ام ظريف: احنا مالنا ولا شوفنا ولا سمعنا
ظريف: بس انا خايف عليكم يا اما
ام ظريف: بقولك ايه، انا هتصرف، بس اهم حاجه هيام تاخدهم علي اد عقلهم وتعمل نفسها موافقه علي الجواز، وزي ما قولتلكم تهرب وسط دوشه الفرح
هيام: قولت ايه يا ظريف؟
ظريف: يعني هتسيبي العز والعيشه المرتاحه وتيجي معايا وانا مش عارف هنروح فين؟ ده غير كمان اني محلتيش حاجه، هتتعبي معايا يا بت الناس
هيام: انته عندك قلب طيب وشهامه وحنيه مش موجودين اليومين دول، وبعدين يا سيدي انا بحبك ومقدرش اعيش من غيرك
ظريف: طاب اقول ايه بعد الكلام الجميل ده، خلاص يا ستي موافق
ام ظريف: اخرجي انتي يا هيام صلحي الجو عشان ياخدو الامان منك
هيام: حاضر
وبالفعل تخرج لهم هيام
هيام: انا اسفه، حقكم عليا، انا بس يعني هما صعبو عليا عشان غلابه
ناصر: عروستي قلبها طيب اوي، بس لازم تعرفي أن الفقرا دول زاحمين علينا الحياه وحاجه كده مقرفه
هيام: كلامك صح، انا لما فكرت لقيت كلامك كله صح، هما آخرهم يتداسو بالجزم مش اكتر
ليضحك ناصر
ناصر: برافو عليكي
هادي: هيا البت ديه ايه اللي غيرها كده؟
بدريه: اكيد فكرت ولقت أن احنا صح
بدريه: خشي بقي اعملي لنا صنيه عزيزيه
ناصر: بتعرفي تعمليها؟
بدريه: هيام اشطر واحده تعمل اكل
ناصر: ايوه كده دوقينا الحلويات يا حلويات
هادي: مش نمضي العقد بقي؟
بدريه: اه يا جوز بتي، احنا بقينا عيله واحده
ناصر: مافيش مشكله
وبعد ساعه تخرج عليهم هيام بما صنعته من حلوي
ناصر: تسلم ايدك يا اجمل بنات المنصوره، الفستان هيكون عندك بكره، والفيلا جاهز من كل حاجه، مش ناقص بس غير انك تنوريها، اما الشبكه هلبسهالك وانتي ف الكوشه، والفرح هيكون ف نادي شباب المنصوره
بدريه: لولولي، الف مبروك، ربنا يتمم لكم على خير، ايوه كده خلي الفرح يدخل بيتنا
ناصر: همشي انا بقي، وبكره هبقي اكلمك يا هادي، انا ظبطت كل حاجه
لتعود هيام بالذاكره باك وهيا تفكر
هيام: سامحني يا ظريف، معرفتش احافظ علي الامانه يا اخويا، حقك عليا، الفقر غلبني، بس عارف انا فرحانه أن هند بتيى معاك ف الجنه، ايوه ما هو اصل اللي زيك هيخش النار ليه، طول عمرك طيب وغلبان وعمرك ما اكلتنا لقمه حرام
ثم تغط في نوما عميق
ويمر الليل ويأتي صباحا جديدا
وهاهيا هاله تستعد للذهاب الى عملها، لتخرج من المنزل بعد أن حضرت امل
لتجد منال أمامها
هاله: هو انتي ليه مرجعتيش معايا؟
منال: يا بت انا بتشغل ساعتين زياده، بروح عند واحده اعملها لقمه وبتراضيني، اصل جوزها ميعرفش أنها مش بتعرف تطبخ، فبروح اطبخ وامشي قبل ما ييجي
وفي مكانا اخرا، نجد أن رجلا متكبرا مغرورا، ليجلس علي كرسي واضعا قدما فوق الأخري
ناصر: هاه، ايه اخر الاخبار؟
