رواية النصاب الفصل التاسع 9 بقلم جمانه السعيدي
بان....من بداية الشهر راح عصام بنفسه واستلم وارد المحلات
بس مايتسوك ولا يجيب اي شي للبيت
وعلى طول خارج البيت
اني اجيب مسواك وياي من ارجع
لان اذا ابقى منتظرته يتسوك كلشي مايجيب ونبقى
بدون اكل
قبل ارجع الكا بلبيت هسه ارجع الكا طالع
وابقى انتظره للوحده مرات اكثر وهو بعده ماراجع
الصبح من اكعد مرات الكا نايم
ومرات ماكو بفراشه
اول مره كعدت لكيته مانايم بلبيت
تخبلت توقعت صار على قدر خفت علي
اتصلت مايرد
اتصلت أكثر من عشر مرات وماكو اي رد
اتخبلت بلزايد عقلي طار مني توقعت صاير علي قدر
اتصلت على خالته
بان...صباح الخير خاله
ام زيدون....هلو بان صباح الخير شلونج
بان.. الحمد لله اريد اسئلج على عصام البارحه مارجع للبيت اني بقت انتظره للساعه وحده اتصلت علي مارد عليه نمت هسه كعدت ماكووو
خايفه لا يكون صاير على شي
ام زيدون....عصام هااا اي عصام عدنا نايم من البارحه
اجا على زيدون وبقو يلعبون على الاكس بوكس
وشاف الوقت تاخر
ونام عدنا ماحب يرجع ويقلق راحتج
بان...يعني مابي شي
ام زيدون....... لا مابي شي
بان...ممكن احجي ويا اريد اطمن علي
ام زيدون ...نايم خطيه اكعده من النوم بس يكعد اخلي يتصل عليج
بان...هاي هيه اهم شي ماصار علي شي
بان...تريكت وطلعت للدوام كل شويه اباةع للتليفون
منتظره يتصل عليه
صارت الساعه ١١ وهو ماكوووو
اتصلت علي تليفونه مغلق
رجعت للبيت وهو ماكووو
اتصلت علي جاوبني وهو يحجي بلكوه
بان..وينك حبيبي قلقت عليك
عصام...شنو اني طفل زغير وتقلقين عليه رجال شكبرني
بان.. اي اذا ناوي تنام برأ ليش ما كتلي من خوفي تواصلت ويا خالتك اسئل عنك
عصام.. . شنو اني طفل زغير اخذ الأذن منج
شاب ومن حقي اطلع واتونس جنت اعمى وهسه
كمت اشوف اريد اعوض الايام الي فاتت
بان...ترجع هسه احضر الغده منتظرتك
عصام...لا ماراجع شعندي راجع انتي راح تنامين مثل كل يوم ابقى مكابل الحيطان
بان...لا ماانام راح ابقى منتظرتك
عصام...ارجع بليل
بان.. براحتك
بان.. اني مااريده يضوج مني لو يصير عصبي
مااريد افقده مستعده اسويله اي شي يطلبه مني
بس كون يبقى وياي
على الاقل اكو رجال وياي بحياتي
مااريد ارجع مثل قبل وحدي
بليل بقيت للساعه وحده ونص منتظرته وماكووو
اتصل علي يرفض المكالمه
الساعه ثنتين رجع للبيت
بان... ليش اتاخرت
عصام.. اني ماأحب هذا الاسلوب وين رحت ليش اتاخرت
اني مو زغير
عوفيني براحتي اني سئلتج وين رحتي
ليش اتاخرتي ليش تخنكيني بهاي الاسئله
بان لا اضوج غير اخاف عليك
اني ماعندي احد غيرك واخاف عليك
عصام.... يله كافي خل انام اني تعبان
جمانه السعيدي
بان.. بدل ملابسه وتمدد انطاني ضهره ونام
واني هم نمت
ااكيد ضاج مني بعد ما اسئله ولا احاسبه
اني ليش اضوجه موزين رجال بلبيت وياي
قابل هو وين رايح لو ويا اصدقائه لو بيت خالته
هواي تكررت هاي سالفه المبيت برا
ومااكدر احجي خاف يعوفني ويهج خلي براحته
بعدشهرين من استلامه وارد المحلات
رجعت بيوم من الدوام لكيته حيل ضايج
بان...ليش ضايج
عصام.. حقج ماشايفه المحلات شلون صاير شكلهن
ذوله المؤجرين لاعبين بيهن لعب
خراب مخربيهن خراب الحياطين تلعب النفس
الارضيه شحالها
بعدين الايجار كلش قليل وين اكو هيج ايجار بهذا الوكت
هسه الايجارات صعدت
