﷽
ـــــــــــ
عمر بجنون.. وراح وقف بين شوق وشربات.. وقلم نزل على وش شربات منه.. شربات بصتله بصدمة وشوق بصتلها بشماتة..
عمر بجنون.. وتحذير.. كلمة كمان في حق مراتي وهِنسى إنك قريبتنا أصلاً ومش هعمل احترام لحد أنا لحد دلوقتي عامل احترام لعمي والناس اللي موجودين هنا لكن صدقيني بعد كدا مش هعمل احترام لحد... ومسك إيد شوق ووقف قدام الكل.. واتكلم بجدية.. اللي هيقرب على شوق أو يمس أو يفكر إنه يقول عنها كلمة يمين تلاتة لخليه لنسفه من على وش الأرض والكلام ده للكل من الكبير لصغير شوق أشرف من الكل هنا ودي مراتي وسمعتها من سمعتي واللي هيزعلها بكلمة أنا اللي هقف ليه متفتكروش إن عشان هادي هسكت ليكم لا وألف لا
لسه مش متعرفوش أنا ممكن أعمل إيه.
وجه كلامه لشربات تاني.. شوق هنا مرات ابن مكرم العزايزي يعني صاحبة البيت هنا وما تنسيش إنك برضو ضيفة عندنا والضيف ملوش إنه يتدخل في أي حاجة دي أول حاجة تاني حاجة بقا ودي الأهم حسناء أو ورد أو شوق أو حتى مايا أو أي بنت موجودة في البيت ده ليها راجل يخصها فينا يعني شوفيلك حد من برا متحلميش إن حد فينا يكون ليكي.. عمر ما حد فينا هيبصلك يا شربات ريحي نفسك محدش فينا هيكون ليكي.
عمر بجدية.. مازن اللي حصل ده إنت تستاهله بجد عارف ليه إنك سمحت لواحدة زي دي تتكلم عن مراتك ومردتش عليها وقطعت لسانها إنت محبتش يا مازن.
شوق كانت شايفة إن بقى ليها ضهر تتحمى فيه وإن أخيراً هتحس إن أبوها رجع يحميها تاني صحيح ربنا بيقطع من هنا وبيوصل من هنا بطريقة تانية.
سيد بخبث.. في سره.. بقا إنتي متجوزة الجدع ده من ورانا ومفكرة إني مكنتش هعرف عشان كدا بعت ياخد أمك وتسيبوني لوحدي وتتنغنغوا في العز ده كله لوحدكم لا يا إما هنكلها سوا يا إما تتخرب علينا كلنا سوا.
جاسر بقوة.. خلاص اقفلوا الكلام سيبوني أفكر أشوف هنعمل إيه في حكاية مازن دي.
الكل سكتوا.. وجاسر فضل قاعد يفكر هيحلها إزاي؟
ـــــــــ
بليل
كان جاك وصل بحسناء كندا وأخدها وراحوا على البيت عنده حسناء كانت تعبانة أوي شالها وطلعها أوضة جنب أوضته عشان لو احتاجت حاجة أو حصل حاجة تكون قريبة منه حطها على السرير وباس راسها بحنية.
جاك بحنية.. لا تقلقي أنتِ بأمان أنتِ وصغيرك سوف أجلب لك بعض الطعام.
حسناء هزت راسها.
وهو سابها وخرج مسك فونه ورن على حد طلب أكل وغير كدا بعت عربية تجيب مايا وبعت ليها رسالة.
"مايا استعدي السيارة أمامها نصف ساعة وتكون أمام المنزل"
جميلة ومايا كانوا قاعدين سوا ومايا كانت ماسكة فونها وشافت الرسالة اتوترت..
مايا.. ماما جاك بعت رسالة إنه بعت عربية.
جميلة بهدوء.. تمام.
مايا باستغراب.. إيه ده وافقتي من غير شتيمة عادي كدا أنا هروح أسهر عند شاب عايش لوحده ها.
