
لم تشعر احسان خلال الأيام إلتى مضت ان العمل المكتبى ربما اخذ صحتها واصبحت انحف لكن ملامحها رقت
اختفت الخشونه من يدها من طول الكنس والمسح وغسيل الاطباق والطبخ ،تلك البيئه إلتى كانت تنحر جلدها وجسدها أصبحت من الماضى، استعادة احسان اناقتها الجامعيه وكانت تختار ملابسها بعنايه ولم تتخلى عن حشمتها، أليوم اختارت رداء من ثلاث قطع قميص وجيبه وقطعة خارجيه بلون البنفسج ،كان حذائها لامع وعيونها مكحله واخفت الحبوب من وجهها
لم تكن احسان تود ان تغرى احد او تلفت انتباه اى رجل
كان لديها من الاحباطات فى الماضى ما يكفى وزياده
اليوم هناك حدث فارق للشركه ،عميل كبير من شركة كارمن طلب إجراء اجتماع وارادت احسان ان يسير كل شيء داخل الشركه بالمسطرة
كان مكتبها مرتب بعنايه تفوح منه روائح المعطر ،وكل الأوراق والبيانات إلتى تحتاجها معده مسبقآ
رحبت بالعميل المتردد كانت المره الأولى إلتى يطلب فيه عميل كبير فى السوق مقابلتها
وارادت ان تكسب ثقته فى اقل وقت
لذلك كان كلامها مرتب
افتتحت كلامها بما يرغب العميل فى سماعه لم تكن احسان من هواة تضيع الوقت
طبعا حضرتك عايز تعرف هتكسب ايه لما تسيب شركه مضمونه وتتعاقد مع شركه تانيه
دا من حقك
ثم عرضت المزايا، التوزيع مضمون ،كل صغار التجار والعاملين بالتجزئة عملاء لشركتها
يعنى بضاعتك هتتوزع من غير مصاريف ود شركة كارمن مش هتقدر توفره ليك
ببساطه لان الفكره كانت فكرتى من البدايه وكل حاجه رجعت لاصلها
رغم كده عشان انت اخترت شركتى انا هتنازل عن هامش الربح المستحق ،هتاخد البضاعه بنفس السعر من غير زياده
واكيد امن هتسأل نفسك ليه اعمل كده؟
وانا مش هلف ولا ادور انا عايزه اكسب السوق كله مش مهم عندى المكسب
أوراق الصفقه جاهزه على التوقيع واتمنى حضرتك ترشح شركتنا عند عملاء اخرين
وعارفه ان دا مش مهم لعميل كبير ذى حضرتك لكن كل شخص هيجى من طرفك هيكون ليه تخفيض وعموله تضاف لحسابك.
كانت احسان نجحت فى تخفيض سعر المنتج من المصدر
بالاعتماد على مواد اقل فى التكلفه، سر احتفظت بيها لنفسها
ابرمت الصفقه فى مكتب احسان
ولأول مره دخلت الشركه عالم السوق الضخم، فعميل كبير يوفر جهد ونفقات ،الكميه إلى بيطلبها تزيد عن حاجة الاف العملاء الصغار
وكل ما يهمها ان تظل خطوط الإنتاج تعمل بلا توقف
وان تبرم صفقات مستقبليه حتى نهاية العام
ان تضمن الاستقرار قبل أن تبداء فى المرحله التاليه
قامت بحملة دعايه واعلانات فى التلفاز والشوارع
ولمع اسم شركتها بين شركات المنافسين خاصه كارمن وعمر مهران ،وعندما سمعت اسم شركتها يتداول على منصات التيك توك والحسابات المدفوعه احست اخيرا بالانتصار
بعد شهور ستكون تلك الإعلانات مجانيه بعدما يشعر المشترى بجودة السلعه ستبيع السلعه نفسها
الدقه، كانت احسان حريصه على عدم وجود اى تقصير
واذا حدث بالصدفه كانت تحل المشكله وتقدم البديل بل وزياده النصف كانت الأخطاء بالنسبه لها اهم من الانتصارات
لأنها تكشف آمام عيونها النقاط إلتى غفلت عنها ذلك التفانى
والحرص على مقابلة كل عميل لديه شكوى أحدث نوع من الثقه والامتنان.
