*__ البارت ده فيه تسريع وتسخين الأحداث ونقدر نقول إن الأحداث الساخنه هتبدء من البارت ده""* ♥️
وبعد أن صعدت فيروز علي سطح منزلها ومعها نجوي وأماني
نجوي: احكي بقي
فيروز: شوفي يا ستي عزب ديتي عيل فلاتي وسمعته زفت ومعجباني كده أصله وسيم شويه بس ايه خلص تعليم بالضالين أصله متجلع وعينه زايغه جوي عيل ملسلس عشان كده امي لبستني النقاب
نجوي: تصدقي انا اعجبت بيه وانا اللي هربيه
فيروز: بجي الست كامله كبيره العزبه وأمه معرفتش تربيه جومي تربيه انتي
نجوي: هتشوفي اصلي غاويه ترويض وحوش
اماني: يا بنتي ده كان معشم واحده بالجواز وأخوه الكبير قفشه وهو قاعد معاها راح مدبسه وخدو وراحو يخطبوها لكن ابوها يا عيني خاف عليها منه قام مجوزها لابن عمها وسفرها مصر
نجوي: بتهزري
فيروز: وانتي عرفتي منين الحديت ديتي
اماني: من ساجد حبيبي طبعا
فيروز: الله يسهله
اماني: وانتي ايه محدش زغزغ قلبك
فيروز: الصراحه هو فيه بس يا خساره متجوز
نجوي: مين ده
فيروز: فيكم من يكتم السر
اماني: يا اختي قوللي
فيروز: مهران ابو الليل
اماني: يخربيتك ده بيعشق مراته حرفيا وبيتنفسها
فيروز: عارفه بس جلبي اعمل فيه ايه
نجوي: موضوعك هوبلس كيس حاله ميؤوس منها
فيروز: المهم اوعي يا اماني ساجد يعرف اني هنا امي جايله اني ف مصر عند أهل ابويا عشان خايفه عليا من عزب
نجوي: وحياتك لاء ربيهولك احنا رايحين كمان شويه
فيروز: لكن قوليلي هنا انتي حبيتي مهران ده ازاي وله شوفتيه فين وكمان ده اكبر منك بكتير اوي
فيروز: براحه ايه شوفته ازاي ف يوم كنت رايحه المدرسه وهو كان راكب حصان جميل اوي وبعدين وانا ماشيه اتكعبلت وهو شافني فنزل من علي الحصان وقومني وطبطب عليا وقاللي محتاجه حاجه بس انا مرديتش عليه وطبعا كنت لابسه النقاب عشان كده معرفنيش
اماني: وهو يعني لو كنتي من غير النقاب كان هيعرفك انا عارفه امك عامله فيكي كده ليه
فيروز: بتقول خلينا مداريين المهم زي ما اتفقنا لو ساجد أو هيفاء ساءلو عليا انا عند أهل ابويا ف مصر
نجوي: طاب ماهي ممكن خالتي نجمه تحب تيجي تسلم علي امك
فيروز: معرفش بجي ابجو اساءلو امي
اماني: بس خالتي ملهاش حق تخاف عليكي اوي كده انا شايفه كده أن في حاجه تاني اصل اللي بتقوليه ده مش مبرر
فيروز: مش عارفه علي العموم زي ما اتفجنا وخلاص
وهنا يستمعو الي صوت رابحه
رابحه: اماني ياله امي بتنده علينا
وبعد ساعتين ها هم يصلون إلى قصر ابوالليل
اماني: ايه ده زي اللي بيجي ف التلفزيون معقوله في حاجه بالجمال ده كله
لتستقبلهم هيفاء
هيفاء: اهلا باءعز الحبايب منورين
نجوي: اتاريكي قاعده هنا ومش عايزه ترجعي مصر
نجمه: يا مرحب يا حبايبي وحشتوني
وهنا يخرج عليهم عزب أيضا ليقول
عزب: يا مرحب بمصر وناس مصر والحلوين اللي جايين من مصر نورتو
