رواية صاعقة الحب الفصل السابع 7 بقلم جمال المصرى


رواية صاعقة الحب الفصل السابع 7 بقلم جمال المصرى


بسم الله ولا حول ولا قوه إلا بالله 

يحيي بيطلع بره سامي ايه الدنيا . سامي  متقلقش كل حاجه تمام و مفيش مخلوق ممكن يتجراء يقرب من هنا يا يحيي. يحيي تسلم يا ابن عمي المهم انا عايزك ترجع البلد وفي اسرع وقت . سامي ازاي ارجع وسيبك يا يحيي مستحيل طبعا انا معاك لحد الحكايه دي ما تخلص . يحيي ما تقلقش عليا انا هعرف اطلع من الحكايه دي بس لازم تكون في البلد دلوقت انا مش عارف الكلاب دول ممكن يفكروا في ايه . سامي هيفكرو في ايه هما مش مجانين عشان يفكروا يعملوا حاجه في سوهاج . يحيي دول اخطر بكتير من اللي كنا متصورينه وعشان كده لازم تكون هناك عشان تتصرف بحكمه . سامي خلاص انا هنزل الصعيد دلوقت والرجاله معاك لو في اي حاجه كلمني . يحيي حبيبي  يا باشا يلا توصل بالسلامه . سامي الله يسلمك وبيمشي علي طول وبياخد عربيته وبيطلع علي الصعيد اميره بتطلع بتلاقي يحيي واقف بره بعد ما سامي مشي انت واقف ليه في البرد ده . يحيي ولا حاجه كنت بشوف الرجاله انتي طلعتي ليه . اميره بصراحه قولت اطلع اتمشي شويه . يحيي خلاص تعالي نتمشي سوا. اميره اذا كان كده  مفيش مشكله . يحيي كنت عايز اسالك سؤال . اميره اتفضل وانا كمان عايزه اسالك سؤال . يحيي اتفضلي اسالي الاول .اميره لا انت الاول وهما الاتنين فى نفس الوقت مع بعض في حد في حياتك الاتنين سكتوا وضحكوا يحيي بصراحه لحد ما شوفتك ماكنش في حد بحياتي وانتي . اميره وانا كمان زيك عمري ما حبيت لحد ما قابلتك واول ما عيني جات في عينك حسيت بصاعقه هزت قلبي وكل حاجه فيا انا بحبك يا يحيي . يحيي قرب منها وانا بعشقك يا اميره . اميره وهي بصه في الارض انا مش عارفه انا قولت كده ازاي لو في ظروف غير دي مستحيل كنت اعترف لك بحبي لكن في ظروفنا دي انا مش عارفه ايه اللي ممكن يحصل من وقت  للتاني ولو حصلي حاجه هكون سعيده اني معاك . يحيي قاطعها اوعي تقولي كده تاني انا ما صدقت ما لقيتك ومش هسيبك تضيعي مني مهما حصل الحب الحقيقي بيجي مره وحده للانسان وأخيرا جاني انا حاسس اني عامل زي الطفل الصغير  وانا معاكي انتي حركتي قلبي وكل مشاعري يا اميره . اميره ده نفس احساسي انا من المستحيل اني كنت اتخيل اني ممكن احب بس انت جيت غيرت كل حاجه من اول نظره وانا بقيت مش شايفه غيرك انت بقيت كل حياتي وربنا يحفظك ليا . يحيي انا بحبك اووي يا ميرو . اميره وانا بعشقك يا يحيي يا اجمل وارق انسان في الدنيا انا مش عارفه حبيتك ليه وزاي في وقت الخوف هو اللي كان مسيطر عليا بس انت جيت غيرت الخوف  بالامان ومليت قلبي بحبك يا اعظم انسان . يحيي اشهد الله انك هتكوني زوجتي وحبيبتي واختي وامي وكل حاجه ليا .اميره وانا اشهد الله انك هتكون اخويا وابويا وجوزي وحبيبي وكل دنيتي . يحيي بيمسك ايديها بقوه وهي كمان بتمسك ايديه بقوه وهما بيبصه في عيون بعض ويحيي انتي مش بردانه . اميره وانت معايا مش بحس لا ببرد ولا خوف ولا حزن انت كل حاجه في حياتي يا يحيي . يحيي بداء يحس انه خلاص مش قادر يسيطر علي نفسه وانه عايز يحضن اميره طاب يلا نرجع زمان معاذ ورنا مستنينا . اميره ماشي يلا بينا ويمشوا سوا وهما عيونهم علي بعض لحد ما بيدخلوا . معاذ ايه كنتو فين ده كله . يحيي كنا بنتمشي شويه .