بان ..... .يعني شنسوي هسه
عصام..لازم اطلع المؤجرين ونرجع نرمم المحلات
ونصعد الايجار
شنو نعوف حلالنا هيج هاي مو وضعيه ترا
بان...بكيفك اذا تريد تغير غير
عصام...اذا رحت اطلعهم ما يطلعون
بان...ليش
عصام... الإيجارات رخيصه وماكو اي احد يحاسبهم
اكيد محد يقبل يطلع
بان... لا شنو قابل بكيفهم
عصام....راح يكولون انت منو حتى اطلعنا
انت مو صاحب المحلات شلون اطلعنا منها
بان.. اني اروح وياك
عصام...لا طبعا شنو ترحين وياي
هسه يكولون هذا جاي ويا زوجته يمشي وراها
هذا زوج الهانم
ماعنده شخصيه يمشي وراها
بان. اني اروح وحدي واكلهم اطلعو
عصام...لا والف لا مااريدج تسمعين كلمه مو حلوه منهم
بان...قابل راح اتعارك وياهم
هيه كم حجايه وارجع
عصام.. لا يعني لا اني هنا ابو البيت وكلمتي تنسمع
افتهمتي لو لا
بان...شلون نحل المشكله
عصام. تسويلي توكيل حتى اوكف بعين اكبر واحد بيهم
واكله اطلع
بعدين اني اريد اخذ منهن محلين اسويهن شركة تصدير واستيراد
قابل راح ابقى اجمع الإيجارات طول عمري
بان.. توكيل
عصام.. اي توكيل لو انتي ماعندج ثقه بيه
بان... . لا شلون ماعندي ثقه بيك انت زوجي ابو ابني
عصام. خلاص من باجر اروح اني وياج
وتنطيني توكيل عام
واني اتصرف بعد لازم انامن مستقبل ابنا
اني اريد اشتغل خوما ابقى هيج اجمع الإيجارات ويس
بان. ماكو مشكله اسويلك توكيل عام
ثاني يوم اخذني للمحكمه سويتله توكيل عام
من بعدها باشر بلشغل اخذ محلات ثنيين منهن فتحهن واحد على الثاني وسوا شركه خاصه بي
اما باقي المحلات سوالهن بعض التعديلات وصعد الايجارات
بهاي الفتره ابد ما يجي للبيت
كلما اتواصل وياي يكول مشغول عندي عمال
ماعندي وقت
جمانه السعيدي
بعد شهر تقريبا اجاني للبيت
بان... لو اعرف الشغل ياخذك مني هيج مجان كتلك اشتغل
ولله مشتاقتلك ليش عفتني هيج
عصام.. ماعندي وقت للعتب جاي اشتغل حتى اغير حياتنا تغير كامل
اريد فلوس لان شغلي توقف على النص محتاج فلوس
بان...منيين اجيبلك
عصام.. شكد عندج ذهب
بان...بس هاي الحلقه والسوار والكلاده
عصام. بيعيهن واريد تسحبين قرض على الراتب
اذا ماكو فلوس
مراح اكدر اطور شغلي لازم تساعديني وتوكفين وياي
اني المن اشتغل
بان...اي ميخالف باجر اقدم على قرض
عصام.. بيع هذا الذهب لان راح احتاج فلوس هواي
بان.. اي ميخالف
هاك انت بيعه لان ماكدر اروح للسوك صايره عبالك
سفينه كوه امشي بطني صايره شكبرها
حتى ماعندي وقت اروح اراجع واشوف وضعي شلون
عصام... عوفي كلشي وساعديني اوكف على رجليه
اهم شي البدايه
بان. انطيته الذهب وقدمت على قرض
كل يوم يجي للبيت يسئلني على القرض
ماطلع يمتى يطلع
من طلع القرض وستلمه اخذه وبعد ما شفته
اتصل علي لو مايرد عليه
لو يطلع مغلق
شهر كامل وهو لا جاي للبيت ولا شايفه خلقته
رحت سويت سونار طلعت حامل بتوم وولد وبنيه
يافرحتي بهذا اليوم ابد ما تنوصف
ماكدرت اصبر اتصلت على مغلق
رحت المكان الشركه
وصلت هناك مالكيته بس صديقه ميثم موجود
ميثم....محتاجه شي
بان...لا بس اريد اشوف عصام صار شهر مجاي للبيت
ميثم... الله يساعده يركض ليل نهار
حتى هاي الشركه تشتغل صحيح اصبري علي شويه
بان...يتأخر لو يرجع هسه
ميثم...مااعرف
بان.. اذا رجع خلي يتصل عليه عندي اله مفاجئه
لو يجي للبيت
ميثم.. تمام بسيطه
بان...رجعت للبيت وعصام لا اتصل عليه ولا رجع للبيت
