رواية النصاب الفصل الثامن 8 بقلم جمانه السعيدي
@الجميع
بان....رحت سحبت فلوسي من المصرف
رجعت للبيت لكيته بعده نايم
حضرت الاكل على صوت حركتي بلمطبخ كعد
طلع من الغرفه لازم الحايط ويمشي
عصام....هلو حبيبي رجعتي
بان...اي رجعت وما حبيت اكعدك اله ااكمل الغده
عصام...جبتي الفلوس علمود اتصل على صديقي ميثم
نروح اني وياا نجدد الجواز
بان...اي سحبت الفلوس بقا بس اكملهن باجر اروح ابيع
الذهب
عصام...حبيبي خليهن عشره بعده حتى يصيرن ٤٠
تعرفين اني ميثم ورعد يرحون وياي
وهناك كلشي غالي ولو اعرف نفسي جاي أثقل عليج
بس اني مستعد اكتب صك بلفلوس
بس يرجعلي نظري اشتغل وارجعهم اللج
بان...لا شنو صك اني وياك مابينا فلوس
اتمنى ترجعلي تشوف حتى فرحتي تكمل
عصام...اني امي داعيتلي ااكيد وهيه ميته تدعيلي
حتى اتعرف عليج
يااحن كلب بلدنيا
بان...اخذته من ايده كعدته على ميز الطعام
بان....اريد اسئلك سؤال مهم بلنسبه اليه
انت مقتنع بيه يعني تحبني
بان...مد ايده يدور على الطبله الحد مااخذ ايدي وباسها
عصام...اني مو بس احبج ااموت عليج ااول مره التقي باسنانه وهلكد اتعلق بيها
انتي فعلا غير غير كل الناس الي عرفتهم
بان...حتلو مو حلوه
عصام...شنو مو حلوه يعني قصدج الشكل
اني ما يهمني المظهر الخارجي اهم شي كلبج
واخلاقج وحنيتج
اني شسوي بلشكل اني اكتشفت المعدن الحقيقي
صدكي مايهم الشكل بعدين انتي هسه شايله ابني بطنج
يعني قطعه مني بداخلج
بان....اول مره التقي باسنان ويجبر خاطري هيج
خل نتغدا واروح ابيع الذهب اجيبلك عشره
تدلل
كملنا غده اني طلعت ابيع الذهب وهو طلع ويا جماعته
رجعت المغرب بعده ماراجع للبيت
اتصل عليه
عصام...هااا حبيبي
بان....اي حبيبي جبتلك عشره بس ما بقى من ذهبي
غير كلاده وسوار وحلقه
عصام...اعوضج ياروحي
بدا عصام واصدقائه إجراءات السفر
كنت اسمعه وهو يتصل عليهم ويتفقون
كان يمدح بيه كدامهم
عصام....لوما بان مجان كدرت اسوي هاي العمليه
الله يحبني وخلاني اتعرف عليها
كملت الاجراءات وحجزو فعلا
بان...هلو ساره.....شلونج
ساره...وين هالايام الي لكه احبابه نسى اصحابه
بان.. لا ولله مو هيج بس قبل ماكان عندي شي
وهسه ارجع من الدوام احضر الغده
نتغدا انام ساعه واكعد اغسل ملابسنا واحضر العشى وانظف
ساره...شلونج انتي وعصام
بان...زين كلش زين ااكثر ما تتصورين
حياتي تغيرت بوجوده قبل وحده وملل
هسه مالحك اضوج لان هو مالي عليه حياتي
وعندي اللج بشاره
ساره...يالله شنو هاي البشاره
بان...اني حامل
ساره.....صلوات ماشاء الله بلخير عليج
بان...يوم اللج حبيبتي
ساره.....شكرا ياروحي ولله هاي احلى بشاره سمعتها بكل حياتي
جمانه السعيدي
بان...وبعد عندي بشاره اللج
ساره.. الله شنو هذا اليوم الحلو
بان...قررت اسوي عمليه العصام حتى يرجع يشوف
اريد ابني من يطلع مايشوف ابو عنده اي نقص
ساره...ؤعني انتي دفعين فلوس العمليه
