رواية النصاب الفصل العاشر 10 بقلم جمانه السعيدي
@الجميع
بان....بقت ساره كل يوم تتصل عليه حتى وهيه تشتغل
تفتح خط وتبقى تشتغل وتحجي وياي
ماتريدني اضوج لو احس بلوحده
وخاصه واتي حامل بس اني بلحقيقه كلش ضايجه
لان عصام مجاي يسئل عني ولا يجي للبيت يطمن عليه
حتى من اتصل علي يطلع الرقم خارج الخدمه
يمكن غير رقمه حتى لا يتواصل وياي
ولا يسمع صوتي
معقوله كرهني بسبب شكلي
يعني شسوي اذا الحمل هيج غيرني
هسه بس اجيب واكوم بلسلامه راح اعتني بنفسي
هلمره اسجل بلجم والتزم بلاكل
لازم أضعف واغير من شكلي
حتى عصام يرجعلي وما يعوفني
اسم الله الله لا يكولها معقوله عصام يعوفني
لا لا مستحيل مااتخيل حياتي بدونه
هو مايعرف اني شكد احبه ومتعلقه بي
حتى وهو بعيد عليه وما يجي ولا يسئل
ميخالف اسمي زوجته هسه يكمل شركته ويرتاح
ويرجعلي وين يروح
هو حتى اهل ماعنده ووين يروح
لازم يرجع هنا وخاصه اذا صار عنده اطفال ثنيين
يمتى اجيب واشوف جهالي بحضني
واغير حياتي كلها
دخلت بلشهر السابع وعصام ابد لا يجي للبيت
ولا يسئل عني ولا يتواصل وياي
ومااكدر اروحله للشركه اخاف يصيح عليه مثل ذيج المره
ويقهرني
اتصلت على خالته اكثر من مره حتى تحجي ويااا
يرجع للبيت
تكول اي ميخالف اني احجي وياا
بس كلشي ماكووو مدري تحجي وياا وهو يغلس
مدري تريد بس اسكتني
وهيه لا تحجي ويا ولا شي
جمانه السعيدي
اخر يوم بشهر السابع بلحمل اندكت الباب العصر
اني صاير ثكيله حيل بلكوه اتحرك
كوه وصلت للباب فتحته واني الهث بلكوه اجر النفس
ولد شاب
...السلام عليكم
بان...عليكم السلام
....بان محمد سعيد
بان...اي تفضل
.....ممكن توقعين هنا
بان...أوقع على شنوووو
....ورقة طلاك
بان...اني سمعته يكول ورقة طلاك واني عبالك واحد
دفرني بطني
لزمت بطني شنو شكلت
....ورقة طلاك زوجج طلكج بالشيخ والمحكمه
بان...حسيت الدنيا تفتر بيه لزمت الباب
بس ماكدر اسيطر على نفسي ووكع مني ماي
عطت بصوت عالي الحكلي الله يخليك
...شبيج شكووو
بان...الحك عليه يمكن راح اجيب يمه اسم الله جهالي
فدوه اروحلك ساعدني
...شسوي اكو احد هنا أصيحه
بان..دك الباب على الجيران هذاك البيت بسرعه
كعدت بلكاع فوك الماي الي طاح مني رجليه ما يشيلني
الولد راح يركض ودك الباب حيل
طلعت ام محمود هاي المره الي اجت بلمهر هيه وزوجها
....خاله بان عدها ولاده وتريد مساعدتج
ام محمود...اي اجيت
بان..بقيت على كعدتي بلكاع والألم موتني
ملابسي كلهن تبللن واحس نفسي تلعب
رجع عليه الولد قبل ام محمود
بان..من رخصتك ادخل جيبلي تليفوني بلمطبخ على الكاونتر
اااي يايمه اخ
اجت ام محمود ...هااا خاله
بان.........ام محمود.....فدوه خاله هذا المي شنوووو
مي الولاده
ددنكت ام محمود... اي مي الولاده انتي بيا شهر
بان..اليوم اخر يوم بلسابع اااي اخ بعد مااكدر
طلع الولد شايل التليفون انطانيا
...هذا التليفون تحتاجين مساعده
بان...شكرا
...اترخص مع السلامه
بان......خاله ام محمود فدوه
جنطت الملابس جوه بغرفة النوم فدوه خاله
اخ اخ خاله لا تعوفيني فدوه خاله
اريد جهالي يطلعون سالمين
ام محمود...لا ماعوفج خل اروح اجيب فلوس
بان..هاي جنطتي بيها فلوس بلغرفه روحي جيبيها
ام محمود...خل اجيب سياره ووين زوجج
اتصلي علي
بان...مايجي عنده شغل
ام محمود...ياا يعوفج بهيج يوم وحدج
بان.. اااي اي خاله فدوه بسرعه اخاف على جهالي
