رواية ظل القدر الفصل الخامس 5 بقلم رواء هادي
بعد ما عرفت أختي الصغيرة صارت حامل، وراح تصير أم وهي عمرها 13 سنة... بعد شهر تكمل 13 وتدخل بالـ14، بعدها طفلة صغيرة.
شلون راح تتحمل مسؤولية طفل وهي بهالعمر؟
فاطمة: نهاد، ترى ياسة فرحانة بالحمل وعاجبها الزواج، ليش تقهرين روحج؟ نهاد، كافي بجي، شايفة نفسج، شصاير بيج من القهر؟
ياسة متزوجة ومرتاحة، وأنتِ كاتلة نفسج بالقهر.
مسحت دموعي وبدون ما أباوعلها...
نهاد: صعبة فاطمة، صعبة... وهذا الفرح ما يدوم لياسة، ويجي يوم ياسة تنذل بيه
فاطمة: ما أتصور والله
نهاد: يجي يوم وأذكرج بيه، ياسة راح تنذل
ذلة بس ربج يدري بيها
سكتت وكمت مقهورة...
ثاني يوم إجه مصطفى، ومن إجه حسيت روحي ردت إلي، ما أعرف ليش فرحت بجيته. بقى يسولف ويضحك وياهله، وكلهم يعاتبون عمي عاتبة لأن صار له فترة ما منزل، يحجي بشقة وضحك.
مصطفى: ردت أشوف معزتي عدكم
فاطمة: وهسه شفتها؟
مصطفى: إي، بعيون الكل
باوعلي وغمزلي بعينه... يا عزة، شكد استحيت! من فشلتي وخجلي، كمت ورحت لغرفتي. جسمي ما أعرف شصار بيه، كله كام يرجف، وگلبي يدك حيل حيل. ما أعرف شنو هالشعور اللي صابني... كعدت بفراشي أفكر بمصطفى، وضحكته، وشلون
جان يباوع إلي...
بقيت متمددة على فراشي، عيوني بالسكف بس بالي كله وياه... كل لحظة أعيدها ببالي، غمزته، ضحكته، ونظراته اللي حسيتها دخلت
لگلبي بدون استئذان....
گمت بسرعة مصدومة من نفسي ...
نهاد: شبيج نهاد؟! شنو جاي تفكرين؟! ولج نهاد اصحي على نفسج أنتِ مو مال هاي السوالف
حطيت إيدي على صدري أحاول أهدي دگات گلبـي، بس ماكو فايدة... كلشي بداخلي جان مخربط
مرت دقايق، سمعت صوت فاطمة
تصيحلي من الصالة...
فاطمة: نهاد! تعاي شوي!
ترددت بالبداية، بس كمت وعدلت حجابي وطلعت، وحاولت أبين عادي عبالك ماكو شي.اول ما دخلت، شفته كاعد، نفس المكان... ونفس الابتسامة...
نزلت عيوني بسرعة حتى لا يبين عليّ شي.
مصطفى : وين رحتي فجأة؟
نهاد: تعبت شوي، ورحت أرتاح
أبتسم ابتسامة خفيفة وكال ...
مصطفى : اكون التعب يندارلي
باوعلي بنظرة غريبة، حسيتها تقرا كلشي
بداخلي، فارتبكت أكثر...
فاطمة : ها نهاد، حتى أنتِ صرتِ ما
تتحملين السوالف ويانه؟
نهاد: لا شنو ماتحمل بس شوي تعبانة
كعدت بس خليت مسافة، بس رغم هذا حسيت حضوره قريب... قريب بشكل يخوف بقى يسولف ويضحك، وأنا كل شوي أباوع بدون ما يحس، وكل مرة تلتقي عيوننا، أحس گلبـي يوكف
ويرجع يدك أسرع....
ما أعرف شنو هذا الشعور... إعجاب؟ لو مجرد فراغ وجاي يملي بوجودة وجودهم حوالي؟
بس الشي الوحيد اللي جنت متأكدة منه... إنو من إجه مصطفى، شي بداخلي تغير، ومو
راح يرجع مثل قبل...
من إجه مصطفى كلشي تغير.، بس يضل يشاقيني بكل فرصة.كل يوم يلكالي حجة حتى
يحجي وياي...
شافني بالصالة واكفة ...