اميره بتقرب من رنا و بتاخد علياء وبتلعبها ورنا ومعاذ بصوا  لبعض ومستغربين من السعاده الي كانت ظاهره علي وش يحيي واميره . الرجاله دخلو البيت عشان ياخدو اخت يحيي ودخلو الاوضه وبيقربو منها عشان يرفعوا الغطاء و يخدروها وواحد منهم يمسك البطانيه و يشدها عشان يفاجئ ان مكان اخت يحيي محطوطه مخده وهنا بيحسو انهم وقعوا في كمين وحاولوا يهربوا لكن اول ما بيطلعو من اوضتها بيلاقو الرجاله محاصراهم ويمسكوهم و ينزلوا فيهم ضرب عدموهم العافيه و رنو علي سامي قالو له وسامي رن علي يحيي وقاله اللي حصل ويحيي طلب منه يحبسوهم عندهم و يجيبو رقم اللي بعتهم وفعلا سامي يطلب من ولاد عمه ياخدو منهم رقم اللي بعتهم وبيحبسوهم في جنينه ملك سامي بعد ما كسروهم ضرب . نجلاء بترن علي يحيي . يحيي السلام عليكم . نجلاء وعليكم السلام ورحمة الله وبركاته انت بخير يا يحيي . يحيي بيطلع  لبره انا بخير يا نوجا المهم انتي كويس . نجلاء انا الحمد لله في نعمه بس خايفه عليك من الناس الي مسكناهم دول مين وعايزين ايه منك . يحيي لما نتقابل هقولك يا حبيبت اخوكي المهم خلي بالك من نفسك . نجلاء ما تقلقش اختك بمية راجل ولو جيش قدامي مش هيعرف يعمل حاجه معايا . يحيي عارف اني عندي اخت بمليون راجل وانا في اقرب وقت هكون عندك . نجلاء ماشي يلا لا إله إلا الله . يحيي محمد رسول الله  ورجع قعد جنب معاذ . اميره وشها اتغير هي مين دي يا يحيي . يحيي دي نجلاء اختي حاولوا يخطفوها . اميره واقفت وحصل ايه . يحيي ولا حاجه كلهم مرمين عندنا لحد ما شوف هعمل ايه فيهم  اميره لا كده الحكايه زادت عن حدها انا هروح اسلم نفسي ليهم الاول رنا ودلوقت نجلاء ومش عارفه بكره هيكون مين كمان وبتمشي ناحية الباب لكن يحيي بيمسك ايدها احنا اتفقنا اننا هنكمل سوا ولا نسيتي اميره ما نسيتش بس انا بتعذب لما بشوف حد بيتاذي بسببي . يحيي وانتي هنا ليه مش عشان تنقذي واحد انتي اصلآ ما تعرفهوش انتي مش اشجع مننا والموضوع ده هنخلصو سوا يا اميره اتفقنا . اميره بتبصلو اتفقنا . سامي بيبعت الرقم  ليحيي . يحيي سامي بعت الرقم بكره نتكلم وبيحط التليفون علي ترابيزه قدامه ومعاذ ويحيي بينامو في اوضه ورنا واميره بينامو باوضه وبعد الكل ما نام كانت اميره لسا صاحيه وبتفكر في كل اللي بيحصل وان هي السبب في كل الي بيحصل ده ولازم الحكايه دي تخلص عشان هي مش هتستحمل حد يتاذي بسببها او ان يحيي يحصل له  اي حاجه فقررت ان هي هتروح برجليها وتسلم نفسها بشرط انهم يبعدو عن معاذ ويحيي ورنا و يتقفل الموضوع علي كده وفعلا بتتسحب بالراحه من جنب رنا وبتطلع من الاوضه و بتاخد مفتاح العربيه والتليفون وبتطلع بالراحه من البيت اللي كان وسط زرع و الرجاله بتحرسه اول ما شافوها حضرتك طالعه دلوقت فيه حاجه . اميره لا  مفيش حاجه بس مش جايلي نوم قولت اطلع اشم هواء  . بس الجو برد علي حضرتك . اميره هقعد في العربيه وبتركب العربيه ومره وحده بتشغل العربيه وتمشي بسرعه الرجاله بيصحو يحيي ومعاذ . يحيي ليه كده يا اميره . رنا هنعمل ايه يا يحيي اكيد اميره رايحه تسلم نفسها للكلاب دول هنعمل ايه حتي  مفيش عربيه تانيه كنا طلعنا وراها . يحيي انا كنت عارف انها هتعمل حاجه زي كده . معاذ والعمل ايه دي لو سلمت نفسها هيقتلوها علي طول وكده يبقا الدليل الوحيد الي ضدهم راح والمهمه باظت وحتي الشاهد الوحيد ما قدرناش نحميه . رنا انا حبيتها اووي لازم يكون فيه حل مستحيل نسيب اميره تموت . يحيي ساكت خالص و متعصب علي الاخر .