رواية عودة عاشق ج4 الفصل الثاني 2 بقلم منة الله الجزار
*"صراع الجبابرة"*
﷽
ـ،،، ــــــــــــ
*عند جليلة*
جليلة بخوف.. بس أكيد كفر بالله وممكن يحصل لولدي حاجة.
شربات بخبث.. كفر ليه يا مرات عمي؟ ده إحنا هنساعد مراد يبعد عن البت اللي اسمها مايا دي ويرجع تاني لحضنك.. فكري فيها يا مرات عمي. إحنا مش هنأذيه لسمح الله. إحنا بس هنخليه ما يشوفش مايا دي وتطلع من قلبه وحياته.
جليلة برعب.. لا أنتي اتجننتي؟ عاوزانا نرمي نفسنا وولدي في النار بإيدينا.
شربات بخبث.. خلاص يا مرات عمي. كان بس كنت عاوزة أساعدك وأساعد مراد.
جليلة بخوف... شوفي حاجة تانية غير أكيدة دي. لو عمك عرف ولا حد من الأولاد هيبقى فيها قطع رقاب. وأنا مش هعمل أكيدة في ولدي.
شربات في سرها.. ما دام أنتي مش هتعمليها أنا هعملها برضاكي أو لا. مراد هيكون ليا وهكون ست البيت ده. وأول واحدة هرميها بره البيت هتكوني أنتي.
كانت بتبص لها بشر.
شربات.. خلاص يا مرات عمي ولا كأنك سمعتي حاجة.
جليلة برعب وفضل جسمها يرتعش بس هي بتفكر إزاي هتخلص منهم.
ـــــــــــــــ
*عند عمر وكايا*
كايا بغضب.. شوق مش من مستوانا عشان تتكلم. وبعدين كلنا عارفين جوز أمها إزاي. أكيد هو اللي مسلطها علينا عشان تاخد فلوسنا.
شوق بدموع.. كتر خيرك يا كايا. وأنا اللي اعتبرتك أخويا الكبير. هو أنا عشان مليش أخ أو أب يقف في ضهري تقول عني كدا.
كايا حس إنه زودها. وعمر اتجنن عليه ومسكه من هدومه.. اللي بتتكلم عنها دي مراتي. وبعدين هو من إمتى يا بن عمي بنتكلم عن المستويات؟ ها؟ يعني ما هو لو ورد ما كناش عرفنا إنها أختي ومننا كنت هتتكلم كدا؟ كايا أنت أول واحد لما حد كان بيتكلم عن ورد وإنها بنت الخياطة كنت بتاكله وتقول إحنا ما اخترناش نكون غني وفقير. إحنا اللي بيميزنا أخلاقنا والقيم اللي اتربينا عليها. يا ما في ناس على قدها وعايشة بما يرضي الله. ويا ما في ناس أغنية ما عندهمش ضمير ولا أي حاجة ولا يعرفوا يعني إيه ضمير أصلاً. يعني لو كانت ورد لسه فقيرة ما كنتش هتحبها وتحارب عشانها؟
عمر كان ماسك في كايا وبيتكلم وهو بيزعق فيه.
كايا فعلاً حس بالندم وإن شوق ما عملتش فيه حاجة عشان يسمعها الكلام ده كله. وإنها ملهاش ذنب إن جوز أمها واحد وسخ زي ده.
عمر كمل بغضب.. شوق ذنبها إيه إنها لقت زي ده واحد جوز أمها؟ أنت ما تعرفش هي عاشت إيه عشان تحكم عليها هي وأمها برأيك. واحد زي ده إزاي كان بيعاملهم؟ إيه بيعاملهم معاملة ريش نعام؟ ما ترد عليا يا كايا. ساكت ليه..؟ ده من أول ما دخل البيت وهو حاطط عيونه على كل اللي فيه. جابهم من فوق لتحت. كانت نظراته مش كويسة ليهم. برأيك كان بيشوفها إزاي؟ ها؟ أنت كراجل وغريب غيرت على أهل بيتك وحميتها من نظراته. أما هي ما كانش في حد بيحميها من نظراته.
وزقه بقرف لما خلص كلام..
ورد كانت واقفة بتعيط هي وشوق.