علاء: حضرتك، الست بنتها الصغيره اتوفت، الزائده انفجرت فيها، وهيا جاتلها جلطه واتشلت وبقيت نايمه مش بتتحرك
ليضحك ناصر
ناصر: برافو، والبنت الكبيره؟
علاء: اشتغلت خدامه ف البيوت، وامها متعرفش
ناصر: وعرفت منين أن أمها متعرفش؟
علاء: واحد من رجالتنا اخته شغاله ف المكتب بتاع ميمي المخدمه، أخته قالتله وهو قاللي
ناصر: تمام تمام، اسمعني كويس بقي في اللي هقوله لك ونفذه بالحرف الواحد
علاء: امرك يا ناصر بيه
نعم، فهو ناصر العدوي، العدو اللدود لهيام وزوجها واولادها
ليملي عليه ناصر الخطه
علاء: أوامر معاليك
ونتركهم ونذهب الي دار المسنين، حيث كانت بدريه في غرفتها رافضه الطعام والشراب
احدي العاملات: هتموتي من قله الاكل، حرام عليكي نفسك، كلي إنشاءالله لقمه صغيره
بدريه: مليش نفس
العامله: عيشه، الريسه لو عرفت انك مبتاكليش هتنكد عليكي وتحبسك ف اوضه وحشه اوي
بدريه: مافيش حاجه تفرق معايا بعد اللي عمله ابن بطني، ده انا طول عمري مبدياه علي أخته وعمري مزعلته، يقوم بعد ما اعمله توكيل عام يرميني الرميه ديه هنا، عملتله ايه انا؟ مش كفايه مشيت ورا كلامه لغيت ما فقدت بتي وهربت وبقاللي سنين معرفش عنها حاجه، يا تري عايشه؟ يا تري ربنا استرد الامانه؟ حسبنا الله ونعم الوكيل
عيشه: ربنا يعترك فيها، بس كلي الله يرضي عليكي
بدريه: والله ريقي مر عقلم ونفسي مسدوده، اعملي معروف اديني اي حاجه تخليني انام، مش عايزه افكر ف اي حاجه، عايزه مخي يقف
عيشه: طاب كلي اي لقمه حتي لو علبه زبادي عشان البرشام هيهبطك
بدريه: امري لله، هاتي
اما هاله
فها هيا قد وصلت الي مكتب ميمي
ميمي: شاطره، انا احب البت الملحلحه، خدي بقي العنوان وأديه لمختار تحت وهو هيوصلك، الست شريفه كان عندها حفله كبيره وعايزاكي تشطبي المطبخ، هيا عندها اللي هيوضبو البيت، وهتراضيكي احلي مراضيه، ده غير أنها هتديكي اكل من بواقي العزومه، حاجات ايه جايه من الفنادق
هاله: وهرجع لحضرتك هنا تاني؟
ميمي: لاء، روحي علي بيتكم، انا وهيا لينا حساب مع بعضينا
هاله: حاضر، عن اذنك
ميمي: روحي ربنا معاكي
لتذهب هاله الي عملها
وها هيا تصل إلى فيلا جميله حيث تسكن سيده جميله ولكنها ثريه جدا، تعيش وحيده بدون زوج أو ابن أو ابنه
لتدخل عليها هاله
سماح: انتي هاله؟
هاله: اه حضرتك
سماح: ادخلي المطبخ افطري وبعدين شطبيه، عايزاه يلمع من النضافه
هاله: تحت امر حضرتك
لتدخل هاله الي المطبخ
لتصرخ في داخلها من هول ما رءيه، فالمطبخ كان يعج بالاواني والأشياء المتسخه
هاله: قدرني يارب
لتبدء هاله في عملها
وبعد مرور خمس ساعات
تخرج هاله من المطبخ وملابسها مبتله عن آخرها
سماح: ايه ده؟ انتي شكلك عامل كده ليه؟
هاله: حضرتك انا خلصت، اتفضلي شوفي لو في حاجه مش عاجبه حضرتك اعيد عليها
سماح: وريني كده
