هاله: حاضر، كتر خيرك
لينصرف ابوالحمد
هاله: اوعي يا امل امي تعرف حاجه عن الراجل ده او أنه جيه
امل: ربنا يعينك يا ابله هاله، حملك تقيل اوي
هاله: كتر خيرك، بس انا مسكوفه منك اوي، اصل الصراحه هو خد كل الفلوس اللي معايا
امل: عيب عليكي، انتي اختي زي منال بالظبط وانا مش هاخد منك فلوس تاني، انا اقعد مع خالتي وهدي والله انا حبيتهم اوي، بس لازم نشوف حل لهاله، أصلها تعبانه ديه حتي بتاكل بالعافيه
هاله: إنشاءالله هوديها للدكتور اول ما ربنا يفرجها عليا
امل: إنشاءالله، هتعوزي مني حاجه؟
هاله: لاء يا حبيبتي، ربنا يكرمك
امل: طاب انا ماشيه
هاله: مع السلامه
لتتركها امل وتذهب
لتدخل هاله الغرفه علي والدتها، لتجدها تغط في نوما عميق
هاله: يارب يكون العلاج جايب نتيجه، اما يا اما
لتفتح هيام عينيها
هاله: عامله ايه يا حبيبتي؟
لتوميء هيام برءسها
هاله: انا جيبتلك حاجات حلوه كتير، اصل خالتي ام عبده كان عندها عيد ميلاد، اصل بتها جات من اسكندريه وعملوا عيد ميلاد ابنها هنا واديتني اكل كتير اوي، استني هجيبلك اكل
لتنظر هيام الي فستان هاله
هاله: ديه خالتي ام عبده جابتهوللي، اصل فستاني اتبهدل واحنا بننضف المحل ونمسحه
لتتركها هاله وتخرج
هاله: حقك عليا يا امي اني بكدب عليكي، بس هعمل ايه، مقدرش اقولك أن بنتك بقت خدامه ف البيوت، ياله الحمدلله على كل حال
وبعد أن اطعمت هاله والدتها واعطتها ادويتها، اغمضت هيام عينيها لتنفرد بذكرياتها
فلاش باك
اليوم هو موعد زواج هيام علي ناصر العدوي
فبعد أن ارتدت فستانها وانتهت من كل شيء، تدخل عليها والدتها الغرفه
بدريه: ايوه كده، انتي بتي حبيبتي، العريس علي وصول، عايزاكي تسمعي كلامه، ده هيعيشك ف سعاده
هيام: حاضر
وبعد أن خرجت والدتها من الغرفه، فها هيا هيام تخرج من المنزل علي اطراف أصابعها
لتجد ظريف في انتظارها
ولكن لسوء الحظ يراهم ناصر وهم يهربون
ليطلق عليهم الرصاص
ليصاب ظريف في رجله
هيام: اجري يا ظريف، هيمسكونا
ظريف: مش قادر، رجلي رجلي
هيام: اعمل معروف، هيلحقونا
كل هذا وناصر ورجاله خلفهم يلاحقونهم
ولحسن حظهم يمر القطار، فيقطع الطريق بينهم وبين ناصر
لتجد هيام منزلا فقيرا لتدخله
لتجد سيده جالسه مع أبناؤها
هيام: اعملي معروف، خبينا عندك، عايزين يموتونا
السيده: حاضر، خشي الاوضه الاخيره ديه، استخبو جوه
هيام: كتر خيرك
وبعد وقت قصير يصل ناصر ورجاله الي منزل السيده
ناصر: انتي يا ست، مشوفتيش واحده لابسه عروسه ومعاها واحد متعور؟
السيده: لاء يا باشا
ناصر: هنفتش، ولو لقيناهم هقتلك عيالك
السيده: اتفضل يا بيه، فتش براحتك، انا معنديش حد
ليتركها ناصر هو ورجاله ويذهب
لتطمئن السيده وتدخل علي هيام وظريف
السيده: اطمنو، خلاص مشيو، بس انتو حكايتكو ايه؟
هيام: مش وقته، عايزين نعالجه
السيده: طاب استني اما جوزي ييجي، اصل هو شغال صياد وهييجي قرب الفجر، بس استني انا عندي هنا دوا مسكن هنديهوله
هيام: بس ده سخن اوي
السيده: متخافيش إنشاءالله خير، بس قوليلي ايه حكايتكم
لتقص عليها هيام كل حكايتها، وسط صراخ ظريف من الالم