مصطفى: نهاد، وين حاطة شاحنة لايت؟
نهاد: ما أدري
صار يقرب إلي أكثر ويضحك بهدوء ...
مصطفى: شلون ما تدرين؟ أنتِ
كلشي تعرفين بالبيت
نهاد : والله مادري بيها شبيك ماتصدك
مصطفى : ماشي تعاي دوري وياي
نهاد: مو شغلي أدور وراك
مصطفى: لا، شغلتج... لأن أحب أدوخج هههه
باوعتله بعيون معصبة ...
نهاد: صدك أنتَ ما تستحي
ضحك ومشى.
العصر، فاطمة جانت تعبانة ومريضة، وما جان عدنا خبز، فأخذت العجين ورحت أخبز بتنور الطين، والبنات كاعدات يمي.
مريم طفرت، وراها جنات طفرت، وخلوني وحدي أخبز. باوعتلهم وضحكت، جانت ياسة تكابلني، وتكعد من أخبز... ربي شكد مشتاقتلها.
كملت الخبز، وإجن الدجاجات بصفي، صرت أكطع قطع خبز صغار وأنطيهن يأكلن هذا الشي ذكرني بدجاجاتي، هم مشتاقتلهن، فأنطيتهم.
العمة نجاح لأن ماعندي بيت ولا مكان اخليهن بي وزحمة اجيبهن يم دجاجات بيت عمي أخاف يموتن دجاجاتهم ويذبونهن براسي دجاجاتي مريضات ..
أخذت الخبز واجيت أمشي فاجأني مصطفى من سحب كرصة خبز من الطبك جنت
مخليته فوك رأسي
سحبها ويضحك ..
مصطفى : خل نضوك خبز بت عمي ههههه
نهاد : لو موكع الخبز من فوك رأسي
شلون تمد ايدك
كطع قطعة خبز واكلها...
مصطفى : عاشت ايدج نهودة خبزج يخبل
قبل لا أرد عليه خله ومشى لبره يضحك بقيت واكفة واباوعله گلبي يدك حيل صار ماعرف شجاه تخربط وضعه وكف بعتبه الباب
والتفت عليّ شايل كرصه الخبز رفع حواجبه يضحك إلي خليت وطبيت جوه خجلانة ياربي شجاني شجاني يتخربط وضعي
كدام مصطفى ...
خليت ودخلت جوه، ما مرت ساعة إلا عمتي نجاح إجت. أخذتها ورحت لغرفتي أحجي وياها
حتى تجيبلي أخبار ياسة...
عمتي نجاح: خايبة، لا تشيلين همها! هذيج هي، لابسة هاشمي وحاطة وحمرة وكحل، تكليلها "كش" تطير! مو مثل حظج، كاضيتها عياط وصياح. ياسة الجاهلة ما تتحمل... والله يا نهاد أنتِ
الجاهلة، مو ياسة!
نهاد: يعني ما أشيل همها؟
عمتي نجاح: أبد! ولا تفكرين بيها
نهاد: شلون ما أفكر بيها عمة؟
عمتي نجاح: صيري مثلها، لا تشيلين هم أحد
نهاد: صعبة...
عمتي نجاح:.أم الصعبة! تبقين هيج، نهارج كله عياط وصياح على ياسة، وياسة نايمة
بحضن الرجال للصبح!
نهاد:.عيب عمة، شنو هذا الحجي!
عمتي نجاح: وين العيب؟ المرة متزوجة وصارت حامل وراح تخلف. مو مثلج، شكبرج وشكد تبجين وراها! عيب عمة، لا تبجين عليها بعد، وفكري بنفسج وشوفي حياتج وتزوجي
نهاد: منو يقبل ياخذني وأنا وراي ناس ماترحم؟
عمتي نجاح : أكو اللي ياخذج بس انطي مجال لنفسج واهتمي بروحج. حفي حطي حمرة
وكحل، شبيج عمة جنج عجوز!
نهاد: عززة عمة! تريديني أحط مكياج
بيت عمي وبيه اثنين زلم؟ مو
عيب؟ شيكولون عليّ!
عمتي نجاح: وشكو بيها؟
نهاد: إي، علمود يكولون نهاد تريد رجال!
عمتي نجاح:.وعيب لو تردين رجال؟
نهاد:.إي عيب...
عمتي نجاح: ما يفيد الحجي وياج!
نهاد: صدك عمة، أحجي ويه عمي محسن...
