أم صلاح: شويت برد وعضمي واجعني اوي وكل حاجه طعمها مر ف بوقي
شيكا: هتصلك علي الدكتوره تيجي تكشف عليكي
أم صلاح: مافيش داعي إنشاءالله هبقي كويسه
شيكا: إنشاءالله بس لازم الدكتوره تشوفك
شيكا: خدي يا ام كرم هاتي فرختين بلدي وشوربه خضار وشوفي ايه اللي ناقص ف البيت وهاتيه
أم صلاح: مستوره الحمدلله كتر خيرك
شيكا: دائما مستوره روحي يا ام كرم
أم صلاح: ليه بس كلفتي نفسك
شيكا: ده واجب عليا انتي اختي وياله خفي الا الحاره ملهاش طعم من غيرك
ام صلاح: ربنا يراضيكي ويسعدك يا ست الكل
شيكا: تعيشي يا حبيبتي
وهنا تدخل عليهم ام كرم
ام كرم: ست شيكا تعالي عايزاكي
شيكا: تعالي
ليخرجو خارج الغرفه
ام كرم: البيت فاضي والتلاجه مفيهاش غير المايه
شيكا: لا حول ولا قوه الا بالله العلي العظيم
ثم تضع يدها في جيبها لتخرج رزمه ماليه
شيكا: خدي هاتي كل اللي ناقص وأملي البيت خزين والتلاجه كمان
ام كرم: ربنا يراضيكي زي ما بتراضي الناس
شيكا: اللي بيراضي العباد ربنا سبحانه وتعالى
شيكا: ياله روحي
وبعد عده ساعات كانت الطبيبه قد حضرت وبعد الكشف علي ام صلاح
الطبيبه: نزله شعبيه حاده لازم ترتاح اسبوع علي الاقل وهاتولها العلاج ده
ثم تنصرف الطبيبه
شيكا: سمعتي الدكتوره ارتاحي بقي ف السرير
ام صلاح: ارتاح ازاي بس والشغل والعيال
شيكا: أنا هسيب أم كرم تقعد معاكي وهيا كده كده معندهاش غير كرم ومتجوز وعايش حياته يعني اتنين ارامل ف حياتي
ام صلاح: الحمدلله على كل حال
شيكا: انا هسيبكم واروح المحل وهبعتلك العلاج ولو عايزه اي حاجه ف اي وقت رني عليا
ام صلاح: عازتك العافيه
شيكا: ياله بينا يا نادين
نادين: اوك
فاطمه: ابقي تعالي العبي معايا
شيكا: هبقي اجيبهالك
شيكا: امال فين صلاح اخوكي
فاطمه: راح الدرس
شيكا: طيب يا حبيبتي
ثم تتركهم شيكا وتذهب إلى محلها لتجد منجي يجلس علي المكتب ليراجع الحسابات
وهنا تدخل عليهم الاستاذه سنيه
سنيه: معقوله ده انا مكنتش مصدقه أن الأستاذ منجي يشتغل صبي جزاره
منجي: من فضلك يا استاذه سنيه
شيكا: خير يا ابله عايزه لحمه
سنيه: لحمه ايه ديه بتجيب كوليسترول
شيكا: اه بتجيب لو انتي دافعه فيها فلوس لكن ببلاش مبتجيبش
سنيه: اتفضل العصير ده يا منجي اصلي عملته وقولت اجيلك تشرحلي شويت حاجات ونشرب العصير سوا
منجي: متاءسف مش فاضي
وهنا بخطف السقط العصير
السقط: هاتي يا ابله ده انا عطشان اوي
سنيه في ذهول: لاء لاء
شيكا: لاء ايه الولا شرب العصير كله
لتتركهم سنيه وتنصرف لتتصل علي حنيدء
سنيه: الحقني الواد صبي الجزاره شرب العصير اللي فيه العمل
حنيدء: ايه اللي خلاكي تشربيهوله
سنيه: هو اللي طفس وخطفه من ايدي اعملي عمل غيره بقي
حنيدء: مينفعش
سنيه: ليه يا اخويا ما انته واخد فلوس علي قلبك اد كده غير الطيور
حنيدء: اصل بعد بكره رمضان كل سنه وانتي طيبه ومش هينفع اشتغل الا بعد العيد وعليكي خير
حنيدء: وخلي بالك الولا الصبي هيموت ف هواكي
سنيه: اعمل اي حاجه
حنيدء: مقدرش وبعدين انا بصوم رمضان اه بكفر عن ذنوبي أصلها كتيره اوي سلام بقي
سنيه: انته يا زفت
وفي شقه نعمات كانت نعمات تجلس وبيدها قلم وورقه لتكتب طلبات الشهر الكريم
شوقيه: اعملك شاي مع محمد يا ماما
نعمات: زي بعضه بس الاول قوليلي تاكلو اول يوم رمضان ايه مع المحشي انا محتاره مش عارفه اعمل بط ولا فراخ ولا لحمه
شوقيه: اعملي بط وفراخ وممبار وجميع انواع المحشي
نعمات: طيب واعمل عصاير ايه
محمد: انتي عارفه يا حماتي انك احسن واحده بتعمل اكل وعصير اعملي خشاف وتمر هندي وسوبيا
نعمات: من عيوني يا جوز بتي
محمد: وانا هبقي اشتري شويت حلويات
شوقيه: لاء بقي الحلويات تخصص شيكا ملكه الحلويات واللحوم
نعمات: تعالي يا نادين انزلي المحل عند خالتك قوليلها تحوشلنا ممبار
نادين: انا كمان هصوم زيكم
نعمات: مش هينفع
نادين: ليه
نعمات: عشان لسانك طويل
نادين: خلاص هبقي مؤدبه عشان رمضان ميزعلش مني
نعمات: وانا هشتريلك إسدال عشان تصلي بيه واجيبلك فانوس رمضان
عمرو: انا يا تيته
نادين: بس يا
نعمات: هاه ناديه
عمرو: حاضر يا اخويا يا حبيبي
نعمات: ايوه كده شاطره