نجوي: مين ده يا هيفاء
هيفاء: عزب اخوي اجمل شباب البلد كلها
لتنظر له نجوي
نجوي: اه طيب
عزب: ايه مش عاجبك
نجوي: وانته تعجبني بتاع ايه انته حاجه غريبه
عزب: مالك يا بت في ايه
نجوي: الزم حدك معايا يا بتاع انته
وهنا ينزل ساجد أيضا ليقول بفرحه
ساجد: وحشتوني
اماني: انته اكتر
نجوي: ايه يا رخم كل ديه غيبه
ساجد: غصب عني يا قلبي
عزب: ايه البت الرخمه اللي شايفه نفسها ديه
ساجد: ايه يا حضره المحاسبه اخبار البنوك ايه علي حسك
لضحك نجوي
نجوي: ايه محتاج قرض
عزب: قرض ايه انتي عاميه ومعرفاش هو واد مين
نجوي: وانته مالك يا سمج
عزب: شايفه نفسك علي ايه انتي
نجوي: معندكمش رش مبيدات يا فيفو
هيفاء: أخص عليكي ده اخويا حبيبي
نجوي: طاب هاتيلي عصير وله حاجه احسن الجو ينشف الريء
وهنا تدخل عليهم كاملة
كاملة: يا صلاه النبي علي المولد اللي اتنصب ف بيتنا
نجمه: يا اختي تعالي سلمي علي الناس ورحبي بيهم
كاملة: اه مرحب نورتو
رابحه: مالها ديه
لتضحك نجمه
نجمه: ديه ضرتي
رابحه: اه الست كامله عارفاكي انا
كاملة: عارفاني منين إنشاءالله
رابحه: المرحوم نصار بيه كان دائما ف سيرتك بالخير طبعا
كاملة: داهيه تجحمه مطرح ماراح
عزب: اما
كاملة: ادينا سكتنا
وهنا يدخل عليهم شديد مسرعا
شديد: الحجوني مهران بيه عمل حادثه هو وست الهام ونجلوهم علي المشتشفي
لتصرخ كاملة
كاملة: ولدي يا ضنايا يا حبيبي
ساجد: ياله بينا علي المستشفي
ليستقلو سياراتهم الي المشفي وبعد أن وصلو تحدث عزب مع الطبيب
الطبيب: مش عارف اجولك ايه يا عزب بيه الست الهام تعيش انته ومهران بيه عنديه شويت كسور بس حالته مش صعبه
عزب: معايزش اي حد ياخد خبر باللي حصل
مدير المشفي: طبعا يا افندم المستشفى بتاعتكم وانتو احرار
عزب: عايز اطمن علي اخوي
الطبيب: اتفضل يا افندم
كاملة: ولدي اشوف ولدي عايزه اطمن عليه
عزب: حاضر يا اما تعالي معايا بس من غير متتكلمي
وهنا يدخل عزب ووالدته الغرفه علي مهران
مهران: بتعب الهام عامله ايه
عزب: بخير
مهران: ووادي
عزب: بخير انشاء الله
وهنا تدخل عليهم الممرضة
الممرضة: الف حمدالله على السلامه والبقاء لله ف مرت حضرتك والجنين
مهران: بتعب انتي بتجوللي ايه
عزب: الله يخربيتك غوري من هنيه
مهران: مرتي مرتي ليقف وهو يتاءلم بشده ليخرج من الغرفه ويخرج عزب خلفه وكامله خلفهم
ليجري مهران علي غرفه زوجته ليجدهم واضعين الغطاء علي وجهها
مهران: ليصرخ الهام جومي يا الهام جومي يا حبيبتي جومي يا ضي عيني جومي يا ام الواد طاب انتي هملتيني لمين طاب انا هعمل ايه من غيرك طاب جومي روحي معاكي ياله جومي بجا ما انا مش هروح من غيرك اه يارب خدني جارها مش هعرف اعيش من غيرها
لتنظر إليه والدته بحزن ثم تسقط مغشي عليها
عزب: اما اما حد يلحجني