خل ينطيني فلوسي.
عمتي نجاح: فلوس شنو؟
نهاد: صدك عمة ما كلت لج؟ بعت حصتي
من الكاع مال أبوي لعمي
عمتي نجاح : صدك تحجين؟
نهاد : إي والله
عمتي نجاح : المنو بعتي الكاع ؟
نهاد : لعمي محسن
عمتي نجاح : من صخام براسج وبراس
الخلفوج!. غشمرج وأكل ورثج
نهاد :.شنو يعني أكل ورثي ؟! عمة لا تخوفيني!
عمتي نجاح : والله كلشي أتوقع منه
نهاد:.بس هو كال راح ينطيني فلوسي
! من يصير عنده
عمتي نجاح : وأنتِ صدكتي؟! أخوي واعرفه ماينطي فلس واحد! حتى فلس
ما تشوفين! منه
حسيت الدنيا دارت بي... كلشي فوك راسي وكع.
حيلي كله كام يرجف حتى صوتي
صارت بي رجفة وخوفة...
نهاد : يعني شسوي هسه؟!
عمتي نجاح : كلشي لا تسوين أبقي ساكتة
نهاد : وليش أبقى ساكتة غير هذا حقي
عمتي نجاح : حقج راح وخلص بس تحجين راح يسود عيشتج ومحتمل يشيلج ويشمرج على أبو شهد خليج ساكتة أحسن الج
نهاد : شنو احسن إلي عمة
عمتي نجاح : اسمعيني زين نهاد بس تحجين وتتعاركين راح يشدون وياج ويطردونج من البيت وإذا نطردتي من البيت راح ياخذج أبو شهد
غصب عنج ويسود عيشتج ....
اكعدي واسكتي على أقل هنا تاكلين وتنامين مرتاحة والكل تحبج ومصطفى يدافع الج وعمج يخاف على ابنه ويسمع كلمته ...
استغلي الكل واسكتي إذا أخذتي فلوس بيش راح تفيدج وأنتِ بلا معين وسند يسندج ماعندج أحد مكطوعة من شجرة ..نهاد أخذي بكلامي
واسكتي الفلوس ماتفيدج وأنتِ بهذا وضعج
نهاد : صحيح كلامج أنا خسرت أعز شي على
گلبي بقت على ورثي ماخسره
عمتي نجاح : سوي روحج مامهتمه للفلوس وإذا سألج عمج كولي اله على كيفك عمي على
الفلوس مامعتازتهن هسة افتهمتي...
نهاد : إي عمة فهمت
عمتي نجاح : اي عفية ماوصيج بعد ...أنا كايمة
نهاد : عمة وين رايحة
عمتي نجاح : هم يلا ارجع لبيتي جناين
يم اهلهن والبيت تايه
كامت خلت عبايتها برأسها باسني بخدودي ومشت وكفت يم الباب والتفتت عليّ جنت كاعدة روحي تريد تطلع من القهر حتى ورثي اكلوا مني
عمتي نجاح : ام علي البارحة جانت يمي
نهاد : ام علي منو ؟
عمتي نجاح : علي الحرك الدنيا علمودج وماحصلج
نهاد : قصدج شبعت نعولة من وراه
عمتي نجاح : أمه تكول كلما اشوفله مرة يرفض ويطلع من البيت مايقبل يزوج
نهاد : بس لا بعده يحن ويون وراي
عمتي نجاح : إي وحالف مايزوج
نهاد : شبي هذا مخبل أكو واحد يحلف مايزوج من ورا وحدة لا تعرفه ولا تحبه ولا يهمها أمره
عمتي نجاح : الولد هاويج ومسودن بيج
نهاد : هذا مو حب عمة هذا انتقام من روحه وخاف تشوفيها كلي الها نهاد تكول خل يزوج ويشوف حياته أنا ماريده وراح ازوج عن قريب
عمتي نجاح : تحجين صدك راح تزوجين
نهاد : وين أكو
عمتي نجاح : ديري بالج على نفسج وبعد
ماوصيح لا تفكين حلكج وتحجين
وانسي وخل تولي الفلوس
نهاد : طزز بالورث وطزز بالفلوس اهم شيء مازوج أبو شهد واكسر عينه
عمتي نجاح : كسرتوا خشمه وكسرتوا عينه هههه
نهاد : هههههه موته مصطفى ههههه
