت اشتغل
بعد مو مال كعده بلبيت اكثر
رجعت الضهر شفت ايمان منظفات البيت وطابخه
بس شكلها ضايجه
علي...هلو حبي ليش الحلو ضايج
ايمان...ماكو شي
علي...نجيه حجت عليج
ايمان....خبلتني ليش كاعده من النوم متاخره
بقت تحجي عليه
علي....معليج بيها حبيبتي
ايمان...اني هم سكتت اكول مره جبيره مااخلي عقلي وياها
علي...عوفي كلشي وتعالي مشتاقلج
ايمان...بس اطفي االجدر
طلعت نجيه على صوت سوالفنا
نجيه....اجيت هله بيك
علي...مارديت عليها وعناد بيها اله اخبلها
شلت ايمان وصعدنا فوك
نجيه....اي ام السحوره خلته حتى السلام مايرده عليه
عساها بحظج وبختج يلخايسه
علي.. طبكت الباب
ايمان...سمعتها شتكول عليه
علي....خليها تلغي وتسكت هاي بطرانه
وين لاكيه وحده مثلج خادمتها خليها تحجي وتسكت
جمانه السعيدي
نمنا والعصر كعدنا تغدينا واني طلعت للشغل
علي...مالج شغل بيها اذا ما يعجبج كلامها
اصعدي لغرفتج واطبكي الباب عليج
شغلي تلفزيون وعلي الصوت حتى لا تسمعين حجيها
ايمان...لا راح اسبح وانظف واحضر العشى
علي...لا تعبين نفسج ياروحي انتي شنو اجيبلج وياي
ايمان...بكيفك
علي...من اطلع يبقى كلبي يمها اخاف عليها
نجيه مو هينه خاف تسوي بيها شي
رجعت المغرب تعبان دخلت سبحت
ايمان...عمه نجيه طلعت من طلعت انت وهسه قبل شويه اجت جايبه وياها علاكه
دخلت بغرفتها وطبكت الباب
علي.. عوفيها مالج شغل بيها
كعدنا نتعشى اجت نجيه تتعشى ويانا
نجيه....مو تنسى اليله
علي...رفعت راسي باوعت عليها
نجيه...شبسرعه نسيت
ايمان...شكووو اكو شي اليله
نجيه....اي شغله مواعدني يسويها بليل وجاي اذكره بيها
ايمان...شنو هاي الشغله
علي...لا تدخلين بيني وبين اختي
ايمان.. احنا مو عائله وحده ليش تحجون بلاسرار
علي...الحمد لله شبعت
ايمان...بعدك مااكلت
علي....شبعت بعد مااريد راح اكعد باب الشارع من تكملين الجاي صيحي عليه
علي...كعدت برا شكد ندمان لان قبلت ازوج نجيه
جان رايح مشتغل بغير مكان
ولله كسرت خاطري لان ماعدها احد يسئل عنها
ولا تعرف تشتغل وعمي سلمان وكف كدام عيني
بس هسه ندمان
لو عايفها وعايش حياتي
احسن من هذا الوضع الف مره
شرطت عليها زواجنا بس على الورق وازوج
وحده غيرها وهيه وافقت
ليش جاي تحاربني اني لا مقرب عليها
ولا مسمعها كلمه حلوه كل وأحد منا جان عايش بعالم يختلف عن الثاني
ليش من قررت ازوج تخبلت عليه
عود صدك تحبني شلون تحبني واني ازغر منها ٣٠ سنه
وين اكو هيج حب
يااحب يابطيخ اني ماعندي اي مشاعر اتجاها
هسه اني ليش ورطت نفسي اذا احجي الايمان اكيد راح تزعل
ويمكن تطلب الطلاك
شلون ارفع عيني بعين ابوها هذا الإنسان الخير
شلون راح أفهمه هذا الموقف