جميلة بغيظ.. هو الشاب ده من الشارع ده ابن أختي يعني ابن خالتك يروح أمك إنتي وهو.
مايا بخوف.. اهدي بس أنا بتكلم في إن جاك أعزب بس.
جميلة بسخرية.. متخافيش أصلاً خايفة عليه منك.
مايا بغيظ.. مني ليه إن شاء الله.
جميلة بسخرية.. الواد كيوت وإنتي شحروبة.
مايا قامت وقفت وحطت إيدها في وسطها بغيظ.. نعم مين ده اللي كيوت ده ابن أختك المافيا بتخاف منه تقوليلي كيوت.
جميلة باستفزاز.. وإنتي متعصبة ليه هو ولد شخصية شخصية قوية وشاطر في شغله وكمان مشهور وغير كدا كاريزما وأمور.
مايا بغيظ.. أمور وبيلف وبيدور.. أنا هتعصب ليه أنا هقوم ألبس عشان ميجيش يتفتح فيا ومش هخلص منه... ومشيت.
جميلة.. ربنا يهديكي يا بنتي.
مايا طلعت فوق وكانت متعصبة وبعتت ليه رسالة إنها مش جاية.
عند جاك كان بيغير هدومه وجاب هدوم لحسناء من عنده ليها عشان البرد فونه رن برسالة.. "مش جاية"
جاك بغيظ.. "لماذا؟"
فون مايا رن برسالة كانت قاعدة متعصبة وبتاكل في نفسها حتى أمها بتقف معاه عليها.. مسكت الفون وبعتت "كدا مش جاية"
جاك بغضب.. "حسناً"
مايا بغيظ.. ده بيقولي حسناً حتى كمان مش عارف ليه بجد هموت من الغيظ منه.
قعدت تهري في نفسها من الغيظ.
جاك أخد الجاكت والمفاتيح.. وخرج..
بره.
جاك بأمر.. لا تدعوا أحد يخرج أو يدخل.
وراح لعربيته و مشي.. كان متعصب أوي.
عند جميلة...
استغربت لما لقت مايا لسه بهدوم البيت.
.. إيه ملبستيش ليه؟
مايا.. مش رايحة.
جميلة باستغراب.. ليه إنتي اتخانقتي معاه يا بت؟
مايا بغيظ.. دايماً بتدافعي ليه هو أنا مش بنتك 🥹.
جميلة بغيظ.. لا بنت الجيران قولي في إيه..؟
مايا.. بضيق.. مش جاي ليا مزاج أخرج.
جميلة بعدم فهم.. في إيه يا مايا مالك؟
مايا بغيظ.. مش عارفة.
جميلة.. بشبشب وهتاخدي في إيه أنجزي يا بت متعصبنيش.
مايا بخوف.. بقوله مش جاية البيه بيقولي حسناً وقفل حتى ما قالش مالك مضايقة ليه أو حتى تعب نفسه يعرف.
جميلة برفع حاجب.. هو ده كله اللي حصل ولا في حاجة مخبياها عليا.
مايا بغيظ.. أهو عندك الفون أهو تقدري ترني عليه وتعرفي.
جميلة.. طيب قومي اعملي عصير عشان إنتي تعبتي أعصابي.
مايا بلوي بوز.. حاضر.
وقامت تبرطم.. هو الأستاذ جاك السبب بس لما أشوف وشه.
جميلة بقلة حيلة.. مش هتتغيري.
ــــــــ
عند شوق كانت رايحة تشوف أمها لقت سيد ماسك دراع فاطمة وبيلوي ليها وكان بيضربها.
شوق بعدته عنها بخوف.. ابعد إيدك عنها.
وأخدت أمها في حضنها..
سيد بغضب.. متجوزة من ورانا ومفكرة إني مش هعرف دانا هموتك إنتي وأمك انهارده.
