رواية ماخفي كان اكبر الفصل الثامن 8 بقلم جمانه السعيدي
ميار... رجعت للشغل بس مااعرف شلون وصلت
ماادري بنفسي امشي بدون وعي وكعت نفسي بمصيبة مالها حل
شلون عفته يضحك عليه شلون وصلت الهاي الحاله
شراح اكول الامي
شلون اعيش بين الناس
صدكوني مااعرف شلون وصلت للشغل
بس دخلت
شفت صبحي وااكف كبال الباب مجرد ما شافني كباله
صاح عليه بعصبيه
صبحي...بعد وكت ليش ما خلصتي النهار يله اجيتي
اني هذا الشغل مايفيدني
لو ماتجين لو تجين متاخره
لو نص الدوام وطلعين اني ماعندي استعداد
اتحمل هذا الاستهتار بلشغل
اتفضلي ارجعي منيين مااجيتي بعد مالج شغل عندي
هذا استهتار مو شغل
اذا انتي مو كد الشغل لا تعبيني وتعبيين نفسج
تفضلي مالج شغل عدنا
ميار...اني منا منهاره فد مره وحايره بزماني
وهو يصيح عليه بعصبيه
كمت ابجي بصوت عالي ابجي بحركه وصوت عالي
نزلت للكاع وكمت ابجي والطم على راسي
ابجي عبالك واحد ميت من اهلي
من شاف وضعي هيج صبحي ارتبك اتخربط
ما متوقع ردة فعلي
اتفاجئ بتصرفي هذا بقا واكف يباوع عليه مصدوم من الموقف
ميار اتهسترت كمت اعيط بصوت اعلى واملخ
بوجهي
دنك عليه لزم ايدي
صبحي...شبيج بابا ليش هيج اسوين
ميار...اني ضعت ضعت
هو توقع اني ااكول هيج لان طردني من الشغل
ااكول ضعت يعني بعد مراح الكه شغل مثل هذا
مريح وراتب محترم
وهو يعرف وضعنا المادي صعب
بينما اني مصيبتي ما تتسولف
دنك عليه لزم ايدي على كيفج مو هيج
كومي كومي تعالي وياي
اني راح ابقيج بلشغل بس هلمره بشرط
ميار...بقيت ابجي وواكول بكلبي ياااشغل يابطيخ
اخذني صبحي للمكتب وجابلي مي وانطاني كلنس
صبحي...يا بابا ليش تتاخرين مو هذا الشغل
محتاج متابعه
اول ما اجيتي هنا جنتي شحلاتج
تجيني قبلي ليش هيج يوم تجين ويوم ما تجين
وما مركزه على الشغل
عندج مشكله اذا عندج مشكله احجيلي
ايجوز اكدر اساعدج
جمانه السعيدي
ميار...عندي مصيبه مو مشكلة
صبحي...ياستار ياربي كولي شنو مشكلتج
ميار....مصيبتي مالها حل
صبحي...ماكو شي ماله حل
ميار....اله مشكلتي مالها حل ابد اله اكتل نفسي
واخلص
صبحي....خوفتيني احجي شبيج
ميار...كمت طبكت باب المكتب مااريد هاي البنيه تسمعني ورجعت المكاني اريد احجيله
هو اكبر مني وافهم بلكت يكدر يساعدني
حتلو تصرفي هذا غلط هم محتاجه احد اكبر مني احجيله
بلكت يكدر يساعدني
ميار.. اني اريد احجيلك مصيبتي من الاول
بلكت عندك حل
صبحي...اسمعج احجي
ميار...بديت احجيله كلشي صار وياي من اول مره دخل بيها سيف هذا المكان
الحد هاي اللحظه واني راجعه من ابو سيف بعد ما طردني
صبحي... طبعا انتي غلطانه شلون اطلعين ويااا
منو ما يعرف سيف كلها تعرف سوالفه المكسره
ميار...اني ما انطيته وجه وكنت اطرده حتى مره ا