هسه يكلون ازوج نجيه طمعان بيها لو شما احجي محد يصدك اني ازوجته حتى اوكف وياها واساعدها وبس
اذا طكت نجيه وبعت البيت راح تفضحني
وفلوسي ما يجيبن بيت
اذا سكتت هيه مجاي تسكت محاربه هاي المسكينه حرب
كله مني اني السبب
هاي الجذبه راح ادمرني
اني ماجذبتها على أهل ايمان
اني اختاريت هاي الجذبه حتى الناس تبطل تحجي علينا اني ونجيه
غير كون نجيه تقدر الموقف
استغفر الله هسه بس تعرف ايمان اني ونجيه مزوجين
راح تطلب الطلاك
واذا سكتت نجيه ما تقبل تعوفني بحالي
جمانه السعيدي
جابتلي الجاي ايمان بلشارع
علي....تحبيني
ايمان....يااا هذا هم سؤال طبعا احبك واموت عليك
علي....واذا بيوم بدون قصد غلطت بحقج تسامحيني
ايمان....شلون يعني تغلط بحقي ان اعرفك زين
مستحيل تغلط بحقي
علي...اذا اني كلت اذا تسامحيني
ايمان....يعني شنو الغلط مثلا
علي.....ازوجت عليج
راسا كمزت وخنكتني ولله اموتك اموتك خلاص
شنو تزوج عليه
انت تلكه وحده بحلاتي ووحده تحبك وتخاف عليك من الهوا الطاير
علي....يعني ما تسامحيني
ايمان.. ليش تحجي هيج جاي تشاقى مووو
علي....اي اتشاقا وياج حبيبتي
كملتي شغلج
ايمان...اي كملت
علي...اصعدي فوك بغرفتج وبعد لاتنزلين ابد
اني راح اطلع مشوار زغير وارجع
حتلو تصيح عليج نجيه لا تطلعين شغلي التلفزيون
وكعدي منا لمن ارجع ااوكي
ايمان.. ااوكي
علي..... بقيت منتظرها منا لمن صعدت
رحت بغرفة نجيه
دخلت وقفلت الباب
علي....من يوم عرفتج واني اشوفج انسانه محترمه
وعلى هذا الأساس جنت اتعامل وياج
من مات عمي ووصاني عليج جنت احس بلمسؤليه
كلت خطيه ماعدها احد وما تكدر تشتغل
طلعت من البيت حتى الناس لا تحجي عليج
اااجرت مشتمل وبقيت أشتغل
وانطيج فلوس يعني ما تخليت عنج
من عرضتي عليه الزواج رفضت بشده لان اني وياج
مايصير نزوج فارق العمر جبير بينا
واني ماعندي اي مشاعر اتجاهج ولحد هاي اللحظه ماعندي اي مشاعر اتجاهج
من رجعت وشفتج تبجين لان الجوارين تعدو عليج
ماقبلت ماقبلت احد يحجي عليج لو يقهرج
وماقبلت الناس تحاسبج ليش يحاسبونج
هما شنو دخلهم بحياتج
قررت ابيع البيت واغير المنطقه كلها حتى لا اضوجين
وتنقهرين بس هنا جنت غلطان
المفروض من سمعت الناس تحجي عليج وعليه
لان ازوجنا المفروض اطلكج واطلع من حياتج
اعيش حياتي بعيد عنج ومالي شغل بيج
تعيشين تموتين اعيش حياتي وبس
عفت المنطقه كلها علمودج اشتريت بيت
وانتي كلتي بلسانج سجل البيت باسمك ما قبلت لان انتي بعتي بيتج وذهبيج
دافعه ثلثين فلوس البيت واني دفعت ثلث
كتلج لا نسجله بلنص كل واحد نص هذا حق رب العالمين
جمانه السعيدي
اني شرطت عليج اذا اقبل بهذا الزواج
تقبلين ازوج بلمستقبل هذا كان الاتفاق بينا
صح لو غلط احجي كلامي صح لو غلط
نجيه...صح
