رواية أرهقني الفجور الفصل التاسع 9 بقلم نوسه حمد
استاذ علاء قال لي تعالي لي في المكتب وكان متسرع مشيت لحقتو قال لي نوسه صفيه اتصلت علي انا من الفرحه بقيت اتكلم معاهو بصوت عالي قال لي انا متفهم شعورك بس الكلام دا حتي لسعاد ما يطلع لمن ربنا يهون ويهدي ابوها قلت ليهو هي وين قال لي مع خالتها وتقريبا خالتها دي ساكنه في قريه في الشرق وحكت ليهم انو ابوها عاوز يغصبها علي الزواج وكلمتهم حتي امها ما تعرف لانو امها مسكينه ح تكلمو حتئ انا ماقدرت تصل لي الا خالتها طلعت مناسبه في مكان بعيد وطلبت مني ما اتصل بس كانت عاوزه تسلم علي وسالتني منك وريتا انك من اختفيتي ما بطلتي تسالي منها بس م حكيت ليها اي شي في اي موضوع تاني عشان نفسيتها ما تتعب وما تكلمي اي زول قلت ليهو والله ما افتح خشمي حتي لي اهلي بس هي ح ترجع متين قال لي ادعي ربنا يسهلا اقدر اقنع امي لانو انا جادي عاوز ارتبط بيها وحتي لو امي رفضت ح اخالفها امي بتحب المظاهر وعاوزه لي بت صاحبتها بس انا اكتفيت عاوزه بت تصوني وتحفظ نفسها في وجودي وغيابي قلت ليهو ربنا يهون يارب واجمع بينكم بالحلال وترجع لي حياتا وامها لانها تقطع القلب لمن تشوفنا بتطمن بيها قال لي كل مره زوريها قلت ليهو اخر مره ابوها سكاني بالسكين قال لي مافي شي خايف منو غير ابوها دا يرفض ويعمل حركات انا امي بقدر عليها بس لو سوقتا اعمامي والراجل دا رفض ح يمنعوني ليها قلت ليهو ان شاء الله وخير عندي ليك خطه بدل تطلبها من ابوها خالتا القاعده معاها دي امشي اطلبها منهم وكلمهم بي اي شي قال لي مشكلتي ما عارف خالتها دي بالضبط وين الا انتظر صفيه تاني تتصل علي قلت ليهو ان شاءالله خير قال لي زي ما وريتك ما تفتحي الموضوع دا مع اي زول تمام قلت ليهو ان شالله طلعت منو لاقتني البت البتحب علاء وقفت لي في وشي وهي النوع الطويله ديك قالت لي كنتي في المكتب جوه بتعملي فشنو قلت ليها انتي مالك قالت لي شنو المالي علاء دا حقي انا قلت ليها عاقد عليك قالت لي بتتفاصحي صاح انا ما صدقت خلصت من صفيه تطلعي لي انتي وعاوزه تدقني مسكتها وشاكلتها ودفرتها لمن وقت والمدرسه كلها اتلمت فينا المديره جات لقتنا متشاكلين مسكتنا جلدتنا الاتنين قالت لينا قلت الادب شنو قدام الطالبات قالت ليها شفت نسيبه بتعمل في حاجه غلط مع الاستاذ انا انخلعت واعصابي باظت المديره سكتتنا وساقتنا معاها المكتب وطبعا الطالبات واقفات علي الهبشه في لحظه الشمار ملا المدرسه وما ملاها ساي زيادات مبالغه وكلها ضدي انا المسكينه والمديره دقت البت دقه قلت عجبني ليها قالت ليها اياك تجيبي سيره ولدي في لسانك وما اشوفك تتشاكلي مع بت تاني ودقتني انا اكتر منها قالت لي ما القاك في المكتب مع علاء تاني في كلامها دا استاذ علاء جا داخل قال لينا فشنو والجوطه دي شنو لمن شاف رغد عرف انها سبب المشكله امو قالت ليهو نسيبه كانت في مكتبك بتعمل شنو قال ليها طالبه عندي وعاوزاني اشرح ليها المشكله شنو قالت ليهو انت ماعارف كلام البنات البقولن فيهو قال لينا قلتو شنو انا خجلت اقول القالتو رغد فيني ورغد عشان كذابه خشمها ما فتحتو المديره قالت لينا علي فصلكم حسابكم معاي قربت اقول ليها حساب تاني اكتر من كده كيف طلعت من المكتب لاقتني سعاد قالت لي نوسه ما اتوقعت منك الحاجه دي خزلتيني شديد قلت ليها يعني صدقتي يا سعاد قالت