شيكا: ديه تتوه ومين اللي أمه داعيه عليه يخطفها حد يجيب لنفسه بلوه
نادين: خلي بالك انتي بتغلطي وانتي اللي محتاجه خدماتي لكن معلش خالتي هعمل ايه
شوقيه: نادين انتي كده نوتي
نادين: بقولك ايه يا اما خليكي ف حالك
شيكا: عليا النعمه البت ديه متربيه ف المدبح
نعمات: عيب كده يا نادين تيته تزعل منك
نادين: خلاص اسفه يا ماما
شوقيه: احنا هنسافر تاني هتصل علي محمد واقوله مينزلش
نعمات: تسافرو ليه يا بتي مش قولتو هتقضو رمضان معانا
شوقيه: لاء خلاص
شيكا: في ايه عايزه تسافري ليه حد زعلك
شوقيه: مش شايفه اسلوب البنت قعدت معاكي يومين واتحولت للنقيض احنا نشتغل ونتعب وندخل مدارس انترناشيونال وهيا تتعلم منك الكلام الزباله ده
شيكا (بحزن): حقك عليا انا مش هقعد معاها تاني انا نازله
---
لتتركهم شيكا وتنزل الي محلها لتجد منجي يجلس أمام الدفاتر
منجي: يا معلمه انا لقيت غلط ف الحسابات
شيكا (بحزن): مش مهم سيبني دلوقت
لينظر لها منجي
منجي: هو في حد زعلك
شيكا: هاه لاء عن اذنك انا هتمشي شويه
منجي: طاب ممكن اجي معاكي
شيكا: تعالي
---
لتخرج شيكا ومنجي من الحاره
شيكا: خليك هنا هجيب العربية من الجراج
لتتركه وتذهب ثم تحضر سيارتها
شيكا: اركب يا استاذ
منجي: حاضر
ليستقل منجي معها السياره
ثم تتصل شيكا علي السقط
شيكا: خلي بالك من المحلات انا رايحه مشوار قيمه ساعه كده ولا حاجه
لتغلق معه الهاتف
منجي: ممكن اعرف مالك
شيكا: تعالي نقعد هنا انا دائما بحب اقعد هنا اشرب كوبايه حمص الشام بالشطه واللمون تشرب معايا
منجي: ماشي
ليجلسو معا
شيكا: انا اسلوبي وحش
منجي: مين قال كده
لتقص عليه شيكا ماحدث من اختها
منجي: اعذريها اصل بصراحه اسلوب البنت صعب اوي
شيكا: والله هيا أسلوبها كده لوحده فالجر
منجي (بتعجب): انتي بتتكلمي انجليزي
شيكا: انته فاكرني جاهله انا خريجه جامعه وتجاره انجلش كمان
منجي: معقوله
شيكا: اه والله
منجي: امال ايه حكايه الجزاره ديه واسف ف السؤال
شيكا: ولا يهمك شوف يا سيدي انا وارثه الجزاره ديه عن المرحوم ابويا وبحبها جدا برغم أننا الحمدلله مش محتاجين بس انا مبحبش اقعد كده من غير هدف والحمدلله كبرت المحل وبقي محلات ودخلت عليهم تصنيع اللحوم يعني سجق كفته بورجر وخلافه لكن قوللي انته ساكن عندنا بقالك كتير ومعرفش عنك حاجه
منجي: أنا يا ستي من الشرقيه من قريه صغيره كده وعندي امي واخواتي البنات حسنيه وصبحيه هما أتعلمو لغيت الدبلوم وظروفنا علي ادها وانا مسؤل عنهم بعد وفاه ابويا بس عندنا حتت ارض عليها مشاكل وربنا يسهل وتتحل وقتها الظروف هتتغير ونفسي ربنا يكرمني واقدر أسعدهم واوصلهم بيوتهم عشان ابقي عملت اللي عليا والحمد لله اختي جالها عريس ابن ناس علي ادهم بس كويسين
شيكا: ربنا يعينك عليهم ياله بينا نرجع الحاره
منجي: ممكن تعتبريني اخ ليكي
شيكا: اخ إنشاءالله ياله
---
ثم يذهبو الي الحاره
لتدخل شيكا المحل
لتجد شوقيه اختها تقف وتقطع اللحمه وتزنها للزبائن
شيكا: ايه ده ايه اللي نزلك
شوقيه: حقك عليا متزعليش مني
شيكا: انتي عبيطه انا عمري ما ازعل منك
نادين: مخلاص بقي جو الدراما ده
