رجوات: اسمعي بقي عايزاكي لما تطلعي من هنا تتغيري خالص وتبطلي العبط اللي انتي فيه ده
هاله: مش عبط ولا حاجه، انا بس عايزه اعيش وربنا يقدرني واعرف اصرف علي امي واختي ونعيش ف سلام، مش عايزه غير كده، بس للاسف مين هيشغل واحده رد سجون زيي، وياريتني اتحبست ف حاجه عملتها الا ظلم، حسبي الله ونعم الوكيل
رجوات: ربك مبيرضاش بالظلم، والحقيقه هتظهر
لتقترب منهم سكينه
سكينه: الله اكبر ده انتو بقيتو صحاب
رجوات: الله اكبر ف عينك، مالك يا وليه
سكينه: انا عيني بارده متخافيش، مش هحسدكم
هاله: خالتي سكينه طيبه اوي
رجوات: وانا يعني اللي شريره؟ متظبطي يا بت
لتضحك هاله
هاله: شوفتي يا خالتي اديكي حسدتينا
رجوات: اسمعي يا هاله، اسمعي من واحده شافت كتير، لازم تبقي قويه وتاخدي حقك من كل اللي ظلموكي
هاله: وانا اجي ايه فيهم
رجوات: اللي يرضي بالظلم يستحمل اللي يجراله
سكينه: اقولكم خبر حلو
رجوات: قوللي
سكينه: النقض بتاعي اتقبل وبكره إنشاء الله عندي جلسه، والمحامي طمني اني ممكن اخرج براءه
هاله: بجد الف مبروك
سكينه: خدي يا هاله ديه ورقه فيها عنوان سكني، لما تطلعي بالسلامه ابقي اساءلي عليا
هاله: هو انتي اتحبستي ليه
سكينه: عشان ضربت صاحب البيت المفتري، اصل انا جوزي مات ومخلفتش عيال، وهو بقي عايز يطردني من الشقه يا كده يا يتجوزني وانا رفضته، قام جاب ستات اعوذ بالله وخلاهم ضربوني، بس معرفتش اثبت ده، قومت ضارباه ضربه عملتله عاهه مستديمه، قامو حبسوني، بس المحامي قدر يجيب تسجيل الكاميرات عشان النقض اتقبل
هاله: ربنا بخرجك بالسلامه ولو انك هتوحشيني اوي
رجوات: اسمعي يا سكينه، انتي لما تخرجي مش هترجعي شقتك تاني، انتي هتروحي عندي ف الفيلا بتاعتي واعتبري انك قاعده ف بيتك بالظبط
سكينه: كتر خيرك بس انا كده هبقي ضيفه تقيله
رجوات: اسمعي الكلام، وبعدين انتي صاحبه بيت مش ضيفه يا عبيطه
سكينه: طاب حتي اشتغل واعمل بلقمتي
رجوات: لا يا اختي الخير كتير والحمدلله، ومتوجعيش قلبي، كلمه ومش هتتكرر
سكينه: خلاص حاضر
رجوات: وانا لما جابر يجيلي هفهمه كل حاجه
سكينه: ربنا يخليكي ليا
رجوات: خلاص يا بت
سكينه: مع أن قلبك طيب اوي بس بتبيني عكس كده
رجوات: عشان اتعلمت أن الطيبه ملهاش مكان
ويمر يومان
وتخرج سكينه من محبسها
وتذهب الي فيلا رجوات
اما رجوات
فقابلت المحامي واوصته وصيتها
ثم عادت من الزياره
رجوات: هاله تعالي، عايزاكي، اسمعيني كويس، خلي بالك من نفسك، وابقي افتكربني وادعيلي
هاله: بتقوللي كده ليه
رجوات: مش عارفه بس حاسه اني روحي بتتسحب مني
هاله: بعد الشر عليكي يا امي
رجوات: امك؟
هاله: اه والله، وبقولها من قلبي، وربنا شاهد عليا
رجوات (بدموع): اشهد أن لا إله إلا الله واشهد أن محمداً عبده ورسوله
لتخرج روح رجوات الي بارئها وتسلم الامانه
لتبكي هاله، لا بل تصرخ
هاله: امي رجوات، بالله عليكي قومي، بالله عليكي، انا مليش غيرك، قومي متعمليش فيا كده
لكن هيهات، فقد ذهبت بلا عوده
اما منال
فها هيا تجلس على التيك توك
منال: ياله يا حبايبي، ورده، مين هيبعت ورده
وفجأة يظهر هادي علي الشاشه ويرسل لها ورده
منال: هادي بعت ورده، اشكرك هادي
هادي يرسل لها رساله
هادي: عايز اقابلك عشان اديكي ايفون احدث اصدار
منال: هكلمك بعد اللايف
هادي: بس فيديو
منال: اوك، ياله يا حلوين شدو حيلكم معايا، هنعمل جوله، مين هيدخل معايا
هادي: انا
منال: هادي هيدخل معانا الجوله، ولو كسبته هيحدفلي اسد
ونترك منال
ونذهب الي منزل ناصر
فها هيا هدي تنزل الي الدور الأول حيث يجلس ناصر
هدي: بابا حبيبي انا بحبك اوي
ناصر: وانا كمان
هدي: طاب انا عايزه فون
ناصر: بس كده، احسن فون لقلب بابي
