رواية أرهقني الفجور الفصل السادس والعشرون 26 بقلم نوسه حمد
صفيه اتصلت علي قالت لي نوسه الحمد لله انا ربنا نصفي والحق ظهر ما بنسي وقفتك جنبي ما خزلتيني في يوم قلت ليها الحمد لله يا صفيه انا شهاب كلمني قال لي الضابط قال ليهو ان شاءالله ح نخلي ناس علا اقولو الحقيقه ونعرف منهم الحصل شنو في اليوم داك قالت لي اي جانا عكسري قال لازم نمشي القسم ولو ما جينا ما نلوم الا نفسنا كانهم كانو عارفين زوجي ح يرفض ونسيبتي ادخلت في الموضوع وحمواتي الاتنين سمعننا فارغ وزوجي لدرجه انو مدا يدو علي نوسه انا اتهنتا اهانه احسن منها الفقر الكنت فيهو فقر وسط رضا امي وابوي يساوي الدنيا ومافيها قلت ليهو انا استحملتك واهنتني وزليتني وما رحمتني ولا رحمت تربيه اهلي لي وكان مواصل يضرب فيني قال لي انتي واحده فاجره انا بكرهك وماقادر اعاين في وشك ليله كامله انا عايشه في جحيم تاني يوم رفض امشي القسم امو قالت ليهو البت دي جابت لينا البلاوي وهسي الناس اقولو شنو وما تمشي لا قسم لا غيرو للظهر كده بعد كنت شغاله تحتهم خادم جا العسكري والمره دي قال لينا تمشو معاي ولا تجو وراي زوجي خاف من كلام الناس قال ليهو لو ما جيت وراي تاكد تماما انو ح اجي اسوقك بالكلبشات المهم العسكري فات قال لي قومي البسي مشيت لبست عبايتي وطرحه وطبعا وشي من الضرب مشوهه قال لي البسي نقاب لبست نقاب وهناك لقينا الضابط وقفنا وبدا يسال فيني عن اليوم الملعون من بدايتو قلت ليهو الحقيقه ما كذبت قال لي تمام امر العسكري يجيب علا ومعاها البنات نوسه سبحان الله علا لو شوفتيها اقسم بالله غضب الله ظاهر عليها في وشها وتحسيها متندمه وما متندمه ابدا قلبي ما حنا عليها وشده ما كنت ممغوسه منها قربت اضربها بس الضابط قال لي ما تعملي جوطه المهم بدا يسال فيهم طبعا نكرو اي شي قالو ما شافوني نهاي وانا كذابه كنت بحب علاء كنت بلاقيهو في شقه وزوجي مسكني داير يقتلني بس الضابط مسكو مني وقال لي ناس علا دي اخر فرصه ح اديكم ليها انكم تقولو الحقيقه ولو قلتو الحقيقه ح اخفف عليهم العقوبه حلفن قسم انهم قالو الحقيقه وطبعا انا انهرتا خلاص وزوجي قال كان يقتلني دفاع عن شرفو وانا احلف قسم اني مشيت معاهم عشان اكشفهم بس هم قدرو بي وكنت ببكي وبترجا في الضابط انو يخليهم يعترفو وقعدتا ليهو في الواطه نوسه انا كان ماهاميني زوجي لانو اساسا كنت كرهاناهو بس هاماني سمعتي وكلامي ح يلف ويصل كل الناس بس ربك رب الخير الضابط قال لي ناس علا دي كانت اخر فرصه ليكم عشان تساعدو نفسكم في القضيه دي وللاسف فشلتو وانتو ماقلتو الحقيقه بس انا عندي الحقيقه وبالادله والاثباتات نوسه ما اوصف ليك الراحه الحسيت بيها الضابط شغل ليهو لابتوب وكان فيهو تصوير من لحظه نحنا دخلنا ولحظه خدروني وفاتو خلوني مع الراجل الكبير كلهم طلعو خلوني انا ما واعيه كنت ببكي وبحضر راجلي حاول اواسيني بس كنت ما طايقاهو وكرهتو شديد الضابط قفل الفيديو وقال ليهم في غيرها سعاد الوقعت ضحيه علاء طبعا يا نوسه انا صبت فيني مطره معقولة علاء هو الغدر بي سعاد وبديت اتزكر منظر سعاد لمن اتصلت لي رقم وقالت ليهو ح تتصرف ولا افضحك شكلو كان علاء اقسم بالله خبر سعاد نزل علي زي الصاقعه استاذ علاء يطلع منو دا كلو معناتا ي نوسه انا كان عاوز يعمل معاي زي ماعمل مع سعاد الضابط قال ليهم كده لبستو اي شي ومافي شي بحلكم منها