اميره بتبكي سامحني يا يحيي ماكنش قدامي غير كده انا مش هتحمل انك تتاذي بسببي وطلعت التليفون ورنت علي الرقم الي طلع الدكتور منتصر . اميره انا اميره يا منتصر ومستعده اني اسلم نفسي بس بشرط . منتصر بفرح وايه شرطك . اميره توعدني تبعدو عن يحيي ومعاذ ورنا انا المسؤولة عن كل اللي حصل قولت ايه منتصر  موافق طبعا انا مشكلتي معاكي انتي وطول ما هتيجي يبقا نقفل الصفحه دي . اميره اجيلك فين . منتصر هستناكي في العنوان ده ....... اميره مسافة السكه وكون عندك منتصر رن علي تامر وطلب منه يجي بسرعه وفعلا جه تامر خير يا منتصر جايبني علي ملا وشي حصل حاجه .منتصر اخيرا اميره  جايه برجليها . تامر ازاي ده . منتصر بيضحك فاكره انها كده بتحمي اللي معاها ما انت عارف الناس الي بتحب تعيش دور البطوله وبتموت عشان غيرها يعيش . تامر قصدك انها جايه عشان نسيب اللي معاها. منتصر بالظبط كده .تامر ضحك دي علي نيتها خالص وهي فاكره اننا هنسيبهم . منتصر  تصدق هي غبيه اووي الاول هتموت هي وبعد كده هما عشان ما يبقاش في اي دليل ضدنا .تامر و هتيجي فين الغبيه دي . منتصر هتقبلنا في المنطقه الصحراويه دي وانا بعت الرجاله يجهزه القبر عشان ما حدش يعرف عنها حاجه شغل نظيف خالص .تامر بيعجبني فيك طيبة قلبك يلا بينا عشان عايز اشوف الغبيه دي اللي مفكره نفسها هتنقذ العالم . سامي ربط رجالة منتصر في الشجر ونازلين فيهم ضرب وهما بيصرخه . سامي اصرخه لبكره ما حدش هيسمعكم الارض كلها ملكي انا وما حدش بينزل فيها غير رجالتي اسمك ايه يا واكل ابوك انت . بيصرخ عتريس يا جناب البيه ابوس ايدك ارحمنا احنا غلطنا ومش هنعمل كده تاني توبنا لله . سامي وانا اعرف من فين انكم توبته بجد مش عايزين تهربو . والله يا جناب البيه احنا توبنا ودي اخر مره نعمل حاجه زي كده وهنقطع علاقتنا بالدكتور منتصر ده نهائيآ.سامي  انت متزوج . عتريس ايوه . سامي و الرجاله اللي معاك متزوجين .عتريس ايوه. سامي عشان اسيبكم لازم تنفذو كل طلباتي واولها كل واحد فيكم هيرن علي مراته و يخليها تجيب ولادها و تيجي ووعدكم مش هاذيهم قولتوا ايه . كلهم بصو لبعض وفي نفس واحد موافقين . سامي ادوهم تلفوناتهم يكلمو اهلهم عشان يجو والي يحاول يلعب خلصوا عليه  . معاذ بيرن علي تليفون يحيي واميره مش بترد .يحيي خليك رن عليها لحد ما ترد وبعد اكتر من عشر رنات بترد اميره ويحيي بياخد التليفون من معاذ ايه اللي بتعمليه يا اميره . اميره بعمل اللي المفروض كنت عملتوا من الاول يا يحيي انا بحبك وعمري ما عرفت الحب غير معاك ومش هفضل قاعده لحد ما شوفك بتموت بسببي . يحيي  مفيش حد هيموت يا حبيبتي هما الي هيموتو مش احنا ارجعي عشان خاطري ارجعي . اميره خلاص ما عدش ينفع سامحني يا يحيي وخليك فاكر اني بحبك اووي اووي اووي وبتبكي . يحيي بالله عليكي ارجعي انا مش هقدر اعيش من غيرك صدقيني لو حصلك حاجه انا هموت وراكي بلاش تعذبيني انا ما  صدقت ما لقيتك يا حبيبتي ارجعي قبل ما تنهي حياتي معاكي . اميره وهي بتبكي اللي هيحصل هو الصح وانا بحبك اووي اووي وربنا يشهد انك اول حب واخر حب في حياتي وتنزل التليفون من علي وشها وهي بتبكي وبتقفل السكه  

عباد_الله_وحدو_الله.


                   الفصل الثامن من هنا 

           لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة