رواية ماخفي كان اكبر الفصل السابع 7 بقلم جمانه السعيدي
ميار.....من شفت تحليل الحمل تخبلت
لازم اتواصل ويا سيف يستعجل بلخطبه
بس يفوت وكت اكثر انفضح كدام اهلي والجيران
اتصلت على سيف مايرد
بقيت النهار كله اتصل علي
امي جهزت الاكل بس مجاي اكدر اكل
الاكل الي اشم ريحته وهو ينطبخ تلعب نفسي منه
امي....يمه ميار وضعج ابد ما عاجبني شبيج
ميار...مابيه شي يمكن جرثومة معده لان مجاي اكدر ااكل
امي...ليش مارحتي تسوين تحليل
ميار...باجر اسوي تحليل
امي....شو صاحبج لا حس ولا خبر هاي صار ٣ اشهر
ميار...صاحبي منو
امي...سيف من اجانا اول مره وشفت لهفته عليج
كلت راح يحرك الدنيا حتى ابو يقبل بهاي الزواجه
شو كلشي ماكو سكته
ميار...قريبا انشاء الله عنده ضروف بس وعدني
بأقرب فرصه راح يجي يتقدملي
امي....انشاء الله خير بس لا يبطل
ميار...لا شنو يبطل غير اجا وحجا وياج
امي...واذا حجا وياي شنو كلامه صك النبوه
كلام كاله ومشى ايجوز اهله ما يقبلون قابل يكسر كلام اهله
بعدين كلشي بهاي الدنيا قسمه ونصيب
كل واحد ياخذ قسمته
ميار...كلام امي قلقني خاف صدك يعوفني
لا اسم الله انشاء الله ما يعوفني شسوي بهذا الي بطني
شكول للناس شكول الامي
وين اودي وجهي من الناس
جمانه السعيدي
مارد عليه ابد دزيتله رساله
سيف محتاجه احجي وياك بموضوع مهم فدوه من تشوف الرساله رد عليه
مارد عليه ولا سئلني شكووو
فات يومين والثالث وهو ماكووو
دزيتله رساله فدوه جاوبني الله يخليك محتاجتك
ضروري
هم ماكو لايرد على الرساله ولا علي الاتصال
اليوم الخامس اتصل عليه
بس فتحت الخط كمت ابجي
سيف...ياستار ياربي شكووو شبيج ليش تبجين
ميار...الحكلي مصيبه ووكعت على راسي
سيف....شكو اذا شي مهم نروح بيتنا ترا اني مشتاقلج موت
ميار...اي تعال اروح وياك لان الموضوع مهم مو مال احجي بلتليفون
ميار..... احنا نفتح المحل الساعه عشره الصبح
دزيتله تعال بثمانيه الموضوع ما يتحمل التاجيل
سيف...شعندي بثمانيه اجيج بلتسعه
ميار...جهزت نفسي امي سألتني اليوم من وكت
ميار..جايتنا طلبيه وصبحي كال تعالي من وكت
امي....الله يرزقكم انشاء الله
طلعت الراس الشارع وبقيت واكفه مااريد امي تشوف سيف
وتسألني عنه
بلتسعه وربع يله وصل
صعدت ويا بلسياره مشينا شويه
ميار...سيف الحك عليه اني حامل
راسا ضرب بريك بنص الشارع
سيف....شنو شنو حامل
ميار...اني هم تفاجئت مثلك
سيف...واني شنو علاقتي
ميار....شنو علاقتك انت ابو هذا الطفل فدوه
استعجل بلخطبه الله يخليك راح انفضح
سيف...هههه انتي غبيه لو تستغبين
ميار...ليش تكول هيج
سيف...تردني ازوجج وانتي حامل شايفتني زوج كدامج
ميار...ليش تحجي هيج انت ابو ااطفل
سيف...ومنو يكول اني ابووو
ميار...محد غيرك قرب عليه وانت تعرف هذا الشي كلش
زين
سيف....بابا بطلي هاي السوالف اني شنو علاقتي
