رواية احببت متلازمه داون الفصل الثالث عشر 13 بقلم نوسه حمد
حسام دقايق وجانا ولمن شافني لمن إنخلع بقا منطط عيونو قال لي اريج قلت ليهو اي
على قال ليهو اريج م عندك معاها شغله وحسام كان مادي لي يدو عشان اسلم علي نزلا ليهو قال ليهو اتكلم معاي انا حسام بقا اتمتم قال ليهو في شنو ي ابو النسب علي قال ليهو انت فضلت فيها نسب ي وسخ حسام بقا محمر لي قال ليهو علي انت جنيت ولا شنو بعدين احترمني انا نسيبك وح اكون خال اولادك قال ليهو مالي الشرف قال ليهو كيف ي علي ودا كلام شنو قال ليهو السمعتو حسام قال ليهو فشنو ي علي استهدا بالله الامور م بتتحلا بي كده وثويبه اختي م تستاهل منك كده قال ليهو اختك صاح طيب انت وقت بتعرف الخوه وعندك اخوات خايف عليهن من الانكسار بنات الناس لعبه كانن عندك ولا شنو حسام بقا اعاين لي قال ليهو بنات ناس منو ي علي بعدين انت عارفني زول متزوج قال ليهو حسام م تعمل فيها رايح انا اريج حكت لي قال ليهو اريج دي واحده كذابه وواحده فاكه ساي م عندها ولي يلمها وكان صوتو عالي شديد طوالي علي قشط فيهو كف لمن الناس جو حجزوهم وانا بقيت اقول لي علي عليك الله اهدا م تعمل في نفسك كده قال لي خليني ي اريج انا ابقا م ود ناس لو م جبتا ليك حقك ويا انا ي حسام حسام قال ليهو علي م تصدقها دي كذابه وبتكذب عليك
علي لقا الناس ملمومين فرقهم وجا راجع لحسام قال ليهو انت الكذاب اريج م كذابه وانت م راجل ي حسام مفتكر بنات الناس لعبه ولا شنو حتي لو كانت فاكه ساي كانت صحبت اختك مفترض تعتبرها زي اختك و تحافظ عليها موش تلقاها فرصه وتاكل مخها وتوهما بالعرس تف عليك ي حيوان انا خوفت علي علي تجيهو. حاجه لمن بقا يرجف
حسام قال ليهو انا م غلطت معاها عشان م تصدق كلاما قال ليهو حسام انا سمعت مكالمتك معاها هسي كانت جنبي هي م تعمل فييها شاطر وعاوز تكسر جناحا تاني واريج انا بعرفها كويس كانت حبيبتي وكان نفسي تكون ام اولادي ظهرت انت اكلت مخها ووهمتها بالعرس ولمن حملت منك جات كلمتني وللاسف م ورتني انو دا انت العملت فيها كده لو ورتني انا كنت ح اكتلك بس هي خافت عليك قال ليهو وهسي م سالت نفسك جات قالت ليك ليه عشان تخرب زواجكم لانها بتغير من ثويبه قال ليهر غيره شنو الزوله دي انت دمرت مستقبلا وشلت ذنبها وذنب البت الانجدعت قال ليهو احتمال غلطت مع غيري قلت ليهو كذاب ي حسام انا ماف زول لمسني غيرك قال لي المره التانيه برضو انا علي بقا مخلوع قلت ليهو شنو وقعدت اتمتم علي قال لي اريج حملتي تاني بقيت ساكته م رديت عليهو حسام قال ليهو دي عاوزه تغشك قلت ليهو لا انا لو كذبت ع الدنيا كلها علي م بكذب عليهو حسام قال لي طيب مالك سكتي 💔علي قال لي اريج ردي قلت ليهو اي ي علي و علي من غير م يشعر اداني كف لمن حسيت الدنيا ظلمت اي كف اخدتو في حياتي بعد حملي كوم وكف علي دا لي كوم تاني اهلي كانو خايفين من الفضيحه واني نزلت راسهم وضربهم لي هو الزادني في القوه بس علي حسيت كفو لي كانو م اتوقعت منك تصلي للمرحله دي بقيت ابكي وعلي كان متوتر قال لي معليش ي اريج غصبا عني قلت ليهو علي انت لو كتلتني موافقه وعشان م تخرب ع نفسك ساي انا ميؤس مني ربنا يسعدك مع ثويبه وثويبه بت طيبه م فيها كلمه وانا لمن كلمتك م عاوزه اخرب عليك بس انا اتمغست من حسام وثوبيه هم السبب في دماري وشايفني كعبه حسام قال لي