اجيتك وانت طردته تذكر
بس من اجانا للبيت وحجا ويا امي
كلت خلاص هو طالبني بلحلال ليش أسد الباب بوجها
اول مره رحت ويا للشقه
ماكنت اعرف نيته شنووو هو كال تعالي شوفي المكان الي راح نزوج بي
ماكنت متوقعه راح يخليلي مخدر بلعصير
ويغدرني من بعدها كنت خايفه يعوفني اواجه مصيري وحدي وهو ماكان مبين علي الغدر
كلامه كله حب وااكثر شي يحجي عن زواجنا
وترتيبات العرس
شمدريني راح يغدر بيه
اني هسه حامل وهو وابو ما يقبلون يساعدوني
امي اذا عرفت تموت من الهبطه
ماعندي حل غير اقتل نفسي
صبحي...لا شنو تقتلين نفسج .اني راح اروح ادور علي واحجي ويااا
حتلو بس عقد شيخ ويومين ويطلك
المهم هذا الطفل ينولد يحمل اسمه
ميار...الله يخليك الله يحفظك انت ما تعرف وضعي شلون
جاي افكر بلموت
صبحي . ارجعي للشغل واني راح اروح ادور علي
واحاول اقنعه
ميار...غسلت وجهي وعدلت حجابي ورجعت للشغل
هاي البنيه الي تشتغل ويانا بقت تباوع عليه
متعجبه شلون رجعني صبحي للشغل
تعتقد اني جنت اعيط حتى يعطف عليه ويبقيني بلشغل
جمانه السعيدي
ااكثر من ساعتين يله رجع صبحي
دخل للمكتب واني رحت ورا
ميار....هااا استاذ حجيت وياا
صبحي....مع الاسف طلع كلام ابو صحيح
سيف طلع الامريكا
وواحد من المقربين اله يكول بسبب دخول داعش
والناس كامت اطلع اشاعات والخوف من الوضع
ابو طلعه الامريكا مع الاسف الجبان يبقى جبان
ماتصيرله جاره لا كدر يحافظ عليج ولا بقى حتى يدافع
عن وطنه انهزم الجبان
ميار...ياربي وهسه شلون شراح اسوي كل الأبواب انسدت بوجهي
صبحي.. اني اخذج اشوف دكتوره تنزل االطفل
وتكاليف العمليه عليه
ميار.. اي فدوه الف رحمه على والديك
صبحي راح اسئل اي دكتور ممكن تخلصنا من هاي المشكله
وارجعلج خبر
ميار...ولله مااعرف شلون اكدر اجازيك الله يجازيك كل خير على هاي المساعده
ثاني يوم طلعنا من الشغل اني وصبحي
رحنا حجزنا يم دكتوره
بس دخلت وكتلها اني اريد اتخلص من هذا الطفل
بلبدايه ما قبلت
بعدين صبحي بقا يلح عليها وعرض عليها مبلغ محترم
كالت اصعدي اشوف وضعج
بس فحصتني كالت مااكدر مستحيل اسوي هيج شغله
الطفل جبير والخطوره على حياة الام اكثر من حياة الطفل اعتذ منكم مااكدر
شكد توسل بيها صبحي بس ما قبلت
تخاف من المسائله القانونيه
طلعنا ورحنا دكتوره ثانيه نفس الكلام
تكول الخطوره على حياة الام الإسقاط بهاي المرحله
ممكن يسبب نزيف ما نكدر نسيطر علي
اليوم الي لعده رحنا دكتوره ثالثه
نفس الكلام الإسقاط بي خطوره على حياة الام
طلعت من العياده الدنيا ضلمه بعيني
ماكان اكو حل كدامي غير اقتل نفسي حتى اخلص واخلص اهلي من هذا العار
كعدت بلشارع على الرصيف وكمت ابجي
صبحي...كومي البجي مو حل