شوق بغضب.. ابعد إيدك عني وعنها ولا قسم بالله هصوت وشوفي مش هتطلع من هنا عايش.
سيد بغضب.. بقا يا بت إنتي بتضحكي عليا أنا دانا أضحك على محافظة جايب أمك هنا وكنتي عاوزانى أفضل هناك في الفقر وإنتِ وأمك تفضلوا هنا في العز بس هو السنيور بتاعك عارف إنك حامل. وأهله هيسيبوكي لما يعرفوا إنك حامل في الحرام.
شوق بغضب.. عمر عارف كل حاجة وعارف كل اللي إنت عملته معايا أنا وأمي وصدقني مش هيسكت ليك.
سيد بسخرية.. مش هيسكت ليا بجد أدام هو عارف ساكت ليه لحد دلوقتي هو أول ما يزهق منك هيرميكي إنتي وأمك زي ما اللي اسمه مازن ده عمل أهو رمى مراته وعلى الأقل هي ليها أهل وأخوها جه وأخدها من وسطكم ومحدش قدر ينطق إنتي بقا ملكيش حد ولا ليكي أخ وقت لما يزهق منك هيرميكي.
شوق الكلام كان بيوجعها أوي..
فاطمة بغضب.. ليها ليها أم ومش هتسمح لحد يجي عليها.
سيد بسخرية.. بجد إنتي أصلاً يومين وهتموتي وهتفضل هي لوحدها.. كمل بطمع.. أنا عاوز مصلحتها ومصلحتنا كلنا قولي لعمر ده إن العيل اللي في بطنك منه وخليه يكتب ليكي كل حاجة.
شوق كانت مصدومة.. إنت بتخرف بتقول إيه؟
سيد بطمع.. وخبث.. بقول اللي سمعتيه هو قرب منك.
شوق بدموع وغضب.. كانت هتضربه بس هو مسك إيدها ولواها ليها.. وهي اتوجعت.. لو مكنش قرب عليكي اعملي أي حاجة تخليه يقرب منك ولبسيه العيل وخليه يكتب كل حاجة ليكي.
فجأة الباب اتفتح.....
ـــــــــــــــــــ
عند كايا..
كان قاعد هو وبلال.
بلال.. بغيظ.. كنتم عاوزين تجوزوني أم أربعة وأربعين دي مكنش ده العشم يا صاحبي بجد.
كايا بضحك.. لا ما تخافش مكنتش هجوزها ليك وبعدين إنت مش كنت هتموت وتعرفها أديك عرفتها أهو.
بلال.. اعتزلت الجواز والبنات يا عم أدام دي دي كرهتني فيهم.
كايا.. بكرة لما تيجي واحدة توقعك على بوزك وتحبها هتقول عكس كدا.
بلال بابتسامة.. شكلك بتحبها أوي يا صاحبي.
كايا بحب.. أوووووووووووووي.
بلال بضحك.. طيب ما تجوزها؟ بدل ما أنا اللي أتجوزها أدام إنت مبلط مش عاوز تتحرك.
كايا بغيرة.. تجوز مين يروح أمك دانا أخلص عليك وعليها سوا.
بلال فضل يضحك عليه وكايا قام ضربه.
ـــــــــــــــــــ
عند مراد كان زهق من القعدة في الفندق لبس ونزل يتمشى في الشوارع ويفكر مع نفسه بدل ما هو كل ما هو قاعد الشعور خانقه...
نزل وخرج من الفندق وفضل يمشي كان اليوم ده يوم الحب في كندا كانوا كل اتنين ماشين ماسكين في إيد بعض واللي بيرقصوا واللي قاعدين سوا واللي بيجيب لحبيبته بلونة عليها قلب ومكتوب عليها Iove You..
قاعد على حافة الجسر وقعد يبص عليهم بحسرة.. وقعد يتخيلها وهي معاه كان هو الوحيد اللي موجود لوحده كل اتنين مع بعض وبيحبوا في بعض..