اتصل علي يطلع الجهاز مغلق
ثاني يوم طلعت من الدوام رحت للشركه لكيتها مقفوله
رجعت للبيت
العصر رجعت علي لكيته هو وميثم
بان...هلو حبيبي
شافني ضاج حسيته مافرح بشوفتي
بان...اني عندي عتب وياك عايفني بهذا حالي وحدي
طبعا اني كلش سمنانه وكوه اتنفس اتنفس بصوت عالي
هلكد ما متعبني الحمل وكوه امشي
وصايره سوده ااكثر من قبل
باوع عليه وكال شتردين ليش اجيتي هنا
بان.. ليش تحجي وياي هيج وليش ما تجي للبيت
عصام. ما تشوفيني اشتغل قابل جاي اللعب
بان.. بس اتصل عليه لورد على الاتصال
عصام. اهووو لا تأخريني على شغلي كولي شتردين بلضبط
بان.. اريدك تجي للبيت لو ساعه وحده بليوم
اني حيل تعبانه من الحمل
عصام. واني كتلج احبلي
بان.. غير أولادك اني حامل بتوم وولد وبنيه
عصام. وهسه شسوي اركص
ترا عندي شغل حتى ماكدر انام من الشغل
بان.. ليش تحجي وياي هيج
عصام.. لان انتي بطرانه جايتني ونفسج شعلاته
وصايره سوده وكوه تمشين
حتى من شفتج نفسي لعبت منج
روحي للبيت وبعد لا تجين هنا
اني من أفرغ امر عليج
بان...عصام شبيك ليش اتغيرت عليه
عصام.. انتي بطرانه اطلعي برا وخل اكمل شغلي
بان...حسيت العبره انكسرت بصدري نزلن دموعي
ليش يحجي وياي هيج اني ما قصرت ويا بشي
انطيته كلشي املك
وشكلي هذا بسبب الحمل قابل بكيفي
كمت من مكاني بلكوه امشي اريد اوصل للباب واطلع
مااكدر الباب صار كلش بعيد عليه
احس كلشي بينا انكسر بسبب كلامه
معقوله هاي مجازاتي لان وكفت ويااا وساعدته
طلعت برا بطني كامت توجعني ااجرت تكسي ورجعت للبيت
جمانه السعيدي
اول ما وصلت اتصلت على ساره
بس سمعتها كالت اللو
كمت ابجي بصوت عالي وحركه كلب
ساره.. ياستار ليش تبجين اكو شي
بان...عصام يحجي عليه يكول شكلج يخوف
ساره...طاح حظه ادبسزز
بان...ولله ماخليت شي ما انطيته عايفتي صار شهر
ويكول مشغول بلشركه
( طبعا ساره ماتعرف بلتوكيل ولا الذهب عبالها احجي على الفلوس الي اخذهن للعمليه )
ساره...لا اضوجين انتي حامل والضوجه موزينه عليج
بان. صح اني حيل سمنانه وكوه اتنفس
لان حامل بتوم
ساره...صلوات ماشاء الله الله يتمم عليج بلخير
بان.. انتي فرحتي بهذا الخبر وهو ابوهم مافرح وياي
ساره...لا اضوجين حبيبتي ميخالف وين يروح
اول وتالي ذوله جهاله بعدين ايجوز مشغول من صدك
بان...محتاجه احد يوكف وياي ويساندني
محتاجه كلمه حلوه تصبرني وهو عايفني مو بحالي
ساره...ميخالف ازمه وتعدي انشاء الله
بان....خايفه يتغير عليه
ساره....ليش يتغير انتي مو تكولين خوش ولد
بان.. اي ولله بلبدايه جان كلش زين
بس هسه تغير
ساره...ايجوز ضغط عمل
بان....مااعرف بس كلش انقهرت من كلامه
ساره. عوفينا من عصام شراح تسميهم ذوله التوم
بان...ابوهم يسميهم ولو اني اريد اسمي البنيه ساره على اسمج
ساره... فدوه الكلبج الحنيين
ولله انتي ماكو منج رب العالمين خالق الإنسانيه والطيبه
كلها عندج
بان...بس كون عصام يرجعلي حياتي مو حلوه بدونه
ساره...يرجع بس تنطي وقت ترا العمل فعلا يخلي واحد يتوتر
بان. الله يسمع منح
ساره...خل نبقى نسولف الحد مايروح منج التوتر
اني اخاف على جهال اختي
مااريدهم يضوجون أريدهم يطلعون اصحاء اقوياء
بان...لو ماانتي مااعرف شسوي بحياتي
ساره...لو ماانتي صديقتي وين الكه وحده مثلج
تصير صديقتي
انتظرونا ....