
رواية فراشة المقبرة الفصل السادس عشر 16 بقلم إسماعيل موسى
ومضت السهره إلى حيث المفترض أن تمضى، كانت هبه ممدده على الأريكة عندما ارتديت سترتى الجينز ،تأملتها
للحظه ،اشعلت سيجاره ثم أخرجت هاتفى واتصلت بوسام
تعالى خد مراتك.
سألنى ليه
قلتله اصلها نامت واحنا شغالين وقفلت السكه، كان الصبح على وشك الأقتراب ونسيم القاهره الخريفى يشد رحاله عندما استقليت سيارتى ،قدتها بوهن نحو الفيلا.
لقيت كارمن نايمه لما وصلت، ولم اطق النوم جوارها ،غيرت رأى ونمت فى الرواق.
كانت احسان اول شخص بيفتح عنيه فى الفيلا، حركتها فى المطبخ، احسان تمارس عملها بضمير مزعج.
اكتر من مره سالت نفسى ليه بتخدم بجهد رغم أنها تقدر تطلب منى اخفف مسؤوليتها ؟
لأنها تملك دليل اهانه ملتف حول عنقى يمكنها من طلب ما تشاء.
فتحت عيونى وشفتها شغاله فى المطبخ، اعتدلت وولعت سيجاره
قالت طيب غير ريئقك على الاقل
هتشرب سجاير من غير فطار ؟
قلتلها اعمليلى فنجان قهوه حاسس بصداع، السهره امبارح كانت طويله وبذلت فيها مجهود جبار.
همست ربنا يعينك الشغل صعب، كدت اضحك ،معقول احسان هتدعى ليا من قلبها ؟
وكانت لدى رغبه فى الاستمتاع ،قلت هبه احتك دى مشكله
انتصبت اذنها لكنها لم تغير ملامحها
كانت سهرانه معايا لحد الصبح
واحسان تعرفنى جيدا وتعرف ما يعنيه بقائى مع أنثى لطلوع الشمس
قالت احسان، كلكم شبه بعض ،هى الطيور هتقع على غير أشكالها ؟
زدت من نبرتى الساخره، انا طلبت من وسام يجى ياخدها من الشقه عشان كانت نايمه وسكرانه
قالت احسان يا جبروتك يا اخى، انت انسان قلبه ميت
الواحد لازم يعملك الف حساب
دفعت دخان سيجارتى، بالعكس يا احسان قلبى مش ميت ولا حاجه، لكن لسه ملقيش الشخص إلى يستحق يدق عشانه
ابتسمت احسان بسخريه ولا عمرك هتلاقيه، انت ربنا اداك كل حاجه ورغم كده مقلتش الحمد لله
عايشها بالطول والعرض، مستغل، طفيلى ،كداب، ناسى ان النهرده دنيا وبكره آخرة
قلبك إلى مدقش وهو بيظلم انسانه ضعيفه وياخد حقها عمره ما هيدق، انت انسان عديم الشرف يا عمر ونهايتك هتكون مأساويه
ورعبنى كمية الصدق فى نبرتها، فكل كلمه خرجت من فمها شقت صدرى حتى وجدتنى اترنح
رغبت ان ترحل من آمام وجهى حتى لو طلبت كل أموالى إلتى جمعتها فى الشهور الاخيره
كانت احسان نقطة الضوء النقية فى محيط حياتى الأسود
غسلت وشى من الحوض ، على فكره يا احسان وجود ابنك معانا أفضل حل واختيار
عايزه ابنك يطلع زيك ؟ فقير، ضعيف، مكسور ؟ معانا هيلاقى المال والعزوة حياته هتتغير ويمكن بالصدفه بعد وفاتنا يعرف انك امه فينتشلك من الفقر
إبنى مش ممكن استبدله بكل فلوس الدنيا يا عمر
وش فقر همست من مكانى، واحده زيك عاشت كل حياتها خدامه هنتظر منها ايه ؟
تبقى مديرة شركه مثلا ؟
قالت احسان وهى بترص الأطباق ،ليه مينفعش اكون زى هبه ؟
انتفضت فى مكانى وقلت تقصدى ايه ؟
قالت احسان الشركه إلى انت عملتها من ورا ضهر كارمن ومن خيرها
قلت عرفتى أزاى ؟وركزت عنيه فى عنين احسان ،مين وصلك المعلومه ؟
قالت احسان مش مهم انا عرفت أزاى، المهم طالما انا عرفت كارمن هتعرف وغيرها هيعرف
وكان علي ان أوجه الحقيقه بعدما أصبح كلامى مع احسان على المكشوف
وانتى ليه مقولتيش لكارمن رغم انك بتعتبرينى عدوك الأكبر ؟
كنت عملتها من زمان يا عمر، انا مليش مصلحه أوقع بينك وبين كارمن، كل إلى عايزاه أفضل جنب إبنى مش اكتر
وكنت اعرف انها لا يمكن أن تكون صدفه ،ان تفتح احسان عيونى على خطر محدق دون أن تقصد للمره الثانيه خلال شهور بسيطه، خطر كفيل يدمر حياتى
انا لا اؤمن بالصدف إلتى تتكرر اكتر من مره ،فكل صدفه هى موعد مبطن.
