رواية عودة عاشق ج4 الفصل الثالث عشر 13 بقلم منة الله الجزار
﷽
ــــــــ
عند عمر.
لقاه وائل كان الوش اللي راسمه إنه جاي يطمن على صحبه وهو جاي أصلاً شمتان فيه.
وائل.. قام حضن عمر واتكلم بتصنع الزعل.. عامل إيه يا صحبي قلبي معاك أنا مصدوم لحد دلوقتي إنه انت لبست قضية مش بتاعتك كلنا عارفينك كويس.
عمر بحزن.. الحمد لله يا وائل شكراً يا صحبي.
وائل بخبث.. مفيش شكر بين الصحاب عيب يا بني احنا مفيش بينا كده طمني عليك عامل إيه.. مفيش تطورات في القضية؟
عمر.. الحمد لله لا والله لسه اللي موقعني موقعني صح.. وكمل بشر.. بس مصيره يقع تحت إيدي ووقتها هيعرف مين هو عمر العزايزي بصحيح.
وائل بتصنع الغضب.. مين ده ابن الكلــــــــ'ــــــــــب اللي عمل فيك كده انت شاكك في حد.
عمر كان هيقول لوائل بس في حاجة سكتته.. لا مش شاكك في حد ربنا بكرة يظهر الحق ويتعرف ربنا ما بيرضاش بالظلم.
وائل.. ونعم بالله.. أنا جاي أطمن عليك كنت هاجي ليك امبارح بس معرفتش كنت في الهيئة بتاعت الصحة روحت هناك أوضح موقفك وموقف المستشفى بس هما معندين أوي.
كان بيبص عليها بشماتة.
عمر.. أنا مش هممني حد يولعو كلهم.
وائل.. شدة وتزول يا صحبي لو عاوز مني أي حاجة عنيا ليك.
عمر بهدوء.. تسلم يا صحبي.
وائل مشي وعمر رجع الحبس تاني.
ــــــــــــ
عند جليلة
جليلة بصدمة.. قولت إيه؟
جاسر بقوة.. اللي سمعتيه ما عادش غير الحريم اللي يعلوا أصواتهم على الرجالة هو مش عشان أنا كبرتك وخليتك ست البيت هنا تبقي تعلي صوتك وتجاوزي حدودك البيت ده بيت الكل مش بيتك لحالك وبعدين بطلي افترى بقى إيه هتاخدي زمنك وزمن غيرك بتفتري على بت غلبانة عشان مفكرة إن مش ليها راجل يقف ليكي لا يبقى فوقي واعرفي بتكلمي مع مين أنا قبل كده سبتك تعملي اللي انتي عاوزه فكرتي إن البيت ده ملوش كبير قبل كده طفشتي البت الغلبانة سابت ليكي البيت ومشيت ومحدش يعرف أراضيها فين ارحمي بقى وخلي رحمة ربنا تنزل.
كان كلامه كله قوة وغضب وزعيق فيها قدام الكل.
رهف بدموع.. يا بوي اهدى بس أمي ما تقصدش.
جاسر بغضب.. أمك قاصدة كل حاجة بتعملها أنا عارف أمك كويس قوي مفيش حاجة بتعدي من تحت إيد أمك.
جليلة بدموع.. كل اللي كنت عاوزاه صلاح أهل البيت ده وإن محدش يضحك عليهم.
جاسر اتفجر فيها.. صلاح إيه انتي ما عادتيش بتشوفي أهل البيت خلاص ما عادوش موجودين فيه ابنك ما صدق سافر ومش عاوز يرجع تاني لنكد والتحكمات فيه وفي حياته دي حتى البت اللي اختارها وقفتي ليه في حياته عشان مش انتي اللي اختارتيها كنتي عاوزه ليه شربات وهو قالك لا أنا عاوز مايا.. والتاني طفشتي حبيبته من البيت والتالت طردتي مراته والرابع ضيع نفسه وخرب بيته فين البيت اللي انتي بتقولي عليه ده فين عرفيني.
رهف بصدمة.. ماما انتي عملتي كل ده وبتسأليني بيتي اتخرب ليه ما كما تدين تدان.