عمتي نجاح : من شفته لاف وجه نصه كوه
كتمت ضحكتي حتى مابي يحجي
مورم وجه وعيونه مزوركة
نهاد : غير كوه خلصوه من مصطفى
بوكس صاعد وبوكس نازل
عمتي نجاح : أول مرة بحياتج واحد يدافع الج ويجرأ يضرب أبو شهد ويمسح بي الكاع
نهاد : اي فد فرحت ونقهرت بوكتها
عمتي نجاح : افرحي واسكتي
نهاد : ان شاءالله عمة خل اكوم اوصلج للباب
كمت وياها وصلتها للباب طلعت صادفها مصطفى بره سلم عليها وإجه يضحك سديت
الباب وراه التفت إلي وكال
مصطفى: يلا نطلع نتمشى شوي بالمنطقة
نهاد : شنو ؟
مصطفى : شبيج مصدومة ام خشم نطلع بره روحي لبسي عبايتج وجيبي جنات ومريم
خل نفتر ونشتري ونجي
نهاد : مو عيب أطلع وياك ونفرفر بالشوارع
مصطفى : وين العيب
إجت عمة ام عبدالله وكالت "
عمتي ام عبدالله : روحي غيري جو
نهاد : عيب عمة مناك العالم شتكول عليّ طالعة تفرفر ويه ابن عمها
مصطفى : انعل أبو الناس أمشي كدامي لبسي عبايتج لما أنا أروح أجيب البنات ..
ام عبدالله: على حجيج وكلمة الناس بعد محد شاف حياته ودفن نفسه بالبيت
نهاد : امم
راح مصطفى شوي واجني البنات فرحانات يطلعن مصطفى ضاج من شافني واكفة بمكاني عمة ام عبدالله راحت لغرفتها تقرب إلي ...
مصطفى: تطلعين غصباً عليج
نهاد: شكو غصب؟
مصطفى: لأن بدونج الطلعة مالها طعم
ارتبكت بس حاولت أبين قوية...
نهاد: لا تحجي هيج وماروح
مصطفى : والله ترحين
جنات : يلا عمة لبسي عبايتج وخل نطلع
مريم : عممة فدوة تعاي ويانه ماما مريضة
ومابيها تطلع تعاي أنتِ
باوعت للبنات خطية جانوا يردوني اروح
وياهم ابتسمت وكتلهن
نهاد : البس عبايتي واجي
رحت لغرفتي لبست عبايتي وطلعت لكيتهم بنفس المكان من شافني مصطفى ضحك وطلع
قبلنا ضحكت ولزمت إيد جنات
وإيد مريم صرت بنصهن وطلعنا نمشي مصطفى لزم إيدي جنات وصرت أنا بنصهم طلعنا نتمشى بالمنطقة صارلي شكد مطالعة
باوعت على بيت عمامي جانوا بانين بيوت حديثة وكهرباء بيت بصف بيت عازلين ابو شهد وأبو
غالب روحي فرفحت على ياسة
مصطفى : نهاد لا تصورين اخليج تدوسين
عتبه هذني البيوت
نهاد : بس أشوفها
مصطفى : ماكو نهاد أمشي مابي حيل ادفن واحد
نهاد : أمشي لعد
خفت منه لأن يسويها ويدفن واحد هسة من وراي هو عصبي ومايتحمل طلعنا البنات يضحكن ويمشون، وهو طول الطريق يدور حجة يقرب مني... مرة يسأل، مرة يضحك، مرة
يرمي كلمة تخبل.
فجأة شفنا أبو شهد واكف، باوع علينا بعصبية ..
أبو شهد: شنو هاي مطورين تمشون بهالشكل؟
سكتنا، بس مصطفى تقدم اله ...
مصطفى : وأنتَ شحارك طاوتك
أبو شهد : تريد تموت بس ماتعرف شلون
مصطفى : الموت بإيد ربك مو
بإيدك ... امشي نهودة
عيون أبو شهد صارت برأسه من مصطفى كالي نهودة ماحجه بس بقى يسحن بروحه سحن احنا ونمشي درت وجهي ورا ظهري شفته
واكف ويباوعلنه وعيونه برأسه لو يلزمني هسة يصبني صب من الكتل اندار عليّ وضحك
بخفة، وكال بصوت ناصي ..
