رواية أيوجد بالأسمر شي لا يعشق الفصل الثالث 3 بقلم غزل وليد
*ميونخ ألمانيا *
في المساء وبينما كانت تقوم بتحضير الكيك بمساعدة إبنتها آشلي ذات ال الثالثة عشر عاما، فإذا بها تسمع هتافات أبنائها آرام وآن بالخارج.
وقد علمت بقدوم إبنتها "لِيا" إلى المنزل ♡
ليا عانقت كل أفراد منزلها عناقا حارا، ولكن عناق والدتها كان الأحر على الإطلاق....
ليا: ماما إشتقت ليك كتير....
وأنا أكتر حبيبتي وقامت بتقبيل إبنتها في خدها عدة مرات...
ليا: وبعدين مالك بقيتي حلوة شديد كدة...
إبتسمت والدتها بخجل قائلة: بطلي يابت يخ....
نظر والدها بغيرة...
ظاهر إنك إشتقتي لأمك بس...
إقتربت من والدها أمسكت بيده وقامت بتقبيل يديه...
معقولة يابابا إشتقت ليكم كلكم والله....
ماواضح لكن 😒
جلست بالقرب من والدها محاولة إطفاء الغيرة من قلبه هههههه...
قضو وقتا طويلا يتحدثون مع بعضهم البعض، حيث أن" ليا" روح البيت، تحب الدعابة كثيرا وحكاية القصص هههههه....
***********************
فبراير 2005.....
بعد ما حبوبتها رجعت من السوق وعملت ليها القهوة، اتونست معاها شوية ....
شهد : حبوبة ماشة لناس خالتي عرفة أتونس معاهم شوية طولتة منهم، عبير حتزعل مني عشان آخر مرة هي جاتني...
أمشي يابتي بس ماتتأخري شديد، المغرب يلقاك في البيت كويس.... عارفة جدك م بحب جية بعد المغرب دي...
شهد: حاضر حبوبة ما بتأخر...
والغداء شديتو جاهز حتى الكسرة عستها بدري ...
طيب حبيبتي... سلمي على خالتك واولادها كتير...
شهد : يصل حبوبة...
دخلت إستحمت ولبست توبها وبلمت وشها، أصلا معتادة أنها تغطي وشها أول م رجليها يعتبو باب الشارع....
وصلت بيت خالتها ولقت جيرانهم قاعدين معاهم بشربو في القهوة... سلمت عليهم وقعدت إتونست معاهم....
عبير بت خالتها وصحبتها المقربة وحتى أعمارهم سوا....
عبير: يخس عليك ي جافية، مالك طولتي مننا كدة، اصلا انا بس قاعدة اجيك، بيتكم دة اصلو م بتطلعي منو....
تسنيم: عارفة روحي مقصرة ي عبورة، معليش امسحيها لي في وشي...
عبير: والله من شوقي ليك بعاتبك ياشهودة وانت عارفة غلاوتك عندي...
شهد: عارفة ياعبورة.... اها جديدك شنو....
عبير ابتسمت بحياء وماقالت شي...
شهد : يلاااا بس معناها في شمار خطيييير، الابتسامة دي أصلووو م ساي...
عبير: هههههههه امممم أول أمس " المنا "ود عمتي جاء لأبوي طلب إيدي للزواج....
ختت إيديها في وشها دلالالة على خجلها.....
شهد زاحت ليها ايدها وحضنتها عليها...
الف الف مبروووك ليك حبيبتي، دة شنو الخبر الحلووو دة، والله انبسطة ليك من كل قلبي... أها العرس يعني خلال اتحدد...
عبير: الله يبارك فيك حبيبتي، وعقبالك قرييييب كدة ي رب....
شهد ردت بيأس: آميين...
عبير: مالك قايلاها بعدم نفس كدة...
شهد: ماعارفة ياعبير، بس موضوع العرس دة بديت أشيلو من راسي خلاص...
عبير: خير ان شاءلله؟
شهد سكتت وما قالت شي...
عبير: ردي يابت في شنو....
شهد : ماف شي عبورة، بس حظي وبعرفو، اي راجل يجي يتقدم لي بموت...
عبير: انت عويرة ي بت، دة كلام شنو اسي، انت مازولة جاهلة عشان تقولي كدة، ولو تفكيرك دة كدة خسارة القرآن البتقريه.... معقولة ماعارفة شي اسمو قضاء وقدر؟
شهد جرت نفس: أكيد مؤمنة بقضاء ربنا وقدرو...
إمكن كلام الناس بدأ يأثر علي....
عبير: حريقة في الناس ي بت، خليك شهد العاقلة الواعية الأنا بعرفها....
شهد إبتسمت: حااضر حبيبتي.... أها م وريتيني العرس متين...
