رواية ماخفي كان اكبر الفصل الخامس 5 بقلم جمانه السعيدي
ميار...فات يومين وسيف ماكوووو
حقه ما خله طريقه مااجاني بيها واني عبالك حايط
لا حس ولا احساس
كلش ضجت حسيت ضيعت فرصة العمر من ايدي
مستحيل يجيني واحد مثل سيف
اني غبيه ومااعرف اتصرف
اليوم الثالث بس خلص شغلي وطلعت بلشارع
جان تجي نور تركض عليه ماجنت متوقعه شنو راح تسوي
بس من شفتها تركض عرفت جيته مابيها خير اليه
جان تطفر عليه
وتضربني رفعت ايدي حتى احمي وجهي
لزمتني من حجابي وجرتني الحجاب اجا بيدها
وشعري طلع
مستمره تضربني وهي تغلط عليه
وكعتني بلكاع ومستمره تضربني
نور...حقيره ادبسز حيوانه تلعبين لعبتج عليه
اني اطلع من شغلي بسببج
حراميه تبوكين وتلبسيني البوكه
اليوم اموتج
ميار...المشكله اني مجاي اكدر ادافع عن نفسي
ضرباتها سريعه
واني اتخربطت من نزعت حجابي
اريد اغطي شعري مدري احمي وجهي
شكد وكحه الخاطر الله
طلع صبحي على الصوت وكدر يخلصني منها والناس أجمعو عليه
شي تتفرج شي تحجي واكو طلعوني من جوه ايدها
شصار بيه موقف ما اتمنى العدوي
علما لميت نفسي ورجعت حجابي هيه انهزمت
صبحي...الله لا يوفقج نور شسويتي بلبنيه
صحيح ان لم تستحي ففعل ما شئت
رجع صبحي دخلني للمحل وشغل الاضويه
غسلت وجهي وعدلت حجابي و نكتت ملابسي من التراب
جمانه السعيدي
صبحي...تحبين تشتكين عليها
ميار...لا ماكو داعي عدت سلامات
هيه الي جانت تحوكلي مصايب وتحجي عليه
تالي هيه الي ماعاجبها الوضع
تريد بس تكطع رزقي الله لا يوفقها شسوت بيه
شكد وكحه هاي شنو من بشر
صبحي ..خل نشتكي عليها حتى تتادب وبعد ما تعيدها
ميار...لا على شنو اشتكي على هذا الموضوع مامستاهل
صبحي...ضمان اللج حتى لا ترجع تعتدي عليج
هاي حيه مالها امان
ميار...اخذني صبحي بسيارته ورحنا اشتكينا عليها
صبحي كان شاهد على كلشي
كملنا الدعوه واخذني صبحي للبيت
من نزلت من السباره
صبحي...باجر لا تجين ارتاحي واني هم عندي شغله
اريد اخلصها
ميار...بقيت بلبيت ثاني يوم
شكد مقهوره كلبي يريد يطك هم خسرت سيف وهم نور اعتدت عليه
حجيت الامي كلشي صار وياي بسبب نور
طبعا نور بعد هاي المشكله مسافره البيت اختها بغير محافظه
بقت القضيه معلكه منا لمن ترجع
بليل اندكت الباب
طلع اخوي الزغير فتح الباب رجع عليه
وليد....هذا واحد يكول اسمه سيف يريد امي
جمانه السعيدي
ميار...كلت مو معقول سيف الي اعرفه
خليت حجاب على راسي وطلعت
فتحت الباب اي ولله هذا سيف مو غيره
ميار.....هذا انت شعندك جاي وراي
طلع باقة ورد وعلبة حلويات ابتسم
سيف...جاي اخطبج راح ابقى واكف على الباب
لو ادخل
اجت امي وراي منو ميار منو على الباب
سيف....اني خاله انتم ما ضيفون
اذا يجيكم خطار ما اضيفونه
ميار....من شفته جاي البيتنا ودي اطير من الفرح
مادام اجا للبيت يعني بحبني من صدك وجاي يتقدملي
امي.. تفضل تفضل خاله هله ببك
فتحت امي الباب
سيف...شلونج خاله سعيد لان تعرفت عليج
