رواية ماخفي كان اكبر الفصل السادس 6 بقلم جمانه السعيدي
ميار....اول واكبر غلطه غلطتها بحياتي
لان ما حجيت الامي عن موضوع الشقه
جنت خايفه لا ترفض وسيف يضوج مني ويعتبرني انسانه معقده
خاصه وهو شايف وعايف
جنت احس سيف هواي عليه شلون واحد ابن عائله
وفلوس عايش وضع كل الشباب تحلم بي
يختارني اني من دون البنات
اكيد الله يحبني خلا واحد مثل سيف يتعلق بيه
مااريد ارفضله طلب حتى لا يعوفني
اني ما صدكت اجا طلب ايدي من امي
كان المفروض احجي الامي واطلب منها تروح وياي
او على الاقل اخوي يروح وياي
مايصير اني وياا نكون بمكان واحد وحدنا
مااجتمع اثنان اله كان الشيطان ثالثهم
بس جنت احبه ومااريد اخسره
وما جنت متوقعه هو راح يغدر بيه ويستغلني
اجاني للشغل طلعنا اني وياا للشقه
مكانها حلوو ومرتبه حيل واثاثها فاخر واخر موديل
بس مبينه مستعمله يعني ااكو شغلات مخربطه
وملابس مشموره وكلاصات فوك الطبله
وبقايا جكاير
يعني مو شقه جديد واثاثه ما مستعمل مبين صار وقت
يجي هنا سيف احتمال هو وجماعته يسهرون بيها
المهم وصلنا ودخلنا
سيف...شنو رائيج عجبج المكان
ميار...كلش حلوه بس مبين اكو احد ساكن بيها قبلنا
سيف...اي جان بيها ناس ساكنيبن
وابوي طلب منهم يعرفونها
هلكد مااللح علي واطلب منه يزوجني
طلب من المؤجر يعوفها ويطلع
ميار....والمؤجر هذا شكد وصخ ليش ما نظفها قبل لا يطلع
حتى ملابسهم ناسيهن هنا
سيف...اني راح اجيب ناس تنظيفها وتلمعها قبل لا نسكن بيها
ميار.....تمام حلوه ما ناقصها شي
سيف...خل نجيب شي نشرب
دخل للمطبخ وطلع بيده عصير ثنيين
ميار....هااا اكو عصير بلثلاجه
سيف...لا اني جبت قبل لا نجي مايصير ادخلين للشقه
اول مره ومااجيبلج ضيافه
ميار...شكرا
اخذته من ايده وشربت شويه
سيف...هاا ما عجبج
ميار...لا طيب
سيف...خلاص اشربي
شلت الكلاص بايدي وبديت افتر بلشقه
اشوفها واشرب بلعصير
ميار.....حلوه الشقه المطبخ حلووو
سيف.. تعالي شوفي غرفة النوم
ميار...دخلت السرير كان مخربط
والغرفه محتاجه تهويه
دخلت فتحت الشباك رجعت كعدت على الحربايه
كعد سيف بصفي
حسيت نفسي دايخه وشويه بديت افقد التركيز
سيف...اشربي بقه شويه بلكلاص
ميار...شال الكلاص من ايدي وشربني
سيف....لازم نسوي عرس الناس كلها تحجي بي
ونشوف شركه سياحه زينه تاخذنا شهر عسل
جمانه السعيدي
مو شهر واحد لا نبقى اربع أشهر نفتر ما نبقي مكان مانروح علي
ميار....اسمعه يحجي بس احس راسي صار ثكيل
وعيوني تغوش كمت اتمايل
مجاي اسيطر على نفسي
من بعدها فقدت الوعي وما حسيت بلشي الي صار وياي
كعدت بعد ساعه ااقل ااكثر مااعرف
لكيت نفسي على الجربايه نايمه
حسيت ااكو وجع براسي
حسيت ملابسي ماكو على جسمي