كايا بندم.. حقك عليا يا شوق. أنا لما بتعصب ما بشوفش قدامي وللأسف بعك الدنيا أوي. سامحيني ما كانش قصدي إني أجرحك. أنا فكرتك بس بتقوي ورد عليا عشان كدا اتعصبت. وده غير أبوي امبارح روحت أطلبها منه قالي مش هجوزهالك. فكرت إن ورد راحت قالت ليه إنها مش عاوزاني عشان أنتي قلتي لها. حقك عليا يا أختي.
عمر بقرف.. أصلاً مين قالك إني موافق أجوزك أختي؟ وبعدين الهري اللي أنت قلته ده عنت أخاف أجوزها لواحد زيك. وقت عصبيته ممكن يرمي عليها اليمين أو يشك فيها زي الغبي التاني اللي خرب بيته بإيده. بجد حسناء عملت الصح لما قالت لأخوها يجي ياخدها من هنا. أنتم بجد مقرفين. إذا كان مازن ولا مراد الغبي التاني ده اللي عامل زيك بالظبط. ما فهمش وقت عصبيته طلق مايا وراح اتجوز أختها. ولما أختها ماتت رجع يدور عليها. يعني لو ما كانتش ماتت كان زمانه في حضنها لحد دلوقتي. ولا كان رجع تاني من الأساس. أنا مش عارف ده حب ولا عبط ولا إيه. أنا لو مكانهم مش هسامح حتى لو كان الشخص ده بينه وبين الموت كلمة "سامح" اللي هقولها ليه دي عشان الروح تطلع مش هقولها وهسيبها متعلقة.. الغلط غلط من الأول. إذا كان مراد أو مازن. ولو الاتنين رجعوا ليهم يبقوا يستاهلوا اللي ولاد عمامي هيعملوه فيهم بعد كدا.
ورد بحزن.. الغلط مرة والندم طول العمر.
عمر بجدية.. إلا الكرامة. لو اتهاونت فيها عشان أي حد هو أول واحد هيدوس عليك. وبعدين اللي ملهوش كرامة ملهوش لازمة.
شوق في سرها.. الحمد لله إني حكيت لعمر كل حاجة. وإلا ما كانش هيسامحني طول عمره.
كايا بندم.. أنا مش زي مراد يا عمر. أنا بجد بحب ورد ومستحيل أبعد عنها ولا أجرحها في يوم زي ما هو عمل. مايا طلعت من هنا مكسورة زي حسناء. بس أنا مش هغلط نفس الغلطة يا عمر. وهحافظ على ورد. بس اديني فرصة.. أثبت فيها ليك إني مش زيهم. أنا بجد عاوز ورد.
عمر بجمود...
ـــــ
*عند مايا* فضلوا يرقصوا مع بعض الأربعة.. وفجأة فون جاك رن وراح يرد عليه.
جاسيكا.. بقلق.. مراد إيدك بتنزف.
مراد ما كانش سامع ولا مهتم ولا حاسس بالوجع. غيرته كانت عامياه.. وقام من على الكرسي. ومازن قام بسرعة.. رايح فين؟
مراد ما ردش وسابهم واتقدم وراح وقف قدام مايا. مايا اتفاجأت بيه واتمالكت نفسها. فضل يبصلها بذهول مش مصدق إنها بقت لواحد تاني غيره. ومرة واحدة شدها من دراعها وكان هيوقعها وأخدها لأوضة تبع الفندق اللي فيه الحفلة.
*في الأوضة*
مايا بوجع.. مراد سيب إيدي بتوجعني.
مراد حدفها على الكنبة بقوة وسند على الكنبة بإيده حاوطها واتكلم بغضب وغيرة.. التمثيلية دي تخلص دلوقتي حالاً.
مايا خافت إن مراد يكون عرف الحقيقة بس اتصنعت القوة.. تمثيلية إيه يا مراد.
مراد بغضب.. الجواز من الواد ده.
كان بيزعق فيها.
مايا بغضب.. ما اسمهوش واد اسمه جاك.. وهب قلم نزل على وش مايا بقوة منه.
مايا حطت إيديها على خدها بصدمة وبقت تبصله.. مراد مسك فكها بغضب وهي اتوجعت..
