رواية النصاب الفصل السادس 6 بقلم جمانه السعيدي
بان....كلامه حلو وأثر على نفسيتي وخاصه اني ابد ماداخله علاقه سابقا وماعندي تجارب
عايش جفاف عاطفي ومنقصه حنان وراح اتخبل من الوحده
بلدوام الساعه عشره وربع اجتني رساله صوتيه
عصام....صباح الخير اتمنالج يوم سعيد
بان...الابتسامه مافاركة وجهي واني احس
اكو شخص يهتم بيه ويسئل عني
رجعت حولة الرساله الساره
كتبت جواها اسمعي عصام شلون يسئل عني
طبعا احنا عدنا الصبح وهما عدهم ليل ااكيد نايمه
من تكعد راح تشوفها
رجعت للبيت بس دخلت بدلت ملابسي وكعدت اتغدى
اجتني رساله صوتيه ثانيه
عاصم .....رجعتي للبيت ااكيد تعبانه ارتاحي وبليل نحجي سوه
اذا ماعندج مانع
بان...حلو هذا الاحساس وواحد يهتم بادق التفاصيل
بيومك ويسئل عنك
اني اول مره اجرب هيج احساس حلووو
نمت الساعه تسعه بليل كعدت على صوت رساله
صوتيه
فتحت التليفون
عصام....اذا كاعده نحجي شويه واذا تعبانه ونايمه
انتظرج من تكعدين بس مو تنسيني
بان...عدلت كعدتي دزيتله رساله صوتيه
كاعده ااكو شي
راسا اتصل عليه
عصام....اللو مساء الخير
بان...مساء الخير
عصام....احنا مو اصدقاء
بان....اي
عصام....اي اني محتاج احجي وياج الصديق
المن انخلق مو حتى يشارك صديقه بكل تفاصيل يومه
بان...شكووو
عصام....خل اكلج شي بس اسمع صوتج كبل يجي عطرج بخشمي
مااعرف ليش من اسمع صوتج تشتغل كل الحواس
واذكر اول لقاء بينا
بان...هيج اني أثرت بيك
عصام....طبعا اتاثرين عليه لان انسانه مختلفه
اني هواي شايف بنات اقصد قبل لا افقد البصر
بس محد أثرت عليه هيج
انتي مختلفه ثكيله وحساسه ولطيفه
جمانه السعيدي
بان....شكرا
عصام...اني الي لازم اشكرج لان رجعتي الأمل بنفسي
قبل جنت فاقد الأمل وخاصه من فقدت نظري
بس مااعرف ليش من التقينا وسمعت صوتج
حسيت نفسي رجعتومثل قبل اشوف رجعتي الحياة
مره ثانيه
حتلو ماصارت القسمه ممكن نبقى اصدقاء
انتي تكولين ماعندي صديقات
واني اريد اكون صديقج
بان...بس احنا بهذا المجتمع ماكو صداقه بين ولد وبنيه
عصام...هذا الشي يعتمد على اخلاق الطرفين
اذا البنيه محترمه نفسها مثلج ااكيد تعرف تخلي حدود الهاي العلاقه
بان..مااعرف اني ما مجربه اكون صديقه الولد
اني عندي صديفه وحده وماعندي غيرها
عصام...نجرب ونشوف اذا ما عجبتج هاي الصداقه
ممكن تنسحبين
يمكن انتي جاي تستغربين من تصرفاتي
لان احنا تونا اتعرفنا على بعض
بس لو احلفلج بعيوني تصدقين اني من اتعرفت عليج
حسيت احساس مختلف عبالك اعرفج من زمان
ااو جنت انتظرج مااعرف هذا الاحساس شلون اجاني
حقج تستغربين ولو اني بمكانج استغرب اكثر
بس المحبه من رب العالمين
بان.....فعلا هذا احساسي بلمظبوط
عصام.....ليش تستغربين انتي جوهره محد مكتشفج
بان...ممكن اسئل سؤال
عصام...اكيد تفضلي
بان....زين انت بهذا وضعك شنو هدفك بهاي الحياة
....سكتت شويه
بان... جاي تسمعني
عصام....كل عمرج تكولين ماعندي صديقات واخاف
من الصداقه بسبب التنمر والكلام المستفز