شوفي ويا كم واحد نمتي وجايه تلبسيني هاي المصيبه
ميار......يااا احجي صدك شنو نمتي ويا كم واحد
اني محد قرب عليه غيرك
خاف ربك سيف لا تهتمي اتهام باطل
سيف.... مادام وصلت بيج الهاي المرحله
تردين تلبسيني مصيبه انزلي انزلي وبعد لا اعرفج ولا تعرفيني
ميار....هههي ههههي فدوه ابوس ايدك استر عليه الله يخليك
استرني الله يستر عرضك
سيف....لا جيبين عرضي على السانج
انتي شجابك العرضي احنا ماعدنا نسوان تطلع ويا الولد شقق وبأرادتها محد غصبها
اني جبرتج اخذتج بلقوه انتي اجيتي وياي
بكيفج جمانه السعيدي
بنيه رايحه ويا ولد شقه وحدهم
ليش برائيج يعلمها شلون تعبر الدولي
لو يشوفها شجرة العائله
ااكيد انتي جنتي تعرفين شراح يصير بذاك اليوم
وكنت موافقه ومستعده
ميار.. لا مااصدك انت اجيت خطبتني من امي
وكلت مستعد ازوجج وكتلي نروح نشوف بيتنا الي راح نسكن بي
ويومها جبتلي عصير وبقيت تلح اشربي اشربي
لمن فقدت الوعي وغدرت بيه
انت ملزم تصحح غلطك
سيف.. اني ما ملزم باي شي انتي اجيتي وياي
وجنتي موافقه على العلاقه وواكثر من مره
رحنا اني وياج هناك وكانت العلاقه برضاج
ومثل ما مشيتي وياي ااكيد عندج غيري وتمشين
وياهم روحي شوفي كم واحد صاحبتيهم
وشوفي هذا الي بطنج ابن منو
ميار.. ابنك اقسم بلله محد قرب عليه غيرك هذا ابنك
سيف.. خل اكلج شي من الاخير
اني وجماعتي كنا متراهنيين عليج من اول يوم
الرهن كان ٣ ايام واخذج انام وياج من شفتج صعبه وما تقبلين
اطلعين وياي خسرت الرهان وجماعتي ضحكو عليه
قررت انتقم منج
واجيتكم بحجة اخطبج بس طلعتو عائلة نسوان
نسوان يمشن بكيفهن
بدليل مجرد حجيت ويا امج مجرد كلام
عافتنا وطلعت وثاني يوم انتي طلعتي وياي
وين اكو خطبه واحد يجي وحده بدون اهله
بس انتم عائله طماعه من شفتني وحدي قررتن تستغلني
ووافقتو بسرعه
اصلا ماصدكت امج وانتي من ثاني يوم صعدت وياي بلسياره تفترين لا حسيب ولا رقيب
اني ماازوج وحده مثلج لو تبقين اخر بنيه بهاي الدنيا
اني ربحت الرهان وانتي خسرتي
اني من البدايه جنت ناوي اتسلى بيج واعوفج
ليش ما اخذتي حذرج تعرفين ليش
حتى تجبريني ازوجج لو تموتين ماازوج وحده مثلج
يله انزلي ومااريد اشوف وجهج مره ثانيه فهمتي لو لا
ميار...فتح باب السياره ونزلني شغل سيارته وطلع
هلكد ما انصدمت من كلامه كعدت على الرصيف ابجي
طلع يضحك عليه طلع مراهن عليه
جبت النفسي ولأهلي الفضيحه
شلون بيه شلون راح احل هاي المشكله
رجعت للبيت مارحت للشغل امشي وامسح بدموعي
مااعرف شلون اتصرف
دخلت لكيت امي طالعه
اختي واخوي سئلوني شبيج
ميار.. مابيه شي بس تعبت ورجعت
دخلت للغرفه واني ابجي وكعت نفسي بمصيبة
مااكدر اطلع منها
من رجعت امي سويت نفسي نايمه
حجت وياي مارديت عليها
اسمعها تحجي ويا اخواني
امي.... راح تروح البنيه من ايدي
يوميه مريضه شلون بيه اني ليش ساكته عنها
ليش مااخذها للطبيب