فتحى مدكور سابنا وراح لعلاء الدرملى يا عمر
نفخ عمر مهران فى الهاتف، قلتلك ركزى مع كل عميل
هو سابنا ليه ؟
التوزيع يا عمر
البيه عايز يشترى وبيبع ويوزع وهو مرتاح وانت عارف ان احسان اخدت منا السوق من تحت
لكن دلوقتى بدأت تكبر، فتحى مدكور مش مشكله انا خايفه لحسن باقى العملاء يختارو طريقه
بسيطه نصحها عمر كلمى فتحى مدكور وشوفى أحسان عرضت عليه ايه زغللت عنيه للدرجه إلى باعنا فيها بالراحه ؟
كلمته يا عمر، لكن للأسف طلع واطى مقلش اى حاجه مفيده
همس عمر التجار بتجرى ورا اى قرش زياده يا كارمن
لازم تعرف ساعة احسان بتباع بكام لحسن تكون بتحرق السوق علينا
ودى حاجه تخفى عليه يا عمر ؟
الهانم بتبيع بنفس سعرنا ،شايفه نفسها كبيره
عمر انت لازم تتصرف، انت وعدتنى تسحق احسان
البنت دى مش لازم تكسب حتى لو قتلناها
قتل ؟
ارتجف جسد عمر انا مليش فى الدم
ليه نسيت ماضيك يا عمر ؟
منستش حاجه لكن دا كان ماضى دلوقتى عندى ابن لازم اكون قدوة ليه
انا مش هوسخ أيدى مره تانيه مهما حصل يا كارمن
حذرتك من احسان والتقليل منها، قلتلك خديها فى صفك وانتى اخترتى الحرب
كارمن دى حربك انا براها
خايف على شركتك يا عمر؟
شركتك إلى احسان كانت سبب فى بقائها فى السوق ؟
إياك تفتكرنى عبيطه يا عمر!!
انا كنت عارفه انك انتشلت احسان من خدمة البيت مش بالساهل وانا خطتك كانت من البدايه انشاء شركه خاصه بيك
عشان يكون ليك ضهر
لكن انا كارمن يا عمر مهران وشركتى اصولها أكبر من شركتك الف مره ،شركتى أكبر شركه فى السوق
انت هتفضل محتاجنى يا عمر رغم كل محاولاتك الاستقلال عنى
بصى يا كارمن متخليش حربك مع احسان تخلط الأمور ببعضها ؟
ايه علاقة شركتى بمشكلتنا مع احسان ؟
اعتقد انك خبره فى السوق وعندك من الأفكار إلى تقدر تخليكى تقضى على منافس اقل منك فى الخبره والذكاء
كتمت كارمن غضبها ،رفضت ان تعترف بقصور يدها
كبريائها منعها ان تقول ان احسان ليست مثل منافسيها السابقين ،ان الى يشوف احسان يقول انها شغاله فى مجال الشركات من مية سنه اتولدت ورضعت اداره
ماشى يا عمر، انا هتخلص من احسان بطريقتى وانت خليك سلبى كعادتك
لكن لما احطم احسان متجيش تجرى ورايا عايز نصيبك من التركه
وكان عمر مهران يحفظ كارمن يعرف الشك القابع خلف كلامها، ان كارمن لا تطلب المساعده ابدا الا اذا فقدت السيطره
وكما توقع عمر ،فقدت الشركه عميل اخر، ان المؤشرات كانت خطيره رغم أنها صغيره جدا
فشركة كارمن لديها مئات العملاء لكن عمر كان ينظر لبعيد
بعيد جدا حتى انه فكر عرض شركته للبيع فى البورصه
قبل أن تتعرض للخساره لكن هاجس واحد منعه
محاولة التعاون مع احسان، لو نجح فى اقناعها ان كل ما فعله كان رغما عنه، كان بسبب كارمن
لو ان احسان تصدقه مره اخرى بعد كل خياناتة لها؟
كانت رسائله تنهال على احسان كل يوم، رسائل اعتذار
اعتذار حقيقى نابع من القلب واعتراف باخطاءء الكبرى
لكن احسان كانت وصلت لمرحلة نفسى وانا ، لم تكن مستعده ان تثق بأى رجل خاصه عمر مهران الذى وضعته على قائمة الذين ستقوم بسحقهم ببطيء واستمتاع....