نادين: انا هنزل بقي عند شيكا
نعمات: انزلي واستنيني
نادين: انا عايزه اعلق زينه رمضان
نعمات: العيال هيعلقوها قبل الفجر وشيكا كمان هتعمل شادر للمحل وتعلق انوار وفانوس كبير
شوقيه: كل سنه واحنا طيبين
محمد: بقولكم ايه متيجو نسهر ف سيدنا الحسين ونسمع اغاني
نادين: الله وتجيبلي سبحه حلوه وعروسه
شوقيه: سبحه ربنا يهديكي
محمد: هجيبلك كل حاجه
عمرو: وانا
نادين: وانته طبعا
نعمات: عجايب
نادين: في ايه يا حاجه
نعمات: مافيش
محمد: وكمان هنجيب ياميش رمضان
اما ف المحل فنجد أن شيكا تتحدث الي سقط
شيكا: ولا يا سقط عايزاك تمسك المحل تخليه فله كل سنه وانتم طيبين رمضان بعد بكره
شيكا: وانته يا استاذ منجي هتسافر أمته
منجي: اول يوم رمضان إنشاءالله هسافر الصبح بدري
شيكا: سمعت اللي قولتهولك يا سقط
وسقط سرحان ف دنيا تانيه
شيكا: انته يا ابني روحت فين
سقط: بسرحان ايوه يا ابله سنيه من عيني حاضر
شيكا: سنيه مين فوق يا ابني
سقط: الصراحه يا معلمه من وقت ماشوفت الأبله سنيه وشربت العصير وانا مش عارف مالي
شيكا: اه ما هو باين علي شكلك
شيكا: قوم يا اخويا شوف شغلك الواد حاله اتشقلب يخربيتك يا سنيه عملتي ايه ف الواد
لقط: الحقي يا معلمه ده بيحط ف الحواوشي لحمه سليمه
شيكا: بقولك ايه يا سقط روح هاتلي قهوه مظبوط وهات شاي للاستاذ وشوف هتشربو ايه وملكش دعوه بابوسريع
وهنا تقترب منهم شفاعه
شفاعه: ايه يا معلمه عايزه كيلو لحمه مفرومه
شيكا: معنديش
شفاعه: خلاص بقي ده انتي اللي ضارباني انا واختي ميبقاش قلبك اسود
شيكا: هاتلها كيلو يا لقط واتوصي
شفاعه: كام يا معلمه
شيكا: ٢٥٠
شفاعه: بحزن طاب خلاص خليه نص كيلو اللي معايا ميكملش
شيكا: لاء خدي اللي انتي عايزاه وبعدين نتحاسب
شفاعه: ربنا يستر عرضك يارب ويسعدك
شيكا: اهو عشان الدعوه ديه كيلو متر سليم من عندي
شفاعه: روحي ربنا يوسع رزقك
شيكا: بضحك لاء بقي دعوه تانيه وهبيعلك المحل
منجي: انتي طيبه اوي وده نادر اليومين دول
شيكا: يا سيدي دول أهل حتتي اللي اتربيت وسطهم
وهنا يدخل عليهم سقط
سقط: انتي كتي عايزه ايه يا معلمه
شيكا: لا ده انته حالتك صعبه اوي الحب وعمايله
سقط: بعد اذنك يا معلمه عايزك علي جنب
شيكا: قول محدش غريب
سقط: كت عايز اروح المدرسه لابله سنيه
شيكا: هتروح تعمل ايه
سقط: مش عارف
شيكا: اقولك انته تاخد البت نادين علي أنها بت اختك وعايز تديها درس بس متدخلش المدرسه استتاها برا
سقط: براوه عليكي يا معلمه
شيكا في نفسها: ده انته اللي براوه عليك هتخلصني من سنيه
سقط: اخدها دلوقتي
شيكا: يا اهبل هو في مدرسه دلوقتي بكره الصبح وعليك خير اصبر
لتدس شيكا يدها في جيبها
شيكا: اسمع خد دول وروح اشتريلك طقم محترم عشان تقابل الأبله بيه
سقط: ملوش لزوم يا معلمه
شيكا: خد يا ابني عشان تبقي قيم قدام العروسه ومتنساش تعرفها انك متخرج من الجامعه ومعاك لصنص اداب بس الوظيفه مش جايبه همها ولو وافقت عليك الشبكه هديه مني واتكل علي الله بقي وروح بعد كده عشان انته تايه ومش هتعرف تشتغل الحب وسنينه عارفاه انا
سقط: كتر خيرك يا معلمه اطير انا بقي
ويحدث كل هذا وسط استغراب منجي
منجي: ممكن سؤال
شيكا: سؤالين تلاته
منجي: لا بجد هو انتي جايبه القلب الجميل ده منين
شيكا: الله يكرم اصلك
منجي: لاء والله بتتعاملي مع اللي شغالين عندك كاءنهم من أهلك
شيكا: وايه يعني ما هما زيهم زيي وانا مبفكرش بطبقيه كلنا واحد زي ما ربنا خلقنا
منجي: والأغرب أن سقط متعلم
شيكا: سقط ولقط متعلمين وخريجين جامعة وسقط اسمه ايهاب ولقط اسمه محسن بس ديه اسامي الشهره الشغلانه تحكم
شيكا: واتفضل بقي
منجي: ايه دول
شيكا: ديه مكافأة رمضان ودول فلوس الشهر بس مقدم عشان تجيب حاجه حلوه للحجه وسلملي علي العروسه
منجي: بس ده كتير اوي
