عقيله: حمدالله على السلامه يا ست ام مهران
كاملة: الله يسلمك
اما في بلده أهل فيروز كانت شوق ترتب لكل شيء
محسب: طاب وانتي هتعرفي ظروف الناس هناك كيف
شوق: وانا مهبله زيك اخوي بجاله يومين ف عزبه ابوالليل عشان يجيبلي الاخبار
صباح: بدير شاطر وبيلعب بالبيضه والحجر وهيعرف يبلغنا بكل حاجه
وهنا يتصل بدير علي شوق
صباح: واد حلال ردي عليه
شوق: ايه يا جلب خيتك
بدير: جيبتلك الاخبار كلها وعرفتلك كل حاجه عن عزبه ابو الليل بس البت وامها مش موجودين بس بيجولو في خدامه جديده راحت عزبه أبو الليل هحاول اعرف هيا مين عشان شاكك أنها هيا فيروز ديه اصلهم بيجولو امها معاها
صباح: والله تلاجيها ما هو اصل عجيله ديه مبدوعه وبتاعت حركات ومحدش يجدر عليها
محسب: ليه يعني هيا مين ديه مهبله
لتضحك عليه شوق
شوق: مهبله اهي المهبله ديه لفتك وضحكت عليك يبجي مين اللي مهبل يا اخره صبري كانش الموت جادر ياخدك انته بدل شفيج المعجباني
محسب: متجطعي بجا وكفاياكي رط داهيه تاخد كل الحريم اللي من عينتك
صباح: يا حلاوه عليكم سايبين كل حاجه ومالنا اللي هيتاخد من حتت عيله صغيره وجاعدين تناجرو ف بعضيكم جاتكم الهم وجعتو مخي
شوق: لمؤاخذه خلينا ف موضوعنا اصل اخوكي ياكل المخ المهم هنروحو ميته عزبه ابو الليل
صباح: كد شوي كده نروحو منها لله امك علي اللي عملته فينا
محسب: خلاص بجي
شوق: علي اخر الزمن هنضربو الودع
لينظر لها محسب
محسب: علي اساس انك كتي دكتوره ما انتي كنتي بياعه خضار ربنا ياخدك خليتي امي تموت وهيا غضبانه عليا
شوق: جطعه تجطعك انته وامك ياكش تحصلها يارب
محسب: ما هو خشمك المر ديتي اللي مكرهني فيكي الفجل الجرجير تعالي يا صبيه اشتري مني الخضره تخليكي عفيه نسبتي اصلك يا بت المصدي يا بت ده انتي ابوكي جوزك ليا بعلبه سجاير
شوق: اخرس جطع لسانك يا عويل ده انا جوني عمد ورفضتهم ووجعت فيك انته يا عره الرجاله يا واكل ناسك
صباح: لما هروح انام ولما تخلصو جله ادبكم ديه ابجو صحوني ومرحاش انا ف مكان وخليكم كده كلو ف بعض
محسب: محاولا تلطيف الأجواء ده احنا بنهزو يا خيتي وانا الاجي فين زي ام عدي ست الكل
شوق: حبيبي يا ابو عدي
صباح: مجانين هجول ايه
شوق: ياله تعالي نجهزو عشان نروحو نشوفو شغلنا وانا هعلمك كيف تضربي الرمل والودع وتشوفي البخت اصل خالتي كانت شغاله كده
محسب: اه عارفها عوالي الحلبيه جاتك داهيه فيكي وف ناسك كلهم حلب
شوق: اسم علي ناسك انته يا اخوي
وهنا يدخل عليهم عدي ولدهم
عدي: ايه يا جماعه مالكم
محسب: مافيش امك بس بتتجلع عليا
عدي: طيب عايز فلوس
شوق: ما انته لساك واخد فلوس
عدي: صرفتهم
محسب: اديله خليه يصرف ويعيش
صباح: والله الواد ديتي بايظ ومش نافع
عدي: خليكي انتي ف حالك يا عمتي خليكي محضر خير ومالك انتي انا حر فلوس ابوي وامي ده عجايب يا ولاد
صباح: خلاص انا مالي انتو حرين ياكش حتي تعملو ايه
اما في قصر ابو الليل فها هو مهران قد وصل ومعه أخيه عزب ليدخل عزب وهو علي كرسي بعجل
