رواية النصاب الفصل الخامس 5 بقلم جمانه السعيدي
@الجميع
بان....كملت المكالمه ويا ام زيدون ودزيت رساله
الساره
كتبتها كلشي صار وياي بلتفصيل
بقيت انتظر اسبوع كامل وهيه لا اجت للدائره
ولا رجعت اتصلت عليه
بيني وبين نفسي ااكول اكيد مالكت واحد يقبل بيه
شكد عندي احساس بلنقص بسبب الناس الي عشت وياهم
والتنمر الي شفته طول حياتي
فات اسبوعين وأم زيد مااجت للدائره
ولا رجعت اتواصلت وياي
هاي هيه ايست ااكيد محد قبل بيه
ياربي اني الهلدرجه مو حلوه معقوله اني قبيحه
اني اشوف اكو بنات مثلي واتعس مني وزوجن
ليش اني حظي اسود
ياترى راح ابقى عايشه وحدي طول عمري
ولله اخاف بليل من البيت بس ارجع من الدوام
اتغدى واسبح وانام الثاني يوم
اقفل باب الغرفه عليه
الناس كلها تدري اني عايشه وحدي
اخاف واحد يطفر على البيت
جاي اسولف ويا نفسي واني نايمه بغرفتي وقافله الباب عليه
جان سمعت اجتني رساله
اتوقعت ساره لان هيه الوحيده الي تذكرني
فتحت التليفون لكيت رساله من ام زيدون
ام زيدون....هلو حبيبتي شلونج
بان...رسا رديت عليها يالله بلكت لكت واحد يقبل يزوجني
بان....اهلا وسهلا
ام زيدون...صحتج احوالج
بان...كلشي تمام
ام زيدون....اريد احجي وياج بموضوع العريس
بان...اي
ام زيدون...ااكو ولد شاب عمره ٣٠ يخبل ايه من الجمال
خريج اداره وقتصاد
انسان محترم ويدور عروس
بان...اي انتي حجيتله عني
ام زيدون....اي حجيتله عنج راح احجيلج ضروفه
من يوم انولد لليوم وانت تقرري اذا توافقين علي
حتى ارتبلكم لقاء
جمانه السعيدي
بان....اي اسمعج
ام زيدون.....الولد عمره ٣٠ وخريج مثل ما كتلج
امه وابو ميتين وخالته مربيته
الولد اخلاق وادب ومحترم وحلو ووو
ما ناقصه شي بس ااكو شغله زغيرونه تقبلين بيها لو لا
بكيفج
بلنسبه اله ماعنده اهل يعني انتي ويا مناسبين البعض
راح تعيشون سوه بدون تدخل الاهل
راح يعيش حياته اللج وبس
بان....اي كملي شنو عيبه
أم زيدون..... الولد قبل فتره تعرض الحادث وفقد عيونه
الدكاتره اكدو ممكن يصير زين لان هو مو أعمى
من الولاده بس محتاج عمليه ويصير احسن
لا تستعجلين بلرد فكري زين اخذي راحتج
واذا اقتنعتي اني ادبرلكم لقاء
من تشوفينه احكمي علي
بان...اعمى
ام زبدون....اي اعمى هسه راح ادزلج صورته
وشوفي شلون حلووو
بان...شويه ودزلتي صورته شاب طول بعرض
يخبل يخبل بمعنى الكلمه
جماله فد شي اني الصراحه عجبني حيل
بان...ام زيدون عيوني افكر وارجعلج خبر
ام زيدون...براحتج عيوني اخذي الوقت الي تردي
بان...كعدت افكر الولد حلو وبعمري بس اعمى
ااكيد هذا شكله وجماله لو جان يشوف مجان اتقدملي
الف وحده تتمنى
دزيت صورته الساره يمكن مشغوله ماردت عليه
شويه وردت عليه
ساره...هذا منو
بان...العريس
ساره....ماشاء الله يخبل عاش الذوق
بان.. اعمى
ساره....يااا صدك تحجين اعمى
بان.... طبعا اعمى لو يشوف قابل يرضا بيه
ساره.. وانتي شبيج شنو ناقصج
بان...مو حلوه وسمينه وعمري ٣٠ كلشي ناقصني
كولي شنو عندج
ساره....بس اعمى
بان....افكر اقبل اني مو زغيره ومو حلوه
اهم شي يصير عندي اطفال بعدين واذا اعمى شكو بيها
ام زيدون تكول يحتاج عمليه ويرجع يشوف