مصطفى: نهودة المشي ويانه عيب وحرام،
ويه غيرنه حلال وحلو؟
نهاد : كله من وراك طلعت
مصطفى : هههه يمة الدودة يمة ههههه
دك گلبـي بسرعة، حاولت مااباوعله لأن كلما اباوعله ويباوع إلي وضعي يتخربط رجع كال ..
مصطفى: خليهم... خلي يعرفون
نهاد: شنو يعرفون؟
سكت لحظة، باوع بعيوني، وجان واضح يريد يكول شي... بس ابتسم بدلها وكملنا طريقنا " وصلنا كدام دكان ماخلاني ادخل
لا أنا ولا جنات أخذ مريم وكال ...
مصطفى : اروح اشتري واجي ابقن هنا
راح شوي ورجع جايب علاكتين سود وحدة انطاها إلي والثانية بإيد مريم ورحنا نمشي ودانه لبستان مالتهم أول مرة أشوفه عمري كله ماطابة ...
لكيعان بيت عمي محسن جانت الدنيا باردة كلش نفتر بي أجواء حلوة وكف وندار عليّ
مصطفى : انطيني عصير
فتحت العلاكة وانطيته عصير وكصبه اخذهن من ايدي وخله الكصبه بعين البنية ضحكت
ضحك وكال ...
مصطفى : فكست عينها ههههه
نهاد : ههههه
مصطفى : اشربي لو هم تستحين تشربين كدامي
نهاد : عليش استحي
طلعت عصير برتقال جان اسمه رنا ماخليت
الكصبة بعين البنية صاح بي
مصطفى : غير بعينها تخليها هههه
نهاد : لا خطية هههههه
مصطفى : خل نكعد هنا
كعدنا نشرب عصير وناكل حلويات هنا تذكرت كلام عمتي ماجيب طاري فلوس الكاع بس اتعارك ويه عمي راح انحرم من كلشي صح البيت
مو بيتي بس مرتاحة ويعاملوني بحب واحترام ومصطفى كلش،حباب وياي وماريد اخسره ولا اخسرهم يكفيني خسرت ياسة
ماريد أخسر بعد ..وبس اطلع من يمهم أصير فريسة سهلة لأبو شهد وراح يزوجني غصب
عني لو يلفق إلي تهمة ويذبحني ...
مصطفى يصنف ويضحك وكساع يقلد أبو شهد وأنا والبنات خربانات من الضحك كمنا نتمشى شفت وزات يسبحن بنص النهر كلش،حبيت
المظهر وين جنت دافنة روحي بالحياة ...
مصطفى : نهاد
نهاد : ها
مصطفى : احسج فرحانة
نهاد : تعرف أول مرة بحياتي أفرح هيج فرحة
برغم الطلعة بسيطة
مصطفى : غير أنا محلي الطلعة
باوعتله وضحكت مارديت عليه بعد عفته يحجي بكيفه أريد أستمتع بحياتي ولو لحظة وحدة أريد أحس الحياة حلوة وماكو شي يستاهل
أذل نفسي علموده .ياسة اختارت تعيش حياتها بعيد عني وأنا هم قررت أعيش حياتي وخلص
بعد ماكو بجي وعياط على أختي ...
رجعنا للبيت، كلشي جان مشحون... نظراته إلي، وكلامه اللي ما يكمله، كلها جانت تضغط على گلبي.
بالليل، جنت واكفة بالحوش، أحاول أهدأ...
وفجأة حسيت بيه وراي
مصطفى: نهاد...
ما التفتت " سويت نفسي مااسمعه ومادري بي ..
مصطفى : نهاد لهالدرجة تهربين مني؟
بدون مالتفت اله رديت برود ...
نهاد : مجاي أهرب...
سكت لحظة، وبعدين كال بصوت واضح هالمرة..
مصطفى: نهاد... أنا أحبج
كلامه صدمني وبسرعة التفتت عليه
ورديت بعصبيه...
نهاد : مصطفى لا تعيدها!
مصطفى : ليش؟ هذا الواقع أنا أحبج
نهاد: هذا مو واقع، هذا غلط! أنتَ ما مستحي؟! عايش وياي بنفس البيت وتجي
تكلي أحبج؟!
مصطفى : شسوي إذا هذا اللي بداخلي؟
نهاد : تدفنه! مو تلعب بنات الناس!