مديت ايدي على جسمي فعلا ملابسي ماكووو
بس راسي يوجعني ومجاي اكدر اركز
فتحت عيوني وسديتهن
سمعت صوت سيف يحجي بلتليفون ويضحك
ما ركزت بكلامه بس اذكرت اني اجيت ويا للشقه
فتحت عيوني وبكوه كعدت
اتاكدت اني ماكو على جسمي ملابس
فتحت عيوني اريد استوعب باوعت ااكو دم
على الفراش
فتحت عيوني وحركت جسمي
ااكو بقعة دم جواي حركت جسمي ااي اكو دم
ساعته عرفت اني انغدرت سيف غدرني
عطت بصوت عالي مرتين
رجعت عطت بصوت اعلى
اجا سيف يركض للغرفه
سيف...شبيج شكووو
ميار...شسويت بيه هاي شنو
سيف....شبيج غير احنا مخطوبين وراح نزوج
ميار....شنو مخطوبين وراح نزوج اذا مخطوبين هيج اسوي بيه
سيف....عبالي شو شعندج بابا افهمي احنا شبه مزوجين
ليش خايفه نهاية الأسبوع نجي نخطب ونعقد
بعدين بشرفج اكو واحد يشوف هذا الجمال كدامه
ويسيطر على نفسه
انتي خلبتني طيرتي عقلي
ميار...كمت ابجي واني احاول اغطي جسمي بلجرجف
اجا كعد بصفي خله ايده ورا ضهري ومسح دموعي
سيف...لا تبجين حبيبت كلبي انتي زوجتي
قابل اضحك عليج اني شعندي غيرج
يله البسي ملابسج خل اوصلج للبيت لان اتاخرنا
ميار...اني شلون نمت هيج وما حسيت باي شي
سيف...مااعرف انتي تحجين وياي
شويه ونمتي
ميار.. خاف خليت شي بلعصير احجي الصدك
سيف...لا ما خليت شي انتي حبيبتي لان تحبيني
سلمتيني نفسج
ميار...ليش مجاي اذكر اي شي
سيف... مااعرف يله البسي ملابسج خل ارجعج للبيت
ميار...سحبت ملابسي لبستهن
ابجي مقهور ومجاي اذكر شلون صار هذا الشي
ليش سويت بنفسي هيج اني شكد غبيه
لبست ملابسي وطلعنا اني وياا صعدت السياره
طول الطريق ابجي مامصدكه الشي الي صار وياي
شلون صار هيج
شلون سلمته نفسي بهاي السهوله
سيف ...ليش تبجين حبيبتي اني مو خطبتج من امج
وراح نزوج بأقرب وقت ممكن
ليش خايفه قابل اضحك عليج
أمسحي دموعج وصلنا البيتكم
لا تحجين اي شي كدام امج
جمانه السعيدي
ميار. نزلت من السياره رجليه يتخربطن
وعيوني مورمه من البجي
دخلت كبل للحمام الخارجي نزعت ملابسي ودخلت جوه الدوش
عبالك فاقده الذاكره مجاي اذكر اي شي
شلون صار وياي هيج مااعرف
كملت لبست برنص الحمام وطلعت
شافتني إمي
امي....هااا رجعتي
ميار.. اي رجعت
امي....يمتى رجعتي ماادري بيج
ميار...قبل شويه
امي...كبل للحمام
ميار.. اي الدنيا حاره
امي.. يله نتعشى
ميار.. مااشتهي تعبانه اريد انام
امي.. ياا تنامين هسه
ميار.. اي تعبانه عفت امي تحجي ورحت الغرفتي
تمددت وتغطيت لا غيرت ملابسي
ولا مشطت شعري
ماكدرت انام اريد اذكر اي شي من وصلت للشقه
مجاي اذكر شلون صار وياي هيج
شراح اكول الامي
لا مراح احجي سيف كال الاسبوع الجاي نعقد
اذا عقدنا احجي الامي حتى لا تبقى تلوم عليه
بهاي الفتره امي كل يوم تسئلني على سيف