ساره....انتي شفتي
بان...لا بعد ما شفته بس شفت الصوره
ساره...زين روحي اكعدي وياااا وشوفي كلامه
بس اهم شي لا تستعجلين ابد
مو بس اسمه رجال
بان...هااا انتي تشوفين هيج
ساره... اي حاولي تعرفين تفاصيل حياته شلون عايش
بان....يعني اخذ موعد ويااا
ساره.....اي اكعدي واحجي ويااا انتي مو زغيره
وتعرفين تتصرفين
بان...على كلامج راح اطلع ويا واشوفه
جمانه السعيدي
رجعت دزيت رساله الام زيدون
بان....اريد موعد ويااا حتى اتعرف علي
ام زيدون... تمام راح احجي ويا وارجعلج خبر
ثاني يوم بليل دزتلي رساله ام زيدون
بيوم الجمعه العصر اللقاء يكون بكافي قهوه وشاي
الساعه خمسه العصر
بان....تمام
الف قصه والف سيناريو اجا أبالي وحضرت كل الكلام
شلون احجي ويا وشراح اسئله
ارجع اكول اعمى شلون اكمل حياتي ويا
واذا اعمى اذا ابقى ادور موصفات راح ابقى وحيده طول عمري
حضرت ملابس حلوات بنطورن قماش عريض وقميص وستره وحجاب صح هو مراح يشوفني
بس اكيد راح يجي ويا احد
وراح يسئل عن شكلي لازم اكون مرتبه
خليت عطر حلو
وطلعت من البيت اجرت تكسي ورحت للمكان الي اتفقنا نلتقي بي
وصلت باوعت ماكوووو
حجزت مكان وكعدت طلبت مي اشرب
بقيت كاعده تقريبا عشر دقايق
اتصلت عليه ام زيدون
بان...اي جاي انتظر
راسا دخلت من الباب ام زيدون وياها العريس
لابس قاط رصاصي فاتح وقميص ابيض
ولا بسه نظاره سوده ولازم بايده عكاز
شكله حلو حيل حلووو حتى احلى من الصوره
ام زيدون....هلو بان
بان.. وكفت اهلا وسهلا
ام زيدون...اقدملج عصام
عصام...اهلا وسهلا
بان...اهلا بيك
ام زيدون اعوفكم تتعرفون على بعض واكعد بعيد عنكم
بان...براحتج
سحبت الكرسي ام زيدون وكعد علي عصام
عصام.... شلونج
بان...الحمد لله
عصام.....راح احجي وياج بصراحه على اول انطباع
اجا أبالي من سمعت صوتج
اولا العطر الي خالته طيب وهادء ذوقج حلووو
ثانيا....صوتج جميل وحنيين
بان...شكرا
عصام....اسف مااكدر اشوفج بس اني مخلي صوره حلوه
أبالي اللج
بان...منو كال اني حلوه
عصام....انتي حلوه اني اكول انتي حلوه
لان الانسان مو بشكله بلاحسلس الي يوصله للناس
من طريقة التعامل
بان....ام زيدون حجتلك شي عني
عصام....حجت كلام حلو عنج انسانه طيبه ومحترمه
بان....اني وحيده
عصام...اني هم وحيد اهلي ماتو من زمان وعافوني
وخالتي ام زيدون ربتني
بان....هااا ام زيدون خالتك
عصام...اي خالتي
بان....وشلون حياتك وانت ما تشوف
عصام....اني اصلا كنت اشوف يعني مو عمى ولادي
لا تخافين اني اكدر اعتمد على نفسي
لا تتوقعين اعمى وراح اطلب مساعدتج بكل شغله
اني اكدر اخدم نفسي
جمانه السعيدي
بان....تمام
عصام...انتي ما مقتنعه احس من صوتج اذا ما مقتنعه هذا حقج
اني مراح اضغط عليج
بان....لا بس
عصام...ممكن تسجلين رقمج بتليفوني لو اخذه من خالتي ممكن نتعرف على بعض
مجرد تعارف اذا شفتي اني مو مناسب اللج
تكدرين ترفضين
بان....اني محتاجه وقت افكر بي لان قرار الزواج
قرار مصيري
عصام....اخذي راحتج وفكري زين
اني اذا ما تقتنعين مستحيل افرض نفسي عليج
بان....منيين عايش وشلون تصرف
عصام...عندي راتب من الدوله ولو شي قليل بس مكفيني
بان...اذا اتفقنا راح نسكن بيتي اني ماكدر اعيش