مصطفى : شتقصدين؟
نهاد : زينب! مو أنتَ واعدها بالزواج؟!
سكت مارد ونزل رأسه وأنا الثولة شلون نسيت زينب بت خالتة من جانوا جهال صغار يحبون بعض ومخطوبين لبعض ...
نهاد : عيب عليك... عيب !
عفته مدنك راسه وطبيت جوه عدل لغرفتي طفيت الضوه ولفيت ورحت لفراشي كمت ابجي ليش هالمشاعر اتجاهه ليش مصطفى حبني
بهاي الفترة القصيرة ليش أنا مشاعر صارت بگلبي اتجاهه وأنا أدري بي يحب بت خالته ..
ثاني يوم، جنا كاعدين بالصالة، فجأة دك الباب، دخلت أم زينب وهي تبجي وتدور
على أختها ام عبدالله
أم زينب : يمه... وين أم عبدالله؟
إجت أم عبدالله بسرعة ...
أم عبدالله: خير شكو؟ ليش هالبجي ؟
أم زينب : ابنج عايف بنتي! مو جان واعدها بالزواج؟! وأنتو حجزتوها من جانت صغيرة وكفتوا قسمتها البنية رادت تشرب سم فار، من وره ابنج
انصدم البيت كله... وأنا حسيت گلبي نكسر على البنية خطية شنو ذنبها من هي طفلة
تحبه وبنت أحلام عليه ...
كعدت تبجي جانت تكسر الگلب وتكول بعد محد يقبل يزوج بتي هسة الناس تكول بيها شي وعافها ابن خالتها بعد مجانت محجورة اله
وأنا أخاف على سمعة بنتي وأخاف عليها من الموت بتي ساعة الساعة تنتحر سوي حل ام
عبدالله سوي حل ...
ما تحملت، طلعت أدور على مصطفى ليش من أنا اجيت لبيتهم عاف حبيبه واجه اعترف الي بحبه أنا ماريد أصير سبب بدمار بنية
لكيته كاعد ورا البيت وصافن على المرجوحة مبين يعرف بخالته عدنا صارت وجاي تبجي
وتدور حل للمشكلة ...
نهاد: ليش سويت هيج؟!
بسرعة التفت إلي وكال بستغراب ...
مصطفى : ليش شمسوي ؟
نهاد: زينب بت خالتك رايده تشرب
سم فار وتموت
مصطفى : وأنا شعلي تذبون الصوج بي
نهاد : مو بسببك رادت تموت روحها
مصطفى: أنا شعلي
نهاد : ليش هيج تكول مو جنت واعدها بالزواج ليش هسة غيرت رأيك وصرت ماتريدها
مصطفى : بطلت أحبها
نهاد: مو شرط تحبها! وعدتها! بالزواج وأهلك جانوا حاجزينها الك من جنتوا صغار
كام واجه وكف كبالي مباشرة جان قريب
كلش مني وكال برود ...
مصطفى : أحبج أنتِ... وأريدج أنتِ يا نهاد
رجعت خطوة ورا وكلتله ...
نهاد: وأنا ما أريدك!
مصطفى: ليش ؟ ماترديني
نهاد : معتبرتك أخوي ومستحيل
أفكر بيك بغير نظره
مصطفى : هذا هم حظي
نهاد : إذا عندك ذرة ضمير، تتزوجها وتنساني!
مصطفى: مستحيل
نهاد : إذن اسمعني زين... إذا ما تتزوجها،
أنا أطلع من هذا البيت
مصطفى: نهاد لا تكبرينها
نهاد : هذا العندي إذا ماتزوجت زينب
أعوف البيت وأمشي ...
سكت، ماحجه بقى صافن بوجهي دموعي نزلوا على خدودي ورجعت احجي وياه هو
يسمع بي بكل صمت ...
نهاد : أروح أعيش يم أختي ياسة... وشيصير خل يصير، بس ما أرضى أصير سبب بدمار
حياة بنية مالها ذنب ...
بقى يباوع عليّ، وأنا أول مرة أشوفه ضعيف بهالشكل وجانت دمعه بطرف عينه ساعة
الساعة تطفر دمعته من عينه...
بقى مصطفى ساكت، يباوع إلي وعبالك أول مرة يخسر... وأنا ما انتظرت، رده خليت ودخلت
للبيت ودموعي على خدي....