عين الي ما صلت على النبي عين وصابتها
البنيه جانت جنها ورده
بين يوم وليله تخربطت احوالها
يارب طالبه بنيتي منك
ميار.... من سمعت امي تدعيلي كمت ابجي حتى هذا الدعاء مااستاهله
بتج سوت مصيبه وانتي ماتدرين بتج دمرت حياتها
الله ينتقم منك سيف
الله يدمر حياتك مثل ما دمرت حياتي
الله ياخذك
بقيت طول النهار نايمه او مسويه نفسي نايمه
وامي تروح وترجع عليه
تريد تاخذني للمستشفى تطمن عليه
شلون اروح للمستشفى امي راح تكتشف مصيبتي
بعد تفكير نهار كامل قررت ماكو غير اروح الابو سيف
واحجيله كلشي من البدايه للنهايه
اشرحله شلون سيف ضحك عليه وستغلني
بلكت كلبه يحن عليه ويجبر سيف يزوجني
جمانه السعيدي
ثاني كعدت الصبح
امي...هااا يمه شلون صرتي
ميار...اليوم احسن
امي...تتريكين
ميار...لا مااشتهي بدلت وطلعت قبل موعد عملي
طلعت كبل للشركه الي يشتغل بيها ابو سيف
اني اعرف مكانها
مره اني وسيف طلعنا بلسياره ومرينا من يم الشركه
وهو اشرلي عليها كال هاي شركة ابوي
اخذت تكسي وطلعت للشركه
وصلت نزلت سئلت الحارس بلباب
ابو سيف موجود رد عليه بعده ما واصل ليش تسئلين
ميار....عندي امانه اله راح انتظره
الساعه تسعه وربع وصل
دخل هو وسيارته للشركه
اجيت ادخل الحارس ما قبل
بس نزل من السياره صحت علي استاذ عندي الك امانه
ااشر للحارس خليها تدخل
دخلت ودخل الحارس وياي يخاف خاف شايله سلاح
ميار...صباح الخير استاذ
رد عليه من ورا خشمه اهلا
ميار. اريد احجي وياك بموضوع مهم
ابو سيف. تفضلي
ميار ...احجي هنا موضوع خاص
ابو سيف...احجي وفضيتي ماعندي وقت
ميار.. موضوع محرج
رد عليه بعصبيه اعرفج تعرفيني شنو موضوع محرج
احجي او اطلعي برا لان عندي شغل
ميار....اني اعرف ابنك سيف وهو وعدني بلزواج
حتى اجا للبيت طلب ايدي من امي
واني مثل الغبيه صدكته وهو استغل حبي اله
وغلط وياي اني هسه حامل وهو ما يقبل يصحح
غلطه
ويعترف بلطفل
ابو سيف... مثل ما كلتي انتي غبيه ومغفله والقانون لا يحمي المغفلين بعدين وين ااكو بت ناس محترمه
تروح ويا واحد شقه
ميار.. هو خطبني من امي
ابو سيف... انتي وامج ثنيينجن بلا اخلاق
ميار.. مااسمحلك
ابو سبف....جان ما سمحتي السيف يلعب عليج
ميار.. اشتكي عليكم
ابو سيف....روحي اشتكي سيف البارحه طلع الامريكا
وبعد مايرجع للعراق
روحي اشتكي علي انتي ساقطه جاي تبيعين شرف
براسي
ابو محمود طلعها برا واذا رجعت ممنوع تدخل نهائيا
سحبني ابو محمود من ايدي
امشي وادعي عليهم
الله لا يوفقكم الله ينتقم منكم اذا تشوفون قوتكم على الناس الضعيفه
اكو رب العالمين أقوى منكم
حسبي الله ونعم الوكيل حسبي اله ونعم الوكيل
طلعت برا وكمت ابجي
عبالي ابو انسان محترم يقدر وضعي
بس طلع اسؤء من ابنه شنو من عائله ذوله
الله واكبر عليهم
ياربي هاي شلون مصيبه شلون راح تنحل
ورطت نفسي وروطت اهلي
انتظرونا.......