ويمر الليل، وناصر لايزال يبحث عن عروسه الهاربه ومعه أخيها هادي
وها هو العم سعيد الصياد قد اتي الي منزله
لتبلغه زوجته بما حدث
ليحاول اخراج الرصاصه من جسد ظريف
ليتم إخراجها بعد عذاب
العم سعيد: انا خرجت الرصاصه وكويتله الجرح، بس مينفعش تفضلو قاعدين هنا، اكيد هيرجعو تاني
هيام: ما انا مش عارفه هنروح فين
سعيد: اسمعي يا بنتي، انا هديكي عنوان اختي، هيا ساكنه ف حاره ف مصر، ممكن تسكنو عندها، وكمان عمرهم مهيعرفو يوصلو لكم، مصر كبيره ويتوه فيها الناصح، انا هاخدكم بالقارب بتاعي للشط التاني، ومن هناك هركبكم عربيه السمك الكبيره اللي بتوزيع السمك، ومتخافيش ومحدش يقدر يفكر أن العربيه ديه فيها بني ادمين، بس معلش بقي استحملو ريحه السمك
هيام: كتر خيرك
لتعود هيام بالذاكره باك ثم تغط في نوما عميق
اما ميمي
فها هيا تتصل علي هاله
ميمي: ايه يا هاله؟ برن عليكي معندكيش شبكه، المهم عايزاكي تجيلي الصبح بدري عشان جالك شغل حلو اوي
هاله: يا فرج الله، حاضر
لتغلق هاله الهاتف مع ميمي
ونترك الجميع ونذهب الي فيلا ناصر العدوي
فقد كان يجلس في منزله يحتسي القهوه ويتحدث مع زوجته
ناصر: وبعدين يعني؟ انا عمري ما هخلف، الفلوس ديه كلها هتروح لمين؟ مش عارفه تجيبي لي حتت عيل
صفاء: انته ناسي أن العيب منك انته، وانك اتجوزت قبلي كتير ومخلفوش
ناصر: اشمعنه الفقرا يخلفو وانا لاء؟ ده مش عدل ابدا
صفاء: استغفر ربك وقول الحمدلله
ناصر: انا عايز اعرف اخلف ازاي ويبقالي عزوه واولاد
صفاء: فوق بقي، انته عقيم بنسبه كبيره، يعني مستحيل تخلف، وارحمنا بقي
ناصر: غوري من وشي، وانا هتصرف، جاتك القرف وش نكد
ليخرج ويتركها
ليذهب إلى منزل هادي اخو هيام
هادي: يا الله، أخيرا حنيت عليا وجيت بيتي
ناصر: خلاص يا هادي مش وقته، المهم انا جايلك عشان...
هادي: طاب تعالي نقعد ف المكتب ونتكلم براحتنا
وبعد عده ساعات
يتصل ناصر علي علاء
ناصر: ايه الاخبار؟
علاء: كله تمام، انا زرعت الكاميرات ف مكانها، وكله تحت السيطره، والطير هيكون هنا الصبح ويقع ف الفخ
ناصر: ياله شد حيلك، برافو عليك
ثم يغلق ناصر الهاتف مع علاء وسط ذهول هادي
هادي: انته لسه ف دماغك الموضوع ده؟
ناصر: اه، عندك مانع؟
هادي: ابدا، اللي تشوفه
ناصر: انا هحتاجك بعد كده
هادي: يا سلام، تحت امرك
ناصر: انته كده صاحبي
هادي: وليا الشرف طبعا
وبعد مرور الليل أتي الصباح ليحمل معه مفاجأت
فها هيا هاله تخرج مسرعه وتذهب الي مكتب ميمي
وما أن وصلت
ميمي: خدي العنوان ده بسرعه، الست ديه قريبه واحده تعرف بسمه، وبسمه قالتلها عليكي، والست وافقت انك تروحي وهتبسطك اوي
هاله: يارب، عن اذنك
وبعد مرور ساعه تصل هاله الي العنوان
ثم تطرق الباب
ولتفتح لها سيده جالسه علي كرسي متحرك
السيده: اهلا بيكي يا بنتي، ادخلي، معلش هتعبك معايا، عايزاكي اهم حاجه تروقيلي اوضه النوم عشان ابني جاي من السفر، وبعد كده تبدءي ف الشقه
هاله: حاضر
لتدخل هاله الي الغرفه لتبدء في ترتيبها
ثم تسمع صوت السيده
السيده: معلش يا هاله، مش اسمك هاله برده؟
