رواية من قلب العتيك الفصل العاشر 10 بقلم جمانه السعيدي
@الجميع
علي....بديت استعد للزواج اشتريت غرفة نوم
وامي دزتلي غراض بيد ولد سايق من منطقتنا
فرشة جربايه حلوه مال عرس وثنيين فرشات عاديات
وبرده ومنشفه وخأوليات ثنيين ودزتلي ثنيين فساتين مخيطتهن للعروسه يخبلن وعلبة مكياج وعطور
اخذت الفساتين ونطيتهن الايمان
ايمان...الله شنو هلذوق الحلو عاشت ايدك
يخبلن ياا وتعرف تشتري مكياج
ذوقك حلووووو
علي...طبعا حلو لوما حلو مجان اختاريتج
تستاهلين حبيبتي
ايمان....اخواتي يكولن شنو ماعنده احد يفرحله
راح نسويله عرس يخبل الناس تحجي بي
علي...الله يحفظهن
كلت بكلبي عندي خمس خوات بس الشيطان ابوي
مايقبل يحضرن عرسي
ايمان...وين صفنت
علي...وياج حبيبتي استعجلي بلتجهيز خل نزوج بسرعه
ايمان...بس هذا الأسبوع
علي...خلي الزواج بيوم الخميس
ايمان....خاف مالحك
علي....شنو ماتكملين الملابس تارسه السوك ورا العرس
اخذج تشترين اي شي يعجبج
استعجلي حبيبتي
ايمان...هاي هيه اتفقنا الخميس
علي...تمام
ايمان...اربد اسئلك على اختك شبيها مريضه عدها حاله نفسيه ليش هيج عازله نفسها وعبالك تكره الناس كلها
علي...اي حالة نفسيه تعرفين جبيره وبعدها مامزوجه
ااكيد اضوج
ايمان...لا تخاف بس نزوج ابد مراح اعوفها سوالف وضحك
واطلعها من حالتها هاي
علي....كلت بكلبي خاف هيه تخبلج الله يستر من الجاي
وصلنا اليوم العرس شكد فرحان ومقهور بنفس الوقت
هذا احلى يوم بحياتي المفروض هسه خواني
واهلي وياي
ليش وحدي شنو الذنب الي ارتكبته
ليش عايفيني وحدي
بااحلى يوم بعمري
ايمان...شبيك حبيبي ليش ضايج خوما تريد ترجع بكلامك ترا حتلو تعوفني مااعرفك
اني لزكه شبيك اضحك اكو واحد بيوم عرسه هيج مغندب
وصلنا للبيت احنا مسوين عشى بسيط
وعازمين كم واحد من الجوارين تعشت الناس
وخلصت الهوسه
اجو يزفوني على العروس مابقا بلبيت غير
اهل ايمان خواتها وامهن
خواتها ينظفن بلبيت وامها صعدت فوك بلغرفه يمها
جماعتي صاحو يله زفه زفه راح نزف العريس
جمانه السعيدي
بس دخلنا للبيت اسمع خوات ايمان يصيحن بلمطبخ
يااا طاحت طاحت شبيها
يااا شبيها
دخلت قبل الولد الي جاي يزفوني للمطبخ لكيت نجيه واكعه بلكاع
والبنات يفرجلها
علي...شو شويه شلت راسها بايدي وضربتها على كيف على خدها
علي...نجيه نجيه حاجيني
عبالك ميته لا تحرك ايد ولا رجل بس النفس يطلع وينزل
شلتها اني والبنات دخلتها غرفتها
خليت على وجها ماي فتحت شيلتها
علي...نجيه نجيه شبيج
كرصتني من ايدي مرتين
باوعت عليها البنات فوك راسي بلغرفه
كلنا خفنا عليها
علي...نجيه شبيج نجيه ضربتها على خدها
بللت ايدي وخليتها على وجها
رجعت كرصتني من ايدي
افتهمت هيه تريد تحجي شي بس لان البنات فوك راسي واكافات
حتى ام ايمان نزلت من فوك من سمعت الهوسه
علي...من رخصتجن بنات ممكن اطلعن برا شويه
البنات طلعن من الغرفه واني قفلت الباب وراهن
علي...شبيج فهميني اخذج للمستشفى
جان تكعد على حليها كلشي مابيها
علي....هاي شنو مابيج شي
نجيه....انت ازوجت بلخير عليك واني اطالب بشرع الله
ليله الها وليله اليه
مثل ما الدين والشرع يكول اني زوجتك مثل ماهيه زوجتك
علي...بقيت صافن بوجها شويه شكاعد تكول هاي
سوت نفسها تريد تموت حتى تتشرط عليه
