رواية عودة عاشق ج4 الفصل التاسع 9 بقلم منة الله الجزار
﷽
ـــــــــــــ
في أوضة العمليات
كان الدكاترة بتحاول تنقذ أي حاجة وكان قدامهم خيار من الاتنين يا الأم يا الجنين
الممرضة خرجت عشان تقول لأهلها.
فاطمة وجاسر جريوا عليها.
فاطمة.. بخوف.. بنتي عاملة إيه طمنيني عليها.
الممرضة.. حضرتك فين جوزها.
جاسر بحزن.. أنا أبوه جوزها مسافر في إيه؟
الممرضة.. لازم إمضته ضروري ولازم يختار.
فاطمة بعدم فهم.. يختار إيه بنتي فيها إيه؟
الممرضة.. الحالة اللي جوه جوزها لازم يختار يا الأم يا الجنين لأن ما ينفعش الاتنين سوا الحالة صعبة.
فاطمة صوتت.. يا لهوي بنتي أهم حاجة دلوقتي بنتي العيل بيروح ويجي.
جاسر.. فعلاً احنا ما شوفناش العيل بس أهم حاجة الأم وفين الورق وأنا أمضي عليه مكانه.
الممرضة.. حضرتك ممكن تروح الاستقبال وتمضي هناك.
جاسر.. ماشي.. أنا هروح يا أم شوق خليكي هنا.
ومشي جاسر راح عشان يمضي وهو قلبه بيوجعه على عمر وشوق واللي حصل معاهم وبيتوعد لجليلة.
فاطمة برعب.. يا رب احمي ليا بنتي يا رب دي بين إيدك دلوقتي دي غلبانة انت عالم بينا يا رب.
ــــــــــ
عند كايا وبلال راحوا القسم.
كايا للعسكري.. عاوز أقابل الظابط اللي قبض على عمر العزايزي النهاردة.
العسكري.. شريف باشا في مكتبه استنوا هنا لحد ما أعرفه.
كايا.. تمام.
العسكري.. دخل وقال لشريف وقال لكايا إنهم يدخلوا سلموا على شريف وقعدوا.
كايا.. حضرتك أنا كايا العزايزي وعمر مظلوم في الليلة دي كلها.
شريف بعملية.. أستاذ كايا عمر ما بيتكلمش حتى يدافع عن نفسه وده في حد ذاته مشكلة لوحده غير اللي الشهود.
بلال.. عادي ممكن الشهود ينشروا بسهولة انتم إزاي اتأكدتوا إنه عمر مش حد تاني غيره.
شريف.. عارف بكده عشان كده اديت لعمر 4 أيام على ذمة التحقيق لحد ما المحامي يجيب دليل براءة قبل ما يتحول للسجن المركزي.
كايا.. طيب ممكن لو سمحت أشوفه.
شريف.. هو صعب دلوقتي عشان الوقت اتأخر.
كايا برجاء.. لو سمحت يمكن عمر يتكلم أو يكون في حاجة تخص القضية نعرف ندور عليها.
شريف.. تمام هبعت يجيبوه.. ورن الجرس والعسكري جه.
شريف.. هات عمر يا بني.
العسكري مشي راح يجيبه وكايا وبلال بصوا لبعض بحزن.
العسكري راح فتح لعمر.. جايلك زيارة.
عمر بص له من غير ما يتكلم وقام ومشي معاه لحد المكتب ودخلوا وطلع.
شريف.. أنا هسيبكم لوحدكم.
وخرج كايا قام حضن عمر وبلال بحزن عليه.
بلال.. ما تخافش يا عمر هنطلعك من هنا.
عمر فضل ساكت.
كايا.. بحزن.. يا خوي اتكلم قول انت شاكك في مين وحياتك عندي لأجيب رقبته تحت رجليك.
بلال.. عمر لازم تتكلم السكوت مش بيفيدك قولنا اتكلم.
عمر بتنهيدة حزن.. مفيش غيره.
كايا بانتباه.. مين هو؟
عمر بحزن.. نادر.
بلال باستغراب.. مين نادر ده وإيه علاقتك بيه.
عمر.. نادر ده اللي كان خطيب شوق وجه ليا المستشفى لما عرف إني اتجوزتها وبدأ يحكي ليهم كل حاجة.
كايا ضرب بإيده على المكتب بغضب.. وحياة أمه لأدفنه.
بلال بهدوء.. كايا مش وقت غضب لازم نتصرف بعقلنا عمر في وضع حساس وأي غلطة مننا بفورة.