جاسر بغضب.. شوفتي أهو بيت بنتك اللي كنتي دايماً تتفشخري بيه اتهدم فوق دماغها عشان نسيتي ربنا ونسيتي إن فيه حاجة اسمها عدالة إلهية نسيتيها العدالة الإلهية اللي بتقول كما تدين تدان شوفتي أهو ولادك كلهم اتخرب بيتهم واتخربت حياتهم خليكي بقى في البيت اللي كنتي دايماً تشوفيه وكنتي مفكرة إن الكل داخل هنا عشان يخطف منه حتة بقى هوا عليكي اشبعي بيه وورد اللي طلعت من هنا مكسو'رة حتى ما اعتقتيهاش في حالها وأهي كانت واحدة من البيت ده وأهله اللي بتتكلمي عنهم.. لو فكرتي إني هفضل ساكت ليكي بعد كده تبقي بتحلمي انتي هنا هتعيشي في البيت ده مع ولادك وأنا مش هفضل في البيت ده دقيقة واحدة البيت اللي خرجوا منه بناتي مكسو'رين ما يلزمنيش.
كان خارج بس جليلة مسكت إيده بدموع وقهر.. بالله عليك لا ما تعملش فيا كده بعد العمر ده كله أهون عليك كده ما تسبش البيت وأنا وعد مني لأصلح كل حاجة كل حاجة وحتى هروح لحسناء بلدهم دي وأرجعها تاني وهرجع ولادي بالله عليك ما تعملش كده فيا.
جاسر بجحود.. انتي اللي عملتي فينا كده يا جليلة ومش هرجعك على ذمتي تاني
جاسر نطر إيدها من إيده واتكلم بجحود.. من النهاردة قوانين البيت ده هتتغير ومحدش هيسيب البيت ويخرج منه واللي مش عاجبه كلامي يغور في داهية.
جليلة كانت مصدومة من كلامه وإن إزاي عملت كده ونسيت قلبته وإنه لما بيقلب كده مستحيل إنه يسامح.
شوق بدموع.. عمو طنط أكيد مش تقصد ده كله هي كانت بس عاوزه تحمي العيلة.
جليلة بغضب.. اتبسطتي دلوقت أديكي خربتي بيتي وخليتيه طلقني يا ريت تكوني مبسوطة انتي من يوم ما دخلتي هنا وانتي جايبة الشؤم معاكي انتي الوحيدة اللي مش مقبولة في العيلة دي بلاش جو الصعبنيات ده.
شوق بصتلها بقهر..
رهف بدموع.. كفاية بقى يا ماما كفاية خلاص ما عادش فيه رجوع من اللي بتعمليه بدل ما تصلحي الدنيا هتعكيها أكتر أرجوكي اسكتي.
جاسر بقوة.. شوق هنا مكانها محفوظ جار جوزها وده بيت جوزها برضو يعني محدش يقدر يطلعها بره البيت وحفاظاً على العيش والملح اللي بينا هتفضلي قاعدة هنا في البيت بس ملكيش حق تدخلي في أي حاجة واصل.
كايا وبلال جم.
كايا اتصدم برهف.. رهف.
رهف باستغراب.. مين انت؟
كايا اتقدم منها ووقف قدامها بدموع.. أنا كايا يا ختي.
رهف بصدمة.. كايا مين؟
كايا بدموع.. أخوك.
رهف بدموع.. بس بس كايا اتوفى إزاي انت موجود وده مش شكل كايا.
كانت بتملس على وشه بعدم تصديق.
جاسر.. هو كايا يا رهف.
كايا حضنها وهي حضنته بدموع وفضلت تبوس في إيده وهو هكذا بحب.
رهف بدموع.. وحشتني أوي يا حبيبي إيه حصل معاك وغير شكلك كده فيك إيه عرفني.
كايا بحب.. هحكيلك كل حاجة.
رهف بدموع.. فين مراد ما شوفتوش من وقت ما جيت ومازن وعمر فينهم كلهم وحشوني.
كايا بدموع.. مازن ومراد مسافرين وعمر ربنا يفك كربه.
رهف بدموع.. ماله عمر في إيه؟
بلال.. ولاد حرام اتزقوا عليه ولبسوه قضية وإن شاء الله هيطلع منها.
رهف بخوف.. طيب إزاي ده عمر عمره ما أذى حد وطول عمره في حاله لوحده.. مين دول يا رب رد كيدهم عنه يا رب في نحرهم.
الكل.. اللهم آمين.
شربات كانت مبسوطة فيهم وإن العمل شغال كويس وبيفرقهم عن بعض وفي مشاكل بينهم والدنيا و'لعة بينهم.