علي......انتي اضحكين عليه
نجيه....لا اضحك عليك ولا تضحك عليه
اني زوجتك مثل ماهيه زوجتك ليله يمها وليله يمي
واذا ماتقبل هسه اطلع كدام اهلها وافضح الدنيا
هااا شكلت
علي...انت شبيج ترديني اني انام وياج هاي شلون تصير
صدك تحجين خربتي الزفه وضيعتي فرحتي
الله لا يوفقج كون ماتشوفين الفرح
نزلت من الجربايه وكفت وتخصرت
هسه اعيط والم الناس والجوارين عليك واخلي الي مايشتري يتفرج
واكول اني زوجته ويضحك عليكم لو تقبل بشرطي
ليله يمها وليله يمي
علي...شلون ليله يمج شراح اكلها
نجيه...مشكلتك دبر نفسك انت ماشاء الله ذكي وشاطر
وكدرت تقشمر اهلها وتاخذها منهم بدون مااجيب لابوك ولا عمامك ولا اخوانك
ماصعب عليك شي
علي...نجيه خل هاي اليله تعدي سلامات
وباجر نحجي اني وياج
نحيه.. ولله ما تطلع منا اذا ما توافق ليله الها وليله الليه
علي...افهمي شلون يصير مايصير اني ماكدر أقرب عليج
نفسي ما تريدج
نجيه...شبيه شناقصني شوفني زين
جان ترفع ثوبها تنزعه وتشمره بقت واكفه بدون ملابس
علي...انصدمت درت وجهي عنها
كتلها ميخالف موافق بس خل اطلع هسه
نجيه....اذا اجذب عليه اخرب حياتك
علي.. البسي ملابسج اريد افتح الباب
شالت ثوبها ولبسته ورجعت تمددت فتحت الباب وطلعت
اخوات ايمان هااا شلون صارت
علي...زينه الحمد لله
طلعت للشارع الولد اجو عليه هاا شلونها اختك
خل ناخذها للطبيب
علي.. لا مابيها شي زينه
الولد يله نزفك اجمعو الولد يهلهلون ويصفكون
زفوني الغرفتي فوك
دخلت على عروستي بس مو فرحان مثل الاول
علي...مساء الخير
ايمان......مساء الخير ..شبيك حبيبي اختك شلون صارت
علي. زينه مابيها شي
ايمان....ضجت عليها حقك اختك الوحيده ماعندك غيرها حقك اضوج عليها
علي... يله نبدل تعشيتي لو بعدج
ايمان...منتضرتك نتعشى سوه
بدلنا ملابسنا واخت ايمان صعدت العشى اتعشينا
ونمنا الله لايوفقج نجيه خربتي فرحتي الله ينتقم منج كون صدك تتمرضين كون شلل حتى ما تكومين من مكانج
كعدنا الصبح بلعشره اخوات ايمان منظفات البيت
مخلياته يلمع
وأم ايمان جايبتلنا ريوك مخليته بلمطبخ ورايحه
جمانه السعيدي
غسلت وردت اشيل الريوك اصعده فوك
نجيه...ووين نتريك سوه هنا غير اني منتظرتكم
مو كتلك تتغير عليه
هاي اول شي تريد تتريك انت وياها وتعوفني
ليش مو متعودين نتريك سوه
علي. نجيه اطلعي من راسي البارحه خربتي فرحتي
واليوم من الصبح جايه تعكرين مزاجي
البنيه بعدها عروس تريد تتريك بغرفتها لو اله تكابلج
من الصبح
انتبهي التصرفات زين لاتخربين على نفسج
عيشي وخليني اعيش
نجيه....يعني اذا نتريك سوه اخرب حياتك
علي...مو اليوم غير يوم
اخذت الريوك وصعدت
ايمان...ليش جبت الريوك هنا نتريك ويا اختك
قابل تأكل وحدها
علي...خل نتريك وحدنا
ايمان...ولله مااكل لكمه اذا ماتاكل ويانا
شالت ايمان الصينيه ونزلت جوه
ايمان...صباح الخير عمه
نجيه...عمه عوجت حلكها
ايمان... نتريك كلنا سوه يله علي انزل
علي نزلت من فوك خلينا الصينيه
وكعدنا نتربك
اول ما صبت ايمان الجاي خلته كدام نجيه
ايمان...يله عمه اكلي عوافي
كملنا ريوك ايمان شالت الصينيه غسلت المواعين ورجعته مكانهم
نجيه....طلعي الحم من الثلاجه اطبخي غده
علي...شنو هاي الأوامر ما تكومين انتي شبيج
