رواية عودة عاشق ج4 الفصل الخامس 5 بقلم منة الله الجزار
*صراع الجبابرة*
﷽
ــــــــــــ
في كندا.
كان الكل قاعدين بيفطروا وكانت مايا سرحانة والكل لاحظ ده.
ديف.. ما الأمر مايا لماذا لا تأكلين؟ هل أنتِ مريضة؟
حسناء قرصتها من رجليها واتكلمت من بين سنانها.. كلمي بابي.
مايا اتوجعت وفاقت.. ها بتقول حاجة يا عمو؟
داليا باستغراب.. سرحانة في إيه يا حبيبتي؟
كيليان بضحك.. أكيد في جاك واللي حصل امبا... كان هيكمل بس جاك حط أكل في بقه عشان يسكت.
جميلة برفع حاجب.. وإيه اللي حصل يا أستاذ جاك خليه يكمل؟
جاك لعنه في سره.. واتكلم بتوتر.. لا شيء أكيد كيليان يقصد الخطبة المفاجأة صح كيليان؟
بص لكيليان بغيظ مكتوم وإنه هيضربه لو قال عكس كدا.
كيليان وهو بيبلع الأكل.. بخوف.. نعم خالتي أقصد ذلك.
جاك غير الموضوع.. أبي أمرت رجالي برفع قضية طلاق حسناء من مازن.
حسناء بصت له بصدمة.. بتقول إيه؟
جاك سخرية.. هل تريدين الرجوع إليه بعد كل ما حدث؟
حسناء بحزن.. لا بس اتصدمت لأني معرفش.
ديف.. بجدية.. حسناء لا أحد يجبرك على شيء تريدين الرجوع إليه أم لا؟
حسناء رجعت شعرها لورا بحزن.. اعملوا اللي انتم شايفينه صح يا بابي خلاص أنا ومازن صفحتنا اتقفلت خلاص.
كيليان باستغراب.. لماذا تريدين الطلاق أعلم أنك تحبين مازن أنا لا أعلم الكثير عن حياتك ولكن أنا معك وأرى بعد فعلته ليلة أمس أنه لا يستحقك.
حسناء.. بحزن.. جاك أنا خلاص عاوزة أخلص من الرابط ده بس من غير أذى لمازن ولا أهله كفاية لحد كدا متنساش إنه يبقى أبو اللي في بطني عشان خاطره متأذيش أبوه ولا حد.
جاك بهدوء.. خلال جلسة واحدة ستكونين حرة إلى الأبد من هذا الزواج.
مايا.. انت رافع قضية إيه بالظبط؟
جاك بسخرية.. خلع.
مايا بصت له بصدمة.. خلع يا مفتري كدا حقوق حسناء هتروح.
جاك بسخرية.. أختي لا تنتظر منه شيء ولا نحن إذن لماذا لا يخلع 😏.
كيليان باستغراب.. هل هناك فرق بين الخلع والطلاق ما الاثنان واحد انتهاء عقد الزواج؟ أنا لا أعلم الكثير عن الإسلام لهذا أسأل.
مايا.. طبعاً في فرق الخلع ده المرأة هي اللي بتفتدي بحقها من كل ما في العقد مقابل الطلاق لجهة الزوج أما الطلاق يبقى العكس بتاخد حقها كله من الزوج إدام هو اللي مطلق.
كيليان.. لماذا تفدي المرأة بحقها في الخلع؟
ديف.. للخلاص من الزواج لعدم قبول الزوج الطلاق وهذا الزواج به ضرر للمرأة لا الزوج ممكن من والدته منه من عائلته وهذا ضرر للمرأة ولا يقبل الزوج الطلاق أو الابتعاد عن المشاكل هنا يحق للمرأة أن ترفع قضية الخلع على زوجها.
كيليان بغضب.. هل مازن كان يؤذي حسناء أو أحد عائلته؟
حسناء بهدوء.. خلاص اقفلوا الموضوع ده بقى لو سمحتم عشان خاطري انتم بتتعبوني أكتر.
داليا.. جاك ديف كيليان اهدوا عشانها المهم عندنا دلوقتي إنها بقت في حضننا من تاني مش عاوزين منه حاجة جاك اعمل اللي انت شايفه صح من غير أذى لحد.
جاك ابتسم بسخرية.. حسنا.
كيليان.. عم ديف استأذنك آخذ الفتيات معانا للعب مثل ما كنا صغار.
ديف بابتسامة.. حسنا.
كيليان بحماس.. إذن بعد الإفطار سوف نذهب جاك استعد للهزيمة.
جاك بسخرية.. هزيمة انت من سوف يهزم.
الكل قعدوا يضحكوا عليهم.