لكن كيف لأحسان ان تفعل كل ذلك دون قصد؟
ومن يكون عينها فى الشركه ؟
الشخص الذى جندته احسان يلزمنى اكتر من احسان نفسها
قلت على فكره يا احسان هبه صوتها نسخه من صوتك
فوله وانقسمت نصين
بصت احسان ناحيتى وقالت عمر ملوش لازمه الكلام ده
لم ابالى بكلام احسان وقلت بنبره سامة
عندى احساس ان وسام عنده مشكله صحيه
قالت احسان اى راجل بيغرى ست بيقول نفس الكلام يا عمر
الكلام القذر نسخه مكرره فى مليون قصة خيانه
قعدت اضحك بعلو صوتى ،تصورى يا احسان انتى مش بالغباء إلى كنت متوقعه
اه والله انتى لماحه جدا وذكيه ومكاره لئيمه تنفعى تكونى مسؤلة الصفقات فى شركتى الجديده
اعتقد كل الصفقات إلى هتعمليها هيكون ليا فيها مكسب مهول ثم استدرت فجأه وأصبح وجهى فى مقابلة وجه احسان، وهمست بنبره ثابته ،اعتقد انتى عارفه انا اقصد ايه كويس، انا بقيت شاكك انك اصلا عارفه ان وسام عنده مشاكل صحيه!؟
تغيرت ملامح احسان واصبحت جاده ،وفر كلامك القذر لنفسك يا عمر انا مش مستعده اسمع قصص نزواتك
قلت باندفاع من اول يوم جواز وحياتك
اصل فيه حكايات مش لازم تتقال بالكلام ،العين مش بتكدب ولا الجسم ولا الاهات
وصلنا صوت خطوات كارمن على السلم ، قلت بسرعه فكرى فى عرضى يا ام بدر، انا هوظفك مديرة التعاقدات فى الشركه
ابتسمت احسان لأول مره من غير خوف فى حضور هالة كارمن السلطويه وقالت وانا موافقه.
بتككلمو فى ايه ؟
انا شايفه الابتسامات ماليه وشكم ؟
كان صوت كارمن المجلجل يتردد صداة فى الرواق الواسع
قلت وانا بلبس البدله كنت بعرض على احسان تتولى مسؤلية الصفقات فى الشركه!!
تجمد وجه كارمن، رحل منه الدم، حلت صفرة الليمون محله
تيبست اطرافها وشعرت ان شلل رباعى اصاب جسدها
وعندما نظرت تجاه احسان ورأيت ملامحها الثابته البعيده عن الخوف عرفت ان هناك شيء تغير، شيء كفيل ان يقلب الطاوله رأسآ على عقب واندهشت اننى ايضأ لا أشعر بالخوف
وأكثر من ذلك انتى مستمتع
مستلذ بتشككات كارمن المرتبكه ،المرأه إلتى لطالما كانت مستبده صارمه، إلتى كانت تملكنى.
علقت كارمن، دى نكتتة تسعه الصبح صحيح يا عمر؟
اعمليلى فنجان قهوه يا احسان
ابتسمت، طبعأ نكته يا كارمن معقول احسان بوشها الفقرى المخلبط تنفع تكون حتى نادلة فى المكتب ؟
دا كل العملاء هيربو من الشركه انا مش قادر اتخيل احنا استحملناها ازاى لحد دلوقتى ؟
ولم ترد احسان كعادتها، كانت تعلمت كيف تتقبل الإهانات
والأكثر ازعاجآ اختيار الوقت الملائم للرد عليها.
وقبل خروجى حذرتنى كارمن عمر مش عايزه اسمع الكلام دا تانى فى الفيلا حتى لو كان على سبيل المزاح
متنساش احنا مين وهى مين؟
لحسن تنسى نفسها وتعتقد انها واحده من اهل البيت
وكانت المره الاخيره إلتى اسمح فيها لكارمن او اى امرأه ان تفرض رأيها على
الغريب انى داخل سيارتى لم تفارقنى الفكره، احسان مديرة التعاقدات فى الشركه
وشعرت اننا سنشكل ثنائى رائع واننى اذآ نجحت فى استمالتها سأمن عقابها الذى اعرف انه سوف يأتى لا محاله
كانت نظرات احسان وصمتها يرعبنى أكثر من ضابط شرطه قبض على متلبسآ بجرعة مخدر.
لما وصلت الشركة ،وسام ركض خلفى تجاه المكتب
عمر بيه بعتذر لحضرتك، هبه مراتى هتتأخر شويه على الشغل لأنها نامت متأخر وحاسه بالتعب شويه
قلتله الف سلامه مالها؟
قال مش عارف لما اخدتها من الشقه كانت فى حالة سكر
وصداع ومقدرتش افوقها من النوم
مراتك بتشرب كتير يا وسام حاول تمنعها
قال وسام حاولت كتير، لكن الوضع مش ذى ما انت فاهم
اعتقد هبه هتبطل لما تقرر تبطل مش هقدر اغير قناعتها
قلتله مش مشكلة ،هبة خدمة الشركه كتير ومش هتيجى على يوم او يومين او حتى شهر تغيب فيه عن الشركه
انسحب وسام محو مكتبه الساعه كانت تسعه الصبح
كلمت هبه وكانت نايمه
قالت مش هقدر انزل الشغل النهرده اسفه
ولا يهمك، المهم تكونى بخير وسام قلقنى عليكى
قالت انا بخير لكن مزاجى متعكر حبتين هبقى كويسه يا عمر بيه.
قلتلها على فكره لما تستعيدى صحتك فى قرار مهم لازم تكونى حاضره فيه
قالت قرار ايه؟
قلتلها هتعرفى فى وقتها لانى لسه بفكر، خلى بالك من نفسك سلام.
كان مستشارى الخاص يعمل على تنفيذ ما طلبته منه
فى حال إعلانى عن شركتى رسميأ لتصبح تحت ادارتى
ربما توجه ضدى تهم اختلاس او سرقه ،كارمن مش بتتنازل عن حقوقها وكان لازم آمن نفسى كويس قبل الانفصال الرسمى...