شربات بشر في سرها.. ولسه مش هتتهنوا طول ما أنا موجودة يا ولاد العزايزي.
ــــــــ
عند مراد
طلع فوق وبعدها بشوية اتصل عليهم إنهم يبعتوا ليه عصير عشان يعرف يفكر كويس هيوصل للطريقة إزاي يدمر بيها جاك وعيلته وياخد حقه منهم... شوية وجه العصير ليه خبط ومراد فتح والويتر دخل العصير ليه وخرج مراد قفل وراح مسك العصير وبدأ يشرب فيه ويتمشى في الأوضة وهو بيشرب وكان مغلول أوي وكمان كان بيفكر إزاي هيخلص من وش جاسيكا اللي كل شوية تنط ليه هو زهق منها وما عادش عاوز وشها تاني..
حس بإرهاق شديد أوي ومش قادر ياخد نفسه والدنيا اسودت قدام عينيه قعد على السرير وفك هدومه عشان يعرف يتنفس وبدأ يحس بأصوات جانبه وحاجات بتتحرك جانبه بدأ ينهج ووشه يحمر من عدم التنفس بشكل كافي حاول يقوم يفتح الشباك عشان ياخد نفسه بس فجأة وقع في الأرض وقفل عيونه بتعب شديد.
اتفتح الباب بتاع الأوضة ودخلت رجلين وصاحبتها وقفت وبصت عليه بانتصار..
الحساب لسه ما خلصش يا ابن العزايزي.
ــــــــــــــ
عند كيليان
حسناء أخدته على المستشفى وطلعت فون كيليان عشان ترن على جاك لقته بيرن عليه فتحت وهي بتعيط
جاك بغضب.. أين أنت أيها الوغد؟
حسناء بدموع.. جاك الحقني.
جاك برعب.. حسناء ماذا هناك؟ وأين كيليان؟
حسناء بدموع.. احنا في المستشفى وكيليان متصوب.
جاك بصدمة.. What "ماذا"
مايا كانت جانبه في العربية كان بيسوق ومروحين على البيت وكان بيرن على كيليان عشان يشتمه فجأة وقف العربية..
مايا بخوف.. في إيه؟
جاك.. حسناء انتي أين المكان؟
حسناء.. هبعتلك اللوكيشن.
جاك.. حسناً.
وقفل معاها وحسناء بعتته وجاك دور العربية ولف ومشي بسرعة.
مايا برعب.. مالها حسناء في إيه؟
جاك.. كيليان مصاب وهما في المستشفى.
مايا بصدمة.. إييييي؟
حسناء مسكت إيد كيليان اللي كان خيطوا ليه الجرح ونايم.. بدموع.. بعتذر أوي كل ده بسببي.. انت ما كنتش مضطر إنك تنقذ حياتي 🫶 أديك عرضت نفسك للخطر عشاني ميرسي أوي يا كيليان.
كيليان ما كانش لسه فاق.
ـــــــــــ
لما مايا وجاك كانوا في العربية ومروحين.
جاك بحب.. انتي الآن أميرتي.
مايا بكسوف.. ونزلت وشها في الأرض.
جاك بحب وابتسامة.. كم اشتقت لهذا اليوم ماييي كنت دايماً أرى في أحلامي وانتي عروسي أما الآن فتحقق حلمي وأصبحتي لي للأبد.
مايا بابتسامة.. الأحلام اتخلقت عشان تتحقق يا جاك.
جاك وباس إيديها.. نعم.
مايا.. بكسوف.. أمال فين البت حسناء وكيليان عشان تغير الموضوع
جاك ضحك.. سوف أتحدث مع كيليان وأرى أين هو؟
واتصل على كيليان.
ــــــــــ
عند مازن.
الشرطي.. دعوة في الحبس.
مازن اترمى في الحبس.. وفضل يزعق.. هدمرك يا حسناء مش هنهيكي على يوم واحد مش انتي اللي اختارتي تبقي تستحملي... خرجوني من هنا.
وفضل يزعق.. حسناء.
ـــــــــــ
عند وائل.
كان بيكلم نادر.. بضحك.. وما شوفتش منظره عامل إزاي وبيهدد كمان ما يعرفش إن كل اللي هو فيه بسببنا احنا هههه.
حد كان واقف بره وسمعه وويتبع....