ـــــــــــــــــ
عند عمر
لقي الناس عاملين يزعقوا ويحدفوا الشبابيك بالطوب وفي خناقة كبيرة قدام المستشفى والحرس مش عارفين يسيطروا على الموقف عمر حاول يدخل عشان يفهم في إيه وليه الخناقة دي كلها.
عمر دخل في النص بين الناس وطلع على السلالم.. وزعق في الناس.. فيييي إييييييي؟
وائل بخبث.. منعرفش مين مبلغ في المستشفى إنها بتعمل عمليات غير مشروعة.
عمر بص له بصدمة.. إيه مين ده وإزاي؟
وائل.. بتصنع الحزن.. منعرفش مين هو بس وزارة الصحة هتبعت ناس تعاين ربنا يستر من اللي جاي.
عمر بقوة.. ييجوا يعاينوا المستشفى هنا تبع عيلة العزايزي والكل عارف إنها محترمة مش بتاعة العمليات النص كم دي.
واحد من اللي في الخناقة واللي تبع وائل بزعيق.. انتم بتوع أبو كدا أنا شوفت بعيني أبويا دخل هنا وقالولنا إنه مات ولما جينا ندفنه وهو بيتغسل لقينا في خياطة في كل بطنه وهو كان داخل يعمل عملية القلب المفتوح مش في البطن ولما فتحنا لقيناه مش فيه أعضاء سرقتوا أعضاء أبويا أنا عاوز حق أبويا.
واحد تاني.. وأنا مراتي دخلت تولد الدكتور اللي بيولدها عمل حاجات متصحش إنها تتعمل في قلب المستشفى دي الدكاترة اللي فيها لازم يتحاسبوا.
عمر كان مصدوم 😳 من كمية البلاوي دي.
عمر بغضب.. انتم بتقولوا إن العمليات دي اتعملت هنا صح المستشفى كلها كاميرات حتى أوضة العمليات فيها كاميرات ولو حصل كدا فعلاً أنا اللي هحاسب الدكاترة اللي عملوا كدا وهرميهم ليكم تاكلوهم وتاخدوا حقكم منهم لكن غير كدا أنا اللي هحاسبكم وحسابي هيبقى عسير أوي عشان ده افتراء واللي قد كلمته يفضل للآخر.
جات عربية ووقفت وكانت تبع وزارة الصحة ونزل منها أربعة ووائل غمز للي تبعه الراجل اللي كان بيقول على أبوه جري على واحد من بتوع الصحة..
.. الحقنا يا بيه خد حقنا عاوزين ياخدوا حق الغلابة والدكتور ده ابن العزايزي أكيد مسح الكاميرات عشان المستشفى اللي تبعهم ما تتكشفش ده لازم تتقفل المستشفى دي والدكتور ده يتحاسب.
الراجل.. اللي غلطان هيتحاسب ما تخافوش.
عمر نزل ليهم واتكلم بقوة.. المستشفى سليمة مفيش فيها أي حاجة وأنا واثق من كدا وتقدروا تفتشوا المستشفى حتة حتة ولو لقيتوا حاجة اللي عمل كدا هيتحاسب.
فجأة سمعوا صوت عربية الشرطة.
الشرطة نزلوا ووائل كان بيبص على عمر بخبث..
الظابط.. مين هنا صاحب المستشفى دي؟
عمر بقوة.. المستشفى تبع عيلتي حضرتك أنا الدكتور عمر العزايزي.
الظابط.. انت مطلوب القبض عليك بتهمة التجارة في الأعضاء وقتل الناس وغير كدا مسكنا شحنة أسلحة بتتهرب من الحدود باسمك امسكوه.
حطوا الحديد في إيد عمر وهو مصدوم 😳.
عمر بصدمة.. دي أكيد متلفقة ليا أنا مش بتاع كدا؟
الظابط.. في القسم ابقى قول اللي انت عاوزه.. والمستشفى دي طلع أمر بتشميعها بالشمع الأحمر خدوه.
أخدوا عمر والمستشفى اتشمعت بالشمع الأحمر واتقفلت.
وائل بابتسامة نصر.. مع السلامة يا عمر.
الخبر وصل جاسر..
جاسر بصدمة.. بتقول إيه؟ وهو فين دلوقت؟
الراجل.. خدوه في القسم والمستشفى اتشمعت بالشمع الأحمر.
جاسر بصدمة.. تغور المستشفى المهم عمر.
شوق كانت نازلة هي وورد وسمعتهم.. نزلت بخوف.. ماله عمر؟
جاسر.. في ناس افترت عليه إنه بيعمل عمليات غير مشروعة في المستشفى وغير أكيدة لابس قضية تهريب سلاح.
شوق اتصدمت هي وورد..
شوق برعب.. عمر فين عمر مش بتاع الحاجات دي أنا عاوزة أطمن على عمر.