ورجعهم السجن وقال لي معليش علي اي شي حصل ليك بس تصرفك كان غلط بنات قدرن يشربن ويسكرن منتظره منهم شنو غير ابقوك زيهم كان تجي تبلغي وتخلي لينا نحنا نشوف شغلنا ودفعتي ضربيه غبائك قلت ليهو الحمد لله قسمتي كده وعاين لي زوجي قال ليهو البت دي بت عمك فلنفترض انها فعلا غلطت مفترض تسترها وتكسب فيها اجر موش تظلمها قلت ليهو الحمد لله ما زعلانه بس انا يا جنابو عاوزه اطلق منو انا لي شهور مضرره زله واهانه وضرب فتحت ليهو وشي قلت ليهو شوف انا يوميا بنوم بي دقه عشان اهلي مساكين حقر بي وانا ما طالبه منك غير تطلقني منو انا نفسيا تعبانه ممكن اجن واعمل في نفسي زي ما عملت سعاد بس انا يا جنابو عندي اهلي محتاجين لي عاوزه اسندهم طوالي زوجي قال ليهو اوعدك يا جنابو اني ما المسها ولا امد يدي عليها قلت ليهو لا انا خلاص قنعتا وعاوزه اطلق منو بقا يترجا فيني وداير يبكي لي عديل بس انا ما قادره انسا زلتهم لي واصريت اني اطلق وزوجي وعد الضابط انو يطلقني ورجعتا بيتنا بي ملابسي اللابساهم وابوي وامي فرحو شديد واتندمو انهم عرسو لي وابوي محتاج لي يا داب بقا كويس وحنين علينا واصرا انو يشتغل وفكرت اعمل لي مشروع زي حقك زمان اعيش بيهو اهلي
قلت ليها الحمد لله يا صفيه ما تزعلي صدقيني ربنا ح يعوضك قالت لي نوسه اكيد والحمد لله انا في نظر الناس مطلقه عشان لو اتزوجتا تاني مايعيشني في سجن والحمد لله ونويت اواصل تعليمي اها انتي كيف وشهاب كيف قلت ليها الحمد لله ربنا يقسم ليك راجل زي شهاب بجد احترمني وعوضني عن اي شي قالت لي الحمد لله وع فكره شهاب دا اخت علا الكبيره كانت عينا عليهو بس هو اختارك انتي وعرف اختار بت بميه راجل ربنا يحفظك قلت ليها امين حبيبتي انا مبسوطه انو الحق ظهر كنت مستعده اعمل اي شي بس انتي ما تنظلمي قالت لي والله لو ما الراجل دا عامل كميرات في البيت كان ادمرتا شديد والمصيبه الناس علا وعلاء وغيرهم كانو ما عارفنها انو الراجل دا كان خاتي الكميرات عشان انزل المقاطع في مواقع اباحيه بجد راجل مريض ما طبيعي دا غير انو مرفوع عليهو قضيه انو استهدف فئه معينه من البنات القاصرات ودمر حياتهم وشوهه سمعه المدرسه عشان مدرستو تنجح وتقريبا يا نوسه الاعلام ادخل والمدرسه بتاعتو قفلت ومدرستنا الحكوميه العريقه ح ترجع اقوا من اول كان نفسي تكوني معاي نفسي يا نوسه نرجع نتنافس اكتشفت انو الذ منافسه المنافسه في العلم والباقي كلو كلام فاضي قلت ليها اعتبرينا متنافسين انا عاوزاك ترفعي اسم المدرسه يا صفيه وتثبتي للناس اننا اقويا رغم كل المؤامرات قالت لي اكيد يا نوسه وخلي بالك من نفسك وما تنسيني قلت ليها صفيه عمري ما انساك انتي اختي اكيد ح نكون متواصلين قالت لي اكيد ارجعي لي وقت فراغك انا ما ح اقدر ازعجك زوجك يفهم غلط قلت ليها لا ي صفيه شهاب بحترمك جدا ونفسو حقك يظهر والحمد لله وانا لو جيت بيتنا ح نزوركم قالت لي ياريت ي نوسه قلت ليها ان شاءالله ودعتها وقفلت الخط وبكيت قدرتي رغم انو صفيه عاوزه تتحدا الظروف بس الحصل ليها قطع قلبي بس كلو لخير ما يعلم بيهو الا ربنا