كايا بغضب.. عقل إيه ده أنا هروح أفرغ السلا'ح في دماغه.
عمر بهدوء.. بلال معاه حق كايا عاوز منك خدمة.
كايا باستجابة.. عيني يا خوي في إيه؟
عمر.. الكاميرات بتاعة المستشفى عاوزك تشوف مين اللي كلم نادر لما فاق أكيد عارف السبب.
بلال.. بس المستشفى متشمعة إزاي هيدخل.
عمر بسخرية.. عيب مش على كايا الكلام ده.
كايا بابتسامة ثقة.. عجبني فيك إنك دايماً واثق فيا.
بلال بخوف.. ده شرطة فيها كلبوش لو اتعمل حاجة غلط.
كايا بجدية.. لو فيها روحي أنا موافق بس عمر يطلع من هنا ما تقلقش يا خوي هتصرف في الموضوع ده.
عمر بجدية.. وأنا واثق فيك أهم حاجة محدش يعرف بالكلام ده هيفضل بينا هنا.
كايا.. لازم مراد ومازن ييجوا مش عارف راحوا بلطوا هناك مش راضين يرجعوا ليه.
عمر بسرعة.. كله إلا دول كده هلبس مشنقة لو اتدخلوا وبالأخص أخوك أنا عاوز أطلع بريء مش أطلع بد'م فاهم يا كايا محدش يعرف وبالأخص مراد مراد مجنون أما مازن مشاكله كتير ربنا يكون في عونه كفاية عليه جاك وأهل حسناء.
بلال.. تعرف مين اللي يعرف يطلعك من المصايب دي.
كايا بانتباه.. مين؟
بلال.. جاك جركام.
عمر بذهول.. جاك واشمعنا جاك يعني؟
كايا ببلاهة.. كنت هسأل نفس السؤال ده لو شافه بيتعفن في السجن مش هيبص عليه.
عمر بجدية.. على فكرة جاك كويس بس غلطاتكم كتيرة معاه عشان كده انتم اللي قومتم الحر'ب دي بينكم وبينه.. فاكر لما الشركة كانت هتقع بسبب مراد والصفقة اللي دخلها بكل حاجة وخسرها مين اللي وقف جانبه وأخوك ما شاء الله ردها ليه رد حلو.
كمل كلامه بسخرية.
كايا.. بتنهيدة.. مراد متهور أوي وبيقول عليا إني أنا اللي متهور ربنا يهديه.
بلال بعدم فهم.. صفقة إيه فهموني هو انتم مش عشان أخته بس ولا فيه سبب تاني.
عمر بتنهيدة.. للأسف في سبب تاني مش عشان أخته بس.
كايا.. بجدية.. هقولك بعدين يا بلال المهم دلوقتي نشوف مين اللي اتفق معاه نادر ونصبوا الكمين ده لعمر.
عمر.. وآه في حاجة كمان خلوا بالكم من شوق والبيت أكيد هييجي عشانها دلوقتي بقلب جامد.
كايا بشر.. يا أهلاً بيه تبقى أمه بتحبه.
عمر.. تمام هعتمد عليكم.. كايا لما رئيس النيابة ييجي أنا ما اتكلمتش بتحاولوا معايا إني أتكلم وأنا ما اتكلمش ماشي.
بلال.. تمام.
شوية وشريف جه.. وراح على مكتبه وقعد.
شريف.. ها يا عمر عاوز تقول حاجة؟
كايا بتصنع الحزن.. مش راضي يتكلم حاولنا معاه كتير بس هو ساكت.
شريف.. السكوت مش هيفيدك يا عمر لازم تتكلم.. دلوقتي الزيارة خلصت تقدروا تتفضلوا.
العسكري أخد عمر تاني وكايا وبلال مشيوا.. وشريف كان بيبص عليهم بشك.
ـــــــــــ
عند جاك ومايا.
جاك بحنية.. ومسك إيديها.. مايا بعتذر عن ما حدث.
مايا بصت له بحزن.. وانت ذنبك إيه؟
جاك بحنية.. لا أعلم لكن شعرت إنك بحاجة لاعتذار مولاتي.
مايا.. الدموع اتجمعت في عيونها.. هو أنا وحشة أستحق ده كله.
جاك حط إيده على وشها بسرعة واتكلم بحنية.. لا مولاتي انتي إنسانة مختلفة مايا عن الجميع لذلك لا يعلمون كيف يتعاملون معك لا تقلقي انتي معي.