علي...اني اريد اعرف ليش تغيرتي ليش تحاربيني
ليش ماتعوفيني اعيش حياتي
البنيه حبابه وخادمتج واني ما مقصر وياج
ليش تغاربن اني ماكان بيني وبينج اي شي
لا مشاعر ولا علاقه يعني ما تغيرت عليج
احنا على وضعنا القديم نفسه بلعكس قبل بيتنا
بارد ومابي مشاعر ارجع من الشغل نتعشى ونام كلمن
بغرفته
هسه ايمان سوت للبيت أجواء حلوه
اريد اعرف ليش تغيرتي عليه وشنو الي يرضيج
حتى تعوفيني اعيش بسلام
نجيه...احجي الصدك
علي...اني اريد الصدك
نجيه....من طلبت منك الزواج ماجنت ناويه على اي شي
بس اريد واحد وياي بلبيت
جنت خايفه اعيش وحدي وانت انسب واحد
لان اعرفك واعرف اخلاقك زين
كلت محد يحميني ويحافظ عليه غيره
موقصدي زواج حقيقي
حتى من كلت ازوج وافقت لان اني ما معتبره هذا الزوج حقيقي
بس من عشت وياي وبديت تهتم بيه
وتخاف على زعلي وتسألني شنو محتاجه
ومن شفتني ابجي لان الحيران يغلطون عليه
وكلت بعد مانكعد هنا دقيقه وحده
كل هاي التصرفات حركت مشاعري مو بكيفي
اني احبك اعرف هذا الكلام بلنسبه اللك مو معقول
بس ولله مو بكيفي اني احبك
من اشوفك احس نفسي بعمرك ويمكن ازغر منك تعلقت بيك
اني كل عمري محرومه من المحبه ولاهتمام
من دخلت حياتي غيرتها
من سمعتك تريد تخطب وتزوج اشتعلت نار الغيره بكلبي
اليلة الي خطبت ماكدرت انام للصبح
عيني مانامت وروحي ما هدئت اني احبك
وابد مااخجل من اكول احبك
انت زوجي على سنة الله ورسوله
من اشوفك تسولف ويا ايمان وتضحك اموت اموت
مااكدر اتحمل
علي...شنو الحل هسه
نجيه...تعاملني مثل ما تعاملها
علي.. مااكدر اني احبها وماعندي اي مشاعر اتجاهج
نجيه...لان انت شارد مني لو تقرب مني مثل ما تقرب منها
راح تحبني
اني شنو ناقصني
علي...... ما ناقصج شي بس اني ماكدر احبج
خليج عاقله ليش تخربين حياتنا بتهورج هذا
اكعدي وفكري زين اني وياج مستحيل تصير بينا علاقه
نجيه....مراح اكدر اتحمل بعدك عني لو اتحمل اكو وحده تأخذك مني
علي....اني اكدر ابيع البيت وكلمن ياخذ حصته واطلكج
بس باقي على العشره
وصية عمي سلمان مااريد يكولون ضحك عليها وأخذ حلالها وطلكها
اريد تبقين محترمه بعيون الناس
نجيه....لا اني مااكدر اعيش هيج اني ما طالبه شي
طالبه العداله بيني وبينها
علي......يعني مصممه على المشاكل
نجيه.. انت الي تريد مشاكل ليش تريدها سعيده على حساب سعادتي
انت اذا ليله يمي وليله يمها مراح ينقص عليها شي
علي...شلون شلون وهيه تعرف انتي اختي
شلون ابات يمج حتلو كتلها مريضه
راح تنزل تطمن عليج
نجيه...مااعرف اتصرف اني اكول تصارحها بلحقيقه
تكول هاي زوجتي
حتى تتقبل الموضوع انت ليش خايف
خليها تعرف احنا مزوجين شراح تسوي مثلا
هيه تحبك ومراح تعوفك وترجع البيت اهلها
فكر زين
انتظرونا....