هاي الليلة ما نمت... كلشي جان يصيح براسي: زينب، كلام أمها، اعترافه، وقراري اللي
يمكن يغير حياتي كلها....
الصبح، الجو جان ثكيل... محد يحجي. أم عبدالله مبين عليها الحيرة، وعمي وجهه متغير فجأة دخل مصطفى، ملامحه مو مثل قبل... لا ضحك، لا ابتسامة جانت ملامح وجه جامدة ...
باوع على أمه وكال...
مصطفى: يمه... أريد أحجي بموضوع زينب
عمي محسن : أحجي
مصطفى: موضوع زينب... لازم ينتهي
دك گلبـي بسرعة، وانتظرت وخفت لا يكول ماريدها ويكول كدام أهله أريد نهاد ويشدون وياي ويطردوني من البيت واطر اروح يم ياسة
واصير فريسة سهلة لأبو شهد ...
أم عبدالله : شراح تسوي ؟
عبدالله : أتمنى قرارك مايظلم زينب
مصطفى: راح أخطبها رسمي
عمي محسن: هو هذا الصح، حظروا روحكم
بالليل نروح نخطبها.
أم عبدالله: إي عفية وليدي، هو هذا القرار الصح.
كلهم فرحوا، وحتى أنا فرحت... خطية زينب. وبعد ساعة كعدت بالحوش، كاعدة وحدي... دموعي تنزل بهدوء. تذكرت أختي ياسة وأهلي...
مشتاقة لأختي، مشتاقة لأمي وأبوي، مشتاقة لبيتي، مشتاقة لحياتي السابقة. رفعت راسي،
شفت مصطفى واكف كدامي، ضايج...
مصطفى: صار اللي تردينه ؟
نهاد: هذا الواقع، وهذا الصح
مصطفى: لا، مو واقع... أنتِ جبرتيني أخطبها
نهاد: أنا ما أجبرك، أنا خليتك تواجه نفسك، خليتك تعرف نفسك، خليتك تراجع نفسك وتذكر أنتَ جنت تحب بنية وعدتها بالزواج... فهمت هسه؟
مصطفى: وگلبي شلون بي؟
نهاد: مو كلشي بالحياة يمشي على الگلب
مصطفى: وأنا شلون أعيش وياه وحدة ما أحبها؟
نهاد: هسه صرت ما تحبها؟ جنت طول النهار تحجي بيها وبحبك إلها، ليش من شفتني بطلت تحبها؟ مصطفى، أنتَ تحب برغبة اليوم...
عفت زينب علمودي باجر تعوفني علمود وحدة غيري... افهم نفسك واعرف نفسك زين. اللي تسويه أكبر غلط، وبنات الناس مو لعبة عندك.
سكت... واضح الانكسار بعينه. بلع ريجه، ومن شافني كمت، كال بصوت ناصي...
مصطفى: نهاد، هم خلوني أحبها غصب عني. والله ما جنت أحبها ولا داير إلها بال. هم كالوا زينب إلك، وهي تعلقت بي، وأنا من شفت تعلقها بي...
كمت أبادلها نفس الشعور. بس من شفتج، حسيت نفسي ما أحبها وأحبج أنتِ. نهاد، أنا من عفت البيت وما نزلت، جنت جاي أبتعد عنج...
علمود أبطل أحبج من رجعت وشفتج، عرفت نفسي أحبج وأريدج أنتِ، وما أريد زينب...
نهاد: وأنا ما أحبك وما أريدك
مصطفى: بس أريد أعرف شنو شايلة بگلبج؟
نهاد: مصطفى، انساني أترجاك، وخليني أعيش حياتي مرتاحة. خليني أخلص من أبو شهد. لو تريد يرجع أبو شهد يسود أيامي، هسه تلكاه يفكر
أنا أحبك وأنتَ تحبني.
مصطفى: أنا يهمني راحتج... جهزي نفسج لخطوبتي، وما أروح إذا مو أنتِ وياي
نهاد: جاهزة
ابتسم ابتسامة بيها انكسار، وخله وطب جوه البيت. رجعت للبيت، الكل جان يجهز نفسه، وأنا ما عندي شي ألبسه... اليوم راح يخطبونها.
فاطمة: نهاد، هاج البسي هذا الهاشمي
نهاد: منين هذا؟
فاطمة: مالتي، والله ما لابسته أبد
نهاد: أشكرج فطوم، بس ما راح...
