رواية عودة عاشق ج4 الفصل الثامن 8 بقلم منة الله الجزار
*صراع الجبابرة*
﷽
ـــــــ
كايا وبلال رجعوا البيت وكايا كان متحمس أوي إنه يشوفها بعد يوم طويل...
دخلوا البيت لقيوه ضلمة على غير العادة كأنه مهجور بقاله سنين مفيش فيه حس ولا حتى صوت الخطوات المشي بتاعتهم.
بلال باستغراب.. هما هاجروا ولا إيه؟
كايا باستغراب.. مش عارف.. راح فتح النور.
كايا بصوت عالي.. ورد يا بوي عمر مرات أخوي فينكم اختفيتوا فين.
شربات كانت واقفة على السلم من فوق وبتبص عليهم بسخرية.. مفيش حد هنا يا كايا.
كايا اتخض من صوتها.. بسم الله الرحمن الرحيم انتي بتطلعي زي العفاريت كدا ليه.
شربات نزلت وكان صوت كعبها بيرن في البيت كإنها ست البيت.. كانت بتبصلهم بنظرات خبث كايا كان بيبصلها بغموض.
بلال.. راحوا فين؟
شربات اتجاهلته ووقفت قدام كايا والاتنين كانت نظراتهم حامية على بعض.
كايا ما بين سنانه.. شربات راحوا فين؟
شربات بسخرية.. هو انت متعرفش.
كايا بقرف.. لا يا أختي معرفش.
شربات بخبث.. مش طلع تحت السواهي دواهي وعمر اللي كلنا كنا مخدوعين فيه طلع بيتاجر في أعضاء وسلاح كمان.
كايا بصدمة.. انتي بتخرفي بتقولي إيه عمر مش كدا وبعدين يوم ما تتكلمي عنه أو عن أي حد هنا تتعدلي وانتي بتتكلمي هو احنا زيكم ولا إيه عمر مش كيف إخواتك يا شربات.
كان بيتكلم بغضب كبير.
بلال.. كايا مش وقتها سيبك منها المهم دلوقتي نشوف عمر لازم نروح القسم.
كايا.. فعلاً معاك حق وبصلها بقرف وسابها ومشي.
شربات كانت بتاكل في نفسها.. أنا هعرفك كيف تتكلم عن إخواتي يا كايا.
شربات مسكت فونها ورنت على حد.
شوية والفون رن واتكلمت بخبث.. كيفك يا أخوي.
أخوها بحب.. الحمد لله يا أختي انتي عاملة إيه وأبوكي وإخواتك.
شربات بخبث.. مش كويسة واصل يا أخوي.
أخوها بقلق.. مالك يا أختي فيكي إيه؟
شربات بتصنع الدموع.. حصل فيا كتير يا صلاح اتبهدلت من بعدك انت قولتلي أروح عند عمي جاسر وهنا الكل بيلطش فيا يا أخوي.
صلاح بغضب.. بيلطش فيكي كيف؟
شربات بخبث.. يا أخوي مش هقدر أقولك عشان مراتك متقولش بوقع بينك انت وأهلها.
صلاح بغضب.. انطقي يا بت في إيه؟
شربات.. بصعبنيات.. محدش عامل ليك معنى يا أخوي كلهم هنا بيعيروني بيكم انت وأخوي حتى عمر لما اتمسك كايا الحلو الصغير بيقولي احنا مش وسخين كيف إخواتك.
صلاح بصدمة.. كايا هو كايا عايش.
شربات.. آه يا أخوي طلع عايش ودلوقت بيعايرني بيكم.
صلاح.. بجنون.. عليا الطلاق بتلاتة من أختهم لدفعهم التمن غالي قوي وأول حاجة هعملها فيهم هرجع ليهم بنتهم.
شربات بابتسامة شر.. متخربش بيتك يا أخوي.
صلاح بغضب.. بقا عيل كيف كايا تقول عنينا كدا تبقى أخته متحرمة عليا.
شربات.. ماشي يا أخوي بس هدي نفسك.
صلاح.. هبعتها بشنطة هدومها ليهم عشان يبقوا يتأدبوا كويس.
شربات.. ربنا يخليك ليا يا قلب أختك سلم ليا على العيال.
صلاح.. ماشي سلام.
شربات بشر.. سلام.
شربات.. شوفت يا كايا انت خدمتني خدمة عمرك من غير ما تعرف وأهي جوازة أختك خلاص اتخربت ههههه.
"كما تدين تدان جليلة زعلت مايا وكانت بتقارنها ببنتها وإن جوزتها غير أهي ربنا بعت ليها حد يخرب بيتها وهتتطلق وتقعد جنب أمها 😂🙆🏻♀️"
شربات.. أطلع بقى أحط ليها الجرعة التانية.
راحت عملت لجليلة عصير وحطت من نفس الكيس وقعدت تتلفط حواليها ليكون حد شافها وطلعت لجليلة فوق.
ــــــــــــــــــ
عند مايا
مراد بغضب.. كنتي بتقرطسيني معاه صح يا مايا بس أحب أقولك حاجة لا انتي ولا هو ولا حد يقدر يعمل كدا فيا انتي فاهمة يا بنت 🐕.
جاك خنق مراد بقوة وشر وحسناء صوتت وكيليان سحب شعر مايا من تحت إيد مراد وأخدها.
جاك ومراد خنقوا بعض والاتنين وشهم خلاص أحمر.
حسناء برعب.. سيبوا بعض يا مجانين هتموتوا.
جاك بجنون.. I'll kill you today, Murad. I won't let what happened go unpunished.
"هموتك إنهارده يا مراد مش هسيب اللي حصل ده يعدي بسهولة"
مراد بغضب.. ولا أنا تعرف يا جاك هي زيها زيك واحدة وسخ'ة اللي تبيع نفسها لراجل تاني تبقى واحدة شما....
