رواية النصاب الفصل الحادي عشر 11 بقلم جمانه السعيدي
ممكن تبطلون تغلطون على البطله لان هيه جاي تشاركم تجربتها للموعضه والحذر فقط
ليش الغلط كنا معرضين نغلط نتصرف بدون تفكير بس الشاطر الي
يستفاد من غلطه
بان...وصلنا للبيت جهالي ادم بحضني وساره بحضن زوجت وليد
نزل وليد قبلنا يريد يفتح الباب
الباب ما نفتحت رجع عليه اني نزلت
وليد...الباب ما ينفتح خاف مو هذا المفتاح
بان...وصلت للباب ووليد كدامي وزوجته وراي
شو خل اشوفه لا هو المفتاح هاك الزم ابني واني افتح
حاولت ادخل المفتاح بس الباب مجاي تنفتح
وليد..انتي متاكده هو هذا للمفتاح
بان...طبعا متاكده قابل مااعرف مفتاح البيت
رجعت احاول بس الباب ما نفتح
ووليد...قابل نبقى بلشارع هاج ابنج الزمي
واني راح اطفر افتح الباب من جوه
طفر وليد بس الباب مقفول ما ينفتح
بان...شوف الباب الداخلي
وليد باب المطبخ مقفول
بان...شلون هسه
تعال ارجع اطفر على كيفك
طفر وليد
بان...ليش قفل البيبان متغير منو غيره وليش
وليد...خاف زوجج اجا وما لكاج وخاف على البيت
وغير الاقفال
بان...ولو تعبتك وياي تاخذني المكان الشركه اجيب المفتاح واجي
وليد...اي اكيد واذا تردين ترجعين البيتنا ارجعج اني بخدمتج
بان...صعدنا ورحنا المكان الشركه
جان عندي امل ولو واحد. بلميه عصام يشوف جهاله ويفرح بيهم
نزلت من السياره شايله ابني ادم
ونزلت زوجت وليد شايله ساره بايدها
ووليد بقى ينتظرنا بلسياره
دخلنا للشركه شفته كاعد على المكتب وجاي يحجي تليفون
بس شافني شكله تغير
جمانه السعيدي
بان...صباح الخير
باوع على ادم وعلى ساره
عصام...خير شكو اني مو كلت بعد لا تجين هنا
ودزيتلج ورقة الطلاك
بان...ذوله جهالك
عصام...اني ماعندي جهال
بان....الله يسامحك تتبرأ من جهالك
عصام...اخذيهم واطلعي مااريد اشوف وجهج هنا
مره ثانيه
بان...ليش تعاملني هيج اني بيش قصرت وياك
عصام...امشي ولي جاي تعيربني
بان...زين مادام انت كرهني هيج اني من باجر اروح الغي التوكيل بعدين ليش مغير مفتاح البيت
عصام...هههه ضحكتيني ااي بيت واي توكيل
اني اشتريت منج كل املاكج بيع شرا
كلشي مالج يمي حتى البيت هذا بيتي
روحي شوفي سكن غيره
انتي مالج اي شي يمي
بان...تحجي صدك ولله اشتكي عليك
هذا بيتي وبيت جهالي شنو اشتريته
انت منيين جايب هاي السالفه
عصام...هههه القانون لا يحمي المغفلين خاف صدكتي نفسج انتي منو يقبل بيج
شايفه شكلج تتوقعين شاب مثلي خريج وحلو
يتزوج وحده مثلج ليش مثلا
ااكيد حتى يضحك عليها وياخذ منها كلشي
بان...ولله مجاي اصدك معقوله انت نفس الانسان الي ازوجته وامنت بي
انت شنو مايغز بيك شي على الاقل اذكر العمليه
رجعت تشوف بسبي
عصام...هههه هههه ههه مو اكلج غبيه اي عمليه هاي
اني اصلا مو أعمى ولا سويت عمليه
هاي خطه حتى اخذ منج فلوسج
بان...يااا تحجي صدك ليش ليش تضحك عليه
اني مكتلك ازوجني انت ضليت تركض وراي وتتصل
منا لمن قبلت بيك
عصام...اي قابل علمود حسنج وجمالج الي ماكو منه