شيكا: ده عرقك وشقاك
شيكا: وياله بقي كفايه اطلع ارتاح وانا هبقي اقفل انا ومحسن قصدي لقط
ويمر اليوم وياءتي الصباح وسقط يقف أمام المحل بكامل شياكته
وهنا تنزل شيكا
شيكا: يخربيتك ايه الحلاوه ديه يا ولا
سقط: صباحك فل يا ست الكل
سقط: بجد حلو يعني هعجب الأبله
شيكا: وتعجب الوزارة بحالها
وهي نادين نزلت اهيه
نادين: اوعي تتشاقي واسمعي كلام عمك
نادين: حاضر ياله بينا يا عريس
لينظر لها سقط
شيكا: اصلي فهمتها كل حاجه روح ومتقلقش
سقط: ربنا يستر
وبعد أن وصلو أمام المدرسه
نادين: ها هيا الأبله سنيه علي وشك دخول المدرسه
سقط: اهيه
نادين: وانته هتقف متنح كده
نادين: ابله يا ابله سنيه
سنيه: نعم يا شاطره
نادين: تعالي
سنيه: ايه ده
سقط: صباح الخير يا ابله سنيه
سنيه: صباح النور خير
سقط: اصلي كت عايز ادي العسل ديه درس عند حضرتك
سنيه: بس انا بدي دراسات
نادين: اسمعي يا ابله ايهاب معجب بحضرتك
نادين: وعلي فكره هو متخرج من الجامعه وابن ناس كويسين
سنيه: ايهاب مين
نادين: ده يعني هو في حد أهله عاقلين يسمو ابنهم سقط
سنيه: افندم بتقوللي ايه
نادين: وكمان كسيب وعنده شقه جاهزه من كله وأمه ميته يعنى مش هيكون عندك حما
سنيه: عن اذنكم
سقط: ايه بس اللي عملتيه ده
نادين: اسكت بس
سقط: احرجتيني
نادين: طاب تراهني أنها هترجع تاني
سقط: مستحيل
نادين: خلينا واقفين شويه
وبعد عده دقائق
سقط: ياله بينا اهي دخلت مخرجتش
لتنظر نادين الي باب المدرسة
نادين: اهي خرجت اهيه
لتقترب منهم سنيه
سنيه: انا اخدت النهارده اجازه ممكن نقعد ونتكلم بس علي حسابك اصلي مش معايا فلوس
سقط: من عيوني
نادين: انا عملت اللي عليا روحوني بقي وعيشو حياتكم
سنيه: طاب وقفلنا تاكسي
نادين: وتاكسي ليه ما هو عنده عربيه
سنيه: بجد
نادين: متتكلم واقف عامل زي الصنم ايه ده رجاله ايه دول
سقط: ياله عشان اوصلك ف سكتي
سنيه: اعوذ بالله معقوله ديه طفله
وبعد أن أوصل سقط نادين الحاره
شيكا: ايه اللي جابك
لتقص عليها نادين كل ما حدث
شيكا: فالحه يا اختي ضيعتي الواد
نادين: والله ما حد مقدرني انا طالعه
شيكا: لاء خليكي هنروح نشتري شويت حاجات
نادين: اوك
اما سنيه وسقط فها هم يجلسون علي كافيتريا
سقط: نفطر الاول عشان يبقي عيش وملح
سنيه: انا عايزه اكل كباب وكفته
سقط: حد يفطر كباب وكفته
سنيه: شكلك بخيل
سقط: لاء ابدا
سقط: لو سمحت عايز كيلو كفته واتنين كيلو كباب وكيلو طرب وهاتلي الاول واحد قهوه مظبوط
لينظر لهم النادل باستغراب
سنيه: متروح تجيب الطلبات
سقط: تعرفي انك حلوه اوي
سنيه بكسوف: شكرا
سقط: شوفي بقي انا عايز ادخل البيت من بابه
سنيه: بيت ايه وباب ايه مش لما اعرفك الاول وبعدين يعني سامحني انته حتت صبي جزاره وانا مدرسه
سقط: معلش يعني انا لو كنت عايز اشتغل مدرس كنت اشتغلت بس عمري ما كنت هبقي زي ما انا دلوقتي جاهز من كله وعندي قرشين كويسين ف البنك وشقه تمليك وعربيه وكمان انا بحب مهنه الجزاره اوي وكمان عندي حتت ارض مش بطاله ومزروعه وبتجيب إيراد ومستعد لكل طلباتك والحمد لله شكلي مش وحش ده حتي البنات ف الحته بيشبهوني بتامر حسني
لتنظر له سنيه: فعلا انته شبهه اوي
سقط: وكمان صوتي حلو وبعرف اغني بس المعلمه شيكا قالتلي استعمل صوتك الحلو ف قراءه القران
سنيه: برافو عليها
وهنا يدخل عليهم النادل بالطعام
سنيه: الله كباب انا جعانه اوي
سقط: الف هنا وشفا
سنيه: انته كويس وظريف ومحترم بس المشكله عندي انا
سقط: مرتبطه يعني
سنيه: هاه لاء
سقط: علي العموم خدي وقتك ولو وافقتي ابقي ردي عليا
سنيه: هو انته زعلت ومش هتحاسب
سقط: متقلقيش هحاسب طبعا أنا راجل يا استاذه ومقبلش ابدا ان ست مهما كانت تدفعلي حساب مشاريب واكل
سنيه: طاب سيبني بقي اعيش مع الكباب والكفته
سقط: كلي براحتك واجيبلك تاني