واذا ابو وافق على الخطوبه
واني ارد عليها بعد شويه
ابو مسافر كاعد يجهزله بيت
سيف دخل صفقه ويا ابو من تكمل يجي يخطبني
كاعد اطلع حجج حتى لا تحس بمصيبتي الي سويتها
ثاني يوم كوه كمت من الفراش تعبانه مصخنه
حلكي بي لطمت حمه
اريد ااكوم مااكدر اتصلت على صبحي اعتذرت
اخذت اجازه اليوم
امي...يمه انتي مريضه اخذج للطبيب
ميار...لا تعبانه شويه
امي.....اي خل اخذج للطبيب
ميار.. ما يحتاج شويه واصير احسن
بيومها ابد مااتصل عليه سيف شكد رمشت علي
بس ماكووو
لليل دزلي رساله
سيف.. اسف حبيبتي اليوم عندي شغل ومارديت عليج
باجر اشوفج
كتبتله رساله
.. اني اليوم مريضه ومارحت للشغل حتى حلكي مطكك
فدوه سيف استعجل بلخطوبه
اني خايفه من الشي الي صار بينا
ومجاي اعرف شلون صار هيج شي كلشي مااذكر
مارد عليه
ثاني يوم رحت للشغل
اول النهار مااجا قبل لا يخلص الدوام اجاني
سيف...هاا حبيبتي شلون صرتي اني مشغول
ابوي سافر وعاف الشغل كله عليه
ميار....البارحه وصلت للموت
سيف...سلامتج الف سلامه راح اغيب عنج كم يوم
مو تقلقين عليه لمن يرجع ابوي اتواصل وياج
غاب عني اربع ايام حتى اتصال ماكووو
متت من الخوف والقلق خاف عافني شلون بيه
ارمش علي مايرد عليه
اليوم الخامس اتصل عليه بليل
سيف...هلو حبي شلونج
ميار.. الحمد لله وينك اشتاقيتلك
سيف.. مو بكدي اريد اشوفج ضروري
ميار.. اي شوف يمتى انت فارغ
سيف.. الضهر اجي اخذج من الشغل
ميار.. ووين نروح
سيف...نروح بيتنا وين يعني
ميار....اي بيت
سيف...الشقه الي راح نزوج بيها اكو كلام مهم
اربد احجي وياج
ميار.. بس مو نتاخر اطلب ساعه من صبحي
سيف...لا ساعه ونص علما نوصل ونرجع بعدين اني مشتاقلج انتي ما اشتاقيتلي
ميار....شلون ما مشتاقلك كل دقيقه تمر عليه بسنه
سيف..خلاص اتفقنا
ميار. .وقت الضهر شويه تقل الحركه
استأذنت من صبحي وطلعت
اجا سيف صعدت ويا بلسياره وطلعت
بس صعدت حظني وباسني بخدي
سيف...مشتاقلج موت دمرتيني بحبج
ميار....لو تعرف شكد احبك واحسب يوم يوم يمتى
نزوج ونكعد بيت واحد
سيف...اني الي مستعجل اكثر منج
ومحضرلج مفاجئه
جمانه السعيدي
ميار...شنو المفاجئه
سيف.. خل نوصل ليش سموها مفاجئه
وصلنا للشقه نفس وضعها من عفناها اخر مره
ميار.. ليش ماجبت احد ينظفها
سيف...انسى عوفي الشقه تعالي اكعدي نحجي اني وياج
كعدنا بلاستقبال
قرب كعد بصفي وخله ايده على جتفي
سيف.. المفاجئه ياحلوه ابوي طلب اخذ موعد من
امج حتى نجيكم للبيت
ميار...صدك تحجي
سيف...لعد اتشاقا وياج
ميار....باجر اني راح اخلي البيت كله يستعد باجر
سيف...لا مو باجر
الاسبوع الجاي لان الوالد امس وصل من السفر
خليها للأسبوع الجاي
لاتكولين الامج هسه لان ماعرف يمتى يفرغ ابوي
