رواية مجنونة الأسمر الفصل السابع 7 بقلم سماء احمد
جلست ناني على ركبتيها أمام والدتها الجالسه بحزن رأسها تكاد تنفجر من كثرة التفكير، لا تعرف شيء سوا أنها هكذا سوف تظلم واحدة من الاثنتين
ناني بدموع : يا مامي والنبي ساعديني انا بحب آسمر أكتر من جنان انا عايزاه
شيرين محاولة استيعاب ما تطلبه ابنتها : بتقولي ايه لا مينفعش دول هيتجوزوا كمان أسبوعين يا ناني أنتِ مستوعبة
ناني ببكاء : لا يا مامي انا عايزاه انا اللي بحبه وانا اللي المفروض اتجوزه
شيرين : وعرفتيه منين ده او شوفتيه فين دا المره اللي جيه فيها أنتِ كنتِ في رحله
بدأت تقص لها عما فعله وأنها بدأت تجمع صور له وتذهب لتراه وهو يخرج من عند جنان وانها تعرف عنه كل شيء والآخري في حاله صدمة
ناني ببكاء مرير : والنبي يا مامي ساعديني عايزة آسمر ولا أنتِ بتحبي جنان عني يا مامي دي جنان السبب في موت بابي
وعند هذا الحد ضغطت علي الوتر الحساس لتلمع أعين شيرين بالشر وتنسى أن الآخري ابنتها وقطعة منها لتبدأ في قص عليها خطة ناسيه كل شيء والسؤال هنا هل يوجد أمهات هكذا ؟!
في منزل معتز
جلس آسمر يسند بيديه على ركبتيه ثم تحدث منهياً هذا النقاش الذي ليس له داعي من وجهة نظره
آسمر بهدوء : خلاص انا قررت كتب الكتاب هنا تمام
جنان بتنهيد : تمام .. غلس أوي
آسمر بحدة : قولتي ايه ؟
جنان بغمزة : بعشقك
آسمر بغيظ : اعمل فيكي ايه يا بت شكلي قيل ما أتجوزك هـ .. استغفر الله العظيم
جنان محركه أكتافها بإستفزاز : وهو حد مانعك
آسمر وهو يقف : انا ماشي سلام
جنان وهي تمسك يده بلهفه : خلاص اسفه حقك عليا
انحنى قبل وجنتها ليغمز لها بطرف عيناه فابتسمت وحين ابتعد احتضنته فحاوط خصرها
آسمر : وانا بموت فيكي تعرفي عمايلك دي هتطلع عليكي بعد أسبوعين
أطلقت ضحكة رنانة لتردف : واهون عليك
آسمر بمرح وهو يقرص أنفها : ذي منا هاين عليكي الوقتي وأنتِ بتستفزيني
ودفن وجهه بعنقها يستنشق رائحتها كأنه يحفظها وهي تداعب شعره بحنيه يالله هل أخيراً سيتحقق حلمهم تنفس بقوة وابتعد مقبلا جبينها
آسمر : أتأخرت أوي همشي وهاجي بكره إن شاء الله
جنان بتنهيد : تمام
وقبلت وجنته فغمز لها وذهب عادت للكرسي وجلست تبتسم بهيام وجدت يد توضع علي عينها، مسكت اليد لتعلم صاحبتها فتحدثت بسعادة
جنان : ومين غيرك يا نصي التاني
ناني وهي تقبل وجنتها : وحشتيني
وقفت واحتضنتها لتبادلها بألم داخلي تولد حين وجدت لهفة أختها عليها فمهما حدث هي توأمها
ناني : بقولك يا جنان
جنان وهي نقبل وجنتها : قولي يا قلب جنان
ناني : تعالي نعمل شوية تحاليل اصل بصراحه ناناه خوفتني لما قالت إن جدو كان عنده كانسر والقلب سوا وعايزه اطمن عليا وعليكي اصل يعني أنتِ عندك القلب ف خايفه اكون انا.....
وضعت يدها علي فمها قائلة بلهفة وخوف : بطلي هبل بعيد الشر عنك انشالله انا وأنتِ لا يا ناني
ناني بقلق : أحم هتيجي ولا لا ؟
جنان : خلاص هغير واجي
ناني بإعجاب : صحيح حلو البرفيوم بتاعك
استنشقت رائحتها وضحكت ثم ذهبت فهي رائحته هو وعلقت في ملابسها، بدلت ملابسها وعادت لأختها تأخذها ثم اتجهت الفتاتان للمعمل المحدد
الدكتورة : طلع عندك كانسر
جنان بدموع : أيوه ومرحله أخيره وباقي في عمري اقل من تلت شهور دا اللي الدكتور قاله من التحاليل .. وأنا ذي الهبلة صدقت
الدكتورة باستغراب : مكنش عندك أدنى شك فيها
جنان بتنهيد : لا كنت بثق فيها ثقه عميا
الدكتورة : طب مفكرتيش للحظة مثلا إن الباقي من عمرك تعيشيه مع آسمر حتي لو قليل خالص
جنان : فكرت بس حبه ليا وحبي ليه منعني أكمل .. أنا مش أنانية
الدكتورة : يعني ؟
جنان : عشر شهور إلا اسبوع بالظبط عايشني في سعادة دموعي مكنتش بتنزل كنت في السما يبقي ليه هجرحه واخسره نفسي قولت يكمل مع توأمي احسن وهو مفكرها انا .. تفكير ستة ابتدائي صح ؟
ضحكت الأخصائية رغماً عنها لتردف : يعني خليتي ناني هي جنان بس كدة غلط أنه يتجوزك رسمي وفعلي أختك
جنان بمرح : ذكائي مكنش بيطلع غير في تصرفات منيلة بتأذيني .. اتصرفت وجوزته ليها
الدكتورة : طيب قوليلي مين اداكي الفكره دي اظن أنتِ ابرأ من كدة
جنان بتنهيد : مامي جات وفهمتني انها مسمحاني وبتحبني وهتبعتني لندن عند خالتي عشان اعيش اخر ايامي سعيده وفهمتني كمان إن أختي لو اتجوزته دا الحل وانا هبله كالعادة صدقت
الدكتورة : وناني ولا مرة ظهرت قدام آسمر ؟
جنان : تؤ كنت بغير عليه منها مش عارفه ليه وأما قولتله عنها كانت علي أساس جنان وقولتله انها طول عمرها عايشه في لندن بحيث إن انا هسافر وانا جنان اللي عايشه طول عمرها في لندن.