عبير: لسة م اتحدد بس غالبا في بداية شهر 4 أو نصو....
شهد : ربي يتمم ليك ع خيير.... ♡
أتونسو مع بعض كتير وقعدو يخططو للعرس.....
قبل المغرب بساعة كدة قالت ماشة البيت،، خالتها حلفتها تبيت معاهم بس قالت ليهم مرة تانية ان شاءلله عشان ماكلمت حبوبتها إنها بايتة.....
عبير لبست توبها عشان تقدمها، وهما طالعين اتلاقو مع عاصم أخو عبير الكبير، سلم على شهد بحرارة وسألها من ناس البيت....
*******
شيخ الوسيلة كان قاعد مع زوجتو حجة آمنة برة الحوش بتونسو وأحفاهم حوالينهم بلعبو.....
سمعتو طرقات باب الشارع.... حجة امنة قامت صلحت توبها، بعدها شيخ الوسيلة قال للطارق اتفضل، الباب كان متكا م مقفول.....
بعدها ظهرو رجال اتنين واحد كبير نسبيا في العمر والتاني شاب في مقتل العمر ، ماسكين شنط سفر كبيرة، بعدها الراجل الكبير قال السلام عليكم ياأهل الدار....
الوسيلة أول م شاف الراجل إتفاجأ ومشى عليه بسرعة ولهفة شديدة أخدو في حضنو، ماكان مصدق إنو الواقف قدامو دة أخوه الليهو سنييين طويلة ما شافو.....
سلمو على بعض بحرارة ودموع الشوق كانت مسيطرة.....
بعدها اخد ود أخوه في حضنو وسلم عليه بكل حنية....
ناس البيت كلهم إتلمو وسلمو عليهم فضلوهم لجوة وشالو منهم الشنط دخلوها ليهم في صالون الضيوف.....
شيخ الوسيلة: سنيين طويلة يا الجيلي أخوي م اتلاقينا بس انت ياكا زي ما انت ملامحك ما اتغيرت خالص الا الصويفات بقن بُيُض هههههههه ..
الجيلي ضحك وقال ليهو...
خلاص عجزنا ياالوسيلة...
الوسيلة: يازول عجزنا وين، لسسة شباب، هو انا لسة شايف نفسي شاب خلي انت هههههه....
حجة آمنة قالت مازحة ل زوجها : ها ياراجل، شاب وين، احفادك ديلك بقو رجال كبار، خلي قال شاب....
كلهم ضحكو....
الوسيلة: والشاب الجذاب دة نسى لغتنا دي ولا شنو، شايفو متحير كدة....
الجيلي: لالا ياخ معقولة، إيڤان بفهم عربي أكتر مني ههههه وبتكلم عادي، ناسي انو اتولد في السودان.....
الوسيلة: ومالك ساكت كدة ياولدي، شاركنا شوية طيب...
م شاء الله كبرت، بتذكر آخر مرة قبل م تسافر كنت صغير واليوم كلو انت والسيد ولدي مقضنو حوامة في الشارع ههههه
إيڤان ابتسم وقال ليهو لسة متذكر ياعمي، كانت أيام جميلة ....
إيڤان كان شوية مرتبك عشان الوضع بالنسبة ليه جديد شوية والوجوه جديدة ، وآخر مرة لما سافر من السودان عمرو كان سبعة سنين وتاني م رجع السودان..... حاليا عمرو ستة وعشرين سنة فما متذكر تفاصيل كتيرة شديد....
الوسيلة: الولد طلع شبه أمو جدا، ماشال منك شي غير العيون...
الجيلي: هههههه فعلا....
********
*نبذة تعريفية *
الجيلي أخو الوسيلة، وترتيبو الابن التاني من بين اربعة اخوة وتلاتة اخوات، أكبرهم الوسيلة.....
الجيلي تزوج واحدة ألمانية في نهاية السبعيات... اتعرف عليها في كلية غردون التذكارية، جامعة الخرطوم حاليا، درسو سويا، إسمها سيلينا، لما إتزوجها كانت مسيحية بس بعد الزواج أسلمت، عاشو قرابة تمانية سنين في السودان وبعدها سافرو ألمانيا، انجبو ولدين وبت، الكبير إيڤان 26 سنة، ودة إتولد في السودان بعديه إلياس 18سنة وأصغرهم إيزابيلا 15 سنة.....
الجيلي رجع السودان زيارة لوحدو في بداية التسعينات وتاني م رجع إلا اليوم مع إبنو إيڤان.....
*🌷═℘═🌷═℘══🌷═℘═🌷══℘══🌷═℘═🌷══℘═🌷*
*★★يتبــــــــــــــــــــــــــــــــــــــــــــع★★*.