جاسر.. إني هاخد المحامي وأروح أشوف في إيه ادعيله يا بنتي.
ورد بدموع.. أنا عاوزة أشوف عمر يا عمو أخويا مظلوم.
جاسر.. خابر زين إنه مظلوم 🥺 بس هروح أشوف هيحصل إيه؟
شوق بدموع.. خدني معاك الله يخليك عاوزة أطمن عليه.
جاسر بحزن.. مش هينفع يا بنتي يا رب بس يخلوني أعرف أشوفه ده مصيبته سودة.
جاسر سابهم ومشي والاتنين مسكوا في بعض وقعدوا يعيطوا.
شربات بخبث.. مالكم في إيه؟
شوق بغضب.. ابعدي عني الساعة دي عشان مولعش فيكي وفي البيت كله.
شربات بغضب.. في إيه هو إني كلمتك أنا بسأل في إيه مالكم شايفاكم بتعيطوا.
جليلة جات هي وفاطمة وسيد.
فاطمة بخوف.. في إيه يا حبيبتي بتعيطي ليه؟
شوق بدموع.. في حد ابن حرام ملبس عمر قضية إنه بيشتغل في السلاح وغير كدا إن المستشفى بتشتغل في شغل غير قانوني وأخدوه على القسم وشمعوا المستشفى.
جليلة بصدمة.. ولدي مين ده اللي عمل فيه كدا؟
ورد بدموع.. منعرفش حاجة عمي جاسر راح يشوف في إيه؟
جليلة برعب.. يا رب يا رب ولدي غلبان لا ليه في كل ده يا رب رد كيدهم عنه يا رب في نحرهم.
شوق.. يا رب.
شربات بتصنع الزعل والحزن.. يا رب يا ولد عمي يبعد عنك الشر واللي عاملين نفسهم بيحبوك وهما بيسرقوك من وراك وعاوزين ياخدوا أملاكك وكل حاجة ابعدهم عنه يا رب..
شربات كانت قاصدة كل كلمة وقاصدة إنها تفكر جليلة عشان تقومها على شوق وتحصل خناقة في البيت ما عمر مش موجود عشان بيدافع عن شوق.
ورد بصدمة.. يسرقوه مين هيعمل كدا في عمر عمر طول عمره في حاله مالوش أعداء.
شربات.. بخبث.. صح مالوش أعداء بس من يوم ما جات اللي جنبك دي وبقت المشاكل بترف على دماغه وبقى ليه أعداء هو انتي متعرفيش إن المحروسة اللي جنبك دي كانت مخطوبة لواحد قبل كده وعمر أخدها منه واتجوزها الأول خلص من مشاكلها والمشاكل نزلت لعمر بومة وش فقر.
شوق بغضب.. شربات الزمي حدودك واعرفي انتي بتقولي إيه وبتتهميني بيه.
شربات بسخرية.. أنا اتهمتك بإيه هو أنا قلت إنك انتي اللي عاوزة تسرقي أملاكه وتهربي مع عشيقك ولبستوا عمر التهم دي عشان تخلصوا منه دي فيها حبل مشنقة ولا اللي على راسه بطحة بيحسس عليها.
فاطمة بغضب.. أنا بنتي مش كدا أنا بنتي بتحب عمر ومستحيل إنها تعمل كدا ولو قلتي كدا تاني عنها مش هيحصل كويس انتي فاهمة.
شربات بسخرية.. أنا خوفت كدا صح تعالي اضربيني قلمين انتي ناسية إنك واقفة في بيتنا آكلين شاربين نايمين في بيتنا البيت بيت أبونا والجرابيع بيطردونا.
شوق بغضب.. اللي بتكلميها دي تبقى أمي يعني شبشبها على راسك وبعدين بيتكم منين ها ده بيت حامد العزايزي وولاده انتي من ضمن عيال حامد العزايزي لا انتي بنت ابن أخوه يعني مش بيتكم يا حبيبتي عشان تكلمي فيه ولا تتحكمي وتقولي مين يفضل ومين لا وبعدين هو مش عمي جاسر قالك متدخليش قبل كدا انتي حاشرة مناخيرك ليه دي حاجة متخصكيش.
جليلة بغضب.. أنا صاحبة البيت هنا وأنا أقول مين يفضل ومين لا وانتي من وقت ما دخلتي بيتنا وأنا ابني مش ملاحق على المشاكل شربات مغلطتش.
شربات بصت على شوق بسخرية وشوق بصت لجليلة بصدمة.
فاطمة بغضب.. إدام بنتي سبب مشاكل ابنكم وشربات مغلطتش يبقى ملهاش لازمة الجوازة دي.
شوق بصت لأمها بصدمة..