هدي: ومشحون نت عشان اتفرج علي النت
ناصر: بس كده، ثواني هيكون عندك
هدي: انته احسن اب ف الدنيا
ليدخل ناصر مكتبه
ناصر: اتفضلي ياستي احلي فون ليكي
لتقبله هدي
هدي: شكرا يا احلي اب ف الدنيا
ثم تفتح الهاتف
هدي: ممكن تسجلي التيك توك وكله كله
ناصر: حاضر هاتي
وبعد نصف ساعه
كانت هدي تقلب ف التيك توك
ولحسن الحظ أنها رءت منال فاتحه لايف
هدي: ابله منال
ثم تطرق الباب علي صفاء
هدي: طنط صفاء، لو سمحتي عايزه اكلم ابله منال، اكيد هيا عارفه امي فين
صفاء: وهنكلمها ازاي
هدي: اهيه علي التليفون
صفاء: طاب هاتي
لترسل لها صفاء رساله معناها أن هدي اخت هاله عندي
لتقرء منال الرساله
منال: معلش يا جماعه هقفل معاكم وابقي افتحلكم تاني
لتتحدث مع صفاء وهدي
صفاء: انا اقدر اخرجهالك من البيت، وتعالي انتي خوديها
منال: تمام، خليكي بقي معايا لما افرح خالتي
لتذهب منال الي هيام لتوقظها من النوم
منال: خالتي، هدي اهيه علي التليفون، كلميها
هيام: يا قلبي يا بنتي، وحشتيني اوي، اوعي يكون ناصر اللي ميعرفش ربنا ده اذاكي
هدي: لاء، انا كويسه يا امي، وها اجيلك قريب اوي
صفاء: متخافيش يا ست هيام، انا هعبتهالك قريب
هيام: ربنا يكرم اصلك
صفاء: بس اهم حاجه تختفو خالص عن الأنظار
منال: ف ديه متقلقيش، احنا ف مكان ميخطرش علي بال حد، وبعدين انا محدش يعرفني من ناحيه جوزك
صفاء: كده تمام اوي، ابعتيلي رقمك عشان اكلمك واظبط معاكي كل حاجه
منال: خدي الرقم اهو
ونتركهم
ونذهب الي هاله
التي كانت تبكي علي حالها
هاله: بقي يعني يارب، اي حد حنين عليا بيروح مني، خالتي سكينه طلعت براءه، والست رجوات الله يرحمها، وبقيت لوحدي، اعمل ايه بس، صبرني يارب
وهنا تدخل السجانه
السجانه: تعالي يا هاله، جايلك زياره
هاله: انا مين اللي جالي
السجانه: معرفش، خفي نفسك كده
لتخرج هاله مع السجانه الي مكتب المأمور
لتجد شخصا لا تعرفه
هاله: مين حضرتك
المحامي: انا هشام نظمي، المحامي
هاله: اهلا بحضرتك
هشام: اهلا بيكي، اقعدي يا هاله، انا عندي وصيه ليكي
هاله: ليا انا؟
هشام: ايوه
هاله: من مين؟
هشام: الست رجوات عبدالباسط كتبتلك كل ثروتها بيع وشراء
هاله: حضرتك بتقول ايه
هشام: زي ما بقولك كده
هاله: يعني انا عندي فلوس كتيره؟
هشام: ملايين
هاله: ربنا يرحمك يا امي رجوات، طاب ليا عند حضرتك طلب، ممكن تدورلي علي صاحبتي منال
هشام: اديني بياناتها وانا إنشاءالله اجيبهالك من تحت الارض، وعايزك تعرفي اني من النهارده تحت امرك ورهن اشارتك
هاله: كتر خيرك، ربنا يخليك
هشام: الست رجوات قالت انك مظلومه
هاله: والله مظلومه
هشام: انا برده شايف كده، مستحيل البراءه ديه تخطط لجريمه سرقه
هاله: ربنا علي الظالم والمفتري
وبعد يومين
يحدث اتفاق بين منال وصفاء
وتعود هدي الي حضن والدتها
لتفرح بها هيام
هيام: يارب عقبال ما سجن هاله يتفك وترجعلي
منال: صح يا خالتي، اصل فرحه رجوع هدي نساني، في واحد محامي كلمني معرفش جاب نمرتي منين وقاللي أنه عايز يقابلني، فأنا اديته ميعاد وجاي كمان شويه
هيام: يا بنتي احسن يكون حد من طرف هادي ولا الزفت ناصر
منال: لاء يا خالتي، ده قاللي علي اسم هاله كانت بتندهلي بيه ومحدش يعرفه غيرنا احنا الاتنين، وقال إنه من طرف هاله
هيام: يا مسهل يارب
وبعد ساعه
يصل هشام الي منزل منال
منال: اهلا بيك
هشام: انا هشام نظمي، المحامي، محامي هاله، ومكلف منها اني انقلكم كلكم للفيلا بتاعتها
هيام: فيلت ايه ومحامي مين
هشام: انا هفهم حضرتك
ليقص عليهم هشام كل شيء
هيام: ربنا يوقفلك ولاد الحلال يا بنتي، وهيا عامله ايه
هشام: بخير الحمدلله، وانا قدمت مذكره، وانشاء الله تخرج قريب
هيام: بجد؟
هشام: إنشاءالله