لي طيب مشيتي لي استاذ علاء لشنو وداير منك شنو قاعده معاهو كل الزمن دا بقيت اتمتم واهمهم غلبني اقول الحقيقه قالت لي مممم شنو نوسه معناتا كلام رغد صاح والناس كلها تتكلم فيك قلت ليها تمام مدام صدقتي وفي اكتر من كذبو في صفيه واتهموها انها ولدت بالحرام الناس دايره منهم شنو ياهو كلامهم ما جديد عليهم وحسبي الله ونعم الوكيل فيهم سعاد عاينت لي وشكلها ما مصدقاني وطول اليوم ما اتكلمت معاي حسيت بالعبره خانقاني اتمنيت تقيف معاي وتدافع لي زي ما انا عملت مع صفيه وامي كلامها صاح لمن قالت لي لو دي انتي القالو فيك مافي زول ح يدافع ليك بالعكس ح يزيدوهو اتمنيت الناس كلها تكون زي دي حاجه ما صعبه نهاي ندافع عن الحق وما نمشي ورا الكلامات لانن عمرها ما كانت صاح مشيت البيت تعبانه نفسيا نسيت اي شي بقيت محتاره في خلق الله الدنيا مسخت لي اكل ما اكلتا مشيت تاني يوم اتفاجأت سعاد اتحولت مني دمعتي نهاي ما وقفت وشافتني لمن كنت ببكي وكنت ما طايقه الطالبات كلهم لانو دي المره التانيه صفيه رغم وقفتي معاها من اول نقاش اتحولت مني حسسوني كاني انا ما بتعاشر بقيت في صراع داخلي ما يعلم بيهو الا ربنا اليوم تما بالعافيه ونسيت موضوع صفيه وقررت ارجع البيت اصارح امي مشيت البيت والعبره كانت خانقاني اول ما امي سالتني اترميت في حضنها وبكيت طلعت كل الجواي امي حست بي اني كاتمه قالت لي بعد الشر عليك وخلتني بكيت وفرغت كل الجواي قالت لي معليش فشنو في حاجه جديده بخصوص صفيه قلت ليها اي الحمد لله بديت احكي ليها بكلام استاذ علاء امي فرحت قالت لي ودا ببكي مفترض تفرحي لانو صاحبتك عرفتو مكانا قلت ليها المشكله ما هنا المشكله انو البت البتحب علاء شافتني طالعه من المكتب ودقتني وحصل وحصل وحصل امي زعلت شديد من موقف سعاد قالت لي انتي هبله ارفعي راسك واوعك تنكسري ليها وهي مفترض تدافع عنك مش تصدق وكمان تبعد منك كان علي الاقل تتعلم منك انتي الجرستينا وسوقتي ابوك معاك عشان تبرئ صحبتك يابتي الزمن دا صاحبي بس ما تثقي قلت ليها نفس كلام الضابط امي قالت لي ضابط شنو انا غلبني البقولو ودموعي بقت سايله حكيت ليها قريت تنجلط وحلفتني اني اطلع من الموضوع دا وتاني ما ادخل فيهو وانتبه لي قرايتي قلت ليها حاضر يمه وعد اعاين بعيوني بس والله اكون في عوني وعون الناس كلام امي طمني شويه وقلبي هدا
مرت الايام وبقيت في حالي بس حصلت حاجه بين البنات وبقن يطلعن فضايح بعض في كل القروبات والسوشيل ميديا كلها انقلبت وانعدلت بسبب الحاصل واطلقو علي مدرستنا مدرسه العاهرات واولاد الثانوي ما قصرو بليل كتبو في الحيطه مدرسه العاهرات والمديره لازم تسقط وفضيحه الاستاذ مع الطالبه وولاده احدي الطالبات الصباح جينا لقينا الكتابه في الحيط حاجه تقطع القلب وخلاص الناس بقت في خشمها مافي سيره غير مدرستنا
حسيت انو الدنيا بقت مسيخه والحياه كعبه لمجرد التهم الاتوجهت لينا دي مفترض تكون تربيه قبل التعليم بس للاسف الما مربين غطو علي المربين وانحسبنا من ضمنهم والوزاره عرفت بالكلام وقفلو المدرسه ودا كان يوم صعيب علينا كل الناس تتكلم عننا وضربو كل حايط المدرسه بوهيه بس الفضيحه بتاعت البنات بقت في سيره اي لسان تتوقعو علا وشلتها عملو شنو وهل الوضع ح يرجع طبيعي في المدرسه ولا المصير ح يبقا مجهول دا الح نعرفو في الحلقات الجايه ......يتبع.