ميار...كان لابس قاط يجنن علي وحالق شكله
نظيف كلش والعطر عجيب
قدم الورد الامي واني انطاني علية الحلويات
امي.. افضل خاله هله بيك
دخل كعد كعدنا كلنا كباله ابتسم
سيف...اسف اجيت من غير موعد بس مو ذنبي طلبت من ميار الف مره تاخذلي موعد ويا حضرتج
او تنطيني رقم التليفون
حتى اتواصل وياكم وما قبلت
قررت اجيكم بدون موعد
احب اعرفكم بنفسي اني سيف محمود
ابوي تاجر معروف
اما سبب الزياره
اجيت اطلب ايد ميار اذا ماعدكم مانع
ميار...كلامه كان مقنع وسلس ولطيف وهادء يقنع اكبر واحد مو بس اني واهلي
امي...طبعا نتشرف بيك بس تطلب ايد ميار وانت جاي وحدك هيج مايصير
ليش مااجو وياك اهلك
سيف....اني مقدر كلامج بس الصراحه ابوي رافض هاي الزواجه واني مصمم عليها
اني اذا مااخذ ميار مااخذ وحده غيرها
امي...مايصير يمه الخطبه مايصير تجي وحدك
سيف...اني اليوم جاي احجز ميار خاف واحد غيري يتقدملها واني اوعدج بااقرب فرصه
اجيب اهلي واتقدملها
اعتبريها كعدت تعارف انتي ما تحبين تتعرفين عليه
امي...الي الشرف اتعرف عليك
سيف.......محتاج وقت حتى اهلي يقتنعون
اني متأكد اذا اتعرفو عليكم راح يوافقون
وخاصه اذا شافو ميار
الله يخليج خاله محتاج منج وقت شويه
اعتبريني جاي احجز اني اخاف يجي واحد غيري
وياخذ ميار
اكتل نفسي اذا اخذها واحد غيري
امي....انشاء الله خير ماكو مشكله اذا وقت وأهلك يجون يتقدمولها
سيف....اني مستحيل اخذ وحده غيرها
ممكن نقرأ الفاتحه
امي...لا خاله خليه من يجون اهلك حتى كلشي يصير رسمي
اتشرفنا بيك وجيتك هاي على العين والراس
التفت عليه سيف بعدين كال هاي وجهج شبي
ميار...هاي قصه ثانيه
سيف...اي خل اعرفها
طلعت امي من يمنا واخوي طلع وراها
امي...من رخصتك اجيبلك شي تشرب
سيف....تفضلي خاله
ميار...طلعت امي وهو رجع سئلني
شبيج احجي
ميار....صبحي طرد نور من الشغل وهيه تكول انتي السبب هجمت عليه وضربتني
جمانه السعيدي
سيف...صدك تحجين وسكتي عنها
ميار...لا صبحي اخذني رحنا اشتكينا عليها
بس الحد الان ما لزموها اهلها بكولون راحت بيت اختها
سيف....اني ابد ماارتاحيت الها مبينه وكحه وصاحبت مشاكل
ميار...اخذت من فلوس صبحي ١٥٠ وخلتهم بجنطتي
حتى صبحي يشك بيه وبطردني من الشغل
بس صبحي يعرف حركاتها وعرف من الكامره
هيه الحراميه
طردها من الشغل وعلمود هاي السالفه
طردها صبحي
بقت ضامه بكلبها عليه
سيف.....همزين خلصتي منها
على فكره بس نزوج تعوفين الشغل زوجت سيف
ما تشتغل هبج شغله
زوجت سيف تكعد مثل الاميره
ميار....دخلت امي جايبه عصير
سيف...ليش كلفت نفسج خاله شنو هاي الزحمه
امي....اول مره ازورنا لو ادري تجي جان حضرت ضيافه احسن
سيف.. تسلمين خاله .وليد انت بيا صف
وليد.... بالسادس ابتدائي
سيف...شاطر انشاء الله
وليد ...انشاء الله
طلع سيف وامي كانت منبهرا بي اكثر مني
وخاصه من شافت السياره أحدث موديل واكفه بالباب