شوقيه: انا عارفه أن بنتي لسانها طويل طالعه لخالتها
شيكا: تاني
شوقيه: مش هيا ديه الحقيقه
لتغمز نادين لخالتها
نادين: خرجتي انتي مع المز
شيكا: سكتي بتك
شوقيه: انتو حرين مع بعض ماليش دعوه بيكم انا طالعه
شيكا: اه وخلي القرده ديه معاكي عشان تكملو درس التشرد
خديها معاكي ديه بت رخمه كده
طيب ازي حضرتك يا مستر منجي واخبارك ايه كده مع اللحمه
منجي: الحمدلله انتي اللي اخبارك ايه
نادين: الحمدلله
منجي: تعرفي انك جميله اوي ودمك خفيف
نادين: ميرسي شكلك بتفهم وشكلي هحبك بس تعرف انهم كلهم بيقولو اني نسخه من خالتو القمر ديه
منجي: يا شيخه
نادين: هو انته مش بتحلق دقنك ليه عليك تار ومتخفي
منجي: لاء عادي يعني
نادين: اصل شكلك هيبقي احلي وكمان البنات هتجنن عليك واولهم انا وكمان معلش يعني مش بتلبس ليه زي الشباب مع أن سنك صغير
منجي: بلاش احراج بقي
نادين: احراج ليه والله هتبقي زي القمر
منجي: اصل الصراحه الدنيا مش مظبوطه معايا
نادين: انا هتصرف عن اذنك هطلع وانزلك تاني
شيكا: البت ديه بتقولك ايه
منجي: لاء مافيش
شيكا: طاب سيب الدفاتر ديه وقت الغدا وجب اطلع يا سقط هات الغدا من امي ووصيلنا علي كوبايتين شاي معتبرين وبعدها الاستاذ يطلع يرتاح
منجي: بس أنا لسه مخلصتش شغل
شيكا: مش مهم بكره نكمل وبعدين لازم ترتاح مش عايزه شغلك هنا ياءثر علي شغلك ف المدرسه
منجي: والله مش عارف اقولك ايه
شيكا: متقولش حاجه
ويمر اليوم دون إحداث اخري تذكر ويهل الصباح
نعمات: محمد حمدالله على السلامه يا جوز بنتي
محمد: الله يسلمك يا حماتي
نادين: حماده حبيبي جيبت اللي قولتلك عليه
محمد: اه يا شقيه
شوقيه: حمدالله على السلامه
محمد: الله يسلمك ياحبيبتي
عمرو: بابا حبيبي وحشتني
شيكا: نورت يا جوز اختي
نادين: تعالي بقي وريني جيبت ايه
محمد: اصبري الشنط تقيله سيبتها تحت ف المدخل
شيكا: ارتاح انته وانا هخلي العيال يطلعوها
نادين: ابقي اطلعي تاني عشان عايزاكي
شيكا: مش فايقه لك علي الصبح
نادين: خلاص براحتك بس هتندمي
محمد: أصلها يا ستي وصيتني علي موبايل ليكي بس ايه احدث حاجه
نادين: يارب يتطمر
شيكا: ايه البت ديه
محمد: ديه القمر بتاعتي
شيكا: بس لسانها طويل
محمد: ايوه عشان تعرف تاخد حقها ف الدنيا ديه
شوقيه: ابوكي وصل يعني محدش يعرف يكلمك
محمد: اوعو حد يزعلها
شيكا: ديه تزعل بلد بحالها
نعمات: خش يا ابني ارتاح علي موضب الفطار
محمد: لا يا حماتي انا كلت ف الطياره عن اذنكم هريح شويه
نعمات: خشي مع جوزك يا شوقيه تعالو يا عيال افطركم
شيكا: انا نازله
نعمات: اقعدي افطري
نادين: سيبيها يا تيته عشان تلحق الجو
شيكا: انزل احسن
لتنزل شيكا لتقابل منجي علي السلم
منجي: صباح الخير
شيكا: صباح الفل
منجي: عن اذنك
شيكا: اتفضل
ليذهب منجي الي المدرسه
منجي: صباح الخير يا ولاد النهارده عندنا حصه مهمه جدا عن تاريخ مصر القديم وهنتكلم عن الاهرامات وابوالهول طبعا المصري القديم بني الاهرامات الثلاثه وابوالهول ف منطقه الجيزه وده بيخلينا نشوف اد ايه براعه المصري القديم حتي ابوالهول اتبني ف هيئه وش انسان وجسم اسد وطبعا لغيت وقتنا هذا محدش قدر يعرف سر براعه المصري القديم ومش زي ما الناس بيقولو أنهم اتبنو عشان السخره بالعكس ده فن جميل والا مكانش العالم كله بتيجي منه ناس عشان يزورو اثار بلدنا عرفتو مصر جميله ازاي ياله يا ولاد كلنا نقول تحيا مصر