عزب: مكانش ليه لازمه الكرسي ديتي كان عكاز وخلاص
مهران: اسكت ساكت جاتك الهم اللي يساءلني اخوك حصله ايه اجولهم وجع عيل طري وني
عزب: سيبنالك انته الشجاعه عايز اطمن علي امي
مهران: بعدين مش دلوك دلوك تطلع علي جناحك تترزع فيه هنادملك علي شديد وعنتر يطلعوك عشان اشوف اللي ورايا
عزب: ورحمه ابوك افتح الجامع وارجع عن اللي ف راسك ورحمه الهام ارجع عن الشر يا اخوي
مهران: طيب هخلي خواتك يجعدو معاك
عزب: ربنا يخليك لينا
مهران: اعمل ايه ما انته حلفتني بالغاليه تعالي ادخلك عند امك
ليتقترب مهران من باب غرفه والدته ليفتحه ليجد فيروز تجلس بشعرها أمام المرآة وهيا تغني اه يا اسمراني اللون حبيبي يا اسمراني عشانك امشيها بلاد من غير مايه ولا زاد
لينظر لها مهران بانبهار
مهران: انتي مين يا بت وبتعملي ايه هنا
لتنظر له فيروز بخوف
فيروز: انا انا
لتتحدث كاملة
كاملة: هملها يا مهران
مهران: اما انتي بتتكلمي
عزب: حمدالله السلامه يا اما
كاملة: الله يسلمك يا ولدي مالك سلامتك ايه اللي جرالك
لينظر عزب لمهران
عزب: مالك متنح كده ليه للبنيه
مهران: مين ديه يا اما جبل ما افجد اعصابي
كاملة: ديه فيروز الخرسه والطرشه
مهران: يا سلام بجي الخرسه طلعت بتتكلم والمجلوطه بتتكلم وتتحرك ايه في معجزه حصلت ولا ايه يا سلام ده انا كت مغفل بجي علي كده بتلعبي علي ولدك يا اما بعد ما موتي مرته بدعاويكي عليها راحت وراح ولدها مش عارف انا انتي ام ازاي ضيعتي مني اجمل حاجه ف حياتي مرتي ونور عيوني وله ولدي ضنايا اللي راح جبل مايتكون ف بطن أمه بلسانك المر
فيروز: بعصبيه ما كفايه حرام عليك امك انته ايه مرتك مكانتش حبله ولا نيله
مهران: بتجوللي ايه انتي جطع لسانك
فيروز: ايوه مرتك مكانتش حبله وكانت بتضحك عليك عشان كانت طمعانه فيك وكمان كانت متفجه مع الدكتور علي كده
مهران: انتي مين اذنلك تتكلمي وبعدين ايه الكلام اللي بتجوليه ديتي وعرفتيه منين
كاملة: عرفته مني يا ولدي
مهران: للدرجه ديتي كرهك ليها يخليكي تاءلفي حواديت
كاملة: جسما بالله العظيم ديه الحجيجه
مهران: كيف يعني يعني انا كنت عايش ف وهم
كاملة: انا مش هعرف احكي لك اي حاجه دلوك عشان مرت اخوي هيا السبب ف كل حاجه
مهران: كيف
كاملة: لازما فايزه تمشي من الجصر دلوك وانا هجولك علي كل حاجه
مهران: هروح اطردها
كاملة: له تطردها له كده هتفهم أننا عرفنا حاجه اسمعني زين انته هتشيعها هيا وخالك وولدها يروحو بيتنا التاني اللي علي اول البلد وتخليها تاخد جريبتها معاها وتفهمها انك هتتجوزها بس ف السر
مهران: كلام ايه ديتي يا اما
كاملة: اسمعني بس البت هتجولك أنها حبله منك
مهران: ايه الجنان ديتي
كاملة: انا سمعتهم وهما بيتكلمو وأوعاك تجول اني مش عيانه ولا حتي تجيب سيره فيروز ف حاجه فهمت
مهران: اما اشوف اخرتها معاكي هما فين دلوك
كاملة: ف اوضه السفره وكامل معاهم روح بس واتعامل معاهم زين
مهران: طيب بس والله لو كلامك صح ما هرحمهم
كاملة: طاب روح طيب