ليش جاي تتنمرين عليه
شنو قصدج بهذا وضعك ليش تنتقصين مني
ترا وضعي هذا مؤقت اني اكو اليه علاج وارجع اشوف مثل قبل واحسن
بس نقص الفلوس ما ااخرني شنو قصدج بوضعك هذا
ترا اني ما ناقصني شي
شاب وبكامل صحتي بس الظروف خلتني هيج
على العموم شكرا
فرصه سعيده
قفل التليفون
بان....دقيقه دقيقه يااا قفل التليفون هذا شبي
استغفر الله اني فعلا غلطانه
اتصلت علي مارد رجعت اتصلت
فتح خط وما حجه
بان...اني اسفه مو قصدي اتنمر عليك لان اني كل عمري اكره التنمر بس ولله جنت اريد اشوف
احلامك وشنو طموحك وفقدك للبصر
سببللك ازمه لو مااثر على نفسيتك
جمانه السعيدي
عصام....اني زعلان جرحتي مشاعري
بان....اسفه مو قصدي
عصام....ابد ما متوقعها منج لان انتي كلامج كله
مرتب وحلو وما تغلطين ابد
بان...مو كلنا موقصدي
عصام...هاي اول واخر مره اقبل منج هيج شي
اذا اني ماعاجبج عادي كولي وكلمن يرجع الطريقه
بان...انت ليش هيج عصبي مو كلت مااقصد
عصام...بعد مااكدر احجي ااكثر
مع السلامه نحجي بوقت ثاني
بان...بعدني ماسديت الخط اسمعه يكول الخالته
عصام...خاله اني احبها هاي البنيه دخلت كلبي
خالته ردت علي الله يجعلها من نصيبك
مبينه بت حلال
من بعدها انسد الخط
ماكدرت ارجع انام مره ثانيه وخاصه من سمعته
يكول اني احبها
عصام يحبني لكيت الانسان الي يحبني من صدك
واخيرا رغم جنت فاقده الامل
ثاني يوم الصبح انتظرت يدزلي رساله صوتيه حتى
ماكدرت اشتغل بقيت انتظره
يمكن صدك زعل مني
اني دزيلته رساله
بان...صباح الخيرررر شلونك
شويه ودزلي رساله
عصام....صباح الخيرات الحمد لله
اليوم حجزت عندي فحص علمود عيوني ادعيلي
ااكدر اسوي العمليه هنا بلعراق
بان...انشاء الله خير
الله يشافيك ويعافيك
عصام...بعد محتاج دعاء واحد
كووولي شنووووو
بان...شنو
عصام....ادعي رب العالمين تكونين من قسمتي ونصيبي
بان...بكلبي كلت امين
عصام...ليش سكتي
بان...انشاء الله
عصام.....الله يسمع منج يا ذهب
بان...من ترجع من الدكتور طمني عليك
عصام....ااكيد بس ارجع اتصل عليج
بان....صحه وعافيه
عصام..تسلمين حبيبة كلبي الحلوه
بان...من سمعت هذا الكلام حتى شغل بعد مااكدر اشتغل
عصام يحبني
واخيرا اكو شخص يحبني من بين سكان الكره الارضيه كلها
جمانه السعيدي
بس رجعت للببت اتصلت على ساره
دكيت خمس مرات يله ردت عليه
جانت نايمه
ساره... الووو
بان...اكعدي واسمعي هذا الخبر الحلوو و
عصام كالي احبج واخيرا لكيت انسان يحبني
ساره...ليش ما يحبج انتي اصلا تنحبين
همزين اعمى لان الناس تحكم على الاشياء
من الظاهر بس عصام شاف حقيقتج شاف
كلبج الطيب ااكيد يحبج
جمانه السعيدي
بان...اوافق
ساره.... انتظري شويه حتى تتأكدين من عصام
بان...اني متاكده يحبني البارحه من خلصنا مكالمه
نسى يسد الخط وسمعته كال الخالته احبها
ساره.......اذا متاكده من عصام ومتاكده من مشاعرج وافقي
بان...ماريد باقي ايام حياتي تمر واني وحيده