راحت ام محمود جابت تكسي
كومتني كوه هي والسائق يله كدرو يكوموني
من مكاني كل واحد سحبني من ايد
ام محمود جابتلي جرجف ولفتني بي
صعدت بلسياره وكمت ابجي
ابجي خايفه لا افقد اطفالي
يارب ياكريم باوع الحالي يتيمه ومالي احد غيرك
مااريد منك شي بس اريد جهالي يطلعون سالمين
دعوة يتيمه مضلومه
كمت اصيح بصوت عالي يارب كلما يجيني الوجع
اصيح يارب يارب لا تعوفني وحدي
يارب الاهي انت ثقتي ورجائي
يارب لا تعوفني وحدي اني مالي احد غيرك
جمانه السعيدي
وصلنا للمستشفى دخلت كوه امشي لأمه رجليه وحده على الثانيه بقوه كل عقلي اذا فتحت رجليه
الجهال يوكعون
دخلنا للطوارئ كبل دنكت بست ايد الدكتوره
فدوه دكتور الحكي عليه جهالي دكتوره
الدكتوره...تعاي ادخلي هنا تمشي وياي وتلبس بلجفوف
الدكتوره...انتي بيا شهر
بان.. اليوم اخر يوم بلسابع
الدكتوره..حامل بتوم
بان...اي دكتوره اخ دكتوره الوجع ذبحني
دخلتني بغرفة الولاده ووجع موت وخوف
واحباط وخذلان كلهن التمن عليه
والمصيبه خايفه جهالي يرحون مني
صعدتني الدكتوره على سدية الولاده
فحصتني كالت ماعندج توسع الشحم ساد الطريق
لازم عمليه فورا
منو وياج زوجج وياج يوقع على العمليه
بأم...لا زوجي مسافر ويا خالتي ام محمود
اني أوقع اهم شي جهالي يطلعون سالمين دكتوره فدوه العينج
الدكتوره..كولي يالله
وين اوارقج مال المراجعات
بان..برا بلجنطه
الدكتوره...لازم تدفعين فلوس على الباص والدخوليه
بان...الفلوس عد ام محمود برا
طلعني الممرضات ودخلني بغرفة العمليات
ام محمود راحت للحسابات تدفع الفلوس
بس دخلت نزعني الثوب الي لابسته
ولبسني ثوب العمليات الازرك ضربوني ابرة التخدير
وخلو الاوكسجين على خشمي وبعد مادريت بااي شي صار
وعيت على صوت الدكتوره تحجي وياي
الدكتوره...بان تسمعيني الحمد لله على السلامه
بان...اسمعها ومااكدر ارد عليها
الدكتوره...منو ساره هاي الي تحجين بيها اختج
بان..افتح عيوني وارجع اغمض ريكي مر ونفسي تلعب
الدكتوره....احجي وياي شلونج
بان...جهالي وين جهالي
الدكتوره...لا تخافين مابيهم شي بس حجمهم زغير
دخلناها للخدج صحتهم ممتازه
بس الولد عنده نسبة ابو صفار قليله
لا تخافين عليهم
بان...اريد اخذ ايدها ابوسها
الدكتوره...استغفر الله ماسويت شي الحمد لله على سلامتج
ام محمود...هاا خاله شلون صرتي
بان...تعبتج وياي
ام محمود...ماكو اي تعب انتي بنيتي
خاله ليش ما تتصلين على زوجج حتلو اكو بينكم زعل
هسه انتي ولدتي ولازم يوكف وياج
بان...زوجي مسافر
ام محمود.....يرجع بلسلامه بيج حيل نغير ملابسج
بان...اي اني مخلية دشداشه بلجنطه
ام محمود...خل اصيح الممرضه تجي وياي
بان...غيرن ملابسي وخللي جرجف جديد
بان...نفسي تلعب
ام محمود...من البنج
بان...اريد سطل استفرغ بي
ام محمود...اي هذا السطل
بان..من استفرغت حسيت نفسي احسن
اجت الممرضه
عيوني محتاجين حليب وممات للاطفال
بان...شنو اسم الحليب خاله ام محمود
تروح تشتريلي
الممرضه... اي هسه ومميات زغار لان الأطفال حجمهم زغير
بان..فدوه اروحلج جهالي زينيبن
الممرضه...اي ولله زينيبن مابيهم شي لا تخافين عليهم
بان..خاله ام محمود طلعي عشره وانطي الممرضه
فدوه العينج ديري بالج عليهم
شويه واجا ابو محمود ورانا للمستشفى
ابو محمود...الحمد لله على السلامه
بان..الله يحفظك عمي ويبارك بيك تعبناك ويانا