امي...هذا وين عرفتي مبين طاك
ميار...شافني بلشغل اجا يشتري من عدنا
بقا ٣ ايام يركض وراي حار شلون يقنعني اطلع ويا بس اني ما قبلت
ما تشوفين اجا تقدملي
امي...كون اهله يقتنعون يرادلها بخت شكبره
ميار...بقيت اليل كله اافكر بي وفرحانه عبالك لكيت كنز
ما مصدكه اجا يتقدملي
فرحانه وفرحتي ما تنوصف بتصرفه وياي
هلمره اني وامي وكعنا بلفخ
البنيه الي مااجت بكلام آلحب تجي بارتباط وهمي
مادام خلاني بعقله
لازم يربح هذا الرهن واني الغشيمه صدكت يحبني ويريدني
هذا شيطان مو بشر وحده فقيره مثلي مراح تكدر علي
ثاني يوم اجاني للشغل
اول مره اشوفه وابتسم
سيف....هلو حبيبتي
ميار...هلو سيف
سيف...اشتاقيتلج من البارحه لليوم
ميار...اني هم
سيف....الله الله شنو هالكلام الحلو لو ادري جان رحت الامج من زمان
كل ما تشوفيني وكلتي اطلع برا
ميار.....لو مو هيج مجان اجيت طلبت ايدي
كان لازم اتأكد من حبك اليه
سيف...غير اموت عليج انتي الوحيده الي كدرتي اسيطرين على كلبي وتتملكين مشاعري
هسه صار لازم نتعرف
ميار...نتعرف ماكو مشكله
سيف...اريد رقمج استحيت البارحه اطلب رقمج
لان امج ما انطتنا مجال نحجي
ميار...تمام اخذ رقمي بس لا تفكر اتصل عليك ابد
لان ماعندي رصيد
سيف....رصيد هاي السهله ماكو أسهل منها
اني ادزلج رصيد
اخذ رقمي سيف حتى نتواصل
وهذا كان بداية الخيط
جمانه السعيدي
نشرنا اعلان نريد بنيه تشتغل بمكان نور
اجتنا بنيه تقدمت للشغل
خوش بنيه وبحالها مالها شغل باي شي
حتى ما تحجي هواي تخلص شغلها وهيه ساكته
تجي بلموعد مضبوط ما تتأخر مثل نور
من طلعت لكيت سيف منتظرني برا عرض عليه يوصلني للبيت وافقت بعد هو باعتبار خطيبي
ثاني يوم جابلي ورد ووصلني للبيت
ثالث يوم طلب مني نطلع نكعد بمكان عام
طلبت ساعه من صبحي وطلعت ويا
كعدنا بمطعم اكلنا واشترالي رصيد ورجعني للبيت
اول اسبوع كلشي تمام واني ماكنت مصدكه نفسي
هذا الحلو ابن العز خطيبي
ودي امشي واصيح ياناس هذا خطيبي
سيف خطيبي
من بعدها اتصل عليه بليل
سيف...عندي اللج خبر بمليون دينار
ميار...يالله شنو الخبر
سيف...ابوي وافق موافقه مبدئيه لا اني زعلان عليهم بلبيت وامشي واصيح لو ميار لو مااخذ
البارحه انطاني شقه
كال هاي هدية زواجك ما تصدكين شكد فرحان
خلاص راح نزوج اني وياج حبيبتي
ميار.....هذا خوش خبر
سيف...انتي وجه الخير كله انشاء اله بأقرب وقت
راح تلكينا واكفين بابكم
حتى نخطب خطبه رسميه
اله اسويلج عرس ماصاير وشهر العسل بتركيا
ميار...اني مايهمني كلشي المهم تكون انت وياي
سيف...حبيبتي اني الي ما استغني عنح
ميار...حبيبي الله يحفظك اليه
سيف...باجر لازم تجين وياي تشوفين الشقه
اذا تردين تغيرين شي ماعندي مانع
ميار.. انشاء الله
سيف....امر عليج واخذج من الشغل ونروح
ميار...تمام ماكو مشكله
سيف....لا نكولين الامج خاف ما تقبل تعرفين تفكير
الامهات
ميار...لا مراح اكووول
انتظرونا....