ومكملش لما لقى جاك بيضربه تحت الحزام بركبته.
مراد اتوجع وبعد عن جاك وفضل يكح كتير.
كيليان بغضب.. مراد اذهب من هنا.
مراد وهو بيكح كح دم.. بتعب.. تعرفي يا مايا أنا عمري ما حبيتك ولا هحبك أنا كنت بنتقم منه هو فيكي كح كح.
مايا بدموع.. ليه عملك إيه؟
جاك بسخرية.. وضرب مراد برجليه في بطنه.. كيليان مسك جاك وبعده عن مراد ومراد كان قاعد في الأرض على ركبه والقميص بتاعه كله بقى دم من اللي كحه.
كيليان.. مراد Go "اذهب" هيا.
مراد بتعب.. لحد آخر نفس فيا يا جاك هاخد حقي منك ومتفكرش إني هسيبها ليك تتهنى بيها قلبها معايا أنا مش معاك حتى بعد كل اللي حصل بتسامحني وبترجع ليا تاني عشان تعرف إني أنا اللي حبيبها مش انت.
حسناء بغضب.. انت إيه مفيش في قلبك رحمة دي جزاة حبها ليك انت فعلاً متستاهلش تكون هي ليك ولا الحب ده كله ليك انت بجد واحد واطي يا مراد.
مازن كان وصل ونزل جري ورن الجرس وراحت البنت تفتح ليه ودخل لقاهم كدا جري عليه بخضة.. مراد مراد إيه اللي حصل معاك.
مراد بسخرية وتعب.. شوفت يا أخوي الو'سخة اللي حبتها عملت فيا إيه لما بقت معاه باعتني ولما كانت معايا كانت بتمثل الحب صح بجد طلعتي ممثلة شاطرة أوي.
جاك بجنون.. لا تتحدث عنها بهذه الطريقة وإلا سوف أقص لك لسانك اللعين انت لا تستحقها مراد لست رجل الذي يستقوي على امرأة ليس من عشيرة الرجال ولا يمس لهم بصلة.
مازن بعدم فهم.. يستقوي على واحدة أنا مش فاهم حاجة؟
حسناء بسخرية.. ابن عمك جاي يمد إيده على مايا هنا في قلب بيتنا.
مازن ساب مراد وبصله بصدمة.. نعم.
حسناء.. عندك أهو اسأله.
ديف.. ماذا يحدث هنا ولماذا هذان هنا؟
مازن.. بهدوء.. عمو مراد كان جاي يصلح بيني وبين حسناء وشكل حصل سوء تفاهم بينهم أنا معرفش إيه هو بس أكيد هيتحل احنا أهل برضو ومايا زي أختي الصغيرة وأكيد هحميها من أي حد.
جاك بسخرية.. لا مايا ليست تصل لكم بأي صلة لا مايا ولا حسناء انت لم تعد زوج شقيقتي مازن كل ما كان يربطكم قد انتهى.
مازن بصدمة.. إزاي أنا مطلقتهاش إزاي انتهى هي لسه على ذمتي.
مراد بسخرية.. الهانم رفعت عليك قضية خلع.
مازن رجع لورا خطوة وكان هيقع من الصدمة.. خ ل ع.
وكمل بغضب.. إزاي إزاي وإمتى وفين؟
جاك.. منذ أول دقيقة خرجت بها من بيتك اترفعت القضية وصدر القرار مازن الآن انت وهي أحرار من هذا الرابط.
مازن دموعه اتجمعت في عيونه واتكلم بكسرة.. كل حاجة خلاص راحت.
مراد بسخرية.. قوم كدا متعيطش عشان واحدة.
ديف بهدوء.. مازن خذ أخاك من هنا واذهبا لا أريد رؤية وجهكما مرة أخرى وإلا سيحدث شيء لن يعجبكما.
مازن هز راسه بكسرة وقوم مراد وسنده ولفوا عشان يمشوا مازن بص لحسناء والدموع في عينيه وحسناء لفت وشها الناحية التانية.. مازن أخد مراد وخرجوا من البيت وهو مكسور وقلبه خلاص معتش ليه أمل إنها ترجع ليه حتى الأمل اللي حاطه فيه مراد لما راح عشان يتكلم معاها خلاص انتهى بص على البيت بصة أخيرة ومشيوا.
حسناء طلعت أوضتها من غير ما تكلم حد وفضلت تعيط وقد إيه الكسرة اللي كانت في عينيه مفكرتش في يوم من الأيام إنه ينكسرها وتكون بسببها.
كيليان وجاك ومايا بصوا عليها بحزن ومايا بصت على دمه في الأرض وبصت على رقبة جاك اللي كانت بتجيب دم لأن مراد غرز ضوافره في رقبته.
مسكته من إيده وهو بصلها وأخدته وقعدته وراحت جابت علبة الإسعافات الأولية وقعدت جنبه وجابت قطنة وحطت عليها مطهر وبدأت تطهر الجروح على رقبته وهي ساكتة كانت بتحاول دموعها متنزلش عشان جاك.
كيليان طلع على فوق وسابهم لوحدهم وديف برضو خرج راح عند أوضة حسناء وسمع صوت عياطها بحزن كور إيده بغضب وبعت رسالة لحد.
كيليان بغضب.. انتم لا تعلمون عائلة ريفو مراد مازن دماركم صار قريب.
عند مراد كان متعصب أوي وشايف مازن زعلان أوي ومبيكلمش حد وإن جاك علم عليهم الاتنين ولازم ياخد حقه منه.
عند شوق......فاطمة صرخت وويتبع.
رأيكمممممم ...