بيت خالتك
عصام...ماكو مانع بس كون تقتنعين ويتم هذا الزواج على خير
بان....الله كريم اترخص منك
عصام...ممكن تأشرين الخالتي تجي
بان...اني راح اوصلك الها
لزمته من ايده ووصلته الخالته بقى هو وخالته كاعدين
واني طلعت
بان...طول الطريق افكر حلو اسلوبه وحلوه طريقته
بلكلام ليش اعاقبه على شي ماله ذنب بي
واذا اعمى لو يشوف مجان قبل بيه
بس وصلت اتصلت على ساره
وحجيت كلشي صار بينا اني وعصام
ساره...مبين من كلامج عنه اقتعنتي
بان...يعني تشوفين العرسان واكفين سرا
ساره...ليش جاي تقللين من نفسج
بان...حقج ماشايفه الوحده الي عايشه بيها بليل مااطلع
حتى للتواليت هلكد ما خايفه
ساره..على اساس اذا ازوجتي عصام راح يحميج
هو اعمى
بان...على الاقل اكو نفس وياي ااكو شخص يسولف عليه
ساره...بكيفج
بان...طلب يتواصل وياي حتى نتعرف
ساره...ليش لا احجي ويا على الاقل تتعرفين علي
بان...اني هم اكول هيج
واني احجي اجاني اتصال باوعت رقم غريب
ااكيد عصام
بان... ساره جاي يتصل عليه باااي
ساره...الله وياج
فتحت خط وكلت اللوووو
عصام....مساء الخير
بان.. منو
عصام....العفو بان
بان...اي
عصام.. اني عصام توقعت خالتي غلطت بلرقم
بان....اهلا سهلا
عصام... هله بهلصوت الحلو
بان....هله بيك
عصام....عندج وقت نحجي شويه اعتبريني صديق
بان...اي عندي وقت
عصام....شلونج شجاي تسوين
بان...احجي ويا صديقتي
عصام...موضفه وياج
بان....لا صديقة الطفوله
عصام...تمام
بان....شلون تخلص يومك
عصام...ماكو اكعد من النوم الساعه عشره
اذا خالتي موجوده تحضرلي ريوك
واذا طالعه اني اعرف أدبر اموري
بان...شلون أدبر امورك
عصام....هااا اني اكولج شلون خالتي مرتبه الثلاجه
بحيث اعرف أماكن الاشياء
افتح الثلاجه اطلع الجبن
واطلع توست اعرف مكان القوري اخلي بي مي
واشغل الطباخ على الجداحه الكهربائيه
اخلي القوري واخلي الجاي
واكعد اتريك ادخل للحمام اسبح
العصر عندي أصدقاء مقربين يجون ياخذوني وياهم
نتونس ويرجعوني للبيت
اتمنى لو يرجعلي نظري جان طلعت اشتغل
شوفي شكد خالتي تحبني وابد ما مقصره وياي
بس مهما يكون اني محتاج انسانه تفهمني
اني موزغير عمري ٣٠
اريد اكون اسره وبيت اني قدمت معامله
للدوله بلكت اطلع للخارج اتعالج وارجع بس يرجعلي نظري
اكدر اشتغل واكون نفسي
بان...اذا ازوجت شلون
عصام...قصدج على المصرف اني عندي راتب
بس استلمه انطي الزوجتي
وهيه تتصرف بي صدكي لو عندي فلوس
كلهن انطيهن الها اني مو بخيل
بس الضروف أقوى مني
بان....تمام
عصام...وانتي شلون تخلصين يومج
بان...ارجع من الدوام اتغدى واصلي واسبح وانام
الثاني يوم
عصام...ليش حابسه نفسج ليش ما اطلعين
تغيرين جووو تكونين صداقات
بان....مااعرف ماأحب اختلط بلناس هواي
عصام....ليش خايفه من شي
بان...لا ما خايفه من شي بس ما متعوده
مااكدر اصادق اي احد اخاف من الناس
عصام...جربي مايصير تبقين خايفه وبعيده هيج راح
تتكئبين اطلعي وغيري جو شعليج بلناس
الناس عايشه حياته وانتي حابسه نفسج تخافين من الناس
بان...مااعرف مااحس نفسي مستعده الهيج خطوه
عصام...عندج هوايات
بان....لا ماعندي اي هوايه
انتظرونا.....