ميار...اقتل نفسي هذا اخر حل بقالي
صبحي....لازم اكو حل
ميار...شنو الحل جربت كلشي ماكو اي حل
صبحي....اذا كلش اني أعقد عليج حتى هذا الطفل ينولد بسلام حتلو اسجله بااسمي
ميار...مسحت دموعي وباعت علي تحجي صدك
صبحي....ماكو غير حل
زواج كدام الناس حتى احميج واحمي هذا الطفل
ميار...انت جاي تهدئني صح
صبحي....لا احجي صدك نعقد هيج كدام الناس
واخليج بيتي منا لمن ينولد هذا الطفل
ومن بعدها يحلها حلال
ميار...رجعت ابجي
صبحي...ليش تبجين ما موافقه ترا مو زواج حقيقي
بس حتى اطمن عليج
ميار...لا ما مصدكه انت راح تساعدني مسحت دموعي
صبحي....لعد اعوفج تقتلين نفسج
اخذي موعد من امج واجي اطلب ايدج
ميار...الف رحمه على والديك ياطيب انشاء الله
رب العالمين ينطيك الصحه والعافيه ويبارك برزقك
جمانه السعيدي
رجعني صبحي للبيت
بس دخلت قررت افتح هذا الموضوع ويا امي
لازم استعجل قبل لا بطني تكبر وانفضح
ميار.. امي تعالي اريد احجي وياج بموضوع مهم
امي...خير انشاء الله
ميار....اي خير صدكي خير
امي.. احجي فرحيني وياج
ميار...اولا موضوع سيف انسي طلع الامريكا وبعد مايرجع
امي...ليش
ميار...لان جبان وماكدر يوفي بوعده وياي
الموضوع الأهم اني تقدملي واحد كلش زين
ومنتظره بس موافقتج
امي...يالله منو هذا
ميار...صبحي يريد يتقدملي
امي....منو صبحي الي تشتغلين عنده
ميار...اي خوش رجال مال وحلال
امي...اكيد تخبلتي رجال عمره سبعين سنه
رجلي بلكبر حتى جهال ما يخلف بعد
تردين تزوجينه
عمرج ١٩ وعمره سبعين اكثر من خمسين سنه بينكم
شلون تعيشين ويا واحد بكد جدج
شنو ناقصج بنيه شابه وحلوه ليش تاخذين رجال حبير
ميار.. احسن من شباب هلوكت مابيهم خير
مثل سيف من وصلت للزواج انهزم
على الاقل هذا رجال رزن محترم فاهم
امي...لا يعني لا ماكو زواج من صبحي
ميار...بس اني موافقه
امي...واني ما موافقه لو تبقين بدون زواج
مراح اقبل تزوجين صبحي فهمتي لو لا
ميار...يمه فدوه وافقي علمودي
امي....لا مااوافق هذا رجال جبير حياتج ويا متوقفه
فرق العمر جبير بينكم
لا يكدر يدلعج ولا يحبج ولاهم مراح تحصلين منا اطفال
اهم شي بلزواج الاطفال
علمود شنو اضيعين حياتج ويا رجال عجوز
ميار..انتي شمدريج ايجوز احصل طفل
امي...مستحيل ماكو واحد عمره سبعين يصير عنده اطفال
ممنوع تحجين وياي بهذا الموضوع مره ثانيه
فهمتي لو لا
ميار...يبو وي على حظ ميار منيين ما تجين مسدوده بوجها
رجعت ثاني يوم حاولت وياا امي
قافله فد نوب ماكو زواج من صبحي
لو تبقين عانس طول عمرج هم ما تاخذين صبحي
فهمتي لو لا
انتي زعطوطه كلشي ما تفتهمين
قابل امشي وراج
ميار...شلون ياربي شنو الحل تعبت
هاي الغلطه مالها حل
انتظرونا.......