التلاميذ: تحيا مصر يا استاذ
سنيه: صباح الخير يا استاذ منجي تعالي نفطر
منجي: بحزم روحي فصلك
سنيه: كده طاب بكره تشوف هعمل ايه
لتخرج سنيه وتتصل
سنيه: انته ياشيخ الهم الاستاذ هيطير من ايدي وبيعاملني وحش امال ايه لازمه العمل اللي عملتهولي وخدت فيه ٧٠جنيه
حنيدق: ما انا قولتلك العمل السريع هيتكلف الف جنيه بس انتي اللي بخيله خليه بقي يروح منك سلام عشان مش فاضي
سنيه: استني هدفع وامري لله
حنيدق: تجيلي بعد الضهر ومعاكي الفلوس ودكرين رومي وجوز حمام
سنيه: نعم يا اخويا ليه هتفتح عشه
حنيدق: لاء ده عشان اجوزهم واربطه عليهم وميتجوزش غيرك
سنيه: كل ديه غرايم طيب يا جاتك الهم بس عارف لو كل ده مجابش فايده هروح فيك ف داهيه اه ديه فلوس شقي وتعب مش وارثه انا
لتغلق السكه ف وشه
حنيدق: والله وباينها هتمطر ياله رزق الهبل علي المجانين علي الحب وعمايله
اما في الحاره كانت شيكا تجلس في محلها
ام كرم: بقولك يا معلمه في زبونه عايزه بورجر وكفته سيخ وسجق من كل نوع خمسه كيلو عشان رمضان كل سنه وانتي طيبه
شيكا: حاضر
ام كرم: بتقولك ابقي اعملي فودافون عشان تبقي تحولك الفلوس عليه
شيكا: حاضر
شيكا: ام فين الوليه أم صلاح
ام كرم: مجاتش النهارده واتصلت عليها لقيتها عيانه
شيكا: مالها
ام كرم: عندها برد
شيكا: طاب خدي حتت لحمه حلوه رووحيلها وخدي كمان الفلوس ديه اديهالها هيا صح وليه لسانها طويل ورخمه بس بتربي ايتام وشوفيها لو عايزه حاجه تاني ابقي قوليلي ولا اقولك انا هروح معاكي أجبر بخاطرها جبر الخواطر علي الله
ام كرم: طول عمرك بت اصول وطيبه وصاحبه واجب
وهنا تنزل نادين
نادين: خدي يا ستي تليفونك نزلتلك كل البرامج
شيكا: كتر خيره ابوكي ابن اصل
نادين: طاب وانا ده انا اللي قولتله يجيبهولك
شيكا: وانتي يا قلبي كتر خيرك برده
بقولك ايه تيجي معايا هروح ازور واحده عيانه
ماشي
اهو نكسب ثواب برده
وكمان عايزه اعمل فودافون كاش
اوك
هو انتي كنتي بتقوللي ايه لمنجي
لاء ده صاحبي وفي بينا اسرار
اسرار عليا انا ماشي
وها هم قد وصلو الي منزل ام صلاح
صلاح: ام صلاح عامله ايه
شيكا: ليفتح لهم الباب
صلاح: والله عندها شويت برد
وهنا تخرج عليهم فاطمه ابنه ام صلاح وهيا من سن نادين
فاطمه: ابله شيكا ازي حضرتك
شيكا: اهلا بالقمر تعالي ف حضني وحشتيني
فاطمه: انا زعلانه منك عشان مش بتساءلي عليا
شيكا: حقك عليا انا جيت اصالحك اهو وجيبتلك نادين تلعب معاكي
نادين: ممكن تبقى صاحبتي
فاطمه: ياريت تعالي نلعب جوه انا عندي كمبيوتر
نادين: تعالي هعلمك لعبه حلوه اوي
شيكا: ادخلي معاها ومتعمليش شقاوه
نادين: انا لاء خالص
صلاح: تعالو اتفضلو عند ماما
لتدخل شيكا ومعها أم كرم الغرفه علي أم صلاح
شيكا: مالك يا وليه بقي شويت برد يرقدوكي كده
أم صلاح: بتعب نورتي يا ست شيكا خطوه عزيزه
شيكا: مالك فيكي ايه
أم صلاح: شويت برد وعضمي واجعني اوي وكل حاجه طعمها مر ف بوقي