اخدت لي نومه طويله بس صحيت بتلفون من شهاب رديت عليهو وصوتي تعبان قال لي الغاليه نايمه ولا شنو قلت ليهو لا لا ما نايمه قال لي بطلي كذب انا بحس بيك قعدت اضحك قلت ليهو اي والله اخدتني نومه انت ليه اتاخرتا قال لي الليله يوم العمليات روحي طالعه ي داب فضيت قلت اتصل ليك اشوفك واقول ليك اجهزي ناكل بره قلت ليهو لا لا اليوم انا العازماك قال لي وين قلت ليهو بعد تجي ح تعرف قال لي تمام المغرب انا معاك حسيت بي شهاب عاوز يريحني من برنامج الاكل بس هو ما عارف انا قدر شنو متشوقه لي اني اخدمو واعمل اي شي يرضيهو موش هو اليرضيني هو رغم انو تعبان بس ما عاوزني اتعب صحصحتا ومشيت المطبخ بديت اجهز في الاكل وعملت ليهو الاكل البحبو وبعد خلصت رتبت المطبخ وطلعت شغلت سوره البقره في الشاشه وطبعا دي العاده اليوميه النفسي ما ابطلها لمن احفظها وبديت ارتب واردد في ايات سوره البقره وخلصت شغلي قريب للمغرب ومشيت استحميت ورتبت نفسي وانتظرتو جا شايل لي معاهو شنطه وكتب وكراسات وكل مسلتزمات المدرسه وعبايات شكرتو شديد قال لي ما بينا شكر ما تتعودي تشكريني علي واجباتي قلت ليهو من الزوق اشكرك علي اي حاجه تقدمها لي حتي لو واجبك قال لي تسلمي ي ست البنات قال لي ما شاء الله متين نظفتي حسيت شهاب بحب الترتيب وهو النوع البعلق علي اقل مجهود اعملو قلت ليهو وجهزت ليك الاكل البتحبو كمان ابتسم وقال لي ما ح اقدر اوصف ليك سعادتي بي زواجي منك رغم صغر سنك بس عقلك يوزن بلد وانا عهد الله اصونك واحفظك ويوم واحد ما تحسي بي جاي عليك انتي بتي قبل تكوني زوجتي غلبني اعبر ليهو بس كنت في قمه السعاده وانبسطتا الف مره اني اتزوجت قضينا يوم حلو وتاني يوم كان اول لي يوم دراسي لبست وشهاب وصلني وكنت ما بعرف زول في المدرسه ولا عندي استعداد اتعرف جيت زوله علم بس المدرسين رحبو بي واول يوم دراسي لي كان حلو كنت متشوقه للعلم شديد كنت بعاين للبنات كل تلاته واربعه شله مع بعض اتجنبتا تماما اني اصاحب كنت متخوفه شديد اتعرفت علي بت واحده قاعده جنبي اسمها ريان شكلها محترمه شديد واكتفيت بيها شهاب قال لي المدرسه ما بعيده لي البيت وفهمني ارجع كيف وصفت لي ريان قالت لي انتي ساكنه جنبنا لمن وصلت البيت قلت ليها دا بيتنا قالت لي بلاي انتي اخت دكتور شهاب قعدت اضحك قلت ليها بتعرفيهو قالت لي هو في زول مابعرفو دا دكتور الحي صراحه اخوك دا شاطر كل الناس بتحلف بيهو سرحتا بعيد وانبسطتا انو اولادي بعدين ح يسمعو السيره دي عن ابوهم قالت لي مشيتي وين قلت ليها معاك قالت لي دا بيتنا لو حسيتي نفسك براك تعالي لينا وودعتني ودايره تمشي قلت ليها ريان شهاب دا زوجي قالت لي بصوت عالي كذذذذذذابه يابت انتي شافعه ساي قعدتا اضحك قلت ليها والله زوجتو قالت لي ما شاء الله ربنا يحفظكم لبعض حقيقه عرفتي تختاري قلت ليها تسلمي كتير وعقبالك قالت لي انا دي لو ما قريت الجامعه ما بعرس عشان الد لي اطفال يعذبوني قلت ليها ربنا يوفقك انا كنت بقول زيك وهدي عرستا قالت لي انتي ليك حق شهاب دا برفضوهو قلت ليها والله لمن وافقت عليهو شغال شنو ما عارفه بس ابوي شغال معاهم ووافق عليهو وانا وافقت مع ابوي قالت لي الحمد لله والله نعم الراجل بنتكلم كده شهاب جا وقف عربيتو جنبنا قال لي كويس عرفتي البيت نزل وجا سلم علي قلت ليهو دي ريان اتعرفت عليها سلم عليها وقال ليها خلي بالك من نوسه دي لانها ما بتعرف حاجه قالت ليهو اكيد وفاتت مننا ومافاتت سمح انا حسيت الشارع كلو لافي بي لدرجه انو شهاب صوتو سامعاهو في نهايه الشارع وراسي بقا تقيل ومافاهمه اي شي قلت ليهو بصوت تقيل شهاب انا انشليت ...........يتبع.