مايا بدموع.. حتى انت كمان هتسيبني زيهم.
جاك باستغراب.. لماذا أفعل ذلك؟
مايا.. الجوازة دي مش حقيقية وانت أكيد بتحب بنت تانية مش هتفضل معايا يعني.
وقعدت تعيط بقهر.
جاك غمض عيونه وأخد تنهيدة وفتحهم تاني.. نعم أنا أعشق فتاة مايا معك حق وهي هذه الفتاة هي انتي مايا.
مايا رفعت راسها بصدمة.. بتقول مين؟
جاك بحب.. I Love you Maya.
"كفارة يا أخي أخيراً قولتها 🤣💃🏻"
جاك بعشق.. أعشقك منذ نعومة أظافرك مايا منذ أول مرة وأنا أعتبرك ملكي.
مايا بصدمة ودموع.. بس انت دايماً كنت تقولي انتي أختي.
جاك بعشق.. أنا لدي أعداء كثيرون ولا أريد أن تقعي في المشاكل بسببي أنا لا أطيق أن أراك تحزنين.. وكمل بحزن.. أردت أن أبلغك بحبي لك في ليلة زفافنا لكن توقفت عندما علمت بأمر مراد وأنك تحبينه وعندما علمت بما فعله معاك.. كمل بغضب.. أسقطته من السما إلى الأرض مراد لم يكن يحبك كان فقط معاك ليريني إنه قد انتصر عليا وأخذ فتاتي مني مراد كان يحب إنجي منذ البداية معايا.
مايا بصدمة.. بتقول إيه؟
جاك بغضب.. نعم هذه هي الحقيقة مراد لم يحبك قط كان يتقرب منك فقط للوصول لإنجي وليس لك وكان الاتفاق بينهم على ذلك إنهما ينتقمان مني.
مايا كانت مصدومة ومش مصدقة.. ليه منك؟
جاك.. تتذكرين الذئب الأسود الذي وقف أمام مراد في تلك الصفقة وأخذها منه.
مايا.. بتذكر.. أيون وشركة مراد كانت هتقع وانت وقفت جانبه.
جاك بسخرية.. هذا الذئب هو أنا مايا.
مايا دماغها اتشلت من الصدمات اللي بتاخدها.
جاك.. أعلم إنك تلقتي الكثير من الصدمات لكن هذه الحقيقة.
مايا.. طيب ليه وقعت مراد.
جاك كور إيده بغضب.. لأني كنت أعلم بأمره هو وإنجي زوجكما كان باطلاً مايا مراد وإنجي كانا في الأصل متزوجين ولذلك أردت القضاء عليه.
مايا كانت حاسة إن قلبها هيقف وقامت وقفت من الصدمة ومرة واحدة ما حسّتش بالدنيا ووقعت..
جاك لحقها وفضل يخبط على وشها.. مايا مايا استيقظي مايا....
شالها وطلع بيها لفوق......
"طلعت واطي يا مراد 😒"
ـــــــــــــ
عند كيليان خبط على حسناء وحسناء قامت ومسحت دموعها وفتحت وأول ما شافته..
حسناء بقهر.. في حاجة يا كيليان؟
كيليان بحزن.. أريد التحدث معك.
حسناء.. نعم.
كيليان.. حسناء أعلم إنك تتألمين كثيراً لكن إذا أردتِ أن تتحدثي أنا موجود ولا تقلقي جاك لن يعلم شيء ولا أحد.
حسناء دخلت وكيليان دخل وراها وراحت قعدت على السرير وقعدت تعيط بقهر.
كيليان كور إيده بغضب.. حسناء هو لا يستحق كل ذلك.
حسناء بقهر.. ما توقعتش إني أنا أكون سبب الكسرة اللي كانت في عيونه يا كيليان طول عمري ما شوفتهاش ويوم ما أشوفه أشوفه في عينه بسببي.
كيليان بحزن.. نانا هو لا يستحقك لم تري ليلة أمس ماذا حدث هو لم ينتظر أن يعلم ماذا هناك أو ما الحقيقة أنا أرى هذه المرة استمعي إلى جاك والعم ديف.
حسناء قعدت تعيط وهو كان زعلان عليها.
ــــــــــــــ
عند مراد
كان بيكلم حد.. أريدك في مهمة.
.. ما المهمة؟
مراد بشر.. أريد التخلص من جاك جركام.
.... ويتبع...