لتنظر سماح الي مطبخها
سماح: واو، ده رجع جديد، برافو عليكي، تسلم ايدك، بس ايه مش هتغيري؟
هاله: لاء حضرتك، اصلي مجيبتش معايا غيار تاني
سماح: بس انتي كده تتعبي، اقولك تعالي معايا علي فوق
ليصعدو بالفعل الي غرفه سماح
سماح: خدي البسي الفستان ده
هاله: كتر خيرك
سماح: ولا يهمك، غيري بس، ولو حابه خدي فستانك ف كيسه
هاله: شكرا لحضرتك
سماح: خدي فلوسك اهيه، ولما تخلصي تعالي عشان اديكي شويت حاجات
هاله: ربنا يبارك ف حضرتك
وبعد أن استبدلت هاله ملابسها، نزلت إلي الأسفل
لتجد أن سماح قد أعدت لها صندوقا كبيرا
سماح: خدي بقي عشان انتي مكلتيش
هاله: ربنا يراضيكي يارب
سماح: بقولك ايه، انا عايشه لوحدي، متيجي تشتغلي عندي وتعيشي معايا؟
هاله: اصل الصراحه امي
سماح: مالها؟
هاله: حضرتك ده موضوع طويل
سماح: طاب اقعدي احكيلي، اصل انا الصراحه ارتاحتلك وانا مبرتاحش لحد بالساهل كده، روحي اعملي كوبايتين شاي وكام سندوتش ناكل وتحكيلي كل حاجه
هاله: بكسوف، اصل انا مش جعانه حضرتك
سماح: انتي هبله يا بنتي؟ ده انتي مش قادره تتكلمي، اقولك هقوم انا اعمل الشاي والسندوتشات، وخليكي انتي قاعده، بس هاتي الحاجه ديه احطها ف الفريزر عشان متبوظش
هاله: تحت امرك
وبعد أن انتهت سماح من اعداد الشاي والسندوتشات، فها هيا تجلس بجوار هاله
سماح: احكيلي بقي حكايتك
هاله: حاضر
ثم تقص عليها هاله كل ما تعرفه عن حياتها
سماح: لا اله الا الله، ده انتي حكايتك صعبه اوي، ربنا يعينك، بس اسمعي انا والله حبيتك اوي، وزي ما انتي شايفه عايشه لوحدي، اصلي متجوزتش عشان كنت بربي اخويا بعد وفاه ابويا وامي، بس هو بقي محامي كبير اوي رغم سنه الصغير، بس هو سافر برا ياخد الدكتوراه، شوفي قمر ازاي، المهم انا بعد بكره عايزاكي تجيلي، هتشتغلي معايا انا بس، ومتخافيش هحاسبك بالزياده كمان، انا الحمدلله ربنا كارمني اوي
هاله: كتر خيرك، طاب والست ميمي؟
سماح: مالها؟ ميمي هتاخد حسابها
هاله: حاضر، عن اذنك اروح انا بقي
سماح: اصبري، هطلبلك اوبر، اصل عربيتي ف التوكيل وعربيه الدكتور اخويا مركونه بقالها كتير
هاله: ربنا يكرمك
سماح: يا بنتي انتي مؤدبه اوي، ربنا يشفيلك مامتك ويبارك ف عمرها، بالرغم من الفقر والعوز إلا أنها ربتك احسن تربيه
وبعد أن حضرت السياره، استقلتها هاله وهي في طريقها إلى منزلها
لكنها حينما وصلت، وجدت ابوالحمد ف انتظارها وهو يتحدث بصوت عالي
ابوالحمد: انا عايز فلوس الشهر ده
هاله: وطي صوتك شويه، بس اصل اختي اتوفت وامي كمان تعبانه عندها جلطه
ابوالحمد: وانا مالي؟ يارب تموتو كلكم
هاله: طاب ممكن تاخد الالف جنيه ديه وتصبر عليا شهر واحد بس
ابوالحمد: هاتي يا اختي، ماشي، بس بعد الشهر ده انا مش هصبر يوم واحد
هاله: حاضر، كتر خيرك