استنوا انتو الاتنين شكلكم نسيتوا اني واقف ما بينكم ..وبصعوبه ومحاولة كتتيره لحد ماسابو بعض زين وحازم وهما بيبصو لبعض بشر
ابو سلطانه بص لزين واتكلم بجديه : شكلك متبهدل كده ليه يازين واي اللي عامله في مراتك ده
زين سكت ومردش
كمل كلامه الخال وقال : يبقى الكلام اللي قالته سلطانه بجد وانت اللي عملت فيها كده ..
زين
ابو سلطانه اتنهد ومشي ناحيت زين وقاله : شفت على بنتي حاجه غلط يازين
رفع وشه بسرعه وقال: انت بتقول ايه ياخال لا طبعا
سأل خاله تاني : طب هي زعلتك بحاجه طيب
زين هز رأسه بلأ بخجل من اللي عمله واتصدم بقلم نزل على وشه وهو بيقول: يبقى بتعمل في بنتي كده ليه.. مسك قميصه وقاله بنتي اللي غصبتها عالجوازه دي بتعمل فيها كده ليه يازين ليه..
زين وقف باحترام قدام خاله وقال : معرفش ياخال معرفش اي اللي حصل انا مش فاكر حاجه اصلا
الخال : يبقى بنتي هتفضل معايا لحد ما تفتكر وتقولي حاجه تقنعني بيها .. انت وصلت بنتي لكده ليه .
وسعت عنيه بغضب حاول كتمه وقال: يعني ايه ياخال
الخال : اللي فهمته يازين سلطانه هترجع بيت ابوها لحد ما تقولي مبرر واحد يخليك تعمل فيها كده
زين بغيظ : بس كده مينفعش
الخال بمقاطعة وجديه : لحد هنا وخلص الكلام تقدر تمشي
زين : امشي فين ومراتي
الخال : مراتك معاها ابوها وأخوها مش هتاخد بالك منها اكتر مننا امشي دلوقتي يازين ..
زين لسه هيتكلم ويعترض جاتله مكالمه نفخ بخنقه ومشي بسرعه
في الوقت ده رجعو لاوضة سلطانه وكانت بتعيط خدها ابوها فحضنه وطبطب عليها وقالها حقك عليا يابنتي حقك على ابوكي..
****************
هناء : رد عليا ياكنان ايه اللي بيحصل ما بينكم
كنان بتهرب : انتي ايه اللي خرجك من البيت والشغاليين كانوا فين
هناء بغضب طفولي : انا لحقتك ياكنان سمعتك وانت تهدد تموت اخويا ولحقتك
كنان بصدمه : تتصنتي عليا ياهناء
هناء بدموع : كنان انت بتعمل كده ليا انا مش عايزه اكرهك
صعبت عليه وحاوط وشها وقال: حبيبتي متعيطيش هناء :توعدني متقربش لزين ياكنان توعدني عشان خاطري
كنان سكت مسكت أيده اللي على خدودها وبصت ليه بدموع وقالت: في ايه بينكم يخليكم تعملووو كده في بعض
معرفش يرد عليها يقولها ايه بص فعنيها وقالها : متفكريش بحاجه وتعالي نامي عشان ترتاحي
هناء : مش عايزه انام انا عاوزه افهم ياكنان والا خدني لزين يفهمني
كنان اتجنن اول ما سمع طلبها وقال اوديكي لمين
هناء : لزين هو اللي هيقولي على الحقيقه هو عمره مكدب عليا..
كنان : هتسيبيني ياهناء انتي لو رحتي لزين مش هعرف اشوف وشك تاني
هناء : انت بتقول ايه
كنان خدها بحضنه زي العيل الصغير وقال : مش هعرف اشوفك ابدا انتي عاوزه تبعدي عني كده لقت نفسها من غير ما تحس و خداه بحضنها وهي بتقول : كنان انا مش عايزه ابعد عنك ولا عاوزه تبعدني عن زين انتو الاتنين انا بحبكم مينفعش تتصالحوا بعدت عنه وقالت بطفوله اقولك على فكره اعزمه على ايس كريم وهو هيصالحك ماشي
ابتسم غصب عنه بوسط الغصه اللي جواه وقال: حاضر هشوف حكاية الايس كريم دي
هناء : متاكده أنه هيصالحك زين قلبه طيب اوووي ..
وانتي جميله اوووي ياهناء .. عارفه انا عاوز اخبيكي عن عيون الناس كلها عشان محدش ليه حق ناحيتك ابدا..
قطبت جبينها وقالت باستغراب : ليه تخبيني يا كنان
كنان مسح خدودها وقال: مش هتعرفي دلوقتي بعدين هتعرفي كل حاجه لكن وقتها ياريت تشوفيني زي منتي شيفاني دلوقتي
هناء بدلال طفولي : انا دائما شيفاك صح يا كنان انت طيب اوووي بس تصالح زين الاول
كنان بابتسامه : حاضر هنتصالح ..
رفعت اديها بحماس وقالت: ايوووا كده بحبك ياكنان وخدته بحضنها بقوه وهو وقع عالسرير ووو..
***********
قاعد روى المكتب ساند جبينه على مكتبه بيفكر كل حاجه باظت فجأه هناء اللي باين انها مش على بعضه ومش في حاله مستقره مراته اللي خسرها وخيره خاله وخسر حازم ابن خاله برضو حس بالوحده قلبه وجعه على نفسه هيعمل ايه وهيتصرف ازاي مش عارفه .. حس بادين ناعمه رقيقه تمسح على شعره و رقبته وهمس أنثوي مالك يازين رفع وشه وشاف
يتبع....