اني قبلها بيوم واحد اتصل عليج
انطيج خبر
ميار.....شكد فرحني هذا الخبر
سيف...مااستاهل بوسه على هذا الخبر الحلو
ميار.. بسته بخده بدا يلامس جسمي بايده
ميار...لا ممنوع اني اصلا ماعرف شلون صار هذا الشي
بينا ذيج المره
سحب ايده وكال استغفر الله
كام من مكانها
سيف.. يله نرجع لان ضوجتيني حيل
ميار...هلكد مااني غبيه واحبه حب اعمى كنت خايفه على زعله خايفه يعوفني
وخاصه بعد المصيبه الي صارت بينا
اذا عافني شلون راح اتصرف
قررت اراضي حتلو على حساب نفسي
ميار...لا تزعل حبيبي
سيف... انتي ماعندج ثقه بيه
ميار...شلون ماعندي ثقه بيك وانتي زوجي
سيف...خلاص اني تعبان ومشتاقلج ليش ارجع
السوالفي القديمه
هسه ارجعج للشغل واجيب وحده ثانيه بمكانج
انتي زوجتي وحبيبتي اذا مااخذ راحتي وياج
ويامن اخذ راحتي
ميار... خفت من كلامه خفت يعوفني من صدك
فعلا يكدر يجيب وحده غيري محد راح يمنعه
هلمره سمحتله بأراتي يقرب مني واني كارها هذا الشي
ماكان كدامي غير اقبل باي تصرف منه
حتى يبقى وياي وما يعوفني
سيف جان متأكد من حبي ومتاكد اكثر اني مااكدر ارفضله طلب لان احبه وتعلقت بي
جان يعرف شلون يفرض سيطرته عليه
رجعني للشغل واني كارها نفسي وكارها حياتي
كارها ضعفي كدامه
اعرف تصرفي غلط بس مااعرف شلون اتصرف
غلطانه من راسي الحد رجليه
بس غبيه وهذا حد تفكيري
بليل دزلي رصيد وحجينا شويه اليوم الي بعده
مابين عليه
شكد اتصلت علي مايرد
كاعد يلعب بااعصابي
معيشني بين الخوف والترهيب والسيطره
تكررت العلاقه بينا اربع مرات او اكثر كل مره ياخذني بلحيله
ويحجي عن زواجنا وشلون مشتاقلي
ويطلب مني علاقه
واذا ارفض يكول ارجعج واجيب وحده غيرج
ولا تكولين خاني ولا عافني اني شاب عندي احتياجاتي
ولأن احبج ومتعلق بيج اجي اطلب منج هذا الشي
واذا ترفضين ااكو بديل اللج
كنت ضعيفه كدامه حيل وماكدر ارفضله اي طلب
خايفه لا يعوفني من صدك
وهو كاعد يستغل هاي النقطه الصالحه
الحد ما فات ٣ اشهر على هاي العلاقه
بيوم كعدت مريضه حيل وبس اتقيئ
من اوكف الدنيا ادور بيه اي ريحه اشمها نفسي تلعب
رحت للشغل
بس دخلت وشميت ريحة المعجنات كمت اتقئ
صبحي...شبيج بابا مريضه
ميار.. مااعرف تعبانه حيل
صبحي...اخذج للطبيب
ميار...لا ارجع للبيت
صبحي.. لا تجين لمن تصيرين زينه
ميار...طلعت من الشغل اخذت تحليل حمل من الصيدليه
رجعت للبيت
امي.. شو رجعتي
ميار.. اتخربطت بلشغل ورجعت
امي.... اخذج للطبيب
ميار...لا يمكن جرثومة معده باجر اسوي تحليل
عليمن الروحه للطبيب تكلف كومه فلوس
دخلت سويت تحليل الحمل
وفعلاوطلعت حامل
يامصيبه الي وكعت على راسي شلون بيه
لازم اتصل على سيف يستعجل بلخطوبه
قبل لا انكشف
انتظرونا.....