ابو محمود....شنو هلحجي انتي بنيتنا
بيج ريحة جدج الله يرحمه
بان...الله يحفظك ويبارك بيك
..ابو محمود....جبتلكم ااكل وماي وترمز جاي
بان...يكثر خيركم انشاء الله
اخذت التليفون واتصلت على ام زيدون ماردت عليه
أريدها تكول العصام على ولادتي
بلكت يحن كلبه ويجي للمستشفى
اتصلت أكثر من عشر مرات وماردت عليه
اتصلت على عصام يطلع الرقم مغلق
جمانه السعيدي
اتصلت على ساره
اول دكه ردت عليه
بان... وينج اليوم اني محتاجتج
ساره. .شكووو هااا احجي خوفتيني
بان...جبت بلسابع
ساره....هااا جبتي تحجين صدك خوما الجهال بيهم شي
بان...لا مابيهم شي بس زغار
ساره...الحمد لله على سلامتج
بان...الله يسلمج هيييي هييي
ساره...ليش تبجين يوجعج شي
بان...جبت بعمليه
ساره....ياعيوني ياحبيبتي تردين انزل علمودج
بان. محتاجتج ساره ماعندي احد
ساره....وين زوجج وين خالته
بان...محد.يرد عليه اليوم عصام طلكني
من سمعت الخبر ومن الهبطه صار عندي ولاده مبكره
ساره...لا يا طايح الحظ ياناقص شكد.سافل
ورخيص الي مثله يعيش خدام جوه رجليج
بسببج رجعله نظره
بان...ماعندي احد.ساره الجوارين اجو وياي
بلولاده
ساره...هسه اتصل على امي وزوجته اخوي يجن
للمستشفى ويساعدنج
بان. امج وين تكدر تعبانه خطيه
ساره...يجيج اخوي وزوجته هسه اتصل عليهم
شويه واجه اخو ساره وزوجته وحايرين شجايبين
ااكل وكلنس وبوطرة اطفال وحفاضات حديثي الولاده
بان.. ليش مكلفين على نفسكم
زوجت وليد....ما سوينا شي انتي بمعزت ساره
بان...خاله ام محمود تكدرين ترجعين للبيت تعبتي وياي
راحت ام محمود وبقو يمي وليد وزوجته
سبحان الله الي حنن كلب عباده عليه
وحيده والكل تخلى عني بس رب العالمين ما تخلى عني
خلا ام محمود وابو محمود وأهل ساره
يجون يساعدوني وأهم شي جهالي طلعو سالمين الحمد لله والشكر
ثاني يوم طلعت أنطوني البنيه والولد بقا بلخدج
زوجت وليد....ترحين ويانا للبيت انتي مسويه عمليه
ومحتاجه خدمه
تبقين يمي منا لمن تصيرين زينه
اخذتني وياها للبيت واخو ساره رجع للمستشفى بقا ويا ابني خاف يحتاج شي
من شافتني ام ساره فرحت بيه
بس خطيه ماتكدر تعبانه وتمشي على عكاز
اتصلت ساره
ساره...هااا شلون صرتي
بان...اجيت بيتكم زوجت اخوج ما تقبل اروح بيتي
ساره....خليهم يخدمونج
لو شما يسوون ما يجازون طيبج
بان...شكد محتارين بيه الاكل اشكال
زوجت وليد ما تقبل اغسل للاطفال هيه تغسل الهم
وتسبحني وتغسل ملابسي
وبليل تنام بلغرفه وياي عايفه زوجها ونايمه يمي علمود الجهال
ام اخو ساره كاعد بلمستشفى علمود ابني
لمن نزلت نسبة ابو صفار وجابه للبيت واجا
الموضفات اتواصلن وياي لان مااروح للدوام
كتلهن اني جبت ممكن تاخذلي اجازه
منا لمن اقدم على امومه
فعلا طلبلي اجازه شهر
واجن كلهن يباركلي بيت اهل ساره
وجابلي وياهن هدايا
شهر كامل بقبت عدهم ابد ماحسيت اني غريبه بيتهم
اما عصام وخالته محد سئل عني ولا واحد
ذكرني ولو بمكالمة تليفونيه
بان...ارجع البيتي لان ثقلت عليكم حيل
ام ساره....ليش ما تبقين عدنا ماتكدرين الجهال ثنيبنهم
وحدج
بان...لا اطلب امومه واكابلهم واكعد
ام ساره...اذا تحتاجين شي بس اتصلي علينا
حتلو نص اليل وليد يجيج بسيارته
بان...الف رحمه الوالديج ما قصرتو وياي
انتم اهلي والنعم منكم
جمعت غراضي واخذني وليد وزوجته اليبتي
انتظرونا...اكو مفاجئه منتظره بان..