مراد بحسرة.. الدموع اتجمعت في عيونه.. وهو بيتخيلها وهي بتتنطط من الفرحة وبترقص معاه.. وحشتني أوي يا مايا.. ياريتني ما عملت كدا ياريتني ما ضيعتك من إيدي.
فضل قاعد يتحسر عليها........
ــــــــــــــ
عند جاك.
وصل عند بيت مايا ونزل من العربية ودخل وهو متعصب خبط على الباب وجميلة راحت فتحت استغربت منه.. جاك.
جاك بغيظ.. خالتي كيف حالك؟
جميلة.. الحمدلله اتفضل يا حبي.
جاك دخل ولقا مايا جايبة العصير وخارجة من المطبخ.
اتصدمت لما لقيته قدامها.. إنت بتعمل إيه هنا؟
جاك.. أتيت لأجلك.
جميلة.. طيب اقعد يا بني.
مايا حطت الصينية على الترابيزة..
جاك.. بغيظ راح مسك إيد مايا وشال مايا على كتفه.. ومايا كانت متعصبة.. أعتذر يا خالتي سوف آخذها وأذهب لأنني تركتها بمفردها.
جميلة.. طيب هي عاملة إيه؟
جاك.. بحزن.. ليست بخير.
جميلة.. طيب ابقى طمني عليها.
جاك.. حاضر.
مايا كانت بتضربه في ضهره.. ااععع نزلني يا جاك بطل رخامة مش هاجي معاك.
جاك بغيظ.. اركي بخير خالتي.
وأخدها ومشي ومايا قعدت تزعق ليه بس هو مهتمش وأخدها وخرج فتح باب العربية وحطها فيها وقفل الباب وركب وربط الحزام وهي مكنتش ربطته ومتعصبة.
مايا بعصبية.. أنا بكلمك على فكرة.
جاك ببرود.. اربطي الحزام.
مايا بغضب وربعت إيديها.. وبصت من الشباك.. هو قرب منها وربط الحزام ليها مايا اتوترت من قربه أوي كدا وجاك رجع مكانه وشغل العربية ومشي.
مايا فتحت الشباك وفضلت تبص منه بتحاول تسيطر على نفسها...
مايا وهما ماشين عدوا من نفس المكان اللي فيه مراد..
مايا ضربات قلبها زادت أوي وحست بيه وهمس جواها.. مراد.
جاك كان بيسوق بسرعة عاوز يوصل بسرعة عشان حسناء العربية عدت من قدام مراد وكان جاك هو اللي ناحية مراد مش مايا عشان كدا مشفتهوش بس هي كانت حاسة بيه.
مايا في سرها.. لازم تنسي مراد يا مايا مش هيخسر أهله عشانك كفاية إنه بعد عنهم كتير وأخيراً بقوا مع بعض من تاني مش تكوني أنانية يا مايا محدش كان قابل بيكي في العيلة دي حتى مازن قالي عيشي حياتك بعيد عنه لازم تنسيه يا مايا لازم.
كانت هتعيط بصت من الناحية التانية ومسحت دموعها عشان جاك مياخدش باله.
وصلوا البيت.
عند جاك نزل ونزلها وشالها زي ما أخدها على كتفه ودخل بيها البيت.
دخل وقفل الباب ونزل مايا.
مايا كانت متعصبة منه.. وكانت هتتكلم.. بس هو حط إيده على بقها.
جاك.. اصمتي اصعدي معي لدي مفاجأة لك.
مايا مشيت معاه وهي مش عارفة في إيه بس كل اللي جوه قلبها مش خوف من جاك خوف على حد بس مين مش عارفة.
فتح الأوضة اللي فيها حسناء..
مايا بصدمة.. مين دي إنت خاطف مين؟
جاك بغيظ فتح النور..
مايا بصدمة.. حسناء.
وويتبع.