مراد بغضب.. لو اتكررت وقلتي اسمه تاني على لسانك هقطعه ليكي. أنا شكلي دلعتك كتير عشان كدا فكرتي إنك تركبي وتدلدلي رجليكي. لا فوقي. أنتي ما تعرفيش مين هو مراد العزايزي. أنا أدفنك في مكانك ولا هيهمني حد. واللي أنتي فرحانة بيه ده روحي ليه. أكيد سلمتي نفسك ليه وكنتي عاملة عليا الخضرة الشريفة.
مايا كانت مصدومة من كلامه وإن في جانب تاني شيطاني إزاي ما كانتش شايفاه فيه.
كان بيتكلم وبيضغط على فكها أكتر وأكتر.
مراد بجنون.. أنا كمان هعجبك زيه ويمكن أكتر.
مايا بصدمة.. قصدك إيه؟
مراد بسخرية.. قوليلي عاوزة كام في الليلة؟ وأنا مستعد أدفع من جنيه لمليون.
مايا كان الكلام بيقع عليها زي الرصاص..
مايا بسخرية وقرف.. هتعرف تدفع زيه؟
مراد بسخرية.. وقرف.. وأكتر منه.. وطلع دفتر الشيكات ورماه في وشها وبعد عنها ووقف وقلع جاكت البدلة.
مايا ضحكت على نفسها بسخرية ووجع.. عاوزة أسألك سؤال بس جاوب بصراحة؟
مراد راح قعد قصادها وطلع علبة سجاير وطلع واحدة منها وطلع الولاعة وولعها وبدأ يشرب فيها.. اسألي.
مايا بسخرية.. وسجاير كمان؟ المهم ده مش سؤالي. أنت تعرف البنت اللي جاي معاها الحفلة ولا لا؟ وجاوب بصراحة عشان قناعك وقع قدامي يا مراد.
مراد نفخ الدخان.. ببرود.. أه.
مايا كان في سكينة اتغرزت في قلبها.
مايا قامت وقفت وهو بص لها ببرود.. نمت معاها يا مراد؟
السؤال كان بيوجعها وبتتمنى إن الإجابة تكون لا. لأن لو أه مش هتقدر تستحمل وممكن تموت فيها.
مراد....
ــــــــــــــــــ
*بره* جاك رجع بدأ يدور عليها ما لقاهاش. وبص على الترابيزة اللي كان عليها مراد ما لقاهوش. ما فيش غير مازن.
طلع سلاحه وضرب طلقة بجنون في الهوا.
ديف بغضب.. ماذا تفعل؟
جاك بجنون راح عند مازن.. أين هي؟ أين أخذها؟
كيليان.. بعدم فهم.. ماذا هناك جاك؟ ماذا فعل هذا؟
حسناء.. بخوف.. جاك في إيه؟
جاك بجنون حط المسدس في راس مازن.. مايا ليست موجودة في الحفل؟ أين هي؟ ولا سيكون آخر يوم في حياتك؟
حسناء برعب.. خلينا ندور عليها يمكن في الحمام.
كيليان وحسناء راحوا جري على الحمامات عشان يشوفوها.
حسناء دخلت حمامات البنات ما لقتهاش وكيليان دخل يدور على مراد برضو مش موجودين.
حسناء برعب.. كيليان دي مش موجودة جوه. أنا خايفة يكون مراد عمل لها حاجة. ده مجنون.
كيليان بقلق.. هبلغ الأمن إن ممنوع خروج أي أحد بره الفندق.
حسناء.. تمام بسرعة.
كيليان طلع يجري وبلغ الأمن. وجاك كان عامل زي المجنون وطايح في الكل. وجميلة كانت بتعيط. وديف خلى رجالته يدوروا بره الفندق وجاك برضو.
جاك بجنون.. ممنوع خروج أي أحد من هنا قبل أن نجدها.
جاسيكا.. بغضب.. هل هذا اعتقال؟
جاك بجنون.. وشر.. نعم.
جاك.. طلع يدور هو ورجالته في الأوض وفجأة سمع صوت حد بيصوت..
جاك بجنون.. مااايا ويتبع.