هاله: اه حضرتك
السيده: عندك ف الدولاب بتاعي علبه مجوهرات، هاتيهالي لو سمحتي
هاله: حاضر
لتحاول هاله أن تفتح ضلفه الدولاب
هاله: حضرتك مش راضي يفتح
السيده: معلش افتحيه بسكينه، اصل المفتاح ضاع مني، وزي ما انتي شايفه انا مقدرش اقف
هاله: حاضر
لتدخل هاله الي المطبخ لتحضر سكينا
لتحاول فتح الدولاب
ليتفتح الدولاب بالفعل
لتأخذ هاله علبه المجوهرات دون أن تعلم أنه توجد كاميرات تصورها
ثم تخرج الي السيده ومعها السكين وعلبه المجوهرات
وفي هذه اللحظه يصل علاء ويبلغ عنها الشرطة
هاله: مظلومه والله، مظلومه، مش حضرتك اللي قولتيلي اجيبلك علبه الدهب؟
السيده: انا محصلش
وهنا تحضر الشرطه للقبض على هاله
وبالفعل يتم القبض عليها ويقتادوها الي السجن
هاله: مظلومه والله، معملتش حاجه، حرام عليكم سيبوني، امي اختي
وبعد وصولها إلى القسم بدأت معها التحقيقات
وهيا علي نفس الجمله
هاله: مظلومه، مظلومه
ليتم تحويلها للنيابه
وبعد تفريغ الكاميرات تحدد لها جلسه مستعجله
اما منال
فكانت تجلس مع اختها امل
امل: مش عارفه اعمل ايه، خالتي بقالها كذا يوم كل ما تفوق تسأل علي ابله هاله، وانا بقولها أنها بتكون موجوده وانتي نايمه، والعافيه خدت العلاج، وكمان هدي حالتها صعبه
منال (بدموع): انا مصدقش اللي حصل ده، هاله عمرها ما كانت حراميه، اكيد في حاجه
امل: وانا كمان، طاب هنعمل ايه؟
منال: هقوملها محامي، وكمان ف المحكمه هيسألو مدام ميمي وكل الناس اللي هاله اشتغلت عندهم
امل: ربنا يستر
وبعد مرور يومين
ها هيا محاكمه هاله واستجواب جميع الشهود
الذين اقروا بأن هاله نظيفه اليدين ولم تفعل أي شيء
ولكن في الكاميرات قد إدانتها
حتي لم يشفع لها دفاع المحامي
وتم الحكم علي هاله بسنه مع الشغل والنفاذ
القاضي: كان المفروض احكم عليكي بتلت سنين، لكن لأنها اول سابقه ولصغر سنك حكمت عليكي بسنه
هاله: مظلومه والله العظيم مظلومه، حسبنا الله ونعم الوكيل، امي واختي هيروحو فين؟ هيعيشو منين؟
لتقترب منال من قفص الاتهام
منال: متخافيش، خالتي ف عنيا هيا وهدي، وانا عارفه انك مظلومه وربنا هيظهر براءتك
هاله (بدموع منهمره): مش مهم، انا هدي وامي امانه عندك، ربنا يخليكي، خدي بالك منهم
منال: ف عيوني، متخافيش، وربنا يظهر براءتك
اما في منزل هيام
فنجد أن هادي ومعه ناصر العدوي
ناصر: هتعمل زي ما قولتلك بالظبط
ليدخلا بالفعل
ويدخل هادي غرفه هيام ليوقظها
لتفتح هيام عينيها
هادي: شوفتي هروبك وصلك لفين؟ بعد ما كنتي عايشه احسن عيشه، دلوقتي بقيتي مرميه مشلوله ف مكان زباله، وبنتك الصغيرة ماتت من الفقر، والكبيره اشتغلت خدامه ف البيوت وحبسوها عشان حراميه، اما بقي بنتك اللي فاضله انا هاخدها تتربي معايا
ناصر: تستاهلي كل اللي جرالك، بقي تسيبيني انا وتفضحيني وتهربي ليله جوازنا؟ واعيش ف فضيحه طول عمري بسببك، والناس تطلع عليا اشاعه اني مش راجل، كل ده بسببك، احب اقولك أني انا اللي هاخد بنتك اللي فاضله واحرق قلبك عليها
ويحدث كل هذا وسط دموع هيام، وهي لا حول لها ولا قوه