شو دبه وسوده منو يقبل بيج
مو انتي الي اتصلت بخالتي تردين رجل
ااكيد جنتي مئيسه محد يباوع بوجهج
وكمتي تدورين عرسان
هاي انتي حصلتي طفلين مو واحد مو جنتي ميته على العائله
هاي حصلتي ثنيبن مو واحد اعتبري نفسج اخذتيهم
مقابل الفلوس الي دفعتيها
يله برا وبعد ماريد اشوف وجهج هنا
واذا فكرتي تشتكين عليه كلشي ما تحصلين
التوكيل هذا وقعتي بلمحكمه وكدام الشهود
وبأرادتج محد جبرج علي
يله اطلعي سحبتي الاوكسجين تكول هايشه تتنفس
مو بشر يله اطلعي من حياتي
خل اعيش حالي خال الناس
بان...مو كلام وجاي اسمعه عبالك واحد لازم سجينه
ويطعن بيه روحي انمردت مرد
طلع من ورا المكتب ودفعني طلعني برا
كمت ابجي حسبي الله ونعم الوكيل عليك ياعصام
ضيعتني وين اروح وعندي اطفال ثنيين
حتى راتبي بعد ما سحبت القرض
مايكفي ايجار وعيشه الاطفال ثنيبن
من شافني وليد ابجي طلع من السياره
وليد....شكو ليش تبحين
بان...باع البيت بعد ماعندي مكان اعيش بي اني وجهالي
وليد...لا يا حيوان اكو واحد يشمر زوجته وجهاله بلشارع
خل ادخل علي اموته كتل
بان...لا خلي يولي لا تبتلي من ورا
هذا لاذمه ولا ضمير
صعدت بسياره وليد ورجعت الببتهم
دموعي تجري ابجي على نفسي ليش الطيب ماله مكان بهاي الدنيا مو صدكته وساعدته
ليش يشمرني بلشارع
ليش يجازي الإحسان بلاسائه
ولله اني حبيته من صدك ومابخلت علي بشي ابد
مااريد منه شي حتى مااريده يصرف عليه
بس اريده يبقى ويانا علمود جهاله
هسه ليش اخذ البيت
وين راح اعيش اني وجهالي
اخذت كلشي عوفلنا البيت على الاقل
هسه وين اروح ياربي شلون راح اعيش اني وذوله
الاطفال
وليد...تعالي نرجع البيتنا واني اروح اسئل المحامي اذا نكدر نشتكي علي
ووصلني وليد البيتهم دخلت واني ابجي
ام ساره...ليش تبجين خاله
بان...خاله عصام اخذ مني كلشي حتى بيت اهلي وشمرني بلشارع
ام ساره...لا بارك الله بي شنو من بشر هذا
لا تبجين ولا تنقهرين موزين عليج القهر
جمانه السعيدي
بليل رجع وليد
وليد ...سئلت اكثر من محامي يكولون مادام
مسويه توكيل كلشي ما تحصل منه
بان..خليت جهالي كبالي وكمت ابجي شلون مصيبه هاي
ام ساره اتصلت على ساره و حجتلها كلشي
ساره...خل احجي ويا بان
بان...ولج ساره خسرت كلشي
ساره...شلون تنطي توكيل شلون
بان...كال اريد اعدل المحلات واطلع المؤجرين منهن
وصدكته
اني اصدك بكل الناس قابل اكذب زوجي
ساره...وهسه شلون
بان.. مااعرف شلون ولج الراتب يستقطعون منه القرض
يبقالي شي قليل ما يكفي معيشه اني وجهالي
ساره...يااا تحجين صدك حتى الراتب لحكج علي
بان......ولله صدكته جنت مستعده انطي روحي
مو بس الفلوس
ساره...الله ياخذ روحه انشاء الله
اني راح احجز وارجع للعراق لازم اكو حل
بان..شنو الحل ساره اني ضعت
بان...اليل كله ماكدرت انام مقهوره على جهالي
ضاع مستقبلهم
الجهال الي كنت منتظرتهم طول عمري
حتى تصير عندي عائله ضيعتهم بس اجو الهاي الدنيا
شلون بيه
عود شردت من خالي خاف ياخذ مني املاكي
طحت بواحد نصاب اكبر منه
