رواية احببت متلازمه داون الفصل العاشر 10 بقلم نوسه حمد
دخلوني عمليه مستعجله وولدت وجبتا ولد وطلعوني من العمليه ماف واحد فيهم قال لي حمد لله على السلامه عندي اختي الاكبر مني حنينه جات قالت لي حمد لله على السلامه يا اريج ومسكتني من يدي اختي الاكبر مننا قالت ليها سلامه شنو يا ريتا ماتت وارتحنا من الفضيحه العملتا لينا دي
وقعدنا يومين في المستشفى واهلي ممثلين اني متزوجه م حسسنا الدكاتره انو بالحرام وجابو لي ولدي وكل م الدكتوره تجيبو لي ارضعو امي تجي تشيلو مني وتشاكلني وطوالي جابو ليها لبن الام وبزه ونهاي م خلوني رضعتو وخرجونا من المستشفى وانا كنت خايفه من ابوي اجدع ولدي زي م جدع بتي ركبنا العربيه وابوي ركب معانا ونزل شايل الولد قال لينا ح اوديهو ادوهو حقنه اليوم وشكلو ماش اتخلص منو انا بقيت ابكي غالبني اتكلم عشان بتاع العربيه م يتحسس ووصلنا البيت وهنا الاهانه بدت وضرب كنت ح اموت في يدهم قلبي مات ومشاعري ماتت ابوي جا بليل كان ح يكتلني قلت ليهو ليه تحرمني من ولدي زي م حرمتني من بتي اخواتي انخلعو اختي الكبيره قالت لي شنو شنو شنو بتك قلت ليها اي بتي ابوي اداها لمره في الغرب قالت لي اريج انتي جنيتي ولا شنو وبقت تكورك في امي قالت ليها بتك تحمل مرتين وانتي وين كنتي امي قالت ليها اختكم قويه م قدرنا عليها انا وابوك قالت ليها شنو م قدرتو عليها بت حملت مرتين دي تتكوها وتضبحوهها ولا اسف عليها وابوي كان هايج شديد وكلام اختي اثر عليهو وقال الا يكتلني امي مسكتو مني بالقوه والليل الهادي البنومو فيهو الناس نحنا شيلناهو طول وعرض كواريك ومشاكل وانا بقت م بتفرق معاي قلبي ماااات وم هاميني شي وم وقفت علي كده اختي اتصلت علي اخوي قالت ليهو اختك كسرت عينك حملت مرتين بالحرام وامك وابوك داسين مننا امي حنستا م تحكي ليهو بس قالت ليها م بسكت والله انتي موش مسكتي ابوي منها بجي اخوي ويخلصنا من الفضيحه نحنا بقا تاني م عندنا وش نطلع بيهو ولا ي امي رجالنا لمن اعرفو نكون في نظرهم اهلي م بعرفو اربو واختنا حملت بالحرام وكانت زعلانه شديد وانا م زعلت منها اي حاجه قالتها صاح ويا ريتا كانت قاعده ع الاقل كان نصحتني بس الحمد لله علي الاراده
وانا بقيت اعاين بي عيوني وقلبي في اولادي الضاعو وكنت بدعي علي حسام من جوه قلبي هو السبب هو الشال ذنبي لانو هتك عرضي وشيلني حمل الدنيا والعالمين وم عاين لي انو انا ممكن تاني اسلك الطريق الحرام وشاذلي دمرني وكذب علي وكرهت الرجال شديد وبقيت مؤدبه محترمه م بفرق معاي شي عايشه ميته م بفرق معاي حاولت انوم بس غلبني واصعب احساس ف الدنيا ممكن تعيشو البت تحمل بالحرام وفي الحمل بالحرام تلد عمليه قمه الالم والوجع م بقدر اتالم ولا بظهر اني متألمه عشان ح اسمع فارغ وفعلا ليهم حق 😭😭😭😭 وعشت اصعب ايام في حياتي وختيت في بالي اني اهرب بس اهرب افوت وين ي عالم بقدر الم في اولادي ولا لا
اخوي جا من السفر وكان زعلان شديد وكانو م كان مغترب كل زول خاتي يدو في خدو واعاين للتاني سلمو عليهو سلام اكتر من عادي انا عاوزه اسلم عليهو اداني كف وبدا يضربني وسمعني ابشع الكلام ومشا المطبخ وجاب سكين قال الا يضربني وامي كانت تبكي شديد قالت ليهو هي ضايعه اصلا وانت تضيع بسببها وبقت تبكي قال ليها دي نزلت راسي لازم تموت حتي انا اهدا وابوي كان زعلان مني قال ليهو اكلتها وريحنا منها انا غلبتني قلت ليهو اكتلني ي وليد عليك الله اكتلني وريحني انا تعبت منكم ومن الدنيا دي وبقا م بفرق معاي شي علي الاقل اموت شهيده قال لي تموتي شهيده كيف وانتي والده اتنين وم معروف الدنيا توديهم لي وين وامي تبكي بكا شديد وتحنس في وليد عشان يخليني وابوي اشجع فيهو قال ليهو جابت لي العار اكتلها امي قالت لي ابوي كل منك انت السبب قال ليها انا السبب ولا انتي الم نصحتيها وصاحبتيها خليتيها علي هواها وهي مراهقه ودي النتيجه قالت ليهو لا م انا انت السبب نسيت الفضيحه العملتها وانت شاب لو انت نسيت انا م ح انسا.
يتبع..