اسمعي ي اريج ابعدي عن طريقنا م تخربي لينا حياتنا قلت ليهو حاضر ان شاء الله بس م تنسا انو عندك بت تانيه ومتي م ضميرك يصحا انا ح اوصفها ليك م ابقا عليها اتنين بت حرام وتقع في الحرام قال لي ي سلام انتي مجنونه دايراني انسبها لي دي م تعشمي بيها لو نططتي وانا ضميري صاحي صحي ضميرك انتي م ممكن تحملي مرتين انا بقيت م شايفه مسكتو ليك بكل قوتي كان داير اموت في يدي وكنت م شايفه قلت ليهو انت مجنون ولا شنو تدمرني وانت السبب وتقعد تطاعن فيني بالكلام وتفيت ليهو في وشو لمن انفعل وجاط فيني وعلي مسكو مني علي قال لي اريج اهدي وم تتكلمي انا جايب حسام نحل الموضوع هنا طلع الدبله من يدو واداها لي حسام قال ليهو قول لي ثويبه اختك ربنا اديك الاحسن مني واعتزر للوالد واي حاجه جبتها ليكم م ح ترجع دي حقت ثويبه وان شاء الله ربنا اديها الاحسن مني حسام قال ليهو اعقل ي علي تضيع مستقبل عشان حب مراهقه وعشان واحده حملت مرتين علي قال ليهو اتكلم بأسلوب افضل عشان م اتلوم معاك تاني وحسام بقا يتمتم قال لي دي صحبتك ي اريج تخربي عليها ثويبه م تستاهل اتزكرت ثويبه انها م تستاهل بقيت احنس في علي قلت ليهو علي انا ممكن اكتل روحي لو انت فكرت تخلي ثويبه وتفركش عرسك قال لي انا راجل ي اريج وح المك وم ح اخليك تعيشي مكسوره قلت ليهو علي مستحيل اقبل ليك انك تتزوجني ولا نفسي بتسمح لي انت م عملت شي ف الدنيا عشان تتزوج واحده تافهه زي انت انسان طول عمرك ملتزم وبتخاف ربنا م ح اخليك تتزوج واحده زانيه زيي قال لي م تقولي كده قلت ليهو دي الحقيقه عشان كده جيب الدبله ي حسام شلتها من حسام ولبستها ليهو قلت ليهو ثويبه اختي وم تستاهل وانت عريس الحنه في يدك وامك بتريدك شديد لو عرفت الكلام دا احتمال تجيها حاجه عشان كده اتزوج ي علي وادعي لي ربنا يسهل طريقي قال لي لا انا م بخليك ي اتزوجك انا واخلي ثويبه ي اتزوجك حسام حسام انخلع قال ليهو انا لا متزوج م بتزوجها علي طلع الدبله قال ليهو طيب انا الحا استرها واختك ربنا يسترها دنيا واخره حسام قال ليهو لا ي علي خلاص ح اتزوجها انا قلت ليهو ولا انت م عاوزاك انت عاوز تتزوجني عشان م تخرب ع اختك فرحتها صاح علي قال لي اريج انا م ح اخليك الا احل المشكله دي ي انا ي حسام اختاري قلت ليهو حسام عشان انت طاهر م تستاهل وحسام يستاهل بس عندي شرط قال لي شنو قلت ليهو بتنا نجيبا وتعيش معانا قال لي لا انا م موافق علي قال ليهو ولا كتر خيرك توافق عشان انا للان محترمك م اتلومت معاك حسام قال لي طيب بس م هسي بعد زمن حتي نجيبا قلت ليهو المهم بس تتلما علينا علي قال لي يلا ارح وصفي بيتكم نخطبك وعرسك ح يكون معاي وانا ح احجز ليك مع ثويبه والناس م ح اعرفو الا لحظه العقد والما عاجبو يضرب راسو بي الحيط وحليفه مني ي حسام اريج دي تجيها حاجه انا بشرب من دمك وبفضحك وم تنسا المكالمه بينك وبينا مسجله وانا الحا احتفظ بيها قال ليهو ذي خساسه منكم وانت عامل فيها شيخ قال ليهو حسابي مع ربنا انت م بتحاسبني لا ف الكلام لا ف الدنيا بس خليك فاكر اريج لو شكت منك يوم انا م برحمك واتفقوا ع كده
مشينا بيتنا لقينا ابوي قاعد ومجهز لي السوط وامي دايره تجن لمن جيت داخله استلمني ليك ضرب ونبز لمن علي حجزو مني وقال ليهو جينا نريحكم منها ونخطبا لي حسام دا ابوي وامي بقو مخلوعين.............. يتبع.