الاهي اليك اشكو حالي الاهي لا اضيعني
الخاطر ذوله الجهال
ياربي ازرع الندم بكلبه حتى يرجع الجهال وما يعوفهم
جمانه السعيدي
بان..مانمت للصبح وعيوني مورمات من البجي
راسي صداع من التفكير
شلون بيه
شلون راح اعيش اني وجهالي ووين
لاعندي بيت ولا اكدر اداوم واعوفهم بعدهم ازغار
ولا عندي مصدر اعيش منه
ضيعت كلشي
اريد اعرف ليش لانسان الطيب محد يحترمه
والناس كلها تريد تاكله
اني بيش قصرت ويااا
لا وطلع مو اعمى اني العميه الي فرحت بي
وما ركزت اذا جان اعمى لو يضحك عليه
الصبح كعدو وليد وزوجته وأم ساره
بس شافو شكلي تخبلو
زوجت وليد جابتلي ريوك وجيرتني اكل ونطتنتي حبايه
منوم وأخذت الجهال مني
كوه يله نمت
كعدت الساعه ثنتين الضهر على صوت ساره وصلت للبيت
بس سمعت صوتها فتحت الباب وطلعت
حضنتها ورجعت ابجي بحركه
ساره...لا تبجين والي خلق السماء والارض
اله ارجعلج حقج منه لو يبقى هذا الشي اخر شي اسوي بحياتي
مااخلي يتهنى ابد ماارجع الامريكا اله ارجعلج حقج منه
جمانه السعيدي
بان...ولج طلع مو أعمى يضحك عليه حتى ياخذ مني فلوسي
ساره...لا تبجين مو صوجج انتي تتعاملين ويا الناس
بحسن نيه
مو ذنبج الناس نصابه وحراميه
اكعدي هنا معززه مكرمه واني الي راح اشتغله
صح واخلي يشوف النبي عربي
اسمع وليد اريدك تروح تجمعلي كل المعلومات عنه
من يوم انولد لليوم اي معلومه تعرفها تكتبها
بورقه حتلو تدفع فلوس وجمع عنه معلومات
ميخالف
دمعت بان ما تنزل للكاع الا اطلع حقها من عيونه
طلع وليد وزوجته جابتلنا اكل
ساره...جبت ملابس للجهال وجبتلج ملابس وعطور
اكلي وشدي حيلج
اريدج قويه وحقج ما يضيع
مادام انتي كلبج ابيض لا تخافين رب العالمين مايعوفج ابد
انتي ما غلطانه انتي متوقعه الناس كلها مثلج
طيبه وحقانيه وما تاكلين حرام
بقينا كاعدين وساره كل شويه تسئلني سؤال عنه
وتلعب على جهالي
منا لمن رجع وليد بليل
وليد.....عمره ٣٠ وخريج وفعلا اهله ميتين وعايش بيت خالته كلها تعرفه صاحب نسوان ونصاب
يمشي ويا النسوان حتى يصرفن علي لا شغل ولا عمل
عندا اصدقاء ثنيين ميثم وعمار
ذوله اصدقائه مقربين حيل
حتى إذا يريد ينصب على اي احد
يشاركونه بلنصب ويأخذون حصه من الفلوس
خالته تشتغل خطبه
وعدها شغله ثانيه موزينه
ساره...شنو احجي
وليد....تشتغل كواده وتشتغل بلمخدرات
بس شغلها بحذر وعلى ناس معيينين
مو على اي واحد
وليد........عصام.فتح شركه يشتغل بلاستيراد والتصدير
الحد الان ما محصل بس صفقتين
مستورد اداوت سيارات ومره مستورد شغلات كهربائيه
يدور على ناس تدعمه بلخارج حتى يطور شغله
ساره...اي هيه هاي الي ادور عليها
ووين جانت من زمان اني الي راح ادعمه
اذا مااخلي يفلس مااسمي ساره
ساره......وليد ..باجر اريد ااجر سياره حديثه كون احدث موديل
واريد سايق
وليد...اني السايق
ساره...خاف يعرفك
وليد...لا ما شايفني ولا يعرفني
ساره.. هاي هيه اني هاي لعبتي وهو اجا بملعبي
اذا مااخلي يتندم
مااسمي ساره
ارتاحي بان حقج راح يرجعلج
انتظرونا.....