اما مهران فهو ف دنيا اخري ممسكا بيد زوجته وهو يصرخ
مهران: الهام جومي بجا انا مش هروح من غيرك انا جيت بيكي وهمشي بيكي يا جهره جلبي عليكي
ليدخل عليه ساجد
ساجد: مش كده يا اخوي خلي ايمانك بربنا كبير حرام عليك ده اعتراض على أمر الله الهام راحت عند ربنا هيا والطفل اطلبلها الرحمه وربنا يصبر جلبك ويجازيك عنهم خير
مهران: بحزن شديد ودموعه تغرق وجهه ولحيته بتجول ايه انته الهام عايشه وهتجوم تروح معاي مش كده يا الهام مش انتي هتجومي تروحي معاي
وهنا يدخل عليهم الطبيب
ساجد: اعمل معروف اخوي هيروح مني اديله حقنه مهديء عشان يهديى
الطبيب: حاضر حالا
مهران: مش ها اخد حجن انا انا ها اخد مرتي واروح وعلي الله حد يجرب مني
ليؤمر الطبيب الممرضين أن يحملوه ثم يحقنه بالمهديء
ساجد: خالتي كامله حالتها ايه
الطبيب: للاسف الصدمه اتسببت لها ف جلطه افقدتها النطق والحركه
ساجد: لا حول ولا قوه الا بالله العلي العظيم
وبعد مرور أسبوع كان مهران جالسا في جناحه يسترجع ذكرياته مع زوجته ثم يقول
مهران: وغلاوتك عندي ما هرحم اللي عمل كده ولا هرحم حد خالص من النهارده هيشوفو وش تاني لمهران أبو الليل
ليمسح مهران دموعه ويغير ملابسه وينزل الي أسفل ليجد إخوته وزوجه ابيه يجلسون
مهران: بحده عزب جهز حالك عشان عربيه الديش هتاجي تاخدك
عزب: ليه
مهران: بكفاياك جلع لازما تبجا راجل هتخش الديش ايه وانتي يا خاله نجمه عايزك تخدمي امي لغيت منجيبولها ممرضه ثم يصيح باءعلي صوته شديد يا شديد
ليدخل شديد مسرعا
مهران: اجري علي الجامع خلي الشيخ يجمع أهل العزبه
ساجد: خير يا اخوي
مهران: من يوم موت الغاليه ومافيش خير ولا هيبجي فيه خير خلص يا شديد واجف ليه
شديد: حاضر جنابك
اما فيروز فكانت تتحدث ف الهاتف مع نجوي وأماني
فيروز: مشيتو بسرعه جوي
نجوي: يا شيخه وشنا كان وحش عليهم اوي
اماني: استنو ساجد بيتصل بيا
نجوي: خليه يرن عليا وندخله معانا ف المكالمه
اما في جهه اخري نجد أن فايزه تجلس وتتحدث بفرحه
فايزه: عافيه عليك يا سعيد نفذت من غير ما حد ياخد باله منك جدع ولدي عايزاك بجي تتصل علي بت خالتك عشان ناخدوها ونروحو السرايا لعمتك جال عشان تخدمها وهيا هتشاغل مهران وانته عايزاك تشاغل البت اللي اسميها هايفه ديه وكده كده عمتك خلاص وجعت
وهنا يصدح صوت ميكروفون الجامع الكبير
شيخ الجامع: اسمعوا يا اهل العزبه مهران بيه عايز يجولكم كلمتين
ليتحدث مهران
مهران: اسمعوني كويس عشان اللي هيخالف اوامري جزاته عندي الحرج وهو حي من النهارده مافيش جواز ولا خلفه والشغل ف الأرض هيبجي من جبل الفجر لغيت بعد العشا واللي عايز يجرب ميسمعش كلامي يجرب ابجي اشوف أو اسمع أن حد اتجوز أو خلف من النهارده الحكم بالحديد والنار وكل الجوامع تتجفل