ورد.. اهدي يا خالتي مرات عمي متقصدش.
جليلة.. لا أقصد يا ورد شوق دي سبب دمار عمر وفعلا أمها معاها حق الجوازة دي لازم تنتهي.. يمكن يبعد الشؤم عن البيت ده انتم نسيتوا نفسكم ولا إيه؟
شوق بدموع.. شؤم هو أنا جوازتي من عمر شؤم معاكي حق يا ست هانم احنا منسناش نفسنا ولا حاجة بس عاوزة أقولك حاجة اللي بتدافعي وبتحميه هو اللي هيبقى سبب خراب البيت ده والعيلة دي هتقع منك إيه ما انتي قبل كدا خربتي حياة ابنك وبقى تعيس بسببك هتيجي عليا أنا وعمر أنا مش همشي من هنا غير لما أطمن على جوزي وبعد كدا هسيب ليكي البيت يكش تشبعي بيه.
جليلة بغضب.. انتي إزاي تتكلمي معايا بالطريقة دي انتي مالكيش قعاد في البيت ده ولا انتي ولا أهلك يا زينااات.
الخدامة جات.. نعم يا ستي.
جليلة.. نادي ليا البواب والغفير يطلعوا الأشكال دي بره بيتي.
زينات راحت تعمل كدا وشوية وجهم.
جليلة بغضب.. ارموهم بره البيت ومتخلوش طيفهم يقرب على البيت انتم فاهمين.
ورد بخوف.. مرات عمي انتي بتعملي إيه دي مرات أخوي.
جليلة شدت إيد ورد ومسكتها جامد والغفر أخدوهم وطلعوهم بره.. وشوق وقعت على الأرض من الزقة.
جليلة وهي واقفة بره.. أول ما عمر يطلع هخليه يبعت ليكي ورقتك.
ورد كانت بتحاول تفلت منها.. بدموع.. ابعدي عني شووق.
البوابة اتقفلت في وشها هي وأهلها فاطمة خدتها في حضنها بدموع وأخدتها ومشيوا كانت بتبص على البيت بحسرة
ورد جوه فضلت تزعق في جليلة.. انتي إيه معندكيش قلب ترميها كدا شوق مكدبتش انتي سبب تعاسة ابنك إيه البيت بيفضى عليكي يا مرات عمي شوفي معتش فيه غيري وغيرك العقربة دي وعمي جاسر وكايا يا ترى مين الدور عليه يخرج من البيت ده كل واحد طفشتي حبيبته أو مراته ساب ليكي البيت ومشي يدور عليها لأن لقى نفسه سعيد معاها مش هنا معاكي.
ورد لقيت قلم نازل على وشها من جليلة.
جليلة بغضب.. نسيتي نفسك ولا إيه يا بت انتي تربية خياطة شكلها معرفتش تربيكي كويس.
ورد بزعيق.. بيت الخياطة اللي بتقولي عليها دي كله أمان ودفء علمتني إزاي أحب علمتني إزاي أقول الحق حتى لو على رقبتي البيت صحيح صغير بس كله أمان مش زي قصرك الكبير اللي كله برد ومش شوق بس اللي هتخرج بره البيت ده أنا كمان ربي ولادك بقى فيه أو اشبعي بيه يا ست هانم.
ورد سابتها وطلعت لمت هدومها ونزلت وخرجت من البيت.
شربات كانت مبسوطة باللي حصل وبتبص على جليلة بسخرية.. في سرها.. الدور جاي عليكي يا مرات عمي.
ـــــــــــــــ
عند كايا وبلال لقيوا شغل وكانوا بيشتغلوا بجد الاتنين
وعند مراد
لبس وكان خارج.. لقى مازن قاعد..
مازن باستغراب.. رايح فين؟
مراد بهدوء.. رايح بيت جركام.
مازن قام بسرعة.. رايح فين انت رايح للموت برجليك.
مراد بهدوء.. مش رايح عشان مايا رايح عشان حسناء.
مازن بعدم فهم.. حسناء ليه؟
مراد ببرود.. هصلح اللي انت عملته حسناء بتسمعني.
مازن بسخرية.. حسناء خلاص معدتش عاوزاني.
مراد.. هروح وأشوف المهم خليك هنا متروحش أي مكان مش عاوز مشاكل.
مازن.. تمام ابقى طمني.
مراد.. حاضر.
مراد نزل وراح بيت جركام.
في الجنينة بتاعة البيت فيها ملعب من ورا ملعب كرة سلة.
كانوا بيلعبوا مايا وجاك فريق وكيليان وحسناء فريق.
كان الضحك مالي المكان وبيهزروا وبيضحكوا لحد ما وويتبع
رأيكممم
عاوزة تفاعل حلووووووووووو