بان...اي شسوي بلفلوس وزوجي اعمى
صار شكد اجمع والى متي بيت عندي وضيفه عندي
ما ناقصني شي
مايصير ااكدر اساعده وابقى واكفه اتفرج علي
ساره... حقج ماالومج انتي ام الوكفات الحلوه
بعمري ماانسا شلون وكفتي وياي علمود عملية امي
قبل
مااستغرب هذا التصرف منج
مادام يحبج وتحبي وااكو طفل جاي بالطريق
حقج تساعدي
بان..تتوقعين اذا شاف شكلي الحقيقي يغير رائيه
ساره...بلعكس انتي محبوبه
وهو عرفج على حقيقتج مستحيل يغير رائيه
وخاصه انتي راح تساعدي يرجعله نظره
جمانه السعيدي
بان...اذا سافر الامريكا تكدرين تتواصلين ويا وتساعدي
هو راح يسوي عمليه بمستشفى مايو كلنك بولاية مينيسوتا
ساره...من عيني بس اني حاليا بولاية تكساس علمود صفقة عمل تعرفين هاي الولايه ااكبر ولايه صناعيه بجنوب الجنوب الأمريكي
تبعد حوالي ٣٠٠/ ١ ميل يعني عشر ساعات عن
ولايه مينيسويا
بان.. تمام معذوره عود رتدج تتعرفين علي
ساره...فرصه ثانيه انشاء الله
بان...بديت اجهز العصام جنطته والشغلات الي ياخذهن وياا
بان...وين اوارقك الطبيه حتى احضرها اللك
لازم تاخذ وياك كل التقارير القديمه
عصام. .اوارقي عد ميثم كلهن علمود يحجزلي
بيهن بلمستشفى الأمريكي
استنسخهن ودزهن كلهن
بان.. اوصلك للمطار
عصام...لا ما يحتاج انتي حامل واخاف عليج من التعب
اصدقائي وياي
بان...اول ما توصل طمني عليك
عصام...انشاء الله
اجت خالته وزيدون ودعووو
بان...ودعني وطلع اجو جماعته اخذو بلسياره
انقطع الاتصال ويا الثاني يوم
اتصلت علي
عصام...وصلنا لله الحمد راح نروح للمستشفى
وندزلج صوره مناك
فعلا بعد ساعه تقريبا دزولي صوره من كدام باب المستشفى
عصام واكف لابس قاط ولا بس نظاره سوده
نظارته الي متعود يلبسها
وجماعته واكفين بصفه
رجعت اتصلت بليل علي
كال حجزت عمليه بعد يومين
ثاني يوم اتصلت اطمن علي كال احنا طالعين نغير جو
شويخ الدكتور يكول اهم شي حالتك النفسيه
حتى تنحج العمليه
بان.. اني الي اتصل علي هو ابد ما يتصل
بس اني عاذرته ااكيد مخبوص مايكدر يتصل
ساره تتصل كل يوم تتطمن علي
يوم العمليه اتصلت على الصبح
بان...هاا شلونك اليوم
عصام...كلشي تمام
بان... خوما خايف
عصام .. لا ما خايف بلعكس فرحان راح ارجع اشوف
بعد العمليه اتصلت علي رد عليه ميثم
ميثم....هلو شلونج بان
بان...الحمد لله هاا بشرني شو محد منكم اتصل عليه يطمني
ميثم.. غير مشغولين بلعمليه
بان.. هااا بشرني
ميثم...نجحت العمليه الحمد لله
بس يكدر عصام اخلي يتواصل وياج
بان... سلملي علي
بان....هلكد ماافكر بي وبالي مشغول علي
حتى اللوم على نفسي ليش مارحت وياا حتى اداري
شلون عفته وحده
منو يغير ملابسه منو يوكله ليش عفته وحده
بطني كامت توجعني من التوتر
اخذت اجازه يومين وكعدت بلبيت
اتصلت علي رد عليه
عصام.. الحمد لله حبيبي رجعت اشوف الدكتور كال عمليتك من أبسط العمليات
بس راح ابقى بعد كم يوم لمن اطمن وارجعلكم