اريد ارتبط واعيش حياتي حالي حال باقي البنات
ساره....اتوكلي على الله الله يجعل الخير كله بوجهج
بان....المفروض تحضرين عرسي اني ماعندي احد غيرج
ساره....ولله لو قريبه جان اجيت
بس مااكدر اعذريني راح ادزلج هديه من امريكا
بان.. مااريد هديه انتي اكبر هدية بلنسبه اليه
بليل اتصل عليه
اسمعه يكول الخالته اتأكدين من الرقم
خالته....اي هو هذا رقمها انت ماعندك غير رقمها بتليفونك
عصام...الووو بان
بان...هلوووو شلونك
عصام...الحمد لله
بان...شكال الدكتور
عصام....يكول عمليتك صعبه وهنا بلعراق ماعدنا
كوادر واجهزه كافيه الهيج عمليه
اطلع سويها بلخارج احسن
لا تخافين بس يصير عندي مبلغ زين اطلع واسويها
قبل اني مقرر اسوي هاي العمليه علمودي
بس هسه متلهف اسويها حتى اشوفج
اريد اشوف الانسانه الي غيرة حياتي ١٨٠ درجه
بان...تشوفيني
عصام...اي يااحلى وارق بنيه عرفتها
بان..خاف تغيرك رائيك اذا شفتني
عصام..مستحيل اغير رائي اني شفتج على حقيقتج
انتي انسانه مثاليه
مو يكولون الأذن تعشق قبل العين
واني حواسي كلها تعشقج عشق
ليش مانزوج اني اريد هاي العلاقه تكمل
مااريدها تبقى بس على المكالمات مادام لكيت الانسانه
الي احلم بيها واحبها
ليش التاجيل
بان...واني موافقه
عصام....موافقه تجكين صدك ياحبيتي
هذا احلى يوم بحياتي
اطلبي اي شي تحبي اني حاضر
انتي تستاهلين كلشي حلووو
بان...لا اني ماعندي طلبات عندي خير من الله بس اريد انسان يحبني ويخاف الله يعاملني معامله حلوه
عصام...اني خادم خادم جوه رجليج
يمتى الخطبه انشاء الله
بان...بكيفك
عصام...اليوم شنو بلايام
بان ..اليوم احد
عصام...نخليها الجمعه
بان....تمام
عصام.تردين مشيه
بان...لا ما يحتاج لان ماعندي احد يستقبل المشيه
كافي الشيخ وثنيين شهود
وحلقه كلش كافي
عصام...يابعد روحي سهله بكلشي
الله يسهل ايامج حبيبتي
جمانه السعيدي
بان....بقيت ٣ ايام ادور بدله على قياسي
لمن لكيت وحده مو كلش عجبتني بس ماكو قياسي
اشتريتها وحجزت صالون
كصيت شعري وصبغته وشتريت كريمات مرطبه
الوجهي وشغلات تفتيح
وعطور جهزت نفسي
رحت على رجال جبير سيد بشارعنا وطلبت منه يحضر المهر اريده يكون وكيلي
لان ماعندي احد
خالي الشفيه من يوم ماتت امي ما سئل عني
ولا اجاني ولا كال بنيه وحدها شلون عايشه
بيوم المهر رحت للصالون
طلع شكلي كلش حلووو
اجا عصام ويا ثنيبن من اصدقائه وخالته
وابنها وياهم شيخ عقدنا حفله بسيطه
والسيد جيرانا جاب زوجته ويااا
كملنا العقد والكل راح ماعدا عصام بقى وياي
عصام...الف مبروك حبيبتي اسفه لان ما سويتلج حفله تليق بيج بس انشاء الله مراح اقصر وياج
ابد
حضرت العشى اسويله لفات واخلي بايده وهو ياكل
الساعه عشره اتصل على ابن خالته اجا زبدون اخذه رجعه البيت خالته
ثاني يوم دزلي صورة غرفة نوم
عصام هاي الغرفه هدية خالتي
العصر يجي زيدون ويا جماعتي ينزلونها وينصبونها بلبيت
بان....شكر الغرفه حلوه عاش الذوق
عصام...تستاهلين كل خير حبيبتي
انتظرونا ....