دخل عبدالله بضحكة وكال:
عبدالله: دكومي لبسيه، خل نشوفه
عليج... كومي نهاد.
نهاد: لا عيني
عبدالله: نهاد، تكومين تبدلين لو
أعوفج وحدج بالبيت...
ابتسمت بخبث... يعرف إذا أبقى وحدي بالبيت راح أبو شهد يجي يخطفني. بسرعة كمت، أخذته
منها، ورحت لغرفتي وبدلت.
باوعت على نفسي بالمراية... كلش حلو. لونه أسود وبي تطريز ذهبي على طوله. نهاد، وين ضامة روحج؟ لج كاتلة روحج جنتِ...
صاح عبدالله من الصالة ...
عبدالله: نهاد، وينج؟ اطلعي خل نشوفج
نهاد: مو عيب تشوفني؟ ما أطلع
عبدالله: طاح حظج، وأنا غريب؟ مو أخوج؟
فرحت من كالي "أخوج". فعلاً جنت محتاجة كلمة "أخ" بحياتي، وأتمنى عبدالله ومصطفى يصيرون إلي أخوة ويساندوني بهالحياة...
رجعت نزعت اللبس وخليته فوك نضدة الفراش، وطلعت. باوعلي عبدالله وطمني بإيده، يضحك... ضحكنا أنا وفاطمة عليه.
صار العشا... مصطفى ما تعشى ولا أكل. رحنا نجهز نفسنه. لبست الهاشمي، وجت فاطمة تسويلي مكياج، ما قبلت زعلت، ما خليت حتى كحل.
فاطمة: أمداج، بس شوي
نهاد: لو نقطة ما أخلي
فاطمة: تبقين جلحة ملحة
نهاد: إي، أحسن هههه
طلعت، خليت العباية على راسي. أول ما طلعت، صادفني مصطفى. باوعلي بنظرة
سريعة وطلع بره..
كعدت يم عمة أم عبدالله... شوي وكال
عمي: يلا نمشي
رحنا، جانوا قريبين. بيت عمي محسن بناء حديث وجبير، أكبر من بيت عمي. المهم، سلمنا وكعدنا. عندها أربع أخوان وهي وحيدة أهلها
. شوي وجت البنية شايلة صينية عصير. باوعت إلها... جانت حلوة وملامحها ناعمة
، وتناسب مصطفى...
أخذت منها العصير وابتسمت إلي. راحت قدمت للكل. باوعت على مصطفى... كالب خلقته. شبي؟ أكو واحد يضوج يوم خطوبته؟
المهم، انطونا البنية، قرينا الفاتحة، وحددوا المهر، وبعد يومين الخطوبة.رجعنا للبيت... مصطفى ما شفته عدل، دخل لغرفته، وأنا هم رحت لغرفتي.
الصبح، عمي أخذني ويه فاطمة وعمة أم عبدالله والبنات نشتري ملابس للخطوبة والعرس. كال العرس الخميس الجاي.
اشتريت كوستم كلش حلو، لونه جوزي، وحذاء كعب... وأنا ما أعرف أمشي بالكعب بس عجبني. وأخذت هاشمي للحنة...
عمي وكف يمي وكال بصوت ناصي...
عمي محسن: هاي الفلوس من فلوسج مال الكاع
نهاد: صدك عمي؟ شوكت تنطيهن إلي؟
عمي محسن: مو جاي أصرف عليج؟
نهاد : يعني أكلي وشربي وكعدتي وياك
بالبيت مو بلاش؟
عمي محسن : أكو شي بلاش عمي؟
نهاد: رحم الله والديك...
سكت ومشيت، حبست دموعي بعيني... مستحيل أنزلها. أنا عايشة بيت عمي على حسابي، مو
على حسابه... فلوس ورثي يمه.
وهم زين كالها علمود أعرفه زين...
طلع عمي من المحل، وعمة أم عبدالله وراه، وفاطمة طبت جوه تبدل للبنات. وأنا بقيت
واكفة بنص المحل أفكر بكلامه...
صادفني ولد، بقى صافن بوجهي ملامحه مو غريبة عليّ. نزلت عيني، ومن سلم عليّ...
_ السلام عليكم ...شلونج نهاد؟
#يتبع...قمراتي 🤍✨.