بان...خفت اكوله افتح كامره اشوفك وتشوفني
خاف يشوف شكلي مو حلووو
خلي لمن يرجع احسن
سفرة عصام صارت ١٢ يوم بلضبط
ورجع اليوم الي رجع بي شكد جنت متوتره
حتى خفت على ابني شكد خايفه لا يشوفني ويغير رائيه
مارحت استقبلته بلمطار
رغم خالته وزيدون راحو استقبلو
من سمعت صوت السياره وكفت بلباب
كلبي يدك على السريع
رغم اني جنت مبدله ومرتبه نفسي وخاله من العطر الي
يحبه
بس مجاي اكدر اسيطر على خوفي
انفتح الباب دخل بس شافني ابتسم
عصام... الله شنو هلجمال شنو هلحسن
حبيبيتي مشتاقلج يانظر عيوني انتي
بان..من سمعت كلامه ابتسمت ونزلن دموعي
مامصدكه اذاني يعني اني هيج عجبته
حضني كدام خالته وزيدون وباسني
عصام. مشتاقلج مشتاقلج موت
شوفي شنو جبتلج وياي
بان. مااريد شي اهم شي راجعلك نظرك هاي اكبر هديه من رب العالمين
عصام...جبتلج عطر وثوب يخبلن
بان...مسحت دموعي يعني انت جاي تشوفني
عصام.. اي جاي اشوف احلى وارق بنيه بلكون
بان...الله يحفظك اليه
عصام...شلونه ابني خوما متعبج
بان...لا كلشي تمام الحمد لله
جمانه السعيدي
حضرت الاكل وبقو يمنا خالته وابنها اتغدو وراحو
كل شويه يحضني ويبوسني
عصام.. اني ما مصدك مزوج وحده هلكد حلوه
بان...الله يجبر خاطرك
عصام...خلاص بعد اني المسؤل عن كلشي
حبيبتي لازم ترتاح واني الي اتعب بمكانها واشتغل حتى تعيش هيه وابني
بان..الحمد لله الي جبر خاطري بيك
بعد كل ذيج السنيين من الحرمان والتعب والوحده
عصام...لا ودعي كلشي مر عليج
راح نبدي حياة جديده راح تعيشين بيها معززه مكرمه
واني اكون بيها خادم جوه رجليج
بان...لا لاتكول هيج انت السند والفرحه انت ابو بيتي
شلون تكول خادم
بان... شو ماكو اي علاج وين علاجك
عصام...ماكو علاج هيه شغله بسيطه
والعلاج خلص هناك اصلا الدكتور تعجب يكول
شغلتك سهله
بان. اذا سهله ليش اخذو هلكد فلوس
عصام.. قابل مستشفياتهم مثل مشتفياتنا
لو علاجهم مثل علاجنا
من غير الفندق واجور الطيران
بان...الفلوس فدوه اللك اهم شي رجعت تشوف
بعد ما خلص اسبوع كامل وهو كاعد بلبيت لا شغل لا عمل
قرر يطلع يدور شغل
الصبح يبقى نايم بلبيت
من ارجع من الدوام يكعد يتغدا ويطلع ويا جماعته
للوحده للثنتين يله يرجع
اتعب واني انتظره وخاصه اني ارجع من الدوام تعبانه
والحمل هاد حيلي
بان.. حبيبي ليش تتأخر مجاي اشوفك
اجي للبيت تطلع وبليل اتعب وانام وانت بعدك برا
عصام جاي ادور شغل لان ٥٠٠ الي تنطيني ياهن
كلش قليلات
تعرفين اني مسؤل عنج وباجر راح نصير ٣
بان. ..بس هيج مجاي ترتاح
عصام...اصلا رجليه يتعبن هلكد ماامشي
واسئل وكلشي ماكووو
بان... اني راتبي يكفيني انت اخذ وراد المحلات
واصرف على البيت منه
اني مااقبل تشتغل عد اي احد
ويكعد يتومر عليك المن اريد الفلوس هنا النا
عصام.. يعني اخذ وارد المحلات كله
بان.. اي اصرف علينا منه
عصام.. تمام خوش سالفه
انتظرونا.....