كل يوم تركضين ركض اليوم شبيج
نجيه.....بصوت عالي غير انت جايبها خدامه اليه
لمن جايه غير تخدمني
علي....لا مو خدامه فهمتي لو لا
ايمان...علي كيفك ميخالف عمتي وجبيره اخدمها
مايصير شي
نجيه....شنو عمتي شفتيني جبيره عمري ١٠٠
لا اني مو جبيره وبيه حيل واكدر اشتغل
بس انتي هنا خدامه اليه فهمتي لو لا
عافت ايمان المواعين من ايدها وصعدت فوك
علي....انتي شبيج الخاطر الله مو مره جبيره ومحترمه
ليش تتصرفين هيج
حتى غده مانريد منج عفتها وصعدت ورا ايمان
نجيه...اااي اركض اركض وراها مخبلتك
علي....حبيبي لا اضوجين
ايمان....ليش هيج تحجي وياي اني شسويت
اني مستعده اخدمها وما اخليها تسوي اي شي تكعد وتسكت واني اخلص كل للشغل
بس ليش تحجي وياي هيج
علي....اني اخوها الوحيد وتغار منج تعتقد راح تاخذيني منها لا تنسين صار سنيين عايشين بس اني وياها
بهذا البيت
هسه اني عفتها ونشغلت بيج
لا اضوحين منها بس تتعود عليج راح تبطل هاي السوالف التعبانة
ايمان...راح اتحمل الخاطرك وبس
علي....ياربي مو بس حلوه لا عاقله ومؤدبه فدوووه
شويه وصاحت نجيه
علي علي جماعتك بلباب
علي...نزلت فتحت الباب كلشي ماكووو
علي...وينهم
نجيه...ملو وهم ينتظرونك وراحو
علي...نجيه ليش ما تبطلين سوالفج هاي
نجيه... اي سوالف كتلهم بعده يم عروسته
وانت ساعه يله نزلت وراحووو
علي....الله لا يوفقج كون
نزلت ايمان طلعت لحم وبدت تطبخ
واني واكف بصفها نسولف ونضحك
جمانه السعيدي
نجيه....من شفتك وشفتني واني اطبخ ليش ماتوكف تسولف عليه
علي.....كل يوم اطلع للشغل يعني مااشوفج من اطبخين
اليوم اني بلبيت
ايمان...تعالي يمنا وسولفي علينا عمه
نجيه...عمه كون عمه يعميج
علي....شلون راح تخلص هاي
العصر اجانا ناس يباركون من الجوارين ومن أقارب ايمان
لليل تعشينا ردت اصعد انام
جان توكف بلدرج نجيه
نجيه...هاي وين اليله ليلتي
علي.....انتي صدكتي نفسج شنو شنو ليلتج
نجيه...ليلتي وتنام يمي فهمت لو لا
علي....راح اصعد واي حركه منج انزل اشمرج بلشارع
مره مستخفه تالي وكتها
راسا عاطت بصوت عالي
ايمان ايمان لحكي عليه
نزلت ايمان من فوك تركض
ايمان...هااا عمه
نجيه...تعاليلي تعبانه تعاي الحكي عليه
نزلت ايمان لزمتها من ايدها ودخلتها غرفتها
نجيه...لا تعوفيني اني تعبانه حيل
ايمان صدكت حيلتها كعدت يمها تفرج بايدها
وتفرج رجليها
علي بقيت واكف بمكاني مثل الصنم
ما مصدك تصرفات نجيه معقوله الغيره تخلي
النسوان هيج اتسوي
علي...كومي ايمان نصعد فوك مابيها شي
ايمان...لا مااعوفها اله اطمن عليها
كلما اغمزلها تطلع من الغرفه بس توكف ايمان
تصرخ نجيه ااي مااكدر لا تعوفيتي
وهذا حالنا للصبح كاعدين يم نجيه
اني اكدر اخذ ايمان واصعد الغرفتي بس هاي مخبله تكدر كلشي تسوي
تعيط وجمع الناس علينا
لو تصعد ورانا وتحجي الايمان الحقيقه
واحنا بعدنا عرسان وتخرب عليه كلشي
للصبح احنا كاعدين بغرفتها
بعدين ايمان نامت بصفها واني صعدت نمت بغرفتي فوك
للضهر يله نزلت لكيت ايمان بعدها نايمه
ونجيه كاعده
طلعت نجيه من الغرفه
نجيه...مو كتلك ليلتي هاي اني اخذتها منك
واذا ما تمشي على الجدول
بين ليله وليله اسوي شغلات اضبط من هاي
انت ماتعرفني زين
اليله ليلة ايمان
وباجر ليلتي فهمت لو لا
انتظرونا.......